|
Re: ما بين GOP و QOP (Re: جلالدونا)
|
الحزب سقط فى فخ حفروا براهو النائبة الجمهورية ليزا ديك شينى فى مجلس النواب صوتت لصالح عزل و محاكمة ترامب هاج النواب الجمهوريون و طالبوا بمعاقبتها و سحبها من كل اللجان الدستورية بل طالب اخرون بسحب اسمها من قياديات الحزب و اخرون باسقاط عضويتها من الحزب و اليوم اخضعوها للتصويت من قبل النواب الجمهوريين لمعاقبتها لكن التصويت اقر بعدم تجريمها و بقائها فى كل وظائفها النيابيةو كقيادية كمان
| |
|
|
|
|
|
|
Re: ما بين GOP و QOP (Re: يحي قباني)
|
أسمع إنتا في ضهاري أمريكا زاقلنك في ركن صحراء طويله وعريضه ... بتتكلم كأنك من أولاد واشنطن ... شنو GOP و QOP ... هسي دي ناس ضهاري الخرطوم وضهاري شرق السعودية (حيدر الزين مثال) حا يقرو العنوان ويعملوا مرور طوالي لي حاجه غيرو ... حتى المداخلة الأولى المفروض تشرح فيها عنوانك افترضت كل جمهور سودانيز امركان وخشيت في التفاصيل من النص ... شوف انا متابع ممتاز لي ال CNN ومطلع على مشكلة بت ديك تشيني والتانية بت قريني ... GOP = Grand Old Party بس QOP دي غلبتني ممكن تورينا بتعني شنو؟
| |
|
|
|
|
|
|
Re: ما بين GOP و QOP (Re: Salah Zubeir)
|
Q من Qanon يا صلاح ..
نظرية المؤامرة المتخلفة لبعض الجمهوريين .. انو الديموقراط عندهم عمل تحت الارض و بياكلوا الاطفال ..بعد ما يغتصبوهم .. شي فوق الخيال من الغباء ..
| |
|
|
|
|
|
|
Re: ما بين GOP و QOP (Re: يحي قباني)
|
والله يا يحي بارك الله فيك ... شرحتها لي وليهو ... إلا بس Qanon استعملتا ال CNN لوصف عصابات البيض الجمهوريين الاقتحمو مبنى الكابتول في ٦ يناير ... أظنها توصيف قديم للديمقراطيين ...
Quote: كيو أنون نظرية مؤامرة من ابتداع اليمين الأمريكي المتطرّف تتناول بالتفصيل خطّة سرية مزعومة لما يُسمّى «الدولة العميقة في الولايات المتحدة» ضدّ الرئيس الأمريكي دونالد ترامب وأنصاره. ... أُطلق على معتنقي هذه النظرية وصف «طائفة مهووسة بالمؤامرات» و«بعض أنصار ترامب الأكثر غرابة على الإنترنت» |
| |
|
|
|
|
|
|
Re: ما بين GOP و QOP (Re: Salah Zubeir)
|
الغريبه يا صلاح الزبير الأولاد ديل مثقفين و بثقفونا ...
لمن الظروف تأتي بهم لهذه البلدا يتركونه جميعاً وراء ظهورهم ... (ويجو يعوسو معانا زي عواستنا دي وأكعب منها كمان ...)
