السودان يستورد الخضروات والفواكه من السعودية والامارت:خبر يفقع المرارة !!!!؟

مرحبا Guest
اخر زيارك لك: 03-29-2024, 03:37 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-09-2020, 12:56 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
السودان يستورد الخضروات والفواكه من السعودية والامارت:خبر يفقع المرارة !!!!؟

    11:56 AM December, 09 2020

    سودانيز اون لاين
    امتثال عبدالله-NYC - USA
    مكتبتى
    رابط مختصر



    قرات بوست اخبار الصحف اليوم ووجدت هذا الخبر: "
    خبر صادم:السودان يستورد الخضروات والفواكه من السعودية والامارت" ".
    معقولة تصدقوا مثل هذا الخبر...
    ولكن للاسف الشديد فهي الحقيقة المرة،،،
    وممكن نسال انفسنا....ليييه السودان يستورد الخضروات من السعودية والامارات!!!!؟؟؟؟
    وكمان نسال الحكومات الثلاثة التي تحكم السودان: هل السعودية والامارات لديها اراضي اخصب من اراضي
    السودان، وهل لديها انهار اكثر من انهار السودان!!!؟؟؟؟؟،
    اذن لماذا نستورد الخضروات والفواكه من السعودية والامارات!!؟؟؟؟؟
    مفروض تخجلوا يا المسؤولين في الحكومات الثلاثة،،،غادروا مقاعدكم الوثيرة واتركوا المجال لمسؤولين اخرين
    يستطيعوا ان يفعلوا الممكن لزراعة الخضروات والفواكه في السودان،،،،سلة غذاء العالم....
    قرات تاريخ السودان منذ عهد بعانخي وترهاقا ولم اسمع ولم اقرا ان السودان كان يستورد الخضروات والفواكه من
    السعودية ومصر...
    والحكومات الثلاثة هي:-
    حكومة البرهان
    حكومة حمدوك
    حكومة حميدتي
    ..وسمعت ان هناك حكومة رابعة في الطريق اسمها: حكومة مجلس شركاء الحكم....






                  

12-09-2020, 01:42 PM

Mahjob Abdalla
<aMahjob Abdalla
تاريخ التسجيل: 10-05-2006
مجموع المشاركات: 8921

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    عشان كدا اقتراحى ليك يا امتثال انو جيلكم لازم يكون في القيادة.
    ناس سرادب الخرطوم ما عندهم قضية بالريف غير انو بجيب ليهم ابقار و ضان و صمغ للتصدير عشان دولارات خدرا للبوبار.
    هذه المدينة ملعونة و كل من دخلها يتلوث بها و لا يريد التفكير في الريف.

    (عدل بواسطة Mahjob Abdalla on 12-09-2020, 01:53 PM)

                  

12-09-2020, 01:46 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    ومفروض وزير الزراعة الحالي يقدم للمحاكمة ويحكم عليه بالسجن مدى الحياة او ان يقوم بنفسه باستصلاح وزراعة
    ١٠٠ فدان بالخضروات والفواكه ويجيب الانتاج فوق ضهره للسوق المركزي ويقعد النهار كله يبيع المنتوج...
    ولكن املنا كبير في وزير الزراعة الجديد في الحكومة الجديدة احمد الشايقي...
    ولا انتو ما عندكم خبر باسماء وزراء الحكومة الجديدة!!!؟؟؟
                  

12-09-2020, 02:00 PM

احمد عمر محمد
<aاحمد عمر محمد
تاريخ التسجيل: 01-10-2013
مجموع المشاركات: 1273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    من زاوية أخرى استاذ امتثال اعتقد
    الخبر قد يكون مجدي وذلك باعتبار
    السعودية تستجلب جميع انواع الفاكهة
    والخضروات من كل أنحاء العالم والفرصة
    أنه يمكن إدخال هذه المنتجات التي قد
    يصعب إدخالها للسودان من أسواقها
    الأصلية وبالتالي تصبح السعودية سوق
    مناولة وليت الأمر إن كان صحيحا أن
    يقتصر على نوعية الوارد .
    لكن المشكلة التي ستواجه بها هذه الواردات
    ارتفاع قيمتها الشرائية باعتبار أن المواد
    ستدفع عليها مصروفات نقل وجمارك مرتين
    مرة إلى المملكة و مرة إلى السودان
                  

12-09-2020, 02:16 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)


    ●سلام امتثال و محجوب، لا و الأصدم و أفقع للفشافيش
    إنها ممكن تكون منتجاتنا و مزروعة في وطاتنا. و بتعمل ليها
    بس عملية إعادة تدوير(Recycling) أو حتى تحوريها وراثياً
    (Genetical Modification)؛ ليعاد كبها في كوشة قمامتنا
    في ما يُعرَف لديهم بأرض السُّمر. و نحن ترا ملطشة للكل.

    ● ما نمش بعيد؛حلتنا جنبها لصق، مشروع رزاعي ممملوك
    لشيخ إماراتي من اسمو(لوتاها) شبهو من أصل هندي أو إيراني ؛
    دا بيعمل بالطاقة الشمسية ؛ و بعمالة أجنبية. و رغم إنو قايم
    في أطيان أهلنا كابر عن كابر نزعا مننا والينا الأسبق عبد الرحمن
    سر الختم بدون أي تعويض؛ و لا فرد زول مننا شغال فوفو.
                  

