|
|
|
 Re: جيهان هنري (Re: عمر التاج)
|
نفى الوزير السوداني، ان تكون وزارته تعاقدت مع مسؤولة شرق أفريقيا (سابقاً) بمنظمة هيومان رايتس ووتش، الأمريكية جيهان هنري، لتكون مستشارة لوزير العدل السوداني، نصرالدين عبدالباري.
وقال عبد الباري لـ(عاين)، “أنضمت جيهان هنري، التي درستْ الفلسفة بجامعة كولمبيا بنيويورك والقانون بجامعة تكساس وتحمل رخصة لممارسة القانون في ولاية نيويورك، مستشارة لوزارة العدل، وليس لوزير العدل”.
..
..منقول.
| |
 
|
|
|
|
|
|
|
|
Re: جيهان هنري (Re: عمر التاج)
|
هل هي مقدمة تدخل القوات الدولية يا حمدوك؟
مستشارة أمريكية ليه؟ السودانيين بطلوا يشتغلوا؟
وبعدين الخبراء الاجانب الجابوهم للاقتصاد عملوا شنو؟
Quote: - من هي جيهان هنري Jehanne Henery وما هي علاقتها بالتغيير الذي حدث في السودان ؟!
- ما علاقتها بمكتب رئيس الوزراء قبل ان يتم تعيينها مؤخراً مستشاراً لوزير العدل ؟!
- هل تم منحها الجنسية السودانية ؟!
ــــــــــ
- عندما تُمارَس العمالة والارتهان للخارج علانية حينها تصبح الوطنية عيباً يكاد المرء يخفيه حتى لا ينكشف .
- غير مستغرب ان تحتوي دواوين الحكومة المدنية على اجنبية ومن نظرتها وحسي الامني اشتم فيها رائحة المخابرات ، إن بلداً يكون للمخابرات الاجنبية موظفاً فيها بدرجة مستشار وزير عدل هي دولة مرتهنة للخارج ويحكمها العملاء من حملة الجوازات الاجنبية الذين حينما يحمي الوطيس يحملو ادراجهم ويغادرو البلاد تاركين المواطن يصارع ليعيش في وسط المخابرات الاجنبية التي امتلأت بها البلاد في عهد الخائن العميل حمدوك . |
| |
|
|
|
|
|
|
|
|
 Re: جيهان هنري (Re: عمر التاج)
|
| Quote: انت قايل في زول في المنبر ده ما عنده واتساب |
في ناس عندهم واتساب لكن ماعندهم رأي..
أسه انت رأيك شنو؟
| |
|
|
|
|
|
|
|
|
|
Re: جيهان هنري (Re: عمر التاج)
|
برضك لو ماعندك رأي ما تزعل ..
ممكن نخرج ليك من الواتس شوية..
رغم أنه الخبر الرئيسي -المداخلة الاولى + الثانية-
أصلا ما موجودة في في الواتس..
هل يفكر نصر الدين فعلا فيما طلبته هذه السيدة قبل ان تاتي مستشارة معه؟
وهل هي من ستقوم بتنظيم فرص السودان في مؤتمر برلين
| |
|
|
|
|
|
|
|
|
|
Re: جيهان هنري (Re: عمر التاج)
|
ايش المشكلة يا عمر
ما تري نص السودانيين شغاليين بره
وواحدين مستشارين لملوك ، انا بعرف
كم واحد مستشار لملك ولدولة
كل الدولة بتستعين بخبراء والزولة دي
انت قلت عندها معرفة عن الحاصل
| |
|
|
|
|
|
|
|
|
|
Re: جيهان هنري (Re: اخلاص عبدالرحمن المشرف)
|
بلد مدمرة بالوضع النحنا فيهو دا يا عمر
محتاجه الألاف من الخبراء في كل الوزارات
والمصالح الحكومية لإرساء أنظمة العمل
الصحيحة وتحديد المهام لكل جهة ...
المرحلة الوصلنا ليها دي تثبت بما لا يدع
مجال للشك مدى تخلفنا وعدم فهمنا وطلعنا
عرايا لا نفقه شىء سوى النفخه الكضابه
(نحنا ونحنا ونحنا ... هههه ... وطلعنا نحنا
حقول بس)
| |
|
|
|
|
|
|
|
|
|
Re: جيهان هنري (Re: اخلاص عبدالرحمن المشرف)
|
| Quote: وواحدين مستشارين لملوك |
قصدك طه يا دكتورة؟
ماقلتم خائن وعميل .
..
