|
|
|
 Re: الامين داوود: هذه قصة اختطافي بمطار جوبا� (Re: محمود الدقم)
|
بالرغم من مما حدث له الرجل يؤيد اتفاقية جوبا ويراهن علي انها في خير كثير لانسان شرق السودان، وانها فيها ايضا فوائد للنازحين في شرق السودان، وان هناك ثمة ورش عمل ستكون لتنوير شباب شرق السودان، والرجل ايضا قال انه ليس معني بمنصب عضو
مجلس سيادة بقدر ما هو مهتم بتنزيل الاتفاقية في حد نفسها.
تحاشي الامين داؤود الخوص في ماهية الجهة التي لها المصلحة في حجزه. وقال ان حق تقرير المصير حق مكتسب!!! في معرض اجابته عن سؤال المذيع عن رايه في بعض الدعوات بشرق السودان التي تنادي بحق تقرير المصير او الانفصال غير انه رجع وشدد
علي السودان الكبير.
لم يجيب الامين داؤود بشكل واضح عن سؤال المذيع وكان علي النحو التالي، (انت ما كنت مؤتمر وطني؟)
بشكل عام الحوار كشف ان جبهة شرق السودان ملف شائك ومعقد ويحتاج لتوافق بين هذه المكونات علي الصعيد الداخلي اولا، ثم طرد الكيزان من صفوفهم ..
| |
  
|
|
|
|
|
|
|
 Re: الامين داوود: هذه قصة اختطافي بمطار جوبا� (Re: محمود الدقم)
|
قال البني عامر أكبر قبيلة في الشرق قال ..
في فرق يا أريتري يا ضهبان يا شبيه أسياس أفورقي
بين إنك تتملك منزل أو قطعة أرض في مدينة من مدن الشرق ..وبين إنك تمتلك إقليم بحاله..
العالم دي عايشة في أحلام يقظة ..حا تفوق منها بكابوس ..
الله يجازيكم يا أسياس ويا الإنقاذ ويا مفوضية اللاجئين.
البني عامر السودانيين ذااااتهم ..لا يمتلكون سوى (نصف محلية ) في جنوب طوكر ..شريط الأفهرين الحدودي مع أريتريا ..
فأحسن الناس تمد رجلينها على قدر لحافها ..
وأرحموا ناسكم البقو مجهجهين في الشرق بسبب عنترياتكم وجهلكم وتسلقكم للمنابر السياسية بإسم الشرق.
.وتفاصحكم في الأسافير والفضائيات.
ولن تفلح قنوات الكيزان الشماراتية ..وكذلك منابر القحاتة المغفلاتية ..وللا الجبهة الصورية ..
في فرض واقع جديد على شرق السودان ..مهما فعلوا وحاولوا ..
.....
محمود كيفك وأخبارك ..وشكرا على إطلاعنا على هذه الكوميديا .
