|
كتب الكاتب الفاتح جبرا المتوفرة بمعرض الدوحة
|
|
 Re: تغريدة من طرمب :مجرد ايداع مبلغ تعويضات ال (Re: Nasser Amin)
|
GREAT news! New government of Sudan, which is making great progress, agreed to pay $335 MILLION to U.S. terror victims and families. Once deposited, I will lift Sudan from the State Sponsors of Terrorism list. At long last, JUSTICE for the American people and BIG step for Sudan!
| |
 
|
|
|
|
|
|
|
 Re: تغريدة من طرمب :مجرد ايداع مبلغ تعويضات ال (Re: ABUHUSSEIN)
|
غايتو بس نقول الحمد لله لكن ابدا ما لغة رئيس دولة! سبابي ضل طريقه للبيت الابيض
قال بمجرد ما يتم الايداع! ما فاضل الا يقول يجيني الاشعار في الموبايل
عموما خطوة كويسة و الجيد انه تم الفصل بين الموضوعين واعني التطبيع, مع انه ممكن تكون في اطار صفقة - من باب السترة ههههه - ان يتم التطبيع لاحقا
الباقي الحصانة السيادية ودي دايرة ليها ياسين و جكة
| |
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: HAIDER ALZAIN)
|
Quote:
و استعادة الحصانة السيادية كيف؟
|
اسر ضحايا 11 سبتمبر قالوا ليهم قبل كم
يوم عندكم قانون JASTA.
الحكومة الامريكية عارفه السودان برئ من
احداث سبتمبر.
حتى اسر الضحايا عارفين المسئولين منو؟
شغل محامين و جرجرة.
موضوع الحصانة تحصيل حاصل
مافي خوف.
الجناة مافيهم و لا سوداني و وقت حدوث الجريمة
بعد خروج بن لادن من السودان بعشرين سنة صفر
اليدين بعد ما الكيزان ملصوهو اي تعريفة و صرح بذلك
لمن قال الانقاذ خليط بين الجريمة المنظمة و شنو كدا ما عارف.
تفتكر الامريكان ما عارفين الكلام دا
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
Quote:
ياها زاتا ..... الدفع قبل ..... 😂😂😂😂😂😂😂
|
😀
ابوحسين باركها وقول خير
البلد مكتفة كتيفة شديدة
نجي للحقائق ...امريكا لها السلطة في كل
المؤسسات المالية و المانحة و حتى الدول.
عشان نعمل تنمية نحتاج لدعم
البنيات التحتية منتهية
الدول و المؤسسات و البنوك لن تخاطر في ظل العقوبات
الموضوع طويل
ونستبشر خيرا
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
Quote:
القروش قاعدة في امريكا في حساب خاص بالموضوع
ما تشيل هم
|
فى كل الاحوال مبلغ زى دا مفروض عمليه التحويل ماتاخد زمن طالما فى الغالب الكترونيه بعنى نهايه اليوم فى امريكا الصوره بتتضح او صباح بكره فى اسوء الاخوال
الخوف تكون خطوه تمويه ويكون التطبيع مازال ضمن الصفقه وشرط خمدوك من هنا (فصل التطبيع عن رفع اسم السودان من قائمه الارهاب) وتغريده ترامب من هناك وفى النهايه التطبيع يظهر فى الصوره قبل نهايه الاسبوع ونحنا نسمع تصريحات وماف زول حيشوف وصل تحويل عشان يتاكد
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
يا ناصر
تحياتي
موضوع القروش دا مفروغ منو
لكن زي ما قال ود البشرى
موضوع الحصانة السيادية دا يحلوه كيف؟
و ما تقول لي الضحايا قالوا السودان برئ
عاااادي ممكن يجرجروها ...
طالما انو السودان دفع ... اكيد ح يدفع تاني ...
