ندعو الله أن يُنعم بالصحةِ والعافيةِ على الرئيس ترامب وأن يشفيه وكل دعمنا للحزب الجمهورى لمواصلةِ الحملةِ الإنتخابيةِ To make America great again start=73" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen>
Quote: غايتو لو ما شلت عمودك ودقشت ولتر ريد تكون قصرت يا مولانا
شكراً أخى العزيز منتصر على المشاركه يا ريت لو بدونا فرصه بحكاية العمود دى لجهزت المدام عمود كارب بوجبه سودانيه لرئيسنا ترامب. رغم عدم سماح سلطات مستشفى والتر ريد فى باتسته بميريلاند بس ما عنده مانع نقيف خارج سور المستشفى مع أحبابنا نديل ونلوح بأعلامنا .
10-03-2020, 10:42 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
الرئيس ترامب من داخل المستشفى يعبر لمناصريه ومؤيديه - ممن يسطفون حول أسوار المستشفى - يعبر لهم عن حب محلى بحلاوة طعم الشوكلاته . أخى العزيز منتصر وَعِرِق المحبه فى حلاوة شوكلاتة الرئيس ترامب .
10-04-2020, 03:13 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: يا بريمة رسل لي مولانا بخسة لبن رايب يوديها لي ترمب لانه كان شال مبخره والقرض بودوه غوانتانمو بقولوا جايب الجمرة الخبيثة
زمان يا منتصر، كنا طلبة، وكنا ذاهبين محاضرة في جامعة جورج واشنطن .. وهى في وسط منطقة واشنطن دي سي .. وكان معي هنود ومن بينهم هندي مسلم لابس طاقية طويلة زي الطربوش .. وأنا لابس طاقية سودانية وهندي سيخ لابس تربان كبير .. وكان يوم جمعة.
وأنا السواق، لاحظت العربات تقلل السرعة تفسح لعربات أشبه بالليموزين كتيرة ماشة وراء بعض في الشارع .. ولضيق الوقت لم أقلل السرعة وسرت وسطهم .. أخرج رجل ابيض راسه .. وقال لي قلل السرعة .. قلت له أنت مينو؟ الهنود قالوا لينا طلعوا الطواقي .. طلعوا الطواقي!! طلعنا الطواقي .. وحتى الهندي السيخ طلع الطاقية التيربان!! أها رجولي بردوا .. العربية بقت تزحف زحف ..!
مولانا لو مشي متحاوم بمستشفي والتر رييد .. إلا تخرجه الأوراد من غونتانمو ..
بريمة
10-05-2020, 10:23 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: منتصر، العمود لا ينفع، بخرة القرض .. أهم وأنجع ..
مولانا الحبيب عبد الله ما فضل ليك إلا تلبس الطاقية الحمراء ..
بريمة
تحياتى أحبابى منتصر وبريمه ثلاث شدرات ليهم معزَّه عند أهلنا ناس أم ضواًبان شدرة السُنُط وشدرة الحراز وشدرة السِدِر . الحراز بعملوا منه لوح الفقراء لتحفيظ القرءآن فى المسيد , , السدر هو شدر النبق يعملوا منه العناقريب والبنابر وبعملوا منه الفلكاب لعرش البيوت والرواكيب أما السنط فهو شجر القرض دواء المرض . ليت ناس ولتر ريد يسمحوا لينا نبخر الرئيس ترامب بالقرض الجبناهو من مسيد أم ضواً بان . وببركة أبونا ود بدر بخره واحده تكون ليهو الكمده بالرمده من الكرونا .
10-05-2020, 10:47 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABDALLAH ABDALLAH
Abureesh
Biraima M Adam
فيس بوك
تويتر
انستقرام
يوتيوب
بنتيريست