اولا.. ما عندي ااااي مانع ترفع اعلام الدول الثلاثة دي في رئاسة مجلس الوزراء والمجلس السيادي والتشريعي كمان لووووو تم قيامه. ونصحي كل صباح نحي الملوك ومصر المحروسة ويضاف ليهم علم اسرائيل كمان في عملتنا اذا ارادوا في تكامل اقتصادي (بس) يخدم المواطن السوداني اولا ويخفف عنه اعباء معيشته ويعيد ليه كرامته بعد سنوات المذلة والشتات غربة وضياع. اما قصة الانحناء دي عشان (يكفلوا) كل السودان وبقروشنا ومواردنا ذهب وثروة حيوانية ومياه فلا والف لاااااا. معقولة بس!!
09-25-2020, 05:21 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
العسكر من زمن البشير عمالتهم وااااااضحة يبيعوا في السودانين للمحرقة اليمنية والليبية. ما داسنها ولا ح يدسوها وبلا خجل. اراضينا محتلة ونحمي اراضي الرسول تقول الفشقة وحلايب بوذيات.. دا ما موضوعنا..
09-25-2020, 05:25 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
البرهان للامارات للتطبيع مع اسرائيل ومقابلة الوفد الامريكي في (دبي) ليييييييه؟ الخرطوم مالها؟ معاه كم وزير كمان عشان العسكر ما يقولوا عملناها برانا.. هل الامارات بقت وصية علينا حتي علي (حكومة الدلوكة) يوافق علي تطبيع بعد كضبة (عدم التفويض) من الشارع وموقف الحكومة الواااااضح؟!!!! مكتب حمدوك قالوا فيه كاميرات وسماعات عشان كدا القرارات المصيرية بتم بررررررة. جيبوتي ماااالها ما يمشوا هناك مش علاقاتنا معاها كويسة وحمدوك (همسيلف) زارها؟!!
09-25-2020, 05:28 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
اما احتفالية حكومتنا كووووووولها بالعيد الوطني السعودي كوم براااه. معقولة وصل بينا الانحطاط والانحناء للدرجة دي؟؟ سيادة ماااافي؟! السودان كوووولو مفروض يحتفل بالعيد الوطني للملكة والامارات والكويت وكل دول الخليج وحتي مورتانيا كمان. لكن التخصيص وبالصورة دي معيييييب.
09-25-2020, 05:49 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
علاء كيفك.. انا زاااااتي عاوزك.. الصباح ح اجيك الباقي لو ربنا مدّ في العمر ومتعنا بالعافية.. مصر منعوها مليارات بس منحوها الحديقة الخلفية.. أتصبر بالتغريدة دي لحدي بكرة هههههه.
09-25-2020, 05:52 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
سفير خادم الحرمين في الخرطوم بمثابة حكومة سعودية داخل المكونين العسكري والمدني. لقاءاته في بيته بالوزراء (مدني وزير التجارة مثالا) ووالنائب العام في مكتبه. النائب العام لييييييييييييه؟متين سفير يبحث اوجه التعاون النيابي والقضاء؟؟ معقولة يا دلاليك.. وهنا سعادة السفير الاماراتي.وساطة لحميدتي وجنجويده ياربي في فض الاعتصام
ترهاقا ازيك.. ابلة ظاظا زاااااتها بقت ساكانا وجارية وراء ثروتنا الحيوانية والزراعية بعد وقف المعونة الامريكية المليارية. ويجي يقولوا ليك ماااا تخون وينخسوا في اسنانهم.. هسي زي دا لا في زول سأله ام يستطيعوا سؤاله.