.. شوفي يا دكتورة
لما يكون عندك صف من المستشاريين الوطنيين في مواقع حساسة ، وتشيليهم بقرار واحد من الخدمة
وتعيني بدلا منهم أجانب بتاعين منظمات مشبوهة ، يبقى أنت بتبيعي البلد
السودانيين عندهم خبرات عالية في كل المجالات ، ومن باب أولى تستفيدي منهم وتفيديهم
لأن الأجنبي اذا حصل تقاطع في مصالح لدولته الأم، مع دولته التي يعمل فيها ... يكون لديه خيارين:
أما يبقى خائن ويبيع بلده ، وزي ده تاني ما منه فائدة
أو يقيف مع بلده الأصل، ضد البلد الشغال فيها، وزي ده بتعاقدوا معاه في وظيفة عادية تحت اشراف الوطنيين
وفرق كبير بين تعيين الأجانب والتعاقد معهم .
| |
|
|
|
|
|
|
|
|
|
Re: جيهان هنري (Re: عمر التاج)
|
طه مستشار ، خائن دي ما حصل قلتها
ممكن ارص لك ما اقل من 20 مستشار بعضهم
اخذ الجنسية ، وكذلك اطباء نوابغ مستشارين
بعضهم تعرض عليه الجنسية، بعضهم في مجال
الامن من زمن عمر محمد الطيب وقبل كده
يا اخوي عمر نحن زي ما قال صلاح زبير
محتاجين مساعدة وبعض تواضع ، تفاءل
عمر اخوي ، لازم نردم ال فجوة الحصلت دي
| |
|
|
|
|
|
|
|
|
|
Re: جيهان هنري (Re: muntasir)
|
Quote: ممكن ارص لك ما اقل من 20 مستشار بعضهم
اخذ الجنسية |
أخذ الجنسية ده خلاص بقى سوداني ..
ويفترض يشترط قانون الجنسية السودانية على عدم ازدواجية الجنسية لمن هم في الخدمة العامة ..
ولكن للاخرين..
وعشان أسهل عليك انت ومنتصر ده وعزيزي القارئ ..
اطلب منكم ذكر اسم واحد ..
لأي أجنبي تولى وظيفة على مستوى مستشار وزير أو وزارة اتحادية
ننذ الاستقلال، وحتى اليوم
غير هذه الهنري
..
.. أخونا منتصر من يوم دخلناه في لستة الخوازيق بقى شابكني كوز وجك ..
دخولك في اللستة ديك عندي ليهو مسببات وملابسات، سآتي لذكرها لاحقا في ذلك البوست..
عشان كده خليك مركز هنا في جيهان دي، مافي عمر التاج (وجه باحك)
| |
|
|
|
|
|
|
|
|
|
Re: جيهان هنري (Re: اخلاص عبدالرحمن المشرف)
|
Quote:
بلد مدمرة بالوضع النحنا فيهو دا يا عمر
محتاجه الألاف من الخبراء في كل الوزارات
والمصالح الحكومية لإرساء أنظمة العمل
الصحيحة وتحديد المهام لكل جهة ...
المرحلة الوصلنا ليها دي تثبت بما لا يدع
مجال للشك مدى تخلفنا وعدم فهمنا وطلعنا
عرايا لا نفقه شىء سوى النفخه الكضابه
(نحنا ونحنا ونحنا ... هههه ... وطلعنا نحنا
حقول بس) |
نسيت تكتب يا عمر شعار سودنه الوظائف ماعدا ذلك لم اجد حجه تدعم إعتراضك:)
| |
|
|
|
|
|
|
|
|
|
Re: جيهان هنري (Re: اخلاص عبدالرحمن المشرف)
|
Quote: هههه ما الجنسية السودانية هم سودانيين في
دول المهجر |
ما كلهم يا دكتورة .. الكثير منهم نال الجنسية أو الجواز الأجنبي وفق استحقاقات معروفة
والبعض أسقط الجواز السوداني حتى تسلم مواقع حساسة في دول اجنبية ..
بينما العكس لم يمر بي الا في حالة جيهان هنري .. واذا مر عليك في حالة السودان اعلمينا
اما موضوع السودنة فهو موضوع مختلف تماما ..
..
..
ود البشرى انت فهمت ملابسات البوست دي كلها ..
وبس بقت مشكلتك في موضوع التعيين والتعاقد؟
طيب انا حا أختصر كل مشوار التعيين والتعاقد والاختيار والتوظيف والاستقطاب والتسكين والتنسيب الوظيفي.
وأقول لك بالمثل، قارن بين عقد عملك كأجنبي في الخليج ، واشتراطات توظيف الوطنيين في نفس موقعك الوظيفي..
