https://youtu.be/fWEhpXqWtJIhttps://youtu.be/fWEhpXqWtJI ممكن هنا ... نسيت يا ربي ولا المنبر مزهمر ... لي ساعة عشان انقل الفيديو وبرضو فشلت ... ليه المنبر ما زي الوسايط الأخرى ...
10-23-2020, 08:15 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
بكل صراحة اهلنا في الشمال تم تغييبهم عن اتفاقية جرت بين ابناء مناطق معينة لتقاسم الثروة والسلطة .. وقد بدات الشرارة تنطلق في الشمال كما انطلقت في الشرق فهذه الاتفاقية فيها تمييز وظلم واضح لاقاليم الوسط والشمال والشرق وبكل تاكيد ستقود لفتنة مناطقية ..
10-23-2020, 08:17 AM
اسامة محمد ابوبكر
اسامة محمد ابوبكر
تاريخ التسجيل: 01-17-2013
مجموع المشاركات: 249
كويس جدا طال ما مافي جيش حقيقي في السودان ولا اغلبية واعية ولا مشروع فدرالي سوداني حقيقي الخطر القادم علي السودان اسقاطه في الفوضي والفصل السابع وسياتي التتار من الخارج ومعروف النتائج والجماعة جدعو الدستور البرجع الجيش السوداني الحقيقي الذى خرج ولم يعد حتي الان التحدي القادم حضاري اي سوداني اقل من 30 سنة ينضم للجيش والمؤسسات العسكرية من قبائل السودان في الاقاليم الستة زمان دارفور دي تدار بي مستر مور والادارة الاهلية بس وما فيها جرائم مشينة لمن جا المركز الشائن ده بقىى يجير المجرمين في الجيش والامن والشرطة في قتل الشعب السوداني في الاقاليم وايضا في المركز حادثة القيادة وبي اقليات وسخة تخدم الخارج الوقح حتي الان وعشان ما يجي مغفل يتشرمط شفت الامارات عملت شنو في اليمن هسة الحل السياسي ترجع الاقاليم وننتخب حاكم الاقاليم وبرلمان الاقليم زز+ الادارة الاهلية بتاعة مستر مور كده بستقر السودان وكل اقليم قادر علي النهوض بابانءهم والقحاب بتاعين اللايفات التحريضية في الشمال والغرب او الشرق ديل ارزقية اجرهم مدفوع العدو في السودان هو وعي ماوم بس ومستمر وقحت غبية وحكومة حمدوك فاشلة والعمل الاعلان الدستوري ده عايز يضيع السودان بس عودة الاقاليم افضل وهي مستوي اعلي من القبائل
10-23-2020, 08:16 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
سيرك جوبا لا عمد لا اطيان موالي بن زايد وبن سلمان وارزقية قطر كمان اصحي يا ترس الجعليين الاصل يا ختمية اي انصار وبجو بي صناديق االاقتراع ما عايزين محاصصة وليس هناك بعثيين او ناصريين واو شيوعيين غير خالد العبيد بس في شندي وبنوديه الشيخ الجعلي
10-23-2020, 08:29 AM
adil amin
adil amin
تاريخ التسجيل: 08-01-2002
مجموع المشاركات: 37020
طبعا قليل من القرود ما بضر https://top4top.io/ خاصة القرد بالتفلسف وما شايف الدول اللحقت امات طه حولو وبنفس الادوات
القرد ده مثقف ذى اسامة الخواض بشرب سيجارة كيلو باترا لايت العنصرية فصلت الجنوب و حتفصل الغرب و الشرق .. وسببا المركز وليس الشمال من الاساس وعجزت قحت بي مشروعا البائس اعادة الدولة والمؤسسات والجيش صاحب العقيدة الوطنية حتي الان سؤال البوست هل القوات النظامية بشكلها الحالي \هسة ده بتقدر تضبط الامن داخل السودان او تردع غزو خارجي مبرمج سلفا ؟؟؟
10-23-2020, 08:40 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22983
الكيزان عايزين يرجعو ويسرقو الثوره وماقادرين يطرحو نفسهم كمعارضه لانهم اتعرو طوال 30 سنه ودا من وسائلهم الخبيثه باستخدام القبليه والحقوق الضائعه والتهميش سبحان الله اسوء حقبه تهميش فى زمنهم وهسى رافعين التهميش قميص عثمان . قبل الثوره لما كان التعبير عن ان الثوره عمليه جراحيه دقيقه وبتتطلب اعداد جيد ونتيجه طبيعيه البيحصل دا و بيوضح انو الكيانات السياسيه والقوى القادت الثوره ماوضعت فى حساباتها استيعاب واستقطاب المكونات الاجتماعيه لضمان حاله تماسك سياسى 0اجتماعى بعد الثوره
يا شيخ صلاح سلامات. ديل كيزان مستهبلين ساكت . كيزان ضلع وتحليات وقروش حرام . سمعت عن انهم عاملين مكتب حدادي للفتنة في فندق 5 استار. وأهلنا الجعليين المساكين اليومين دي بعد نزول البحر من الجزر والجروف يفتشوا لي حق التيراب . والله العظيم بي الفلسة الطاقاهم دي ما سالين في أي كوز .
... بالمناسبة يا صلاح مشيت زيارة ججابتنا الصدفة فوق قبة جدك . قالو لك رسل مساهمة للصيانة بعد نز الدميرة .
10-23-2020, 09:21 AM
adil amin
adil amin
تاريخ التسجيل: 08-01-2002
مجموع المشاركات: 37020
هل انضمام الناس للجيش عيب بعدين القبائل في السودان عندها مك لو قايل اي كعوك ما في قبائل في السودان يكون مازوم بس اذا قال للناس انضمو لي الجيش مهما كان شكل الجيش ما مشكلة كل الشباب ينضمو للجيش السوداني لكن لو عمل بيهم مليشيا ذى الدعم السريع من قبيلة واحدة ومشا يتشرمط في الاماراات عشان تدعمو هذا طرفي منو وهسة الكلام ده في زمن قحت والله يا كلاب الحر انتو في ده كوز زده علبة لحدي ما بكره بتلقو نفسكم ورا الشمس ولا بواكي عليكم صحوة المحاميد ورامي العشيرة يصبه سهمه وينقلب حمده ذما عليه ويندم سجن موسي هلال شيخ المحاميد عار مشترك بين حميدتي وقحت الوسخة
10-23-2020, 09:23 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
شوفو سيرك جوبا ده وراه الامارات شوفو الامارات عملت شنو في اليمن من هسة اي زول في السودان يطالب بي حل الملشيات في السودان كلها واعادة هيكلة الجيش والاقاليم ايضا
10-23-2020, 09:40 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
شكرا عاصم وشكرا أسامه ... للدعم الفني ... عادل أمين الشهير بي جقود ... شكرا لنثر الوعي في جنبات المنبر ... بالجد لي فترة متابعك ولقيت كيسك ملان وفعلا هم كعوك واكياسم فاضيه ... الأرباب ود الأمير مبارات الكيزان بتودي الكوشه لكن مبارات مخرجات جوبا بتودي الجحيم عديييل ... جهز نفسك بدون ما تخون ...
11-07-2020, 03:53 PM
النعمان اسحاق
النعمان اسحاق
تاريخ التسجيل: 02-18-2020
مجموع المشاركات: 231
Quote: وسببا المركز وليس الشمال من الاساس وعجزت قحت بي مشروعا البائس اعادة الدولة والمؤسسات والجيش صاحب العقيدة الوطنية حتي الان
Quote: هل القوات النظامية بشكلها الحالي \هسة ده بتقدر تضبط الامن داخل السودان او تردع غزو خارجي مبرمج سلفا ؟؟؟
لو فكرت شوية كده ح تلقي فى نوع من التخاذل من قبل القوات النظامية وبمثابة حرق كرت للمدنيين في اروقة السلطة وعندما يتعقد المشهد وينعدم الامن ستجد البيان التالي لكل هذا فان قواتكم المسلحة وايمانا منها بالمهددات التي تحيق بالوطن فانها قررت تولى امر الحكم والغاء العمل بالوثيقة الدستورية واعلان حالة الطوارئ لمدة ستة اشهر ثم قيام انتخابات مبكرة لتعود السلطة للشعب
10-23-2020, 09:29 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: سبحان الله اسوء حثبه تهميش فى زمنهم وهسى رافعين التهميش قميص عثمان
تحياتي عاصم علي ... ياخوي تهميش شنو وكيزان شنو ... واحده من مصايب الكيزان علي الإقليم الشمالي هي إثارة باقي الأقاليم عليه وجعله تخته الجميع بنشن عليهو ... والكلام النقلو أحمد الضي عن الفريق عبدالرحيم دقلو بمثابة غيض من فيض ...
