نحن اقتصادنا وخدماتنا لا زال يعتمد على حركة ونشاط الأفراد والأن تدهور الإقتصاد بصورة مزرية وحادة وبالغة الخطورة بسبب الحد من التجوال والحركة ولا زالت الكباري مغلقة بعد السادسة مساء والمعابر مغلقة في خلال اليوم كاملاً وحكومتنا المدنية السجمانة وعلى رأسها حمدوك الذي ورطنا معه هي من فرض هذا الحظر ولا زالت تصر بغباء مفرط على استمراره! لماذا رغم هذا الضرر المستمر يستمر الحظر ورغم تراجع عدد الحالات يعني تراجعت بعد الرفع الجزئي ولم تزيد ورغم ذلك يصرون على الاستمرار قاتل الله رعونة هؤلاء! أن أكاد أكون متقين أن هناك أيادي كيزانية مخابراتية موجودة داخل وزارة الصحة هي من فرضت هذا الواقع المرير
08-30-2020, 08:57 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
ضميرك مات يا عمر دفع الله البتمجد لينا في جنازة البحر السيد حمدوك الذي كل يوم يستمر فيه في هذا المنصب هو جريمة لأنه رئيس وزراء لا يقوم بمهام منصبة كما يجب وقائم بمهمة وزير الخارجية فقط وترك الباقي كاسدا! على أي حال هو رجل أثبت أنه غير كفوء لهذا المنصب الحساس الذي بكل تلك الصلاحيات التي لم تتوفر لرجل قبله منذ 30 سنة مضت!
08-30-2020, 09:25 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
سلام عليكم اخ منتصر مع قراءه ردى هنا ارجع لبوست متابعه كورونا وشوف التقارير واقراء كلام لجنه طوارىء كورونا بالخرطوم فى المداخله قبل الاخيره . الموضوع حصل على كل العالم وناس رفعو الحظر ورجعو ليهو تانى والحقيقه المائله انو المكرض حيكون انتشارو مؤثر على الاقل حتى نهايه الام وبدايه العام الجديد. طبيعى يحصل تاثير على الاقتصاد فى ظل حظر كامل لكن هنا اصبح تقريبا مافى حظر ولا حتى تجول ولاحتى احترازات المشكله وين بخلاف موضوع الحكومه دى والانتقاد ليها فى جديه التطبيق للاجراءات والحظر (بالنسبه لى على الاقل) ؟ المشكله اننا مازى باقى العالم لانو كل شىء عندنا مشوه ومتردى سواء اقتصاد او نظام رعايه اجتماعيه محكم ومتطور على سبيل المثال . اذن يامنتصر تناقش المشكله وانت مستصحب التشوهات الحاصله اصلا (من غير حتى نحدد بسبب منو انقاذ ولا من قبلها) وضعف الحكومه دى تم الناقصه بسبب الصراع الداخلى والصراع مع الدوله العميقه
08-30-2020, 09:45 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
هم الناس ديل بغشو في الناس ول بغشو في رقبتم !!! علاقة عدد الحلالات شنو بقفل الكباري والمعابر للولايات وكل ولايات السودان مرت عليهم نزلة الكورونا ؟! بل العكس عدد الزحام في فترة السماح أكبر من العادة بسسب إنو الكباري بتم قفلها الساعة 6مساء لذلك سيتحرك الناس في زمن أقصر مما يزيد الزحام يعني الكان ممن يرجع في خلال الفترة ما بعد 6 مساء 7 أو 8 أو 9 أو 10 أنو 11 أو 12 وربع أو 43 دقيقة وهكذا سوف يضطر يتعجل ويزاحم يعني الاختلاط حادث بنسبة أكبر من العادي يعني لزومو شنو يطهروها بعد ما ولدت ههههههه
08-30-2020, 09:52 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
Quote: اكيد ح يكون فى حظر تانى من جديد الموجة التانية من وباء الكورونا بدأت فى اوربا
إن شاء الله لو جات الموجة البتقول عليها تخلصنا من الناس الفارضين الحظر ديل أول حاجة وتلزمهم الجابرة حتين تمشي لباقي الناس يا علاء أنا متمني يوم واحد تقول ليك كلام فيهو ذرة انسانية وأحس إنو قائله فطرته سليمة وعقيدته بالله صحيحة لأن الوباء بيد الله والاجراءات المفروضة على الناس أعظم شراً من الكورونا نفسها! حكومتك السجمانة دي رواتب ومخصصات منسوبيها ماشية ومكفياهم أكيد صاح أها عامة الناس كل يوم بيصيحوا بسعر جديد وتضاعفت بعض السلع لثلاثة أو أربعة اضعاف في خمسة شهور وعملهم شبه مشلول أها زفت الطين الحكومة بتاعتك دي شنو البتقدمو ليهم غير اخنق فطس؟!
