|
Re: أحذفوا حساب andquot;رجل نوفمبرandquot; (Re: خضر الطيب)
|
Quote: رجل نوفمبر أيها المدعو / محمد البشرى ولا بشرى له أما زلت تمارس الغطرسة والعنهجية سمة الشماليين الذين أوردوا البلاد والعباد مورد الهلاك؟ أما زلت تتكبر وتتعالى على المسلمين بغير الحق وأنت (تقف على مسافة واحدة من جميع الأديان) الدين الإبراهيمي الجديد؟ أما زلت تمارس التحقير للمسلمين ومن هم أغير منك وأمثالك على دينهم الإسلام الحق؟ إن لم تكن الموازين معكوسة في هذا الزمان، لما فتحت المنابر والمنصات لمن يكتب طاعناً في الله رب العالمين وفي نبيه الصادق الأمين (ص) ويهين دين الإسلام وأشخاص علماء وحكماء المسلمين وأنتم هكذا صامتين رغم إدعاءكم أنكم من المسلمين! وعندما يقوم أحد المسلمين بالرد - ومن نافذة ملحقة بالمنبر العام - لا من الباب (صدر المنبر العام)، رداً على هؤلاء الملاحدة والمرتدين والمحقرين للمسلمين، رحتم أنتم تلعبون دور (مسجد الضرار) لهم، بل وتطالبون بحذف حساباتنا والتبليغ عنها بغضاً لما نكتب من كلام الله ورسوله (ص) وكلام حكماء المسلمين. فلا رفع الله لكم مقام ولا حقق لكم مرام. ولتعلم أنت وأمثالكم في التحرر من الدين وتغيير الدين: أن موعدكم الصبح والصبح قريب.. والوعد قادم والوعيد قائم. أعجبني · رد · ٩ دقائق |
بالله شوف المدعو دا كمان .. أتاريهو موية من تحت تبن وبيمارس كل تلك الأفاعيـل ..؟! لك يوم يا ود البشرى كيوم المدعو صلاح زبير ؛)
وطلع إبراهيمي كمان يا شيخ عاطف ! غايتو ..
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
بالله البني آدم دا نصيح! ينبح بي تحت ليه حذفتوهن وليه ما حذفتوا دا قلت اساعدك وانقل ليك نبيحك فوق عسى ولعل الحذف ليك الاتنين يشوفه تقوم تنبح فيني كدا! و بالمرة نقلت ليك نداءك عن اعادة حسابك فوق بالله شوف الـ ... مرمي الله دا صحي خيرن تعمل..
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
Quote: إن لم تكن الموازين معكوسة في هذا الزمان، لما فتحت المنابر والمنصات لمن يكتب طاعناً في الله رب العالمين وفي نبيه الصادق الأمين (ص) ويهين دين الإسلام وأشخاص علماء وحكماء المسلمين وأنتم هكذا صامتين رغم إدعاءكم أنكم من المسلمين! |
وآلله يا حيدر الزول دا في دي اصلو ما كضب ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: محمد البشرى الخضر)
|
أعتقد أن من الواجب علينا أن نطلب من الأخ بكري أن يتيح للأخ الكريم سيف بابكر الفرصة للكتابة مرة أخرى بالمنبر فهنالك كثيرون تم فصلهم لتجاوزهم اللوائح ولكن كان فصلهم فصل مؤقت أرجعوا بعده للمنبر عسى أن تفعل الكتابة فعلها فيه وفينا فنغير أفكاره أو يقنعنا بما يؤمن به وهذا هو الهدف الأعظم لأي حوار ذو طابع فكري
| |
|
|
|
|
|
|
Re: أحذفوا حساب andquot;رجل نوفمبرandquot; (Re: أحمد محمد عمر)
|
لا لا يا ابو الزهور اظنو قاصد عبد اللطيف! أنا المتغطرس على المسلمين و الابراهيمي الواقف مسافة واحدة من كل الاديان هههه
يا أحدهم, "انا عارف" دي نقراها على و جه التعجبّ و السؤال و لا دي إجابة فعلا على التساؤل ة انت عارف من الاجدر بالكتابة ولا طعمية ساي
| |
|
|
|
|
|
|
Re: أحذفوا حساب andquot;رجل نوفمبرandquot; (Re: أحمد محمد عمر)
|
سلام يا خضر الطيب وصورة لعبد الصمد
Quote: اتمنى ان يعود الأخ سيف الدين ليكتب من هذا المنبر فللرجل ارائه التي يجب ان تحترم حتى لو اختلف الناس حولها |
سيف الدين بابكر تكفيري يطلق كلمة كافر على البعض بدون أن يرمش له جفن، وهو يدعو لقتل الكفار والمرتدين حسب تصنيفه هو. وبرغم كل ذلك يكتب.
لسع قدامنا طريق طويل وشاق.
| |
|
|
|
|
|
|
Re: أحذفوا حساب andquot;رجل نوفمبرandquot; (Re: Yasir Elsharif)
|
Quote: بعدين علامة التعجب ما شايفها! |
يعني طعمية! عارفك ما يتكتب حاجة مفيدة يا طعمية يا جايب لي الهوا!