10-23-2020, 10:00 AM
adil amin
adil amin
تاريخ التسجيل: 08-01-2002
مجموع المشاركات: 37020
Quote: انتم لاتعرفون من هو ناظر الجعليين وتتلقون المعلومات الخاطئة من المديا وتنقلونها النقل الخاطيء ثم تنفعلون بها الانفعال الخاطيء( رحم الله د منصور خالد)
مك الجعليين بس الما بعرفو ناس ق حت https://top4top.io/ برضو ناظر الحمر بكري عديل المات زمان الله يرحمه شوفو جابو كيف في تغريدة ايام هياج تسقط بس اتخيل ناس يقعدو في راسك بي المحاصصة ووعيهم ما فايت خرطومهم الشينة دي
10-23-2020, 10:30 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: عموما كل زول ال تكون سليقته جاهزة وال يشوف آخرها
ود الزين... ههههه ... دايما زول نجيضه .... حباب ود موسي سرنا ... في زيارة عاءيليه للمسيد والقبه وفي طلب من الخليفه لنا (أنا واخوي العود) بالدخول لمبنى القبه وزيارة جدنا الشيخ باسبار ... لم يتمكن أخي الأكبر من الدخول لضيق مدخل باب القبه حيث اشتهر بين جميع أفراد الأهل بأن أخي تم رفض زيارته من جده وتم اتهامه بالزندقه ... المسيد دا يا عثمان خيرو كتير علينا ... اصلو ما حصل كسر ضهرنا مهما دفعنا ... الحمد لله الخير دايما في زياده ....
10-23-2020, 10:09 AM
نعمات عماد
نعمات عماد
تاريخ التسجيل: 03-08-2014
مجموع المشاركات: 11404
دي نتاج طبيعي لإفرازات إتفاق "جوبا". قلنا الكلام ده ولسه ح يتقال كثير. حالة الاقصاء المقصود التي اعقبت حالة الوصف المستمر " بالعمالة والخيانة للشمال" سيكون لها تبعات بكل تأكيد. بدأت الأصوات تعلو مطالبة بعدالة حقيقية ..لا ان تكون عدالة تميل الى فئة واقليم دون الآخر.
ونحن ناقصين!!!!!؟؟؟؟؟؟؟؟؟ نحن بنسعى لالغاء المليشيات المسلحة في السودان يجينا واحد جديد وعاوز ينشئ مليشيات جديدة.. بنسمع انه الان في ٦ مليشيات مسلحة ، وهي مليشيات الحركات الاربعة المسلحة، ومليشيات الدعم السريع ومليشيات تابعة لحزب من الاحزاب...وسمعنا ان زعيم احدى الحركات المسلحة ذهب الى شندي مستعرضا جنوده وحشده وقال انه يريد ان يفتح مكتب في الشمال واظنه يريد ان يجند المزيد من المليشيات وهو الذي وقع اتفاقا في جوبا ووعد بوقف الحرب ونالت حركته مقعدا في المجلس السيادي والان ينتظر الوزارات السيادية ونظن ان هذا هو الذي استفز شيخ الجعليين وقال في نفسه لييه هو كمان ما ياسس مليشيات مسلحة ويلحق يقتسم الكيكة قبال ما يخلص عليها النصابين والانتهازيين والحرامية...وخاصة وانه في ٣٠٠ نصاب جديد جارين يلحقوا تقسيم الكيكة تحت اسم البرلمان الانتقالي،،،والعجيب انهم غير منتخبين من الشعب ولكن بالتعيين ومن هسع سموهم نواب الشعب... ...ال انتخابات ال...... كان الله في عونك يا سوداننا الحبيب..
10-23-2020, 10:49 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الشغله ما كيزان أو أحزاب أو قحت أو غيره عشان الناس ما تسوقنا بالخلا ساي المشهد الآن راس الرمح فيهو المكاسب التي يتم الحصول عليها اوانطة بالقبلية والجهوية فالكل حيحاول يستخدم الأداة دي بدت بالشرق والآن متجهه شمالا ولو ما اتلحقت الشغلانة حيتم حمل السلاح ودي جهويات تملك المال والرجال فأكيد تأثيرها سيفوق تمرد دارفور أو جبال النوبة أو النيل الأزرق والمسألة كان ما اتلحقت بتكون مسألة وقت ليس إلا شنو يرضوا ديل ويدوهم الفيها النصيب ينشقوا ديلاك وبرضو عايزين حقهم وكل فريق عايز يكاوش البمنع ديل شنو ؟ قبل ما تصل مرحلة البمنع ديل منو ؟
10-23-2020, 10:51 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: ويستحيل ان يكون وكيله هناك وهو اخيه قد قال هذا الكلام وهو موافق عليه
حبابك أخينا ود الشيخ ... ياخوي لو هو ولا وكيلو قالو يبقى عملو واجبن ... ولو هو ولا وكيلو ما قالو يبقى قصرو في واجبن ... الواجب يتطلب قراءة واقع البلد جيدا والتصرف بالطريقة الصحيحة التي تضمن سلامة القبيلة والإقليم تحت كل الظروف ... ما دار ويدور في البلد واضح وفايت اضنينم بي غادي ... الموضوع ليس له علاقة بالتنافس الحزبي ... إنه تحديات وجود وتفاعل إيجابي في هذا الوطن ... الداير يسمعك منو وإنتا زول هوان وضعيف ...
10-23-2020, 11:16 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
حبيبنا ودالزبير .. تحياتي بدل الغربة والكفيل والبهدلة الآن اخطط لمنصب ناظر عموم الدناقلة مع أنها ليست قبيلة تعرف حبيبنا ودالزبير ده أحسن استثمار والعائد مضمون والمدخلات ( زيرو ) فقط عبارات تحريضية فقط في المحاصصة والمخاصصة تكون حريف ( البرادو .. انفنيتي ) والبيت مهم جداً وخاصة أنا من محلية البرقيق اغلبية الدناقلة هناك .. مع التركيز على الجالية الدنقلاوية في الدروشات
حبيبنا ودالزبير .. شر البلية ما يجلب السخرية
مودتي الحبيب ودالزبير
السودان في خبر كان ..
10-23-2020, 01:35 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: لا ان تكون عدالة تميل الى فئة واقليمدون الآخر.
الشيخ تحية واحترام ... عدالة قحت والكيزان واااااحده .... ترفع البندقية نتفاوض معاك ونديك البتطلبو ... تسكت وتعمل فيها رايح ما نشتغل بيك ... دا غير إنو رفع البندقية بيديك الجرأة للتحكم في مصير الآخرين والإفتاء في من يحكم ومن لا يحكم .... شفتا وصلنا وين ...
اها المانع شنو نحن المهاجرين والمهاجرات نؤسس مليشيات مسلحة ، وطبعا حنكون اقوى مليشيات ،بل اقوى من الدعم السريع ذات نفسه لان عندتا الاموال اللازمة والكفاءات العسكرية والفنية ،وحنطلب من قوات الseal الامريكية تدرب مليشياتنا ...وحنشتري ٣ طائرات هليكوبتر حربية ...وبعد كده نقدم مطالبنا ...وهي ٥ مطالب فقط، ونطلب التفاوض مع الحكومة الانتقالية لتقديم هذه المطالب...واكيد حنلحق باقي الكيكة قبال ما تخلص ويجو ال ٣٠٠ نصاب ... اما المطالب الخمسة فنشرحها في الحلقة القادمة ..
10-23-2020, 04:29 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: المشهد الآن راس الرمح فيهو المكاسب التي يتم الحصول عليها اوانطة بالقبلية والجهوية
يا جيمي والله مافي سوداني يرفض جبر الضرر في كل مناطق الحروب ولو استمر ذلك عشره سنة ... لكن أن تصبح هذه المكاسب قانون ودستور ... دا هو الحا يخلق الفوارق والتمييز بين أبناء الوطن الواحد ...
10-23-2020, 06:01 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
حبيبنا ودالزبير .. مودتي من المؤلم جداً أن نرجع لعهد الداحس والغبراء معقول بلد ترجع الى مئات السنوات في عهد يتقدم فيه السلوك الانساني من خلال الحداثة وذوبان الحدود والخطوط عبر التكنولوجيا حتى في الخليج مع أهمية الانتماء للقبيلة للاستخراج الأوراق الرسمية ولكن الوعي المصلحي الاقتصادي بدأ يتمدد في سلوكياتهم الوعي القبلي بدأ ينحسر .. اصبح الوعي المصلحي الشركات ورأس مال ... الخ هو السائد ..
