|
|
|
 Re: أضان حمدوك طرشاء (Re: HAIDER ALZAIN)
|
| Quote: البيـض لا يتكاثر يا بيضة إنت .. |
😂😂😂
وحات سيدي الحسن قريت اول جملة ونزلت تحت عشان أكتب تعليقك دا (بس بدون ما أقول لعمر يا بيضة عشان صاحبي) لقيتك سبقتني.
رجعت قريت الموضوع، أكتر حاجة عجبتني محاكاة إسحاق فضل الله في إستخدام المضارع.
| |
 
|
|
|
|
|
|
|
|
Re: أضان حمدوك طرشاء (Re: HAIDER ALZAIN)
|
قال بيض السمك وليس كل البيض بيض يا النعجة أم ...
السمك هو الكائن الوحيد الذي يتم اخصاب بيضه في الماء ولا يحتاج حتى لعملية تلقيح
لذلك يختلف عنده شكل التكاثر كما ونوعا
كما ان أغلب بيض السمك لا تهضمه الطيور، يدخل بطنها ويخرج سالما وربما سمكا من احشائها ..
لذلك يضرب به المثل في التكاثر ..
وبعدين انا ماكاتب مقال البيض .. لو عندك استقصاد شوف حسن اسماعيل.
| |
|
|
|
|
|
|
|
|
 Re: أضان حمدوك طرشاء (Re: عمر التاج)
|
| Quote: رجعت قريت الموضوع، أكتر حاجة عجبتني محاكاة إسحاق فضل الله في إستخدام المضارع |
كويس انك رجعت للموضوع يا مولانا.. في ناس بعلقوا من العنوان ..
ولو سألتهم المقال عن شنو ؟ يقولوا ليك عن البيض
..
وكويس انك انتبهت للفعل المضارع لانه في ناس مسجونين في الماضي ..
واضانهم طرشاء - زي منتصر داك - من الحاضر والواقع الأليم..
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
الكاتب ارزقى معروف والناقل.....
أثار تعيين الأستاذ “حسن إسماعيل” وزيراً في حكومة ولاية الخرطوم قبل عامين جدلاً كثيفاً في وسائط التواصل الاجتماعي لأنه كان حاداً في نقده للحكومة.. وبعد عامين قضاهما وزيراً للحكم المحلي ثم رئيساً للمجلس الأعلى للبيئة بولاية الخرطوم أصدر قراراً بمنع تصنيع الأكياس الخفيفة بولاية الخرطوم من أجل بيئة نظيفة.
وفي سياق مختلف، تغيرت نظرته للعمل المعارض الذي كان من نجومه وبعد دخوله الحكومة لم ير في المعارضة غير التشاكس وتكرار العبارات القديمة التي عفا عليها الزمن والتناقضات في المواقف.. (المجهر) استنطقت الوزير.. فإلى مضابط الحوار..
{ كنت ناشطاً سياسياً وحاداً في معارضتك.. كيف وجدت العمل في الحكومة التي كنت تنتقدها؟
_ تغيرت كثير من الحيثيات، أهمها أنا في داخلي، أولاً سقطت فكرة البديل المعارض عندي لأن المعارضة الحزبية التي بقينا فيها صادقين لتبشير الشعب السوداني لسنوات، الآن عيوبها عصية على الحل، وإذا أصررنا عليها فهذا معناه أننا نصر على خيار معطوب، فهي لم تتفق على شيء سوى معاداة الحكومة وعدم التجانس، فضلاً عن حجم التناقضات داخلها.
| |
|
|
|
|
|
|
|
|
|
Re: أضان حمدوك طرشاء (Re: Hassan Farah)
|
| Quote: الكاتب ارزقى معروف والناقل..... |
الكاتب خليهو .. أمسك في الكلام القاله وقل ده صح وده خطأ
بتقدر يا حافظ؟ ما ظنيتك بتقدر..
ثم الناقل خليهو.. امسك في بين اوت
الكانت ناقلة للناس لكأس العالم مجانا وما في زول قال عنها ارزقية.. يا أرزق طيبة
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
عفوا .. افتكرتك حافظ .. وتفاجأت انك حسن والطير ..
المهم يا حسن ..
موقف حسن اسماعيل وعدم مبدئيته هو حال كل الحكومات ..
أسه انت عارف الناس الكانوا بدافعوا عن اخطاء الحكومة السابقة مشوا وين؟
اغلبهم قلبوا ، وبقوا يدافعوا عن فشل الحكومة الحالية ..
