|
|
|
 Re: مع ميولي للديمقراطيين .. ولكن فوز ترامب مه� (Re: علي عبدالوهاب عثمان)
|
اليوم ملاحظ أن كل الأمور والتوقعات تميل في صالح بايدن
زي ما قالوا من أجل الوطن نحب الشيطان زاتو ..
يا جماعة الوضع عندنا متردي جداً وأمريكا مهمة جداً ( الدولار والاستثمار ) وحرية التجارة والحوالات
حبيبنا الجميل عبدالله عبدالله .. مسيرة شكر لترامب حتى لو فارق البيت الابيض
لم أكن يوماً اتخيل أنني سوف اتعاطف مع الجمهوريين ( ريغان ، بوش ، بوش ، ) دمهم تقيل .. كلينتون ، كنيدي ، اوباما ( مقبولين )
مع اعتذاري لأوباما الحبيب ..
| |
 
|
|
|
|
|
|
|
|
Re: مع ميولي للديمقراطيين .. ولكن فوز ترامب مه� (Re: محمد علي البصير)
|
حبيبنا محمد علي البصير .. تحياتي يا جميل
صدقني أساساً لا احب أي رئيس جمهوري مهما كان
لكن خوفي من الديمقراطيين في الكونغرس يعطلوا موضوع السودان
حبيبنا البصير .. بدون الدولار الامريكي والحسابات والبنوك الامريكية والمؤسسات المالية
ما في طريقة ولا دواء ولا تجهيزات طبية ولا شيء
فقط عايزين لينا كم طائرة بوينج وقالوا ساهلة بالاقساط ( بس لا بد من رفع الحظر)
الخطوط البحرية والسكة حديد ... الخ كلها تحتاج الى تطوير ودعم
مضطرين حبيبنا البصير .. عشان الغلابا والكادحين ..
اذا ضمنا أن بايدن لن يغير سياسة ترامب الجديدة نحو السودان له الف تحية
كمان واسطتنا حبيبنا نتنياهو .. ما عارف علاقتو كيف مع بايدن ..
شكرا كثير حبيبنا ودالبصير على الحضور
| |
|
|
|
|
|
|
|
|
|
Re: مع ميولي للديمقراطيين .. ولكن فوز ترامب مه� (Re: علي عبدالوهاب عثمان)
|
تاكد يا استاذ علي انه اذا فاز ترامب فانه سوف يتراجع عن قراره
السابق بشان السودان وسوف يضع شروطا قاسية للاستمرار في قراره
ومنها ان يعلن السودان فورا التطبيع الكامل مع اسرائيل وفتح السفارة
السودانية قي القدس وليس في تل ابيب ، وان يوافق السودان اقامة قاعدة
عسكرية اسرائيلية في شرق السودان لتهديد وتاديب الدول التي تمتنع عن الطبيع
وان يستقبل السودان في اراضيه جميع الفلسطينيين الذين سيتم طردهم من قطاع
غزة بعد ان تضم اسرائيل قطاع غزة وبمباركة ناس الضفة الغربية الذين يتمنون زوال غزة.
....واحتمال كمان يشطح ويقول على السودان ان يقفل جميع المساجد في السودان واستبدال
النساجد بالمعابد اليهودية....
| |
|
|
|
|
|
|
|
|
|
Re: مع ميولي للديمقراطيين .. ولكن فوز ترامب مه� (Re: Ali Alkanzi)
|
Quote: ما لك عايز تزعلنا منك يا ابوعلوة؟
ولا انت صاحب جنسية امريكية ونحنا آخر من يعلم
اوعا كمان بتشجيع ريال مدريد ولا برشلونا
اياك وهوىً غير هو السودان
وفريق غير المريخ والهلال واهلي مدني وهلال الجبال واهلي مدني ورابطة كوستي
خليك سوداني |
============================
حبينا الكنزي .. تحياتي يا جميل
انا اشتغلت مع الجيش الامريكي في السعودية لمدة 12 سنة تقريبا من عام 1982م
ناس كويسين حسن المعاملة والراتب والامتيازات والاحترام للشخص
عكس العرب ..