حبيبنا ودالزبير البوست ده مهم ويحتاج لنقاش عميق المهم الوعي القبلي هو قمة التخلف خاصة عندما يكون وسيلة للحشد ورقة ضغط ضد الدولة أو لنيل اهداف غير مستحقة أفتكر يا الحبيب ودالزبير هناك البعض من مدمني السلطة يريدونها مطية وسلم للارتقاء دون ادنى اعتبار للوطن او حتى لمستقبل ابنائهم .. لمحدودية قدراتهم لأن الأسهل هو استخدام الدين او القبيلة للحشد .. لا يحتاج الى اي برنامج بل رفع الصوت والضجيج
تحياتي الحبيب ودالزبير
10-23-2020, 08:21 PM
ود محجوب
ود محجوب
تاريخ التسجيل: 04-22-2003
مجموع المشاركات: 7643
Quote: أفتكر يا الحبيب ودالزبير هناك البعض من مدمني السلطة يريدونها مطية وسلم للارتقاء دون ادنى اعتبار للوطن او حتى لمستقبل ابنائهم ..
يا علي مدمني السلطة هم أمراء الحرب الذين تم مكافاتهم ولم يتحرك أهلنا في الشمال إلا بعد إحساسهم بالغبن والخطر كنتيجة طبيعية او رد فعل لما جرى وسوف يجري ....
10-23-2020, 10:26 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: نتاج طبيعى لتداعيات اتفاق جوبا واحلام الكيزان فى البحث عن مداخل للعودة الى الحكم مرة اخرى .
حبابك علاء ... نعم مخرجات جوبا سبب رئيسي والحكاية سوف تتخطى الأحزاب لي براح الجهويه الواسع ... الفريق ع دقلو وهو يتحدث باسم عدة قبايل قال لن (يسمح) لي اي شمالي بالوصول لي كرسي الحكم ...
10-23-2020, 10:45 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: الفريق ع دقلو وهو يتحدث باسم عدة قبايل قال لن (يسمح) لي اي شمالي بالوصول لي كرسي الحكم
سلام ما حنك! دا نظام تسويق آل دقلو لي نفسهم، عند المواطن العادي في دارفور و جنوب كردفان، نظام فرِّق تَسُد. يقدموا ليهم وعود مغرية و يحرضوهم على بقية السودانيين و يفلتوا هم من العقاب على جرائمهم الأرتكبوها في حق المواطنين في دارفور و ج كردفان.
لكن يا أ. صلاح أنت و محمد الشيخ و ود محجوب، رأيكم شنو في الفيديو؟ (معليش، النعاس، لذلك كتبت بالطريقة الأسهل).
10-23-2020, 11:58 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: بكل صراحة اهلنا في الشمال تم تغييبهم عن اتفاقية جرت بين ابناء مناطق معينة لتقاسم الثروة والسلطة .. وقد بدات الشرارة تنطلق في الشمال كما انطلقت في الشرق فهذه الاتفاقية فيها تمييز وظلم واضح لاقاليم الوسط والشمال والشرق وبكل تاكيد ستقود لفتنة مناطقية ..
مرحب حبابك علم الدين الخواض ... اتفق معاك تماما ....
10-24-2020, 00:12 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
عارف ياخي العفو والعافية ... أنا تقلت عليك فنرجو السماح ... يا عارف في دارفور دي الدولارات الصرفا عليها الرعاة من ٢٠٠٣ الي الآن كانت تبقيها جنة الله في الأرض ... مشت وين؟ رعاة زي دارفور ما بتلقو تاني ... لكن زمااااان أهلنا قالو (بي تصرف) :- الشمالي إن نجح للعسكرية وإن فشل للطورية ...
10-24-2020, 00:28 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
يا دوك أكان بقت على الفيديو أنا ختيت رأي في معرض ردي على ود الشيخ ... الأيام الفاتت والجايات حبلى بما هو أخطر مما ذكر في الفيديو ...
Quote: حبابك أخينا ود الشيخ ... ياخوي لو هو ولا وكيلو قالو يبقى عملو واجبن ... ولو هو ولا وكيلو ما قالو يبقى قصرو في واجبن ... الواجب يتطلب قراءة واقع البلد جيدا والتصرف بالطريقة الصحيحة التي تضمن سلامة القبيلة والإقليم تحت كل الظروف ... ما دار ويدور في البلد واضح وفايت اضنينم بي غادي ... الموضوع ليس له علاقة بالتنافس الحزبي ... إنه تحديات وجود وتفاعل إيجابي في هذا الوطن ... الداير يسمعك منو وإنتا زول هوان وضعيف ..
10-25-2020, 07:56 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
الإتهام بالكوزنة والعمالة والخيانة لن يجدي في ظل الاستهداف لإقليم كامل وتحميله مسؤولية إخفاقات البلد منذ الإستقلال ... اندلاع الحرب في دارفور معلوم أسبابها القبلية والايدولوجية وليس لها دخل بي الاقليم الشمالي ولا حتى بي حكومة الخرطوم ... الدفاع عن الأرض والعرض لا يتطلب معرفة معتقدك فهو واجب على الكل ... اجتماع قيادات من كل مكونات الإقليم الشمالي خلال الأسبوعين الماضيين رد طبيعي للاستهداف المعلن والمخفي والذي يمارس من قيادات وحتى من المواطن العادي في الأسواق والمواصلات العامة ... يتبع ....
10-25-2020, 07:57 AM
usama Babiker
usama Babiker
تاريخ التسجيل: 01-07-2013
مجموع المشاركات: 2285
اغلب القائمين بالامر ضباط مفصولين من الجيش والموضوع يضم نهر النيل والشمالية والشرق .. ما عرفته ما يقومون بهذا العمل لديهم امكانيات مهولة مما يؤكد تدخل الكيزان في الموضوع .. وايضا راسمالية وطنية الموضوع خطير وماخد طابع قبلي عنصري بغيض ...
10-25-2020, 07:58 AM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
كدي النشوف فائدة رفع البندقية في وجه الدولة حا يجيب شنو :- أهم بنود إتفاق جوبا
Quote: صت اتفاقية السلام الموقعة بين الحكومة الانتقالية في السودان والفصائل المسلحة المنضوية تحت لواء «الجبهة الثورية»، على 8 بروتوكولات، تتعلق بالعدالة الانتقالية والتعويضات، وملكية الأرض، وتطوير قطاع المراعي والرعي، وتقاسم الثروة والسلطة، وعودة اللاجئين والنازحين، وهنا أهم تفاصيلها: > منح الجبهة الثورية 3 مقاعد في مجلس السيادة الانتقالي، و5 وزراء في الحكومة التنفيذية، إلى جانب 75 مقعداً في البرلمان الانتقالي. > تمديد الفترة الانتقالية 39 شهراً، تسري بالتوقيع النهائي للسلام (أمس). > دمج مقاتلي الحركات المسلحة في الجيش السوداني على 3 مراحل، تنتهي بانقضاء أجل الفترة الانتقالية. > منح 40 في المائة من السلطة في إقليم دارفور لمكونات مسار دارفور، و30 في المائة إلى مكونات السلطة الانتقالية، و10 في المائة لحركات دارفور الموقعة على هذا الاتفاق، و20 في المائة من السلطة لأهل المصلحة. وتم تخصيص 20 في المائة من الوظائف في الخدمة المدنية والسلطة القضائية والنيابة العامة والسفراء للجبهة الثورية. > استثنى الاتفاق قادة الحركات المسلحة من المادة 20 بالوثيقة الدستورية التي تحرم كل من شغل منصباً في السلطة الانتقالية من الترشح في الانتخابات المقبلة. > من أبرز الحركات المسلحة الموقعة: حركة العدل والمساواة، التي يقودها جبريل إبراهيم، وحركة جيش تحرير السودان، بزعامة مني أركو مناوي، الحركة الشعبية شمال، بقيادة مالك عقار، بجانب فصائل أخرى صغيرة منضوية في تحالف الجبهة الثورية. > وغاب عن التوقيع كل من الحركة الشعبية لتحرير السودان - شمال بقيادة عبد العزيز الحلو، وحركة تحرير السودان بقيادة عبد الواحد محمد نور.
10-26-2020, 07:33 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
بعيداً عن الدوافع والمسببات الزول دا مفروض تتفتح فيهو بلاغات تحت المواد (51)إثارة الحرب ضد الدولة، (58) التحريض على التمرد، (61) التدريب غير المشروع، (63) الدعوة لمعارضة السلطة العامة بالعنف او القوة الجنائية. من القانون الجنائي
10-26-2020, 04:45 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: (51)إثارة الحرب ضد الدولة، (58) التحريض على التمرد، (61) التدريب غير المشروع، (63) الدعوة لمعارضة السلطة العامة بالعنف او القوة الجنائية. من القانون الجنائي
المواد دي جديده عملوها عشان الزول ده ولا موجوده في القانون من زمان وما مفعله لأنو معلوم التمرد لم يخترعه هذا الشخص ... التمرد بدأ في هذه البلاد قبل الاستفلال والأنكأ من ذلك كل من تمرد في هذه البلاد لم يحاكم بي المواد الجبتها دي وإنما تمت مكافأتهم جميعا من اعلى سلطة في البلد ...
