|
|
|
 Re: يا إمتثال شوفى الغلاء فى الأقاليم.. دى حكو� (Re: Abureesh)
|
انا سمعت ان الاقاليم ارخص من المدن كتير...
لكن منتظرة عبيد ود الطيب يجي يشرح لينا الكلمات
الصعبة زي : القرجة والملود، والدباشي ، والتقاة، والفهق.الخ..الخ
واحتمال ود الامير من حي الؤلؤة يساعد لانه احتمال يكون عارف ليه
كلمة كلمتين..
وبعدين نجي للتعليق..
| |
 
|
|
|
|
|
|
|
|
Re: يا إمتثال شوفى الغلاء فى الأقاليم.. دى حكو� (Re: عمر التاج)
|
Quote: الفالح يترجم 😅😅😅
سبحان الله البلد دي بقي اي شي فيها بي قروش واسعار مضاعفة
ياخي قفل اللبقه بقي بي 30 جنيه
وشوال الكمتر بي 200 جنيه
وطروقة المنجل 70 جنيه
تصدقو البطان بي 80 جنيه
والضناب بي 50 جنيه
خلو دا كلو
ياخ رفع التقنت ساكت بقي بي 50 جنيه
وصليح الفاسقيه بي 100
والقليبه اليلت الرقيطا بي 100 جنيه
الضحوه اليلت القراع لحقت 300 جنيه
ونجام البصل بقي بي 500 جنيه
عود الملوده الكان بدوك ياهو ساكت
بقي بي 100 جنيه
والعجب عقلة الآشميق بقت بالشي الفلاني
غايتو البلد دي انتهت 😪 |
| |
|
|
|
|
|
|
|
|
|
Re: يا إمتثال شوفى الغلاء فى الأقاليم.. دى حكو� (Re: ABUHUSSEIN)
|
عمر التاج
والله اللستة بتاعتك مفهومة تمام..
بس السؤال اذا كان مصاريف الشهر ٧٧ الف جنيه ،فكم مرتب المعلم في الشهر
عشان نقدر نعرف الفرق كم بين مرتبه وبين مصاريفه الشهرية وسمعت ان بعض
المعلمين بيشتغلوا ترحال في الامسيات لسد هذا الفرق، ولكن الما بيقدروا يشتغلوا
ترحال بيسدوا الفرق من وين!!؟
بس ما تقول من السرقة والنهب المسلح لان المعلم كاد ان يكون رسولا...
هنا في امريكا اكثر ناس مرتاحين هم المعلمين لان مرتباتهم مجزية،،لان الادارة
الامريكية بتفهم ان تقدم اي امة ،اي شعب اي دولة يتمثل في تقدم التعليم اولا ثم الصحة..
| |
|
|
|
|
|
|
|
|
 Re: يا إمتثال شوفى الغلاء فى الأقاليم.. دى حكو� (Re: امتثال عبدالله)
|
بالمناسبه فى حساب فى تويتر اسمو اللهجه السودانيه كل يوم بعمل (سلسله) عن كلمه سودانيه او يورد صوره يطلب معرفه الاسم
مره جاب صوره مخزن الحبوب ناس الغرب قالو دبنقا اظن وناس الشمايه قالو قسيبه وفى النهايه الغرض واحد
الدبنقا
Quote:
هذه هي الدبنقا لمن لا يعرفها
الدبنقا إناء من الطين الأخضر (الآجر) وهي في شكل البرميل تبني مثل الجالوص وبعد أن تجف تستخدم لحفظ الحبوب بعد الحصاد
تسمي في دارفور الدبنقا وفي كردفان السويبه وفي الشماليه القسيبه.