12-09-2020, 03:52 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: دفع الله ود الأصيل)

    الم يكن باستطاعة وزير الزراعة الحالي ان يمنح خريجي كلية الزراعة اراضي زراعية بالمجان، كل خريج مثلا ٢٠ فدان ،،،وكما نعلم فان الاراضي
    الصالحة للزراعة في الجزيرة وفي الشمالية متوفرة ولا يوجد من يزرعها..ويطلب منهم زراعة الخضر والفواكه واغراق السوق بالمنتجات حتى لا
    نستورد بالعملات الصعبة من السعودية والامارات ، ونستورد المنتجات الزراعية المروية بمياه الصرف الصحي من مصر،،،،

    واملنا في وزير الزراعة الجديد الذي سيخلف وزير الزراعة الكسلان الحالي كبير،،،،
    بس خايفة يجي يقول منتظر اوامر البرهان وحميدتي ....وحمدوك و....رئيس الحكومة الرابعة اسمه منو!!؟؟؟؟؟؟
                  

12-09-2020, 04:21 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    قبل أيام تراجع انتاج السودان من الفول السوداني الى المركز ١٤
    يعني حتى الفول الذي يحمل اسمنا استغنى عن جوازنا واصبح الفول غير السوداني
    وقبله تراجعت حصتنا من الصمغ العربي.. فأصبح غير عربيا
    واليوم الخضر وبكره اللحوم ..
    أخشى يا امتثال ان يأتي يوم نستورد فيه الخراف الحمرية من المملكة بعد ان صدرنا اناثها لها
                  

12-09-2020, 04:48 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 10109

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: عمر التاج)

    اكيد اسرائيلية بس الدباجة سعودية وامارتية
                  

12-09-2020, 05:21 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: صديق مهدى على)

    وانت الصادق يا صديق
    وليه لا!!!
                  

12-10-2020, 08:58 AM

ولياب
<aولياب
تاريخ التسجيل: 02-14-2002
مجموع المشاركات: 3785

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    يا إمتثال كل شئ محزن في السودان

    أصبح أمرنا محيراً ، وأزماتنا لا تنتهي حيث أن ضمير المسئولين أنتهى سلفاً ومنذ أمد بعيد .
                  

12-10-2020, 09:21 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: ولياب)

    الابنة امتثال
    الخبر غريب جداً منذ فترة الكورونا اسعار الخضار والفواكه
    في السعودية تضاعفت .. لا كيف يربح المصدر الى السودان
    خاصة بعد اضافة الترحيل والتكاليف الاخرى .. مثال للاسعار اليوم في اسواق السعودية

    كيلو الطماطم 7 ريال = 7× 70 جنيه ( سعر الريال بالسوق الموزاري )
    كيلو البرتقال 8 ريال = 8 × 70
    كيلو تفاح جالا 7 ريال = 7 ×70
    كيلو الليمون 5 ريال = 5 × 70
    كيلو البامية 21 ريال = 21 × 70
    كيلو البصل 4 ريال = 4 × 70
    كيلو الخيار 5 ريال = 5× 70
    كيلو البطاطس 3.50 ريال × 70
    كيلو الجزر 7 ريال = 7 × 70
    كيلو الكوي 11 ريال = 11 × 70

    وجدت أرخص خضار في السوق الطمام الاسود ( باذنجان) الكيلو 2 ريال

    هذه القيمة بدون الترحيل من السعودية الى السودان

    الريال معروف في السوق الموازي على الأقل 70 جنيه كم سيكسب المصدر لهذه المواد
    تعرف من الأفضل له أن يحول الريالات عن طريق السوق الموازي ..

    يعني مثلا 2 كيلو بامية = مرتب شهري لعامل

    ممكن من الصين أو من تركيا .. الخ

    تحياتي الابنة امتثال ..






                  

12-10-2020, 09:49 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: ولياب)



    السعودية بالمناسبة بها باذنجان { أبيض }
    وفي أوائل عهدنا بالسعودية كنت أطلب من بايع الخضار الهندي أن يوزن لي كيلو أسود أبيض !!!!!!
    الهندي طبعا يقعد يلولح في راسه ويقول
    صديق انت مرة خرباااااان !!!!!

    ولكنني برضو انا افضل كثيرا من أحد معارفي حديثي الدخول للسعودية والذي غلبني 10 صفر
    حينما ارسلناه البقالة لإحضار زبدة فول سوداني
    ليقول للبائع الهندي عاوزين فول { حاجات }
    ورجع بخفي حنين وعندما ضحكنا عليه رجع مرة أخرى ليصحح غلطته وقال للهندي
    طيب عاوزين دكوة !!!
    والهندي في كل مرة يلولح في راسه !!!!

    معليش انا ح ادخل مشاتر شوية
    وطبعا انا ضغطي مرتفع جدا من موضوع الزراعة في السودان
    واتحسر كثيرا حينما ارى وطني بهذا البؤس
    وهو يرقد على جنة من الثروات

    اغلب البيوت السودانية وانا منهم نفتقر ياسيدتي لثقافة الزراعة المنزلية
    فقد كان آباؤنا وأجدادنا
    والذين لم يدخلوا بتاتا لكلية الزراعة
    ولا كلية البيطرة او الانتاج الحيواني 00
    هؤلاء كانوا يمتلكون ثقافة زراعية واقتصادية عالية جدا
    بيوتنا في القرى كانت تعج بالخرفان والأغنام والدجاج والخضروات
    وهذه الثروة المتواضعة كافية لأن تقوم الأسرة بتقطيع كل فواتير شراء هذه المنتجات
    الآن تغيرت هذه الثقافة وأصبحت غير مقبولة في الكثير من البيوت
    مما جعل الكثير من الأسر تبتعد من ثقافة الإنتاج وتتجه نحو ثقافة الإستهلاك المدمرة جداً


    طبق البيض يوم امس ب 700 جنيه
    كيلو البقر العادي 700 جنيه
    كيلو الضان 900 جنيه
    رطل الحليب 80 جنيه
    زيت الشمس اربعة ارطال ونصف 1600 جنيه
    جوال البصل 5000 جنيه
    كيلو الطماطم 400 جنيه
    دقيق ويتا 25 كيلو 3500 جنيه
    خمس ليمونات ب 50 جنيه
    علبة صلصة البستان 220 جنيه
    هذه الأسعار مقارنة مع دخل الفرد هنا تعتبر شاقة جدا وعالية
    كما ان كل هذه المنتجات منتجة محليا باراضي ومياه وايادي سودانية
    ولو الحكاية جابت ليها { سعودية } الله يستر
    المستهلك السوداني للأسف لديه عقدة المنتجات السعودية
    يوم امس وجدت كاكاو سوداني ب 150 وآخر بجواره سعودي ب 650 !!!!
    توجد صابونة بدون كيميكال هندية انا بشتريها في السعودية ب ريال واحد
    هنا الصابونة دي بمليون !!!!!!!!