ويلا ادينا رأيك في مستشارتك الجديدة جيهان هنري ..
| |
|
|
|
|
|
|
|
|
|
Re: جيهان هنري (Re: عمر التاج)
|
البوست يا ود التاج ما محتاج فهم ياهو ملفوحاتك المعتادة وبتجي جاري بيها ظنا انها تنال من الثورة و الحكومة الانتقالية و تتبناها سواء صحت او كذبت ودا فلم دخلناه معاك جغلمية مرة فصار لا يستدعي الانتباه
لكن العبارة دي | Quote: تعيين الأجانب والتعاقد معهم |
و لاحظ انت تتحدث عن الاجانب في الحالتين سواء التعاقد معهم أو تعيينهم كما تبين صياغتك للجملة هي التي استرعت انتباهي باعتبار هناك فرق بيناتهم ولم انجح في العثور عليه لذا سالتك
أما عن اجابتك و طلب المقارنة بين عقد الاجنبي و بين اشتراطات تعيين المواطن فدي لا علاقة لها بالجملة التي كتبتها انت, اللهم إلّا لو صغتها بطريقة خاطئة وعايز تصححّها و تقول مثلا "قارن بين تعيين الاجانب و التعاقد مع المواطنين" فدا موضوع تاني
| |
|
|
|
|
|
|
|
|
Re: جيهان هنري (Re: عمر التاج)
|
Quote: بلد مدمرة بالوضع النحنا فيهو دا يا عمر
محتاجه الألاف من الخبراء في كل الوزارات
والمصالح الحكومية لإرساء أنظمة العمل
الصحيحة وتحديد المهام لكل جهة ... |
الالاف من الخبراء البلد ما فيها يا صلاح ؟
السودانيين المسكين المنظمات وشغالين بالمئات في الخارج
وكانت بتستفيد منهم دول ومؤسسات العالم مشو وين؟
انقرضوا؟
هذا الاتجاه يمهد بالضبط لاستجلاب رئيس وزراء ووزراء وقادة جيش .. ليسوا بسودانيين
| |
|
|
|
|
|
|
|
|
|
Re: جيهان هنري (Re: عمر التاج)
|
فهمك دا يا عمر زي فهم ناس الكورة عشان كدا ما حا تقوم
لينا قايمه ... عندنا (خبراء) كورة مارسوا الكرة وشهرتهم
(محليا) لا يأتيها الباطل من اي جهة لكنهم فشلوا فشل
زريع في تطور الكرة طوال ال ٥٠ سنة الماضية ... فزنا
بكأس أفريقيا لاخر مرة ١٩٧٠ ... مش كان أفضل الاستعانة
بخبراء أجانب لتشخيص الداء منذ ال ٢٠ سنة الأولى
من الفشل ... مش ياهو التمسك بالخبرة السودانية
والسباحة في بركة الفشل إلى يوم يبعثون ...
وقس على ذلك الفشل السياسي والإقتصادي وحتى
على مستوى الدولة من تعثر الخدمة المدنية والأمنية
والعسكرية ... لم نطالب بمستعمر جديد ... مطلبنا جهات
ممكن تكون شركات او منظمات او أفراد يفتونا في الفشل
المزمن الذي يعم البلد وكيفية التخلص منو ...
في وجود خبراء من كل بقاع العالم كانت الشركة التي
كنت اعمل بها تستعين ببعض الشركات المتخصصة
في شؤون الموظفين وإعادة هيكلة الشركة وشركات
متخصصة في الصيانة لمراجعة ما تطبقه الشركة من
جداول الصيانة وتحديثها ... اظن كل الحكومات
والشركات الكبيرة تنحو لهذا المنهج للمزيد من تجويد
العمل لمزيد من تجويد الإنتاج ...
نحترم رايك ذو الإتجاه الواحد ...
| |
|
|
|
|
|
|
|
|
|
Re: جيهان هنري (Re: Salah Zubeir)
|
Quote: وعشان أسهل عليك انت ومنتصر ده وعزيزي القارئ ..
اطلب منكم ذكر اسم واحد ..
لأي أجنبي تولى وظيفة على مستوى مستشار وزير أو وزارة اتحادية
ننذ الاستقلال، وحتى اليوم
غير هذه الهنري |
اول هام يا ود التاج
جيهان هنرى دى مستشارة لوزارة العدل وليس للسيد عبدالبارى وزير العدل وهذه الوزارة تمثل جمهورية السودان !!
