|
|
|
 Re: بلوهم بل !! (Re: عبدالحفيظ ابوسن)
|
سلام عليكم عبدالحفيظ
اسمح لى اختلف معاك فالكيزان -الفكر والتنظيم بامتدادو الدولى - حاله استثنائيه مفروض نتعامل معها خارج اطار مفهوم ازدواجيه المعايير فالكيزان تنظيم خطر حربائى متحول يستبق الاخرين بخطوات غالبا ومازال العالم عاجز عن مواجهته كما يجب والنتيجه انو رضح واصبح يتعامل معهم مما سمح لهذه الكارثه بالتمدد وترسيخ اقدامها . شخصيا لةر بعض الزواجر الدينيه والاخلاقيه لناديت بوجوب معاملتهم بمثل بتاع جنى الدابى.
الكيزان تنظيم ماكر يتحسب لكل شىء فهو فى الحكم فة المعارضه السياسيه والمسلحه بين التطرف والاعتدال والسودان مثال قطرى (بضم القاف) الكيزان بعد مسرحيه المفاصله لتامين التنظيم بقو حكومه ومعارضه بل وخرج بعضهم معارضه مسلحه وحبريل وعشر وابو قرده من ابرز الامثله ودا كلو تحسيا لحدوث متغيرات دوليه او افليميه يتحسب لها الكيزان بالتواجد ضمن معادله الحكم فى كل الاحيان والان شاركو كمعارضه فى الثوره وشاركو فى الاعتصام وكونو جبهه وقالو نحنا شركاء فى الثوره زينا زيكم زوعسكر مثلو القوه والظهر لفرض مسارات على الثوره وحضور المعارضه المسلحه ضمن المعادله لتقود الوجود الحزبى للوجه الجديد للتنظيم قى الانتخابات والحكم .
الفليم دا كلو بيحصل ونحنا بنتفرج وعرافين دا مكر وخدعه واحساس الاحباط واياس من سرقه الثوره وعوده الجماعه بوجه منقح جدي للحكم رغم انف الشعب ومجرد ما وصلو للحكم عبر الصندوق (كيف وصلو والاساليب المستخدمه حلال الانتخابات دا موضوع براهو) مجرد الصعود على صهوه الحكم الناي تقنع من تداول سلمى للسلطه رغم وجود مظاهر ديمقراطيخ ديكوريه وتركيا اقرب مثال
دى يحلوها كيف والكيزانسرقو الثوره وشديدين شده الحرامى السرق التلفزيون وقت المسلسل
تحياتى
| |
 
|
|
|
|
|
|
|
 Re: بلوهم بل !! (Re: Asim Ali)
|
| Quote: لناديت بوجوب معاملتهم بمثل بتاع جنى الدابى. |
تااااانى
جنى الشايقي بقى مثل تسير به الركبان
حقيقة فاقعة و واقعة ... وجوب التخلّص من جنى الشايقية
لامن يعدموا نفّاخ النار
يعنى التخلّص من الكوز مافى طريقة ليهو الا بكتل جنى الشايقي
حولااااااا
| |
|
|
|
|
|
|
|
|
|
Re: بلوهم بل !! (Re: جلالدونا)
|
هسى ياجلال مالقيت فى كلامى شىء تعلق عليهو الا دى ؟
بعدين علاقه الشايقى شنو بالكوز بدون فرز
الكوز اى وخميره فتنه وعكننه واى مشكله فى زمننا دا ابحث عن الكوز بدل كلام نابليون ( ابحث عن المراه )المراه ذاتها بقت اكثر ضحيه الكوز
| |
|
|
|
|
|
|
|
|
|
Re: بلوهم بل !! (Re: Asim Ali)
|
| Quote: هسى ياجلال مالقيت فى كلامى شىء تعلق عليهو الا دى ؟ |
كيف يا عاصم ما امسك فىها
مثل يدعو لى كتل جناى مقارنة مع جنى الدابى
و لامن تقوم تشيلو و تطبّقوا فى الكوز
معناتا شنو دى
عموما لا عليك
وانسى يا صاحب
| |
|
|
|
|
|
|
|
|
|
Re: بلوهم بل !! (Re: جلالدونا)
|
مرحب عاصم
عندنا واقع محدد يفترض نتعامل معاهو
ولكى تبني دولة مدنية يجب ان نبنيها كما يكون ونبداها صاح
ضيعنا اللحظة الثورية البتسمح بالمحاكم الثورية ودايرين نبدا دولة القانون
اذا نتعامل وفق القانون
تجاوز القانون ماحيكون موجه فقط للكيزان ممكن يستخدم ضد الثوار زاتو . ونعيد عهد المكارثية وحرق الساحرات من جديد
عندنا كيزان ولو داير اعقد ليك المشهد ممكن اقول ليك اقبض الكيزان الموجودين في قيادة الحكومة اول القدام والجدد
وبالجمبة كدة مثل الدابى عنصرى جدا . وهو معروف في الذاكرة الشعبية لاتذكر بدايته والا الزول يتمو براهو
وهو موجه تجاه مجموعة محددة جدا ومافي مقارنة بينو وبين المثل الفرنسي ودلالاتو
| |
|
|
|
|
|
|
|
|
|
Re: بلوهم بل !! (Re: عبدالحفيظ ابوسن)
|
ثوره مكبله -بفعل وصايه لجنه مفروضه عليها- من اول لحظاتها لم تحصل على شرعيتها الثوريه برؤيه واضحه تؤسس لتغيير حقيقى وعداله ناجزه.ومازلنا فى انتظاراللحظه الثوريه الحقيقيه التى تغسل الثوره من ادران النظام البائد العالقه بجسدها.