اسي كافر دي ملصقها فيني مالك! ابراهيمي ظريفة و حنينة لا بتوسخ ايديك لا بتغلّت عليك!
الراجل ما اظنه كفّرني بالواضح كدا زي تكفير لطيف و آخرين! ليس بعد الكفر ذنب مثل جرت العادة على ضربه في حالات مختلفة, ليس بالضرورة منها التكفير.
| |
|
|
|
|
|
|
Re: أحذفوا حساب andquot;رجل نوفمبرandquot; (Re: Salah Zubeir)
|
فعلاً يا شيخ صلاح زبيـر..
واعتقد هذه الفقرة من رسالته أدناه واضحة ودعوة صريحة للإبراهيمييين ومن لف لفهم من عصاة الشماليين بعدم دخول مساجد الضرار .. والرجل يريد ان يقيهم وانفسهم ناراً وقودها والحجارة .. لكنهم مستعلون في الأرض ومفسدون..
Quote: وعندما يقوم أحد المسلمين بالرد - ومن نافذة ملحقة بالمنبر العام - لا من الباب (صدر المنبر العام)، رداً على هؤلاء الملاحدة والمرتدين والمحقرين للمسلمين، رحتم أنتم تلعبون دور (مسجد الضرار) لهم، بل وتطالبون بحذف حساباتنا والتبليغ عنها بغضاً لما نكتب من كلام الله ورسوله (ص) وكلام حكماء المسلمين. فلا رفع الله لكم مقام ولا حقق لكم مرام |
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
السلام عليكم أنا متأكد أن الرجل ما قاصد جرجير أو يكون قاصدو لكن ردا على بوست تاني ما البوست دا مستحيل يا جماعة ..................... عجبتني حتة مسجد الضرار دي لكن كانت تكون أجمل لو جاب معاها قصة غضب عمر الفاروق على خالد بن الوليد عندما قتل مالك بن نويرة الذي امتنع عن الزكاة .. الفاروق يرى انو ابا سليمان كفر مسلم وهذه مثلبة كبيرة بل عظيم منكر في الاسلام الذي يعرفه ونعرفه.
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
Quote: الاديان ليست خاصة بالانبياء المعروفين ... والله يلجاوا له كمؤلف مجهول |
Quote: الله نفسه غير معروف ، هل هو حقيقي ام اختراع بشري ... الاديان تاريخها مطموس ومتناقض |
Quote: بناءا علي الهزات الرهيبة التي احدثها العلم والتقدم الغربي انقسم المجتمع الي 3 اقسام 1- قسم عندو قطيعة كاملة مع التراث الديني ... ملحدون 2- قسم يطالب بالاصلاح الديني لمجاراة التطور العالمي...جمهوريون 3- قسم متحجر في الماضي ومنهم صلاح زبير واخرون. |
دي عينه من بوست المدعو صلاح زبير ... مافي زول جاتو حمية جاهلية الإسلام وطفق يدافع عنه ... الكوتات دي من الصفحة الأولى وما كملتها ... بالجد بتجنب قراءة كل الهردبيسه البكتبا الملحد دا ... السبب لأنو زول جهلول زي دا ربنا ما قصر معاهو ... أتاح ليهو الفرصة ليفكر ويعقل ويتفقه في الحياة دي فيستفيد لي رقبتو دي ويفيد غيرو ... ما استهدف اطايب الدنيا دي كلها إلا ربنا الخلقنا وخلقو وكتبه ورسله ... ياكل نارو بس ... النصيحة الفي شكل حوار مع زي دا لا تجوز وغير ممكن افهامه لأنو دي قناعتو العايش بيها وحا يموت عليها ... سبحان الله في علاه ممكن يهدي من يشاء لكن الزول دا داير يهدينا للفراغ العايشو دا ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
عند نزع الكلام من سياقه فانت في مواجهة عقلية كوز
Quote: احمد عمر ، للمرة الكم ماعارف ، اقول لايوجد مؤلف وبالتالي
كل مايكتب هنا او في اي مكان ليس له مؤلف
طيب ننتقل لاكبر من كدا بمراحل