09-25-2020, 02:21 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
المصريين طبعا بعد قروش (الالفة) في المنطقة انتهت والضرع جف قاموا طواااالي علي الحديقة الخلفية بتاعتهم. البواخر المصرية كانت سبب في نفوق الكثير من الماشية المصدرة للخليج حتي يضطر المصدر السوداني بيعها لمصر اولا (الكفيل الجديد) عشان يتم تصديرها للخليج. شركات الجيش ما كانت مقصرة وهسي جونا عدييييييل (يقلعوها) بأسم التكامل الزراعي والصناعي والحيواني.! معقولة بس؟؟
09-25-2020, 02:33 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الواقف وراء عدم رفع العقوبات الاقتصادية علي السودان لم يكن ضحايا سبتمبر ولا بيرل هاربر ولا الحرب الفيتنامية انما ثلاثي اضواء المسرح ديل. حمدوك مسكوه ملف رفع العقوبات (ضنب الككو) واخيرا جابوه (بالبرهان) من( دبي). قال ماعندنا تفويض قبل كم يوم لكن الليلة بقي عندنا (نزل مع وحي يممممكن). السودان بالنسبة ليهم بلد العبيد والذهب والحيوانات. شراكة قائمة علي العمالة خيانة لاجيال تأتي ومصادرة لسيادة وطن. الله يرحمك يا وردي (ماك هوين سهل قيادك).. الليلة ديل لا اولادك لا بشبهوا ثورتك ولا بشبهوك.. تبا للجبناء بكل لغات الارض.
09-25-2020, 04:29 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
هنا فى هذا البوست تجد انقلاب فى المواقف المصرية تجاه الامارات والسعودية والخليج وحتى اسرائيل .
وبالاضافة الى ماورد فى البوست البوست ادناه ايضاً من صور تبدل المواقف :
- الآن الصورة تبدلت فى مصر حيث هناك ثورة ضد نظام السيسى ويقينى الراسخ غير المتزحزح سيذهب السيسى اليوم او غداً وسيخلفه غيره وسيكون من اولويات النظام الجديد :
- اعادة تيران وصنافير من السعودية لان هذا من المطالب الشعبية الواسع فى هذه الثورة - اعادة النظر فى المحور المصرى الاماراتى السعودى لان النظام الجديد حتماً لن يستمر فى ذات النهج السيسوى . - اعادة النظر فى السياسة المصرية بصفة عامة سواءاً كانت داخلية او خارجية للخروج من العزلة التى فيها الدولة المصرية وخاصة السياسة الخارجية التى فقدت بريقها بفعل الصراعات الداخلية مع الاخوان وكما هو معروف فى عالم السياسة فان السياسة الداخلية لاى دولة فى العالم تؤثر سلباً وايجاباً فى السياسة الخارجية . وخاصة فى حال سوء الاحوال الداخلية فانها تؤدى الى ضعف الدولة وسياستها الداخلية والخارجية على حد سواء . وبالنسبة لمصر فان تردى الاحوال الاقتصادية وتردى الاحوال الداخلية اضعفت الدور المحورى الاقليمى لمصر على المستويين الاقليمى والدولى حيث فقدت دورها فى سوريا والعراق واليمن والصومال ومناطق اخرى .
ودوام الحال من المحال .
مصر كانت تقتات على مكانتها الاقليمية : مع السلامة للدور المصري فى المنطقة بعد سنوات طويلة : اغتس هنا
10-07-2020, 03:16 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
شيك التطبيع مع اسرائيل لا يكفي مرتبات حكومة الفاشل حمدوك المترهلة. حولااا.. لن تسمح دول الحكم الثلاثي باي استقلالية اقتصادية و بالتالي سياسية ومن ثم عسكرية للسودان. كل المعيقات في طريق التنمية الحقيقية يقف وراءها ثلاثي اضواء الشر. بات من الواضح جدا التابعية العمياء والكفالة الفاضحة والاستغلالية السافرة تمارس في وضح نهار شمس الوطن الحارقة جوف وجباه شعبه من حكومة وضع عليها كل اماله ومستقبل شبابه وبنيه. الخيانة في ابهي صورها اتمثلت في تصريح سفير دولة الامارات بواشنطون اشار فيه الي عدم ممانعة السودان بالتوقيع وتاخيره لعدم الجاهزية.. تقرأ (الاتفاق علي قيمة الصفقة). وزارة خارجيتنا ينعق فيها بوم الشوم.