08-30-2020, 10:53 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
شوفوا الطبيب العراقي وهو يتعامل مع مريض مصاب بالكورونا ويطلب منه أن يقح ويخرج اللعاب وهو لا يلبس حتى كمامة ويطلب التعرض للشمس يوميا وتقولوا لي قفل كباري وحظر وعباطة؟! الأن الان فايتمين سي مع الزنك الوصفة الطبية التي وصفها دكتور المعز باريتريا في شكل حبوب فوارة موجودة بالصيدليات السودانية وكذلك حقن الهيبارين حقن تحت الجلد لمنع التجلط متوفرة في الصيدليات للحالات المتأخرة وهي حقن ليست خطيرة وتعطى لأي واحد عملو ليهو عملية جراحية يعني عادية إلا من يعانون من مرض سيولة الدم وهم أصلا غير عرضة للخطرمن حالات التجلط وكذلك الاسبرين والشمسمتوفر والليمون والجنزبيل والحبة السوداء وكل من استخدم هذه الادوية تم تعافيه ومن يذهب للمستشفى اصبح ضحية بيروقراطية الأطباء وانصياعهم للبروتكولات المنقوصة الرعناء
08-30-2020, 10:59 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
بامنتصر الله يهدينا ويهديك الموجه التانيه يمكن تكون متصاعده الان . لو رجعت للتقارير مش تقرا العناوين بس عدد الوفيات والمتعافين والوالاصابات حتلقى فى التفاصيل تحت خاصه الاسبوع او الاسبوعين الفاتو انو الحالات الايجابيه هى بشكل اساسى للمسافرين واحيانا حالات اشتباه تكون اعراضها ربما ظاهره ووصلت المستشفى لكن مافى فحص عشوائى ميدانى يحدد حقيقه انتشار المرض فى المجتمع بعدبن برضو تقرير لجنه الولايه القلت ليك شوفو بتكلم عن انتشار الاصابه فى فئه الشباب الما بتظهر فيهم الاعراض بسهوله ووضوح والان جات السيول والفيضانات وشايف ناس لجنه مقاومه الحلفايا بتكلمو عن اسهالات ةتلوق بيئى بسبب الفضلات بالنسبه للمناطق الاتضررت وتم اخلاء سكانها يهنى احتمال شويه وتلقى اعلان طوارىء جديد بخصوص الخريف وامرااضو
08-30-2020, 11:16 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
Quote: والان جات السيول والفيضانات وشايف ناس لجنه مقاومه الحلفايا بتكلمو عن اسهالات ةتلوق بيئى بسبب الفضلات بالنسبه للمناطق الاتضررت وتم اخلاء سكانها يهنى احتمال شويه وتلقى اعلان طوارىء جديد بخصوص الخريف وامرااضو
أها دي علاقتها شنو بالكورونا المنعت الاستعدادات للخريف؟! دا الكنت أنا بحذر منه بأنو الانشغال بموضع كورونا واجراءات الحظر ستنعكس سلبا على الاستعداد لموسم الأمطار وهذا ما أكدته أنت الأن وما حذرت عنه هذا كان كأثر سالب للحظر بسبب منع الحظر لعمل استعدادات جيدة لموسم الأمطار.
08-30-2020, 11:21 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
يامنتصر يعنى ماشفت من مداخلتى الا جزء دا ؟ دا مجرد وضع جديد برضو ممكن يكون فيهو اجراءات ممكن تكون قيد على المجتمع بسبب انتشار امراض الخريف لكن كلامى وماحوظاتى عن التقارير بتاعت كورونا هملت غمران منها
08-31-2020, 07:07 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
Quote: لكن كلامى وماحوظاتى عن التقارير بتاعت كورونا هملت غمران منها
بل أنت من تتجاهل موضوع البوست! هل أنت مقتنع بأن حظر التجوال الجزئي له دور ايجابي في خفض انتشار مرض الكورونا ؟؟ وسؤالي الثاني : ما ذنب الشعب السوداني في تحمل هذه الأضرار الاقتصادية التي هؤلاء من المستحيل اصلاح ما افسده الحظر من ضرر اقتصادي معاشي وخدمي وخسائر متعددة يستحيل جبرها وتعويضها وأصلا لا توجد محاولات تعويض! أرجو أن أجد منك اجابات مباشرة يا أخ عاصم.