ايستاين ليس بمؤلف لنظرية النسبية
نيوتن ليس مؤلف للفيزياء الكلاسيكية ولانظرية الجاذبية داروين ليس مؤلف لنظرية التطور
وفي مجال الادب الطيب صالح ليس مؤلف لاي رواية باسمه
في مجال الونسة لامؤلف والونسة البتسمع فيها دي ماحقت الزول القدامك دا
الاديان ليست خاصة بالانبياء المعروفين والله يلجاوا له كمؤلف مجهول
طيب المؤلف وين ؟
لايوجد ، فقط تداول مستمر داخل المجتمعات لاينقطع ولكن المجتمع تعود
ان يوكل الشرعية لجهة او فرد معين ويمنحه الحق في التكلم باسم الاخرين
وينال هذا الفرد شرعية التحدث باسم الاخرين وتوكل له المهمة بناءا علي شروط
تحددها الثقافة المركزية ومن هنا تظهر سلطة الرمز
المثقفين تنتابهم الغيرة الشديدة للاستحواذ علي الراسمال الرمزي متمثلا في قبول
شرعية موكلة لهم للتحدث نيابة عن الاخرين والحصول علي السلطة الرمزية
عرفت يعني شنو تداولية اجتماعية ؟! |
حقيقة اختياري ليك كان حسن ظن ، لكن اتصدمت فيما هو اسوأ ، طبلة عديل
| |
|
|
|
|
|
|
Re: أحذفوا حساب andquot;رجل نوفمبرandquot; (Re: muntasir)
|
يا عبد اللطيف البوست التاني انطبل وانا زول انتهازي بستغل بوستات الناس لأغراضي الخاصة عشان ما أخسر تكاليف فتح بوست جديد
قلت (كل ظالم ليه نهاية) هل دي قاعدة كونية لا يخرج منها أحد؟ يعني لو مسكنا تاريخ البشرية ما حنلقى ظالم كتل ونهب ثم مات في قصره عادي بالملاريا ؟
ثانياً هل إلهك الشخصي دة هو خالق المجرات؟ إذا كان لأ فمن هو خالقها؟ وإذا كان نعم كيف يكون شخصي حقك براك وهو خلقنا معاك ؟
| |
|
|
|
|
|
|
Re: أحذفوا حساب andquot;رجل نوفمبرandquot; (Re: ABUHUSSEIN)
|
يحذف جـ***ـك يا فقر
أها سؤال لرجل نوفمبر او فبراير او وات ايفر! انت حساباتك البتتباكي على حذفهن اسفل اي بوست اتحذفن من وين؟ من ياتو وسيط! مش الفيس بووك! طيب بتتباكى و تنبح وتسأل هنا ليه؟ مش الأجدى ان تفعل في محل تم حذفهن؟ ما علاقة البورد هنا بحسابات الفيس بووك وحذفها او ابقائها! ولا زي النكتة بتفتش على قرشك الوقع مناك في الخور هنا تحت عمود النور عشان هناك مضلم؟
عموما هاك دي فري اوف جارج عسى ولعل: للفيس بووك شروط توافق عليها حين تنشا حساب, من ضمنها ان لا يقوم هذا الحساب ببث, نشر او اعادة نشر خطاب الكراهية, خطاب الكراهية دي عباية وااااسعة تشمل فيما تشمل التكفير و التحريض على القتل و اثارة المشاعر و التمييز ضد الأعراق و الديانات و تقريبا كدا كل او اغلب هراءك ونبيحك البي تحت دا فا شنو... راجع خطابك ليتسق مع الشروط الوافقت عليها او انشأ مدونتك الخاصة او انضم لداعش اونلاين او ان شا الله تكتب في حيطة - الله يعزك - حمامكم حتى لا يحذف حساباتك احد او يملي عليك ما تكتب و لتستمتع بكتابة عولاقك دا ما عن لك دون حتى ان يقرؤه أحد خليك من نقده او رفضه!
| |
|
|
|
|
|
|
Re: أحذفوا حساب andquot;رجل نوفمبرandquot; (Re: ABUHUSSEIN)
|
Quote: النصيحة الفي شكل حوار مع زي دا لا تجوز وغير ممكن افهامه لأنو دي قناعتو العايش بيها وحا يموت عليها ... |
إنت برااك قلتها .. ويبقى دا السبب في عدم الحمية او الغيرة الاسلامية في التعاطي مع هيـك حكي..
