|
|
|
 Re: زهجة في شكل قَرفة ... (Re: معاوية المدير)
|
شفتو الحمار، الحمار البننعتو بالبلآدة والصناجة دا، اليوم يُعد أكثر حيوان محسوّد من
قِبل المواطن السوداني !، حيث أنه ورد في الأثر إتنين سودانيين في مجاعة سنة
سِتة جيعانين كحال المواطن اليوم لقولُوّن حلفا غزيرة ؤ خدرا وآحد قال لي أخوهو
يا البدوي عليك الله شوّف سماحة الحلفا دي ؤ خدارا !، أريتنا أكان بقينا حميّر .
البدوي قالوا آ الصادق بنبقى حمير بلآ سعادة !. فالسعيد من كان حمار في هذه
الأيام العبوسة القمطريرة، فالحمار يستحمّ بالإندعاكة تماماً كما تستحمى الجدادة
بينما المواطن السوداني عِيشتو كُولها مستحمية ؤ مخستكة، والحمار ممكن يجاسف
أيّ حاجة ياكُولآ حتي لو لِقى خرا المواطن الجربان دا ناشف بيجاسفو رغم إنو خالٍ
من أيّ مواد غذائية. الفرق بين الحمار والجدادة إنو بيشتغل شُغُل حار لكن المسألة
دي ما فارقة معاهو أبداً بيطقطق شغلو ؤ يمشي زريبتو ؤ تلقاهو طول الليل ينف
نِف، النوم دا ما بينومو وبرغم ذلك مبسوط ؤ صحتو فُل لا شغال بروشتة لا بتهمو
حقنة لا دِرِب ؤ حتي اللِستالية دي دربا بوين ما خابرو، مشكلتو الوحيدة في الدنيا
دي حسد المواطن السوداني ليهو !!!...
| |
 
|
|
|
|
|
|
|
|
Re: زهجة في شكل قَرفة ... (Re: اخلاص عبدالرحمن المشرف)
|
جاء في اللتر أنه في مجاعة سنة سِتّ الشافع يبكي دآير يِنفقع من البكا، اللبو كورك
لمرتو، يا حليمة الجنا دا عضُم عامن أوّل المغزوز في الراكوبة أديتيهو يا مصاهو ؟،
حليمة قالتلو أيِّ، فالها أكان كدي بكاهو دا دلع ساكت . لأوّل مرّة نتفوق علي ناس
سنة سِتّ حيث أن شافعنا اليوم عنده تلفزيون أما شافعهم فلآ . شافعنا اليوم
يحاول أن يخرج صوت من داخله فيخرج شي أشبه بالهواء لا تعرفوا ضحك لا تعرفو
بِكا ؟!، لكن عذاهو الوحيد في تفوقه علي طفل سنة سِتّ أن هنالك رجل مهندم
متشطف ؤ متكبرت يلمع زي السمكة يطل عليه من خلال التلفاز يبشره بأن
سنعبر، فما عليك إلآ أن تصبر، إنت صبرت 30 سنة غالبك تصبر علينا سنة !!!،
زول عمرو 12 شهر يقولولو صبرت 30 سنة !!!، عموماً سيصبر حتي يعبر يعني
حا يسوى شنو !!!...
| |
|
|
|
|
|
|
|
|
 Re: زهجة في شكل قَرفة ... (Re: يحي قباني)
|
Quote: المواطن الجربان دا ناشف بيجاسفو رغم إنو خالٍ
من أيّ مواد غذائية |
وحتى تجي من وين المواد الغذائية ؟ اذا كان صاحب الشىء ما متغذي ،،فاقد الشىء لا يعطيه
لكن احتمال يكون ملىء بالمواد العضوية
| |
|
|
|
|
|
|
|
|
|
Re: زهجة في شكل قَرفة ... (Re: Ahmed Yassin)
|
حبيبنا الجميل ود المدير ..