وبكرة لما تجي حكومة أفشل حايقدونا ب #شكرا فشلوك
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
الأخ الفاضل العزيز / عمر التاج
ألف ألف تحياتنا لكم وللقراء الكرام
أخي العزيز الفاضل ( عمر التاج ) يكفي الشعب السوداني فخراً تواجد أمثالكم في ساحات الكتابة ،، ويا ليت كل الأقلام السودانية تملك تلك الشجاعة الفائقة في قول الحقائق المجردة من الزيف والرتوش ،، وأثابكم الله خير الثواب ،، والكل يعرف جيداً أن تلك الأقلام الشجاعة قد أصبحت نادرة ندرة ألبان العصافير في هذا الزمن العجيب ،، والشعب السوداني الذي يكابد أشد ألوان الأوجاع في هذه الأيام العصيبة يجد بعض الراحة والعزاء في حروفكم تلك الصادقة المخلصة ،، وهي تلك الخروف التي لا تجامل أحداً بفرية المجاملات والرياء ،، وتلك الحقائق التي تقولها حروفكم تلسع وتوجع أكباد هؤلاء الذين كانوا يريدونها تصفيقاً وهتافاً بغير إنجازات وأداء ،، وهي حروف وكلمات صادقة بمنتهى الشجاعة والرجولة ،، وفي نفس الوقت هي حروف وكلمات تبرد أكباد الشعب السوداني ،، ولسان حال الشعب السوداني يقول : ( إذا كانت حظوظنا بعد تلك الانتفاضة الأخيرة هي تلك الويلات والحسرات والصفوف والغلاء والبلاء مع هؤلاء القادة والرؤساء والمسئولين فلنبرد أجوافنا على الأقل بتلك الحروف والكلمات المؤلمة القاسية التي تفضح أحوال هؤلاء القادة والرؤساء ،، وتفضح عوراتهم تلك النتنة ) .
وفي الختام لكم خالص التحيات
| |
|
|
|
|
|
|
|
|
Re: أضان حمدوك طرشاء (Re: عمر عيسى محمد أحمد)
|
ويا ليت كل الأقلام السودانية تملك تلك الشجاعة الفائقة في قول الحقائق المجردة من الزيف والرتوش
--------------------------------------------------------------------------------------------------------------
حضرة الكاتب السودانى عمر عيسى محمد احمد
دعنى اقف الى جانبك مؤيدا دعوتك الى كل الاقلام السودانية فى ان تملك الشجاعة الفائقة في قول الحقائق المجردة من الزيف والرتوش
وبما انك كاتب ناشط فلا بد ان تكون لك مقالات ذكرت فيها الحقائق المجردة من الزيف والرتوش فى عهد الحكومة السابقة ايضا
ارجو ان تتكرم علينا باعادة نشر بعضها ولا تنسى ان تلصق الرابط ايضا
| |
|
|
|
|
|
|
|
|
 Re: أضان حمدوك طرشاء (Re: عمر التاج)
|
Quote:
ــ الأخطاء الكبيرة تتكاثر كأنها بيض سمكة شديدة الخصوبة... زاد حمدوك المرتبات بنسبة خمسمائة في المائة ثم رفد وزير ماليته ..ثم دخلت كل القطاعات التي زيدت مرتباتها في إضرابات لأن مرتباتها الجديدة لاتكفي وجلس التضخم علي الأرض من ثقل جسمه ، مرة يضحك علينا ومرة يبكي لحالنا، وآدم سميث في قبره يصيح ... (التضخم خلو ..أربطوا حمدوك)
|
سلام عليكم عمر التاج وضيوفو
الجزئيه دى بالتحديد حاتكلم عن مايتعلق يالمرتبات ووزيره الماليه والكيل بمكيالين
قبل كم شهر من فتره عيد الضحيه بدا تراجع وانكار وظاره الماليه التزامها بدفع رواتب التعليم العالى باعتبار مايدفع من الماليه للتعليم العالى تحت بند (دعم التعليم العالى) ولايوجد بند المرتبات .
وبعد الحراك ومقابله مدراء الجامعات لحمدوك والوزيره والتزام الحكومه بدفع المرتبات (حتى ديسمبر) !!!
