|
|
|
 Re: الكيزان وراء هزيمة فريقي الهلال والمريخ ف (Re: عمر التاج)
|
| Quote: تكاد تعرفهم من دونهم بانهم كيزان |
الصحيح تعرفهم من دقونهم ..
ولكن يبدو ان المصحح يخاف من الكلمة فحولها دونهم
بقية التصحيحات الخطأية نعول فيها على ذكاء القارئ ..
نجي التوصيات.. وانا اقترح:
١- تكوين لجنة تفكيك ال٣٠ من يونيو فرع الاتحاد الافريقي لكرة القدم ..
ومنحه سلطات تفكيك كل الفرق العميقة ومصادرة كؤوسها السابقة لصالح خزينة السودان ..
| |
 
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: Mutasim Idris)
|
Quote: هزيمة الفريقين ولا حتى تعادل
نحن مع الدوري الاسباني والانجليزي اصبحنا ننسى
الفرق السودانية |
كيفك حبيبنا علي
الدوري السوداني اصبح في الحضيض على كل مستوياته
الرياضية والسياسية والاقتصادية والاجتماعية
وللافضل للانسان الواعي انه ما يتابعه ابدا
خاصة للمغتربين زينا كده ..
يا زول والله تتابع اخباره ساكت يجيك الضغط والسكري
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: عمر التاج)
|
حبابك معتصم
Quote: هل عندك ادني شك في انه (المخلوقات) دي كانت وراء تدهور
ااااي حاجة في السودان؟!!! |
كانت يا معتصم
اهو انت براك قلت كانت ..
وفعلا هم كانوا سبب بلاوي كتيرة وحضيض كان الشعب يعيشه
عجزوا يوفروا للمواطن العيشة الكريمة ..
الرغيفة بقوها بجنيه ، ورطل اللبن ب١٠، والبنزين ب١٢٨ والدولار ب٦٠ ..الخ
غلبتهم عديل وشبكونا انتم كفار والعملاء الشيوعيين والمتمردين سبب البلاوي
الكلام ده كان قبل اكثر من سنتين
الا انه يتكرر الان بالملي ..
والحكومة الحالية عاجزة تماما ومالاقية شماعة ترمي فيها عجزها غير الكيزان ..
فإذا انت عندك السلطة انك تغيير الكيزان وتحاكمهم بقوانينك الخاصة وما قادر توقف اذاهم
فمعناتو المشكلة فيك ..
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: عمر التاج)
|
زمان الكيزان كانوا بقولوا لينا الحالة الاقتصادية دي بسبب الحصار
نحن ما صدقناهم ..
قلنا ليهم بما انتم في السلطة فيبقى المسؤولية فوق راسكم التخين ده ..
الحصار والتمرد والجن الاحمر لو انتو ما قادرين عليه .. اتنحوا
وربنا حايجيب البقدر على مطبات السياسة ويسعد الشعب..
دارت الايام ..
وكلامنا طلع نصه صاح ..
لكن ربنا جاب لينا ناس اذلوا الشعب زيادة ..
ومرمطوا بعيشته وقيمه وتقاليده
وبعد كده نكروا الواقع ..
وقالوا الحالة الاقتصادية دي سببها الكيزان ..
وحانقول لهم نفس كلامنا للحكومة السابقة
طالما انتم في السلطة فالمسؤولية على عاتقكم تماما
واذا ماقادرين على الكيزان.. اتنحوا
ممكن ربنا يجيب البقدر على الكيزان والبرهان وحميدتي.. وبايدن زاته ..
وعليكم الله اختشوا
وبطلوا حجج وشماعات
اسه عليكم دينكم فريق يتغلب ٣ صفر والتاني يتغلب ٢ صفر في مستهل البطولة
وانتو لسه قاعدين بتنظروا؟
بالله دي حكومة يرفعوا ليها علم دي؟
| |
|
|
|
|
|
|
|
|
 Re: الكيزان وراء هزيمة فريقي الهلال والمريخ ف (Re: عمر التاج)
|
أسوأ ما في تشكيلة الفريقين هي المحترفين..
تتخيلوا لاعبين بتاعين منظمات دولية و جوازات أجنبية
دافعين فيهم بالدولار الشئ الفلاني .. عشان فرقنا تمشي لوراء
وتتلقى ٥ اهداف في يومين..