10-26-2020, 05:21 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7215
يا عمك المواد قديمة وموجودة في القانون من زمان المتمرد الما بقدرو القانون بعملوا معاهو إتفاقية وبيتم العفو عن مخالفته لهذه المواد من أجل المصلحة العامة. لكن طالما ناظر الجعليين دا لسه مقدور عليهو يجيبوه ويحاكموه بمواد القانون دي قبل ما يتفرعن ويحتاج لمفاوضات وإتفاقيات وعشان برضو تاني مافي واحد يفكر يحل مشكلتو بالبندقية.
10-26-2020, 06:52 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
يا مولانا خلي بالك ناظر الجعليين في الرياض ليهو شهرين ... دا على حسب شهادة شباب الرياض ود الشيخ وضمنيا امجد ...
Quote: لكن طالما ناظر الجعليين دا لسه مقدور عليهو يجيبوه ويحاكموه بمواد القانون دي قبل ما يتفرعن ويحتاج لمفاوضات وإتفاقيات وعشان برضو تاني مافي واحد يفكر يحل مشكلتو بالبندقية.
قوووول والله ... كدي تعال ساعدني نفرتك (مخرجات) البندقية في جوبا نشوف باقي السودان فضل ليهو شنو ...
10-26-2020, 07:44 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: > منح الجبهة الثورية 3 مقاعد في مجلس السيادة الانتقالي، و5 وزراء في الحكومة التنفيذية، إلى جانب 75 مقعداً في البرلمان الانتقالي.
دا البند الأول في أهم بنود الاتفاقية .... عمنا قوقل سألت عن اتفاقية جوبا للسلام جاب لي أهم بنود الاتفاق الموجوده فوق قبل ٥ او ٦ بوستات والذي للأسف الشديد لم يعير جبر ضرر النازحين والفي المعسكرات أي إهتمام ... وكانت المكافأة الملفته للنظر لكل من له علاقة بحمل السلاح ضد الدولة ... عشان نكون أمينين باكر الصباح حا نجيب كلام ابوقرده في افتتاح المستشفى التركي في نيالا ٢٠١٤ على ما أظن والذي أوضح فيه نصيب دارفور من كيكة السلطة على المستوى الاتحادي والإقليمي والولاءي ... هنا المقارنة بين بندقيتين وحا نشوف ياتا الفازت وأنجزت ... طبعا لسع في بندقيتين (الحلو ونور) في الانتظار وسوف يضيفون المزيد من المكاسب لدارفور والمنطقتين ... تقول لي ما نرفع ... ههه
10-26-2020, 08:45 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7215
Quote: عارف ياخي العفو والعافية ... أنا تقلت عليك فنرجو السماح ... يا عارف في دارفور دي الدولارات الصرفا عليها الرعاة من ٢٠٠٣ الي الآن كانت تبقيها جنة الله في الأرض ... مشت وين؟ رعاة زي دارفور ما بتلقو تاني ... لكن زمااااان أهلنا قالو (بي تصرف) :- الشمالي إن نجح للعسكرية وإن فشل للطورية ...
ود الزبير ده كلام شنو الكلام ده حصل وين ومتين. مع اني ما فاهم حاجة العفو والعافية وياريت توضح لي ولو فيها إحراج أرسل في الخاص.
10-27-2020, 05:17 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
ثقافة رفع السلاح في وجه الدولة أتت أكلها في دارفور فهل ستضطر بقية الأقاليم للمضي في نفس الطريق لضمان حقوقها ...؟؟؟!!!
Quote: وفي فندق كورال سابقاً الذي أصبح (حكومياً) تحت إمرة الوزيرة “مشاعر الدولب” التي بيدها أموال الضمان الاجتماعي المتنامية والزكاة.. والتأمين الصحي، حتى بدت تلك الوزارة المتواضعة المباني من مراكز الثراء والفقر معاً.. جمع د.”محمد العاجب” نائب رئيس المؤتمر الوطني، قيادات جنوب دارفور من إحدى وعشرين محلية.. ومن المركز وأحياء المدينة الثرية للإصغاء للرئيس وهو ينتهج طريقة جديدة في الحوار والجدل بشأن ما يثيره أبناء دارفور عن ضعف مشاركتهم في السلطة.. وشح نصيبهم من المال والثروة وهزال مستوى الخدمات التي تقدم إليهم.. وترك الرئيس لأبناء دارفور في السلطة الإدلاء بشهاداتهم من واقع مسؤولياتهم في الدولة والحزب.. وأمام أهلهم.. وقدم د.”فيصل حسن إبراهيم” وزير الحكم الاتحادي الذي قال إن نواب الرئيس (50%) منهم من دارفور، أما وزارة رئاسة الجمهورية وهي الوزارة الأولى (100%) يسيطر عليها أبناء دارفور، د.”فضل عبد الله” وزيراً و”الرشيد هارون” وزير دولة، أما الوزارة السيادية الثانية وهي مجلس الوزراء، فإن نصيب دارفور (50%)، حيث يتولى الأمير “أحمد سعد عمر” منصب الوزير و”أحمد فضل” وزير دولة، أما في بقية الوزارات فإن نصيب دارفور تبعاً لعدد السكان (22%)، ولكن نسبة مشاركة دارفور تصل لـ(24%)، أي بزيادة (2%)، أما وزراء الدولة فإن نسبة دارفور تصل (38%) بينما نصيبها الحقيقي (22%)، وتبلغ مشاركتها في الولايات (28%) ويتولى (5) من أبناء دارفور منصب الوالي في كل من جنوب كردفان، وكسلا، وغرب كردفان، ووسط دارفور، والنيل الأبيض، وبلغ تمثيل الأحزاب الأخرى من أبناء دارفور (38%)، بينما متوسط تمثيل الأحزاب الأخرى للحزب الحاكم لكل ولايات السودان (32%)، أما بالنسبة للتحويلات المالية القومية منسوبة لجملة إيرادات ولايات دارفور، فهي (83%) والمتوسط العام لبقية ولايات السودان (45%)، بينما تصل المصادر الإيرادية الأخرى من صناديق تنمية وإعمار إلى (106%)، بينما المتوسط حوالي (38%)، ونسبة مشاركة المرأة الدارفورية (12,5%) وبمجلس الولايات الذي يتكون من ثلاث لجان، لدارفور لجنة، والمجلس الوطني الذي يتكون من (12) لجنة فإن نصيب دارفور وحدها (3) لجان، أي النسبة تصل لـ(25%). أما عن واقع التعليم اليوم مقارنة بالعام 1989م، حينما وصلت الإنقاذ إلى السلطة، فإن عدد رياض الأطفال في دارفور كان (185) روضة واليوم (60) ألف روضة، وتلاميذ مرحلة الأساس بكل دارفور عام 1989م كان عددهم (83) ألف تلميذ وتلميذة، واليوم (1) مليون و(139) ألف تلميذ وتلميذة، أما عدد طلاب الثانويات (89) فكانوا (4) آلاف طالب وطالبة، واليوم مائة وستة وستون ألف طالب وطالبة.. وقد بلغ عدد المدارس الثانوية (534) مدرسة مقارنة بـ(18) مدرسة فقط عام 1989م، وحينما عدد د.”فيصل حسن إبراهيم” هذه الأرقام (همهمت) قاعة فندق الضمان الاجتماعي باعترافات، (والله يا جماعة نحن ما مظلومين)، ولكن جاءت شهادة “بحر إدريس أبو قردة” وزير الصحة أكثر دقة وصراحة.. و”بحر” من عتاة المتمردين في السابق.. يقول إن عدد المستشفيات في دارفور عام 1989م، كان (13) فقط، ووصلت الآن إلى (76) مستشفى، وعدد أسرة المستشفيات ارتفع من (770) سريراً إلى (3) آلاف وستمائة وأربعة وثمانين سريراً، وعدد وحدات الرعاية الصحية الأولية كانت (637)، وصلت الآن (836)، وعدد الاختصاصيين في دارفور كان (8) فقط، واليوم (94) اختصاصياً، وارتفع عدد الأطباء العموميين من (98) طبيباً إلى (353) طبيباً.. وقال “أبو قردة” إن حملهم للسلاح كان بسبب وجود قضايا حقيقية تستدعي أن يحمل الناس السلاح، ولكن الآن تم الاعتراف بتلك القضايا وإقرار معالجتها، وأهم القضايا التي دفعتنا لحمل السلاح هي المشاركة في السلطة ونقص التنمية، ثم بعد ذلك جاءت لاحقاً قضايا النازحين.. وقال “أبو قردة” يقول بعض الناس إن القرار ليس بيد أبناء دارفور، وهي حجة ضعيفة ومردود عليها إن كان هناك شخص (سجمان) غير قادر على اتخاذ القرارات فهي مشكلته هو، واستغل “بحر إدريس أبو قردة” السياسي المنبر الذي أتاحته الظروف له ليقول إن هناك أسباباً موضوعية جعلتهم يبدلون موقفهم من داعمين للإقليم لدعاة ولايات متعددة بالقول إن الحركات التي تحمل السلاح طالبت بالإقليم، لأن المركز كان مسيطراً ومستحوذاً على السلطة والموارد، ولكن اليوم نعتقد أن الأوضاع تغيرت كثيراً والمطالبة بالإقليم تعني أننا سننشئ مركزاً في الخرطوم وآخر في الفاشر.. وعدد د.”التجاني سيسي” حجم المشروعات التي نفذتها السلطة الإقليمية في دارفور وسط عاصفة من الرضا والتصفيق.. وذكر “السيسي” أنه ركز كثيراً على قضايا التعليم والصحة وبسط الأمن من خلال تشييد مراكز الشرطة التي يعول عليها في حفظ الأمن، حيث تم تشييد أكثر من (39) مركز شرطة وتأهيل مثلها وبناء (3) قاعات بالجامعات، وتم إجلاس (9) آلاف طالب بشمال دارفور و(3) آلاف طالب بغرب دارفور و(2) ألفاً بوسط دارفور، (4) آلاف شرق دارفور، وتشييد (25) مدرسة.. وحينما تحدث الرئيس لقادة دارفور بدا على نبرته الأسى وهو يقول هذا (ليس مناً ولا أذى)، ولكننا مضطرون لذكر هذه الحقائق عن التنمية في دارفور
10-27-2020, 06:15 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
هههههه ... شن قدركم ... بعدين انا من بحري وعايز اعمل فيها بريء ... إنتو مالكم ... عارف ياخوي مافي حاجه تستدعي الإحراج ... الحصل في بوست ما ... في وقت سابق ما ... ردمتك ردم (ما) لامن حننتني ... فإذا لم تتطلع عليه فهذه نعمه من الله ونظل اخوان وصافيه لبن ...
