|
|
|
 Re: السودان بين مطرقة اثيوبيا وسندان مصر (Re: اسماعيل عبد الله محمد)
|
Quote: المدهش حقاً هو اختلاف رأسي نظام الحكم (البرهان وحمدوك) حول اولويات السياسة الخارجية وقضايا الامن القومي،
ففي الوقت الذي يسعى فيه رئيس الوزراء والقوى المدنية الشريفة نحو ترسيخ الاواصر مع الجارة الشرقية،
يهرول العسكر وبقايا الدولة العميقة لكسب ود الجارة الشمالية وتقديم الوطن ككبش فداء من اجل رفاهية هذا الشعب الجار،
هذه الحالة لن تراها الا في السودان، |
| |
  
|
|
|
|
|
|
|
|
Re: السودان بين مطرقة اثيوبيا وسندان مصر (Re: اسماعيل عبد الله محمد)
|
Quote: قاطعت الكسرة والعصيدة والقراصة وعشقت الفلافل،
في وقت تجد فيه الاثيوبي يصطحب معه الانجيرا اينما حل ورحل ويعرضها في مطاعمه الاكسومية الفاخرة بين عواصم اقطار الدنيا، |
يا سمعة ليك وحشة
لكن كلامك الفوق فيهو تجنّي وااااااضح
السودانيين محل ما يمشوا شايلين معاهم
الكسرة و القراصة و الملوحة و العصيدة و المدايد بأنواعها و ام رقيقة بي ويكتها
و الدلكة و البخور و الحنة و بت السودان
و الله طين النيل (طين البحر) شايلنو معاهم
و ازيدك كمان
مناسبتنا خير شر كلها تقوم كما في وطننا تماماً
بكل عاداتها و تقاليدها
يا اخي بي كلامك دا عصرت علينا شديد
كدي صلّحو
إن شاء الله تعمل له شوية جبنة الدويم و حبة زيت سمسم ام روابة
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: عماد الدين الطيب عمر)
|
عماد الدين وترهاقا لكما اطيب التحايا
يا عماد خلينا نتفق على ان الاستلاب الثقافي عمل في وجدان الفرد السوداني العمايل
عندنا كم سوداني بتكلم مصري؟
وفي المقابل مافي مصري واحد بتكلم سوداني
نفس الاستلاب عندنا في الخليج - بعض من اخوتنا السودانيين اصبحوا مسوخ متحركة..
عدم الاعتداد بالنفس والانبطاح والانهزام النفسي هو سبب بلاوينا السياسية والاجتماعية والثقافية
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: اسماعيل عبد الله محمد)
|
الحبيب الجميل اسماعيل .. تحياتي
مقال شجاع وواضح ..
ولا بد لنا من مواجهة أنفسنا بكل شجاعة وبدون أي تردد
وإعلاء شأن الوطن فوق كل الاعتبارات
حبنا للوطن لفظي فقط
عندما نسمع الاناشيد مثال ( أنا سوداني للعطبراوي) نذرف الدموع أحياناً
وبمجرد انتهاء الاغنية نخرج من هذه الدائرة الى المصالح الذاتية
وقد كتبت مقال في جريدة الخرطوم زمان عن تجربتي هذه حيث كانت هناك ليلة
غنائية في احدى تجمعات مدينة جدة وكانت ليلة وطنية ووصلت قمة النشوة مع اغنية (انا سوداني)
بعد انتهاء الاغنية وجدت في القاعة احد الاخوة ( ناس تحويل العملة ) واتفقت معه على تحويل
مبلغ الف ريال ( بالسوق الاسود ) .. وبعد ذلك جلست أتامل في هذا الفعل .. واتحدث مع نفسي
قبل قليل اذرف دمع في حب الوطن .. وعند الفعل ألحقت بالوطن أكبر ضرر
نحن ناس سمسرة وتهريب و مكايدات سياسية وكيفية الوصول الى السلطة والمصلحة الشخصية
حتى لو المصعد هو دمار الوطن
الشعوب تحب بلادها فعلياً وليس لفظياً ..
اسماعيل الحبيب بصراحة طرحك شجاع
ولا حل لمشاكلنا اذا لم نواجه انفسنا ( جميعاً )
ويثار هذا الموضوع في حلقات تلفزيون وحديث مباشر من خبراء
ولا يبريء أحداً نفسه ..
شكرا اسماعيل .. دعنا نقسو على انفسنا بدون استثناء
تحياتي الحبيب اسماعيل .. عودة حميدة
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: علي عبدالوهاب عثمان)
|
حبيبنا علي عبد الوهاب سلامات ياخي
Quote: بعد انتهاء الاغنية وجدت في القاعة احد الاخوة ( ناس تحويل العملة ) واتفقت معه على تحويل
مبلغ الف ريال ( بالسوق الاسود ) .. وبعد ذلك جلست أتامل في هذا الفعل .. واتحدث مع نفسي
قبل قليل اذرف دمع في حب الوطن .. وعند الفعل ألحقت بالوطن أكبر ضرر |
هههههههه
صدقت والله .. هذا هو الحال بكل الوضوح وبكل الشفافية
مثل هذا التعامل فرضته علينا الانظمة السياسية الغير مسؤولة ولا ذنب للمواطن في وجود السوق الاسود والسوق الموازي
هذه الاسواق السوداء الموازية صنيعة الحكومات الغير محترمة
في البلدان المحترمة لن تجد شخص يتاجر بالعملة الوطنية تحت ظلال اشجار النيم وعلى بنابر شرب الشاي
السماح بسيطرة الافراد على العملة الوطنية جريمة لا تغتفر.