    بعض النساء السودانيات لديهن مشكلة كبيرة مع الصلصة والبصل والزيت
    يتم استهلاك هذه المواد بصورة جنونية في المطبخ السوداني

    في رمضان الماضي اشترينا جوال البصل ب 900 فقط والآن ب 5000
    اشترت المدام 3 جوالات وقمنا بتجفيفها وسحنها وكل ذلك يدويا
    هذه الطريقة بالمناسبة بها توفير كبير جدا للأسر
    واتمنى ان يعمل الجميع بها

    في مشكلة أخرى أخت امتثال
    اضافة للخلل الاداري بالسودان وعدم وجود خطط اقتصادية وزراعية
    السودان لاتتوفر به تقنية زراعية حديثة
    ففي امريكا مثلا العشرة فدان يمكن ان يفلحها شخص واحد
    في حين ان العشرة افدنة هنا تحتاج لعشرات العمال
    ولابد ان يتجه السودان لذلك
    وبدلا من شراء التاتشرات والدبابات والراجمات علينا ان نوظف هذه الأموال لسودان اخضر
                  

12-10-2020, 09:41 AM

عماد احمد عباس

تاريخ التسجيل: 01-16-2013
مجموع المشاركات: 53

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    صحيفة الراكوبة
    مزارعون: الوزير مشغول بسد النهضة ووعوده بري مشروع الجزيرة لا تنفذ
    مدني: مزمل صديق

    حملت اللجنة التسييرية لاتحاد مزارعي الجزيرة والمناقل وزارة الري وإدارة المشروع مشاكل العروة الشتوية ، وأكد عضو المجلس الرئاسى للجنة التسييرية عثمان حسان في مؤتمر صحفي أمس تعثر عمليات التمويل في بداية الموسم.

    وقال: هناك مزارعين لم يتم تمويلهم حتى الآن وأضاف: محافظ المشروع بحث عن تمويل من جهات أخرى بخلاف البنك الزراعي’ ، وسجلوا صوت لوم لوزارة المالية الاتحادية ووزارة الري.

    وطالب رئيس مجلس الوزراء بالتدخل العاجل لإنقاذ ما يمكن إنقاذه من الموسم الشتوي. واستنكر حسان قرار مجلس إدارة المشروع القاضي بإعفاء مدراء الإدارات بالمشروع، وزاد: مافي زول بفرض علينا رأيه ولا نقبل بأي فصل الا عبر لجنة ازالة التمكين وإذا استمرينا في الخلافات سيكون المشروع هو الضحية ووصفه بالمتهالك والمتدني.

    من جهته أوضح جادكريم حمد الرضي عضو المجلس الرئاسي أن اللجنة التسييرية طالبت بتوفير مدخلات الإنتاج منذ أغسطس الماضي وقال: بدأنا نراقب في تحركات الدولة تجاه المشروع ولا حياة لمن تنادي فالدولة أدارت ظهرها للمشروع واتجهت لشراء مدخلات الإنتاج من السوق مما ضاعف من معاناة المزارعين لارتفاع الأسعار، واعتبر الفشل في ري المساحات المزروعة بمثابة قاصمة الظهر.
    وقال: وزير الري مشغول بسد النهضة وتناسى أن كرامة السودان في مشروع الجزيرة والمشاريع المروية الأخرى وأضاف: كل وعوده بدون تنفيذ وكل أقسام المشروع تشكو من العطش.

    ولفت الى أن المشروع به ٥٥٠ ترعة بها ٦٢ كراكة فقط بعضها معطلة وأردف: لدينا مئات المليارات (مكبوبة) في الأرض وما شربت (موية) وطالب رئيس مجلس الوزراء باستنفار كل الكراكات لإنقاذ مشروع الجزيرة ونوه إلى أن المساحات التي نالت الرية الأولى بلغت ٦٢٪ بأقسام الجزيرة و٦٣٪ بأقسام المناقل.
                  

12-10-2020, 09:48 AM

عماد احمد عباس

تاريخ التسجيل: 01-16-2013
مجموع المشاركات: 53

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    https://www.0zz0.com

    https://www.0zz0.com
                  

12-10-2020, 10:12 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: عماد احمد عباس)

    Quote: طبق البيض يوم امس ب 700 جنيه


    حبيبنا أبوحراز تحياتي
    شوية نخرج من الجو المحبط دا
    طبق البيض اثار بعض الذكريات بالنسبة لي
    عندما حضرت الى السعودية في ذلك الزمان
    وفي ريعان الشباب ..
    طبعاً من دنقلا الخرطوم جدة
    بعد أيام من وصولي الى السعودية في بقالة شاهدت طبق البيض
    يمكن الشيء الوحيد الذي أذهلني وأدهشني هو طبق البيض
    لم أصدق .. البيض مرصوص بهذه الطريقة .. طبعا اول مرة

    تحياتي الحبيب ابوحراز
    والتحية للابنة امتثال




                  

12-10-2020, 11:44 AM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 02-26-2005
مجموع المشاركات: 9162

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: علي عبدالوهاب عثمان)

    يسعد اوقاتكم بكل خير إذا صدق الخبر ,,
    هي بضاعة ترانزيت او غسيل اموال
    السعودية منذ الازمة السورية بها مشكلة في استيراد الخضار والفواكه
    كانت تعتمد على سوريا وتركيا ولبنان بشكل اساسي (سرعة وقلة تكلفة النقل البري)
    لان الاستيراد الحقيقي لابد ان يكون ذا عائد ربحي (والعملية تجاريا بق زيرو)
    فهي اما عملية غسيل اموال (لا قيمة لربحية المنتج المباع هنا)
    او انها بضاعة غير مطابقة للموصفات والاشتراطات الصحية فتم اعادة تصديرها للسودان
    بدل الاتلاف والارجاع الي المصدر (مثل تجربة عصمت السادات في مصر عندما استورد الدجاج الفاسد وعندما انكشفت المحاولة اعاد تصديره للسودان)