10-27-2020, 07:40 AM
adil amin
adil amin
تاريخ التسجيل: 08-01-2002
مجموع المشاركات: 37020
Quote: هوي ياعادل نحن بعد مقتلة المتمة وابادة الانصار للجعليين ماعندنا انصار في مناطقنا
هل كتلكم المهدي عليه السلام ديك نسخة مضروبة من المهدية امهدية ما فهيا خلافة فيها امامة بس والوافد المتسلبط عبدالله التعايشي امه بي تعايشية نكل بي التعايشة ودار فور اكثر من اشمال المهدية المشرقة حقبة المهدي وهو دنقلاوي من الشمال والسيد عبدالرحمن هو مشترك بين الشمال ودارفور وهسة حقبة الصادق المهدي شوها المنبت الترابي بالاخوان المسلمين من 1964 لحدي 2020 لا مهدية ولا عندها علاقة بي الانصار ده الفرق بين المهدية وبين الاستهبال الديني والسياسي عبر مراحل المهدية الاربعة وفي جعليين بي الطن انصار من العلياب لحدي بربر وحتي بعد انتهت معركة النخيلة وهم سودانيين انتسرحو وقعدو وصنعو جعليين انصار في كل مناطق نهر عطبرة انت شوف زول زي حمبدتى استخدمو منبتبن المركز الكعوك ضد قبيلتو ذاتا وازل وسجن سيخ قبيلتو اصلاح الزبير بالانجليزي ده هوال ساكت اما ما عارف قواعد الاشتباك في السودان بقت العدو الناهب لكل السودان دول الخليج ومصر وبمساعدة كعوك المركز نقطة سطر جديد والمشروع المضاد للعفن ده موجود ومشروع في نفس البوست ده وفي 10000 بوست في البورد والاسافير الاغلبية الواعية ودي المهدية الثالثة
10-27-2020, 07:37 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: عمر جنا التاج ... سلام ... غايتو لستتك دي فيها خلل كبير بين ١ و٢ الدعم السريع تم تكوينه بواسطة استخبارات الجيش والأمن الوطني ... لو يعلم واضعي استراتيجية الجيش (الدفاع والامن) بأن قوة حميدتي تعادل ما نسبته ٥% من قوة الجيش لما اقدمو علي تسليحه ورعايته حتي لو أراد البشير ذلك ... لا يملك حميدتي آي سلاح استراتيجي ... ما يملكه حميدتي هو هذه التاتشرات منصوبا" عليها مدافع ذات احجام مدروس مداها وقوة نيرانها بدون الحصول علي اي دعم من الاستخبارات او المدرعات والمدفعية وسلاح المظلات او سلاح الطيران بكل أنواعه إذا حصلت مواجهة .. نتمني ان لا يحدث مواجهة بين الجيش والدعم السريع وربنا يحفظ الارواح لكن نتيجة المواجهة تعلمها قيادة الدعم السريع قبل غيرهم ... لن يستغرق تدمير قوة حميدتي أكثر من ثلاث ساعات إذا قرر الجيش التخلص من حميدتي ... قوة حميدتي الآن بعيدة عن حاضنتها وفي أماكن مكشوفة ومعلومة تماما لاستخبارات الجيش ... ٣ هليكوبتر ويسلموك الفاضي بتاع حميدتي ... تحياتي ... Re: نذر التصعيد والمواجهةRe: نذر التصعيد والمواجهة
ثم المداهنة
Quote: أها ... سعادة الفريق أول حميدتي برفقتي في مسيد جدي الشيخ باسبار ... يناير ٢٠١٧ .... المناتلين يمتنعون ....
ثم المزيد من الدهن
Quote: ههههههه يا سمعه ... الداير ياكل كتف التاني منو .. الزول جانا في دار ابوي .... افاااااااا ... الزول ضيفنا واكرمناهو .. وهو ما قصر ... بني مسجد المسيد ومنامتين لحفظة القرآن .... Re: حميدتي المدينة غير Re: حميدتي المدينة غير
والمزيد منه أيضاً
Quote: حميدتي ركب عربيتو و معاهو ٤ عربات يعني ٥ عربات لاندكروزر (أوباما) من جبرة في الخرطوم جنوب لي مسيد الشيخ باسبار بمدينة البسابير مرتين ٣٠٠ كيلو ماشي وجاي ... مرة للتبرع للمسيد وللبسابير زاتا التي اقام فيها مبني المحكمة وبيت القاضي والمرة التانية لافتتاح هذه المنشآت .... مش لأنو عندو عقيدة في جدي زي وزي باقي أهلي ومش لأنو من المنطقة كما تعلمون ومش لأنو عبيط ممكن أي جلابي ياكل كتفو وراسو عشان يقطع المشوار دا ماشي وجاي ليقوم بما قام به ... ولكن مؤكد لأمر أنتم لا تعرفونه ولن تعرفونه مني ... ومؤكد هذا الأمر يفوق بأضعاف ما قدمه للمنطقة .... (صدور الرجال بنوك) .... اهمدو وروقو فلسنا ممن يأكل الكتف قبل أن نعطي اكتافنا لتؤكل ... Re: حميدتي المدينة غير Re: حميدتي المدينة غير
والدهن
Quote: البلد محتاجه لي ناس عمل وإنجاز وفاعلية ... مش محتاجين لي كلاب السياسة البتنهش في عضامنا ولحمنا منذ فجر الإستقلال وإلي يومنا هذا ... البلد محتاجه لي قيادات زي حميدتي تعرف كيف تنجز لهذا الشعب المسحوق وليست في حوجه لي قيادات تعرف كيف تأمن مصالحها .. Re: نعم # حميدتي - أمل- السودان #Re: نعم # حميدتي - أمل- السودان #
ومحاولات التمييز
Quote: لا يوجد بريء واحد في كل الهيلمانه التي تسمي سياسي ومناضلي دارفور لم يقتل او يتاجر او يتخذ دارفور مطية ليصل لمبتغاه ... الذي لن يكون إنسان دارفور ... حميدتي يبزهم عطاء لإنسان دارفور والسودان ... +++ دا إتهام لم يثبت صحته الي الآن والرجل من شدة ثقته بنفسه متقلد منصب الرجل الثاني في السودان ويعتبر حلال مشاكل الدولة السياسية والاقتصادية والأمنية وراعي مباحثات السلام ... +++ هو الوحيد طالب السلطة ويستحقها بانجازاته علي الأرض ... البقية حرامية سلطة يبغونها عوجا .. Re: نعم # حميدتي - أمل- السودان #Re: نعم # حميدتي - أمل- السودان #
وبعد اليأس، الآن الدعوة لحمل السلاح!
Quote: هو الوحيد طالب السلطة ويستحقها بانجازاته علي الأرض ... البقية حرامية سلطة يبغونها عوجا ..
ترى من يطلب السلطة ومن الذي يبغيها عوجاً؟
فالضيف ما بدور الضيف.