يا سلام درس رائع في العامية روعة مدرسة
انا استغربت من الكلمة وبعد قليل من تأمل ( يجازفوا )
بالله نحن عشان نثبت اننا نعرف العربية نردد الحروف كما هي ( يجازفوا )
بعد كده سوف نطقها كما ودالمدير
حكي جميل
واصل
| |
|
|
|
|
|
|
|
|
|
Re: زهجة في شكل قَرفة ... (Re: عبدالحفيظ ابوسن)
|
Quote: تسلم يا ود المدير
ياخي دا كدا إنتا عدلتا لي مزاجي
شكرا ليك |
سلمك الله من كل شر وبلاء أُستاذي ياسر .
Quote: كان أحد علماء الدين (الفقراء) يمشي مع ولده الصغير خلف جنازة، فشاهد
الولد امرأة تبكي خلف الجنازة وتولول وهي تقول: (سيأخذونك إلى بيت ليس فيه سراج ولا فرش ولا خبز)!
فالتفت الولد إلى أبيه وقال: إنهم ذاهبون إلى بيتنا يا أبي!؟ |
المُبكي في هذه الطُرفة أن هذه الجنازة ممكن تدفِر أقرب باب يلقاك ؤ تدفسا
فيهو، فتجده بيت هذا الطفل إذا أستثنينا من ذلك بيوت الذين (يسوففوننا) سوف
نعبر، سوف ننتصر، سوف .......إلخ، أصبحت بيوت السودانيين عبارة عن مقابر،
فقد أطلّ علينا حمدوك ؤ حكومتو بالساحق والماحق والفشل المتلآحق وكلما
وعدونا بالعبور والإنتصار زاد الفشل !!!، حتي تمّ ركنهم في خانة النسيان فهل
منكم من يحِس منهم أحد أو يسمع لهم رِكزا ؟، قبيح جداً الإنسان عندما يصبح
في طي النسيان وهو ليس علي قيد الحياة فحسب بل في أعلى مركز من
مراكِز السُلطة في البلد ...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
Quote: ياخي دي قرفة وزهجة حلوة خلاص ,,, واصل ومن غير فواصل يا أستاذ ..
تحياتي : ياسر العيلفون ....... |
يا سلآم علي الطلّة البهيّة، ليك شوق قدُر شوق المواطن السوداني
لرغيف يكفي ناس البيت من غير صف .
برز الثعلب يوماً في ثياب الواعظينا !!!.
الثعلب صِنعته وحِرفته التي يجيدها هي الخِداع والمراوغة، فهو يقضي وقته صايع
من ضُل شُدرة لقعر شُدرة ينسج في الحيل ويفتل في حبال المكر والخديعة دون
التفكير في وظيفة يأكل منها حلآل طيبا، ففي عقله وفهمه أن هذه الغنيمة فاز
بها الأسد وأعوانه، فما عليه إلا أن يستعمل ذكاءه ودهائه في خداعهم وخِداع
من يقع في شباكه كي يعيش، ولم يظن الثعلب الذي برز يوماً في ثياب الواعظينا
أنه سوف يأتِ يوم يشاركه المواطن السوداني هذه المِهنة الغير شريفة بسبب
ضغوط الحياة والنصب والمسغبة . حتي الثعلب المكار ظروف الحياة جعلت المواطن
السوداني يشاركه في مكره !، .
أتركوا المواطن يعيش حياة البشر بدلاً من أن ينحط لمستوى الحيوان والطير قاتلكم
الله يا حُكام السوء ...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
Quote: جداد و حمير ....!!!!!!
دي آخرتا يا أصلع ...؟؟؟ |
دي ما آخرتا يا فأرة، جداد ؤ حمير الهيّنة دي !!!،
والله إني أتمني للشعب السوداني بعد عنائه
ومهانته وذله هذا أن يموت مِيتة أبا خارجة ...
| |
|
|
|
|
|
|
|
|
 Re: زهجة في شكل قَرفة ... (Re: معاوية المدير)
|
Quote: القرفة تعني الـ Cinnamon
يعني زهجتك بنكهة القرفة
____________
سلامات و كيف اخبارك؟ |
الله، الله ما أسعدها إطلآلة !، سلمك الله من كل شر وبلاء الحبيب محجوب .