    المهم الان ش الحرية ملئ بالتفاح و العنب و الزبيب (اغلبه مصري) مع انعدام الادوية لشح الدولار (دي يا ها حكومة موظفي البنك الدولي والعسكر المرتزقة)
                  

12-10-2020, 01:01 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: عمار عبدالله عبدالرحمن)

    شكرا والله كتير للجميع للمرور والتعليق البهي الذي اثرى البوست وعرفنا معلومات كثيرة جديدة
    ،وبالنسبة لاسعار الخضروات والفواكه في السعودية والتي اتى بها علي عبد الوهاب فان تلك الاسعار
    بالنسبة لسكان السعودية تعتبر رخيصة مقارنة بمرتباتهم المجزية، ولكن بالنسبة للسودان، واذا ضربنا
    سعر الريال في ٧٠ فتعتبر اسعار خيالية لا يمكن ان يشتريها الان وبمرتبه الحكومي الا حرامي او احد
    اعضاء الحكومات الثلاثة الذين ينهبون ما يريدون من خزينة الدولة البدون رقيب وبدون مراجع عام في
    وزارة المالية، ولمن مراجع عام في وزارة المالية حاول يكشف الفساد والسرقات والنهب داخل الوزارة لفقوا
    ليهو تهمة واعتقلوهو امام الكاميرات ، مش كده وبس، كمان نزلوا عملية الاعتقال في اليوتوب عشان يكون عظة
    وعبرة لكل من يحاول ان يكشف الفساد ونهب وسرقة المال العام والذي استشرى اكثر من عهد اللصوص والحراميو،،،

    ونرجع لما قاله ابو حراز في السطر الاخير من تعليقه: "وبدلا من استيراد التااشرات والدبابات والراجمات فالاحسن استيراد
    الالات الزراعية لسودان اخضر"" .
    وما بنعرف ليه بيستوردوا الراجمات والدبابات واراضينا محتلة في الشرق في الحدود المصرية والحدود الاثيوبية!!!؟؟؟؟؟
    ...طبعا فقط للانقلابات العسكرية التي نسيها العالم حتى في العالم الثالث،،،،
                  

12-10-2020, 01:19 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    الابنة امتثال .. تحياتي
    نحن شعب غير منتج ناس ونسة فقط
    هذا الخبر اليوم في مواقع الاخبار

    Quote: طالب مزارعو ولاية القضارف الحكومة بالتدخل لحل مشكلة ندرة العمالة لحصاد محاصيل العروة الصيفية باعتبارها تمثل مهدداً خطيراً يعرض المحاصيل للتلف، وقالوا ان هنالك انعداما للعمالة الإثيوبية نتيجه لقفل الحدود ما أدى لندرة الأيدي العاملة في الحصاد.

    و أكد أحد كبار المزارعين بولاية القضارف حامد البدوي انعدام العمالة الموسميه، مبينا أن عمليات حصاد هذه العروة باتت في كفة عفريت، موضحا أن اغلاق الحدود مع اثيوبيا عقب الحرب التي اندلعت في إقليم التقراي ألقت بظلال سالبه علي المنطقة ، لافتا إلى عزوف العمالة السودانية في الوقت الراهن وقال إن والي ولاية القضارف تعهد بالسماح بدخول (100) ألف من العمالة الإثيوبية للعمل في الحصاد وفق الاشتراطات الصحية الا ان حكومة الولاية لم تلتزم بوعودها.

                  

12-11-2020, 11:58 PM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: علي عبدالوهاب عثمان)

