|
كتب الكاتب الفاتح جبرا المتوفرة بمعرض الدوحة
|
|
 Re: بنى عامــراوى يرجو من ترك أن لا يدعم دعاة � (Re: Abureesh)
|
سلام أبو الريش.
أعتقد تصريحات ناظر النظار محمد الأمين ترق متاحة أون لاين وغيره..
وهي قمة في الوعي والتعالي على السفهاء .
الراجل بينادي بمطالب محددة هو وبقية أهل الشرق:
مراجعة الجنسية والرقم الوطني في عهد الإنقاذ
رفض مسار جوبا المشؤوم
رسم الحدود السودانية الشرقية ، وتحديد حدود كل قبيلة حسب الخرائط الكنتورية والأساليب المتبعة منذ القدم .
تنفيذ بنود (القلد ) ومحاسبة المتسببين في أحداث بورتسودان
رفض والي كسلا (لأنه غير مؤهل لحكم ولاية كهذه )..
رغم أن البعض قول الناظر مالم يقله .
.....
كسرة :
النت مليان إساءات للبجا وقذف للأعراض وطلعونا وافدين ومسمننا (عد قمال)..
وقلة أدب وتفاهة عمري كله ما شفتها ..
وهكر للحسابات ..
أنا هكروا لي حسابي ..وصنعوا لي عدة حسابات مزيفة ..وكلها شتائم قذرة جدا وقذف وتشويه سمعة ..
وين كانوا الناس الكبار العقلاء ..ينصحوا عيالهم ديل إنه البيعملوا دا كله غلط ؟
بالعكس ساكتين سكوت مريب ..
وعيالهم يدعوا أنهم أصل البجا ونحنا وافدين ..
وإنه أرضهم من حلايب لغاية الخياري ..
وإنه نحنا بنغالة جابونا الإنقليز ..وعبيد جابنا الحج .
يا أبو الريش ..
ليس ترك من يحتاج للنصيحة ..
والنصيحة ذاتها فات أوانها ..فبعض الاجانب مصرين على تحويل شرق السودان لرواندا أخرى ..
وإنتو بعيدين وساكتين ..!!
| |
  
|
|
|
|
|
|
|
 Re: بنى عامــراوى يرجو من ترك أن لا يدعم دعاة � (Re: AMNA MUKHTAR)
|
ما أظن نحن ساكتين يا امنة.. شوفى المنبر دا وأنا أنادى بمراجعة ملفات الجنسيات والجوزات من متين..
الفتنة ظهرت فجأة.. ما كانت قبل كدا ما عدا حوادث فردية متفرقة.. ترك و أى واحد وأكبر واحد يحتاج نصيحة.. شوفى البرهان عنده كم مستشار و كم يجيب ليه ملخص الجرايد عشان
يعرف الحاصل.. و ما فى زول كامل. الجنسية مسؤولية وزارة الداخلية.. هى التى تستطيع معرفة الحقيقى م المزور لأنها عندها الملفات.. العمل يجب أن يكون لإلزام الحكومة فى فتح ملفات
التجنيس.. خصوصا الحديثة، لا أن نأخذ القانون فى يدنا و نحدد (بالتعميم) من هو السودانى ومن هو الأجنبى.. لا نستطيع إلا إن كان القصد هو إستئصال مجموعة إثنية معينة.. وهذه لا أحد يستطيع
التنبؤ بنتائجها. وفى هذا الزمن فسوف تتدخل أطراف دولية وإقليمية.. لها مصالح خاصة فى السودان، لدعم هذا الفريق ضد ذاك. البديل الوحيد لحكم القانون هو الفوضى.
الكلام العام بصيغة (هم) هو بداية فتنة عرقية لا تبقى ولا تذر ولو فى فرد أو أفراد خالفوا القانون يجب ان يحددوا بالإسم ويعتقلوا، حتى لو 100... فى ناس تقول فى الميديا البلد بلدنا.. والهدندوة وافدين..
ماذا يعنى ذلك؟ لا شئ.. لا شئ على الإطلاق.. السودان دا كله معرفة الأراضى فيه.. هسى خلى أى زول يبدأ زراعة فى ضهارى ابوحمد.. اشترى الأرض بحر ماله و عنده شهادة البحث فى يده..
يطلعوا ناس من وين كدا ويقولوا ليه حيلك!! دى ارض أجدادنا.. والحكومة لا تستطيع فعل شئ.. تقول لصاحب الأرض (القانونى) أتفق معاهم ما عندك حل تانى.. لو زول مشترى الأرض
لا يستطيع زراعتها فما بالك بزول متسلبط فيها.
حكاية دى أرضنا البقولوها بعض المنتسبين للبنى عامر يجب ان توضع فى إطارها ما دام الناس واثقة من حقوقها.. ما فى زول يقدر يقلع حق زول.. دى زى لعبة الأطفال. الطفل يجرى من زميله ويقول
ليه الحقنى لو تقدر.. وداك المسكين يستجيب للإستفزاز ويفضل جارى وراه اليوم كله !!! البيقول ليك البلد دى بلدنا قولى ليه مبروك.. حيعمل شنو أكتر من الكلام؟!!
و نحن ما ساكتين ولاجينا متأخرين يا امنة.. ارجعى للمنبر دا وشوفى رأيى عن لقاء الامين داوود فى بورتسودان وقولى لى رأيك فيه.. وشوفى رأيى اللى فردت ليه بوست وطالبت بإقالة
أو إستقالة صالح لدرء الفتنة..
| |
|
|
|
|
|
|
| |
Abureesh
محمد البشرى الخضر
AMNA MUKHTAR
فيس بوك
تويتر
انستقرام
يوتيوب
بنتيريست