ترمبة لو كان جاد كان ذكر في تغريدتو انو السودان يدفع ح نفعل قانون حماية السودان من الملاحقة و نرفع اسم السودان من القائمة
كدة يكون ترمبة ما قصّر
و بنقول بالفم المليان عاش ترامبو بنقيف مع اخونا عبد الله عبد الله بالانجليزي
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Gafar Bashir)
|
القرار و توقيته أقوى دعم لحمدوك و الحكومة الانتقالية قبل 21 اكتوبر, كتار اتوقع ما يفرحوا خاصة اصحاب الاجندات الكانوا قافلين على اليوم دا
اللايفات الليلة حتكون حزينة وبتعزف على وتر يجيبوها من وين و الدولار و بتاع
_________________________________________________
قنينيط الكونيكا ابجضوم زاتو الليلة من الزعل ما بنوم 
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: محمد البشرى الخضر)
|
Quote:
يا ناصر
تحياتي
موضوع القروش دا مفروغ منو
لكن زي ما قال ود البشرى
موضوع الحصانة السيادية دا يحلوه كيف؟
و ما تقول لي الضحايا قالوا السودان برئ
عاااادي ممكن يجرجروها ...
طالما انو السودان دفع ... اكيد ح يدفع تاني ...
ترمبة لو كان جاد كان ذكر في تغريدتو انو السودان يدفع ح نفعل قانون حماية السودان من الملاحقة و نرفع اسم السودان من القائمة
كدة يكون ترمبة ما قصّر
و بنقول بالفم المليان عاش ترامبو بنقيف مع اخونا عبد الله عبد الله بالانجليزي
|
سلامات يا عمدة
الوقت وقت انتخابات بالنسبة لترامب
التفاصيل مضرة بالنسبة ليهو.
ناسنا ما ممكن يدفعوا بدون ضمانات
لانو دا كان من اهم شروطهم.
بس ما ممكن يذكر هذا في تغريدة لحساسية
التوقيت و خاصة التنافس الرهيب في حصد
الاصوات الانتخابية
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
هههه القنينيط وكتار محروقين عايزين يعملوا موضوع قال السودان اتنازل و دا شرك ومش عارف ايه
كمية من السذاجة و العبط وفقدان المنطق و التبخيس مبالغة في القروبات, بالله زي الشلبوها راجلها
لا وواحدين شنو كمان عاملين فيها متعاطفين مع ضحايا سبتمبر قال اصلو الكونغرس ما مفروض يقبل تمرير قانون الحصانة!
بالله شوف كمية الحقد و السواد
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: اخلاص عبدالرحمن المشرف)
|
Quote:
كمية من السذاجة و العبط وفقدان المنطق و التبخيس مبالغة في القروبات, بالله زي الشلبوها راجلها
لا وواحدين شنو كمان عاملين فيها متعاطفين مع ضحايا سبتمبر قال اصلو الكونغرس ما مفروض يقبل تمرير قانون الحصانة!
بالله شوف كمية الحقد و السوا
|
انا ذاتي مستغرب و الله ...واحد متعلم يقول
ليك ما محتاجين لحاجة زي دي نحنا عندنا...و...
بالفهم البسيط عايز تعمل قروش لازم تصرف قروش
داير تعمل تنمية او تشجيع استثمار ايا كان لازم
تصرف قروش على البنيات التحتية و لازم تكون حر
في اختيار الاسواق و لازم تلتزم بالمقاييس الدولية
لمنتجاتك...
عايزين عشان ننهض طرق قومية جيدة و سائل نقل
مواعين تخزين ،الموانئ يجب أن تكون بمستوى ليس
لخدمة السودان بل الجيران والذين ليس لديهم اطلالات
على البحار وننشئ مناطق حرة لهم.
نحتاج للخبرات في استخراج خيرات البلاد من معادن
و بترول ، نحتاج لتقنيات زراعية متطورة
نحتاج لتعظيم صادراتنا الزراعية و الحيوانية و غيرها
الكلام دا كلو عايز تمويل و التمويل في المؤسسات
المالية الدولية (و التي رغم ما يقال عنها) لكنها افضل
من القروض و المنح و حتى الهبات من بعض الدول
والتي لها ثمن سياسي يجب أن بدفع.