    انتو بتقولوا في شنو يا أخواننا؟ كل أو معظم منتجاتنا الزراعية ما حقتنا. الناس العايشين في الخليج عارفين أو مفروض إنهم عارفين أن العلف السوداني بيجي الخليج وما عليه أي ديباجة من بلد المنشأ، ومن الخليج ممكن تصديرو لأي بلد آخر وعليه اسم البلد الجابو من السودان "الشغيغ". والخضروات بتجي الخليج وما عليها أي إشارة تقول إنها منتجة في السودان، وممكن تصديرها من الدول دي تحت اسمها. والفواكه دي من سنين بتجي ناقلات كبيرة الحجم، ناقلات مبرّدة، وبتشيل من مزارع النيل الأزرق في الدمازين ما جاورها بالتراب ويمكن مجاناً، وكل شيء وكل حاجة. يمكن حتى البشر، والله أعلم. أصحوا وأعرفوا أولاً إنكم لا تسوون شيء مع الأصدقاء والأشقاء. بعد داك ممكن تبقوا شيء.أما الشقيقة الكبرى وأم العلاقة الأزلية وأم الدنيا، فعلى عينك يا فاشل: لحوم زي الورد جاية من بلادنا ويتم تصديرها منها هي وباسمها، وخضار وفواكه ودهب كمان وكل شيء غصباً عننا. وبرضو في ناس متيَّمين بالعلاقة الأزلية. .يا أبناء السودان الذين في الخارج، وبالذات في دول الخليج: هل رأى منكم أحدٌ بصلاً أو طماماً أو أبا القدح في اللولو أو اي سوبرماركت مكتوب عليه السودان؟ ياخي حتلاقي إنتاج تونس، وإنتاج الأردن، إنتاج مصر ... ودي كلها دول ما عندها موية تسقي البشر. والسودان ما عندو ولا حتى بصلة في مهرجان أسواق الخليج اللي كلها منتجات مستوردة. معقول؟نحن أصلاً لعبة ولسه في ناس تقول نحن ونحن. نحن مكشوفين ومرحبين بكل زول داير ياكلنا. قالوا لنا بلدكم سلة غذاء الجن والعفاريت وصدقنا واحتفلنا ولسه في ناس مصدقين ... ونحن أصلاً جيعانين في خشومنا دي، وجابوا المنظمة العربية للتنمية الزراعية، والمنظمة التانية ديك بتاعة الجداد الكويتي وجابوا المشاريع العربية ... وكل شيء ما في سوداني شافو ... طلع برة والحكاية توسعت ودخلوا الإخوة من كل جنباتنا وأنتجوا في بلادنا وسُمح لهم بعمل أي شيء ... تصدير المنتج وكأنه واقع من السماء؛ لا اسم سودان ولا اسم المنطقة المنتج فيها. ومن هناك تتم تعبئته ويكتب عليه صنع أو أُنتج في مصر أو في البحرين أو أي دولة فاهمة كيف تشتغل وكيف تستغل المهابيل، وهي لا تملك من هبات الطبيعة ولا صفر من ما عند السودان الحقير.يلعن أبو دا بلد. أتمنى الناس تخلى الفسلفة والكلام الكبار. الحياة والتطور والتقدم يبدأ من الأساسيات ... من الغنم والبقر والحواشات ... ثم يصعد إلى أعلى بلا انفصام عن البداية. كل خطوة إلى أعلى بتاخد معاها الخطوة التي سبقتها، لكن نحن انفصمنا عن كل البدايات وبقينا فلاسفة. ما بقدر أشرح لكن عشت هذا في اليابان: مزارع بقر وجنبهن معامل شركة سوني.السودان مو دولة، النصيحة لله. بلا مهدية بلاد حركات شعبية .... ضياع وقت وضياع شباب وضياع موارد بلا طائل ... لحساب ناس عواطلية بمعنى الكلمة.البداية لازم تكون من الصفر، بعيداً عن الخزعبلات التاريخية والدينية وكل شيء. الطريق واضح، يا إما تصحى وتعرف تتعامل مع السوق والعالم بطريقة السوق المفتوحة دي وتثبت إنك بلد عندو ذاتية وشخصية، أو اتوكل واسكت لمن يأكلك ونحن حتى الآن ما تجاوزنا مرحلة دروشة ممكلة الفونج وتخاريف المهدي وخليفته.أقولها وأظل أقولها إن السودان حتى الآن ليس دولة ولا علاقة له بأي شيء ينتمي إلى عناصر الدولة. نحن هبتلّي. لازم نبدأ من الصفر ... وننسى كل العفن الموروث ولا معنى له إطلاقاً. أنا طلّقته وعايز أتخلص من بقايا رواسبه.أمة كسلانة وتعبانة وبتكلم كلام أكبر من راسها وهي قاعدة في السهلة، لقمة سائغة لمن أراد.وفي الختام أقول: نحن ناس عواطلية وما عارفين عندنا شنو أصلاً. نحن نستغل ملتقى أعظم نهرين للتبوّل والتغوط، ولا كلف الله نفساً إلا وسعها. دا البنقدر عليه. لو أن هذا الملتقى بين النهرين في الشقيقة القريبة مننا دي لكن ملتقى لسياح العالم.

    (عدل بواسطة Shinteer on 12-12-2020, 00:23 AM)

                  

12-12-2020, 00:05 AM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: Shinteer)

    معليش يا بنتنا امتثال على الرد القرفان دا. لكن دا الحاصل. وبالمناسبة بقرأ ما تكتبيه وانتي ما شاء الله عليك مهتمة بتاريخ السودان وكل شيء متعلق بالسودان. بحييك والله على اجتهادك المعرفي وربنا يوفقك في أي مسار تختاريه في حياتك، لكن بلدنا السودان بلد مُعاق منذ الأزل.، وأنا ما قادر افتخر بأي شيء فيه وما حصل افتخرت بأي شيء فيه لأنه في ذيل أفريقيا وفي ذيل العرب وفي ذيل كل ما تتصورين.

                  

12-12-2020, 00:11 AM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: Shinteer)

    والله يا شانتير الرد ما قرفان لكنك ختيت الواقع المر بدون اي رتوش ...وكل ما قلته صحيح....اوسكار....
    فقط اختلف معك في عبارة "تجاوزنا مرحلة دروشة مملكة الفونج وتخاريف المهدي وخليفته"،،لانهم لم تكن لديهم تخاريف وانما وقفوا كابطال امام الغزاة وحرروا السودان
    من الاستعمار البريطاني المصري وكانت لديهم دولة مستقلة لمدة تقارب ١٥ سنة
    لولا غلبة السلاح الناري المكثف...وبطولتهم شهد بها الاعداء قبل الاعداء واقرا ما قاله المراسلين الحربيين الذين شهدوا معارك جيش الخليفة عبد الله ، وضباط الجيش البريطاني الذين شهدوا معارك الجزيرة ابا والابيض وشيكان...
    والان اراضينا محتلة في حلايب والقلابات وما قادرين نقول بغم...
    ولكن السؤال من الذي سيبدأ بنا من الصفر

    (عدل بواسطة امتثال عبدالله on 12-12-2020, 00:49 AM)

                  

12-12-2020, 00:52 AM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    ونسيت اضيف ان المليشيات الاثيوبية تغير على مزارع المزارعين السودانيين وينهبون الانتاج ويقتلون
    الابرياء ...وما قادرين نقول بغم...
                  