بل وحتى شيخنا عاطف بن عمر - أدام الله حسابه في الفيسبوك ما دام مارك ظله على الأرض - حِميته بردت وجلاهو متجاهلاً ؛)
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
ياخ للأسف فاتني ارحّب بالزميل عبد الصمد! طبعا صمد دا فهمت منو انو ما بدخل اي بوست ساي, دايما "بتابع" مداخلات المثقفين بحق إذا دخلوا البوست دخل واذا جلوه جلاّه! فيا عزيز بشاشا القارئ إذا غم عليك معرفة المثقف بحق تقوم "تباري" صمد دا دخل وين و أكيد ح تلقى المثقف بحق الهو "متابعو" أها المشكلة وين! قدر ما قتشت في البوست دا على "مثقف بحق" ما لقيت اساسا مستحيل يكون ابوحسين او منص او ود الزين! احدهم دا سجمان ساي ثقافته حدها السينما و الامريكية كمان كوري ما بفهم فيه باقي منو لطيف و ياسر الشريف و علاء وود اب سن و غالي ذي ماي فيت حسب معايير صمد بس المشكلة انو عندهم بوستات و مداخلات مختلفة وما شفناه دخل عليهم إذن ما هم طيب باقي منو: طلحة تنظير!! لا لا ياخ خليك جادي
ما باقي إلا رجل نوفمبر هيمسلف! معقولةّ! يكون هو المثقف بحق! حسب معايير صمد! مخيّر الله
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: ياخ للأسف فاتني ارحّب بالزميل عبد الصمد! طبعا صمد دا فهمت منو انو ما بدخل اي بوست ساي, دايما "بتابع" مداخلات المثقفين بحق إذا دخلوا البوست دخل واذا جلوه جلاّه! فيا عزيز بشاشا القارئ إذا غم عليك معرفة المثقف بحق تقوم "تباري" صمد دا دخل وين و أكيد ح تلقى المثقف بحق الهو "متابعو" أها المشكلة وين! قدر ما قتشت في البوست دا على "مثقف بحق" ما لقيت اساسا مستحيل يكون ابوحسين او منص او ود الزين! احدهم دا سجمان ساي ثقافته حدها السينما و الامريكية كمان كوري ما بفهم فيه باقي منو لطيف و ياسر الشريف و علاء وود اب سن و غالي ذي ماي فيت حسب معايير صمد بس المشكلة انو عندهم بوستات و مداخلات مختلفة وما شفناه دخل عليهم إذن ما هم طيب باقي منو: طلحة تنظير!! لا لا ياخ خليك جادي
ما باقي إلا رجل نوفمبر هيمسلف! معقولةّ! يكون هو المثقف بحق! حسب معايير صمد! مخيّر الله |
ثقافة شنو كمان البتعرفها إنت عشان تبر بيها الناس يا كويفر ...؟؟؟؟
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: بل وحتى شيخنا عاطف بن عمر - أدام الله حسابه في الفيسبوك ما دام مارك ظله على الأرض - حِميته بردت وجلاهو متجاهلاً ؛) |
هههههههههه..... بتباااالغ .... نافذة الفيس فيها ٦٧ مداخلة ... ٦٦ مداخلة حقت عاطف عمر كلو مداخله كيس أسمنت عدييييل ... تقول لي جلاهو متجاهلا ... المداخلة ٦٧ حقت زميل المنبر المتحجب بي إسم (أم وليد محمد) ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: ABUHUSSEIN)
|
البوست كدة اتعدل فوق تحت ؛)
الترحيب الحار بدرع الدين الزوكربرجي عاطف بن عمر حجة المنبر هداه الله.. اما بعد يا شيخ... اراك ذكرت و أقتبس كلامك :
Quote: تكفير المعين عندك فوق عند (المحترمين) ! شوف عضو المنبر نزار عثمان كفّره الجمهوري ياسر الشريف! والله صحي!
|
قبل ما نغرق في زنقة الامتحانات زيادة ..ورجاء لأغراض فقهية وبحوث استقصائية. هل ممكن ترفدنا بدليل موثق يا مولانا؟!
جزيت خيرا ..
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: يا عبد اللطيف البوست التاني انطبل وانا زول انتهازي بستغل بوستات الناس لأغراضي الخاصة عشان ما أخسر تكاليف فتح بوست جديد
قلت (كل ظالم ليه نهاية) هل دي قاعدة كونية لا يخرج منها أحد؟ يعني لو مسكنا تاريخ البشرية ما حنلقى ظالم كتل ونهب ثم مات في قصره عادي بالملاريا ؟
ثانياً هل إلهك الشخصي دة هو خالق المجرات؟ إذا كان لأ فمن هو خالقها؟ وإذا كان نعم كيف يكون شخصي حقك براك وهو خلقنا معاك ؟ |
تحياتي احمد عمر
ستكون الردود متسلسلة ولاتنتهي ، وتتغير طبيعة البوست ، اللي هو عن كراع نوفمبر
الذي يفتي بالتكفير والقتل نهارا جهارا بينما يطبل بوست موضوعي يدعوا لاعمال التفكير
ومحاربة الارهاب الديني ، هسي شايف العوقة مشجع لكراع نوفمبر في موضوع القتل
وكلاها لن يقتل بعوضة والدنيا حتما ستجمعنا في ارض الواقع والمستندات متوفرة
اعتذر عن المواصلة في منبر يبيح القتل ويطبل الفكر
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: بينما يطبل بوست موضوعي يدعوا لاعمال التفكير |
يا عبداللطيف معليش للتحشر يآخ بس سؤال..Please* هل البوست الفكري الموضوعي المطبول المقصود هو البوست المعنون بنداء وإساءة للاخ صلاح الزبيـر والا بوست تاني ..!
ــــــــــ * قربت اقولك عليك الله كما جرت العادة .. تاني قلت إحتمال كلامي يتفسر بعدم إحترام لمقدساتك الشخصية ويحمل تمييز سلبي :)
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: مالهم (نكروا) ولا شنو؟
اليقولوا بغم ساي!! |
يا شيخنا ما محتاج اسالهم عشان ينكروا.. طالما إنك إتهمت شخص فعليك بدءاً ابراز بينة او شبهة لإتهامه بعد كدة حتى يتم التحري ومواجهة المتهم لينكر او يقر حسب ما يظهر من أدلة.. لكن مسألة انك تدين شخص ثم تطالبه هو بإنكار دليل أو بينة إنت لم تفصح عنها دا بيفتح الباب للتبلي.. وقانونياً يصطلح عليه بإشانة السمعة.. لذلك اول من تجي تفتح بلاغ في شخص بااي نيم بتقيم بينتك او أدلتك اشتباهك..!