| |
|
|
|
|
|
|
|
|
 Re: الامين داوود: هذه قصة اختطافي بمطار جوبا� (Re: محمود الدقم)
|
عاجل
خطاب الي :-
الشاب مختار حسين رئيس لجنة الخدمات بتشريعي كسلا المنحل
السلام عليكم والرحمة
اما بعد :-
ذكرت في تسجيل فيديو لو اقالت الحكومة صالح عمار ان البني عامر سيقيلون والي البحر الاحمر عبدالله شنقراي
وانا مستغرب منك لانك داير تجيب فتنة تانية لينا نحن عامراب البحر الأحمر الفينا مكفينا ونرجوك ترحمنا وما تورطنا بالنفخ الفارغ بتاعك وعشان ما تقول كلام انت ماقدروا بس نوريك نحن موجودين في تلاتة مدن
اولها بورتسودان والوقع علينا فيها لي حسي ما شفينا منو وخليها مستورة لمن كرهنا حاجة اسمها بنى عامر😭
والتانية سواكن كنا متعايشين بسلام مع الناس وحسي كتمت فينا بسببكم والبحر خلفنا والهدندوة محاوطيننا من كل الجهات التانية وكمان طردوا لينا اهلنا الفي سنكات وجبيت وكل مناطقهم😭
والتالتة كنا موجودين في طوكر وكنا لبن علي عسل مع الناس لكن برضو كتمت بدون حرب ولكن غرقت المدينة وخربت ديارنا وطبعا ما ممكن نمشي جنوب طوكر بسبب الفيضانات وبرضو ما ممكن ننزح شمال لانو الهدندوة ما يقبلون بسببكم وبالذات الكميلاب عندهم معانا تار زولم المكتول في بورتسودان وحسي انت لميت علينا الارتيقة أهل الوالي شنقراي الدابر تطردوا بلسانك ونحن نتعذب بدون ذنب
ياناس ارحمونا ومدوا لسانكم الزفر علي قدركم تردحوا ساي ونحن المساكين تقع فينا الكوارث عاديتو كل الناس وما خليتو لينا صليح اقلاهو يبق لينا وسيط لمن اضطرينا جيبنا ناس نهر النيل يتوسطوا لينا مع الهدندوة الهسي قاطعين لينا الطرق كلها
كدي نسألك يا مختار لو داير تجينا من كسلا تساعدنا عشان نشيل شنقراي من بورسودان بس ورينا تصلنا من وين وكيف داير تشق ظلط كولو هدندوة لمن تصلنا
ياخي ما تنفخ ساكت بي كلام انت ماقدرو وتزيد لينا عداوات ناس نحن محتاجين ليهم وما ممكن نستغني منهم كفاية علينا عذاب وحروب وحريق وتشريد
بس الا داير ترجعونا اريتريا لانو مستحيل نعيش زي جزيرة في بحر من الكراهية من كل الناس بسبب عنتريات اعلام ما لقيناها في الارض
ياناس الاسافير ارحمونا كفاية علينا شقا وبلاوي انتو بلسانكم الطويل ضيقتو علينا الارض بما رحبت
ونصيحتي ليكم ياعامراب كسلا احسن تتعظو بالحصل لينا نحن في بورسودان انتو لسة الحرايق ماحصلت بيوتكم ودياركم واطفالكم والحصل ليكم في سوق هايكوتة نقول الجات في مالك سامحتك والجاتنا نحن ان شاء الله ماتجيكم بلاش سياسة وتاريخ قبيلة لتفاخر الفارغ
افضل ليكم صالحو الناس المعاكم وتتعايشو معاهم لانكم ماحتقدروا تحاربو كل ناس الولاية وما حتنتصرو عليهم افضل احفظوا المتبقي ليكم من كرامة قبل الحريق الاخير الما بعدو الا الرجوع لاهانات اساسي عشان نبقي عبيد للتقراي الحاقدين صدقوني افضل لينا نار السودانيين ولا جنة الجبهة الشعبية.
من اخوكم
عبدالله ابوحامد
| |
|
|
|
|
|
|
|
|
|
Re: الامين داوود: هذه قصة اختطافي بمطار جوبا� (Re: محمود الدقم)
|
بني عامراوي عاقل ..الله يكتر من أمثالك بدل المجانين الإتفكوا فينا ديل 👇
( سؤال جادي والله هسي كان كتمت فينا نمشي وين؟
أهلنا في بورتسودان مشو معسكر فلامنقو الجيش حماهم هناك.
الأتمن والامرأر رفضو يدخلوهم سنكات وسواكن وجبيت وكل ريف البحر الأحمر هوشيري وغيرها بل طردو أهلنا الهناك.
والارتيقا كمان حيطردو أهلنا في الطوكر وعقيق وعقيتاي وعدوبنا حسب الوصلني.
واكيد في ولاية كسلا الهدندوة نفس الشي الريف كلو حقهم بدليل طردو أهلنا كل أهلنا ألفي هداليا و اروما و دورديب محل ما تمش يطلع ليك ادروب لو مشينا
ناحية الشمال الشرقي البشارين برضو حيرفضونا وكمان طردو أهلنا الفي ابو عشر وكل مناطق التعدين.
