|
|
|
 Re: لماذا قد يرجو البعض ضرا لوطنه؟ (Re: عمر التاج)
|
احتمالان لا ثالث لهما ..
مسؤول أسكرته السلطة، فظن أن الوطن هو المساحة التي تتحرك فيها كلابه تأكل وتتبول وتجلد،
وسيظل ملكه قائما ما دامت الكلاب جائعة له ..
ومعارض يحسب أن الضر الذي يسببه للبلد معبرة للسطة، وسيظل يضر ويفسد حتى يكتب عند الله فاسدا ،
حتى اذا جاء للسلطة وجد البلد خاوية على فقرها ، وظن ألا ملجأ من الضر الا ازالة الضر .
| |
 
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عبدالحفيظ ابوسن)
|
الافكار شواهد يا ود ابو سن ..
الحاجة الرئيسية اليفترض تجمع الأحزاب الوطنية
شمالها ويمينها شرقها وغربها وسطها
هو حب للخير للوطن ..
أي خير للوطن بينعكس مباشرة على حياة المواطن ..
والعمر مافيه بقية عشان الزول يفكر يضر الان عشان مصلحة آجلة قد لا تأتي
مع العلم أن الضر بيعم ، فكم من أرواح بريئة فقدت، ونفوس عزيزة سحقت و أخلاق فسدت
وقرى تدمرت ومدن تهدمت بسبب ضرر بسيط دبر بقصد ..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
ممكن تحل لي اللغز ده:
سياسي شهير ،وكان وزير في العهدين الديمقراطي والدكتاتوري احدث ضررا بليغا بالوطن
بحجة معارضة الحكومة الدكتاتورية،ولكنه اضر اقتصاد الوطن بتقديم معلومات مضللة لادارة
كلينتون الامريكية،،من هو!!
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: امتثال عبدالله)
|
Quote: سياسي شهير ،وكان وزير في العهدين الديمقراطي والدكتاتوري احدث ضررا بليغا بالوطن
بحجة معارضة الحكومة الدكتاتورية،ولكنه اضر اقتصاد الوطن |
زي ده لو حدث في ظل حكومة ديمقراطية
كان اتحاكم سياسيا وكتب على نفسه الموت السياسي
ولكن لان العهد كان بائد، والحكم شمولي .. تم العفو عنه واستوزاره ..
زول بخون وطن بحاله .. تقوم تجيبه الحكومة وزيرا،
ارضاءا لطموحه المريض وطموحها الفاسد ..
و زولك ده عينه من مخلفات البوست ،
الله لا بارك فيه ولا فضله على أحد من خلقه.
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
بتقديم معلومات مضللة لادارة
كلينتون الامريكية،،من هو!!
---------------------------------------------
امتثال دى تهمة خطيرة والزول دا لو جبتى اسمه حيرفع عليك قضية
الزول دا مافى حكومة بتدينو.........فى حروف ابجد اسمو عشرينو
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: Hassan Farah)
|
عشان كده ما جبت اسمه...
لكن زمان كل الناس كتبت عنه وجابت اسمه بالواضح لكن ما قال بغم
ولا رفع قضية لانه عارف نفسه مذنب...
وبنفس القدر انا بدين الناس الكانت بتطالب الادارة الامريكية بعدم رفع
العقوبات عن السودان ، اقصد عن شعب السودان، لانه بتفكيره القاصر كان
بيعتقد انه بيعاقب نظام اللصوص والحرامية وكان في الحقيقة هو بيزيد من معاناة
شعب السودان الاساسا كان بيعاني اشد المعاناة من نظام اللصوص والحرامية
وشغلوهم بالبحث عن لقمة العيش بدلا من النضال والكفاح ضد الظلم..
وواحد من هؤلاء الان وزير....هل تصدق!!!؟؟؟
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عبدالحفيظ ابوسن)
|
اظن يا ود ابو سن الناس كانت بتشكك في مصداقية ترامب
القبل كده صرح بان امريكا لا يمكن تدي مساعد ولا معونة بدون مقابل..