| |
|
|
|
|
|
|
Re: ما بين GOP و QOP (Re: جلالدونا)
|
تعرف يا صلاح زبير اريزونا دى من اجمل ولايات امريكا فيها شتاء دافى زى الربيع عشان كده العالم كلو بتلقاهو فيها سلسة جبال روكى ممتدة فيها و ماخدة نص مساحتها عشان كده عادى فوق السلسلة دى بتلقى الجليد الشى التانى ناس المعاشات __ السنير سيتيزن __ بيفضلو قضاء باقى العمر فى اريزونا ديل بانين ليهم مدينتين عديل كده صن سيتى ___ sun city__ مدينة الشمس و دى شيخنا سيد الحوِش ده ساكن جنبها و شويتين كده ح يسكن جوّاها و صن ليك ___ sun lake___ بحيرة الشمس و برضو ناس الاكتئاب و المرضى النفسيون ينصحهم الاطباء بالعيش فى اريزونا طلبا للراحة و الهدوء الولاية يا ولدنا فى طريقها عشان تكون اغنى ولايات امريكا من السياحة بس على ايام اوباما حدث اشهر و اعنف قفل للحكومة shut down شمل حتى صرف المرتبات للعاملين فى الحكومة الفيدرالية اريزونا الولاية الوحيدة التى طلبت من موظفي الحكومة الفدرالية الاستمرار فى العمل و التكفّل بى مرتباتهم دى ولاية الوادى و الجبل تقول لي صحرا صحراء انتا ياخ ذكرتنى زول عزيز علينا تقول ليهو ناكل فول يقول ليك فول انتا ياخ نمشى السينما يقول سينما انتا ياخ و انت راجع جيب معاك تلج يقول ليك تلج انتا ياخ لحدى ما يوم زميلين و زميلتين جوهو فى البيت لزوم قراية اخر السنة و الامتحانات فى موضوع الغداء شنو واحدة اقترحت ملاح شرموط تصدّق لتخا ليها طوالى قالوا البت لا يوم الليلى ما اكلت ملاح شرموط
| |
|
|
|
|
|
|
Re: ما بين GOP و QOP (Re: جلالدونا)
|
مرحب صلاح QAnon هي مجموعة من مواهيم نظرية المؤامرة وبيأمنوا انه ترمب بيخوض حرب ضد عبدة الشيطان والعيالاتية ( البيدوفيليا) وانه حيسجن هيلاري كلينتون وسيتم إعدامها وأصل الاسم في ٢٠١٧ كان في شخص مجهول وبيستخدم اسم المعرف Q ويدعي انه الحرف هو درجة التصريح الأمني الخاص به في الحكومة الامريكية وهو البدا النظرية الوهمية دي
| |
|
|
|
|
|
|
Re: ما بين GOP و QOP (Re: Abureesh)
|
زى ما قالوا ليك الاستاذان قبّانى و منتصر نظرية المؤامرة فى عز هجمة الجمهوريين على النائبة ليزا جوهم الديموقراط بى تصريحات و مواقف النائبة الجمهورية مارجورى تايلور غرين الزولة دى قالت الهجوم على البنتاجون مؤامرة موجة اطلاق النار التى طالت المدارس و الجامعات مؤامرة فوز بايدن مؤامرة و وقفت بجانب ترامب فى كل فعايلو و مصايبو العملا و طالبوا بى محاسبتا يمين الله خلو ليك الجمهوريين ديل كراع فى الخرطوم و كراع فى مدنى و يا بخت ناس منو كده ما عارف المهم اليومين الفاتو ديل الجمهوريين صمتو صمت القبور و امس صوّت نواب الحزب بعدم محاسبة ليزا
| |
|
|
|
|
|
|
Re: ما بين GOP و QOP (Re: Ahmed Yassin)
|
و بعد قليل سيبدا التصويت فى موضوع مارجوري غرين و احتمال اسقاط عضويتها وارد خاصة و انو هناك كلام مسنود بعضويتها فى منظمة كيو انون _____ Quote: الغريبه يا صلاح الزبير الأولاد ديل مثقفين و بثقفونا ... |
يا ود الحسين ما تبلانى بى تهمة ياخ ياخى انا الخلوة تميتا بعد تلتلة و حراق روح قال مثقف قال مثقف انت ياخ
| |
|
|
|
|
|
|
Re: ما بين GOP و QOP (Re: جلالدونا)
|
Quote: احتمال اسقاط عضويتها |
شكلك خريج خلوه وشغال مع الأمريكان ديل بالإشارة ... في زول منتخب بيسقطو عضويتو؟ الناس الانتخبوها هم الوحيدين وليس غيرهم من يستطيع إسقاط عضويتها من الكونغرس ... الجمهوريين الفي الكونغرس كل مايستطيعونه هو اعفاءها من عضوية لجان الكونغرس التي تتولاها من حصة الحزب ... لكن تظل عضو كونقرس الي أن تنتهي مدتها ... والله يا محمد حمزة انا ما عارف جبتا حكاية مثقفين دي من وين ... إذا بتقصد ود المدير أي نعم دا شبعان ثقافة وقنينيبه تتحدث عنه ... لكن زولي دا اباطو والنجم ...
| |
|
|
|
|
|
|
Re: ما بين GOP و QOP (Re: Salah Zubeir)
|
شكلي كده ح اشتغل مثقفاتى بالغصب هاك اقرا يا صلاح زبير _____ Article 1, section 5, clause 2
The Constitution grants the House broad power to discipline its Members for acts that range from criminal misconduct to violations of internal House Rules While the constitutional authority to punish a Member who engages “disorderly Behaviour” is intended, in part, as an instrument of individual rebuke, it serves principally to protect the reputation of the institution and to preserve the dignity of its proceedings.