*كما خرجنا بالمثل الفرنسى من ضيق -قد يحسبه البعض ايضا فى زماننا تحيز جندرى- يكون الخروج بالمثل من دلالتو اللفظيه المباشره -كما لجميع الامثال كامثال- الى دلاله اوسع -تستهدف وضح حد فاصل بيننا وبين جماعه فئه باغيه باسم الدين - تطلب خطوط فاصله واضحه عند تطبيق الشرعيه
الثوريه وطلب العداله دون رده او رافه .
| |
|
|
|
|
|
|
|
|
|
Re: بلوهم بل !! (Re: Asim Ali)
|
ياعاصم حدث تباطوء مقصود في التوقيت الثورى
الشرعية الثورية
اضف لذلك ايضا حدث اهمال مقصود لقانون تفكيك الحكم السابق ومنسوبيه كحظر النشاط السياسي
الثورة لم تخمد ويجب محاسبة كل المجرمين ولكن وفق القانون
كلنا لاحظنا الاعتقال ثم اطلاق السراح . ليه ؟ لعدم تقديم قضية مكتملة الاركان
لا تصالح مع سرق ونهب وقتل ولا افلات من العقاب
الاحساس الشخصي بالغبن لايشكل جريمة
معرفتنا بالمجرم دون دليل لا يشكل قضية
محكومين حاليا بوثيقة معطوبة وقانون جنائى
الاعتقال التحفظي يهدر الحق الدستوري
يا عاصم اخوي ماهو اول سكة في تجاوز العنصرية هو ترك التلفظ والاستشهاد بما يحيها
ان لم نحاربها اولا بعدم تلفظنا بها ولو هازلين لن نتخلص منها
| |
|
|
|
|
|
|
|
|
|
Re: بلوهم بل !! (Re: عبدالحفيظ ابوسن)
|
أمس بتونس مع صاحبي شغال في مؤسسة كبيرة زهجان من لجنة إزالة التمكين في مؤسستهم قال شغالين شغل شخصي .. تصفية خلافات وممكن يشيلوا زول عشان بس طمعانين في منصبه
أثناء الكلام جاب لي سيرة زول أنا بعرفه كويس قبل ما يكمل كلامه قلت ليه الدباب بتاع الاسلامية كادر العنف الطلابي دة يحمد الله إنها جات على الإقالة لأنه مكانه المعتقل
قعد يضحك قال والله انت راجل طيب خلاص ياخي أنا بتشكى ليك ساعتين ولسة ما فهمت إنه دة رئيس لجنة إزالة التمكين !!!
أي والله الكوز بتاع اتحاد الطلاب العدى الجامعة كلها شايل السيخ واتعين وهو في الجنوب لا معاينات لا شغل هسة ماسك لجنة إزالة التمكين وشغال فيها القرف
أدوهم الضو الأخضر وقولوا ليهم بلو أي زول ضد الثورة وخلو نوع كوز الجامعة الاسلامية دة يوريكم البل الجد
________
من الآخر كدة أي حاجة خارج نطاق القانون لو نفعتك هسة بتضرك يوم لا ينفع الندم على مقتل الثور الأبيض
| |
|
|
|
|
|
|
|
|
|
Re: بلوهم بل !! (Re: أحمد محمد عمر)
|
| Quote: الاعتقال التحفظي يهدر الحق الدستوري |
هلا يا قريبك اذا بتقصد بالاعتقال التحفظي ما يجري حاليا, فا لدقة هو ليس اعتقالا تحفظيا بل وليس اعتقالا حتى!
الاعتقال التحفظى اتلغى من القانون السوداني بتغيير قانون و تسمية جهاز الامن و المخابرات
ما يجري حاليا بلاغات عادية تفتحها لجنة ازالة التمكين كشاكي و فروعها بالولايات بموجب عرائض تقدمها للنيابة و قرار توجيه الاتهام و الضبط و الاحضار قرار النيابة فقط لا ينازعها فيه أحد!
| |
|
|
|
|
|
|
|
|
Re: بلوهم بل !! (Re: محمد البشرى الخضر)
|
فعلا يا احمد اياهو كدة
يا ودو ما تحفظو كيف اصدار اوامر لاعتقال العضوية
دة تخدير للشعب وكسب تصفيق
حتقبضو وتدخلو حراسة وتكتشف انو ماعندك قضية وتطلق سراحو
| |
|
|
|
|
|
|
| |
عبدالحفيظ ابوسن
Asim Ali
جلالدونا
محمد حمزة الحسين
محمد البشرى الخضر
فيس بوك
تويتر
انستقرام
يوتيوب
بنتيريست