لكن الان بعد ما اتضح بانه خلاص ماشي نهائي وبايدن حيبقى رئيس، فما
عذر للتشكيك...
وان شاء الله بعد يوم ٢٠ يناير السودان حيزدهر ،،،وحيجيبو ليك الرغيف لغاية
عندك في البيت، و ١٠ رغيفات بجنيه والبنزين حيتوفر ومافي تاني حكاية صفوف
وصادرات السودان حتزيد...والدولار يكون بي ٣جنيه فقط...وتاني مافي حكاية جنيه
قديم بالمليون وجنيه جديد بالالف...
بس لازم يكون في قانون صارم ضد سرقات المال العام،
اضافة التاكيد ان هذه الحكومة انتقالية وما حكومة للابد ...ويحددوا
مواعيد باليوم والشهر والسنة والساعة والدقيقة والثانية لاجرغء الانتخابات...
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: امتثال عبدالله)
|
| Quote: امتثال دى تهمة خطيرة والزول دا لو جبتى اسمه حيرفع عليك قضية |
انا قبيل ذكرته في دعائي (لا بارك الله فيه ولا فضله على غيره)
وبعدين مداخلتك دي يا حسن حا أتحمل عن امتثال شرف المقاضاة وأقول هو مبارك الفاضل..
وجاهزين لأي محكمة..
وانت قايله هو ناكر؟
ولا في زول ناسي تصريحاته يوم ضرب مصنع الشفاء
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
| Quote: ويشككو في اي بارقة امل |
أصدقك القول يا حفيظ أنني - وفي قرارة نفسي-
غير متفائل ..
طبعة فيني كدة
والخواجات عموما والامريكان على وجه الخصوص
ما خلوا لينا فرقة نثق فيهم ونتفاءل بقراراتهم
يكفي أنني عشت ثلاثة أرباع عمري في ظل حكومة الانقاذ
وعشت كل أوجاع الشعب والوطن بمافعله الكيزان وزاده الخوجات فينا رهقا ..
ورغم كده ، بعتبر خطوة رفع الحظر خطوة عظيمة.. وبفرح بها وأبشر بها ولو وقتيا ..
ولو من باب تفاءلوا بالخير تجدوه ..
وعشمي في فرح يأتينا من الداخل، يغنينا عن أي رجاء في الخواجات كبير ، ومقيم ..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
Quote: كانت بتشكك في مصداقية ترامب
القبل كده صرح بان امريكا لا يمكن تدي مساعد ولا معونة بدون مقابل..
لكن الان بعد ما اتضح بانه خلاص ماشي نهائي وبايدن حيبقى رئيس، فما
عذر للتشكيك... |
كذلك تكرر الموقف أيام وداع أوباما ..
ظل يضغط ويعصر لامن السودان جاب الزيت
وما أوفى بعيده الا قبل ما يمشي بأيام .. رفع الحظر الاقتصادي عن السودان ومشى خلانا في قائمة الارهاب
الان ترامب بعد ما كمل قروشنا وعافيتنا .. رفعنا من قائمة الارهاب لكن خلى لينا "جاستا " ..
ورغم كده فالامل في بديله أكبر .. والبلد عامرة كان ربنا بارك في مواردنا وعقولنا..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
هوي يا عمر التاج ...انا لا شفتك لا بعرفك ..هههههههههه
لغاية يوم ٢٠ يناير خليك ماشي في ضل الحيطة ....لكن بعد داك قول
زي ما عايز لان الديمقراطية حتعود زي ما كانت...لكن هسع اذا اشتكاك
في امريكا طرمبة حيجيبك من اخر الدنيا...
| |
|
|
|
|
|
|
|
|
 Re: لماذا قد يرجو البعض ضرا لوطنه؟ (Re: امتثال عبدالله)
|
| Quote: انا لا شفتك لا بعرفك |
ما أصلا يا أمتثال انت اتكلمت في موضوع ، وأنا اتكلمت في موضوع تاني خالص
انا قصدي انه مبارك الفاضل كان بشتري منتجات مصنع الشفا زيو وزي أي سوداني
انت كان قصدك شنووووو ؟
..