وماذا بعد ديسمبر ؟؟؟
البعض يتحدث عن مطالبه الوزبره بدخول ايرادات التعليم العالى لخزينه وزاره الماليه حتى يتم الالتزام بدفع رواتب التعليم العالى
اوكى كلام جميل
لكن سؤال لوزيره الماليه وحمدوك : وزيره الماليه اعتذرت للقوات النظاميهه عن تاخير المرتبات فى شهر من الشهور
هل دخلت ايرادات القوات النظاميه الى خزنه وزاره الماليه واصبحت استقماراتها وشركاتها تحت ولايه وزاره الماليه ؟؟؟
هل هو ضعف من الحكومه (حمدوك ووزيره الماليه) ؟؟
ام
كيل بمكيالين ؟؟
| |
|
|
|
|
|
|
|
|
|
Re: أضان حمدوك طرشاء (Re: Asim Ali)
|
يا مولانا تعمل شنو مع شلاقة صاحبك دا وتشدقه ..
شوف الثقة والتاكيد على الكائن الوحيد دي ..
| Quote: السمك هو الكائن الوحيد الذي يتم اخصاب بيضه في الماء ولا يحتاج حتى لعملية تلقيح |
السمك ما براهو يا عمر الداكي حصص الأحياء في المسألة دي ..
لو بتعرف القعويـة برضها بتعمل العمليتة الجبانة دي ..
وكتير من الكائنات المائية ..فالسمك ليس هو الكائن الوحيد ..
فصحح كلامك الفوق دا عشان ما تبقى بيض قعوي ..
Quote: كما ان أغلب بيض السمك لا تهضمه الطيور، يدخل بطنها ويخرج سالما وربما سمكا من احشائها ..
لذلك يضرب به المثل في التكاثر |
ما يبقى راسك دُمك وتختف كلام حسن طرحة ساي يآخ حتى مولانا قال ليك البيض لا يتكاثر ..
افهم بقى..البيض لا يتكاثر .. البيض لا يتكاثر..!
| |
|
|
|
|
|
|
|
|
|
Re: أضان حمدوك طرشاء (Re: HAIDER ALZAIN)
|
يا عمر التاج حسن طرحة يقصد بيض السمك داخل مجاري الصرف الصحي، وإن كنت أرجح أنه قد هيأ له تكاثر بيض السمك
إلا أنني أقر وأعترف بأن حسن طرحة أعلم منا أنا وحيدر ببيض سمك مجاري الصرف الصحي، فليس من رأى كمن سمع
| |
|
|
|
|
|
|
|
|
|
Re: أضان حمدوك طرشاء (Re: النعمان اسحاق)
|
| Quote: انا شخصيا لو في محل حمدوك وانكتب فيني مقال زى دا .....طوالي بلقط الجداد بتاعي وبشيل القفص وامشي اشوف لي زريبة تانية |
وكمان يا النعمان يخيل لي برضو إنك لو كنت في محل الوزير حسن طرحة وجات الثورة ومن الخوف مشيت أتدسيت في المجاري وبعدها الثورة عتقتك وأدتك حرية تعبر عن رأيك كما تشاء
طوالي بتشيل القلم بتاعك وتشخبت في الحيط "شكراً حمدوك".
| |
|
|
|
|
|
|
|
|
|
Re: أضان حمدوك طرشاء (Re: Hafiz Bashir)
|
| Quote: يكفي الشعب السوداني فخراً تواجد أمثالكم في ساحات الكتابة ،، ويا ليت كل الأقلام السودانية تملك تلك الشجاعة الفائقة في قول الحقائق المجردة من الزيف والرتوش ،، وأثابكم الله خير الثواب ،، والكل يعرف جيداً أن تلك الأقلام الشجاعة قد أصبحت نادرة ندرة ألبان العصافير في هذا الزمن العجيب ،، والشعب السوداني الذي يكابد أشد ألوان الأوجاع في هذه الأيام العصيبة |
حبابك عمر أخوي..
لعله قدرنا ان نكافح حكومة دكتاتورية، فتاتينا حكومة أسوأ منها ..
