|
Re: باركوا لكم و لى - جريدة الكترونية جديدة. (Re: Abureesh)
|
Quote: بسم الله الرحمن الرحيم
ســودان دوت أورغ (صورة البروفايل) موقع سودانى جديد، أرجو أن يساهم فى التعريف والدعاية للسودان. اليوم رفعت الإعلان الأول و التعريف بالموقع وأهدافه.. وتفضلوا بزيارتنا هناك. الموقع سيستضيف جريدتنا الإلكترونية (قهوة النشاط) وكذلك كتابات بعض المدونين و أخبار مختلفة من السودان و خارجه.. و سيكون الموقع بوابة على السودان.. الكتاب سيكونوا محررين معتمدين ولكل واحد صفحته أو عموده الذى يكتب فيه.. ولا يوجد منتدى للنقاش. sudan.org http://http://www.sudan.orgwww.sudan.orghttp://http://www.sudan.orgwww.sudan.org
وعلى الله قصد السبيل. محمد عثمان - رئيس التحرير و صاحب الموقع. |
تحية طيبة أستاذ ابوالريش
ومبارك على الجميع الموقع ونرجو أن يكون إضافة نوعية لإثراء الوعي السياسي والاجتماعي في سودان ما بعد الثورة
| |
|
|
|
|
|
|
Re: باركوا لكم و لى - جريدة الكترونية جديدة. (Re: محمد أبوالعزائم أبوالريش)
|
نجيب العدة ونجي ولا بهرشوني؟ أنا قايل احسن ابارك من سكات واتخارج :)
المهم مبروك الوردبريس الجديد الشغال بي قالب الشركة twentyninteen ومعاهو باني الصفحات elementor والمدسوسين ووراء صفحة ثابتة هسة :) والله network solution ما كعبة علا غالية شوية مقارنة بي باقي الشركات وطالما أدوك الـ SSL بتاعتهم معناها استضافة مشتركة بس ما تكون اتغشيت واشتريت استضافة ووردبريس احسن تخليها حرة وتصمم براك يمكن تحتاج تضيف برمجيات تانية معاهو
if I were you بكل الخبرات التقنية وعملت صحيفة حأخصص ليها زمن واعزم ليها كل كتاب الأسافير بقع google blogger بدون تردد .. هااااادئة ومكيفة ومجان مدى الحياة .. قالب بي 11 دولار وبعديها تمد لسانك لكل شركات الاستضافة اللي أول ما يزيدوا زوارك تقول ليك الاستضافة المشتركة ما بتشيك
___________ كان طردوني أوعى واحد يشمت فيني
| |
|
|
|
|
|
|
Re: باركوا لكم و لى - جريدة الكترونية جديدة. (Re: أحمد محمد عمر)
|
الف مبروك يا ابوالريش وبالتوفيـق والنجاح ..
من ناحية تانيـة كلام احمد محمد عمر دا ما تشتغل بيهو لانه الـ twentyninteen اتجاوزناهو هسه في البرمجيات ونزلت هسه twentytwentOne دا بالاضافة لانه شايف الupgrade للelementor بقى بيجي معاهو الـSSL وgoogle blogger في solution واحد .. ودا بيخفض ليك التكلفة جداً ويخلي السيستم عندك مفتوح لخيارات أخرى.. ما في زول يفتكر كلامي دا تبخيس لحلول احمد ..بس احتمال هو لسه معلوماته Version قديم ...
تحياتي مع امنياتي لك يا ابوالريش ولموقعك بتقديم الأفضل ..