Over the decades, several forms of discipline have evolved in the House. The most severe type of punishment is expulsion from the House, which is followed by censure, and finally reprimand. Expulsion, as mandated in the Constitution, requires a two-thirds majority vote Censure and reprimand, which evolved through House precedent and practice , are imposed by a simple majority of the full House _____ اسمع لو محتاج لى ترجمة فى خدمتك
| |
|
|
|
|
|
|
Re: ما بين GOP و QOP (Re: جلالدونا)
|
the House is set to vote Thursday on removing her from her two committee assignments: The Committee on Education and Labor and the House Budget Committee. Democrats say they are forced to act since Republicans have refused to penalize Greene for her past statements.
| |
|
|
|
|
|
|
Re: ما بين GOP و QOP (Re: muntasir)
|
Quote: العيالاتية ( البيدوفيليا) |
الإريرا دا و لا بخجل ..... معانا شفع هنا .... بعدين الخارج القوس ما نفس معنى الداخل القوس .... قوم لف ....
| |
|
|
|
|
|
|
Re: ما بين GOP و QOP (Re: ABUHUSSEIN)
|
Quote: Atif Omer Mohamed Ali اسمع لو محتاج لى ترجمة فى خدمتك ___
المشكلة ما في الترجمة وبس! المشكلة لو صح كلامك الضحك بشرط كمال عباس وجوقة الجمهوريين والشيوعيين القالوا بعدم (ديموقراطية) طرد نواب الحزب الشيوعي!
قصتك دي يا جلال شبيهة بفضيحة تطبيق القانون RETROACTIVELY العملوها الامريكان في بني السودان ! والله صحي!!
برضو هدمت للجمهوريين السودانيين مناحتهم بعدم قانونية محاكمة محمودهم من ناحية إجرائية!! هههههههههههههههههههههههههههههههههههه
كمال عباس كدا ما (اتشرششح) معاكم!! |
يا عاطف ما تلخبت بين الحاجات ياخ المادة هنا تتحدّث عن اذا قام عضو المجلس بسلوك سيئ او ينتهك لوائح المجلس الداخلية نواب الحزب الشيوعي تم طردهم بفعل لم يقوم به احد منهم و الاختلاف على اعتقد واضح ____ بالنسبة للجمهوريين و محاكمة الاستاذ هم اقدر على الرد منّى عشان كده بدعوهم للرد على مداخلتك
| |
|
|
|
|
|
|
Re: ما بين GOP و QOP (Re: muntasir)
|
يا أخينا... بت قرين عندها (أراء سياسية) لا ترقى حتى لي إنها تكون جريمة تعرضها للشجب والاستنكار من المجلس ... ال expulsion دا اخر علاج بعد ارتكاب جرايم تمس شرف وسمعة الكونقرس وتمر بي عدة عقوبات عشان تصل للطرد ... وعشان إسقاط عضوية الكونقرس محتاج اصوات تلتين المجلس ولم يحصل ذلك في تاريخ المجلس ... والحا يتم اليوم هو التصويت لاعفاءها من عضوية لجنتين زي ما وضح ليك حبيبنا منتصر وسوف تظل عضو كونقرس ... إنتا خريج خلوة اليسار عشان كدا يصعب عليك فهم شنو يعني النظام الديمقراطي وشنو يعني عضو كونقرس منتخب من ناخبين ... 🤪🤪🤪🤪🤪
| |
|
|
|
|
|
|
Re: ما بين GOP و QOP (Re: Salah Zubeir)
|