10-07-2020, 03:23 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
اعادة اكثر من باخرة محملة بالمواشئ (فطايس) من المملكة السعودية لم يحرك (زرارة) في قميص وزير التجارة وكمان الصناعة!! البواخر المصرية ومتعهدي توصيل المواشئ في توافق تام علي تخريب سمعة المصدر السوداني حتي يتثني ليهم اما تهريبها للمحروسة وبالطبع مصادرتها قبل تصديرها جاااهزة للمستهلك السعودي او شرائها باثمان اقل لمصدر مصري لتوريدها في البطون الخليجية.. شعب عجيب نحن يااااخ.
10-07-2020, 03:51 AM
adil amin adil amin
تاريخ التسجيل: 08-01-2002
مجموع المشاركات: 36967
الدول الناهبة للسودان زحت اللبشير بي الثورة المزيفة دي وجابت الانقاذ 2 لتحرس مصالحا في السودان وعفنة السعودية والامارات ومصر وقطر وتركيا طافة في كل مكان والشعب المزكوم ما قادر يشمها من الاساس قحت والمجلس العسكري جزء من هذه الخساسة السياسية المزمنة في السودان بعد الاستقلال وحثالات ودرويلات وخدم للدول الناهبة للسودان ولا استثني احدا وايضا ملشيات الجنجويد كابوس السودان القادم وهسة دي 64 مليار دولار نقلا المدنية والاندبدنت نزلتها مليون مرة ورسلتها في توتير البعثيين والشيوعيين والناصريين القاعدين في راسنا والوزالرات الهلامية دي https://top4top.io/ ولي المؤتمر الاقتصادي والشكلوتة وزيرة المالية دي كمان برضه ولا حياء لمن تنادي
القروش دي بعرف محلها عوض الجاز وجريدة المدينة والانتبندنت ودي اهمية الاعلام الحر لو ما رجعت بنك السودان ولو اتفضحت في اعلام قحت الخايس ده حيلحق عوض الجاز امات طه ذى وزير النفط الليبي وتشيلا امريكا بي قانون جستا من اي بنك قاعدة فيه السودانيين الشرفا في السعودية يتحصلو علي العدد ده من المدينة ضروري لحدي تجي ثورة حقيقية تنظف السودان فعلا والمحكمة الدستورية ذى ماليزيا والبلدوزر مهاتير برجعو المال المنهوب ان شاء الله وتاني بكرر اذا عايزين ثورة حقيقية فعلا والشعب السوداني العظيم يتحرر من كابوسه الجباتو بيه الحالثة المنبتة في المركز ومقاطيع الهامش قبل يمشي الجمل بما حمل يتجتوز الرموز المزيفة الساقطة والقبيحة دي بي برنامج واضح الولولة بس ما بتنفع مش القصة سيادة وكرامة نرفع علم الاستقلال الاصلي في كل بيوت السودان وفي كل السودان وبي راي واضح ما فاضح مرجعية رسالة الاسطورة ابراهيم منعم منصور الحر 2- تفعيل المحكمة الدستورية ودستور 2005 ودستور 1973 وقوانين 1974 وهيكلة السودان باسس جديدة 3- تفعيل قانون الجنسية واسقاط الرقم الوطني وخاصة ان القردة بدت تلهو في السوق في الاقليم الشرقي وقتلو ضابط مسكين ادوات الامارات الرخيصة 4- اعادة الجنود من اليمن وليبيا وحملة توتيتر جبارة في الاسافير في كل العالم ودي مسؤلية السودانيين في الخارج وخروج تضمانا مع الشعب اليمني فقط في كل العالم 5- اعادة الاقاليم والانتخابات حاكم اقليم +برلمان اقليم 6- تفعيل الحريات الاربعة مع دولة جنوب السودان والنفط مقابل الغذاء دي كده الثورة الحقيقة مش امرق الشارع ااموت فطيس وانا انعق بي خلو السيدة وشيلو حرم من هسة كل زول يشارك في ثورة الوعي والبصيرة مش يتفرج ويولول علم الاستقلال في كل السودان وعالم مايو ده خلو للخدم ديل عشان يعرفو الفرق بيهم وبين جيل الاستقلال الذهبي العزيز