*/تم البث من قناة مولانا حافظ بشير الثقافية القانوية ؛)
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote:
Atif Omer Mohamed Ali يا شيخنا ما محتاج اسالهم عشان ينكروا.. _____
أديتك بينة واضحة يمكنك متابعتها اسم الشخص المُكفَر واسم الشخص الَمكَفر!
تاني شنو؟
ياسر الشريف كفر نزار عثمان! علاء سيد أحمد كفر كمال عباس! كمال عباس كفر الشيخ الشعرواي!
اتنين منهم متواجدين في البوست دا ومن أكثر العضوية كتابة في الصفحة الأولى من تاريخ كتابة هذا البوست!! أعجبني · رد · ٤ دقائق |
شيخ عاطف يعني ما حاتديني رابط والا شئ .. ودايرني امشي اكابس وانا اتزاوغ من النوم في انتظارك و افتش ؟
ما سمعت او قريت كلامك دا.. ومابوعدك افتش هسه وبالتاكيد لن اعتمد كلامك حقيقة حتى اقراها ..
لكن عموماً لا اجد فيما يكتبه الاعضاء المذكورين الآن اي اتجاه او ميل للتكفير.. فإن حصل خطاء او سهوا فقل ربنا لا تؤاخذنا ان نسينا او اخطأنا.. وكله مغفور باذنه ما خلا الشرك بالله..
تحياتي وتصبح على خير..
ــــــــــــــ.. بالله وعليك الله ياصلاح الزبير مافي داعي اتذكر انكم تجاوزتو الستينات من القرن الماضي ياخ ؛) . وتيك ات ايزي يا عبدالطيف ماي برو مافي داعي للعنف الخطابي بينكم..
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: هسي شايف العوقة مشجع لكراع نوفمبر في موضوع القتل |
يا صلاح يا حبيبنا بحسب قراءتي للبوست فالعوقة المقصود هو عاطف عمر اتخيل لي لبست طاقية ما حقتك
____ يا اخوانا أعقلوا ياخ انتو ناس كبار هسة قول اتلاقيتو واتضاربتو هل بتحسموا الحوار بالبنية؟ يعني الأقوى فيكم يصبح صاحب الحجة الأفضل! يعني إن غلبك بالكيبورد تمها بالعضل!
ما هكذا تورد الإبل والله .. وانتو الاتنين أحسبكم من عقلاء المنبر
| |
|
|
|
|
|
|
Re: أحذفوا حساب andquot;رجل نوفمبرandquot; (Re: أحمد محمد عمر)
|
Quote: يا صلاح يا حبيبنا بحسب قراءتي للبوست فالعوقة المقصود هو عاطف عمر اتخيل لي لبست طاقية ما حقتك |
😃😃😃😃😃 كدي يا أحمد هي وقفت علي عوقه بس ... ههههه بعدين هو ما حا ينكر إنو أنا المقصود ... وأطمنك أنا شكل اليدين دا زاتو ما بعرفو إن بقى زول مضاربه ياني المنسحب .... إزيك يا داموس .... داموس دي شنو ... ههههه
| |
|
|
|
|
|
|
Re: أحذفوا حساب andquot;رجل نوفمبرandquot; (Re: Salah Zubeir)
|
Quote: ن الله قد كرمني وجعلني من (بني آدم)، فلست من الكلاب النابحة يا هذا حتى تصفني بما وصفتني به، قاتلك الله وقاتل أمثالك من المتغطرسين المتكبرين على بني آدم من غير حق؟ |
بللاي ود البشرى طلع ما ابن آدم !!!