ناحية الغرب برضو العبابدة حيرفضونا لانو كلهم بجا اولاد عم.
بالجد عايز إجابة الريف حقنا وين؟
هل دار جعل في نهر النيل ولا الشوايقة في الشمالية حيلخونا نمارس تجارة ونتزاوج معاهم عادي في مناطقم؟
قبائل البجا كلها اتوحدت فينا
حكمو صوت العقل والله زي الهدندوة ما نلقى.).
| |
|
|
|
|
|
|
|
|
|
Re: الامين داوود: هذه قصة اختطافي بمطار جوبا� (Re: محمود الدقم)
|
سم الله الرحمن الرحيم
المجلس الأعلى لنظارات البجا والعموديات المستقلة
بيان هام
. قال تعالى : كُلَّمَا أَوْقَدُوا نَارًا لِّلْحَرْبِ أَطْفَأَهَا اللَّهُ ۚ وَيَسْعَوْنَ فِي الْأَرْضِ فَسَادًا ۚ وَاللَّهُ لَا يُحِبُّ الْمُفْسِدِينَ ) صدق الله العظيم .
المجد والخلود لشهداء المسار وشهداء ثورة ديسمبر المجيدة، ونترحم على أرواحهم الطاهرة التي بذلوها دفاعاً للوطن ومهراً للحرية وعاجل الشفاء للجرحى والمصابين والعودة للمفقودين .
جماهير شعبنا.
إنطلاقاً من موقفنا الثابت وميثاق ( القلد) الممهور بتوقيع جميع الأطراف وإلتزام الحكومة بتنفيذ ذلك وخاصة شروط ( القلد )
ظل المجلس على موقفه الرافض لمسار الشرق منذ تاريخ 20/11/2019 وذلك بعد الشرارة الأولى للأحداث المؤسفة التي سقط فيها عدد من أبنائنا رفضا للمسار والحشد القبلي المشؤوم الذي أقامه المتهم والمتسبب في أحداث الفتنة القبلية الأمين داوؤد ومازال حراً طليقاً لم ينال جزاءه عما إقترفه من قتل وتحريض وتجاوز لقانون الطوارئ والحشد القبلي الذي كان سبباً رئيسياً في الإقتتال والإحتقان الذي نعيشه اليوم في الشرق وقد تفاقمت الأزمة للتجاوزات التي تمت في إختيار الولاة، ولم يجد رفضنا أذاناً صاغيه من قبل الحكومة التي دأبت على المماطلة والتسويف مع أن هناك التزاماً منها بوقف المسار وإجراء مصالحات حقيقة ، وبناء على ماتم اليوم من توقيع للمسار في جوبا نوضح الآتي :-
١. إن ما يسمي بمسار الشرق في مفاوضات جوبا هو من أشعل الحرب والفتنة وأحدث الشرخ في النسيج الإجتماعي بشرق السودان بكل وﻻياته .وما زالت تداعياته السالبه ماثله للعيان من إقتتال والإصطفاف القبلي الحاد وإن توقيعه اليوم لن يزيد الموقف إلا تأزما ولن يحلل سلاماً أبداً .
٢.هذا المسار يضع الشرق في دائرة التدخلات الإقليميه والدولية في ظل الصراع علي الموارد ، و سياسة المحاور والأطماع حول الموانيء وحوض البحر الأحمر .
٣. يؤطر هذا المسار ويؤسس لتغيير ديموغرافي كبير بألإقليم مما يشكل ويهدد السيادة والأمن القومي السوداني للخطر .
٤. عليه نأكد رفضنا القاطع لمسار شرق السودان ومايخرج عنه من نتائج وتوصيات في هذا الإتفاق ولسنا طرف فيه وغير معنيين بتنفيذه على مستوى الأرض والقواعد وسوف نناهض ذلك بكل الوسائل المشروعة، وقد أبلغنا ذلك كتابتاً يوم أمس كل من الحكومة والجبهة الثورية والوسيط دولة الجنوب والإتحاد الأفريقي والإتحاد الأوروبي .