____ ومن كانت سبيله لكسب العيش "قعاد" التبروقة سيستعين على تسهيل العيش بكل الطرق ولو بالفتنة.
10-27-2020, 07:45 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: ومن كانت سبيله لكسب العيش "قعاد" التبروقة سيستعين على تسهيل العيش بكل الطرق ولو بالفتنة.
يا حاتم ابراهيم وينك ياااخ عشان تحدد قواعد الاشتباك كويس وما تكون جزء من مشروع الفوضي الخلاقة في السودان واالايفات البليدة بتاعة حجوة ام ضبيينة اقليم دارفور"× الاقليم الشمالي السودان منهوب من الدول العربية ومصر بسبب اقليات وسخة في المركز ولازال يستغلون ابناء الهامش ضد اهلهم والمسلسل الانقاذي المدبلج من فالينو ماتيب ورياك مشار ضد جون قرنق عبدالعزيز خالد فكا قوات التحلف في ارتريا وماتو في سخرة الساقط اسياس فاروقي التجاني السيسي وسيرك الدوحة خلبل ابراهيم موسي هلال حميدتي وسيرك جوبا ديل برضه من كل جهات السودان وعندما تدركهم اليقظة يتم ازالتهم خليل ابراهيم موسي هلال القابع في السجن حكومة حمدوك وقحت عدو الدعم السريع وغريمهم الاصلي هو موسي هلال وشجعان قبيلة المحاميد طال ما حميدتي قاعد يخدم المركز القذر والامارات وكل شيء مفضوح واهزوجة المحاميد البذيئة دي اسمعاوزح اسم حمبدتي ورص ونزل الاسماء في المكان الخالي لحدي تصل ترامب عبر المرور بكل الكعوك في المركز من بعاعيت مايو وايتام الترابي ودول الاقليم واسرائيل وامريكا والامم المتحدة والبنك الدولي وكل من تازي منهم السودان عبر العصور كلهم (((((.........)))) وما عنده خوة الفيديو في يوتيوب ننزلو لاحقا حيا الله المحاميد اوعي من الشيوعيين والبعثيين والناصريين وخدم مصر في السودان
دي مواكبة جدا يا صلاح الزبير المتكلس اكتوبر 2020 ممكن تعمل منها تحليل سياسي كبير في الجزيرة مباشر
تعرف يا عادل مشكلتك عدم المواكبة ... ال updating بتقول في كلام مهم جدا قبل عقد من الزمان ولم تتطوره ابدا ... ياخي أرحم رقبتك وامرق من حتة ... دخلت نملة وشالت حبة ومرقت على اية حال مافي داعي نذكرك بي موضوع البوست ومرحبا بي رأيك المختلف بدون ما تغرق البوست بي مواضيع لا تخصه ...
10-27-2020, 10:05 AM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: تعرف يا عادل مشكلتك عدم المواكبة ... ال updating بتقول في كلام مهم جدا قبل عقد من الزمان ولم تتطوره ابدا ... ياخي أرحم رقبتك وامرق من حتة ... دخلت نملة وشالت حبة ومرقت على اية حال مافي داعي نذكرك بي موضوع البوست ومرحبا بي رأيك المختلف بدون ما تغرق البوست بي مواضيع لا تخصه ...
تخصه ونص والمشكلة في الفهم ناس الغرب ليس اعداء ناس الشمال ده مشروع الفوضي الخلاقة اعداء السودان المنفقسين لي مصر ودول الخليج وامريكا واسرائيل اخيرا وبلدهم غنية ومنهوبة الموارد مشكلة السودان في المركز والمضاد الحيوي لي مشروع الفوضي الخلاقا هو الاغلبية الواعية في الاقاليم الستة وتغيير المركز العفن ده الخرطوم لي كوستي عشان نعنل مركز نظيف من ادوات المخابارت المصرية الفذرة مثلا مدني عباس مدني نموذجا حميدتي ده عدوهو البيلوجي في المرحلة القادمة موسي هلال وقبيلة المحاميد اطلاق سراح موسي هلال واجب وطني في كل السودان ما يجي يتطاول علي ناس الخرطوم الزيك ديل او الشمال ومالي يده من ولد شيخ زايد التعيس تبقي عليه قصة ابو مركوب وعبدالله التعايشي ليه عبدالله التعايشي ما قدر يفر دارفور بعد انتهت المهدية ؟؟؟ ذى على دينار شغل مخك لانه اتعيب وما عنده وش يقابل بيه التعايشة وقبائل دارفور وهذا ايضا مصير حميدتي كن حقك ما تسمع الكلام ده لكن بتشوفو وقريب جدا الاغلبية الواعية في الاقاليم الستة ضد مشروع الفوضي الخلاقة وفاشلين المركز عقاب مايو وايتام الترابي نقطة سطر جديد
10-27-2020, 10:37 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: عارف ياخوي مافي حاجه تستدعي الإحراج ... الحصل في بوست ما ... في وقت سابق ما ... ردمتك ردم (ما) لامن حننتني ... فإذا لم تتطلع عليه فهذه نعمه من الله ونظل اخوان وصافيه لبن ...
هههههه ياااخي الزهمرة دي بت كلب. مداخلتك دي مريت عليها ولم أركز فيها بسبب المقتبس يا زول الفات مات لكن برضو ماكله معاي.
مافي ود حلال يدلنا علي دربها وين😂
10-27-2020, 02:36 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: مداخلتك دي مريت عليها ولم أركز فيها بسبب المقتبس
معقولة يا عارف !! ما عارف ؟ ياخي انا قلت عارف صاحبنا دا اتغير شديد وبقى مسكين وقلت غريبة ما رد ليه هو انا بى سببك زعلت من صلاح دا فترة .. لكن طالما اعتذر هنا خلاص يبقى الموضوع انتهى وعفا الله عما سلف
10-27-2020, 02:46 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: معقولة يا عارف !! ما عارف ؟ ياخي انا قلت عارف صاحبنا دا اتغير شديد وبقى مسكين وقلت غريبة ما رد ليه هو انا بى سببك زعلت من صلاح دا فترة .. لكن طالما اعتذر هنا خلاص يبقى الموضوع انتهى وعفا الله عما سلف
غايتو يا عارف أكان ختينا اولاد الحلال نوع دا ونوع أ م ع وبتاع الرياض داك .ما أظن تجينا عوجه ... بعدين ياخي أنا بقول ليك الردم كان تقيل لامن حننتني عايز بيهو شنو ...
10-27-2020, 04:26 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
عادل أمين ... نقطه وسطر جديد دي حقت الناس المفنقسين ديل ... ضربك التايفويد متين .... وبما إنو مداخلتك كلها مرتكزة عل عبارتك دي 👇
Quote: ناس الغرب ليس اعداء ناس الشمال
مين قال ناس الغرب اعداء ناس الشمال؟ امسك البوست دا كلو وفقلو كلمة كلمة ووريني جبت الفهم دا من وين ... لا أنكر إنو البوست يستهدف المركز وحكومته وكيفية تعاملها مع حملة السلاح او المتمردين عليها ... شغل النفاق والكذب دا امشي اعملو بعيد عن هذا البوست ...
10-27-2020, 05:56 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
حاتم ابراهيم أو أيا كان ما ينعتونك به ... إشتقتا للخ ... حاضريييين ... بس اوع تعرد ... طيب يا اهبل أول شي المداخلات الجبتها دي بغض النظر عن سياقاتها تعليقك عليها مافيهو توازن ... كدي نشيل مداخلاتي بره و نشوفك داير تصل لي ياتو نتيجة :-
Quote: في البدء كانت المواجهة
Quote: ثم المداهنة
Quote: ثم المزيد من الدهن
Quote: والمزيد منه أيضاً
Quote: والدهن
Quote: ومحاولات التمييز
Quote: وبعد اليأس، الآن الدعوة لحمل السلاح!
Quote: ترى من يطلب السلطة ومن الذي يبغيها عوجاً؟ فالضيف ما بدور الضيف. ____ ومن كانت سبيله لكسب العيش "قعاد" التبروقة سيستعين على تسهيل العيش بكل الطرق ولو بالفتنة.
شفتا هبالتك ولا نشرحا ليك ... التبروقا وناسا جزء من ثقافة البلد دي وسوف تظل بي خاطرك ولا غصبا عنك ... والمطالبة بالحقوق سميتا فتنة ... اشمعنا اخيرا بقت فتنه؟؟؟
10-28-2020, 08:17 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: صلاح زبير وشركاه الساكت عن حقه مافي واحد حقول ليهو .. هاك
احمد يسن الفنان والفتان ... عقلية السواقة في شوارع الخرطوم ... اي ٧ او ٨ عربات ممكن يقفلو تقاطع يخدم ٨ شوارع ... بسبب ثقافة الحقوق دي بغض النظر عن قوانين الحركة البتدي حق الطريق لمن يأتي من يسارك ... البلد دي ما فيها قانون ملزم ... والسبب هو استباحة القوانين من الجالسين في أعلى السلطة والمكلفين بتطبيقها ... عاين للمواد الجايبا مولانا حافظ واعمل فوركاست لي ورا كدا منذ المايده المستديره في ستينيات القرن الماضي ... حا تعرف الحاصل شنو ... عشان كدا حقك زي ما قتا تقلعو بس ...