غايتو انا متأكد انو ينتمي للبشر .. لكن تقسيمات البشر نفسها ماني خابرها
على كل حال كما قال سيف الدين بن بابكر ان هذا البشري الذي لا بشرى له متغطرس ومتكبر على بنو آدم فتباً له جداً (دي من عندي)
* سيف الدين والله وبدون اي هظار
لغتك بتعجبني جداً وبتذكرني بالمسلسلات الدينية في رمضان زمان
حفظك الله ورعاك
بس مشكلتك قابع في زمن الناس اتجاوزتو زمااااااااان
| |
|
|
|
|
|
|
Re: أحذفوا حساب andquot;رجل نوفمبرandquot; (Re: محمد البشرى الخضر)
|
Quote: يا سلااااام يا خ من المثقفين بغير حق ديل!! ياخ متين وصفني بغير ابن آدم, عايز تبقى لي زي أحدهم كسر رقبه عايزه يكفرني! |
يا عمك الزول دا صورك متغطرس ومتكبر على بنو آدم
فكيف انت تكون من ضمن بنو آدم المتغطرس عليهم؟؟
بعدين في مداخلتو دي جايب سيرة كلاب ما عايزين نتطرق ليها هههههههههههه
غايتو انا مجهز ليك احتفال ضخم في النادي بتاعنا
استقبال عضو جديد لنج ههههههههههههه
| |
|
|
|
|
|
|
Re: أحذفوا حساب andquot;رجل نوفمبرandquot; (Re: Haytham Ghaly)
|
الحمد لله اللي الواحد اطمئن على انه الخير باقي في امـة محمد وقت وضعت الحرب أوزارها .. وبقينا ناس حوار ثقافي .. ودا بيرجعنا لعضم موضوع البوست الفكري المنبثق منه السؤال المحوري التالي واللذي قتل في مهده:
Quote: i إنت لم تفصح عنها دا بيفتح الباب للتبلي.. وقانونياً يصطلح عليه بإشانة السمعة.. ___ لو داخل في ثوب (الغانون) يا حيدرا بتتعب معاي!!
أها إنتا متضرر وكالة أم أصالة؟ وهل لديك توكيل من الشاكيين؟ ههههههههههههههههههههههههه أعجبني · رد · منذ ٨ س |
شكراً يا شيخنا .. " غانون ودين " ... والله صحي ههههههههه
انا وكيـل عن نفسي انه إتحرى وأتبين واستيقن أي " نبأ " او خبر يعلنه زول قدام وجهي وعندي بيهو اهتمام او يلفت إنتباهي.! لكن طالما الموضوع ضايقك وممكن يؤثر على تحالفنا الراسخ رسوخ لقاء الملك عبد العزيز وروزفلت فخلينا في شهر نوفمبر..
عموماً زي ما قلت ليك بإشتباهك وإتهامك وورقه دا فكأني لم اقرأ تعليقك حول الشباب ديل .. وبالتالي شطب المذكرة.. ؛)
ودا بيدفعني لملاحظة أخرى .. شايفك مجلي 2010 ليك بوستين .. هل بتعتقد انه ولعدم إتفاقه الموضوعي مع لطيـف أثر في وقفكم للعدائيات المتبادلة؟ يعني ممكن نقول في صلح حديبية سري !!
مع التحية
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
Quote: ايّها المدعو ابو الحسين ولا حسين هناك هههه يكفّر جـ***ـك قلنا ليك دا ضرب مثل, يعني زي لامن تطلب بيض بالطوة بجيبوا ليك الطوة معاه!! دا شنو المثقف الاسكتو دا ياخ |
مافي اي مشكلة يا فقر خليك في ضرب مثل و خلينا نحن في كفرك .... يضرب اقول ليك شنو ... ******
| |
|
|
|
|
|
|
Re: أحذفوا حساب andquot;رجل نوفمبرandquot; (Re: ABUHUSSEIN)
|
Quote: قصي محمد عبدالله السلام على كل من اتبع الهدى، لصاحب المنشور: لماذا لا تطالب بإرجاع الحسابين المحظورين ، للمدعو "نوفمبر" بدلا من السير في طريق الدكتاتورية؟ ويااااا أخي سيف: الأمر ليس بهذه الأهمية، فللمنبر ضريبة(يسارية الإتجاه، جمهورية الفهم) تتمثل في "تلج لازم يكسر" و"طلس لابد وأن يدق"، بخلاف ذلك أنت منبوذ.. أغلب الأعضاء مستمرون بهذا المكس، ولا يريدون زوايا أخرى تضاد مفهومهم المتصلب تحجرا، أضف إلى ذلك أن من الحملان،وما أكثرهم، من ثبت على وجهه قناع أسد، حتى صدق ذلك، وعاش أهبلا، هون على نفسك، هنالك منابر أخرى مفتوحة مثل
https://www.sudaneseoffline.net/forums/forumdisplay.php؟f=5https://www.sudaneseoffline.net/forums/forumdisplay.php؟f=5
ليس بالضرورة أن تناقش وتجادل وتقدم وجهة نظرك هنا، بخلاف منصة الفيسبوك، وإذا كنت كمان تحب الدندنة الفردية ، فعليك بتويتر، ... أعجبني · رد · ٣٧ دقيقة |
ولا انسى الترحيب بشيخنا الكبيـر مولانا قصي ابو برنيطة،
وشكراً لنصحه البار لهناي
| |
|
|
|
|
|
|
Re: أحذفوا حساب andquot;رجل نوفمبرandquot; (Re: HAIDER ALZAIN)
|
غايتو يا باش عملتها ... شكلو رجل نوفمبر قفلوهو برضك ... كان نفسي يرشكم بتلك الدعوات التي ترتعد لها فرائص الفرس والروم ... يبداها بي :- يا هذا ... ويختمها برش الجمع بي :- يا هؤلاء ...
