|
كتب الكاتب الفاتح جبرا المتوفرة بمعرض الدوحة
|
|
 Re: عاوز اكتب اي حاجة تعالوا اكتبوا (Re: احمد عمر محمد)
|
سلامات يا أحمد محمد عمر
وشكرا على البوست الشيق
أنا أتعامل مع سودانيز أونلاين في الغالب بالصورة التي وصفتها أنت:
| Quote: الكتابة هدف سامي المقصد منها تنشيط الفكر وتبادل المعرفة. |
وأيضا الونسة والأدب ومسائل الشعور وتبادل التعازي والأفراح بجانب الأخبار.
أصبحت أكثر زهدا في الحوار نسبة للتكرار.
| |
  
|
|
|
|
|
|
|
|
Re: عاوز اكتب اي حاجة تعالوا اكتبوا (Re: Yasir Elsharif)
|
الكتابة فعلا امر جيد وهو لغة التواصل
وعند البعض الكتابة وخاصة الراتبة
اكل عيش
اما نحن هنا نكتب ونقرا فقط لفائدتنا
الذاتية ما في مكاسب ومع كده احيانا
ترد اليك بضاعتك خاسرة
والجميل انك تتعرف الى الناس واتجاهاتهم
وعادي انك تحب شخص او تكرهه من كتاباته
شكرا ياسر للحضور والتوقيع
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
اخي احمد عمر
لك التحايا
الكتابة عندي تختلف عن النشر بمعنى أنها ليست مرتبطة بالمنتدى "النشر"
فقد ترد لك الخاطرة كما تفضلت ويمكن أن تكون قد أثارتها قراءة أو نظرة
أو معاناة وتفكير أو .. أو .. فتلح عليك كتابتها أو تشعرك بالقلق ولن ترتاح
إلا إذا أفرغتها كتابة .. وبعد الفراغ من الكتابة قد تجد أنها صالحة للنشر
فتنشر على صفحات المنتدى .. أو وهو الغالب الأعم تخزن حتى تجد السانحة
لنشرها .. صدقني أن هناك مواضيع كتبتها قبل سنوات ولم تنشر وعندما أعود
وأقرؤها بعد مدة أجدني اسأل نفسي: هل أنا كتبت هذا؟ والغرابة تأتي بسبب
غياب الخاطرة أو بالأصح تكون مدة الإنفعال بها قد انتهت .... تحياتي مرة
أخرى أخي ....
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: Abureesh)
|
Quote:
صدقني أن هناك مواضيع كتبتها قبل سنوات ولم تنشر وعندما أعود
وأقرؤها بعد مدة أجدني اسأل نفسي:
|
كيرا الواحد منا ينكر نفسه بعد حين ويكون ذلك
اما بسبب عدم التجويد او انك تكتشف ان التجربة
لم تكن قد ثقلتك كما ينبغي
احيانا الواحد كما ذكرت تقرعه الحالة فيكتب
ثم اذا انتبه وجد ان ما كتبه لا يستحق النشر او
حتى ان يبقى بين دفتي الدفتر ربما لركاكاته
او لعدم جدواه لكننا نحاول قدر المستطاع ان
نحتفظ به حتى نرى انفسنا في المراة
القديمة كلما ما تقدم بنا العمر
تحياتي
| |
|
|
|
|
|
|
|
|
 Re: عاوز اكتب اي حاجة تعالوا اكتبوا (Re: Abureesh)
|
(بالله صحي كتبتَ مقادرة!) وإنت قاصد مغادرة ..؟!
ثم أولاً:
Quote: ما ممكن الذهن لا يورد اي خواطر واليراع يحتاج
لان يسطر اي شئ منه فائدة. |
مافهمت عليك!
قليلٌ من الترقيم والعلامات في الكتابة لا يضــُــرّ! لا سيّما في العبارات والجُمَل الافتتاحية ..
لكيييين آ بوحميد، إن كنتَ بتكتب " مقادرة" ولا تعني بها إلى " إذن ال مَرْقَــة!" فلا كتير
عَتَب على عدم اهتمامك بالترقيم والعلامات يا باشا،
سووووووق ال عربية .. وين وين يا عربي ـــــــــــــــة
في هذا البوست، يبدو لي أنني تعرّفت على شيءٍ قد يفيد في حال الحاجة إلى سبر غور " خوف "
أو سَمِّه "ملاوذة" ودعُمر، من آل.فيسبوكّي الكبير: عاطف؛ بل ربما قاربتُ أيضاً بعض إكمالٍ لسبر غور
"تطيُّر" ود الشريف، من إطلالة الفيسبوكّي الكبير، يعُدّ على ياسر أنفاسَه؛ إذ لكأني بــ "ود الشريف" ما إن
تقع عيناه على كتابة ال تحِت تِحِت: حتى يجول بخاطره: أيُّ رِيحٍ عقيمٍ حدفتَك علينا يا فيسبوكّي؟
وربما زادت خواطر أخينا د.ياسر، بالقول: يا أخي الكريم نحنا أبداً ما حَرّشنا عليك بكري!