وأيم الله لا نحمل عداوة او ضغينة ضد أحد .. وما أردنا الا حكومة تصلح الحال
ولو ان حكومة حمدوك قدمت معشار ما كنا نحلم به لعضينا عليها بالنواجز
ولكنه قدرنا ان نظلم ويعتدى على حقوقنا فنصبر ونكافح حتى اخر رمق من حياتنا
| |
|
|
|
|
|
|
|
|
|
Re: أضان حمدوك طرشاء (Re: النعمان اسحاق)
|
بالله مع اللخمة نسيت ماقلت السلام
سلام عليكم يا صاحب البوست وضيوفك الكرام
بخصوص الجزئية الخاصة بالمرتبات
انا في فترة حكم الإنقاذ كانت مرتبي (3000) ج غير كرتونة رمضان وخروف الضحية اللي بالإقساط وحلوة المولد
و(3000) ج كانت بتعادل (50) دولار لغايت سقوط البشير
ولمن جاءت حكومة حمدوك المرتب ارتفع وأصبح (12540)ج يعني بتعادل ليها (48) دولار حاليا
يبقي الفرق بين المرتب الأول والأخير (2) دولار "تناقض غريب"
طبعا مرتب حمدوك دا خالي من كرتونة رمضان وخروف الضحية اللي بالإقساط وحلوة المولد وخالي من البركة ذاتو
| |
|
|
|
|
|
|
|
|
|
Re: أضان حمدوك طرشاء (Re: النعمان اسحاق)
|
Quote: الشيوعيين والاخوان المسلمين
الاصر
العطل السودان بعد الاستقلال بالانقلابات الخبيثة |
الكبير عادل ، تحياتي
وخلينا نعمم القول ..
اليمين واليسار السوداني بكل سجمه ضيعوا السودان
البلد دي عايزة جماعة جديدة تكون وسطا بين الامم ، لايمين ولا يسار
حزب شبابي مخلص ، يكون همه البلد أولا وأخيرا .
ويرمي كل أوساخ البلد واوجاعه في مزبلة التاريخ
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
| Quote: لو بتعرف القعويـة برضها بتعمل العمليتة الجبانة دي .. |
انت ركزت في مداخلتي ولا جيت بيضت ساكت
انا قلت كائن مائي، وليس برمائي .. يا برمائي انت ..
وضربنا به المثل في التكاثر ، والقعوي لو بتكاثر زي السمك كان ضايقنا في المنبر ده زيك كدة
وبعدين كلمة البيض دي في اللغة معناها أكبر من مجرد قشرة تحوي الجنين
في اللغة لما نقول بيوض قد نعني الكائنات التي تبيض
لذا فان البيض يتكاثر والافكار تتناسل، والمداخلات تتوالد .. شفت ( لغتنا) دي واسعة كيف؟
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
حبابك عاصم أخوي،
Quote: الجزئيه دى بالتحديد حاتكلم عن مايتعلق يالمرتبات ووزيره الماليه والكيل بمكيالين
قبل كم شهر من فتره عيد الضحيه بدا تراجع وانكار وظاره الماليه التزامها بدفع رواتب التعليم العالى باعتبار مايدفع من الماليه للتعليم العالى تحت بند (دعم التعليم العالى) ولايوجد بند المرتبات .
وبعد الحراك ومقابله مدراء الجامعات لحمدوك والوزيره والتزام الحكومه بدفع المرتبات (حتى ديسمبر) !!!
وماذا بعد ديسمبر ؟؟؟
البعض يتحدث عن مطالبه الوزبره بدخول ايرادات التعليم العالى لخزينه وزاره الماليه حتى يتم الالتزام بدفع رواتب التعليم العالى
اوكى كلام جميل
لكن سؤال لوزيره الماليه وحمدوك : وزيره الماليه اعتذرت للقوات النظاميهه عن تاخير المرتبات فى شهر من الشهور
هل دخلت ايرادات القوات النظاميه الى خزنه وزاره الماليه واصبحت استقماراتها وشركاتها تحت ولايه وزاره الماليه ؟؟؟
هل هو ضعف من الحكومه (حمدوك ووزيره الماليه) ؟؟
ام
كيل بمكيالين ؟؟ |
الزيادة الخيالية في المرتبات والتي أبتلعتها زيادة في التضخم كانت قائمة الظهر للاقتصاد السوداني ..
بلد فيها مشكلة موارد وتضخم تقوا تزيد فيها المرتبات ٥٠٠%
وهل للزيادة علاقة بالتخمة التي يشعر بها الوزراء الان بعد ان تضخمت مرتباتهم بنسبة اكثر من ١٠٠٠%..
ولكي تجيب على هذا السؤال عليك ان تطالع تصريح أحد قادة المجلس الأيادي المدنيين اليوم الذي قال ان مرتبه ١٢٠ مليون في الشهر ، 
هل يعقل ان يصرف ١١ رئيس وفي طريقهم ليصبحوا ١٤ مرتبات خيالية ويتركوا الشعب في هذا الفقر والمسغبة؟
أما قضية الموارد خارج الميزانية فهو امر محير ومربك وارث سيئ من النظام السابق ..