عندما نهيئ ملعب الاستثمار ، يمكن أن تأتي كبريات
الشركات (الامريكية و الاوربية و الاسيوية) بدون الخوف
من التعامل مع دولة مارقة.
*الاتحاد الاوربي أعلن بأن رفع اسم السودان
من القائمة بأنه إقرار بالتغيبر في السودان
المعنى ترسيخ و حماية المدنية
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
| Quote: ياها زاتا ..... الدفع قبل ..... |
😜😜😜😜😜
أخير من (خمسه نقط) الكيزان ...
شن جاب الفازلين لي الرمله ...
مبروووووك لهذا الشعب الصابر...
حان لحمدوك أن يدلدل كرعيهو فوق رقابنا
إن شاء الله ١٠ سنة رحمتن بنا من بغاث
طير الأحزاب التي سوف تقتل فرحة هذا
الوطن بعد كل إنتخابات ...
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Salah Zubeir)
|
اهداء لقنينيط الكونيكا و لكل محرووووق يرووووق :) مقال هشام عباس
Quote: ثلاث انواع من البشر ما قادر افهمهم والله لاني لم اتخيل ابداً ان هناك بشر بيننا بهذه العقلية :
النوع الاول : الزعلانين من قرار رفع السودان من قائمة الارهاب وبيظهروا حقد غريب على فرحة الشعب السوداني ،، هل انتم سودانيون حقاً ؟؟ لا اظن ان هناك انسان طبيعي لديه ذرة من ضمير او وطنية يزعل او لا يفرح بازاحة هم دفعنا ثمنه دمار وانهيار للبلد طوال سنين كان يمكن لوضعنا ان يكون مختلفاً ... يا اخي اختلف سياسياً عارض الحكومة تظاهر لاسقاطها لكن هذا القرار مصلحة وطنية لا علاقة لها بخلافاتنا سيستفيد منه الوطن بمعارضيه ومؤيديه وهذا جهد كبير لمختلف مكونات السودانيين لا تحسب لحمدوك او غيره رغم جهده واصراره .
النوع الثاني :
اللي بيحاول تبخيس القرار وفرحة الشعب باساليب هو لا يعلم انها تفضح غباءه ،، مثل الذي يقول لماذا لا نستفيد من ال335 مليون دولار بدلاً من دفعها للضحايا !!! هل هناك غباء لهذه الدرجة التى تساوى بين قرار فوائده مستقبل وطن وفتح حقيقي ب335 مليون ؟؟ يا اخي لابد ان تفهم ان الخسائر التى ترتبت وستترب لو استمر هذا القرار تفوق مليارات الدولارات وتعطل مصالح عليا لا تقدر بثمن فلا تكن جاهلاً .
او الذي يقول هل رفع القرار سينهي صفوف البنزين وازمة الخبز ،، لا يا ذكي اخواتك ازمتنا الاقتصادية لها اسباب والمؤكد لن تحل بين يوم وليلة لكن يجب ان تفهم ان رفعك من القائمة اهم خطوة في هذا الاتجاه لان هذا القرار بمثابة باب غرفة مغلقة عليك وانت داخلها ،، رفعك من القائمة بمثابة فتح هذا الباب وبعدها مسؤوليتك انت واجتهادك انت في تغيير وضعك اي ان الامر اصبح بيدك لا بيد غيرك .
النوع الثالث :
دا نوع مضحك جداً ،، منذ صدور القرار لافي في كل مواقع التواصل ويكتب ( هذا القرار لن يجبرنا على التراجع ،، مليونية 21 اكتوبر قائمة ،، تسقط تالت ) ،، احساس جميل جداً وانت شانق سفة وواقف شماعة في ركشة وتعتقد ان الرئيس الامريكي اصدر القرار خوفاً من مليونيتك المزعومة ،، يا اخوى والله ترامب ما يعرف موقع السودان في الخريطة دعك من ان يهتم لمليونيتك ،، ابقى مارق يا اخوى وان شاء الله تسقطها عاشر الناس شغالة للبلد ومستقبل البلد ليس خوفاً من مليونية ويوم تسقطها ان شاء الله وتحكم انت هذا القرار سيكون في صالحك اكثر لانه قطع لك مشوار طويل من التفاوض والتقاضي والدوبلماسية والاموال ،،
تحس البلد دي الكيزان رشو فيها مبيد غباء قبل ان يسقطوا .
اعوذ بالله منهم
هشام عباس |
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: Nasser Amin)
|
Quote: بى مناسبة الرملة دى
اهم حاجة فى الخطاب انو كشح رملة فى وش سيدك حميدتى
القال قروش التعويضات لميناها من السوق الاسود
محمّلا حكومة .... حمطوك .... مسئولية رفع الدولار
بالله فى اخبث من كده |
هاك الخباثه دي :-
حمدوك قال دفعنا ال ٣٣٥ مليون دولار من
مواردنا الذاتية ...
أوع تقول لي من الصندوق السيادي بتاع البلد ...
كمال كرار دا بافلوف زيك ...
Quote: تسببت المشتريات الحكومية الضخمة للدولار من السوق الموازي في حدوث انفلات كبير في أسعاره والتي تجاوزت خانة 260 جنيها سودانياً مقابل العملة الأميركية.
وتحاول أطراف في الحكومة الانتقالية التستر على دخولها السوق بغرض توفير احتياجاتها من الدولار، ويتضح ذلك من البيان الذي أصدرته وزيرة المالية والتخطيط الاقتصادي، هبة أحمد علي، والذي بررت فيه تراجع الجنيه بوجود محاولات تخريبية متعمدة للاقتصاد عبر شراء وبيع الدولار والذهب. إلا أن نائب رئيس مجلس السيادة الانتقالي، ورئيس اللجنة الاقتصادية العليا، محمد حمدان دقلو “حميدتي”، أكد في لقاء تلفزيوني مؤخرا، أن تدبير الحكومة لأموال التعويضات للأميركيين بالشراء من السوق الموازي، هو ما أسهم بشكل كبير في رفع أسعار الدولار مؤخرا.
وقال إن “شراء الحكومة لأموال تعويضات أسر ضحايا تفجير السفارتين والمدمرة كول والبالغة 330 مليون دولار كان له أثر كبير في رفع أسعار الدولار في السودان”. وأضاف حميدتي: “تجهيز المبالغ كان له الأثر الكبير جداً في رفع الدولار في السودان”.
وعضدت تصريحات تجار العملة في الخرطوم ما ذكره حميدتي، مشيرين لـ”العربي الجديد” إلى أن الإقبال المحموم على الدولار من الأسواق كان وراءه تجار وسماسرة محددون يشترون لصالح الحكومة وبمبالغ كبيرة طيلة الأشهر الماضية.
وقال أحد التجار، الذي رفض ذكر اسمه، لـ”العربي الجديد” إن قبائل معينة نشطت في شراء الدولار للحكومة وقد تمكنت خلال فترة وجيزة من شراء مبالغ كبيرة، مما قفز بأسعاره لمستويات قياسية إلى 260 جنيها.
ويأتي ذلك في الوقت الذي يبلغ فيه السعر الرسمي للدولار 55 جنيها. ولم يستبعد أن “يكون وراء هذا الهلع الشرائي سداد التزامات ضحايا المدمرة كول وتفجير السفارتين”.
وأشار عضو اللجنة الاقتصادية لقوى الحرية والتغيير الحاضنة السياسية للحكومة الانتقالية، كمال كرار، لـ”العربي الجديد” إلى أن الحكومة هي السبب فعليا في زيادة أسعار الدولار بالسوق الموازي رغم نفيها المتكرر ذلك، مستشهدا على ذلك بمحفظة السلع الاستراتيجية التي تنفذها الحكومة برأسمال 2.4 مليار دولار بشراكة بين القطاع العام والخاص، جازماً بتوفيرها هذا المبلغ من السوق الموازي، لأنها لا تملك موارد بالنقد الأجنبي ولا حتى تحويلات بالقدر المطلوب من المغتربين لمقابلة برنامج المحفظة.
ولم يستبعد كرار توفير مبالغ التعويضات الأميركية من السوق نفسه، ما يمثل اعترافا ضمنيا من الحكومة بالسوق الموازي رغم عدم شرعيته، وبدلا من السيطرة عليه ومنع الطفيليين من التلاعب بالأسعار ونشر المضاربات، تحفزه بالشراء منه.
ودعا كرار الحكومة إلى اتباع سياسات لضبط وترشيد الطلب على النقد الأجنبي والاستفادة من عائدات حصائل الصادر من السلع الاستراتيجية كالذهب والمحاصيل النقدية وإحكام وسد منافذ الاتجار في العملة.
وقال مصدر مصرفي لـ”العربي الجديد” إن المشكلة الحقيقية في انفلات الدولار بالسوق الموازي هي الحكومة، عبر شرائها المباشر له وسياساتها الاقتصادية التي تقود لنتائج سالبة.
ولفت المصدر، الذي رفض ذكر اسمه، إلى أن تصريحات وزارة الطاقة والتعدين الأخيرة، بأن قرارا سيصدر من مجلس مجلس الوزراء ووزراة المالية في الأيام القادمة بفتح باب استيراد الوقود للقطاع الخاص، سيتسبب في هجمة كبرى من قبل الموردين لجمع أكبر قدر من الدولار من السوق الموازي لتغطية تكلفة الاستيراد، ما سيؤدي إلى مزيد من التهاوي للجنيه.
الخرطوم – هالة حمزة
العربي الجديد |
| |
|
|
|
|
|
|
|
|
|
Re: تغريدة من طرمب :مجرد ايداع مبلغ تعويضات ال (Re: علي عبدالوهاب عثمان)
|
Quote: د.علي الكوباني
انواع (كيزان الطلس) بعد التغريدة والتوريدة:
- كوز قبيلة قريش: لقد صبأتم عن دينكم ودفعتم الجزية للكفار..ورجغ ورجغ.. ورجغ..شوفوا رجالة ناس طالبان🙈 خسئم ايها القحاته وبئس ما فعلتم😡😅
ـ الكوز خبير الكونغرس الامريكي : دولاراتكم راحت ساكت..بناء على المادة 28..😢 ترمب حيخاطب الكونغرس وديل ما حيوافقوا..غاغ غاغ غاغ.. (شت يا مان) كان القروش دي تشتروا بيها عيش ولا بنزين🤪😅
ـ الكوز العندو (قحتوفوبيا): ساقوكم بالخلا..ولييه واشمعنا ترمب يغرد يوم 20 اكتوبر..أكيد عايز يفشل مليونية 21 اكتوبر واي واي واي..😰اسم السودان ما بترفع ..حمدوك بتاع المزرعة كضاااب😭😂
# ياااخ افرحوا لبلدكم شوية كده..وبعدها ارجعوا لقرفكم..بِسس😏
# ترمب فهم لأي وهم..وبايدن كلبة ميتة🙊🙈😂 |
قنينيط الكونيكا افتكر نمرة اتنين زابطة معاه
| |
|
|
|
|
|
|
| |
Nasser Amin
محمد البشرى الخضر
عمار عبدالله عبدالرحمن
HAIDER ALZAIN
Asim Ali
ABUHUSSEIN
Salah Zubeir
جلالدونا
علي عبدالوهاب عثمان
فيس بوك
تويتر
انستقرام
يوتيوب
بنتيريست