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد أبوجودة)
|
ما دام وجهت لينا دعوة مفتوحة عشان نكتب في البوست اي حاجة عاوزينها،،،
فانا عاوزة اكتب حاجة عن الغاضب المتهور طىمبة وذلك حتى يستسلم ويخلي
العوارة البيعمل فيها دي ، فهل ممكن تسمح!!؟؟
عاوزة اكتب هنا شهادة ابنة شقيقه التي الفت كتاب عنه بعنوان:Too much ,never enough
The most dangerous man in the world
وكذلك شهادة شقيقته فيه وقد سجلت الشهادة ابنة شقيقها في هذا الكتاب،،،
وسنظل نكتب عن هذا العنصري حتى يخرج من البيت الابيض مطرودا بالقوة،،،،
بس اوع اكون فتلت ليك البوست عشان جبنا سيرة المجنون،،،،،
واذا ده حصل ،فانت المسؤول عشان انت قلت لينا اكتبوا في اي حاجة،،،،
وهو في حاجة اظرف من طرمبة وتصرفاته الصبيانية البتفقع المرارة!!؟؟
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد أبوجودة)
|
Quote:
المشكلة هى إنو الواحد مكنكش فيها بيدينو الإتنين.. لكن لو فكاها.. أو فكت منو، يقدر يكتب كويس..
|
ابوريش خلك ماسك قوي
الشغلة زي التمارين كان ما واظبت فيها
في المبارة تقطع نفس من اول ربع ساعة
كده كده الحكاية ما متعبة شديد بس يكون عندك
فداوة و الكتابة مثلها مثل ارتشاف القهوة
تحتاج مزاج
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
الاستاذ جودة انيق المفردة
صراحة اكثر ما يعجبني في كتابتك انتقاءك للكلمات
والكتابة بما ندر من المفردات العربية و لعمري
هذا ما يعجبني في الكتابة
نحن مبتدئين ونكتب الكلام ولا نخشى لومة
لائم في تقريعنا في الالتزام بما تعارف عليه
من علامات الترقيم وربما سبب ذلك يعود
لزهدنا في الكتابة.
تحياتي يا استاذ
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد أبوجودة)
|
Quote: لماذا نكتب هل من اجل زيادة لفت الانظار لكتابتنا
ام ان الكتابة هدف سامي ( سامي ده منو كمان)
المقصد منها تنشيط الفكر وتبادل المعرفة. |
تحياتى الاخ احمد عمر
بخصوص الكتابة :
هناك شئ ما فى اعماقى يدفعنى دفعاً الى الكتابة والكتابة هنا فى سودانيز بالنسبة لي :
لتبادل المعلومات والمعرفة وتقصي اخبار الاصدقاء .
وأنا اكتب دائماً للتعبير عن افكارى وآرائى .
ويعجبنى فى الحوار الادلة والبراهين والمصادر وقوة الحُجة والمنطقة فى المسألة التى تدور حولها الحــوار .
ودائماً أحب الدفاع عن قناعاتى بالحُجج والمنطق والادلة والبراهين .
وهذا لايعنى ان افرض قناعاتى على الآخرين ابداً انما علي ان اساهم بطرح افكارى والقبول والرفض يرجع الى
الآخرين و مدى تقبلهم للرأى الآخر المخالف لآرائهم .
وأنا شخصياً دائماً ما أميل الى حيث قوة الحُجة والمنطق فى الحوار .
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: علاء سيداحمد)
|
بالذات يا امتثال ترامب ده اللي جاء في حين
غفلة من الزمن ليصبح رئيس اكبر دولة ويريد
تقزيمها يستاهل تكتبي فيها ما بدا لك.
على فكرة كونك تجدي خيط يدعو للكتابة
وتبادرين بالكتابة فمعنى هذا انه عندك فيروس
الكتابة الذي يحرك في الانسان الرغبة للكتابة متى
ما وجد ما يحركه ويدعوه لان يكتب ونحن يعني انا
ومن يشبهني مشكلتنا ان الرغبة في الكتابة عندنا
اكبر من تطبيق الكتابة على ارض الواقع او
على صفحات النت وماشابه لكننا نستمتع بالقراءة اكثر
تحياتي ثم مجددا مرحبا بكتاباتك
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
عارف يا استاذ علاء
دائما افشل في ايصال الخيط الذي ابتدره الى
نهاياته وتجدني انقطعت وربما سلمته للمتداخلين
واصبحت متفرجا لذا احيانا اتهيب المبادرة بكتابة
بوست
نعم يعجبني اصهابك احيانا في ايرادا ادلة فيما تطرح
واقربها ما كتبته اليوم تقريبا للنقر في معرض ردك
عن دفاعه عن شيخه وقد ارودت له من الادلة ما يجعله
قدر التحدي وان يخوض معك غمار المعركة التي
افردها لكتاب تلميذها في الكلية.
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
سلامات احمد عمر
اجيب دعوتك بقول مروي عن الامام الشافعي رحمه الله :
ضحكت فقالوا ألا تحتشم ؟ بكيت فقالوا ألا تبتسم ؟ بسمت فقالوا يرائي بها عبست فقالوا بدا ما كتم .. صمت فقالوا كليل اللسان نطقت فقالوا كثير الكلم ..
