|
كتب الكاتب الفاتح جبرا المتوفرة بمعرض الدوحة
|
|
 Re: مطلوب من المتخصصين في الاقتصاد يحللوا لين (Re: Arif Nashed)
|
| Quote: رفع الدعم التدريجى عن الوقود نفس الكلام ده عمله السيسى فى مصر والشعب تضايق فى الاول وبعدين سعر الصرف استقر والجنيه المصرى ليهو ٣ سنوات سعر صرفه فى تحسن . |
سلامات عارف
مامتخصص لكن مواطن متابع من بعيد
بدايتو مقارن بى مصر ما اعتقد صائبه
الدولار بعد ثوره يناير اعتقد كان 12 جنيه مصرى ولما اتدهور وصل 16 و17 والاستقرار اظن من اكتر من تلاته سنه كان الدولار اتذبذب سعرو فى حدود قوؤش لاصل جنيه .
ملحوظه فى لحظه كان الدولار يساوى 17 مصرى و17 سودانى (اقصد 17 الف سودانى بالقديم) ونرجع نقارن فى التسعينات والتمانينات الجنيه السودانى (القديم) بيساوى كم مصرى او العكس .
نعم فى موقف عدائى من مصر خلى الناس ماتلاحظ وتقارن بشكل دائم رغم انو فى تواصل ووعلاقات تجاريه وسياحه وحركه نقل
فى مصر فى بنيات اساسيه وانتاج من بدرى وفى استثمارات خارجيه والجيش كمؤسسه مانقارنو بجيش تانى (فرق بين جيش دوله وجيش عقائدى تابع لتنظيم) عندها بنيه اقتصاديه وخدميه تخفف ضغط الصرف على الجيش وتليحو وتددريبو وحاله الجيش رغم حاله حرب العصابات والتوترات الحدوديه خاصه مع ليبيا لكن ماعندو معاناه وصرف على حروب وجيش متهالك
الاستثمارات زادتوالمهاجرين خاصه رجال الاعمال قدمو مالهم وعلاقاتهم وخبراتهم حتى فى مجال الصناعات العسكريه
الكهرباء ايام ثوره يناير ومرسى كانت منتهيه وقطوعات زينا مش لتهالك البنيه الاساسيه للطاقه وانما لزياده الاستهلاك والطلب على الطاقه وبتنويع مصادر الطاقه الان مصر فى احسن حالاتها فى جانب الطاقه ولو تذكر حديثى عن نحطه بنبان (قريبه من اسوان) وكميه انتاجها بعد اكتمال جميع مراحل تشغيلها
نمشى جانب تانى استوراع الصحراء (مش ترعه توشكى بس المتفرعه لاستيعاب فائض مياه السد العالى وانما التوسع الزراعى فى الصحراء الغربيه باستخدام المياه الجوفيه (العندنا حق فيها وماجيابين خبرو ومستفيده منو مصر وليبيا) وماتنسى السياحه رغم محاولات الارهاب ايقاف عجله السياحه لكن مستمره وفى توسع (اذكر جنيفر لوبيز عملت حفله فى الساحل الشمالى قبل كدا) عندك برضو مستوى استقرار الاستقرار من سنوات -قول 10 او 15 سنه هل فى تغيير ؟- دى امثله لا حصر عشان تقارن كل جوئيه ذكرتها مع مايقابله فى السودان -حتى دور رجال الاعمال والصناعه المهاجرين- ونحنا للاسف لا انتاج وحتى مواردنا كان دهب كان زراعه كان ثروه حيونيه بين التهريب والتصدير لصالح جهات المواطن ماواحد منها
الحال مابتحسن طالما الناس قاعده فى الضل وراجيه اسرائيل وشركاتها والمعونات والمنظمات طالما مافى حركه انتاج على الارض ومبادرات صناعات صغيره - زراعيه وانتاج حيوانى- حاجات مامحتاجه انتظار الدولار الاخضر واسرائيل وبضرب مثل بموضوع الطماطم وتصنيعو والبن ومستخلصاتو وحتى ناس المنقه والجوافه الممكن تتحول لانواع مربى
دا كلو انتاج بيخفف على المواطن لانو منتج وفى نفس الوقت بتلقى منتجات سودانيه اكيد ماحتكون غاليه اذ الناس اتوسعت فى محجال الصناعات الصغيره فى مجالات الانتاج الزراعى والحيوانى
مشوار الف ميل يبدا بخطوه واكيد حيتوارى موضوع رفع الدعم حيكو تاثيرو اخف ونحاول نطنش من الدولار شويه (طالما مركزين معاهو زى بنساعد فى عمليه تصاعد سعرو الجنونى غير المبرر اقتصاديا .