12-12-2020, 01:12 AM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    Quote: ولكن السؤال من الذي سيبدأ بنا من الصفر
    مرحبا. البداية من الصفر من أصعب البدايات للسودانيين لأنهم يظنون أنهم شيئاً وهم لا شيء. انا أول المعترفين بأننا هبل.يجب على كل سوداني أن يصمت عن الكلام والرغي والتفلسف والتعابير المضحكة، عليهم أن يصمتوا أولاً، لأن كلامهم الافتحاري دا جد مضحك.كل واحد منا (المتعلمين الخايبين ديل) يجب أن يصمت ويفكر في شيء عملي، أن يقتنع بأن البداية تكمن في ما نفرّ منه (وكلنا نافرين من أهلنا اللي نحن أصلاً عايشين عليهم حتى اليوم)، ونحزن، ومفروض نعمل فراش راسو عديل نبكي فيه أربعين يوم وبعد داك نقوم نبقى كلنا مزارعين ورعاة بفهم جديد حسب ما تعلمناه في الدول المتقدمة التي درسناها فيها وشفنا كيف واءموا بين كل ما عندهم. في أمريكا التي أظن أنك تعيشين فيها تجدين النساء المتعلمات وبروفيسورات وأجمل بنات (دي شفتها في بريطانيا) شغالين رعاة بقر وغنم وضان وكأن شيئاً غريباً لم يكن. حياة متكاملة من أقصى مراقي التكنولوجيا إلى أدنى مراتب الغنم والبقر والحصين. نحن يا امتثال من الابتداية فصلونا عن أساس حياتنا وعقّدونا منها (وأنا حتى الآن بلعن المدرسة السودانية والطريقة المهينة لأساس حياتنا، كانوا بضحكوا علينا لأننا أبالة وبعضنا غنامة، يعني أصحاب إبل وأصحاب غنم، وبيعيّرونا بيها)، عشان كدا بقينا كلنا فلاسفة ومناضلين وحملة سلاح ومرتزقة، لا علاقة لتعليمنا في السودان بحقائق الحياة الواقعية. والآن بضحك على فلسفة السودانيين وكلامهم الكبار، من المرحوم الصادق المهدي حتى أخونا جقود. ناس طاشة ساكت والله. انطموا يا ناس واسكتوا ... وحاولوا تبقوا زي الشعوب الآسيوية الصفراء دي على الأقل. عمل في صمت. هسه الصين جهجهت عقول البشر. صنعت لها مصيبة سموها شمس؛ درجة حرارتها أعلى عشر مرات من درجة حرارة قلب الشمس الواحدة دي، وما فيهم زول نحن ونحن . أها لازمانا فتوى في الناس ديل لأنهم تجرأوا وعملوا حاجة مستحيل نتخيلها نحن، خليك من عبدالحي يوسف أو القرضاوي.بتكلم عن نفسي وبعترف أن ما لقيته من تعليم كان تعليماً خاطئاً مليون في المائة، وما عرفت الحقيقة دي إلا بعد غادرت السودان. وقعدت اتساءل: ليه ما تعلمنا زي اليابانيين ديل أو زي البريطانيين؟ ليه فصلونا بفضل التعليم عن جذورنا؟ ليه أستاذتنا من الابتدائية حتى الجامعة بيسخروا من الرعاة والمزارعين، وهم أصل الأصل وكل العالم بدأ منهم؟صراحة أنا يائس من العلاج لأن المعضلة اتراكمت ووصلت مدى بعيد لدرجة أن من يحمل بندقية سواء كان من الكلية الحربية أو أي عاطل ممكن يجي يعتلي المنصة ... ودا بسبب تعليمنا البائس وبسبب المتعلمين الأوائل المنفصمين.التغيير صعب ويمكن يكون مستحيل ...إلا بمعجزة. أنا ما بعرف السودانيين ديل راسهم ضارب وللا ما شاعرين بمقامهم بين الأمم وللا الحاصل شنو بالضبط!!!!!أها دي مداخلة أقرف من سابقتها. يا ريت لو بقدر أعمل فورماتينغ لدماغي دا وأنسى حاجة اسمها السودان. لكن ما في طريقة. خُلقنا لنعيش تفاصيل هذه اللعنة المسماة سودان.

    (عدل بواسطة Shinteer on 12-12-2020, 01:20 AM)

                  

12-12-2020, 07:36 AM

Omer Sakin

تاريخ التسجيل: 10-25-2008
مجموع المشاركات: 275

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: Shinteer)

    افتكر ما عيب أنو نستورد خضار أو فاكهة أو حتى ويكا من السعودية أو الصحراء الغربية كمثال إذا في جدوى من ذلك. هولندا استوردت خضروات وزهور من السعودية!! طبعاً البعض منكم يفتكر أني ببالغ . . .
    ولتأكيد مصداقيتي اشتغلت في شركة هولندية في ليبيا. ورئيسي الهولندي ذكر لي انه كان مشرف على مشروع في السعودية كان يصدر (الفلفل الحلو) والزهور لهولندا.
    الليبين في عهد القذافي عملوا مشروع في قلب طرابلس العاصمة لانتاج الموز. المشروع كان صدمة لي لاني أول مرة في حياتي اشوف شتلة الموز بطول قلم الرصاص او اقل !!!
    وكمان شفت كيف نصف هكتار فقط يعني فدان وربع تقريباً بينتج في الموسم 70 طن خيار ( لا طين لا موية ساقطة، لا حر لا جدول كسر!!!).
    العبرة يا سادة في الزمن دا ما كبر المساحة الزراعية ووجود الايدي العاملة من عدمها. العبرة في انك توظف المساحة الموجودة مهما كانت صغيرة لزيادة القدرة الانتاجية وتنويع المحاصيل المنتجة لأقصى حد. بلاش تنويع خلينا نمسك في منتوج واحد أو أثنين بس.

    توزيع الأراضي لخريجي الزراعة حصل بالفعل والفكرة اساساً بدأت في عهد الديمقراطية الثانية على ما اعتقد ونفذت في عهد البشير. السؤال ما هي العبر والدروس المستفادة. فشل أو نجاح؟
    ملاحظاتي بحكم الاحتكاك لفترة قصيرة كمراقب (تنصيب ذاتي) لعمل الزراعيين (جمعيتي القضارف والدمازين) وكعابر طريق.
    اولا: مشاكل الخريجين على ارض الواقع مثل (هطول الأمطار الغزيرة وقفل الطرقات في موسم حصاد السمسم وعدم وجود العمال مما يعرض قرون السمسم للانشطار) هي نفس مشاكل المزارعين التقليدين.
    ثانياً: آلية حل هذه المشاكل هي نفس آلية حلول المزارع التقليدي بل يتفوق المزارع التقليدي على خريجي الزراعة بحكم التجربة ؟ !
    هذه ملاحظات عابرة كانت مرئية لي. واعتقد بعض الأخوة اللي كانوا منخرطين في هذه الجمعيات أدري ويا ريت لو كتبوا تجربتهم للاستفادة.