تعجبني عنوانيك يا معثصم ادريس دائما وكمان التوثيق الجيد والبداية ساهلة بعد سنة قد اعذر من انذر ثورة السودان والسودانيين الحقيقية الراقية ما بدت لسه سفهاء ترامب ديل بسقطو مع ترامب https://top4top.io/ وناس الليدي غاغا ديل بقعدو ام فكو قدام الشعب السوداني والبديل جاهز
10-07-2020, 04:12 AM
ترهاقا ترهاقا
تاريخ التسجيل: 07-04-2003
مجموع المشاركات: 8422
Quote: 1- نرفع علم الاستقلال الاصلي في كل بيوت السودان وفي كل السودان وبي راي واضح ما فاضح مرجعية رسالة الاسطورة ابراهيم منعم منصور الحر 2- تفعيل المحكمة الدستورية ودستور 2005 ودستور 1973 وقوانين 1974 وهيكلة السودان باسس جديدة 3- تفعيل قانون الجنسية واسقاط الرقم الوطني وخاصة ان القردة بدت تلهو في السوق في الاقليم الشرقي وقتلو ضابط مسكين ادوات الامارات الرخيصة 4- اعادة الجنود من اليمن وليبيا وحملة توتيتر جبارة في الاسافير في كل العالم ودي مسؤلية السودانيين في الخارج وخروج تضمانا مع الشعب اليمني فقط في كل العالم 5- اعادة الاقاليم والانتخابات حاكم اقليم +برلمان اقليم 6- تفعيل الحريات الاربعة مع دولة جنوب السودان والنفط مقابل الغذاء دي كده الثورة الحقيقة مش امرق الشارع ااموت فطيس وانا انعق بي خلو السيدة وشيلو حرم من هسة كل زول يشارك في ثورة الوعي والبصيرة مش يتفرج ويولول علم الاستقلال في كل السودان وعالم مايو ده خلو للخدم ديل عشان يعرفو الفرق بيهم وبين جيل الاستقلال الذهبي العزيز
الرنامج واضح ما فاضح من (1) لحدي (6) تاني ما بنمشط الانقاذ بي قملا https://top4top.io/
10-10-2020, 05:16 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: تعجبني عنوانيك يا معثصم ادريس دائما وكمان التوثيق الجيد والبداية ساهلة بعد سنة قد اعذر من انذر ثورة السودان والسودانيين الحقيقية الراقية ما بدت لسه سفهاء ترامب ديل بسقطو مع ترامب
في اعتقادي كان لازم نمر بالمرحلة دي بكل تعقيداتها عشان تنكشف حقيقة وجوه في المكون المدني همها الاول مصالحها وعشان اجيال البشير تتعرف عن كثب عليهم حركات مسلحة كانوا او احزاب مهترئة. شوط الثورة الثاني قد يتأخر لكن حتما ملعوب. المشكلة يا عادل هنا في واشنطن هي لوبيات الضغط علي صناع القرار الامريكي. اللوبيات العربية حتما حتواصل تلعب لصالح ورقها سواء كان ترامب او غيره ساكن للبيت الابيض. شاكر علي المرور والاثراء وتقديري الكبير للاطراء.
10-10-2020, 05:27 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: أيه الغالبنا إنو نقفل سفارات دول محور الشر وننتبه إنو دييل وجودهم ما في مصلحتنا ؟
لانه (الحفلة) المنورة دي مدورة من دبي والرياض.. لما تم مؤتمر اصدقاء السودان اللي قااالوا قامت بيه (مكلفتة) المالية د. هبة جنجويد واتشال بعده طيب الذكر الدكتور البدوي اعلنت السعودية والامارات تبرعهم بمبلغ سبعين مليون بس!! والناس كانت مستغربة كييف اصحابنا الجد دافعين اقل ناس في الكشف واتناسوا انه الاصحاب ديل بدفعوا لكل من حج او (اعتمر) عندهم من ناسنا هههههه. العمالة يا ترهاقا والخيانة ياااخ.