..
يا زولة سجن سجن غرامة غرامة ..
في النهاية انا بنسجن وبمرق وانت بتدفعي وتتخارجي.
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: امتثال عبدالله)
|
Quote: عشان كده ما جبت اسمه...
لكن زمان كل الناس كتبت عنه وجابت اسمه بالواضح لكن ما قال بغم
ولا رفع قضية لانه عارف نفسه مذنب...
وبنفس القدر انا بدين الناس الكانت بتطالب الادارة الامريكية بعدم رفع
العقوبات عن السودان ، اقصد عن شعب السودان، لانه بتفكيره القاصر كان
بيعتقد انه بيعاقب نظام اللصوص والحرامية وكان في الحقيقة هو بيزيد من معاناة
شعب السودان الاساسا كان بيعاني اشد المعاناة من نظام اللصوص والحرامية
وشغلوهم بالبحث عن لقمة العيش بدلا من النضال والكفاح ضد الظلم..
وواحد من هؤلاء الان وزير....هل تصدق!!!؟؟؟ |
و كمان يا امتثال قال لا ندمان و لا بعتذر للشعب السوداني
ود التاج ازيك
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: امتثال عبدالله)
|
Quote: قول لهم يا عمر يوفروا الجازولين اليومين ديل
زراعة استاذنا علي عبدالوهاب عثمان واقفة
علي جازولينهم |
والله يا دكتورة كلنا واقفين على الجاز ده ..
أنا زهجت من الغربة وعندي ارض أبوي في البلد،
ناوي من كم سنة انزل وأزرعها واستقر
وما قادر بسبب ظروف البلد وسعر عملتها
ما عايز من حكومة ترامب ولا بايدن ولا حمدوك ولا البرهان أي حاجة..
لا عايز وزراء، ولا مجلس تشريعي، ولا جيش ولا بوليس، ولا علاقات خارجية ولا تطبيع ،
ولا توظيف ، ولا حق قديم في الدنيا دي
عايز استقرار اقتصادي ويخلوني في أرضي ازرع وأعيش هادئ البال ..
أريد وقود وكهرباء وماء نظيف ونظام صحي وتعليمي وقضائي مثل شعوب الله المحترمة .. وبس
وتاني ليكم علي كان كتبت حرف في منبر او فيسبوك او حتى سبورة.
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
Quote: و كمان يا امتثال قال لا ندمان و لا بعتذر للشعب السوداني
ود التاج ازيك |
حبابك العمدة اخوي ..
الزي مبارك ده لو خرب السودان كله ما حايفرق معاه ..
البهمه يكون في السلطة أو قريب منها ..
عكس الوطنيين الشرفاء البيجتهدوا في الابتعاد عن السلطة ..
..
..
بت عبد الله ما تلاوزي ..
أخوانك البورداب رقبتهم سدادة في قضايا المنبر العام،
وأنا علي المحامي ..