نحن ناس ترابلة يا الكنزي الحبيب .. أهلنا كان زمان يقولوا للمسافر للخرطوم ( ماشي السودان )
وكمان ناس حلفا يقولوا ( ده قطار السودان ) .. ما في بديل للسودان .. أصحابين الجوازات الاجنبية
برضو يعني محظوظين خاصة في عمرنا ده ( العلاج) مهم جداً تكون في السودان اي مرض أو مشكلة صحية
على طول لبلد الجواز زي ناس علي الحاج ( علاج الماني ) .. أذكر زمان كنت بشجع الهلال أيام ناس جكسا وشاويش
وسبت دودو ..
حبيبنا الكنزي عندنا اليوم في البلد بعد الكهرباء والتكنولوجيا مشجعين لريال مدريد وبرشلونا .. وليفربول مان سيتي
حليل زمن الترابلة ..
شكرا الحبيب الكنزي .. دخلتنا في سياحة جميلة .. الامريكان كأفراد يا سلام عليهم .. بس المشكلة في الحكومة
هم يسمونه ( الوجه القبيح لأمريكا ) .. مقارنة بالعرب افضل مليون مرة ..
تحياتي يا جميل شكرا دائما انتظر حضورك الجميل
| |
|
|
|
|
|
|
|
|
|
Re: مع ميولي للديمقراطيين .. ولكن فوز ترامب مه� (Re: علي عبدالوهاب عثمان)
|
ول أبا علي عبد الوهاب
سلامات ..
أنا صوت الساعة 6:30 صباحاً .. لكن يا علي .. ولاية فرجينيا .. كمية البيض الذين يصوتون مبالغة .. لم أري ناخب أسود إلأ شخصي وقابلني أخ سوداني فاضل .. قال لي الجماعة فايرين فورة شددة وإنا داخل إلي صالة التصويت وهو خارج منه ..
ليس هناك قياس لدرجات الحرارة .. والناس تقف علي بعد 6 أقدام من بعضها ..
مركز الأقتاع رغم الحركة الدؤبة .. لكن هادئ .. وكان بالأمس بالليل حذرني أبني أن هناك عمل مسلح سوف يقوم به العنصريين البيض من ناخبي ترامب ضد الملونين والأمريكان حاملي الجنسية ..
أصلاً ترامب ما مضمون .. قام بأكثر من ضعف اللقاءات التى قام بها جو بايدن في الأسبوع الأخير .. مما ضيق الهوة بينه وبايدن من 7 نقاط، قلصها، إلي 4 نقاط قبل الأنتخابات ..
بريمة
| |
|
|
|
|
|
|
|
|
Re: مع ميولي للديمقراطيين .. ولكن فوز ترامب مه� (Re: Biraima M Adam)
|
اديبنا الرائع بريمة .. تحياتي
يا سلام عليك تنقل لنا الصورة كما هي وتجعلنا نعايش الواقع
مداخلتك افضل عندي من خبر في قناة الجزيرة .. مع نصيحة ابنك العزيز
فهمت أن الوضع غير مطمئن والامن والحذر مطلوب .. هذا من جراء الاسلوب التحريضي
لترامب .. لا أظن أن مثل هذه الاوضاع مرت بأمريكا أم الديمقراطية
اصعب شيء في الدنيا الواحد يتلفت يمين ويسار وهو في الطريق .. الامان اهم من كل شيء
ترامب احدث انقسام في المجتمع الامريكي .. وبني آدم مهما علمه وثقافته وفهمه يمكن أن يتبع القطيع عندما يتعلق
الأمر بالعقيدة واللون والاصل .. الخ ، فحشد ترامب كان فيه نوع العنصرية الغامضة ..
التحية لك اديبنا الرائع ..
| |
|
|
|
|
|
|
| |
علي عبدالوهاب عثمان
محمد علي البصير
Ali Alkanzi
Biraima M Adam
فيس بوك
تويتر
انستقرام
يوتيوب
بنتيريست