وعليه ندعوا جميع الشعب السوداني النظر بعين فاحصة لحجم المؤآمرات التي تريد النيل من السودان عبر بوابته الشرقية ، كما ندعوا الأحزاب السياسية والقوى الوطنية الشريفه لمناهضة هذا المسار بكل الوسائل وتوحيد جهود الجبهة الداخلية لوقف هذا العبث والترضيات التي تتم على حساب الوطن من أصحاب الأجندة الخارجية ،
ولهذا نعلن رفضنا القاطع ومناهضتة بكل الوسائل المشروعة ، بمافي ذلك الإعتصامات والتتريس والعصيان المدني في الموانيء التي تم بيعها غدراً للشركات القابضة على حساب مسار الشؤم للدولة الراعية للإتفاق كما ظهر ذلك جلياً اليوم ،
كما ندعوا الشباب للإنتباه لمايحاك ضد الإقليم وأهله وندعوا الحكومة بالعمل بروح الوطنية بعيداً من سياسة الإقصاء التي تتبعها ونأكد بأنها لم ولن تجد لها أرضية لتنفيذ برامجها دون الموافقة من أصحاب المصلحة الحقيقين، وسوف نتصدي للمؤامرة والإستعمار الجديد للشرق بكل الوسائل مهما كلف ذلك وبالله التوفيق .
المجلس الأعلى لنظارات البجا والعموديات المستقلة
٣١/٨/٢٠٢٠
| |
|
|
|
|
|
|
|
|
|
Re: الامين داوود: هذه قصة اختطافي بمطار جوبا� (Re: AMNA MUKHTAR)
|
| Quote: البني عامر السودانيين ذااااتهم ..لا يمتلكون سوى (نصف محلية ) في جنوب طوكر ..شريط الأفهرين الحدودي مع أريتريا .. |
امنة.. دبايتو أكوبام.
أسمحى لى أن أختلف معك فى هذه الجزئية.. فإن البنى عامر السودانيين، و شخصى منهم.. يمتلكون بيوت و أعمال فى طوكر و بورتسودان والخرطوم ومدنى..الخ. الحدود الجغرافية فى المحلية الكبيرة التى
اسمها السودان عمرها ما حددت حركت السودانيين. هل بنفس الميزان نقول الفلاتة لا يملكون إلا شريط فى سنار.. والجعليين لا يملكون إلا شريط من الجيلى حتى أتبرة (اكبر منه شريط البنى عامر !!
والشايقية المالين ديار بجا لا يملكون إلا شريط من (كريمى) حتى مورا!!! والنوبة لا يملكون إلا جبلين تلاتة فى جنوب كردفان!! بعدين محلية طوكر وجنوبها أرض سودانية ليست حكرا على البنى عامر، وفيها
سودانيين كتار من كل أنحاء السودان.. داما نرحب بالجميع.. دعينا نغنى مع العطبراوى.. كل أجزائه لنا وطن إذ نباهى به ونفتخر.. ولو جيتونا هناك حررررم نضبح ليكم خروفين كل يوم.
أمس كنت فى نقاش مع الأمين شنقراى، وهو بالمناسبة جارنا بمقاييس أمريكا ومدينتهم ليست بعيدة مننا.. ساعتين بالسيارة. وأتفقنا أن هناك مشكلة فعلا بصرف النظر عن ظروف نشأتها أو إنفجارها.. فكل هذه الإعتبارات لا تفيد
بعد جرت مياه كثيرة تحت الجسـر. ولكن هذه المشكلة من غير المناسب ان يتناولها الناس فى المنابر من أجل الإستقطاب العرقى. ولا بد من ورشة من العقلاء من كل مكونات البجا.. وتكون ورشة مغلقة تكون بمثابة
دراسـة وتحليل عميق للمشكلة وجذورها.. ثم الخروج للناس بمقترحات عملية وعلمية..
| |
|
|
|
|
|
|
| |
محمود الدقم
AMNA MUKHTAR
Abureesh
فيس بوك
تويتر
انستقرام
يوتيوب
بنتيريست