والادهى كمان جايبين مدربين ومساعدين ومستشاريين
وحتى مديرة مكتب الرئيس زافنها جاهزة من برة .ظ
وبرضو الدولار معلق فوق ال٣٧٠ والهلال والمريخ مهزومين بخمسة كخمسة أمجد فريد
طيب ما اخير تشاد .. يحكمها ابناء بلدها وواقفه تج في مكانها ..
..
انتهى البوست.. وننتظر مباراة العودة
واتمنى يحدث تغيير شامل قبل ذلك ، حتى لا تأخذ فرقنا الهزيمة رايح وجاي ..
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: عمر التاج)
|
كتب عمر العوقة Quote:
الكيزان وراء هزيمة فريقي الهلال والمريخ
. |
أيوة وراها ما وراها شنو يا اطيرش ؟؟
لما يعينوا ادارات نزلت بالباراشوت من فضاء
العدم عشان تحكم وتتحكم في المؤسسات الرياضية
بلا فكرة ولا خبرة يبقي كدا دمروا الحركة الرياضية
وأفسدوا المؤسسية التى تعتمد عليها الرياضة لتتطور
وتنهض بابعادهم وتشريدهم للخبراء والفنيين الذين مارسوها
وخبروا دروبها وكواليسها ليمكنوا كوادرهم في ما يسمي
بالتمكين والنتيجة رياضة كسيحة مريضة لا تقوى على
المنافسة في المحافل الخارجية بمختلف الألعاب .
الكيزان وراء هزيمة الهلال والمريخ وكل منتم
للرياضة لأنهم اتاحوا لخنفشاري مثلك أن يتكلم عنها
وينظر فيها ويحلل فشلها وهو أجهل من مشى على رجلين و كل رأس مالو
السب والشتم والصعلكة والتحاوى بالقبيلة والسخرية
من خلق الله مستعينا بأردأ واتفه أخلاق عرفها البشر .
الكيزان أفسدوا كل شىء والدليل اطيرش زيك كدا يدافع
عنهم .
...............
ايه الوهم الأنت فيهو دا يا أطرش باشا .. ؟؟
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: طلحة عبدالله)
|
مرحبا طلحة الفاشل ..
حباب طلتك البهية
و كلامك الدراب ده هو خير مثال لمشكلة البلد ..
وطبعا انت ككاتب رياضي سابق اكيد كنت جزء من العملية الرياضية والفشل الاتعرضت عليه ..
لكن نحن ياسيد طلخة بنتكلم الان عن اليوم وليس تاريخ الكيزان الاسود ..
نحن بنتكلم عن هزائم وفشل خلال هذا الاسبوع ..
فأنت كدولة ديمقراطية فاشلة مسيطر على الرياضة في البلد لاكثر من سنتين عملت فيها شنو؟
ونتيجة جهودك الفاشلة انعكست في ياتو مجال رياضي؟
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: عمر التاج)
|
Quote: وطبعا انت ككاتب رياضي سابق اكيد كنت جزء من العملية الرياضية والفشل الاتعرضت عليه ..
|
كضبا كاضب يا عبييط
الكيزان ما أدونا فرصة عشان نطرح أفكارنا زاحمونا وطردونا
بالبارد بزجهم لكل من هب ودب في أية مهنة بما في ذلك الصحافة الرياضية
ولما شفت أنا ونفر آخرون انو الحكاية بقت طلق ساي زي
المنبر الأتاح ليك تهرف فيهو دا .. شلنا بقجنا وهجينا من البلد
إلى يومي هذا .
نوعيتك دي يا اطيرش ما وليدة الزمانكان الهسة دا
منذ فجر اليوم المشؤوم اللى حكموا فيهو الكيزان
يتناسلون ويتناسلون حتى أصبحوا في كل شبر وجخنون
عملوا فيها صحافيين واعلاميين ودكاترة ومهندسين وحتى
رواد فضاء .. كدا ساي بس، عشان كدا هسة أنا ما مستغرب
تواجدك هنا وما ح استغرب انتشارك في الأسافير تهرج
وتهرف وتكورك وتنظر في أية حاجة، تاريخ، أديان، قبائل، علم نفس
طب الخ الخ الخ أية حاجة
ولو غلبوك وعروك بالحجة تقعد تشتم وتغمز وتلمز .