ثم ثانياً جيهان دى مستشارة بصفتها الاعتبارية لا الشخصية
حيث انها صاحبة مكتب استشارات قانونية فى امريكا .
والآهم من دا كوووووولو الرد على تساؤلك عن ان نأتى باسم اجنى تولى وظيفة استشارية منذ الاستقلال وحتى الآن !؟
ياخ انتا نايم وين !؟ الكيزان مش كان ليهم مستشار قانونى فى امريكا زى المستشار بتاع وزارة العدل !!!
هاك يا ود التاج ما صرح به وزير الخارجية ابراهيم غندور ايام مشكلة المدمرة كول :
Quote: وأضاف غندور، في تصريحات صحفية بالخرطوم مساء اليوم ،الأحد، أنه بناء على طلب محامي حكومة السودان،
والمدعي العام الأمريكي، ووزارة العدل الأمريكية ، بإعادة النظر في هذه القضية، تم عرضها مرة أخرى أمام المحكمة الأمريكية
المعنية بهذا الأمر. |
| Quote: بناء على طلب محامي حكومة السودان |
ومحامى حكومة السودان ايضاً كان شخصية اعتبارية
( مكتب استشارى )
| |
|
|
|
|
|
|
|
|
|
Re: جيهان هنري (Re: علاء سيداحمد)
|
طيب
اصلاً من هو السبب فى الحاجة الى تعيين مكتب استشارى خاص بحقوق الانسان
موش الكيزان هم السبب !!؟؟ بانتهاكاتهم الفظيعة لحقوق الانسان فى السودان طوال تلاتين عام !!؟؟
| |
|
|
|
|
|
|
|
|
|
Re: جيهان هنري (Re: علاء سيداحمد)
|
طيب
اصلاً من هو السبب فى الحاجة الى تعيين مكتب استشارى خاص بحقوق الانسان
موش الكيزان هم السبب !!؟؟ بانتهاكاتهم الفظيعة لحقوق الانسان فى السودان طوال تلاتين عام !!؟؟
| |
|
|
|
|
|
|
|
|
|
Re: جيهان هنري (Re: علاء سيداحمد)
|
مرحبا علاء أخوي..
| Quote: الكيزان مش كان ليهم مستشار قانونى فى امريكا زى المستشار بتاع وزارة العدل ! |
ما تلخبط الكيمان يا علاء ..
فرق كبير بين تتعاقد مع مكتب استشاري فني لاداء مهمة محددة
وبين توظف مستشار أجنبي يحدد ليك قرارات وزارتك وبلدك..
تعيين مستشار على مستوى وزارة ما حصلت في تاريخ السودان قبل كدة
هو الناس عندهم رأي في حملة الجوازات الأجنبية في حكومتك يا علاء ..
تقوم تجيب ليهم الأجنبي الراس عديل في وظيفة حساسة زي دي؟
| |
|
|
|
|
|
|
|
|
|
Re: جيهان هنري (Re: عمر التاج)
|
Quote: عندنا (خبراء) كورة مارسوا الكرة وشهرتهم
(محليا) لا يأتيها الباطل من اي جهة لكنهم فشلوا فشل
زريع في تطور الكرة طوال ال ٥٠ سنة الماضية ... فزنا
بكأس أفريقيا لاخر مرة ١٩٧٠ .. |
لما تكون انت دولة بتصدر الخبراء والمثقفين والدكاترة لدول العالم
يبقى من الغباء والعمالة انك تسيب ناسك وتمشي تستورد ما تصوره
السودان بإصلاح شال كاس افريقيا بلاعبين وطنيين
وكان لاعبوه منتشربن في الخليج ومصر وحتى اسيا و اوروبا
والمريخ شال الكاس الافريقي الوحيد وكل لاعبيه وطاقمه الفني سودانيين خلص..
وبعد داك جبنا كروجر ووارغو وكل هلمة الأجانب .. وما كسبنا غير الدفع ووجع القلب ..
اسه حكومة قلت دي مش كلها خبراء أجانب يا صلاح؟
حمدوك والبدوي وأسماء وهبة وكل الجوقة الأجنبية غير الفشل أنتجوا شنو؟
غايتو تاني يالقحاتة ما بسألكم ..
وما بعد الرضى بتدخل قوات أجنبية في بلدك كفر وخجل ..
| |
|
|
|
|
|
|
|
|
|
Re: جيهان هنري (Re: عمر التاج)
|
| Quote: ظنا انها تنال من الثورة و الحكومة الانتقالية و تتبناها سواء صحت او كذبت |
صدقني يا ود البشرى حكومتك دي أصلا ما محتاجة زول ينال منها .. هي براها بتثبت فشلها وعدم كفاءتها
وما عايزة زول يكضب عليها .. لأن واقع الشعب المزري خير شاهد على كذب كهنتها
فشنو يالأخو ..
