Quote: على الاقل اذا التطبيع تقرر من قبل شرعية حتى ولو انتقالية كان ممكن يكون تطبيع مؤسس على اساس قوي والقول بانه تطبيعمن قبل نواب الشعب .... . |
حمدله بسلامة العودة لبلاد العلج طرمبة،،،
• معليش، بس هو طبعن تطبيع قايم على أساس قوي دي ما أظن
تكون واردة في الحسبان أصلن بأية حالٍ من الأحوال و القول بأنه
تطبيع من قبل نواب الشعب في حكومة منتخبة و لا حتى برلمان معين
دي كولها زي ما قلنا كانت مراوغات من السيد/ حمدوك بحثاُ عن أي
مخرج للطوارئ . متل التلميذ الراقد رُز : غالبو يسمِّع درس العصُر
و ملاوز من القراية أم ديق . لكن و الحق يقال من باب الإنصاف
الزول دا حاول يعمل العليهو و لو بحدود قدراته منزوعة الدسم.
Quote: والتطبيع الحالي هش وممكن اية حكومة قادمة التملص منه . |
• و حتى صديق تاور سامعو بقلو العملة البايخة دي عملوها نفرين
• بس بدون أي شورة.و إنما فرضية وجود أساس لهذا التطبيع دي ذاتا
• تعتبر في رحم العدم . و حتى فرية البحث عن سلام مع الصهاينة كان ممكن
• نبلعا على مضض بإنها كلمة حق يراد بها باطلاً لو كان التطبيع دا مع نظام
• المخلوع البايظينقول الكيزان كان بسربو سلاح لحماس و في النهاية فصلو
• و قالو الروب.لكن ناس حقيرة حقيرة ديل أصلن مسالمين و مخلوعي الأسنان.
• كفاية إنهم نشفو لهات السوق العربي من اسم التعريفة و جرو سددو بيهن
• ( الدية ) ل ضحايا نحن برأء من دمهم براءة الذئب من دم ابن يعقوب.
• و الواحد مستغرب بالجد من نوعيتين من البشر هنا ، سواء من معسكر
• المنبطحين أو الرافضين ، و الاتنين شايتين ضفاري و عاملين زي أخونا أدروب
• داك مرة قايد ليو مظاهرة و يهتف "عاش أبو هاشم" في النهاية انتبه وقف يتساءل :
• " أبو هاشم عرفنا .. لكن اعاشة دا منو مرتو و لاشنو.؟! ففي صنف فاكريننا رفعنا
• من ركوع العقوبات أم ريكا و طبعنا معناها خلاس كأننا مسكنا شباك الجنة و نعيما.
• لكن لسان واقع حالنا بقول ( .. و قبتا الريح). و صنف تاني ماخدين بالتطبيع
• دا بس قالو: نكايةً في الفسطينيين عديمي الأصل و ناكرين الجميل و ناسيين
• إنو ديل أصلن دافنين القضية و مطبيعن قبلنا من أيم أوسلو .