حلمت فقالوا صنيع الجبان ولو كان مقتدراً لإنتقم .. بسلت فقالوا لطيش به وما كان مجترئاً لو حكم .. يقولون شذ إن قلت لا وامعة حين وافقتهم ..
فأيقنت أني مهما أرد رضى الناس لا بد من أن أذم.
تحياتي
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
احمد عمر محمد
تحية طيبة عليك
واسعد الله ايامك
Quote: حيانا نكتب لغرض هادف ولكن يأتي اصحاب الشلاليت
فيذهب البوست اما للحور ام يفقد قوته التي انطلق بها.
بس خلاص |
سوف اكون حريص حتى لا اشوه البوست واصبح في دائرة الشلاليت
لك تقدير واحترام ثابت لكافة طروحتك حتى وان كانت تحرض على النقد او تشعل حاسة الحوار ففي الاخر هي محل اعتباري بي "كاملة الدسم " وتستحق المشاركة
خليك بعافية
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
بعد اذنك يا أحمد عمر شلوت صغير للقنينيط البنبح بي تحت:
Quote: لولا حماية ورعاية بكري ابو بكر لكم لما صمدتم في وجه الحوار (نانو) ثانية!!
والله صحي!! |
طيب آ القنينيط يا دون كيخوت الحوار و فارسه الجحجاح رايك شنو تقوم تفوّت الفرصة على الشريف و الجموريين و العلمانيين وسائر الكفرة الفوق ديل ان يستفيدوا من حماية ورعاية بكري وتعال ليهم فوق بعضوية راسها عديل و صورتك الخايف عليها () وأقع فيهم جندلة و خبط خليهم الفمتو ثانية ذاتو يشوفوه كتير!
رايك شنو آ القنينيط! انت قول بس بقدر عليها و اسي الباسويرد يجيك يتهادى على جناح الريح
و استمتع و متّعنا بالحوار
بتقدر؟ كدي انت حاول بس!
خخخخخخخ
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
Quote: سلامات يا أحمد محمد عمر
وشكرا على البوست الشيق
أنا أتعامل مع سودانيز أونلاين في الغالب بالصورة التي وصفتها أنت:
|
د. ياسر الشريف.
قاصد منو شكلو، تلخبطت عليك الأسماء.
سيد اللبن وضيفه تحياتي.
فهمي متأخر شوية الموضوع شنو.
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
ود البشرى يتحمل قول وزره يا نملة
وبالنسبة للشيخ محمد مصطفى ده
شيخب يا دكتور ياسر وما بنرضى فيه
يا عمر نملة اخونا عاطف كمان يتخاشن
مع محبيه أو انداده مفروض الجميع
يهدو اللعبة عشان النقاش يحلوو
ويثمر
وعموما كما يقولون العفش داخل الباص على
مسؤوليه صاحبه
والرأي والقول في بوستات سودانيزاونلاين
على مسؤوليه كاتبيه
ومن هنا ادعو لهدنة وتسوية وتصالح بين الاحبة
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
نملة بدل تولول كدا في البوستات حسب اللائحة في مادة ما مذكرها كم بتقول الشكاوي توجه لإيميل الادارة
فا شنو اكتب ايميل لبكري و لحدي ما يردليك عليك بالماوس ويل و هاك يا سكرول داون أو أب كل ما تلاقيك قينينط دي
| |
|
|
|
|
|
|
|
|
 Re: عاوز اكتب اي حاجة تعالوا اكتبوا (Re: أحمد محمد عمر)
|
عندك خت ماعندك شيل
فى المنابر والوسائط ياها الفكره تدخل تخت وتشيل
لكن للاسف غالبا تلقى الناس مقيده مهما كان نقاشها مختلف
ليه الناس مشى دروب يكون هو اول زول يفتحها مهما كانت وعره وشائكه ؟
ممكن تقول الواحد بيحس انو بتنفس
احيانا هروب من الواقع لاخيانه له وانما للعوده بروح ايجابيه اكثر
احيانا تحاول تبعد من لغه المعادلات والحقائاق المجرده الجافه (رغم متعه التعامل معها)لكن برضو تلقى نفسك تتفك من قيد بعض جوانب المهنه
للاسف الحياه فى السودان قتلت حاجات حلوه كتير جوا الواحد يمكن لو كان الزول فى باديه او ريف فى بلد مافيهو زى الالم الفى السودان بمكن كان الواحد رسم لنفسو او لقى نجاح فى مسار مختلف عن مساارو الحالى يمكن مزارع وتاجر
اعيش سارح فى مساحات مهله الممتده خضره او ارض منبسطه او جبال تشابى تغازل السماء بنجومها وشمسها وقمرها
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد البشرى الخضر)
|
اعزمك شنو آ القنينيط! انت ساكن سكنة هنا ويتكتب أكتر من صاحب البوست نفسه! المانعك شنو تكتب عولاقك دا فوق!
