|
Re: موازنة “سرية صادمة” تعتزم الحكومة السود� (Re: Asim Ali)
|
Quote: ربنا يهديك يا ود التاج هو متين السودان بعرف ميزانية ههههها |
يا صديق تفاءل خير يا اخي .. ممكن ربنا يسلط علينا خبير -بعد الانتقالية - يضع للبلد موازنة ماتخرش المية .. . .
Quote: الوزيره تسوط سواطتها لانها اصبحت لاتمثل الشق المدنى ..........حسب مانراه منها والجداد الالكترونى راضى عنها ومتغافل |
هي فتنة السلطة يا اخ عاصم كل من وقع فيها بغير حقها ظن انه سيخلد فيها .. هي مثل الدنيا ام عبوس ، يظل الانسان يقابض فيها حتى يدخل ود اللحد.. ولكن السلطة دنيا مزيفة تكعيب، سلطة × ثروة × جاه والسياسة تجعل منها اعفن وأنتن .. وتجعل الأمل في الاصلاح بعيدا
| |
|
|
|
|
|
|
Re: موازنة “سرية صادمة” تعتزم الحكومة السود� (Re: سيف النصر محي الدين)
|
Quote: سلام عمر والجميع غايتو ما عارف الموازنة او الميزانية بالقديم ممكن تبقى سرية كيفن؟ مجرد ما هي ميزانية يبقى لازم تكون معلنة لأنو ببساطة ما ممكن تكون اي شي تاني غير معلنة. باختصار مستحيل الميزانية تكون سرية. |
يا دكتور سيف كيف ياخي ؟ مش في مصر في القاهرة و انت مارق في طريق مصر اسكندريه زمان كان في محطة بص اسمها محطة (المطار السري) ؟ اي زول عارفه .. رغم ذلك اسمه (السري) :)
فياها دي عرفها عمر التاج و بي تفاصيلها .. لكنها سرية ..
| |
|
|
|
|
|
|
Re: موازنة “سرية صادمة” تعتزم الحكومة السود� (Re: يحي قباني)
|
Quote: فهو لا يرى غير اللون الاسود |
يا حسن فرح ثورة الشباب جنيها لانك ما بتعرف عنها حاجة.. امسك في حكومة الضلال دي قوي وطلع لينا منها اللون الابيض ، ياعنصري ههههه. اظهر لينا حجم المشاريع التم إنجازها عدد الكباري والجامعات التم انشالله معدلات التنمية التم إنجازها.. مستوى توفير الخدمات الجديدة التمت اتاحتها للمواطن الدرجات التي صعبتها مستويات معيشة المواطن المستويات التي صعدتها مؤسساتك التعليمية والصحية الديمقراطية التي وفرتها للبلد .. قول وانجز في ديل حا تجدنا اول من يصفق لك ، يا أبيض
| |
|
|
|
|
|
|
Re: موازنة “سرية صادمة” تعتزم الحكومة السود� (Re: عمر التاج)
|
سلام عليكم سريه الميزانيه ماغريبه ونحنا 30 سنه كل شىء مرتبط باداره الدوله سرى ولسه الحكم الان شقين طرفيى نقيض واحديمثل الثوره والاخر يحرس مصالح البائد ويغطى اعاده انتاج البائد خلونا من تعبير سريه …لاتوجد شفافيه اصلا والا لقطعت مطالب الثوره شوطا بعيدا فى الاتجاه الايجابى بعد عام ونصف من الحكم وقرابه عامين على ( بيان ابن عوف فى 11 ابريل) شىء جيد انو الناس تايد حكومه الثوره لكن المبالغه فى الدفاع عنها لايعنى انها صالحه او ناجحه او مبراه من العيوب ..والجروح لما نغطيها بتتثيح وتؤدى لالتهابات تضر وربما تكون قاتله
| |
|
|
|
|
|
|
Re: موازنة “سرية صادمة” تعتزم الحكومة السود� (Re: Asim Ali)
|
مرحبا سيف النصر
Quote: غايتو ما عارف الموازنة او الميزانية بالقديم ممكن تبقى سرية كيفن؟ مجرد ما هي ميزانية يبقى لازم تكون معلنة لأنو ببساطة ما ممكن تكون اي شي تاني غير معلنة. باختصار مستحيل الميزانية تكون سرية. |