08-31-2020, 07:44 PM
جلالدونا جلالدونا
تاريخ التسجيل: 04-26-2014
مجموع المشاركات: 9841
كملت هرجيك يا منتصر ولّ لسه لو كملتو سؤالى ليك دخل حمدوك شنو فى اللغط الفوق ده يا مواطن فى لجنة طوارئ صحية برئاسة عضو السيادى تاور هى من تصدر هذه القرارات وقع ليك ولّ اقوم اقطع رقبتى دى و ارميها فى الظلط و يجى مجروس شايل دبابة يطلع فوقا
Quote: لو كملتو سؤالى ليك دخل حمدوك شنو فى اللغط الفوق ده يا مواطن فى لجنة طوارئ صحية برئاسة عضو السيادى تاور هى من تصدر هذه القرارات
الوثيقتين السياسية و الدستورية لم توزع سلطات الحكومة للجان برئاسة أعضاء بالمجلس السيادي الوثيقتين أعطت كل السلطات التنفيذية لمجلس الوزراء بعد كدا لو تنازل حمدوك عن سلطاته ومنحها لغيره بمسمى لجان وما لجان هذا يعتبر عذر أقبح من الذنب فكيف يتنازل هو عن سلطاته كلها للجان ويقعد عاطل بدون سلطات فرقو شنو كدا من الدمية السابقة البشير؟!
Quote: يا علاء أنا متمني يوم واحد تقول ليك كلام فيهو ذرة انسانية وأحس إنو قائله فطرته سليمة وعقيدته بالله صحيحة
لا حول ولا قوة الا بالله العلي العظيم يازول انتا فاهم انتا بتكتب فى شنو ؟ والله انا شاك انك فى كامل قواك العقلية !؟ ياخ القرآن الكريم والرسول صلى الله عليه وسلم بيقولوا فى حال الوباء ان يحتاط الانسان وان يحذر .. بصراحة انت فهمك للاسلام وللسنة فهم خاص بيك انتا ولا تحاول ابدا ان تفرض فهمك المعوج على الاخرين . بالله عليك ورينا الآن انتا عقيدتك شنو ؟؟ عشان الواحد يحاول يتفاهم معاك .!؟
09-01-2020, 08:16 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: صراحة انت فهمك للاسلام وللسنة فهم خاص بيك انتا ولا تحاول ابدا ان تفرض فهمك المعوج على الاخرين . بالله عليك ورينا الآن انتا عقيدتك شنو ؟؟ عشان الواحد يحاول يتفاهم معاك .!؟
عقيدتي عقيدة أهل السنة والجماعة العقيدة الأشعرية الاسلام والسنة حرمت الضرر فقاعدة لا ضرر ولا ضرار قاعدة أصولية والحظر سبب ولا زال يسبب الضرر للإقتصاد السوداني عامة وللطبقات الفقيرة خاصة وللاقتصاد الكلي عامة وفي ذات الوقت لا فائدة للحظر وقفل الكباري والمعابر الولائية في تقليل الحالات ومنع المرض بالعكس العرضة للشمس والتحرك وتناول الغذاء السليم يقاوم المرض وليس منع الناس عن الحركة والعمل وكسب الرزق
09-03-2020, 09:13 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: هذه الفرق عقائدها مختلفة حتى ولو ادّعوا انهم على العقيدة الاشعرية .
دي جديدة علي ! لكن مالو منك نستفيد كدي اجتهد وجيب لي العقائد المختلفة المتعددة للأشاعرة امكن سبحان الله ألقى روحي تابع لي واحدة منهن كدا يلا لا تبخل علينا وهات الفرق المتعددة للأشاعرة أو حتى جزء من هذه الفِرق للأشاعرة.