ما قلت يا ابزرد لولا حماية بكري بتجندل الكفرة! اها فوق مافي حماية بكري دي
تعال حق كلامك و جندل الناس بالنانو ثانية
و حتى حاتم البتهضرب بيه دا تعال جندله فوق, المافي شنو
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: Yasir Elsharif)
|
مطلوب منك كالآتي آ القنينيط: ترسل ايميل لبكري ابوبكر تقول ليه أنا الدكتور عاطف عمر المقيم بالمملكة و الشهير ف منبركم العامر بالقنينيط بكتب من نافذة الفيس بووك أكتر مما يكتبه كل اعضاء المنبر فوق و دي صورة هويتي و دي صورتي في رقبتها التي يشع منها نور الايمان و الصلاح و الوقار بطريقة لا تتناسب مع الفاظي و جلعي, اطلب عضوية في المنبر عشان عايز اجندل بعض الكفرة في (نانو) ثانية دون أن يستفيدوا من الحماية و الرعاية البتسبغها عليهم
والله ولي التوفيق
اها قصّرت معاك!
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد البشرى الخضر)
|
نملة بدل تولول كدا في البوستات حسب اللائحة في مادة ما مذكرها كم بتقول الشكاوي توجه لإيميل الادارة
فا شنو اكتب ايميل لبكري و لحدي ما يردليك عليك بالماوس ويل و هاك يا سكرول داون أو أب كل ما تلاقيك قينينط دي
يا ابوحتحوت انت باين ما فاهم انا بلف و ادور في شنو
افهمك بالواضح..الكلام دا بيتوضع في قوقل واي
حتحوت لما يكتب اسم ابوة بيطلع ليه الكلام دا
وقف و ارجع امسح قشو ما تجيبو حي ما عايزين
أرشفة...عيب عليك...شايف صاحبك اتنصل و نكرك
قبل صياح الديك ثلاث مرات...مستحي ليك
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
جبتها كبيرة خلاص يا نملة
ولا بتنبلع ذاتو
انت حدك مع أي عضو ما يكتبه هنا .. لكن ما عندك شغلة بي أولاده ولا من حقك توريهو كيف يخاف عليهم
يعني انت قول أنا كعضو يؤذيني ما يكتبه العضو فلان لكن نهااااااااائيااااااً مافي سبب بخليك تجيب سيرة أبناء العضو بأي طريقة لأنهم ما أعضاء معاك في المنبر
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: أحمد محمد عمر)
|
بتعجبني مجمجتك يا احمد...ساكت على
الكلمة التي خدشت وعرتنا من الحياء
و جاي تقول جيبتها كبيرة...ما لازم الشي
دا يتوقف طالما ما في حياء...سؤالي كان
واضح بتكتب عن قناعة..و لا بترضي اصحابك
طيب لو هو مسؤول عنا ما يكتب وما بتدخل
ايه الدخلك فيما اكتب...افظع منو انت البتبرر
ما يكتب...قنيطة يا احمد..الاختشو ماتو..استمر
في فلسفتك و قول اولادو...كلامي واضح الكلمة
ما مقبوله و لا يوجد اي مبرر...و سوف استخدم
كل الطرق لايقافها عارف كل الطرق يعني شنو
مسخرة منك البدافع عن مخرج الخرا
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
الكلمة الما عاجباك وبتكرر فيها دي يا عمر نملة أنا عمري كلو لا حصل قلتها بلساني ولا كتبتها بي يدي ولا حصل اقتبستها ذاتو
لكن ما بفرض على زول شكل ألفاظه .. أي واحد بكون قناعاته بنفسه براهو
إذا أنا شفت فيها تعدي ممكن أتكلم .. لكن لمجرد إنها كلمة ما ظريفة في فهمي دة ما بديني الحق في فرض مفهومي للظرافة على الآخرين
انت بتقول كلمة خادشة للحياء وشغال تكرر فيها صباح مساء !!! معقولة يا عمر ؟ يعني عاوز تساهم في خدش الحياء ولا كيف!