10-10-2020, 05:35 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: يا معتصم معظم القحاتة ما عندهم مانع ينبطحوا! بس في الظلام! او المُخرج يجيب للمشاهد(الغلبان) صورة البرهان! العلمانية اخي الكريم هي السبب الرئيس! والله صحي!
الباقي دُمي وعرائيس في مسرح العلمانية الكبير!
طبعن ما في علماني بقدر يهوب ناحيتي! والله صحي! إما لجهله بها او لأني سأكشف لهم محاولته ستر جثتها ودفن عفنتها وإخفاء رائحتها! ______ الهوم ورك: 1/ في ياتو شرعة وبي ياتو دين تتم محاكمة شخص بجريرة عدوه؟ ههههههههههههههههههههههههههههههه
الفوق دي اول رمية فى الصاج الحااار المولع نار!
ابدا ما ح اختلف معاك الراس للبرهان وباقي الجسد هم قوي الحرية وقلبهم النابض (ميت) حمدوك. كمل جميلك يااخ وقولينا منتظرين توضح مافي المقتبس دا.
10-10-2020, 12:12 PM
adil amin adil amin
تاريخ التسجيل: 08-01-2002
مجموع المشاركات: 36967
Quote: لانه (الحفلة) المنورة دي مدورة من دبي والرياض.. لما تم مؤتمر اصدقاء السودان اللي قااالوا قامت بيه (مكلفتة) المالية د. هبة جنجويد واتشال بعده طيب الذكر الدكتور البدوي اعلنت السعودية والامارات تبرعهم بمبلغ سبعين مليون بس!! والناس كانت مستغربة كييف اصحابنا الجد دافعين اقل ناس في الكشف واتناسوا انه الاصحاب ديل بدفعوا لكل من حج او (اعتمر) عندهم من ناسنا هههههه. العمالة يا ترهاقا والخيانة ياااخ.
السودان دولة مفقرة ومنهوبة الموراد والذهب المهرب ده ممكن يخلي الجنيه السوداني 100 دولار لو وضع في بنك السودان فعلا ناس قحت ديل ومعاهم جنرالات هم نفسهم الناس الدمرو السودان بي المشاريع المصرية والانقلابات ولعق احذية المصريين وعربان الخليج واذا شعب ما جدع علم ابابكر عوض الله ده ورفع علم الاستقلال وواصل مشوار جون قرنق ومنصور خالد حتسمع بي السودان في الغابرين
Quote: جمهورية السودان الاماراتية*
https://top4top.io/ 🌍بمناسبة استغراب البعض من نزول الملحق الاممي للجنة السياسية الحاتحكم السودان في السفارة الاماراتية حابا اديكم معلومات علي الطائر ⤵️ *⏬هل تعلم أن الملياردير البريطاني الجنسية سوداني الأصل إبراهيم ماو مقيم في الإمارات العربية المتحدة ومعظم استثماراته بها وهو صاحب شركة كان يعمل بها الود حمدكة قبل م نركب الكركابة .وهو الآن يحرك الحكومة بالريموت كنترول. *⏬هل تعلم آن د.مني زوجة حمدوك كانت موظفة علاقات عامة في السفارة الإماراتية في ادس قبل م نحن نركب الكركابة 😂 *⏬هل تعلم أن صلاح قوش لديه مكتب استثماري في الإمارات ويمتلك إقامة بها . *⏬هل تعلم أن السنبلة الدقير كان موظف حكومي في الإمارات ومن الوظيفة الي رئيس حزب السنابل هل ولا م هل وقع ليكم 😂😜 *⏬وهل تعلم ان طحنون بن زايد مدير المخأبرات الاماراتي تكفل بسفر وعلاج الدقير الي لندن من المشكلة النفسية التي المت به