الموازنة في تقديري يمكن تكون غير معلنة ، او سرية كما في وصف الكاتب اذا لم تجز وتنشر قبل تنفيذها .. حتى اللحظة مضى اليوم السادس والبلد كلها شغالة بموازنة غير معلنة .. وقد تقوم الوزارة - او اي جهة أخرى- بإعداد موازنتين واحدة معلنة ولكن بنودها معطلة، ويكون اعلانها غالبا لسبب ارضاء الجمهور وثانية غير معلنة ، يتم العمل بها دون تفسير او نشر .. هذا رأي وننتظر رأي الكاتب في استفسارك والاخ قباني .. . . تحياتي عاصم علي،
Quote: سريه الميزانيه ماغريبه ونحنا 30 سنه كل شىء مرتبط باداره الدوله سرى ولسه الحكم الان شقين طرفيى نقيض واحديمثل الثوره والاخر يحرس مصالح البائد ويغطى اعاده انتاج البائد خلونا من تعبير سريه …لاتوجد شفافيه اصلا والا لقطعت مطالب الثوره شوطا بعيدا فى الاتجاه الايجابى بعد عام ونصف من الحكم وقرابه عامين على ( بيان ابن عوف فى 11 ابريل) شىء جيد انو الناس تايد حكومه الثوره لكن المبالغه فى الدفاع عنها لايعنى انها صالحه او ناجحه او مبراه من العيوب ..والجروح لما نغطيها بتتثيح وتؤدى لالتهابات تضر وربما تكون قاتله |
اوافقك اولا على أن الشفافية نقيض السرية.. وان الاعلان الكاذب اخير منه عدم الاعلان عن الموازنة وان التأييد الاعمى أضر وافتك بالوطن من الموازنة الكاذبة او السرية
| |
|
|
|
|
|
|
Re: موازنة “سرية صادمة” تعتزم الحكومة السود� (Re: عمر التاج)
|
خبر وارد الان
Quote: وزيرة المالية: الميزانية خصّصت (٢٦٠) مليار جنيه لمعاش الناس والحماية الاجتماعية
أجاز مجلس الوزراء اليوم “الخميس”، تقديرات موازنة العام المالي ٢٠٢١م، وقالت وزيرة المالية هبة محمد علي، إنّ موازنة العام ٢٠٢١م خصّصت مبالغ مقدرة لمعاش الناس والحماية الاجتماعية بمبلغ قدره (٢٦٠) مليار جنيه، مُؤكِّدةً استمرار دعم القمح والدواء وغاز الطبخ والكهرباء. وبحسب السوداني قالت هبة بحسب بيان صادر عن مجلس الوزراء اليوم الخميس، إنّ النسبة المخصصة للصرف على التعليم تقدر بـ(١٣٧) مليار جنيه بنسبة ١٢,٥٪ بزيادة بلغت (١٧٠٪) ولأول مرة في التاريخ ميزانية التعليم تفوق ميزانية الدفاع. وأضافت: موازنة العام ٢٠٢١م جاءت مستجيبة لمطلوبات السلام ورصدت مبلغ (٥٤,١) مليار جنيه اعتمادات مخصصة للسلام.
الخرطوم(كوش نيوز)
|
| |
|
|
|
|
|
|
Re: موازنة “سرية صادمة” تعتزم الحكومة السود� (Re: Asim Ali)
|
عمر اخوي استهدي بالله في مقولة أظن للشريف حسين الهندي الميزانية حسب المطرة ، الخريف سمح زراعة وضان ، ال يقرأ كيبوردك يقول ديك يا المصانع نص مليون عربية من ليبيا وما داير يشيلو دعم البنزين ، و بطلتو الكسرة قال اغلي من الرغيف المدعوم ، وقفوا الدعم وتصير الكسرة ارخص 😹😹
| |
|
|
|
|
|
|
Re: موازنة “سرية صادمة” تعتزم الحكومة السود� (Re: اخلاص عبدالرحمن المشرف)
|
مرحبا عمر
الحكومة الكسيحه ، تقوم حاليا بتمرير زيادات كبيرة ، وذلك لتري ردة فعل الشعب . واذا اطمأنت لخنوعهم ، تمرر الميزانية ، التي تم تسريب جزء كبير منها ، هي ستكون بمثابه رصاصة الرحمة للشعب السوداني، خصوصا اذا تم اعتماد الدولار الجمركي ب ٥٥ ، فهنا تكون المصيبة الكبري .