انت بس اعرفي درب المحاكم ساكت ههههه
| |
|
|
|
|
|
|
|
|
 Re: لماذا قد يرجو البعض ضرا لوطنه؟ (Re: عمر التاج)
|
سلام عليكم
مازلنا كشعب مجرد عبء على الحكام وتطلعاتهم
ومازال البلد فى قبضه مخلب النظام القديم (خازوق العسكر)
اما امريكا ترفع من قائمه ارهاب او تدفع قروش
امريكا زوله مصلحتها مايهمها الراكب ضهر البلد ملكى لا كاكى المهم اجندتها ومصحتها ومصلحه حيرانها الاقليميين
الفرحه على شنو على انكسار لقوى دوليه واقليميه واستسلام وفى النهايه حتفرض وتركب على ضهر البلد الدايراهو طالما هو مطيع واول من بادر للتواصل بالتطبيع
ومافى امل او تفاؤل ينصلح حال الشعب طالما نظام الحكم القائم بالتركيبه وبالاليات الشغاله دى
قال تعالى :(إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ) صدق الحق
وطالما نحنا باركين للاخر ومادين ايديناا ونفرح بصدقات العطايا وقمح بايدن -ترامب (دحين قمح ريجان عمل شنو زمان؟)
قرار اوباما عمل شنو ؟
وافرضو ان حصل انجاز فى زمن الكيزان اها القصه كيف ؟ هل رضا امريكا على (نظام) وخضوعو دليل على عداله قرارها غض النظر عن نظام ديكتاتورى او نظام مختط او ديمقراراطى مدنى خالص ؟
رفع الحظر - هل يعنينا ؟؟رفع الحظر - هل يعنينا ؟؟
فى النهايه الفرحه بقرار دوله خارجيه (ياريت لو قرار اممى من الامتحده) وفرحتنا بقروشها مؤشر سيىء ومخزى ومقزز على تواكلنا واتكالنا وسلبيتنا تجاه وطننا
الوطن المفروض مش ننتظرونبرر انتظارنا للصدقات عشان ننمى البلد المفروض نسند البلد ونتعب عشان تنميتها حتى لو باخر قطرهمن العرق والدم وبضراعنا عشان البرا يعرف انو ماشغالين بقراراتو واننا شعب ( حر ) الاراده وقلبو (حار) بعدها حصارو وقوامو حتكون حبر على ورق ويبقى قراراتو تحصيل حاصل لكن كان جيبقى للشعب انو سطر ملحمه عزه وكرامه..
التوقيع :سودانى من اصول سودانيه
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: Asim Ali)
|
| Quote: الان ترامب بعد ما كمل قروشنا وعافيتنا .. رفعنا من قائمة الارهاب لكن خلى لينا "جاستا " .. |
يا ود التاج انت واعي للبتكتبه ولا بتلخ ساي؟
كمّل قروشنا سيبها اسي لكن كدي اشرح لي "خلى لينا جاستا" دي تقصد بيها شنو!
| |
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
| Quote: لقد طلبت كبير من حيث انه امر عادي |
ذلك ما طلبته لشعبي يا اخ احمد ، حتى أشعر بأني اعيش في مجتمع محترم ، يأتيه رزقه رغدا كل صباح ، فلا أثور باسمهم مجددا
أما ما أريده لنفسي ، فهو كما ذكرت اخلاص، وفرة الجاز.. وتخفيف الرسوم الحكومية غير المستحقة ..
وبعد كده يخلوني لحالي في مزرعتي..
ومستعد منها أوفر لنفسي الاكل والشرب والصحة والتعليم لنفسي وأبنائي واخوتي والجيران..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
اعي انك لم تطلب لنفسك ولكن يقيني انك تحلم
بحياة بسيطة يتوفر فيها الامان والضمان
وكلنا نتساءل مثلك وقد اعيتنا الغربة وطول
سنينها التي اقسمت ان لا تنقضي.
وما ننزعج له ما هي المعوقات التي تجعل
الممكن كانه مستحيل، وقد انطلقت الدول
التي خرجت من الصحراء قريبا لافاق ارحب،
ونحن ما ظلنا نكابد في الحصول على الخبز الجاف،
فلا مستقبل يفرح النفوس.
وكل ما هو حاصل كمية حق شجع اتفكت في الناس
ويبدو لي لو ان الفقراء ادركوا تماماً من الذي
يحول بينهم و بين الانعتاق من ربقة التخلف
ما اانتظروا ساعة، ولكن يبدوا حتى كمية
الخيانة والجشع توسعت وتوزعت حتى انك
لا تكاد تعرف اين مبداها واين منتهاها
ومن خلفها و من عرابها.