أتدري يا محجوب كيف مات أبا خارجة ؟:
الأصمعي قال:
رأيت أعرابيًا ممسكًا بستار الكعبة وهو يدعو: اللهم أمتني ميتة (أبي خارجة)،
سألته: كيف مات؟!،
قال: أكل حتى امتلأ، وشرب، ونام في الشمس، فمات شبعان ريّان دفئان.
من مِنا لا يتمنى لهذا الشعب الصابر العِند الله جزاهو أن يموت مِيتة
أبي خارجة !؟؟؟...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
الصِديق الرجل الصالح، إن شاء الله إنت تبقى طيّب أنا البي كُلّو هيّن .
نشدتك الله أن تدعو لشعب السودان الذي أصبح مٌهان بأن يفك الله
كربه ويرفع قدره، فأنت رجل فيك صلاح ؤ عقاب الدعاء أكرمني بيهو
أنا، الله يكرمك في الدارين ...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
Quote: وحتى تجي من وين المواد الغذائية ؟ اذا كان صاحب
الشىء ما متغذي ،،فاقد الشىء لا يعطيه
لكن احتمال يكون ملىء بالمواد العضوية |
هلآ بِيّك صاحبي المتمم كيفي ود ياسين .
هههه والله صدقت فاقد الشي لا يعطيه، لكن أكبر حسدة هي حسدة الإنسان السوداني
لود أبرق علي رآحة البال والروقة وتماسك الأسرة مع عشوش، تصوّر ينقدلو حبتين
عيش ؤ يقعد يشتغل اليوم كلو بمزاج ؤ من غير فتر ؤ حتي من غير يدي وشيو الحيطة
ؤ قفاهو لعشوشة تقول ضرب حبتين فياجرا !!!، ثم بعد دا يقوم الفجر ؤ هاك يا زغزغة
ؤ ونسة مع عشوش والفِريخات .ليتك يا من وقعت في قلوبية (شرك) حمدوك والرجال
البلهاء كنت ود أبرق كي تنعم بالترابط الأٌسري بدل الشلهتة والجري، المرا وآقفة في
صف العيش، والوليدات لا مدارس لا تعليم من صف لصف، وإنت تبحت بيديك ؤ
كرعيك ؤ تمرق بأصبع ضوّة في اللآخِر !!!، يأخ منعوّل أبو بلداً تلِد نفر حمدوك
وأمثالو .
الراجل بيبقى ود أبرق بلآ بَخَت، واللآ المرا بتبقى عشوش بلآ سعادة !!!...
| |
|
|
|
|
|
|
|
|
 Re: زهجة في شكل قَرفة ... (Re: معاوية المدير)
|
Quote: حبيبنا الجميل ود المدير ..
يا سلام درس رائع في العامية روعة مدرسة
Quote: بيجاسفو
انا استغربت من الكلمة وبعد قليل من تأمل ( يجازفوا )
بالله نحن عشان نثبت اننا نعرف العربية نردد الحروف كما هي ( يجازفوا )
بعد كده سوف نطقها كما ودالمدير
حكي جميل
واصل |
حبيبنا وأُستاذنا علي مرحبا بك .
أهو نحنا برانا بنحاول نجاسف بعض الكلمات
رغم غربتنا ؤ زمهريرا ...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
Quote: طيب وقت البوست عام ..
اللهم يا شافي يا معافي أشف عبدك وامام الانصار وقائد الشعب سيد صادق المهدي..
اللهم اشفه شفاء لا يغادر سقماً ..
آميييين
شكرا ود المدير مع تحياتي |
حباب الزين ود الزين، حياك الغمام .
نسأل الله للإمام عاجل الشفاء والعودة لأرض الوطن .