بعد تكليف حمدكة برئاسة الوزراء . *⏬هل تعلم انت عضو المجلس السيادي محمد التعايشي كان حرس أمن لاستثمارات إماراتية في هولندا. *⏬هل تعلم أن الود كرومي مقيم في الإمارات وزوجته طبيب خاص لواحد من عيال زايد هل ولا م هل . *⏬هل تعلم أن بوخة بحج للإمارات ومريم المنصورة بتعمر بس 😂😜 *⏬هل تعلم معظم طاقم عبودي من أبوظبي والي مكتب رئيس الوزراء. *⏬الرشيد يعقوب وكيل وزارة الثقافة والإعلام موظف هو وزوجته في السفارة الإماراتية في فرنسا هل تعلم ذلك حبيبي انا. *⏬البرهان إلتقى رئيس الوزراء الإسرائيلي بنيامين نتنياهو بتنسيق إماراتي عارف دي ولا اديك شلوت حبيبي انا. *⏬عبدالعزيز الحلو مركلس في أبوظبي. *⏏حميدتي قاعد في جيب الساعة بتاعة طحنون بن زايد وم بطلع إلا الدرت الجاي رئيس طووالي ضُر كدا بس 😂😜 #عرفتوا الحاكمنا منوو ولا ازيدكم حبايبي انا. #وقع ليكم ولا اخلي #طحنوون اعيدو ليكم 😜 منقول👆👆👆👆👆
Adil amin
10-10-2020, 12:24 PM
adil amin adil amin
تاريخ التسجيل: 08-01-2002
مجموع المشاركات: 36967
القمح مالي والواطة طيب ما في رغيف ليه نشوف الاراضي كمان ونهبا منو ومؤجرة ثمن بخس بسبب كعوك المركز مثلث الحمدي
Quote: هذا الملخص نشر في الراكوبة بتاريخ 6 أبريل 2019:مملكة البحرين تملك مساحة أكبر من حجمها الجغرافي في السودان6 أبريل، بقلم وليد المنسي
حقائق صادمة١-في عام 2016 استأجرت البحرين 100000 فدان وهي مساحة ضخمة تشكل تقريبًا مساحة البحرين نفسها، و في نفس العام استأجرت الحكومة السعودية مليون فدان صالح للزراعة في شرق البلاد.٢-قامت شركة باكستانية بتأجير قطعة أرض كبيرة ما بين الخرطوم و عطبرة و بدأ السوريون الزراعة في الشمال قرب عطبرة.٣-استحوذ الإماراتيون واللبنانيون واليمنيون والجيش الأردني!…نعم الجيش الأردني على مساحة 100000 فدان على نهر النيل و النيل الأزرق.٤-قامت شركة الروابي للتطوير ، وهي شركة سعودية يمنية بالإستثار بأكثر من 200000 فدان في ولاية نهر النيل.٥-استحوذت GLB Invest على السودان ، حيث حصلت على 226000 فدان مع تخصيص المياه ، أيضًا ، سخاء بشكل مذهل 900 مليون متر مكعب من مياه النيل سنويًا ، أي ما يقرب من نصف الكمية التي يستخدمها لبنان وعدد سكانه أكثر من 5 ملايين نسمة سنويًا.٦- إيجار الأراضي رخيص (غالبًا ما يكون أقل من نصف دولار فقط لكل فدان) وطويلًا (عمومًا 99 عامًا) والماء مجاني.٧- يقول مدير سابق لعملية مصرية انتهت الآن في جنوب ولاية النيل الأبيض إن شركته مُنحت حوالي 750 مليون متر مكعب منذ ما يزيد قليلاً عن عقد من الزمن ، أي 4 في المائة من حصة السودان السنوية الكاملة من النيل بموجب الاتفاقيات الإقليمية ؛ أن هذا الحجم من المياه سيكلف أكثر من مليار دولار في مكان آخر. ولا تدفع الشركات التجارية الزراعية سوى القليل من الضرائب.