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: احمد عمر محمد)
|
Quote: مازلنا كشعب مجرد عبء على الحكام وتطلعاتهم
ومازال البلد فى قبضه مخلب النظام القديم (خازوق العسكر)
اما امريكا ترفع من قائمه ارهاب او تدفع قروش
امريكا زوله مصلحتها مايهمها الراكب ضهر البلد ملكى لا كاكى المهم اجندتها ومصحتها ومصلحه حيرانها الاقليميين
الفرحه على شنو على انكسار لقوى دوليه واقليميه واستسلام وفى النهايه حتفرض وتركب على ضهر البلد الدايراهو طالما هو مطيع واول من بادر للتواصل بالتطبيع
ومافى امل او تفاؤل ينصلح حال الشعب طالما نظام الحكم القائم بالتركيبه وبالاليات الشغاله دى
قال تعالى :(إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ) صدق الحق
وطالما نحنا باركين للاخر ومادين ايديناا ونفرح بصدقات العطايا وقمح بايدن -ترامب (دحين قمح ريجان عمل شنو زمان؟)
قرار اوباما عمل شنو ؟ |
أخوي عاصم ما تقلب فيني المواجع يا اخ
ناس منتصر ديل بزعلوا ههههه
تقريبا مقولة ان الشعب عالة على الحكومة قالوها كيزان ، وتبعهم فرعون مصر ..
لكن نحن ما عرفنا ان فيها جزء من الصحة الا بعد الثورة ..
يا اخ الشعب السوداني في الداخل ما عايز يتطور ابدا
ماعايز يخلي شغل السمسرة وتجارة العملة ويمشي يشوف له شغل منتج
ما عايز يخلي شغل المحسوبية والرشوة وشغل الغمتي..
حتى تاريخ اليوم اي مصلحة في حكومة ما تنقضي الا بتحت الطاولة
واي عسكري أو موظف دولة لازم ياخد حقه الخاص عشان ينجز ليك مصلحة عامة ..
وأي عاطل عايز يخت طاقيته في اي حاجة مباعة أو مشتراة..
وأي مواطن عايز يبقى سياسي وينظر في نظم الحكم الرشيدة ..
أما فكرتك التانية فهي ما ظللت أدعو له ليل نهار ، الحكومة السابقة والحكومة الحالية..
التفتوا لموارد بلدكم ونموها ..
انسوا شغل السياسة لعام واحد وا تفرغوا للزراعة ..
استصلحوا ٢٠% من اراضي الشمالية والبطانة والقضارف وكردفان ودارفور ..
وفرو التواريب ومياه الري والوقود ، وأدعموا المزارع بالخيش والسماد
اعملوا هدنة مع كل الحركات المسلحة، الموقع وغير الموقعة
تقتضي وقف الحرب لمدة عام والتفرغ لاعمار المناطق
كل حركة أو حكومة توطن الاهالي وتمشي تزرع معاهم ..
وبعد داك خصصوا وزارة للصادر ، وأدوا البلد سنة واحدة شوفوا الخير حايعم فيها كيف؟
..
..
في كلام داير الايام دي عن ان السبب الرئيسي للاهتمام الامريكي بالسودان مؤخرا هو الاتجاه نحو تطوير الصناعات الحربية في السودان، وده بيذكرنا بالتدخل الامريكي في العراق تماما .. والله يكضب الشينة ..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: محمد البشرى الخضر)
|
المعروف عن قانون جاستا يا ود البشرى انه بينزع الحصانة عن الدول وبيتيح مقاضاتها تحت مظلة القضاء الامريكي ..
والسودان اكثر دولة معرضة للابتزاز تحت هذا القانون لدفع تعويضات ضحايا ١١ سبتمبر
خاصة وان لديه سوابق واعترافات موثقة من رئيس مجلس وزرائه ..