الله لايوفقك ياحمدوك الله ينتقم منكم يالجنه البشير الامنية
| |
|
|
|
|
|
|
Re: موازنة “سرية صادمة” تعتزم الحكومة السود� (Re: Hasheem Karouri)
|
سلامات عاصم علي ، وجمعة مباركة
Quote: أجاز مجلس الوزراء اليوم “الخميس”، تقديرات موازنة العام المالي ٢٠٢١م، وقالت وزيرة المالية هبة محمد علي، إنّ موازنة العام ٢٠٢١م خصّصت مبالغ مقدرة لمعاش الناس والحماية الاجتماعية |
كلمة "تقديرات" دي يا ها الدغمسة زاااتا وسبب البلاوي مافي حاجة اسمها "تقديرات موازنة مجازة" .. اما موازنة مقترحة او مجازة وعلى حسب ما رشح حتى الان ونحن في اليوم الثامن من العام ٢٠٢١ ان السودان هو الدولة الوحيدة في العالم الشغال بدون موازنة مجازة ، ودي في عرف الشعب بسموها "ميزانية كيري". أما مسألة المبالغ المخصصة لمعاش الناس والحماية الاجتماعية فاني أضمن لك انها بند الفساد بامتياز .. وذلك لأنها لا تتنزل في شكل برامج اجتماعية واضحة وعادلة لمستحقيها الحكومة رفعت الدعم عن الجميع وليس لها اليات لحصر المواطن الأكثر تضررا وليس لها اساليب عادلة لتوزيع اموال الحماية الاجتماعية أو أيا كان اسمها.. لذلك اراهن انها ستخضع لامزجة الوزيرة والمسؤولين، وستنعم بها التنظيمات السياسية المقربة ..
| |
|
|
|
|
|
|
Re: موازنة “سرية صادمة” تعتزم الحكومة السود� (Re: اخلاص عبدالرحمن المشرف)
|
حباب الصديق المرهف قباني Quote: فياها دي عرفها عمر التاج و بي تفاصيلها .. لكنها سرية |
الدعوة السرية بتاعة نبينا محمد (ص) مش كانت كانت شغالة ٣ سنوات وبعض الناس كانوا عارفتها بس ياها ميزانية هبوية، شغالة بيها ٨ ايام دون ما تعلنها لكن كل الشعب عارفها .. اسه عليك الله في سرية اكتر من تعرف زيادة اسعار الكهرباء من إيصال الشراء؟ .. .. اختي اخلاص كيفنك، وجمعتك مباركة
Quote: في مقولة أظن للشريف حسين الهندي الميزانية حسب المطرة ، الخريف سمح زراعة وضان ، ال يقرأ كيبوردك يقول ديك يا المصانع
نص مليون عربية من ليبيا وما داير يشيلو دعم البنزين ، و بطلتو الكسرة قال اغلي من الرغيف المدعوم ، وقفوا الدعم وتصير الكسرة ارخص |
ميزانية حسب المطرة دي الا كانت عند الخليفة التعايشي ههههه قال ليهم قللوا من ملاح الخدرة عشان طاعم وبكمل العيش . والوزيرة عايزة تقلل من دعم الوقود عشان تقلل عدد العربات .. وانت اكيد عارفة يا دكتورة انه عدد العربات في السودان اقل من حوجة المواطن بكثير .. الشعوب الراقية بيكون سعر العربية في المتوسط ما بيزيد هن راتب شهرين وكل بيت بيكون فيه عربيتين او ثلاثة ، فاين نحن من هذا المستوى المعقول المشكلة ما في عدد العربات ، خلوهن يدخلن بالملايين ، بس انتو صلحوا الطرق.. ودي يفترض تكون مهمة بسيطة بالنسبة لجسم اسمه حكومة دولة .. ثم يا اختي الدولة لو ما دعمت البنزين والجاز والغاز والرغيف ، عايزة تدعم شنو تاني وفائدة قعادها شنو؟ الرأسمالية لما تقع بب كدة بترمي معاها المجتمع اكثر، وربنا ما أمر بكدة. ثم انه الوقود الرفعوا منه الدعم ده، نصه بينتج محلي، وحتى وقت قريب كان بيصدر للخارج لعنة الله على البنك الدولي وبرامجه الناشفة
| |
|
|
|
|
|
|
|