10-28-2020, 08:50 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
اين انت يا (احمد محمد عمر ) و (ابوحسين) ياصلاح زبير ياخ انا قاعد اهدىء في عارف وقلت عفا الله عما سلف والراجل اعتذر وخلاص وندم على العملوا وتاب توبة نصوحة وان الله غفور رحيم
10-29-2020, 08:46 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: > استثنى الاتفاق قادة الحركات المسلحة من المادة 20 بالوثيقة الدستورية التي تحرم كل من شغل منصباً في السلطة الانتقالية من الترشح في الانتخابات المقبلة.
هذه واحده من ممارسات أعلى سلطة في البلد ... لن تقوم قايمه لي دستور او قانون في البلد دي لي يوم الدين ...
10-29-2020, 08:57 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: > استثنى الاتفاق قادة الحركات المسلحة من المادة 20 بالوثيقة الدستورية التي تحرم كل من شغل منصباً في السلطة الانتقالية من الترشح في الانتخابات المقبلة.
يعني تعدل دستور البلد نزولا لرغبة وادمان ه او ٦ أشخاص لكرسي السلطة ... فهم رؤساء وأمراء وسلاطين منذ أن تأسست هذه الحركات ولا مجال لإتاحة فرصة ولو مؤقته لي جيل يأتي من بعدهم ... نفس عقلية احزابنا الطائفية والعقائدية ...
10-29-2020, 01:41 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
الاتفاقيات المعقودة في الدوحة وجوبا لن توقف الحرب في دارفور او المنطقتين ... اتفاقية الدوحة المشهودة والمدعومة امميا وإقليميا وحكوميا والتي أتت بمكاسب ومكافأت لمجموعة حركات مسلحة في دارفور كما موضح أدناه سوف تقود مجموعة الحركات الموقعة عليها للتمرد مرة أخرى إذا فقدت مكتسباتها الشخصية ... اتفاقية الدوحة لم يحسب حسابها في جوبا ولم يحسب حساب الحركات التي وقعت عليها وكذلك اتفاقية نيفاشا ومكتسبات المنطقتين ... مما أضاف مكاسب جديده في جوبا وموعودين بالمزيد بعد الاتفاق مع الحلو ونور ... اتمني ان ينعم أهلنا في دارفور والمنطقتين بالسلام والأمن وسوف يكونو قدوة لبقية الأقاليم التي تمضق في القرض ...
Quote: وفي فندق كورال سابقاً الذي أصبح (حكومياً) تحت إمرة الوزيرة “مشاعر الدولب” التي بيدها أموال الضمان الاجتماعي المتنامية والزكاة.. والتأمين الصحي، حتى بدت تلك الوزارة المتواضعة المباني من مراكز الثراء والفقر معاً.. جمع د.”محمد العاجب” نائب رئيس المؤتمر الوطني، قيادات جنوب دارفور من إحدى وعشرين محلية.. ومن المركز وأحياء المدينة الثرية للإصغاء للرئيس وهو ينتهج طريقة جديدة في الحوار والجدل بشأن ما يثيره أبناء دارفور عن ضعف مشاركتهم في السلطة.. وشح نصيبهم من المال والثروة وهزال مستوى الخدمات التي تقدم إليهم.. وترك الرئيس لأبناء دارفور في السلطة الإدلاء بشهاداتهم من واقع مسؤولياتهم في الدولة والحزب.. وأمام أهلهم.. وقدم د.”فيصل حسن إبراهيم” وزير الحكم الاتحادي الذي قال إن نواب الرئيس (50%) منهم من دارفور، أما وزارة رئاسة الجمهورية وهي الوزارة الأولى (100%) يسيطر عليها أبناء دارفور، د.”فضل عبد الله” وزيراً و”الرشيد هارون” وزير دولة، أما الوزارة السيادية الثانية وهي مجلس الوزراء، فإن نصيب دارفور (50%)، حيث يتولى الأمير “أحمد سعد عمر” منصب الوزير و”أحمد فضل” وزير دولة، أما في بقية الوزارات فإن نصيب دارفور تبعاً لعدد السكان (22%)، ولكن نسبة مشاركة دارفور تصل لـ(24%)، أي بزيادة (2%)، أما وزراء الدولة فإن نسبة دارفور تصل (38%) بينما نصيبها الحقيقي (22%)، وتبلغ مشاركتها في الولايات (28%) ويتولى (5) من أبناء دارفور منصب الوالي في كل من جنوب كردفان، وكسلا، وغرب كردفان، ووسط دارفور، والنيل الأبيض، وبلغ تمثيل الأحزاب الأخرى من أبناء دارفور (38%)، بينما متوسط تمثيل الأحزاب الأخرى للحزب الحاكم لكل ولايات السودان (32%)، أما بالنسبة للتحويلات المالية القومية منسوبة لجملة إيرادات ولايات دارفور، فهي (83%) والمتوسط العام لبقية ولايات السودان (45%)، بينما تصل المصادر الإيرادية الأخرى من صناديق تنمية وإعمار إلى (106%)، بينما المتوسط حوالي (38%)، ونسبة مشاركة المرأة الدارفورية (12,5%) وبمجلس الولايات الذي يتكون من ثلاث لجان، لدارفور لجنة، والمجلس الوطني الذي يتكون من (12) لجنة فإن نصيب دارفور وحدها (3) لجان، أي النسبة تصل لـ(25%). أما عن واقع التعليم اليوم مقارنة بالعام 1989م، حينما وصلت الإنقاذ إلى السلطة، فإن عدد رياض الأطفال في دارفور كان (185) روضة واليوم (60) ألف روضة، وتلاميذ مرحلة الأساس بكل دارفور عام 1989م كان عددهم (83) ألف تلميذ وتلميذة، واليوم (1) مليون و(139) ألف تلميذ وتلميذة، أما عدد طلاب الثانويات (89) فكانوا (4) آلاف طالب وطالبة، واليوم مائة وستة وستون ألف طالب وطالبة.. وقد بلغ عدد المدارس الثانوية (534) مدرسة مقارنة بـ(18) مدرسة فقط عام 1989م، وحينما عدد د.”فيصل حسن إبراهيم” هذه الأرقام (همهمت) قاعة فندق الضمان الاجتماعي باعترافات، (والله يا جماعة نحن ما مظلومين)، ولكن جاءت شهادة “بحر إدريس أبو قردة” وزير الصحة أكثر دقة وصراحة.. و”بحر” من عتاة المتمردين في السابق.. يقول إن عدد المستشفيات في دارفور عام 1989م، كان (13) فقط، ووصلت الآن إلى (76) مستشفى، وعدد أسرة المستشفيات ارتفع من (770) سريراً إلى (3) آلاف وستمائة وأربعة وثمانين سريراً، وعدد وحدات الرعاية الصحية الأولية كانت (637)، وصلت الآن (836)، وعدد الاختصاصيين في دارفور كان (8) فقط، واليوم (94) اختصاصياً، وارتفع عدد الأطباء العموميين من (98) طبيباً إلى (353) طبيباً.. وقال “أبو قردة” إن حملهم للسلاح كان بسبب وجود قضايا حقيقية تستدعي أن يحمل الناس السلاح، ولكن الآن تم الاعتراف بتلك القضايا وإقرار معالجتها، وأهم القضايا التي دفعتنا لحمل السلاح هي المشاركة في السلطة ونقص التنمية، ثم بعد ذلك جاءت لاحقاً قضايا النازحين.. وقال “أبو قردة” يقول بعض الناس إن القرار ليس بيد أبناء دارفور، وهي حجة ضعيفة ومردود عليها إن كان هناك شخص (سجمان) غير قادر على اتخاذ القرارات فهي مشكلته هو، واستغل “بحر إدريس أبو قردة” السياسي المنبر الذي أتاحته الظروف له ليقول إن هناك أسباباً موضوعية جعلتهم يبدلون موقفهم من داعمين للإقليم لدعاة ولايات متعددة بالقول إن الحركات التي تحمل السلاح طالبت بالإقليم، لأن المركز كان مسيطراً ومستحوذاً على السلطة والموارد، ولكن اليوم نعتقد أن الأوضاع تغيرت كثيراً والمطالبة بالإقليم تعني أننا سننشئ مركزاً في الخرطوم وآخر في الفاشر.. وعدد د.”التجاني سيسي” حجم المشروعات التي نفذتها السلطة الإقليمية في دارفور وسط عاصفة من الرضا والتصفيق.. وذكر “السيسي” أنه ركز كثيراً على قضايا التعليم والصحة وبسط الأمن من خلال تشييد مراكز الشرطة التي يعول عليها في حفظ الأمن، حيث تم تشييد أكثر من (39) مركز شرطة وتأهيل مثلها وبناء (3) قاعات بالجامعات، وتم إجلاس (9) آلاف طالب بشمال دارفور و(3) آلاف طالب بغرب دارفور و(2) ألفاً بوسط دارفور، (4) آلاف شرق دارفور، وتشييد (25) مدرسة.. وحينما تحدث الرئيس لقادة دارفور بدا على نبرته الأسى وهو يقول هذا (ليس مناً ولا أذى)، ولكننا مضطرون لذكر هذه الحقائق عن التنمية في دارفور
11-03-2020, 06:46 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: د. عبدالكريم محي الدين يكتب :- بالحساب الحرب على الأبواب :- منقول بتصرف :- ما يصدر من خطابات التيارات الجهوية والقبيلية والسياسية تدعو للتصادم وتمزيق المجتمع وانهيار الدولة لأنها كيانات قامت في الأصل لانتزاع حقوق تراها مسلوبة او لاسترداد وضع أنها أحق به والشواهد علي ذلك كثيرة منها :- ١ :- مؤتمر الكنابي والذي قامت به مجموعات عرقية داخل ولاية الجزيرة ترى أنها مهمشة وهي صاحبة العطاء والإنتاج وتدعو للتصادم مع أصحاب الأراضي وانتزاع الأراضي لمصلحتهم ... ٢ :- كيانات الشمال والشرق والوسط التي ترفض حجج التهميش ورفع السلاح كحجة للحصول على مكاسب جهوية وقبيلية وإقليمية على رأسها السيطرة على حكم البلاد كما جاءت بذلك اتفاقية جوبا ... ٣ :- البيان الذي أعلنته يوم الثلاثاء الماضي كيانات سياسية ومطلبية وقبيلية برفض مسارات اتفاقية جوبا ... هذه الكيانات النوعية لها ثقلها في الموازنة السياسية ولا يمكن تجاوزها بأي حال من الأحوال وإلا التوجه نحو الحرب الأهلية ... ٤ :- معادلة الحلو ونور وكذلك القوات المسلحة المنسحبة من اتفاقية جوبا بالإضافة لي حركات اتفاقية الدوحة ورفضهم جميعا السلام عبر إتفاقية جوبا ومواصلة الحرب غرب وجنوب البلاد ... ٥ :- السلبية وفقدان الرؤيا لحكومة حمدوك وحاضنته السياسية من كافة الأحزاب دعوة صريحة بتمزيق البلد ...