أرى هنالك محاولة لمجاسفة نبوئة (نبؤة) كما صححني حفيض ...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
Quote: Atif Omer Mohamed Ali
زول عمرو 12 شهر يقولولو صبرت 30 سنة !!!،
_________
على مشاهدينا في الولايات و(البتاعات)
مراعاة فروق الوقت!! |
يا عاطف دا ممكن نقول عليهو كيبُل السفينة، يعني ما بينقطع ؤ ممكن يعلقو
فيهو ليوم الدين . تخيّل شخص وٌلِد بعد حكومة الكيزان بعشرة سنين، يعني
الحكومة أكبر مِنّو بعشرة سنين ؤ برضو صبر عليها 30 سنة !!!، تخيّل الأصغر
منها دا هو الذي أسقطها ؤ برضو صبر عليها 30 سنة !!!، الظاهر علينا حا
نتاكل أوآنطة !!!...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
| Quote: قالو مرتك الكلبة هههههههههههههههههههههههههههه |
هههههههه الغالي يا ود الغالي، حبابك .
أها شفتا، قالو إتمنيت أكون زيّك، يأخ حتي مرتو الكلبة بِت الكلب ما بتهوهو
فوقو، عليك الله في رآحة أكتر من كدا ؟.يأخ ود أب نادم دا بِقى عينك يا تاجر
يزوغ يخلي البيت للمرأ والوِليدات، تصدق !!!...
| |
|
|
|
|
|
|
|
|
|
Re: زهجة في شكل قَرفة ... (Re: معاوية المدير)
|
تحياتي وسلامي من القلب ياودالمدير
كنت "داير" أكتب بوست ملخبط شوية
لكن الزهجة اللّقحة الكيف زهجت دي ومعاها "قرْفة قَدُر رحل القَرفة!!! حالت دونه
ومادام فيها جداد ومخاليق مولانا دي هدية لك
(أم قِرف)
أم قِرْف.....
في زول شافها
بتبول وبتسوّي بولها دمّاع
وأهل البادية عارفين دي بولها....
لكن يقولوا لك: (فلان دي حنونا دمّاعو كيف دمّاع أم قِرْف!!)
أظنك شجعتني علي بوستي الملخبط
| |
|
|
|
|
|
|
|
|
|
Re: زهجة في شكل قَرفة ... (Re: عبيد الطيب)
|
Quote: تحياتي وسلامي من القلب ياودالمدير
كنت "داير" أكتب بوست ملخبط شوية
لكن الزهجة اللّقحة الكيف زهجت دي ومعاها "قرْفة قَدُر رحل القَرفة!!! حالت دونه
ومادام فيها جداد ومخاليق مولانا دي هدية لك
(أم قِرف)
أم قِرْف.....
في زول شافها
بتبول وبتسوّي بولها دمّاع
وأهل البادية عارفين دي بولها....
لكن يقولوا لك: (فلان دي حنونا دمّاعو كيف دمّاع أم قِرْف!!)
أظنك شجعتني علي بوستي الملخبط |
حياك الغمام يا ود المقدم .
الله يحفظ أُم قِرِف ؤ يجعل إجتهادا في ميزان حسناتا، حال المواطن السوداني
يبكي الميتين والمسعولين دمّاع أُم قِرِف ما قادرين عليها، تحجرت مشاعرهم
فغارت دموعهم !.
نشدتك الله تكتب أكان نلقالنا تكية فوق أحرف يراعك ...
| |
|
|
|
|
|
|
| |
معاوية المدير
Yasir Elsharif
ياسر السر
ABUHUSSEIN
Mahjob Abdalla
صديق مهدى على
يحي قباني
Ahmed Yassin
علي عبدالوهاب عثمان
HAIDER ALZAIN
عبدالحفيظ ابوسن
عبيد الطيب
محمد حمزة الحسين
فيس بوك
تويتر
انستقرام
يوتيوب
بنتيريست