كشف الحساب ؟؟ كمواطن عانى من نظام وواتضرر من نظام طوالتلاته عقود (وما زال) والناس كل يوم بتاخد حقنه اتخدرالهمه والمشاعر وشعب ووطن من ايام الثوره كانما يطارد سراب وكل ماتصل نقطه يقولو خلاص هناك المستقر تلقى لسه بقولو ليك لا لا لسه قدام (نفس الناس الناس البيحاولو يقنعوك فى كل مره انو خلاص دا المطلوب والامور ماشه لى افضل (مش قروش وشحده ومعونات ....الخ) انما تغيير يتبع ثوره ينقل لواقع افضل انسانيا على الاقل. مطالب الثوره كلمونا عن ملفاتها ودرجات التقدم وهل تعدى واحد فيهم 30% ؟ مافى زول يقول السلام او ماشابه من مسرحيات هزليه. البحصل ببساطه فى اعتقادى تسويه وتهيئه المدرج للهبوط الناعم فى وقت فيه البلد مازال احد (وجوه عمله الحكم الطره صوره لابس كاكى بدقن) ودوله عميقه مكتفه البلد والشعب ولعبه عض اصاب لكسب الزمن حصل شنو فى محاكمات رموز العهد البائد على جرائمهم (داخليا وخارجيا) والجنائيه خبرها شنو ؟؟؟ ازاله التمكين مازالت تمارس الملاطفه ولا ازاله تمكين حقيقيه ولو كانت لما كان البلد يشهد مانشهدو من عراقيل داخل اجهزه الدوله وحركه الاقتصاد وحتى الاعلام وين الاعلام من المعركه ؟ افى شىء اتغير. حصل شنو فى القضايا الامنيه والبلد تشهد فوضى وانفلات امنى وغياب لاى مشهد هيبه قانون ونظام (وفيك الخصام وانت الخصم والحكم) و(الضامن لللامن والاستقرار). نام قديم مجتمع دولى بمساعده داخليه بيحاول يعيد انتاج حكم الكيزان النسخه الجديده فى الوجوه والواجهات طالما قاعده التنظيم منظمه وممكن اعاده توزيعها وترتيبها فى واجهه او واجهات جديده تحت ظل سيطره (خازوق المدفع) البحصل انو حلحله قيود (الدوله) خارجيا وتصفيرعدادها للانقاذ 2 . (حتى الحركات حيطلعو بى قد القفه لانهم ما اتعلمو انكلما تكون مدعى نضال وطالب سلطه دى نقطه ضعف يقدر خصمك يضقل بيك زى ماداير ويشوتك فى ابعد ركن مظلم بعد يقضى غرضو من استغلالكم ) . الهتاف وكلام دا مابيحصل وماعارف شنو دى ردود عاجزه وكلام اركان النقاش اللى مابشبع ولايسمن عقل من جوع الاقتناع فى واقع كل يوم بياكد من الناس روجت لشراكه خازوق المدفع (احداذرع الكيزان القويه والمسيطره) والاعتصام . ماهو حجم اقتصاد نظام الكيزان الحقيقى الان ؟؟؟ فى يد منو الان ؟؟ الحاجات الرسميه المبارياها لجنه التمكين دى راس جبل الجليد مايجى زول يقول التشريع الامريكى وانهاء سيطره شنو على شنو ...!! مشكله انك تقول عامل ثوره وماقادر تعمل مجلس تشريعى (ثورى) ومنتظر الدول التانيه تشرع ليك اى كلام وانت تصفق !!! وبعد قمح ريجان استلمت قمح ترامب/بايدن . لسه البلد ثوارها خارج الصوره و19 ديسمبر شاهد ولسه دور قوش فى حكم السودان واداره ملفات خارجيه عن بعد ضبابى والناس بتتهرب من وضعو على مائده البحث والتدقيق بدل الاكتفاء بالانكار الهتافى . اسئله كتيره متشابكه التداخلات ومافى اجابات شافيه تقدم شىء لوعى الشعب عشانيعرف انو فعلا الثوره ماشه لى قدام ومطالها بتحقق وثوارك منبوذين لسه فى الشارع بل واكثر من الاشارات السلبيه فى حقهم. هل القوى الدوليه مهتمه بمكافحه الارهاب حقا ؟ رفع اسم السودان مجرد جزءمن ترتيبات اليميه ودوليه ليس للشعب فيها ناقه ولا بعير هل ذهب البرهان الى عنتيى لمناقشه التطبيع بتفويض او بمباركه اجهزه الجاضنه السياسيه والراى العام بعد حوار مجتمعى ؟؟(خطوه الشعب فيها مغيب) والان كل مايحصل تمهيد لما بعده فى صالح قوى اقليميه ودوليه والان تركيا وروسيا فى الشرق على البحر الاحمر وامريكا ودول اخرى عندهم اتوره طويله لسه على حساب الاراده الوطنيه والموارد كل مايجرى منتفع منه طبقه بعينها ولنينال الشعب المسكين شىء لاتنميه ولانهضه صناعيه ولا ...ولا.... سسيظل الوطن والمواطن رهين الصراعات الفوقيه على السلطه والمصالح وقبضه خازوق المدفع سيتم دعمها وتثبيتاركانها لخدمه اجنده هذه القوى وغير غايب عنهم ان خازوق المدفع هو احد اذرع الاحوان القويه . فى مقابل قوى سياسيه وحركات مسلحه وتحالفات مفككه وضعيفه لاتمارس ديمقراطيه داخليه وتبحث عن مصالحها الضيقه ونخب تعيش فى ابراج عاجيه تردد محفوظات لالامس الواقع باى حال والا ماكنا ندخل فى نفق واقع لايليق بثوره وحكومتها بعد عام ونصف وتظل موارد السودان وموقعه منفعه للقوى الاقليميه والدوليه علينا ان نصدق مع شعوبنا وقدمو لهم كشف حساب حقيقى
(عدل بواسطة Asim Ali on 12-14-2020, 05:47 PM) (عدل بواسطة Asim Ali on 12-14-2020, 05:48 PM)
12-14-2020, 10:23 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الثوره التونسيه (ثوره الياسمين) اولى ثورات الحريق العربى بعيون احد ايقوناتها مهداه بنجاح الثوره التونسيه كيف ؟ واآفه تسمى جماعه الاخوان امرهم غير محسوم ثوريا . كما توقعت الصمت المعبر عن حاله الانكار وتجنب مواجهه الحقيقه والهروب للامام لن يغير من الواقع وفى كل يوم يتاكد على الارض مانذهب اليه ويبقى تشبث المتشبثين بالهتاف وبريق الاحداث المصنوعه لصرف الانتباه عن واقع مرير وبيع للوطن قالو حمدوك اتكلم بشكل ايجابى عن مجلس الشركاء وطبعا صمت مريب ومافى زول جاب سيرتو السكوت علامه الرضا مبروك عليكم مجلس الشركاء لكن بعدين ما عندنا ليكم حتى مناديل تنشف الدموع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Asim Ali
فيس بوك
تويتر
انستقرام
يوتيوب
بنتيريست