11-07-2020, 03:13 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12483
حبيبنا صلاح الزبير تحياتي منذ شهر تقريباً كل قروبات منتديات النوبيين وقروبات اتحاد رابطة ابناء دنقلا معظم المشاركين في الشباب نحن نقرأ فقط وجدت أن هناك قناعة تامة بينهم بأن التطهير العرقي حتمي وخاصة في العاصمة وبعص المدن هذه قناعتهم واحساسهم بما يجري منهم من يطالب بتكوين حركات مسلحة البعض يبالغ ويطلب التدخل المصري ( هنا ينشأ اللخلاف بينهم ) طبعا الكيزان منهم هم من ينادون بالتدخل المصري لأن تعداد السكان محدود جداً وكمان عدم خبرة بالقتال .. لا أحد مهتم بالموسم الشتوي والقمح
تحياتي الحبيب صلاح ,, الله يهون على البلد
11-07-2020, 07:03 PM
نزار عبد الوهاب
نزار عبد الوهاب
تاريخ التسجيل: 05-14-2014
مجموع المشاركات: 582
Quote: التطهير العرقي حتمي وخاصة في العاصمة وبعض المدن
تحياتي علي ... ههههه منو يطهر منو ... إلا تبقى علينا حكاية جدادة الخلا وجدادة البيت ... دي تهديدات معلومه وهي بحجم أحلام زلوط يا علي ... أحيانا كثيرة لا أرى حل للمشكلة السودانية إلا بقيام حرب بين مكوناته ... خاصة المتشاكسة لإيقاف حتى مجرد التفكير في إقصاء شريكك في الوطن ...
11-09-2020, 08:36 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
١٥ نوفمبر ... عودة قيادات التمرد للخرطوم ... واكتملت التحضيرات لاستقبالهم كالأبطال ... سبقهم جوزيف لاقو ١٩٧٢ والصادق المهدي ١٩٧٧ والترابي ١٩٧٧ وكاربينو وريك مشار ١٩٩x وقرنق ٢٠٠٥ و السيسي وابوقرده وكميات من قيادات حركات دارفور ( ٢٠٠١٢ - ٢٠٠١٨) ... كل هؤلاء والكثيرين غيرهم ولغو في دم السودانيين وتسببو في قتل ونزوح وتعذيب الملايين من السودانيين ... وتم تكريمهم ومكافأتهم على ذلك ...
النعمان٩٢ ونزار ... شكرا لمروركم ...
11-10-2020, 09:02 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
الكباتن الجايين يوم ١٥ نوفمبر لو ما اتفتحت فيهم بلاغات بموجب القانون الجنائي السوداني تحت المواد أدناه فسوف تكون دعوة صريحة لإثارة الفوضى في أي جزء من السودان ... سنت القوانين لتطبق ... وإذا لم تتطبق فاليتم إلغاءها ....
Quote: الجرائم الموجهة ضد الدولة 50ـ تقويض النظام الدستوري . 51ـ إثارة الحرب ضد الدولة . 52ـ التعامل مع دولة معادية . 53ـ التجسس على البلاد . 54ـ السماح بهرب أسرى الحرب ومساعدتهم . 55ـ إفشاء واستلام المعلومات والمستندات الرسمية . 56ـ إفشاء المعلومات العسكرية . 57ـ دخول وتصوير المناطق والأعمال العسكرية .
الباب السادس الجرائم المتعلقة بالقوات النظامية 58ـ التحريض على التمرد . 59ـ التحريض على الهرب من الخدمة العسكرية وإيواء الهارب . 60ـ إستعمال الزي والشارات العسكرية والتعامل فيها. 61ـ التدريب غير المشروع . 62ـ إثارة الشعور بالتذمر بين القوات النظامية والتحريض على إرتكاب ما يخل بالنظام .
11-13-2020, 09:52 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
(الأباء المؤسسون) قبل اكتر من ٢٠٠ سنة كتبو واصدرو الدستور الأمريكي الذي تم المحافظة عليه واحترامه طوال هذه السنين بدون تعديل يذكر وعلى ضوءه صدرت العديد من القوانين التي تحكم الحياة الأمريكية ... ما صنع مجد الأمريكان هو رضوخم للدستور والقوانين ... تعالو شوفو ابواتنا في السودان ... فشلو فشل زريع في كتابت دستور وفشلو فشل زريع في الحفاظ على وتطبيق حتى القوانين الخلاها لينا المستعمر الانجليزي ... دستورنا اليوم تمت المصادقة عليه وتعديله تاني يوم ... اكتر حاجه أنا مستغرب ليها هل من حق من يحكم تدمير الدساتير والقوانين التي واجبت التطبيق؟ وفشله في تطبيقها يعني الإخلال بأهم توصيف لوظيفته وهي الإشراف على تطبيق القوانين ... عاينو لي قرار رئيس المجلس السيادي (المالك) ... هذا القرار (عطاء لمن لا يملك لمن لا يستحق) وبالتأكيد تشجيع ومساندة لكل من يريد أن يتمرد ويرفع السلاح في وجه من يحكم الآن وفي المستقبل ....
Quote: أصدر رئيس مجلس السيادة الانتقالي في السودان عبد الفتاح البرهان، الخميس، عفوا عاما "عن جميع من حمل السلاح"، وذلك قبل وصول قيادات الحركات المسلحة إلى الخرطوم الأحد المقبل. وأفادت وكالة الأنباء السودانية، أن البرهان أصدر قراراً نص بالعفو العام "عن جميع من حمل السلاح، أو شارك في أي من العمليات العسكرية أو الحربية، أو ساهم بأي فعل أو قول يتصل بالعمليات القتالية". واستثنى القرار "من صدرت بحقهم مذكرات توقيف من المحكمة الجنائية الدولية، أو من يواجهون اتهامات أو دعاوى جنائية بجريمة الإبادة الجماعية والجرائم ضد الإنسانية".
كما استثنى "من يواجهون بلاغات وأحكام متعلقة بالحق الخاص، وأحكام القصاص إلا بعد الاستيفاء". وحمل السلاح غير المرخص يستوجب عقوبة السجن تبدأ من 10 سنوات، وقد تصل إلى الإعدام أو السجن المؤبد، وفق قانون الأسلحة والذخيرة والمفرقعات لسنة 1986.
01-10-2023, 02:30 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة