|
|
|
 Re: زول يلم لينا القصة دي (Re: حسن ادم محمد العالم)
|
دي آخرة أنانية السياسين وجهلهم
الشيوعين يا يسوقوا الحرية او يسقطوها
يا يسوقوا تجمع المهنيين أو يخطفوه
يا يسوقوا لجان المقاومة أو يغوصوها
حزب زي دا بالله وريني يتعاملوا معاو كيف
وكيف تقدر تتفادي الإنقسام
| |
 
|
|
|
|
|
|
|
|
Re: زول يلم لينا القصة دي (Re: اخلاص عبدالرحمن المشرف)
|
تحياتي ود العالم
يا حليل تجمع المهنيين سيد الإسم, القيادة الموحدة المجمع عليها كانت احد عوامل نجاح الثورة!
اسي كل مجموعة راكبة راس و هي القيادة وهي البتتكلم باسم اللجان و الثوار, أمس جماعة اطلقوا على انفسهم حركة لجان المقاومة "حلم" ودي غير تجمع لجان المقاومة "تلم" كانوا في مؤتمر صحفي مباشر قبل نهايته جو مجموعة قالوا نحن لجان مقاومة وانتو ما بتمثلونا و دورت الشكلة!!
بعد 30 يونيو ست الإسم لم تخرج مليونية حقيقية ولن تخرج طالما هذا ديدن الناس, مالم يعودوا للوحدة خلف قيادة معلومة ومجمع عليها للأسف تفقد الثورة اهم ادواتها و هي الضغط الجماهيري, ما يجري من عبث لن يهز موقف العسكر بل يقويه
| |
|
|
|
|
|
|
|
|
Re: زول يلم لينا القصة دي (Re: محمد البشرى الخضر)
|
يا ود البشرى الشيوعين الوهم ديل قايلين الناس ريالتهم سايلة
الجماعة الخطفوا تجمع المهنيين مشوا عملوا ليهم
صفحة في الفيسبوك قبل يومين اسمها(كتلة أحياء أمدرمان)
نقلوا منها بيان ومسارات للموكب
دا إستهبال لا يليق بقوى سياسية مسؤولة
مع النوع دا من الإستغفال يصعب تفادي الإنقسام
| |
|
|
|
|
|
|
|
|
|
Re: زول يلم لينا القصة دي (Re: عبدالعظيم عثمان)
|
با عظمة المرحلة أعقد وأكبر من ان تحدث خلافات داخلية لدرجة شق الكتلة الموحدة الاسقطت البشير
اطماع العسكر ظاهرة و اسي كمان مع الحرب مع اثيوبيا ح يدوروا في الناس تخوين وجيشنا يا جيش الهنا الحارس مالنا ودمنا و الملكية خونة و بتاع
الاجدى كان ان تأجل الخلافات ايا كان شكلها و توجه الجهود نحو اكمال الفترة و الانتقال بأي شكل و بعيوبه الظاهرة بعد داك تعالوا صفوا حساباتكم انو و الشيوعين و الشيعة زاتو بي راحتكم
| |
|
|
|
|
|
|
|
|
 Re: زول يلم لينا القصة دي (Re: محمد البشرى الخضر)
|
سلام عليكم
ياحسن القصه معركه استخباريه مدورينها الكيزان فى المقام الاول من يوم دقو اول اسفين فى جسم الثوره لما عمرزين العابدين طلع فى مؤتمر صحفى (والشعب كلو فى الاعتصام ان لم يكن حضور فمعنى فى الوحده ) واتكلم عن مشاوره قوى اخرىوكان فعلا بدو وطلعت حاجات زى الصراصير لما تصب مويه فى الجحور وبرضو كلامو عن جلوسهم مع المعتصمين فى ارض الاعتصام (دخول البرهان ارض الاعتصام موضوع مرتب ليهو ضمن ضربخ البدايه الخطه الكبرى الشغاله للان.
منالوقت داك بدت تتدق الاسافين وكلو جهه تلعب وتتخالف وتتحالف البلدبقت كلها مخالب قطط
لجان المقاومهبعضها عندو صله وبتلقى دعم باشكال مختلفه من (الدعم) سيد الاسم واختراقات بعضها الواحد شاهد على مايثبتو لكن قبلا ان قف خلف اللجان ككيان وروح للثوره هو الاهم اذا كان فى وعى لكن اللجان اخطات بعدم التوجد فى ايام الانتصار الاولى بالتالى اصبحت شبه دزر معوله وكالغنم القاصيه تناوشتها الذئابمن كل صوب.
شوف شله الهبوط الناعم مطلعين بيان امس خارج اطارالحاضنه السياسيه
والاخطر انو الناس اصبحت تقاد بواسطه الوسائط ومافيها ودا تم الناقصه اصبح قطاع من الناس مشتت وما فاهم فى شنو بالضبط ومنو هى القياده الحقيقيه البتمثل الثوره وامينه عليها
فى الوقت اللى فيهو الناس مغوله بلجنه تفكيك تمكين تلاطف وتغازل الدوله العميقه للنظام البائد كان الكيزان شغالين تفكيك فى وحده الثوره وايقظت من خلاياها النائمه فى مفاصل المجتمع السياسيه والاعلاميه وخلافها لتقوم بهذا الدور
الناس فى غمره الفرحه بذهاب البشير اتغرت ونست انو الكيزان اكثر تنظيم (الشيوعى طبعا المكافىء على الجهه الاخرى)وظنو انو خلاص التنظيم انتهى (والحقيقه انو الواجهات ذهبت وفعلت واجهات واستنفرت قوى تشن حرب من نواخر اقتصاديه واعلاميه وحتى كورونا لم يسلم الشعب من استخدامها بواسطه الكيزان ولاتنسى الانفلات الامنى وغياب اى مظهر لحسم هذا الانفلات وكل المظاهر دىو ربما فقد فيها ناس بسبب الانفلات الامنى والوضع الصحى اكتر من الكيزان فعلو جماعات ارهابيه تفجروتقتل زى ماحصل فى دول اخرى)
الشيوعيين لاعب ضمن الوضع لانو لابد يحصل توازن فى الساحه فى مواجههالكيزان لانو ببساطه الباقى دمى فى يد الجهه الاولى اوالجهه التانيه او جهات خارجيه
المهم فى اعتقادى ضاعت الثوره يوم ان اعتصم الناس امام ابواب العسكر ودعوتهم لحسم الوضع
هل نستطيع ان نعود بالثوره الى يوم 5 ابريل2019 . لتجاوز الخطاء القاتلفى حق الثوره ؟؟
والتسوى بايدك يغلب اجاويدك
| |
|
|
|
|
|
|
| |
عبدالعظيم عثمان
محمد البشرى الخضر
Asim Ali
فيس بوك
تويتر
انستقرام
يوتيوب
بنتيريست