    شاءت الظروف أني زرت صديق لي كان طالباً في كلية الزراعة أثناء فترة تواجدي في السودان في تلك الفترة، وأثناء دخولي للكلية لاحظت وجود أحواض تجارب زراعية صغيرة للسمسم في المدخل مكتبوب عليها non-shattering variety ما يعني أنه قرون السمسم ما تفتح بسهولة أو كلام قريب من دا.
    اليوم التاني مريت على مكتب خريجي الزراعة وسألتهم إذا عندهم فكرة أنه في صنف من السمسم قرونه ما تفتح بسهولة وكلهم اجابوا بالنفي ! !

    خلاصة القول العبرة ما المساحة الكبيرة إذا ما بتم توظيفها التوظيف الأمثل والفعال وما الجامعة والعلم إذا ما بنطبقه في الواقع لتحسين نمط الحياة.
    واعتقد إذا في حاجة أفضل من الارتكان على الزراعة لتحقيق حياة أفضل للشعب نترك الزراعة برمته بدل التعب والشمس. بالجد فترنا من حكاية أننا عندنا اراضي خصبة واسعة وما بنزرعها ودا ما حقيقة، قاعدين بنزرع لكن بنزرع شنو وطاقتنا الانتاجية قدر شنو؟
    نسيت اقول أنه شتلة الموز الصغيرة اللي ذكرتها فوق استوردوها الليبيين من المغرب وحسب كلام المغاربة تم انتاجها عن طريق زراعة انسجة في المعامل بتقنية اسرائيلية. . . والعهدة على الراوي. في النهاية برضوا علم لكن علم مستفاد منه ما بحوث مكتوبة.
                  

12-12-2020, 01:08 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: Omer Sakin)

    شانتير
    والله تعليقك الاخير ده عجبني شديد، ويا ريت كل سوداني، سواء عايش داخل السودان او خارجه
    يقرأ كلامك الاوسكار ده،،،وبالاخص الناس القاعدين يحكمونا الان ديل،،،،والمصيبة الكبرى ان اي سوداني
    داخل الوطن او خارجه عاوز يبقى رئيس السودان،،، وفي كاتب اجنبي قبال كده سخر من السودانيين وقال
    ان اي فرد من افراد الشعب السوداني ،جاهل او متعلم ، رجل او امراة، طفل او كهل، كلهم سياسيين،،الخ،،الخ،،
    ولكن استوقفني جملة في تعليقك ان البعض كان بيسخر ان الابالة والغنامة،اي اصحاب الابل والغنم عاوزين...... "وهذا هو بالضبط ما حاول
    البعض من الصفوة الذين يدعون انهم الصفوة المختارة يعيرون به الذين حكموا السودان في الزمن الماضي ومن
    بينهم المهدي وجيشه الذين ايضا كانوا ابالة وغنامة وكانوا يمتازون بعزة النفس ولكن جاء الاستعمار المصري البريطاني واذلوهم وقلعوا منهم الابل
    والغنم وصادروا مزارعهم بحجة جمع الضرائب، بل حتى تاجروا بهم كرقيق، فهبوا هبة رجل واحد وقاوموا الاستعمار دفاعا عن عزتهم وكرامتهم ودفاعا
    عن وطنهم ببسالة وشجاعة حيرت حتى اعداءهم،،،،
    ولكن في النهاية اتفق معك في ان نظام التربية والتعليم خطأ من الاساس في السودان،،،وهسع ممكن تلقى سوداني يشتغل اي حاجة خارج السودان، تلقاه
    يشتغل سواق تاكسي وعامل في دكان وديلفري مان ومزارع يزرع يعمل بجد في مزارع الاغنياء وهو يحمل اعلى الشهادات العلمية وممكن يشتغل ١٨ ساعة
    عادي بدون تعب او كلل او ملل، ولكن داخل السودان ابدا ما ممكن يشتغل اشغال هامشية حتى ولو مات من الجوع لانو بيخاف من نظرة المجتمع ليه، هذا المجتمع
    الذي هو من نفس شاكلته يعاف ان يكون مزارع او عامل حتى ولو كان جاهل ولم يدخل مدرسة، وكل واحد فيهم داير يبقى مدير او وزير او رئيس،،،
    ونحن محتاجين غربلة وبداية من الصفر من اجل الاجيال القادمة ولكن للاسف الامل ضعيف جدا ،،،،لييه!!!؟
    اطلع لفوق شوية واقرا ان المزارعين في القضارف والدمازين بينتظروا ١٠٠ الف من العمال من الحبشة وارتريا كي يساعدوهم في الزراعة والحصاد بينما نجد ١٠٠ الف
    سوداني يتسولون في شوارع الخرطوم ويشحدوا وكل واحد يقول ليك انا عاوز حق الدواء وحق الرغيف،،بدل ما يمشوا يشتغلوا في المزارع في القضارف والدمازين...
    واذا كنت عندي سلطة في ولاية الخرطوم كنت جمعتهم بالقوة وارسلتهم الى المزارع كي يزرعوا ،اما موظفين الدولة الكسالى البيمشوا الشغل الساعة ١٠ صباحا ويرج البيت
    الساعة ٢ ظهرا، يعني يشتغل ٤ ساعات، وحتى الاربعة ساعات بيشتغل منها ساعتين ، وساعتين في الونسة والاكل،،،وديل اولا حاغير مواعيد الشغل ويكون من الساعة ٧ صباحا
    وحتى الساعة ٥ مساء،واي واحد يجي الشغل متاخر دقيقة واحدة يمشي بيته، وفي الوزارات الخدمية اذا في موظف قال لي مواطن تعال بكره برضه يمشي بيته،،،ومافي حكاية
    جيت متاخر عشان مافي مواصلات!!مافي مواصلات اركب عجلة، او قوم الساعة ٤صباحا وامشي برجلينك،،،،،
    عالم بطااااااااااااااااالة(والحقوق محفوظة لمجيدو)......
                  