Quote: يضرب اقول ليك شنو ... ****** |
الليييييييله ... ٦ نجمات يا مفتري ... هههههه دا نبذ ناس الملجا يا باش لا بتكتب ولا بتقال في منبر عام ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: ABUHUSSEIN)
|
يا قصي و عليكم السلام قول عايز اطالب الفيس بووك بالتخلي عن سياسته المعلنة و اغفال موافقة صاحب اي حساب عليها و شروطها قبل تفعيل حسابه! اها ح اطالب وين؟ هنا في سودانيز؟ دي فكرة البوست - غير الطعمية البي الجمبة - العندو حساب فيس بووك مقفول يمش يطالب بفتحه او معرفة سبب الفتح في الفيس بووك, النباح و الزعيق هنا لو تكرر لأاف عام لن يصل لمسامع المعنيين!
يا ود الزبير زولك دا بليد في الاسبلنج! مفروض اربعة نجمات ولو حسب كاف الاضافة قول خمسة, النجمة السادسة دي عدم عرفة منو ساي
| |
|
|
|
|
|
|
Re: أحذفوا حساب andquot;رجل نوفمبرandquot; (Re: أحمد محمد عمر)
|
اها عايز تغالط يا فقر! برضو بالجمع غلط ما تكابر حسابك زي كتابتك في السياسة و العلاقات الدولية: ليّس و ليّس يبقى كويّس.
Quote: لو أن كل سخل انغرس جوة شوك بطلت شغلي ودنقرت في الواطة أطلعه لتركت عملي واهتماماتي وبقيت راعي |
ههههههههاااايكة ما عرفتك وانت عامل فيها مثقف" بحق" ومهم كمان!
| |
|
|
|
|
|
|
Re: أحذفوا حساب andquot;رجل نوفمبرandquot; (Re: محمد البشرى الخضر)
|
Quote: Date: 01-18-2021, 09:04 PM From: Salah Zubeir To: عبداللطيف حسن علي Subject: Re: XXX ههههههه احيييييي يا حبوبتي .. سؤالك ينم عن براءتك ... تجي ياخي ونرحب بيك ونشيلك فوق راسنا .. الما في شنو يا زول ما عندي معاك أي غبينه ... دا ما بيعني إنك تسيب حقك بأي حال من الأحوال ... |
المدعو مونتا الأدبي ... زي ما شايف الموضوع بالنسبة لي لم يأخذ أكتر من ساعة وبضع دقايق ... ما تشيل حسي ساهي ... أنا زول تساهيل دايما نجعل المستحيل ممكنا ... في كم سطر شلتهم برا لعدم حوجتم ... لا أعلم إلى أين يتجه الطرف الآخر الذي لم يرد حتى الآن ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: محمد البشرى الخضر)
|
Quote: غايتو انا عندي احساس لو في زول بدقو لو طالعتو بيكون أحمد 365 ده |
هههههه وحاة الله أخوك كاتلاهو المسكنة ما تشوف فصاحة الكيبورد دي أصصصلو ما كنت زول مشاكل وطالعني في أي يوم من الأيام الشكلات الخضتها في حياتي معدودة على الأصابع هسة لو زول قال لي طالعني بقول ليه يعني عشان نشوف منو فينا الأقوى؟ أكيد انت .. أنا أقر وأعترف أها بتدور تاني حاجة!
المشكلة نوع الشكل البعرفو هسة بدخل السجن .. ما فيه ضربني بنية ومسكته كربون زمان أيام الابتدائي بكون من ناس فايتننا بسنوات وأحجام فالتكنيك الوحيد البعرفو وهو جاي علي بخمش تراب اكشحو في عيونه .. خت يدينو في عيونه بلقط قالب طوبة ولا عكاز وبي كل قوتي بكسرو في ركبته .. ضربة الركبة دي بتعقلو بقع وفي وقتها بستفرغ .. الوكت داك أنا بجري آخر شكلة خضتها كانت في الداخلية في أولى جامعة متكل على التربيزة وفيها مقص حلاقة بتاع حديد شايفه بي طرف عيني قلت ليه يا أبو الشباب لو شغلتك دي هزار ما داير هزارك ولو داير توريني إنك أقوى مني خلاص انت أقوى عليك دينك شوف ناسك واختاني وهو لسة مستمر في التحدي والمهاوشة بي يدينو وكرعينو قلت ليه شوف يا ود الناس أنا والله بعد دة الفيني كملت دحين ابعد من وشي لأنه لو مديت يدك علي بقطعها قعد يضحك بي سخرية ومد يدو قدام وشي طوالي ختفت المقص فتحته وقفلته في يدو .. شرطت ليه المنطقة بين الإبهام والسبابة لمن خيطوها بي 4 فتل اللذيذة إني أنا المارضتو وكنت بغير ليه للجرح
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
Quote: المدعو مونتا الأدبي ... زي ما شايف الموضوع بالنسبة لي لم يأخذ أكتر من ساعة وبضع دقايق ... ما تشيل حسي ساهي ... أنا زول تساهيل دايما نجعل المستحيل ممكنا ... في كم سطر شلتهم برا لعدم حوجتم ... لا أعلم إلى أين يتجه الطرف الآخر الذي لم يرد حتى الآن ... |
في الحقيقة قرات مسنجرك ، لكن لم اعرف انك نزلتو في العام
شكرا علي السطور الجميلة ، يظل كل منا محتفظ باسلوبه وطريقة تفكيروا
في وجود احترام متبادل في حدود الكلمة المسؤولة
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
يا عبداللطيف ياخي لينا الشرف نبقى أصحاب ... ويظل الفضل ليك فيما وصلنا إليه ... والبينك وبين ما تعبد بالتأكيد لسنا أوصياء عليك ولا دخل لنا ... وبالتأكيد سوف نتقاطع فكريا في ظل الإحترام المتبادل ... بس عليك (ربك) أرفع يدك من صاحبي أ م ع ... الزول دا دينو نص كم وداير يبقيهو فنله حمالات ساي ... مناقشتو ليك دي عندو كم حاجه كدا رايحه منو وعايز إتأكد منك ... الزول دا ود شيوخ وفقرا ...