| |
|
|
|
|
|
|
Re: باركوا لكم و لى - جريدة الكترونية جديدة. (Re: أحمد محمد عمر)
|
من حكاوي الجامعة . زميلتنا رباب من مدني جات اجازة في كسلا لزميلة كسلاوية .. عارفين الحي في الترعة فبيسألوا من البيت قابلهم ادروب قدام دكان فسالوهو لو بيعرف ناس حيدر الزين البيقرا في الجزيـرة .. قال ليهم دا ما بعرفو والله لكن بعرف حيدر عجلاتي في سوق ابخمسة :)
رباب كإدارية قالت عرفت حكمة من ادروب:
إنت قدم المعرفة العندك والمستهلك يختار اليناسبه
| |
|
|
|
|
|
|
Re: باركوا لكم و لى - جريدة الكترونية جديدة. (Re: أحمد محمد عمر)
|
شكراً يا شخص يا إإعتباري ..عارف نفسي جضيم .. لكن بنديكم مساحة تتحركوا فيها بس ؛)
هسه تلقى بتاع جامعة السودان دا لو في زول سأله يرد ليك الرد التقليدي المتوقع منه ومن عاطف عمر : عشان المقاطعة الامريكية والحظر التقني :) هسه عاين شيخنا عاطف عمر عرف طوالي انه مشكلتك التكنولجية في المعرفة مرتبطة بالشيعة والتطبير .. :)
طيب .. في رسالة بتظهر لي حالياً في محل طبلة منبر بكري دا مكتوب فيها: Not secure؟ دي علاقتها بي شنو صحي ؟
| |
|
|
|
|
|
|
Re: باركوا لكم و لى - جريدة الكترونية جديدة. (Re: Biraima M Adam)
|
Quote: في رسالة بتظهر لي حالياً في محل طبلة منبر بكري دا مكتوب فيها: Not secure؟ دي علاقتها بي شنو صحي ؟ |
لا لا دي مشكلة بسيطة شديد في برنامج رفع الصور المستخدمه بكري وما عندها تأثير على سرية الموقع .. بدي عناوين http بدلاً عن https يعني مثلاً في الصفحة دي بعض الصور الشخصية المرفوعة بواسطة الموقع شايلة http زي صورة بريمة والكنزي وأبو الريش الانجليزي وعبد الماجد والبقية شايلين https عادي
______________ طبعاً عاطف عمر كان نططت ما بتفهم الكلام دة ما تمشي تقوقل وتقعد تحسب في عدد حروف الـ S في العناوين
| |
|
|
|
|
|
|
Re: باركوا لكم و لى - جريدة الكترونية جديدة. (Re: osama elkhawad)
|
فعلاً جنك غلاط .. شوف اها ما قلت ليـك كان في حظر تقني ؟
Quote: الخرطوم : السوداني قال مدير المركز القومي للمعلومات المهندس إبراهيم عبد الرحمن محمد باخت، إن الولايات المتحدة الأمريكية وعدت بتقديم الدعم الفني لتطوير الاتصالات بالسودان . وقال عقب لقائه بممثلة المعونة الامريكية أندرية تريسي ،إن الولايات المتحدة ستسهم في دعم الحكومة الانتقالية ودعم المركز في تطور المعلوماتية بالسودان ، خاصة في مجال الانتخابات والحكومة الالكترونية والذكية وأبدوا استعدادهم لدعم السودان ببرنامج السوفت وير الذي له علاقة بالمقاطعة الامريكية للسودان والذي اثر كثيرا خلال الفترة السابقة في تسهيل المهمات التي تخص الحكومة |
وعليـه يبدو انه ابوالريش حرد البوست
| |
|
|
|
|
|
|
Re: باركوا لكم و لى - جريدة الكترونية جديدة. (Re: HAIDER ALZAIN)
|
أها، مزيد من الظعط، لكن برضو نقول مبروك .
هههه، شايف حيضر الزين ؤ جنا محمد عمر ينظرو !!!، أعمل حسابك يا أبو الريش، إذا كان الغراب دليل قوم .. سيهديهم إلى دار الخراب إذا كان الغراب دليل قوم .. يمر بهم على جيف الكلاب إذا كان الغراب دليل قوم .. فلا فلحوا ولا فلح الغراب إذا كان الغراب دليل قوم ** فعَيْبُ القَوْمِ لا عَيْبُ الغُرَابِ
| |
|
|
|
|
|
|
Re: باركوا لكم و لى - جريدة الكترونية جديدة. (Re: عبد اللطيف بكري أحمد)
|
الأعزاء الكرام دائماً.. الترتيب حسب زمن المداخلات.. وقد تركت الألقاب جانباً فأسماءكم أكبر من أى القاب.. بل الأقاب تحد من شعورى تجاهكم بالمحبة والتقدير.
شكرا بصفة خاصـة: أخلاص عبد الرحمن المشرف نعمات عماد إمتثال عبدالله أميرة حسين
والأخوة الأعزاء الكرام: على الكنزى محمد عبد الله الحسين بدر الدين الأمير عبدالماجد موسى محمد أبوالعزائم أبوالريش خضر الطيب أحمد محمد عمر حيــدر الزين خالــد عبــاس بريمــة محمد أدم محمد الأمين موسى جعفــر بشيــر Arif Nashed اْسامة اْباّرو زهير عثمان حمد معاوية النعيمة أسامــة الخواض معاوية المدير عبد اللطيف بكري أحمد
شكرا لكم على المرور وأخذ الوقت لتسجيل شعوركم النبيل بالتبريكات وتمنياتكم لهذا العمل بالنجاح.. تقبل الله منكم . للأخوة الأساتذة الأجلاء الذين أبدوا إستعدادا للمساهمة فى التحرير أقول ألف مرحبا والف شكر. الدار داركم ونتواصل فى الخاص.
كم هو جميل هذا السودان.. ولقد قال الشاعر.. وقومى وإن ضنوا على كرام.. فما بالك إن أغدقك قومك هؤلاء بالكرم والتقدير . لا أجد كلمات تليق بشكركم وعوضا عن ذلك أوعدكم أن أكون عند حسن ظنكم وأقدم كل مافى وسعى لدعم هذا العمل حتى يخرج بالمظهر والمحتوى الذين تتطلعون اليهما.
تحياتى لكم جميعاً. محمد
| |
|
|
|
|
|
|
|