أنا ما قلت ليك ما تتدخل فيما يكتب .. قلت ليك لا تتعدى ما يكتب
سبب واحد يخليك تتلب برة البورد عشان تتكلم في أولاده بأي طريقة من الطرق مافي
أي كلمة بتكتبها انت هنا يا عمر أنا ممكن أجي أقبقبك فيها .. لكن يستحيل أجيب سيرة أسرتك ولا حتى أجي بي جمبها تلميحاً
ولا ممكن ذاتو أسألك انت متزوج؟ مطلق؟ أرمل؟ عندك اولاد؟ ما عندك؟ دي كلها شؤون شخصية مالم تصرح بيها براك مافي زول من حقه سؤالك عنها
السؤال عنها أو الكلام فيها دة التعدي الأمه بت عم ابوهو .. موش مجرد لفظ خادش للحياء
البورد دة يا نملة زي سوق الملجة فيه كل أشكال المجتمع بتسالم البعجبك وتجلي الما بعجبك
ممكن تقول فلان اتعدى علي ونقيف معاك .. لكن ما ممكن تفرض لغتك على الناس
إذا عاوز تسعى لي إيقافها أبدأ بي نفسك وتوقف انت عن تكرارها أولاً ثم بعد داك خاطب بكري يمكن يقتنع بي كلامك ويشختها تظهر محلها نجوم *****
لكن غير كدة ما عندك طريقة
عاوز تعترض عليها في المداخلات عديلة عليك أهو دة بتعترض ليك 3 سنوات ما حصل سألتك لكن لو جبت سيرة الأسر بعترض أنا عليك
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: أحمد محمد عمر)
|
لكن ما بفرض على زول شكل ألفاظه
احمد الكلام دا ما في الخور..تحت العمود
في السينما...دا منبر عام و ما اي منبر
الاشهر..الاكثر متابعة من الاسر
ما تلف و تشارك في الجريمة الأخلاقية
لازم يتوقف عن الكلمة و لا يتوقف عن
الكتابة في المنبر..و لا داخيار صاحب المنبر
يكون منبر منحط...شوف لو اي
شخص محترم يتداخل في اي بوست يرمي
فيه الكلمة..عييييب..خلاص وقفت تداخل و عديلة
عليك و عليه و على المنبر..
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
تاني بقول ليك يا عمر
الموضوع ما إنك توقف تداخل .. تعال اعترض زي ما عاوز
أنا كلامي كلو حول إيراد سيرة أبنه في حوار هو مسئوول عنه
فيما عدا ذلك أهو داك طقعو لي بكرة وكان نقصت الحجار بس كورك يا أحمد ويقصر الملح :)
الأخلاق مسألة نسبية نستطيع الاتفاق على الحد الأدنى منها لكن ما بنقدر نخت فورمة ثابتة كدة نسميها الأخلاق واللي بيحيد عنها أخلاقه سيئة
العيب في مجتمع ممكن يكون عادي في مجتمع تاني
أديك مثال حي
هسة محمد البشرى ممكن يكرر الكلمة الما مقبولة عندي دي صباح ومساء عادي جداً بدون ما يشوف فيها أي مشكلة .. لكن أنا ما بعملها لأنها بتتنافى مع قواعد التهذيب عندي
في نفس الوقت ممكن واحد يفتح بوست فيه صورة بت بتغزلوا فيها الناس .. أنا بسكن في البوست عديل واتبكى واتغزل في كل مفاتنها وتضاريسها بكل أريحية .. لكن البشرى ما بعملها
شفت النسبية دي كيف!
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: أحمد محمد عمر)
|
هسة محمد البشرى ممكن يكرر الكلمة الما مقبولة عندي دي
صباح ومساء عادي جداً بدون ما يشوف فيها أي مشكلة
عليك الله ما بتشوف فيها شي...اوعا يكون دا راي باقي
الناس...غريب مفروض اصل المرحلة دي قبلكم بحكم المكان
العايش فيه...عديل عليك و عليه طالما عادي..ظاهر انا ما
متابع الانحدار الوصل ليه الحال...انا اسف احمد اسف
..يا هندسة...خلاص قنطو المنبر و لا يهزكم ريح
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: أحمد محمد عمر)
|
قال مارك توين
لا تعامل الناس بمثل ما تحب ان يعاملوك به . فقد تختلف الامزجة
او نحو ذلك
الكلمة لا تحمل سياقا اخلاقيا الا حين ادخالها في جملة
في التراث العربي احدهم سب شاعرا فقال له
اير الحمار في هن امك
فقال ما اغضبه انه كني للحمار ولم يكني لأمه
ما اسهل ان تسئ للآخرين وتدعي عليهم والاصعب هو اتخاذك موقفا يتسق مع ما تقول وسلوكا ايضا
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عبدالحفيظ ابوسن)
|
الكلمة لا تحمل سياقا اخلاقيا الا حين ادخالها في جملة
شيخ العرب كلمة قنيط ما محتاجة جملة
بتعجبني في السيرة اغنية دور بينا البلد
داك و احرق الجزلين يا البابور جاز...بطلو لف
و دوران..وقفو محمد البشري ما يستخدم
كلمة قنيط
اي بوست يدخل فيه بكلمتك البوست بيحترق
وقفوه...
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
طبعاً يا عاطف عمر لو ما عارفك بتستهبل كان قلت عليك غبي
خصوصياتك ملكك عاوز تحكي عنها بطريقتك إن شاء الله تنشرها في كتاب حول سيرتك الذاتية
لكن ذكر الناس ليها خارج سياق طرحك هو تدخل في الخصوصيات
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
يعني نهايتو آ القنينيط ابيت تقدم للعضوية و تجي تمارس جندلة الكفرة المشمولين برعاية و حماية بكري المزعومة!
طيب شنو النفخة الكضابة و الهرجي وأنا وانا علي الطلاق و نانو ثانية!