| |
|
|
|
|
|
|
Re: أحذفوا حساب andquot;رجل نوفمبرandquot; (Re: osama elkhawad)
|
نص كم! وحمالات؟!! دة شنو البذار دة؟ وحاتك بقينا على المايوه
أهل المدام دواعش وصاحباتها يا دواعش يا متعاطفات معاهم بعد أول مؤتمر للقراي الاتكلم فيه عن سورة الزلزلة، أنا قاعد كالعادة ماسك اللابتوب وهي ماسكة التلفون بتستعرض في رسائل فيديو من ناسها. أي واحدة مصورة ولدها بقرأ في سورة الزلزلة ويهديها للقراي .. زي كأنه كلامه كان حول مخارج الحروف قامت الحركة عجبتها نادت بنتي الصغيرة عمرها 3 سنوات قالت ليها تعالي النحفظك سورة الزلزلة أنا قبلت عليها بي صرّتي الما معاها كلام ولا بنفع فيها سؤال ونقاش .. الكضمة البتجي آخر حل ديك وهي خابراها أها عملت فيها ما شايفاني وقعد تغني وترقص بي رقبتها: أمك حمبك .. أمك حمبك أنا ضحكت، بعديها مسكت بتي بقت تتكلم معاها: الله يخلي ليكم الجمهوريين يا بتي ديل مشكلتهم مع الزلزلة بس، لكن إن بقوا أبوك وزير وحاة الله كتاب الاسلامية كلو ما تلمو فيه
الغريبة كلامها صاح لو مسكت المناهج بخلي مادة الدين اختيارية
| |
|
|
|
|
|
|
Re: أحذفوا حساب andquot;رجل نوفمبرandquot; (Re: محمد البشرى الخضر)
|
آ ######################## ...Quote: معقول اسبقك يا السفيه ود البشرى بالسؤال: هل كل متظلم من تحت النافذة نباح؟ |
هاك الاجابة: لأ ليس كل متظلم نبّاح النباّح انت و التاني داك.
يلا جاوب على سؤالي بنفس البساطة و المباشرة, ما تتزاوغ كالعادة وترد على السؤال بسؤال: ماذا تقصد بعلاقة ناس في المنبر بقفل حسابات الفيس بووك! أو من تقصد اجابة مباشرة لو أمكن- عارفها صعبة عليك لكن حاول ارجل مرة في حياتك وشد حيلك!
Quote: ولماذا استخدمت يا هذا عبارة (احذفوا حساب رجل نوفمبر)؟ إن لم تكن أنت من الذين يبلغون على حساباتي؟! |
لا لم ابلغ عن اي من حساباتك و عبارة احذفوا حساب رجل نوفمبر استخدمتها للسخرية منك بس
| |
|
|
|
|
|
|
Re: أحذفوا حساب andquot;رجل نوفمبرandquot; (Re: عبداللطيف حسن علي)
|
Quote: أيها المدعو/ البشرى ولا بشرى له، أما زلت مصراً على الكبر؟ أما زالت في طريق الغطرسة والتعالى على عامة المسلمين - وأنا منهم - بغير الحق؟ أراك لا تخشى دعوة مظلوم في جوف ليلٍ وربٍ حاضرٍ يسمع ويرى؟ لم تفارق وصفي لك ولأمثالك قيد أنملة، إذ أنتم من أهل (مساجد الضرار) الذين هم أشداء على المسلمين ورحماء بالملاحدة والمرتدين. وإن تسخر مني فإني منك ومن أمثالك من الساخرين، وعما قريب تكونون جميعاً من النادمين بإذن ملك الملوك رب العالمين. |
اقسمبلاي صقر قريش ما يقدر يكتب خطاب زي دا
سجع جناس توريات مطابقة وقافية واقفة قنا .. ياخ عجيب عجابة
غايتو يا ود البشرى وقعت ما سميت
| |
|
|
|
|
|
|
|