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: اسماعيل عبد الله محمد)
|
سلام اسماعيل و حمدا لله علي سلامة العودة للكتابة
Quote: لكن كلامك الفوق فيهو تجنّي وااااااضح
السودانيين محل ما يمشوا شايلين معاهم
الكسرة و القراصة و الملوحة و العصيدة و المدايد بأنواعها و ام رقيقة بي ويكتها |
سلام عماد
المشكلة في ناس الداخل اللى تركو اكلاتهم الشعبية و جارين وراء صفوف الرغيف.
في الخارج البديل للكسرة السودانية هى الانجيرا و متوفرة في اى زاوية. يعنى الاثيوبيين شالو ثقافتهم تجاريا معاهم و يقينى انو في داخل اثيوبيا ما زالت وجبتهم الاساسية.
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: Mahjob Abdalla)
|
Quote: سلام عماد
المشكلة في ناس الداخل اللى تركو اكلاتهم الشعبية و جارين وراء صفوف الرغيف.
في الخارج البديل للكسرة السودانية هى الانجيرا و متوفرة في اى زاوية. يعنى الاثيوبيين شالو ثقافتهم تجاريا معاهم و يقينى انو في داخل اثيوبيا ما زالت وجبتهم الاساسية. |
هبيبنا مهجوب
تحياتي
المشكلة كلها كما تكرمت
تغيير النمط الغذائي لسكان الداخل
لكن ما ننكر الحراك الحضاري و تاثير الثقافات الداخلة
و بنفس القدر يا هبيب تلقى محلات السودانيين في مصر مليانة منتجات سودانية
و مطاعم فيها كل الاكلات السودانية
و الاقبال عليها شي مدهش
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: اسماعيل عبد الله محمد)
|
سمعة
تحياتي
Quote: يا عماد خلينا نتفق على ان الاستلاب الثقافي عمل في وجدان الفرد السوداني العمايل
عندنا كم سوداني بتكلم مصري؟
وفي المقابل مافي مصري واحد بتكلم سوداني
نفس الاستلاب عندنا في الخليج - بعض من اخوتنا السودانيين اصبحوا مسوخ متحركة.. |
في النقطة دي اتفق معاك 100%
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: عماد الدين الطيب عمر)
|
حبيبنا اسماعيل .. لقد تطرقت لموضوع في غاية الاهمية
ليت الجميع في المنبر يدلون بآرائهم
لأن ما ورد في مقالك هو اساس المشكلة في السودان
قبل المال والتنمية والاقتصاد .. انسان السودان هو الاساس
الموضوع يا اسماعيل يحتاج للنقاش بكل شجاعة وبدون أي تحفظ
وأن يرتقي الموضوع الى وسائل الاعلام القومية بمشارك مختصين
وبكل وضوح وصراحة ..
شكرا اسماعيل
فوق
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: علي عبدالوهاب عثمان)
|
| Quote: انسان السودان هو الاساس |
نعم انسان السودان هو الاساس
استحضر حوار اجري مع الناقد والكاتب المسرحي السر السيد في قناة النيل الازرق
اجرى الحوار مذيع ومذيعة من مذيعات ومذيعين الالوان المزركشة والعقول المسطحة
كان موضوع الحلقة حول التبادل الثقافي بين مصر والسودان
وكانت المناسبة زيارة مجموعة من الفنانيين والمسرحيين المصريين للخرطوم
وبطبيعة حال كثير من الاعلاميين الذين نشأوا تحت موجهات المسلسل اليومي
كان المذيع وكانت المذيعة يقدمان للضيف اسئلة مشحونة بكل مشاعر المثقف المستلب والمنبهر والخاضع حضارياً لوفود التنوير الثقافي القادمين من مصر
لكن الضيف خيّب ظنهما
عندما طرح عليهما اسئلة قبل ان يجيب على اسئلتهم الفارغة من الفائدة والمضمون
سألهم
لماذا يكون التبادل الثقافي من طرف واحد؟
لماذا دائماً يكون السودانيون هم المتلقي للقادم من مصر ولا يكون هنالك وفود سودانية ذاهبة الى مصر لتجد ذات الاحتفاء من الوسط الثقافي المصري؟
لماذ لا يحتفى بمجموعة الفنانين والكتاب والشعراء والاعلاميين السودانيين الموجودين في مصر؟
لماذا يخطيء (بقصد) الاعلام المصري المكتوب والمسموع في ذكر اسماء الرموز السودانية؟
كانت حلقة كاربة من النقاش الصارخ قاده الاستاذ السر ما ادى الى انتفاخ اوداج المذيع بالزعل و الحنق نتيجة لهبش منظومة مفاهيمه المستلبة.
| |
|
|
|
|
|
|
|
|
|
Re: السودان بين مطرقة اثيوبيا وسندان مصر (Re: اسماعيل عبد الله محمد)
|
Quote: ا
السودان يرفض طلباً غريباً للخطوط الجوية المصرية
السودان
منذ ساعتين
لخرطوم : النورس نيوز
علم (النورس نيوز) أن سلطات مطار الخرطوم الدولي، رفضت طلباً للخطوط الجوية المصرية، بشأن تعديل رحلات الأخيرة من “لندن – القاهرة”، لتصبح “لندن – الخرطوم – القاهرة ” وتلزم المُسافرين الحجر في الخرطوم.
يذكر أن الممكلة المتحدة تعاني من ظهور سلالة جديدة من فيروس كورونا، مما دعا معظم الدول الى ايقاف رحلاتها المباشرة مع لندن
|
https://alnawrasnews.net/2020/12/66974/https://alnawrasnews.net/2020/12/66974/
| |
|
|
|
|
|
|
| |
اسماعيل عبد الله محمد
ترهاقا
علي عبدالوهاب عثمان
Mahjob Abdalla
Hassan Farah
فيس بوك
تويتر
انستقرام
يوتيوب
بنتيريست