مشروع الحصانة اتعرض قبل كده على الكونغرس وواجه معارضة .. وده دليل على أن النية مبيته في موضوع التعويضات
كونه في مساومات جارية وحا يتم التصويت عليه لاحقا ما بيعني انه اتمرر الا يوم يوافق عليه المجلسان بالاغلبية المعروفة ..ويتم التوقيع عليه رسميا ..
| |
|
|
|
|
|
|
|
|
 Re: لماذا قد يرجو البعض ضرا لوطنه؟ (Re: عمر التاج)
|
اذا صح الخبر
من المخول بالتصديق عليها البرهان ام انتظار التشريعى (ام مجلس الشركاء)؟؟
هل هو جزء من فاتوره رفع اسم السودان وجزره لقانون الحصانه السياديه ؟
هل نوع من الدعم لترسيخ حكم العسكر فى مواجهه مديه خالصه ؟؟
وين الشق المدنى ورئيس الوزراء منها فى كل مراحل مباحثاتها ؟؟
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: Asim Ali)
|
| Quote: المعروف عن قانون جاستا يا ود البشرى انه بينزع الحصانة عن الدول وبيتيح مقاضاتها تحت مظلة القضاء الامريكي .. |
عن الدول! بمعنى كل الدول العندها اساسا حصانة سيادية!
يعني احنا العايزنه الآن ترجع لينا الحصانة السيادية زينا وزي باقي الـ 194 دولة و لا يستطيع المواطن الامريكي مقاضاتنا أمام تلمحاكم العادية الا بقانون جاستا زينا وزي الآخرين!
يبقى ما هو محل عبارة "خلى لينا قانون جاستا" من الاعراب! الطريقة الصغتها بيها - و بالمناسبة الطلعوا بيها الفلول و اللوايفة من امس مداعي - كأنه لا فائدة من الرفع من القائمة أو كأنها استبدال السجن في غرفة للسجن في صالة كبيرة وهذا تبخيس لا محل ولا معنى له.
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: محمد البشرى الخضر)
|
| Quote: زينا وزي باقي الـ 194 |
ال ١٩٤ دي يا محمد فيها حوالي ١٩٠ دولة أصلا ما شغالة بالقانون ده او القوانين المشابهة
لانها اصلا ماعندها علاقة لا من بعيد ولامن قريب بأي حوادث ارهاب في امريكا ..
والبقية فيها دول القانون ما يحصلها لتوازنات اقتصادية وسياسية، مثل المملكة وقطر
وفيها دول اتعملت معاها معاهدات واتفاقات تحميها من أي تغول باسم القانون ..
وما فضل الا نحن -أصحاب السوابق في الدفع- ومجرمي الحرب في العالم .
وكان العشم يخلصونا من العذاب ده بالتزامن مع سيف قوائم الارهاب ..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
يا خوي القانون ما فيه اي تفصيل او استثناءات, في جواه في المواد البتمنع التقاضي العادي وتطبيقه صراحة صعب جدا
المحامين كان غرضهم الوصول لتعديلات تطبق على السودان وتصبح سابقة توصلهم للحوت الكبير عن طريق جاستا اللحدي اسي ما قادرين يقاضوا بيه السعودية
المهم بغض النظر عن التفاصيل ما سينطبق على السودان بعد استعادة حصانته السيادية من ناحية جاستا ينطبق على كل دول العالم خارج القائمة السوداء دا بدون تفاصيل فقط مواد القانون و صياغته وغرضه! الدول الما اتورطت في حوادث ممكن في المستقبل تتور بشكل آو بآخر بسبب تصرفات مواطنيها و ستكون عرضة للقانون في الحالة دي, او ممكن يمرقوا ليها ارهاب الابتدائي عادي
فا ما يروج له الفلول - ومن تبعهم بغير احسان - من انه "خلى لينا قانون جاستا" دا كلام خاطئ و انت بترديدك للفهم دا تساعد في نشر التضليل وربما الجهل
فا شنو.. شوف ليك تبخيسة غيرها
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
Quote:
حبابك العمدة اخوي ..
الزي مبارك ده لو خرب السودان كله ما حايفرق معاه ..
البهمه يكون في السلطة أو قريب منها ..
عكس الوطنيين الشرفاء البيجتهدوا في الابتعاد عن السلطة ..
|
مبارك شنو يا ود التاج خليك عميق شويا وارجع اقرأ كلام العمده تاني ياخ ...
ود البشري دا بقي ملكي أكتر من قحط ذات نفسها فأحسن تعمل رايح منو وكدا ...