الجامعات طالما تصرف مرتباتها من الحكومة يفترض تدخل مواردها لخزينة الدولة ..
ولا يمكن ترك حبلها على القارب لتحدد رسوم تبلغ في بعضها ٨٠٠٠ دولار في للعام للطالب الواحد،
في حين ان بعض الجامعات المصرية لا تاخذ رسوما اكثر من ٤٠٠ دولار في العام ..
اما موضوع الجيش فهو موضوع مطرشق .. طالما هم في المجلس السيادي ..
بالأمس قال البرهان ان هذه الشركات تتبع للهيئة الخيرية للقوات المسلحة وليست للجيش..
وهذا فيما يبدو اتجاه للهروب الكامل بموارد الدولة ..
| |
|
|
|
|
|
|
|
|
|
Re: أضان حمدوك طرشاء (Re: معاوية المدير)
|
Quote: إلا أنني أقر وأعترف بأن حسن طرحة أعلم منا أنا وحيدر ببيض سمك مجاري الصرف الصحي، فليس من رأى كمن سمع
|
تصدق يا مولانا حسن طرحة ده لما كان بتكلم باسم شهداء ٢٠١٣ ما ارتحت ليهو اصلا
ولما بقى وزير انقاذي اكتر واحد انتقدت مواقفه انا ..
وحتى الآن بشوف نفسي في الطرف للنقيض منه .. زي صاحبك دينق داك
الا انني من خلال مقاله هذا اعترف بأن حسن طرحه أعلم منك ومن حيدر ومن ٩٠% من ضحكونية سودانيز اونلاين
بمهارات اللغة العربية
لكن ما أفضل مني انا ومعاوية المدير
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
| Quote: حمدوك شنو العندو أضان كمان ؟!!!... |
أنت كمان يا معاوية ما تسلب الراجل نعمة أنعم الله بها على الرجل
قول ماعنده مخ.. ماعنده رأي
لكن ماشاء الله اضانه أضان جمل
وحتى في اللقاء الاخير قال سامع الناس بيقولوا شكرا حمدوك
وطلب الناس تقلل منها عشان راسه مايطرشق.
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
| Quote: في اللغة لما نقول بيوض قد نعني الكائنات التي تبيض |
يعني هسه يا عمر التاج من مداخلات حيدر الزين لما قاليك يا بيضة، نفهم إنك من الكائنات التي تبيض؟
| |
|
|
|
|
|
|
|
|
|
Re: أضان حمدوك طرشاء (Re: محمد أبوالعزائم أبوالريش)
|
| Quote: حيدر الزين لما قاليك يا |
وانت بتنقل كلام حيدر الزين مالك؟ ما عندك كيبورد؟
غايتو كان صدقت كلام حيدر الفوق تبقى جنا جداد مثله
وكان صدقت كلامي الفوق عن البيوض تبقى جنا رخم ..
وفي كل الأحوال حسن طرحة مستفيد ..
..
..
Quote:
حسن طرحة بقى كمان يعيدوا نشر كلامه؟
باقي لينا ذا النون |
لو تأملت اللغه والوصف في كلام حسن طرحة كان اقتنعت ليه كان سايقكم زماااان
ولو تابعت ذو النون حاتعرف ان "الطرح القادم" قادم بقوة ..
| |
|
|
|
|
|
|
|
|
|
Re: أضان حمدوك طرشاء (Re: عمر التاج)
|
| Quote: انا قلت كائن مائي، وليس برمائي .. |
ما تكضب .. انت قلت الكائن الوحيد :
Quote: السمك هو الكائن الوحيد الذي يتم اخصاب بيضه في الماء ولا يحتاج حتى لعملية تلقيح
لذلك يختلف عنده شكل التكاثر كما ونوعا |
وكلمة كائن ممكن تشمل المائي والبرمائي والجن وسكان الفضاء ومن يدبي على أربع ومن يزحف !
فما تتفلسف عشان ما سألتك عن نظريتك العامة حول كيف بيختلف عنده شكل التاكثر نوعاً وهو ببيض يا بيَاضة :)
| |
|
|
|
|
|
|
| |
عمر التاج
HAIDER ALZAIN
Hafiz Bashir
Hassan Farah
عمر عيسى محمد أحمد
adil amin
Asim Ali
معاوية المدير
النعمان اسحاق
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست