|
|
|
 Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
من بين كل القادة الذين ظهروا على المنصة
د . جبريل خطف الاضواء
وتعبير وجه فرايحي على ابتسامة
مرتب ومنظم في خطابه
تحدث عن الدولة والاقتصاد ..
بخلاف باقي الاحباب الوحيد الذي لم يظهر عليه أي جهوية
أما قريبنا داؤود بتاع كوش .. لا أعرف لماذا ظهر في حالة هيجان
وحماس كانه في مظاهرة وليس على منصة وكالة الانباء
| |
 
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
| Quote: شيخ على سلام ما تسرع لكن اتمنى من الله ان يكون توقعك صاح |
حبيبنا صديق مودتي يا جميل
تعرف يا الحبيب عندما رأيت مداخلتك اصابني الخوف ( ههههههههههههههههههه )
لأن مداخلاتك هجومية .. وأنا زول من ضواحي ما قدر على الرد بالعربي
بالنوبية خطير اخطر من ترامب .. (ههههه ) مودتي
لكن ما شاء الله عليك المداخلة جاءت برداً وسلاماً ..
بصراحة وبدون مجاملة أول مرة اركز على د جبريل مع انني أميل في تجاه الدقير
لكن جبريل كسح الجماعة كلهم
تحياتي الحبيب صديق ..
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: Biraima M Adam)
|
(( دكتور جبريل رجل سمح الأخلاق .. وجسور في الحرب ..
الحمد الله الذي هداه لحقن دماء أبناء الشعب السوداني. ))
حبيبنا الأديب بريمة تحياتي يا جميل
أول مرة استمع لدكتور جبريل بكل احساسي وهو خارج نطاق محدودية الحركات
الرجل له حضور قوي جداً وكلام مرتب ونفس هاديء ومقنع وبنرة تسامح جميل
طريقة اوباما في خطابة
لقد وجدت في موقع اخباري بعض العبارات التي وردت في حديثه
قال :
Quote: ليس المطلوب جهاز واحد لتفكيك النظام وإسترداد الاموال يكون هو الخصم والحكم معاً
بل مطلوب أجهزة توفر المعلومات وقضاء وطني غير متحيز أو متحزب يقوم بإصدار الاحكام. |
د كتور جبريل سوف يكون له شأن كبير في الديمقراطية الموعودة
تحياتي الحبيب بريمة شكرا يا جميل
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
ونموذج آخر من خطاب د . جبريل :
Quote: واكد جبريل أن السودان والشعب السوداني تضرروا كثيرا من الصراع السياسي بين اليساريين والاسلاميين منادياً
بضرورة الخروج من دائرة الصراع الايدلوجي وان تتنافس كل القوى السياسية السودانية حول توفير الخدمات
للمواطن السوداني وان يبنى الاقتصاد السوداني على أساس الشفافية ومحاربة الفساد
والادارة الجيدة للموارد ومبدأ المحاسبة بدون مجاملة لاحد. |
كلام جميل .. نعم دكتور جبريل لنكسر اطارات الايدولوجيا التي ذهبت بالوطن
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
الحبيب علي عبدالوهاب
سلامات يا جميل..
ما شاء الله على جبريل ابراهيم
بس مستغرب في حاجة..
القاعة او الكشك ابيعملوا فيهو ناس سونا المؤتمرات دي وين !
شكلها ممر او نص صالة بين مكاتب ..
معقولة حتى تجهيزات الصوت معدومة
ودا ما اول مؤتمر او لقاء يتعمل في الكشك دا وبنفس الزحمة والكبسيبة ..
غايتو..
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: HAIDER ALZAIN)
|
Quote: القاعة او الكشك ابيعملوا فيهو ناس سونا المؤتمرات دي وين !
شكلها ممر او نص صالة بين مكاتب ..
معقولة حتى تجهيزات الصوت معدومة
ودا ما اول مؤتمر او لقاء يتعمل في الكشك دا وبنفس الزحمة والكبسيبة |
حبيبنا حيدرنا الجميل ..
تخيل القاعة دي ( سونا ) وكالة الانباء السودانية
لاحظ عدد الناس خلف المتحدث كلهم لديهم رغبة الظهور في التلفزيون
لو لم يراعوا التنظيم على الاقل خطر ( الكورونا )
ابلغ من وصف السودانيين رواية منسوبة للفنان أبوداؤود .. رحمه الله
عندما رأي اسفلت ( زلط) جديد السطح حجارة
قال ( نحن بعد ما نعمل شارع الظلط بنقلبوا ) اب سايد داون
الرواية والحكي بالعربي مشكلة بالنسبة لي
اخوانا الجنوبيين أحسن مننا في الترتيب واللبس
أناقة عالية في اللبس ( البدلة ) وطريقة الجلوس في الكراسي
تحياتي الحبيب حيدرنا الجميل
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
Quote: Atif Omer Mohamed Ali
معقولة حتى تجهيزات الصوت معدومة
____
يا حيدرا
الحكاية متكتكة عشان اسئلة الصحافة حارة نار!!
غير الصوت أم تلاحظ (العسكري) الذي فتح باب الأسئلة للصحفيين؟
ههههههههههههههههههههههههههههههههههه
أعجبني · رد · منذ ١ س
المكون الإضافي للتعليقات من فيسبوك |
برضو منطق يا ابن عمر - الله يسلمك
لكن في ظل حكومة ثورة مدنيـة ذات مسئولية وشفافيـة نابعة من روح الثوار ودم الشهداء
ما اظنهم يلجأوا للمكيدة والخبث دا عشان يشوشوا على الرأي العام ..:):)
خلينا نركز على حنك انه حكومة الكيـزان وطوال الـ 30 سنة الماضية دمرت القاعات وكسرت المايكات وصنعت الفوضى
عشان بي كدة فيصل محمد صالح ولقمان والرشيد او اياً من كان المسئول عن الخستكات دي بيكون مرتاح ضميرياً ..ّ
صحي .. الامر دا بيكون مقصود والا ماعندنا ؟
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
الحبيب علي عبدالوهاب
جلوس شنو وكراسي شنو
يىخي في واحد شايل كاميرا تلفزيون والا فيديو ما عارف دا ما لاقي حتة يمشي فيها
بيتزرَق بين كرعين الجماعة ويحبي تحت الطربيـزة العاملنها منصة دي..
الكاميرا الناقلة المؤتمر الصحفي أظنها كاميرا مراقبة في سقف الصالة قول لي عرفتها كيف؟؟
أقول ليك عرفتها لانه طوال فترة المؤتمر الصحفي الكاميرا دي ما كانت بتتحرك.. وبزاوية واحدة تبلغ 37ْ من راس المشاركين ههههههههه
وزي ما قال شيخ عاطف بن عمر .. ولا سؤال من اسئلة الصحفيين ما كان واضح..
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
Quote: يا شيخ علي ما تتغشى ، ده أكبر كوز جهوي سلفي ، ده فايت الترابي زاتو
فعلا حيكون ليهو شأن في تمكين الكيزان وخصوصا ناس المؤتمر الشعبي
|
فنانا الجميل ترهاقا اننقا .. مسكاقمي
كان هاديء اثناء الكلمة وبروح تسامح
الغريبة قريبنا داؤود (كوش) لم يأت بأي كلام عن الشمالية ومنطقتنا
بكل حماس دافع عن دارفور اكثر ابناء دارفور ..
تحياتي الحبيب ترهاقا
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: علي عبدالوهاب عثمان)
|
الأستاذ علي وضيوفه الكرام
تحية طيبة وبعد ،
الدكتور جبريل إبراهيم من أنبل وأطيب وأصدق الذين عرفتهم فقد عاش معنا في اليابان
واسرته الكريمة لحوالي سبع سنوات عندما كان يتلقى الدراسات العليا لنيل الدكتوراه .
لقد حزنت كثيرا عندما علمت أنه اختار البندقية لعرض قضيته لعلمي انه يمتاز بالعقلانية
والهدوء والمنطق السليم القويم . وحزنت أكثر عندما فقد شقيقه الراحل دكتور خليل.
أنا اثق كثيرا في ما ذكره في اللقاء المشار إليه ، وأتمنى أن يجد الفرصة لينقل هذا الوطن
الجريح من الحالة الراهنة المؤلمة إلى آفاق ارحب بالإستقرار والأمن والتقدم والإزدهار .
تحياتي ووافر احترامي
| |
|
|
|
|
|
|
|
|
|
Re: في مؤتمر سونا قادة الثورية .. جبريل ابراهي� (Re: Gaafar Ismail)
|
Quote: الدكتور جبريل إبراهيم من أنبل وأطيب وأصدق الذين عرفتهم فقد عاش معنا في اليابان
واسرته الكريمة لحوالي سبع سنوات عندما كان يتلقى الدراسات العليا لنيل الدكتوراه .
لقد حزنت كثيرا عندما علمت أنه اختار البندقية لعرض قضيته لعلمي انه يمتاز بالعقلانية
والهدوء والمنطق السليم القويم . وحزنت أكثر عندما فقد شقيقه الراحل دكتور خليل.
أنا اثق كثيرا في ما ذكره في اللقاء المشار إليه ، وأتمنى أن يجد الفرصة لينقل هذا الوطن
الجريح من الحالة الراهنة المؤلمة إلى آفاق ارحب بالإستقرار والأمن والتقدم والإزدهار . |
حبيبنا جعفر .. تحياتي يا جميل .. شكرا على الحضور الرائع
يا سلام الحبيب جعفر اضافة لمعلوماتنا عن السيرة الذاتية لدكتور جبريل ..
شهادة موثوقة شخص عايش دكتور جبريل ..
شكرا كثير على المداخلة .. والمعلومات ..
تحياتي الحبيب جعفر .. اكرر شكري واحترامي ..
محظوظين ما شاء الله وانتم في درة هذا الكون ( اليابان )
| |
|
|
|
|
|
|
| |
علي عبدالوهاب عثمان
صديق مهدى على
Biraima M Adam
HAIDER ALZAIN
ترهاقا
Gaafar Ismail
فيس بوك
تويتر
انستقرام
يوتيوب
بنتيريست