....................
طلة بهية في عينك ..
طلتي البهية أنت قابلتها بقلة أدب وصفاقة غير محتملة
ما احترمت صبري وتعاملي المؤدب معاك.
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: طلحة عبدالله)
|
| Quote: الكيزان ما أدونا فرصة عشان نطرح أفكارنا زاحمونا وطردونا |
يا سيد طلحة الكيزان ديل ماضي تليد .. سنتين وهم خارج المشهد تماما .. ودي الحقيقة الماقارين تتعايشوا معها وحاتظل مخفية عنكم حتى بعد ال١٠ سنوات بتاعة الانتقالية ..
الان انت في السلطة لعامين ، والسنتين دي فترة كافية جدا عشان الحكومة تظهر بصمتها في كل شئ ..
وانت سنتين ما عندك انتاج غير الكيزان عملوا والكيزان تركوا..
وده دليل كامل على فشلك في الشغل أو في حسم الكيزان
ودليل اكبر على كذبك الصراح ..
قلت الفترة الانتقالية ٣٩ شهر وظللت تمددها كل عام..
قلت ستهيئ البلاد لانتخابات حرة وانت كلام عن الانتخابات ماقادر تتكلم
قلت عندنا خبراء حاينشلوا البلد وجيت غطست حجرها خلال سنتين
نحن ياسيد طلحة بنتكلم عن الواقع وليس الماضي ..
والسودان ده قسما بالله لو ادارته جهة نزيهة بدون فساد ولا اخطاء ..
واتفرغت لإدارة موارده بوطنيه وكفاءة واخلاص ..
قسما بالله مارجع للوراء شبر ، وانتاجه يعم العالم..
لكنه زمن الهوانات والعملاء وعهد الاستعمار الغربي والاحقاد السياسية
أما إذا جاريناك في كلامك ورجعنا للزمن الكعب ..
فالكيزان ما ضايقوك لوحدك .. واكيد ما استهدفوك من اجل ذكاءك الفطري ونشاطك السياسي
لانه استاذ فيصل شخصيا كان بيتكلم في تلفزيون الكيزان وبستضيفوه عشان يطرح رؤاه ..
واذا في زول يفترض يشكي فهو انا .. اتعرضت للمضايقة حتى تركت البلد
والفرص الوجدتها انت في اي محفل انا الساكت عن شيطان الكيزان ما نلتها ..
تقدر تقول لي كتبت كم مقال في صحيفة حكومية؟
تقدر تقول لي استضافوك كم مرة في تلفاز او اذاعة؟
اذا كان حظك مقال واحد فقط فانت محظوظ لانه انا القدامك ده
ما حصل عبرت عن رأي في صحف الانقاذ او اعلامها ولو في حديث في تخصصي ..
يبقى اليفترض يكورك ويلوم منو؟
انت تعيط وحمدوك يعيط .. وكانوا عايزين يجيبوه وزير مالية ..
بينما نحن عبرنا مرحلة الماضي وما بنعاين الا الحاضر والمستقبل ..
الكيزان فسدوا واكلوا دي بقت ما مسؤوليتي ..
دي مسؤولية حكومة قائمة بوزرائها وقضائها ولجانها المتخصصة..
اما مسؤوليتي اتابع اداء الحكومة الحالية وانصحها .. وان ابت النصح
اعارضها بكل ما املك حتى تغير منهجها او تتغير
..
أما حديثك عن العمل واللمز والشتم فهو مردود عليك تماما ..
صحيح انا ما بسكت لزول يشتمتي ، وحتى لو كان زول محترم وشتمني بحق مابخليه ..
عندي بوست اسمه خوازيق المنبر .. اتفشيت في مجموعة معينة لانهم استهدفوني وقت تم ايقافي
وما وجدت فرصة لرد اعتداءهم غير دي ..
اعترف ولاول مرة ان البوست كان مجرد رد اساءة لأناس بعضهم احترمه واقدره ..
وعلى العموم في اي بوست ما متعود ابدأ بالشتم والسب ..
والبوست ده مثال .. شوف أول مداخلتك كانت شنو ..