12-12-2020, 02:05 PM

احمد عمر محمد
<aاحمد عمر محمد
تاريخ التسجيل: 01-10-2013
مجموع المشاركات: 1273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    يا امتثال انا عندي رغبة ادخل بعض المنتجات
    الى السودان من السوق الخليجي و لها اهميتها
    وغير متوفرة في السوق المحلي السوداني
    بس للاسف اذا دخلتها بيكون سعرها خرافي
    ولا يمكن ان ستيفيد منها الا طبفة معينة في المجتمع
    راح اقول لك نماذج منهم على سبيل لا الحصر
    الافوكادو من تستورد من شرق اسيا ودي الارخص سعرا
    اسماك السلمون تستورد من النرويج
    المشكلة هم اساسا سعرهم عالي في الخليج و اذا
    دخلت السودان راح تكون شئ غير متصور
    على سبيل المثال السالمون سيباع في السوق المحلي
    اقل شي الكيلو غرام بي حوالي 8000 جنيه
    والافوكادو ذات السعر الارخص حيكون الكيلة
    بي 2750 جنيه
    و ممكن يتم تسويقه في الفنادق الكبيرة في البلد
    اها رائك شنو
                  

12-12-2020, 02:34 PM

احمد حمودى
<aاحمد حمودى
تاريخ التسجيل: 01-11-2013
مجموع المشاركات: 4364

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: احمد عمر محمد)

    النجيضة الكلام القالوا عمار غسيل أموال ومش في الخضروات براها كمان في العربات قبل أسبوعين الجمارك السعودية أوقفت تصدير العربات والطبالي إلى السودان لأن العربات ملت الميناء كله ومعظم العربات موديل 2021 هايلكسات قيمة الواحد 160000 ريال وجماركه في السودان بمبلغ 160000 الف ريال يعني بكلف 320000 الف ريال ومافي اي مغترب في السعودية عنده حق العشا غسيل كمان بالغسالات الكبيرة وانا شغال في هذاا المجال 13 باخرة مصرية شغالة لي سواكن ما قادرة تشيل العربات
                  

12-12-2020, 03:05 PM

امتثال عبدالله

تاريخ التسجيل: 05-15-2017
مجموع المشاركات: 7424

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: احمد حمودى)

    يا احمد عمر
    وليه تستورد من الخليج!!!!
    تعال السودان وشاركنا انا وبسمات نشتري مزرعة في الباقير مساحة ٥٠ فدان بمبلغ ١٠٠ الف دولار ، بسمات مستعدة
    تشارك بي ٥٠ الف دولار وانا بي ٢٥ الف دولار وانت تدفع ٢٥ الف دولار، ونزرع الفواكه والخضروات الذكرتها دي ونصدرها
    لاسواق الخليج والسوق المحلي ، ونصف الانتاج لبسمات لانها حتدفع نص ثمن المزرعة ونحن النصف....
    اما العمال الحيزرعوا ويحصدوا فموجودين بيتسولوا في شوارع الخرطوم فممكن يعملوا في المزرعة بدل الشحدة وذل النفس
    والماعندو سكن بنبني ليهم مساكن في طرف المزرعة،،،،
    اها انت رايك شنو!!؟؟
                  

12-13-2020, 10:24 AM

najma

تاريخ التسجيل: 10-02-2002
مجموع المشاركات: 2062

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: امتثال عبدالله)

    Quote:
    الابنة امتثال
    الخبر غريب جداً منذ فترة الكورونا اسعار الخضار والفواكه
    في السعودية تضاعفت .. لا كيف يربح المصدر الى السودان
    خاصة بعد اضافة الترحيل والتكاليف الاخرى .. مثال للاسعار اليوم في اسواق السعودية

    كيلو الطماطم 7 ريال = 7× 70 جنيه ( سعر الريال بالسوق الموزاري )
    كيلو البرتقال 8 ريال = 8 × 70
    كيلو تفاح جالا 7 ريال = 7 ×70
    كيلو الليمون 5 ريال = 5 × 70
    كيلو البامية 21 ريال = 21 × 70
    كيلو البصل 4 ريال = 4 × 70
    كيلو الخيار 5 ريال = 5× 70
    كيلو البطاطس 3.50 ريال × 70
    كيلو الجزر 7 ريال = 7 × 70
    كيلو الكوي 11 ريال = 11 × 70

    وجدت أرخص خضار في السوق الطمام الاسود ( باذنجان) الكيلو 2 ريال

    هذه القيمة بدون الترحيل من السعودية الى السودان

    الريال معروف في السوق الموازي على الأقل 70 جنيه كم سيكسب المصدر لهذه المواد
    تعرف من الأفضل له أن يحول الريالات عن طريق السوق الموازي ..

    يعني مثلا 2 كيلو بامية = مرتب شهري لعامل

    ممكن من الصين أو من تركيا .. الخ

    تحياتي الابنة امتثال ..



    على عبدالوهاب الامر مخيف 🤦‍♀️
                  

12-13-2020, 10:54 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان يستورد الخضروات والفواكه من السع� (Re: najma)

    سلام
    يا امتثال خضار شنو دا المستورد من السعودية والإمارات؟
    بتصدقي؟
    الحجاج والمعتمرين بس البيجلبوا معاهم بعض الجركانات من موية زمزم .
    وشوية من تمر المدينة . تمر الحبيب المصطفي للتبرك .
    مافي ولا جرجيرة واحدة بتجي من هناك .
    كيف نصدر ليهم اللحوم والبرسيم والبصل ونستورد منهم الخضار .
    قولي للكتب الكلام دا اليجي يزور ملجات خضار السودان .
    وأسواق الفاكهة في السودان .
    جبال من البرتقال .
    جبال من الليمون والخضروات.
    مافي خضار في العالم الحولنا كلو بالحجم دا .
    والحمد لله .

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de