طلع شكل مصاروة ساي ولا شنو كلو حليفة وتهدي في الفاضي
ماك زول حوار ولا عندك ليه قدرة, طبعا الهبل و العوارة و الجلع بتاع الـ هههههههههه بين كل كلمةو التانية دا ما بأكلك عيش في اي حوار او جدال و تابعونا و بجيب المغتى و الكابشر و الايحاء بتناقض فلان و كذب علان البتمشي في شوية طرش و ضعيفي العقل ما في ليها طريقة فوق, مش كدا؟
سمح خليك في نبيحك في الكونيكا آالقنينيط اصلها تليق بيك وشبهك تماما بس تاني ما ترفع راسك وتتحدى و تعمل فيها ابو الرجال و بجندلكم في الحوار! ماك راجل لي حوار خليك في جلعك البتعرف ليه احسن
نملة.. قلت ليك و ح اعيد ليك تاني يمكن تفهم المرة دي, قصة وقفوه و اوقفوا وشنو وشنو دي ما بتقدر عليها لا انت ولا غيرك, قلت ليك الولولة ما فيها فايدة, لكن في النهاية دا منبر حر ما بقدر امنعك تولول اذا بتريحك الولولة أوكي ولول و سكلب وحث التراب على راسك و سوي الحي ووب و نافق أخرج مركب نقصك بي راحتك لن يتغير شيئ
ثانيا بالنسبة لحتوت و المثال العايز اتركه له بالتأكيد ما منتظر نصيحة من واحد زيك فا شنو... خليك في الحي ووب أحسن
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
آ قنينيط! انت ما بتعرف تكتب كلمتين و هههههه من غير تجيب سيرة حاتم! عمل فيك شنو اصلو بقيت تهاتي بيه كدا! مش ياهو الغسيل و المكوة الغسلك ليه وشراك على حبال المنبر, عادي ما بحتاج هضربة قدر دا!
المهم أنا ما شايل هم باسويردك لكن لامن تتنفخ و تشيل سيف عشرك وتركب حمارتك وتعمل لينا فيها فارس وانا أبن جلا و جندال الكفرة في النانو سكند لولا حماية بكري بنقصر ليك الحجة ونقول ليك تعال الغي ميزة الحماية المزعومة واثبت نفختك الكضّابة و تعال حاور -أكان بتقدر - لكن ما تقدرش ولا تعرفش :)
فا شنو... خليك في الجلع و الهههههههه واوعك تاني تتنفخ و تدّعي التحدي و القدرة على الحوار ماك من رجاله
آ قنينييييييط الماتامي حتى قنيط 
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد البشرى الخضر)
|
يا نملة
اللف والدوران الجاب شنو ؟
اديك مثال كلمة حش . عارف ممكن تخش في جملة وتكون نابية ومعناها زاتو غير نابئ؟
ولا امسك الاعضاء التناسلية الممكن تكتبها باللغة الفصحي دون حرج . لامن بتتحرج تكتبها بالدارجية في حقيقة الامر هي لوحدها لا تعتبر نابية
كلمة ودو الجبتها كمثال انها كلمة نابية . هل هي كلمة غير مستعملة في الحوار السوداني بشكل طبيعي؟
وهل عندها اي مدلول غير انها بتعني زول سبهلل تافه
ما داير اقول ليك كما حاكمت ودو حاكم لغة وألفاظ الزول البتدافع عنو . وما داير استخدم نفس تعبيرك بطل اللف والدوران لكن خليك متسق
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عبدالحفيظ ابوسن)
|
يا شيخ العرب
اولا اعتذر اذا اتفهم اني مساند
او قبلان لغة عاطف عمر...رسالتي
واضحة للمنبر و أخلاق المنبر...اي بوست
يتداخل فيه بشرى بالكلمة معناها اتحرق
بشرى بيوصل رسالة لبكري لو ما عايز توقف عاطف
بخلي ليك المنبر مستراح.. لكن غفل ان ذلك يحسب عليه
الحل شنو يا ابو سن؟
| |
|
|
|
|
|
|
|
|
 Re: عاوز اكتب اي حاجة تعالوا اكتبوا (Re: احمد عمر محمد)
|
سلام عليكم
انو جوار يكون فيهو انحدار لفظى بمعاييرنا كجيل زكناس ممكن اقول فينا حبه وعى شىء ماغريب مقارنه بتخريب 30 سنه وحاليا لغه الشباب اصبحت بمستوى انحدار -والغريبه انو اكثر حدوث فى الجامعات ولاحرج فى تداولها بين الجنسين احيانا لدرجه تدفع بالواحد للصدمه - ومن الامثله نماذج لغه الشباب فى الوسائط وخاصخ كميه الشباب النشط البحاول يقدم محتوى لكن لسه بخوض فى مستنقع اللغه السائده واوحالها
وشوف مثال رغم انو ايجابى ولغتو مقبوله عند الشباب لكن تبدو نابيه عند البعض من الاجيال كاجيالنا الوعت على الدنيا قبل فتره الانقاذ السوداء
Re: طاقه همبريب - حسن تسريحه واخرين Re: طاقه همبريب - حسن تسريحه واخرين
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عبدالحفيظ ابوسن)
|
Quote: عاين يا عاصم كلمة زعط ذات الدلالة السيئة عندنا
سمعتها عند طلاب وطلابات الجامعة بستخدموها دون حساسية
وبقصدو بيها التحصيل الاكاديمي |
فعلا والقصه مش على الالفاظ بس لكن حتى درجه حساسيه المواضيع وتناولها احتلفت عند الشباب فى مواضيع تلقاها (اقرب) للتابوهات عند اجيالنا لكن الشباب يتناولها بدرجه حساسيه اقل
.
