|
Re: اعلان (تصميم سيرة ذاتية بصيغة PDF (Re: محمد البشرى الخضر)
|
قاعد بي برة وعاضي خشمي أدخل؟ لا لا ما أدخل؟ أتكلم؟ لا لا مافي داعي
والله يا النعمان أخوي الموضوع دة كويس ما كعب وربنا يفتح ليك أبواب رزقه بس كمان اجتهد شوية وشوف نماذج سير ذاتية كتيرة في الانترنت أعمل منها قوالب وتعال نديك عصا موسى في موضوع السيرة الذاتية دة myperfectresume.com دة موقع مدفوع بتعمل فيه حساب مؤقت لمدة اسبوع بي 3 دولار وبعد الاسبوع هم براهم بدوك شهر زيادة شوف ليك أي مغترب يدفع بي فيزا وما بتندم
دة طبعاً مع كامل احترامي لشغلك الفوق وشجاعتك في الطرح وربنا يوفقك
| |
|
|
|
|
|
|
Re: اعلان (تصميم سيرة ذاتية بصيغة PDF (Re: أحمد محمد عمر)
|
الاحباب الكرام .. تحياتي لما لديكم من خبرة في هذا المجال ساعدوا هذا الشاب بخبراتكم ينوبكم ثواب .. تحياتي لكل شاب يكافح من أجل حياة أفضل وخاصة ابناءنا وبناتنا في الداخل لهم التحية
وفقك الله .. ان شاء الله مستقبل زاهر في سوادنيز في خبراء يمكن أن يساعدوك في تطوير عملك
مودتي .. وامنياتي لك بالتوفيق في حياتك العملية
| |
|
|
|
|
|
|
Re: اعلان (تصميم سيرة ذاتية بصيغة PDF (Re: Gafar Bashir)
|
Gafar Bashir
محمد البشرى الخضر
أحمد محمد عمر
علي عبد الوهاب
النورس الحزين محمد الليبي
اسعد الله اوقاتكم جميعا بالصحة والعافية شاكر ليكم كتير على المرور والملاحظات
Quote: أنا خشمي عندي لكن كان احمد عمر جا بي جاي الله اعلم اقدر اسكت
|
محمد البشرى الموضوع ما خطير لدرجة قفل الخشم واحمد عمر دا زولي المفضل والدليل على ذلك جاب لي رابط زابط
Quote: والله يا النعمان أخوي الموضوع دة كويس ما كعب وربنا يفتح ليك أبواب رزقه بس كمان اجتهد شوية وشوف نماذج سير ذاتية كتيرة في الانترنت أعمل منها قوالب وتعال نديك عصا موسى في موضوع السيرة الذاتية دة myperfectresume.com |
كتر الف خيرك يا أحمد عمر ودا السبب الجابنا منبر سودانيز عشان الواحد يستفيد من العقول النيرة المتعلمة من امثالكم ويكونوا لينا دليل نجاح وتوفيق من عند الله ومن عند انفسهم
اما بالنسبة لهذا السوال
Quote: بس عن منظمة ايثار الكيزانية دي ناس ازالة التمكين لسة ما جازفوها ؟ |
والله ليس لدى فكرة يا احمد والسبب الجمعني بمنظمة ايثار هو دورة تدريبية في مجال التعليم الالكتروني والدورة ضمت متدربين من عدة مؤسسات (معلمين - مهندسين it , مجالات اخرى )
Quote: ما في سيرة ذاتية بالانكليزي |
حاليا شغال عليها وح انتهى منها في القريب العاجل باذن الله وسوف يتم ارسال نموذج لك لوضع الملاحظات والارشادات
===========================================================
Quote: لما لديكم من خبرة في هذا المجال ساعدوا هذا الشاب بخبراتكم ينوبكم ثواب .. تحياتي لكل شاب يكافح من أجل حياة أفضل وخاصة ابناءنا وبناتنا في الداخل لهم التحية
وفقك الله .. ان شاء الله مستقبل زاهر في سوادنيز في خبراء يمكن أن يساعدوك في تطوير عملك
مودتي .. وامنياتي لك بالتوفيق في حياتك العملية |
سلمت الاخ علي عبدالوهاب عثمان والسادة في منبر سودانيز مؤكد هم في محل دعم في تقديم كل ما هو افيد واصلح لك ولهم التحية المؤكدة
| |
|
|
|
|
|
|
|