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: محمد حمزة الحسين)
|
| Quote: شوف ليك تبخيسة غيرها |
شفت يا ود البشرى صورة وزير الخارجية مع الرئيس الاثيوبي مخجلة كيف؟
شفت صور وزيرة المالية والتجارة وكل الهلم وهم يتهافتون لافتتاح فرن ، ومصري كمان ..
احمد عمر مو خاتي عليك كان قال لي منتصر اسبوع فأقل..
..
..
جاستا يا النجيض حاتعرف أثره بعد يرفض قانون حصانة السودان نهائيا ..
اسه انت سمعت غير السودان منو العملوا ليه قانون حصانة؟
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
| Quote: من المخول بالتصديق عليها البرهان ام انتظار التشريعى (ام مجلس الشركاء)؟؟ |
دي فعلا ما حيحلها الا الشربكها يا عاصم..
علاقات زي دي لا تقدر تحصرها في العلاقات الخارجية
ولا الدفاع المشترك ، ولا التعاون السيادي بين الدول..
الشغلانة داير ليها مجلس تشريعي يكون فوق الجميع..
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
| Quote: مبارك شنو يا ود التاج خليك عميق شويا وارجع اقرأ كلام العمده تاني ياخ ... |
فعلا ما ركزت في كلام العمدة بالطريقة دي يا محمد حمزة..
امتثال دي فوق وطنيتها فهي عميقة وذكية وبتعرف تربط الاحداث جيدا
اكيد اتأثرت ببنت الاصول الاسمها اميرة السيد ديك ..
المهم عمر قمر الدين البوست دا جاء فوقه بالمقاس..
وعدم الاعتراف بالذنب والمكابرة صفة ما حايقدر ينفيها عنه الا ود البشرى .
| |
|
|
|
|
|
|
|
|
|
Re: لماذا قد يرجو البعض ضرا لوطنه؟ (Re: عمر التاج)
|
Quote: جاستا يا النجيض حاتعرف أثره بعد يرفض قانون حصانة السودان نهائيا ..
اسه انت سمعت غير السودان منو العملوا ليه قانون حصانة؟ |
يا عمر ... يا دكتور ... ما معقول كدا! اعيدها ليك كم مرة عشان تفهمها!
يا سيدي ان رفض تشريع استعادة حصانة السودان السيادية يبقى لن يكون لنا اي علاقة بجاستا! بدون حصانة يمكن لاي كان ان يقاضي السودان عادي في اي محكمة عادية ملزمة تستجيب لطلبه و تستدعي السودان! فما الحاجلوة لجاستا هنا!
اها اما اذا استعدنا الحصانة وبقينا زي باقي الدول لا يستطيع المواطن العادي مقاضاتنا امام المحاكم ساي كدا هنا تأتي الحوجة اجاستا الاساسا موجود قبل ان يرفع اسم السودان من القائمة وليس خاصا به
دي المرة الرابعة اظن ولا الخامسة لو ما فهمت بعد دا اديني خاترك بس
اما ما الجزء الاخير البتقول فيه سمعت منو غير السودان عملوا ليه قانون حصانة! اظنك تقصد اعيدت له الحصانة بموجب قانون
طيب لو دخلت الويكيبيدا مثلا و بحثت عن الدول الكانت في القائمة وازيلت ح تلقى كمية من الدول منها العراق و ليبيا و كوبا, كل الدول دي صنفت ثم تمت ازالتها و تمت اعادة الحصانة السيادية لها بتشريعات آخرها ليبيا التي استعادتها بعد سنتين من ازالتها من القائمة
يا ود التاج انت ما تتعب شوية وتبحث عن الحاجة قبل تتسدّر للغلاط في شي ما فاهمه
| |
|
|
|
|
|
|
| |
عمر التاج
عبدالحفيظ ابوسن
Hassan Farah
Asim Ali
محمد البشرى الخضر
احمد عمر محمد
محمد حمزة الحسين
Osman Musa
فيس بوك
تويتر
انستقرام
يوتيوب
بنتيريست