٨-في يوليو 2018 وقعت الحكومة القطرية على صفقة زراعية بقيمة 500 مليون دولار في شمال السودان ، مكمّلة لمخططها الحالي الذي تبلغ مساحته 260 ألف فدان.٩-ومع ذلك فإن القليل من الـ 5 ملايين فدان التي تقدرها وزارة الزراعة هي في أيد أجنبية – ربما أقل من 1 في 20 فدان – تمت زراعته.١٠-يقول أسامة داؤد رئيس و صاحب مجموعة دال في لقاء مع صحفي امريكي من صحيفة بلومبيرج نشر في الثاني من أبريل ٢٠١٩ ( أعتقد أن المشكلة هي: لماذا يستثمر هؤلاء الأشخاص هنا؟ هل يأتون فقط لأخذ الأرض والمياه؟ هذا ليس استثمارًا ، هذا اغتصاب).على من تبقى من الشرفاء الحجر على هذا المعتوه الذي فصل الجنوب و رهن أرض الوطن من الباطن للاجانب .إذا كان بوتفليقة قد حجر صحياَ، فهذا المعتوه يجب أن يعزل ويحجر نفسياً. مصادر موقع بلوم برج الامريكي
بعدين يا معتصم الهوالين ديل ما يخوفنا بي امريكا او ادواتا في المنطقة او يحسسونا بي الدونية حيال مصر والخليج اطلاقا نحن عندنا الشعب الواعي والذكي والعالم فيه 183 دولة غير الدول الوسخة دي الصين موجودة وفي دول تحترم السودان والسودانيين في كل العالم وزي ما شرحت ليك نخطي مرحلة الشجب الي البرنامج البديل والجماهيري هي الستة محاور دي والديمقراطية وخيارات الشعب الانتخابية بالتاكيد ما بتجيب حثالة اسوا من ديل ..
10-24-2020, 05:26 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الحج دبي والعمرة والرياض.. الدوحة استجمام بعد اداء المناسك (العمالة) والقاهرة (للاستمتاع). انجمينا رغم الاسم لكن مافي واحد ح يعتّبها هههه. كل زول شايت في اتجاه.. دولة العبث السودانية.. غاايتو..
12-19-2020, 03:53 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
كدي انسى لي قصة كيزان وشيوعيين وانت اصلا بعد الاستقلال ما مشيت لي قدام قلنا انتخابات اربعة فرص عايز تبقى حاكم اقليم في الاقاليم الخمسة انتخابات بس عايز تبقى برلماني في الاقاليم انتخبات بس عايز تبقى برلماني في المركز انتخابات بس عايز تبقى رئيس جمهورية انتخابات بس مع المحكمة الدستورية والاعلام الحر المحترم ده بس البزح الجنرالات من راسك والمخطاطات الاقليمية المفغضوحة التي يمثلونها
03-03-2021, 04:40 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
تصريح (الدكتورة) وزيرة الخارجية السودانية ح يبقي رسالة يبني عليها الاثيوبيين بإعتبارها ح تمثل موقفنا المطابق للمصري من سدالنهضة. تمنح اراضيك للمصريين معناها انت لا عندك قدرة (لعمرانها) ما استعمارها زي ما قالت الدكتورة وبالتالي ح نتبني الموقف المصري.. ولو فعلا السيسي زار السودان كما (سرب) يوم السبت و فعلا قدم مساعدات عسكرية اذن نحن علي اعتاب حرب الوكالة للبلح.. (حرب وكالة البلح).. هههههههه حمدوك امام مفترق طرق.. اقالتها من المنصب او يطلع بيان بانه تصريحها ما يثمل الا نفسها (كضابة يا مريم)..