لا حولاااااا خد !!!! مثقف جابت ليها يسار كمان بعدين كويس يا صلاح انك بلعت كلامك الفوق و اقريت ب؛ق المجلس فى عزل النائب نهائيا من عضويتو نمش قدّام شوية غرين يا صاحب دافعت عن الشى الحصل فى يوم 6/1/2021 كويس و اعلنت تأيدها لك ما فعلة ترام فى ايامو الاخيرة من رئاستو الشى الاهم عضويتا فى QAnon و الان المنظمة تعتبر ارهابية ف دى لو حصلت الرماد كال منتصر و كالك ما يهم موقف الحزب الجمهوري فى القضيتين و بى سبب الموقف ده حيخسر كتبر بالمناسبة ناجر QOP صاحبك دان ليمون و طال ماك متابع ال CNN بتكون عارف سلاطة لسانو
| |
|
|
|
|
|
|
Re: ما بين GOP و QOP (Re: جلالدونا)
|
Quote: بعدين كويس يا صلاح انك بلعت كلامك الفوق و اقريت بحق المجلس فى عزل النائب نهائيا من عضويتو |
حق المجلس كقانون ودستور موجود منذ قيام المجلس قبل (٢٠٠ سنة) ولكن لم يفعل طوال هذه المدة لأنو طريق تطبيق هذا القانون وعر جدا ثم الأغلبية التي سوف تتحكم في تنفيذ القانون ليست دايمه لحزب واحد ... أمس ١١ جمهوري فقط من مجموع ٢١٢ وافقوا على طرد قرين من اللجان حيث تم تجريدها من عضوية اللجان بفضل الأغلبية الديمقراطية الميكانيكية ٢٢٢ ... زعيم الأقلية الجمهورية حذر الديمقراطيين من هذا الطريق ... غرين أنكرت كل الاتهامات ولم تنكر تأييدها طرمبه الأيدوهو اكتر من ٧٥ مليون أمريكي في الانتخابات قبل شهرين فقط ...
Quote: غرين يا صاحب دافعت عن الشى الحصل فى يوم 6/1/2021 كويس و اعلنت تأيدها لك ما فعلة ترام فى ايامو الاخيرة من رئاستو |
في ٧٥ مليون امريكي زي غرين حا يعملو معاهم شنو؟
Quote: الشى الاهم عضويتا فى QAnon و الان المنظمة تعتبر ارهابية |
دا طلس واتهامات عامة متبادلة ...
| |
|
|
|
|
|
|
Re: ما بين GOP و QOP (Re: Salah Zubeir)
|
جلالدونا بوست اوسكار وشكرا ،،وشكرا برضه لضيوفك فقد امدونا بمعلومات كانت بالنسبة لينا زي الالغاز لمن نسمعها في السي ان ان... بوست اوسكار لاننا عرفنا معلومات كثيرة كانت غائبة عننا....
اما حكاية اريزونا وان فيها شمس وجوها سخن حتى اننا سمعنا اشاعة ان فيها مزارع نخيل....لييه كمان ما تشكروا السودان ،ففي السودان شمس وسخانة وفيها نخيل....
| |
|
|
|
|
|
|
Re: ما بين GOP و QOP (Re: Hassan Farah)
|
شكر عميق لكل المشاركين غدا التصويت فى محاكمة ترامب الحرب الجمهوري الامريكى و حذاء الطنبوري فردتين الحذاء الاتنين يمين اها يلبسن كيف _____ المقصد البعيد للمحاكمة ... محاكمة تاريخية لمواقف شيوخ الحزب الجمهوري بناء على موقفه من يمينية ترامب المتطرفة
| |
|
|
|
|
|
|
Re: ما بين GOP و QOP (Re: جلالدونا)
|
اعتقد ان الأمريكان أهم حاجة عندهم الليقسي أو الإرث لذلك لن ينتقل ١٧ جمهوري لعزل ترمب وإن رغبوا حتى لا يسجل ذلك في تاريخ الحزب الجمهوري فلا تزال استقالة نيكسون لهم حائط مبكى
| |
|
|
|
|
|
|
Re: ما بين GOP و QOP (Re: muntasir)
|
اللقسى بقت تقيلة يا منتصر بالذات بعد الكشف عن تسجيل المكالمة التليفونية بين ترامب و كيفان ماكارثى اثناء اقتحام الكابيتول ياخى ماكارثى فكفك ليهو عديل كده لاحظ انو من عتاة الجمهوريين المكالمة اثارت سخط الجمهوريين قبل الديموقراط
| |
|
|
|
|
|
|
|