الظاهر الاخ عمر نمله ليهو زمن من السودان او اجازاتو مالقى فيها فرصه يشوف تفاصيل زى دى فى المحتمع
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عبدالحفيظ ابوسن)
|
Quote: بشرى بيوصل رسالة لبكري لو ما عايز توقف عاطف
بخلي ليك المنبر مستراح |
كلو عرفناه! كمان بقيت تقرا النوايا وما في الصدور! هو انت الكلام العديل يا الله يا الله لامن تستوعبو!
بعدين دا طرفي من المنبر دي غيّروها ولاّ شنو!
آ قنينيط .. تاني قمت تهضرب حاتم وما حاتم! وتاااني رجعت لي لولا حماية بكري , ما قلنا ليك ياخي عندك الطريقة التفوت حماية بكري دي و تجيب مقتبساتك و الكذبات المزعومة و كل ما يدعم حججك و يخليك تجندل ادعها طاحونة هواء في أقل من نانو ثانية قلت واي! طيب النفخة على شنو! الكضب يا (مولانا) انت سيده و التدليس يا (شيخنا) طريقة حياة عندك و الشريعة و مظاهر اتباع نهج النبي عليه الصلاة و السلام من لحية و غرة لا تعدو ان تكون وسيلة كسب عيش! ةلاّ كيف! تعال بستف لي كلامي و طلعوا غلط بدون ما تخاف بكري يحذف الادلة و المقتبسات! رايك شنو! الكورة عندك وفي ملعبك وما في شي يخليك تجبن عن المشاركة فوق بإسمك و رسمك اللهم إلّا خايف كتابتك و جلعك و أكاذيبك وتدليسك يخرب عليك عدة الشغل وينسف الإيمان المزعوم و الوقار المدّعى! وما تقول المنبر مقروء في المملكة
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد البشرى الخضر)
|
كتب احمد عمر في صدر البوست :/
Quote: احيانا نكتب لغرض هادف ولكن يأتي اصحاب الشلاليت
فيذهب البوست اما للحور ام يفقد قوته التي انطلق بها. |
فتامل .. ولم يفقد البوست قوته بعد..!
اما بمناسبة اكتب أي حاجة فإختار لكم هذه الخاطرة مع تحيات الاهل والأصدقاء في سلوى والخطيب ..
أحلى مقادير الزمن جلسة إثنين
يقضونها بين الدلع والمودة
هذاك يلعب في صدر كامل الزين
والزين يلعب في خيوط المودة
ما حد درى عن شرقة الشمس من وين
أحضانهم بأحضان بعض مستبدة
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
طيّب آ قنينيط, كلمة ورد غتايتها؟ الحاميك شنو تاخد عضوية و تكتب فوق زي الناس المحترمين - شايفها بتزيد في جلعك محترمين دي - و تجندل الكفرة في نانو سكند زي كما تزعم!
اجابة بسيطة من كلميتن ثلاثة على الاكثر!
ملحوظة:
(ما بقدر) مقبولة عادي
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: محمد البشرى الخضر)
|
يا احمد بوستك لو ما اتحرق بقى انصار سنة
ابوسن انا اتخارجت رجعتني انت بسؤالك
بخصوص موسم الهجرة اكون قريتو كتير
كمان النسخة الانجليزية و الهولندية...كان
بيهمنى اراء الغربيين...واحد قال لي نسوانكم
فاحشات...واحدة قالت عن مصطفى ما عندو قلب
مهم الكتاب دا منع في اكثر من جامعة بسب الالفاظ
يا بشرى انت قايل اهم شي في المستراح السيفون
اهم شي الليلتك الحايم بيها و تلصقها.. خايف الاسم
يندرع فيك...
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: عمر نملة)
|
| Quote: الكضب يا (مولانا) انت سيده |
أعترض بشدة على إستخدام كلمة مولانا في هذا السياق حتى وإن جاءت بين معقوفتين.
وسوف أخاطب بكري في هذا الشأن بسبب الإساءة التي لحقت بي كمولانا من جراء هذا الإستخدام الجائر للكلمة.
الكلمة المزعلة عمر نملة دي وحات سيدي الحسن ما عندي إعتراض على إستخدامك ليها
لكن مولانا دي حرقتني عديل.
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
كويس انا برفعها ليك يا احمد عمر..