تحياتى
| |
 
|
|
|
|
|
|
|
 Re: مطلوب من المتخصصين في الاقتصاد يحللوا لين (Re: Asim Ali)
|
نتمني الاستقرار والاقتصاد الجيد
لكن بدون مشاريع وانتاج حيستمر في الارتفاع
ورفع الدعم
البحصل اصلا رفع الدعم وميااواة سعر البترول بالسعر العالمي لكن بالجنيه السوداني
النتيجة ضعف قيمة الجنيه السوداني عن لحظة رفع الدعم ويستمر في التدهور ويفقد قيمته
عشان يرجعوا تاني رفعوا الدعم يساووه بالعسر العالمي
| |
|
|
|
|
|
|
|
|
Re: مطلوب من المتخصصين في الاقتصاد يحللوا لين (Re: Gafar Bashir)
|
Quote: لحال مابتحسن طالما الناس قاعده فى الضل وراجيه اسرائيل وشركاتها
والمعونات والمنظمات طالما مافى حركه انتاج على الارض |
عارف امبس .. بوست مهم جداً
مثل هذه البوستات نحتاج اليها هذه الايام
مداخلة حبيبنا عاصم 100% كل موسم زراعي ندخل في هذا الوضع
مفهوم الناس عندنا حتى في قرى الشمال نائية تغير .. ما في انتاج أو حتى رغبة
للانتاج الناس تبحث عن الثراء السريع والسهل .. تهريب ، سمسرة .. الخ
كلامك صحيح يا عاصم .. العلة فينا نحن .. لا ادارة لا تخطبط لا عمل لا انتاج فقط تنظير
ومحاضرات وورش عمل وحفلات تكريم واستقبال .. الخ ، والغريبة يحاربوا المستثمرين
كمان ظهرت موضة الاعتصام في المحليات صيوان وشاي وقهوة ووجبات حتى استجابة مطالبهم
عندنا عهد الترابلة المنتجين باي باي .. اليوم برشلونا وريال مدريد مانشستر يوفينتوس .. الخ
وحوالات من السعودية وغيرها من الاغتراب ..
نحن نحتاج لسياسة ماو تسي تونج او ستالين ,, اجبار الناس على الانتاج ,, او الذهاب الى جهنم
تحياتي الحبيب عارف امبس .. البوست ده مهم جداً .. ليت متخصص اقتصادي ..
| |
|
|
|
|
|
|
|
|
|
Re: مطلوب من المتخصصين في الاقتصاد يحللوا لين (Re: علي عبدالوهاب عثمان)
|
سلام عارف وضيوفه الكرام
اهم شىء غفلته الدراسة هو (الزمن) او الوقت لكي يستقر سعر الصرف بالنسبة للحنيه وتوفر النقد الاحنبي
ذكر ان الشريحة التي لاتملك سيارات هي التي ستكون الاشد والاكثر معاناة بسبب ىفع الدعم عن المحروقات
ولكن الى متى ستستمر هذه المعاناة الرهيبة. سنة اثنتان خمس سنوات او الى ما لانهاية ؟؟!!
واستند الكاتب على الاقتصاد المصري ودا خطأ استراتيجي فادح.. لعدة اعتبارات.. مصر تلقت مساعدات
بالمليارات من دول الخليج...ولديها بنى تحتية وشبكة مواصلات مكتملة..ومصانع انتاجية.. ومنظومة
.ونوع من الذكاء الاقتصادي ... عكس الاغبياء الذين لدينا .. عندما اعتمدوا على البترول وتعاقدوا مع
الصينيين.. الذين اوقفوا كل المصانع والمشاريع الزراغية حتى تتدهور البلاد زراعيا وانتاجيا وصناعيا
ويتم الاعتماد على البترول.... وتم نهب ثروات البلاد وفي وضح النهار .. وبالتراضي
| |
|
|
|
|
|
|
|
|
|
Re: مطلوب من المتخصصين في الاقتصاد يحللوا لين (Re: Ahmed Yassin)
|
Quote: الحال مابتحسن طالما الناس قاعده فى الضل وراجيه اسرائيل وشركاتها والمعونات والمنظمات طالما مافى حركه انتاج على الارض ومبادرات صناعات صغيره - زراعيه وانتاج حيوانى- حاجات مامحتاجه انتظار الدولار الاخضر واسرائيل وبضرب مثل بموضوع الطماطم وتصنيعو والبن ومستخلصاتو وحتى ناس المنقه والجوافه الممكن تتحول لانواع مربى
دا كلو انتاج بيخفف على المواطن لانو منتج وفى نفس الوقت بتلقى منتجات سودانيه اكيد ماحتكون غاليه اذ الناس اتوسعت فى مجال الصناعات الصغيره فى مجالات الانتاج الزراعى والحيوان
مشوار الف ميل يبدا بخطوه واكيد حيتوارى موضوع رفع الدعم حيكون تاثيرو اخف ونحاول نطنش من الدولار شويه (طالما مركزين معاهو زى بنساعد فى عمليه تصاعد سعرو الجنونى غير المبرر اقتصاديا .