منقول
|
القسيبه
Quote: القسيبة
مصنوعة من الطين وخاصة طين جروف النيل وبعض ماء الصمغ واشياء اخرى عادة تقوم بصنعها النساء كبار السن لخبرتهن في ذلك قديما في شمال السودان تستعمل لحفظ وتخزين التمر والقمح ومعظم الحبوب لسنوات من التسوس او ان تفسد بعامل الزمن مقاومة للمطر |
السودان رغم انو واسع لكن فى حاجات التشايه فى كتير رغم الاختلاف فى المسميات
ربنا يجمع ويوحد الوطن ويقيل عثرتو
| |
|
|
|
|
|
|
|
|
|
Re: يا إمتثال شوفى الغلاء فى الأقاليم.. دى حكو� (Re: Asim Ali)
|
حبيبنا ابوحسين .. الحاجات معظمها شغل ترابلة
هي من لغتنا .. فقط فيها نوع من الامالة في النطق
تحياتي الحبيب
ياخي قفل اللبقه بقي بي 30 جنيه ( دي نوبية 100% اوبوق ) عندما تريد تحويل مجرى المياه
وشوال الكمتر بي 200 جنيه ( كمتر في النوبية هيكل مصنوع في شكل انسان لتخويف الحيوانات وحماية الزراعة من الاعتداء
وطروقة المنجل 70 جنيه ( مهمة الحداد خاصة ايام الحصاد توضيب المنجل ) شغل ترابلة
تصدقو البطان بي 80 جنيه
والضناب بي 50 جنيه ( الضناب حبل ممتد من السرج حول ضنب الحمار لتثبيت السرج وعدم الزحلقة الى الامام )
خلو دا كلو
ياخ رفع التقنت ساكت بقي بي 50 جنيه ( التقنت نوبية 100% حدود الاحواض توقند )
وصليح الفاسقيه بي 100
والقليبه اليلت الرقيطا بي 100 جنيه
الضحوه اليلت القراع لحقت 300 جنيه
ونجام البصل بقي بي 500 جنيه ( لفظ نجام تنظيف المحصول من الحشائش )
عود الملوده الكان بدوك ياهو ساكت
بقي بي 100 جنيه
عقلة الآشميق ( حبل الأشميق دي نوبية 100% عقلة الجزء الخاص بربط البهيمة مثلا رجل الحمار ) اشما يستخرج من النخلة للحبال
شكرا حبيبنا ابريش .. بقينا نتحدى الناطقين
| |
|
|
|
|
|
|
|
|
 Re: يا إمتثال شوفى الغلاء فى الأقاليم.. دى حكو� (Re: Biraima M Adam)
|
تضبب العكاز .. عمل ضبة للعصر، والضبة هي جلد ذيل الثور
تضبب القرجه ، عمل ضبة للقناية، والقناية او المطرق نوع خاص من العصي اخف و اقل صلابة.
تشتري السفروق، السفروق نوع من العصي المقوسة الحادة المعمولة في شكل سيف
وعود الكدنكة .. الة زراعية بس نسيت بتعمل شنو
وعود الملود .. الملود الة زراعية ليش القش نظام واقفا ، يشبه الكنش الكبير .
ويومية الدباشي، ما ادونا ليها هههه
وضحوة الكديب ، الكديب نظافة الارض من الحشائش وبقايا النباتات بعد الحصاد
وفج التقاة .. التفاة هي حافة الحوض ، والحوض اصغر وحدة مساحة في تقسيم الارض الزراعية
وبلط التقاة بي البرجوب ..
والمحجام الواحد .. الة اخراج الدم الفاسد من الجسم
ومرقان الفليتة .. الفليتة هي نوع من التمزق العضلي في الكتف او الرقبة او الظهر
وتسند الفهق ، الفقه هو الضرر الشديد في الرقبة ..
وسن التقدة ..
وتطرق السكين .. زيادة حدة السكين بالمبرد
كليقة القصب ، حزمة القصب
شوال البتاب .. ما يغلف المحصول الحب ( كاذرة والفول والقمح..)
شوال التبن .. ثمرة المحصول الحب بعد طحنها واستخراج البذرة
والزيانة جبنه بالعامود، الحلاقة بالة يدوية كالموس.
ومركوب التيس، حذاء مصنوع من جلد ذكر الماعز
بردعة السرج ، البردعة مخدة صغيرة توضع علي سرج الحصان او الحمار ..
دق الطافات..
الفروة .. مصلاة او فرشة من جلد البهائم
ياخي تنقلت المركوب.. صيانة الاحذية بالابرة والخيط.
واللباب او البطان والضناب، حبال قماش او جلد تربط علي الرقبة او البطن او تحت ذيل الحصان او الحمار او الجمل.
وشكيمة العجل ، الشكيمة حبل يربط راس العجل ويمر داخل فمه وفوق قرنيه
وصريمة الحمار بي مثل الشكيمة
وتكدر الحمار ، قطع اظافر ارجله
جز المعوز، حلاقة شعر الماعز ..
وعين الشمش .. ورم حميد ينبت تحت الجلد
والمنقاش والمسله ، المنقاش اداة لاخراج الشوكة من الجسم ، والمسلة عبارة عن ابرة ضخمة
واللمبه ام دخيخين .. علبة صغيرة بها جاز ويخرج منها خيط قطني مبلل يوقد للاضاءة ..
مرور خاص وسريع من طرف الذاكرة مساهمة في عربنة الاخت امتثال .. وننتظر التصحيح من خبيرنا علي عبد الوهاب .
| |
|
|
|
|
|
|
| |
Abureesh
علي عبدالوهاب عثمان
ABUHUSSEIN
elhilayla
عمر التاج
Hafiz Bashir
Asim Ali
Biraima M Adam
صديق مهدى على
فيس بوك
تويتر
انستقرام
يوتيوب
بنتيريست