لكن سؤال جانبي .. إنت جادي في عذرك وتبريرك البذلتو لسيف عبدالجبار دا؟
Quote: سيف جبار
ولقد أرسلت بريد إلكتروني إلى (بكري أبوبكر)، وأرفقت صورتي الحقيقية (هي نفسها على الفيسبوك والتويتر) وعرفت عن اسمي وهويتي وجواز سفري ومكان إقامتي – الرياض – السعودية، ورقم هاتفي وعنوان بريدي الإلكتروني وديني هو الإسلام وأني مسلم أوالي المسلمين وأعادي الكافرين والمرتدين، ثم طلبت (استعادة عضويتي في المنبر العام) لأمارس ما يمارسه المسلمون في الرد على الملاحدة والمرتدين وعبدة الشيطان أجمعين.
ولقد تم تجاهل طلبي بعد مضى عليه ما يقارب العام، حيث كنت أرسل مراراً وتكراراً ولا أجد رداً وربما حسبوني مجنوناً كما أشاع الاخوان المجرمين وغيرهم من أعضاء أحزاب الشماليين الفاشلين لا رفع الله لهم مقام ولا حقق لهم مرام.
فما السبب الحقيقي لمنعي من الكتابة على صفحات المنبر لكلام الله وكلام رسوله (ص) وكلام حكماء المسلمين، ألم يأمرنا نبينا (ص) بالتبليغ عنه ولو آية؟ أم أن منبركم هذا خاص بنشر الكفر والفسوق والعصيان؟
أعجبني · رد · منذ ١٤ س
المكون الإضافي للتعليقات من فيسبوك |
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
ود الزين كلامك صحيح الشغلة ما محتاجة
تبرير لكن أظنه لمن علمت المؤشر على
على النص لم يعطني خيارات النسخ واللصق
فهمت أن الشغلة لازم تمشي الفيس تنسخها من
هناك واخوك ما كيشة بس الكسل خلاني
اقرر
ومشكور ليك النقل وليس الناقل كالطالب
تحياتي
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
من ضمن الاشياء التي تُقرأ ويصعب التعليـق حولها عندي مثل هذا الخبر :
لصوص يسرقون شواهد قبور الموتى بأمدرمان
الخرطوم: السوداني
في حادثة غريبة من نوعها رصد عدد من أهالي الموتى بولاية الخرطوم، سرقة العديد من شواهد وسياجات قبور موتاهم، نتيجة الاعتداء عليها من قبل لصوص يبيعونها لتجار الخُردة، دون مراعاة لحرمة الموتى.
وطارد اليوم الجمعة عدد من المواطنين أحد اللصوص بمدينة أمدرمان، ورمى بكيس من الخيش اتضح انه يحوي العشرات من شواهد الأموات التي سطا عليها من مقابر حمد النيل.
وتأسف جمعيات خيرية ومتطوعون مهتمون بأمر المقابر لتكرار هذه الظاهرة المشينة آملين أن يجدوا لها حلول.
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: HAIDER ALZAIN)
|
| Quote: لصوص يسرقون شواهد قبور الموتى بأمدرمان |
سلام عليكم
فى وسيله كسب سريع وهى حمع وبيع الخرده حديد او بلاستيك وفى ناس عاملين رواكيب قدام كل منها ميزان اى زول يجيب حديد او حاجه بلاستيك بشتريها منو لتاع الخرده وديل فى ناس بجمعو منهم االخرده بالدفارات بودوها للمصانع او مسابك ومن اشهر الجهات (اللى بنسمع) انها بتشترى الحديد هى جياد.
موضوع البلاستيك دا امس واحد كنا بنتواصل معاهو فى تويتر كان بقول انو خلى الوظيف ةاشتغل حاجه تانيه مع معارف ليهو ولما سالناهو عرفنا انو جمع البلاستيك لجهات تحضير البلاستيك لاعاده التدوير
طبعا الناس بيع الخرده دى كل زول بيكسب منها ختى الاطفال اى حديده مطرف ومجدوع وطوالى على راكوبه الخرده المتحير فى نص الخميس او المزنوق فى شىء لعيالو مع الظروف دى ....شرحو اى حديد بلاستيك وطوالى راكوبه الخرده
زول الشواهد دا ظاهر حريف ومحترف فى الشغله
| |
|
|
|
|
|
|
|
|
|
Re: عاوز اكتب اي حاجة تعالوا اكتبوا (Re: احمد عمر محمد)
|
Quote: اذا انت كنت أراه عفنا وانا اخترت
شمه ما الذي يضايقك في ذلك يا اخي.
انت لك كامل الحرية تسمع لمن تحب
وانا احب الرجل واستمع له ما الذي اغضبك |
احمد عمر محمد سلام وعوافي
الحقيقة انا ما اتضايقت ولا غضبت
انا فقط استغربت وللان مستغرب
عشان كدا قلت سبحان الله واوردت المثل
وهذا ما لزم توضيحه
| |
|
|
|
|
|
|
| |
احمد عمر محمد
Yasir Elsharif
عمر نملة
بابكر قدور
Abureesh
محمد أبوجودة
علاء سيداحمد
HAIDER ALZAIN
النعمان اسحاق
محمد البشرى الخضر
Arif Nashed
Asim Ali
ABUHUSSEIN
عبدالحفيظ ابوسن
Hafiz Bashir
فيس بوك
تويتر
انستقرام
يوتيوب
بنتيريست