|
عاصم تحياتي.
يجب ان يكون هناك سياسات وتخطيط علي أساس ان السودان دولة إنتاج زراعي وحيواني وتركز علي هذا الجانب وتسخر له كافة الإمكانيات.
هذا سيقود الي صناعات تحويلية في المجال الزراعي والحيواني مما يفتح فرص عمل واسعة للشباب.
الأراضي الخصبة والمياه متوفرة والثروة الحيوانية متوفرة.
أما الاعتماد علي المنح والمعونات والقروض فلن ينشلنا من هذه الضائقة الاقتصادية.
مع ملاحظة ان منتجاتنا طبيعية وستكون ذات عائد عالي ومرغوبة خاصة في الدول الأوربية.
| |
|
|
|
|
|
|
|
|
|
Re: مطلوب من المتخصصين في الاقتصاد يحللوا لين (Re: Arif Nashed)
|
Quote: البحصل اصلا رفع الدعم ومساواة سعر البترول بالسعر العالمي لكن بالجنيه السوداني
النتيجة ضعف قيمة الجنيه السوداني عن لحظة رفع الدعم ويستمر في التدهور ويفقد قيمته
عشان يرجعوا تاني رفعوا الدعم يساووه بالسعر العالمي |
جعفر تحياتي.
كل ما تدني سعر الجنيه كلما ارتفعت الأسعار والجنيه لن يتعافى ان لم يكن هناك حصائل بالنقد الأجنبي تدخل خزينة الدولة.
صدرت تسعيرة للوقود بسعرين وهذا قمة التخبط فمن المستفيد بالسعر المدعوم؟
مع عدم معرفتي بعلم الاقتصاد لدي رأي متواضع اطرحه.
تسعيرة الوقود الجديدة:-
* الجازولين
1/الجاز التجاري المدعوم
-اللتر: 46ج
-الجالون: 207ج
2/الجاز الحر
-اللتر: 107ج
-الجالون: 481,5ج
* البنزين
1/البنزين التجاري المدعوم
-اللتر: 52ج
-الجالون: 250ج
2/البنزين الحر
-اللتر: 120ج
-الجالون: 540ج
... المقترح...
* الجازولين
جالون المدعوم 207 ج
جالون الحر 481. 5ج
687. 5ج
نقسم علي اثنين ويكون الناتج سعر موحد.
343.75ج للجالون سعر موحد للجميع.
كذلك البنزين.
| |
|
|
|
|
|
|
|
|
|
Re: مطلوب من المتخصصين في الاقتصاد يحللوا لين (Re: Arif Nashed)
|
| Quote: نحن نحتاج لسياسة ماو تسي تونج او ستالين ,, اجبار الناس على الانتاج ,, او الذهاب الى جهنم. |
علي امبس.
يا حبيبنا كيف تجبر الناس علي الإنتاج وأنت لا تملك مشاريع وتضع العراقيل أمام المزارع لا جازولين لا وسائل نقل لا أسواق خارجية.
مصدرين الماشية لا محاجر مؤهلة لا خدمة بيطرية.
بالله عليك كيف تكون منتج وأنت تري كل هذه العراقيل.
غايتو جهنم ما فايتاهم تب.
| |
|
|
|
|
|
|
| |
Arif Nashed
Asim Ali
علي عبدالوهاب عثمان
Ahmed Yassin
فيس بوك
تويتر
انستقرام
يوتيوب
بنتيريست