حكومة حمدوك خلاص باي باي .. خلينا نقيف صف واحد ونعارض البعدها..
| |
|
|
|
|
|
|
|
|
|
Re: جيهان هنري (Re: عمر التاج)
|
شايف البوست دا عجبك و مركز معاهو يا عمر فلة الما بتخاف الله
كلما تستمر في البوست دا بتفضح جهلك
و مسألة التذاكي بغباء دي ماركة مسجلة للكيزان
الاستعانة بالخبراء معروفة في كل انحاء العالم و ليست جديدة
و كونها جديدة على السودان فهذه هي ضرورة المرحلة و هذا هو الطريق الصحيح
لتصحيح الخدمة المدنية و كافة دواوين الدولة التي دمرها كيزانك و جرادلك الفاسدين
| |
|
|
|
|
|
|
|
|
|
Re: جيهان هنري (Re: خضر الطيب)
|
Quote: فرق كبير بين تتعاقد مع مكتب استشاري فني لاداء مهمة محددة
وبين توظف مستشار أجنبي يحدد ليك قرارات وزارتك وبلدك.. |
يا عمر كلامك المقتبس اعلاه غير صحيح
فى شبكة عاين :
أشار الوزير إلى ان ذلك يأتي في إطار الدعم الذي تقدمه جهات ووكالات ومنظمات دولية، حيث تعاقدت معها إحدى هذه الوكالات بطلب من الوزارة في إطار دعمها لوزارة العدل في مجالات مختلفة، منها رقمنة أو حوسبة الوزارة.
لان هناك شركات اخرى ومستشارين وخبراء ايضاً ذكرهم وزير العدل بانهم قد انضموا للوزارة لتنفيذ بعض المهام بدعم من منظمات دولية
وليس لتحديد قرارات الوزارة كما تفضلت انت .
Quote: قال وزير العدل السوداني، نصرالدين عبد الباري، ان عددا من المستشارين والخبراء قد انضموا إلى وزارة العدل حديثاً بدعم من منظمات دولية
ونفى الوزير السوداني، ان تكون وزارته تعاقدت مع مسؤولة شرق أفريقيا (سابقاً) بمنظمة هيومان رايتس ووتش، الأمريكية جيهان هنري، لتكون مستشارة لوزير العدل السوداني، نصرالدين عبدالباري.
وقال عبد الباري لـ(عاين)، “أنضمت جيهان هنري، التي درستْ الفلسفة بجامعة كولمبيا بنيويورك والقانون بجامعة تكساس وتحمل رخصة لممارسة القانون في ولاية نيويورك، مستشارة لوزارة العدل، وليس لوزير العدل”.
أشار الوزير إلى ان ذلك يأتي في إطار الدعم الذي تقدمه جهات ووكالات ومنظمات دولية، حيث تعاقدت معها إحدى هذه الوكالات بطلب من الوزارة في إطار دعمها لوزارة العدل في مجالات مختلفة، منها رقمنة أو حوسبة الوزارة.
وأفاد عبد الباري، إلى أن عدداً من المستشارين والخبراء قد انضموا إلى وزارة العدل حديثاً بدعم من منظمات دولية؛ منهم الدكتورة ابتسام سنهوري، التي تعمل مستشارة للتحول السياسي ومنسقة للتعاون الدولي؛ والأستاذة إيمان مكي، التي تعمل مستشارة إعلامية؛ والدكتور أحمد التني، الذي يعمل مستشاراً للاصلاح والتحول المؤسسي؛ والدكتور عبدالسلام سيد أحمد، الذي يعمل مستشاراً لحقوق الإنسان. |
النجيضة هنا :
| Quote: أشار الوزير إلى ان ذلك يأتي في إطار الدعم الذي تقدمه جهات ووكالات ومنظمات دولية، حيث تعاقدت معها إحدى هذه الوكالات بطلب من الوزارة في إطار دعمها لوزارة العدل |
يعنى المتعاقدين معاها جهات ومنظمات دولية وليس وزارة العدل .
| |
|
|
|
|
|
|
| |
عمر التاج
Salah Zubeir
محمد البشرى الخضر
Abdelrahim Mohmed Salih
علاء سيداحمد
خضر الطيب
فيس بوك
تويتر
انستقرام
يوتيوب
بنتيريست