|
|
|
 Re: سأنجبُ طفلاً أسميهُ آدم (Re: النذير حجازي)
|
حتي ادم ما بخارج
السردية الابراهيمية يلم في واحد
تبع سردية ما انزل الله بها من سلطان
يطلعوا عنصري او تبع الخزعبلات.
الحل في الارقام.
قبل يومين كنت بفكر في الوضع الصعب
ده واهتديت للحل الهباب ده
انزيك يا النذير
| |
 
|
|
|
|
|
|
|
|
Re: سأنجبُ طفلاً أسميهُ آدم (Re: osama elkhawad)
|
Quote:
مثل "يرقص مع الذئاب"...
|
نعم
كثيرين فى العالم العربى تعارفوا علي تسميته (الراقص مع الذئاب)
من مشاهدات الافلام والحوارات التى تعطى مساحه حديث وتعرف على الهنود الحمر وحياتهم وثقافتهم ومن ضمنها الاسماء على غرابتها . اذكر منها على سبيل فبلم ل(جونى ديب) وفلم عن هندى احمر عسكرى ضمن قوه عسكريه فى احد حروب الولايات المتحده (لم استحضر اسماء الافلام)
تحياتى
| |
|
|
|
|
|
|
|
|
|
Re: سأنجبُ طفلاً أسميهُ آدم (Re: Asim Ali)
|
Quote: سلام عليكم
ممكن يكون التسميه زى الهنود الحمر تسميات مرتبطه بالطبيعه والبيئه وصفات الكائنات الحيه ......الخ
تحياتى |
سلام يا عاصم،
عندنا ساري الجبل والأسد والأسيد وما تنسى أسامه
وغيره، كلها أسماء للطبيعة
| |
|
|
|
|
|
|
|
 Re: سأنجبُ طفلاً أسميهُ آدم (Re: النذير حجازي)
|
سلام النذير
نعم عندنا كتير زى اللدر وجعفر .....الخ وقائمه تطول بس نحنا غالبا بنغتكر الاسماء عناوين او شاره للشخص من عير بحث عن المعنى
اذكرمره جالبه من الجنوب اسمها (سدونيا) الفضول خلانى اسالها عن معنى اسمها فاستغربت (اسم كمان عندو معنى!1) وطالبه اخرى لقيت اسمها مكتوب (المرتين)....مش 2 نساء انما المرتين البندقيه الشهيره فى الحرب العالميه الثانيه واتضح انو الفتاه من اهلنا البقاره
| |
|
|
|
|
|
|
|
|
|
Re: سأنجبُ طفلاً أسميهُ آدم (Re: النذير حجازي)
|
النذير
قبل ازيك وقبل المطايبة والسلام
داير اقول ليك شكرا
شكرا عليك وشكرا ليك
شكرا عليك عشان مجرد حضور إسمك بس بكون كفيل وقادر يخلي الزول يدخل ب كراع روحه اليمين ليك ولكتابتك
بعد ما خلاص زهدنا وزهجنا وقنعنا من خير وجمال فسحة حبيبنا بكري
وشكرا ليك عشان التوبيك السمح والعميق والمليان وعشان السليكشن العالي جدا
وهل أعلى من الماغوط ونضمي الماغوط؟
والله كتر خيرك وسعادتك يا أيها النذير
انك طمنتنا انه شمس الجمال لا تزال تشرق من هنا من نواحي سودانيزاونلاين
حيث كنا نعتنق الجمال وتمارس طقوس مسرة الحياة
وبعد ما عم الغث والسذاجة واستولت السطحية والنمطية والعادية على كل شي وأي شي هنا
بمناسبة كلام الماغوط
الأسماء سر إلهي غريق وكبير وشاسع جدا
ومن الصدف البديعة انه الإله والخالق الأعظم علم الأسماء كلها في أول بادره من لدنه
علمها ل آدم
والقصة معروفة طبعا في القرآن وفي أسفار العهد القديم
والأسماء ال علمها الله لآدم واستوجب بيها السجود لآدم كنوع من ال تكريس لعظمة الخلق
اكيد أكبر من الصفات والتسميات والمسميات
ما علينا
ده موضوع طويل طبعا متشابك
موضوعنا هو اسمك يا نذير وحضورك واختيارك الجميل
وتاني شكرا
وقبل ما انسي كمان
ما صدفة برضو يتلمو هنا كل الناس السمحين وعالين
أسامة وإخلاص وعاصم
| |
|
|
|
|
|
|
|
|
|
Re: سأنجبُ طفلاً أسميهُ آدم (Re: اخلاص عبدالرحمن المشرف)
|
أمَّا أَنا، فأقولُ لاسْمي: دَعْكَ منِّي
وابتعدْ عنِّي، فإني ضقتُ منذ نطقتُ
واُتَّسَعَتْ صفاتُك! خذ صفاتِكَ وامتحنْ
غيري... حملتُك حين كنا قادرَينْ على
عبور النهر مُتَّحدين ((أَنت أنا ))، ولم
أَخْتَرْكَ يا ظلِّي السلوقيَّ الوفيَّ، آختارك
الآباء كي يتفاءلوا بالبحث عن معنى.
ولم يتساءلوا عمَّا سيحدُثُ للمُسَمَّى عندما
يقسو عليه الاسمُ، أَو يُمْلي عليه
كلامَهُ فيصير تابعَهُ... فأين أَنا؟
وأَين حكايتي الصُّغْرَى وأوجاعي الصغيرةُ؟
ويسألني:
لماذا كنت ترمقني بطَرْفٍ ساخرٍ. فأقول:
كنت أحاور آسمي: هل أَنا صِفَةٌ؟
فيسألني: وما شأني أنا؟/
أمَّا أَنا, فأقول لاسمي: أَعْطِني
ما ضاع من حُرِّيَّتي
محمود درويش
| |
|
|
|
|
|
|
| |
النذير حجازي
osama elkhawad
Asim Ali
أبوذر بابكر
Ahmed Yassin
فيس بوك
تويتر
انستقرام
يوتيوب
بنتيريست