وممكن نذكرك ..
Quote: كتب عمر العوقة
أيوة وراها ما وراها شنو يا اطيرش ؟؟
كضبا كاضب يا عبييط |
ردمتني الردم ده كله وانا ما زدت على ان رديت شتمك بكلمة فاشل ..
وحتى صفة الفشل ما وجهتها ليك شخصيا بل لكونك واحد من جماعة فاشلين
شفت كيف ان طيب وغلبان ؟
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: صديق مهدى على)
|
شفت اسه صديق البهيمة ده شتمني وسب لي وحتى فوق راسي عبء السنين ..
وانا ولا شغال بشتيمته .. حا ارد عليه لكل تهذيب واقول ..
انا كان خجلت للانقاذ فشلها ٣٠ سنة.. انت بتخجل بتخجل للحكومة دي السنتين العملتهم في البلد ولا الخجل ما ادوكم ليه؟
وانا اخجل الانقاذ ليه؟
مش انت الحكومة ويفترض تحاكم فساد الانقاذ؟
مش عندك سجون وقضاء وبوليس ونائب عام عينتوهم بمعرفتكم
مش عندك لجنة اديب ولجنة مناع ولجنة اغتيال حمدوك وكلهن بصرفن مرتبات على حسابي انا .. طيب اخجل ليه للكيزان
مش عندك رئيس مجلس وزراء وولاة مدنيين ووزراء ووزراء دولة
وامن خاص واجهزة تأمين بشرية ولجان مقاومة جهرية وسرية واعلام موازي وجداد الكتروني بيصرف بالدولار
مش عندك ديل كلهم وفصلك بقى اكبر من فشل الكيزان .. طيب ليه ما تخجل انت الاول؟
| |
|
|
|
|
|
|
|
|
|
Re: الكيزان وراء هزيمة فريقي الهلال والمريخ ف (Re: صديق مهدى على)
|
عمر ركز معاي
عوقة دي رديت ليك بيها الشتيمة في ( طلخة)
المفردة دي ( طلخة) كتبتها أنت في البوست تلات مرات
والمرات التلات قلت ليك يا عمر ما تقول لي طلخة لأنو
الكلمة دي شتيمة وفسرتها ليك من قاموس المعاني حتى
أنت قلت لي ما قاصد والنقطة في الحاء دي جات غلط ساي
أو ما شابه وقلت ليك ولا يهمك يا عمر وتاني جيت كررتها
وقلت ليك تااااااااااااااني يا عمر ما تشتمني عشان أنا ما قاعد اشتمك
وقلت لي للمرة التانية ما قاصد ( راجع البوست) والمرة التالتة
لما كتبتها لي أنا عملت منها نائم وأظن دا اللى شجعك تكررا
لي مع سبق الاصرار والترصد والاستفزاز خصوصا لما
قلت حرف ( الحاء) ما عندي في الكيبورد مع أنك كاتب الحرف
دا تلات مرات ودا دليل واضح أنك قاصد تشتم مع الاستفزاز كمان
أها بعد دا كلو تقول لي أنت بديت وردمتني ؟؟؟
أنا رديت ليك شتيمك ما أكتر ودا ديدني في المنبر دا وفي
أي منبر .. أنا زول بخاف من المشاكل يا عمر عشان كدا
بكون حريص جدا انو اتجنبها بقدر الامكان لكن لو أقحمت
فيها فحقي ما بخليهو والكبير عندي الله الخلقني .
....................
أسمع
1- كونك تصفني بالفاشل دي ما بعتبرا شتيمة يا زول فهي
عندي وجهة نظرك فيني ..
2- أنا قلت الكيزان اقحموا ناس بلا أي مؤهلات في مهنة الصحافة
فضايقوني تلقائيا لأنو بقوا محسوبين على الصحافة بكل مثالبهم
وأصبح الناس يشيرون إلى أي صحفي باعتباره كوز وينظرون
له بنظرة فيها من الاحتقار الكثير .. عشان كدا أنا فريت بمهنتي.
| |
|
|
|
|
|
|
| |
عمر التاج
علي عبدالوهاب عثمان
Mutasim Idris
طلحة عبدالله
صديق مهدى على
فيس بوك
تويتر
انستقرام
يوتيوب
بنتيريست