03-03-2021, 05:34 AM
ترهاقا ترهاقا
تاريخ التسجيل: 07-04-2003
مجموع المشاركات: 8422
حكومة إنتقالية جديدة من الثوار الذين دفعوا دمهم ، صاموا في هجير رمضان تحت الخيم ، وداعا لسكان الفنادق واللي إتربوا وفي خشومهم معالق من ذهب الثورة اتسرقت ، ولكن لازم نرجعها ، كل الاحزاب الحالية منتهية الصلاحية الحركات المسلحة ، تفكير العصر الحجري، اليوم يوم الشباب، شدو حيلكم يا شباب الزمن الجاي حقكم ، ما تخلوا الكوامر ياخدوا حقهم وحقكم
03-09-2021, 01:29 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
السيسي زار الخرطوم في زيارة رسمية لحكومة النموذج.. لا طلع لينا بيان (بمخرجات) الزيارة ولا هببوا لينا زاااتو. حمدوك (قزم الثورة) اللي القاهرة لمتابعة ما (أمر) به من رئيس الحكومة الفعلي البرهان.. وح يعرج للسعودية بعد زيارة (الاستشفاء) لدبي قبل شهر. الحقيقة مرة خلااااااس..
10-25-2021, 05:06 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
الانقلاب انقلاب الإخوان المسلمين وتنظيمهم العالمي نعم للكثير مصالح في الانقلاب لكن مصالح الإخوان هي الأكثر مضورا في هذا الانقلاب ان كان لابد من نسب الانقلاب للمحاور الإقليمية فالانقلاب انقلاب قطر تركيا التنظيم الدولي للإخوان
الانقلاب انقلاب كيزان قيادة الجيش كيزانية و كل الأجهزة الأمنية و المليشات في الخرطوم الانقلاب انقلاب الكيزان
تزامن الانقلاب مع وصول المستشار السياسي للبرهان الكوز كرتي والكور عبدالحي من تركيا ليس صدفة انقلاب كيزان كامل الدسم لكن الشعب أقوى
10-25-2021, 05:33 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: الانقلاب انقلاب كيزان قيادة الجيش كيزانية و كل الأجهزة الأمنية و المليشات في الخرطوم الانقلاب انقلاب الكيزان
هي اساسا ما سقطت.. كانت ديكتاتورية مغلفة بالمدنيين. حرب المحاور هي حرب المصالح.. و واضح المواجهة بين المحورين في اوجّها و اعتصام القصر عجل بيها بعد مفاصلة قاعة الصداقة..
10-25-2021, 07:40 AM
علاء الدين صلاح محمد علاء الدين صلاح محمد
تاريخ التسجيل: 12-30-2004
مجموع المشاركات: 4804
نعم ما سقطت لكن كانت هنالك حكومة مدنية هنالك لجنة تفكيك تفكك صامولة هنالك حريات تطبيع اقتصادي مع العالم رفع اسم من قائمة الارهاب - وضع السودان في المسار الصحيح لكن الكيزان خونة ضد الشعوب منذا النشأة - بندقية مأجورة اليوم ابوا الا يكونوا بندقية مأجورة للأخر الامارات كما ذكرت و حتى ان كان كذلك لا نلوم الامارات ان وجدت مصلحتها التكتيكية في التحالف معهم لكن ارجع و اقول ان الانقلاب انقلاب كيزان انقلاب محور قطر تركيا التنظيم الدولي هم فقط المستفيدون من هذا الانقلاب في الداخل الكيزان و الفلول و اعوانهم من الفاسدين القتلة الذي ترعرعوا على حكم الفرد و الدكتاتورية الفاسدة و الفطام صعب هم ضد الحرية ضد النور ضد الوعي ضد الديمقراطية يموتون موت طبيعي في ارض الحوار ايقنوا ان موتهم مسالة وقت لا اكثر و لا اقل ادركوا ان سفينة الثورة السودانية لا تسير في صالحهم لا تحقق مصالهم الدنيا لكل ذلك كان انقلابهم اليوم و بغض النظر عن ما ستؤول البلد اليه جراء هذا الخطوة المجنونة لكن فليعلم هولاء ان مصير انقلاب اليوم ليس بأفضل من انقلا بن عوف و لا انقلاب القصر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
علاء سيداحمد
ترهاقا
adil amin
علاء الدين صلاح محمد
فيس بوك
تويتر
انستقرام
يوتيوب
بنتيريست