09-05-2020, 02:10 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
المغتربين ما فارقة معاهم وهم معظم سكان البورد المقيمين في السودان فئة الموظفين الزادو ليهم رواتبهم وهم نسبة عظمي وسط النشطاء أيضاً غير متضررين بالشكل الكبير المتضررون غير نشطاء في مواقع التواصل أو في الشوارع والمليونيات المزعومة وهم طبقة الفقراء والمسحوقين الذين لا يأبه بهم أحد يتجول أصحاب العربات الخاصة في أي وقت شاءوا في أوقات الحظر ومرتباتهم تنزل في حساباتهم في البنوك سواء حضروا لمكان العمل أو لم يحضروا بسبب ا جراءات كورونا أما الفقراء الذين لا مرتبات لهم ولا عربات خاصة يعبرون بها الكباري والمعابر سيظلون هكذا تحت رحمة من تسلط عليهم من طبقة خريجو مؤسسات تعليمية علمتهم كيف يصنعون البؤس لمجتمهم .
09-05-2020, 10:52 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
Quote: ياخ القرآن الكريم والرسول صلى الله عليه وسلم بيقولوا فى حال الوباء ان يحتاط الانسان وان يحذر
الاحتياط والحذر يكون بالمعقول والمفيد وليس بالعبط أنت لست بالسودان بالوصف لم تفهم أرجع لكل ما كتبته سابقا تجدني أثبت بالأدلة النظرية بأن الحظر يزيد الحالات في السودان وقد حدثت الزيادات في الحالات بعشرة اضعاف من أول يوم للحظر الكامل لأسباب قد ذكرتها الاسلام لم يأمرنا بعمل اتياطات مضرة أضرت بالاقتصاد وزادت الحالات حتى بتخفيف الحظر من حظر كامل لجزئي معه انخفضت الحالات يعني الحظر يبدو ما معمول عشان يقلل الحالات يبدو معمول لأسباب أخرى الله بها عليم لأن الحظر غير الضرر الاقتصادي والخدمي وحتى الصحي لم يجلب منفعه مطلقا فقط ضرر لأن السودان ظروفه وبيئته وقدراته الاقتصادية ونمط حياته لا يناسبه الحظر
09-05-2020, 11:14 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
Quote: المغتربين ما فارقة معاهم وهم معظم سكان البورد المقيمين في السودان فئة الموظفين الزادو ليهم رواتبهم وهم نسبة عظمي وسط النشطاء أيضاً غير متضررين بالشكل الكبير المتضررون غير نشطاء في مواقع التواصل أو في الشوارع والمليونيات المزعومة وهم طبقة الفقراء والمسحوقين الذين لا يأبه بهم أحد يتجول أصحاب العربات الخاصة في أي وقت شاءوا في أوقات الحظر ومرتباتهم تنزل في حساباتهم في البنوك سواء حضروا لمكان العمل أو لم يحضروا بسبب ا جراءات كورونا أما الفقراء الذين لا مرتبات لهم ولا عربات خاصة يعبرون بها الكباري والمعابر سيظلون هكذا تحت رحمة من تسلط عليهم من طبقة خريجو مؤسسات تعليمية علمتهم كيف يصنعون البؤس لمجتمهم
يامنتصر شنو شريت الكلام كدا ؟ كورونا البتتكلم عنها .اللجنه العليا شكلها رخت الموضوع وما اعلنت شىء من 9 يوم لاتعرف الحاله كويسه ولا كعبه وحتى مابترفع احصائيه من يوم 27 اغسطس لمنظمه الصحه او المنظمات الاقليميه ذات الصله . قفيل الكبارى دا حساباتو الا تكون تانيه لكن باقى حتى بعد 6م الكبارى فاتحه والموضوع الناس براهم من ايام اكرم والحرب عليهو شغالين عكس ومافى جهه بتحاسب على كسر الحظر او الالتزام بالاخترازات اما موضوع عدم الاهتمام بظرف البلد وزعاناتو ناس برا اصلا الحاجات دى عندهم مابتتخطى اطار الوتسه لكن ناس جوا الشايفهم ماهميهم شىء ناس ظروفها ما اتغيرت من ايام النظام البائد لانهم صنائع ولو ما انتازلت ومسحت جوخ ما بتلقى حقك خلى تبدع اما الشريحه النتالته من القاعدين جوا ديل نثرياتعهم ومرتباتهم ماشه من جهات بتستخدمهم لتوجيه الراى العام كان جهات داخليه او خارجيه (افهما انت لمحا وليس تصريحا) يرغو ويزبدو فى اللايفات لكن مافى ليهم حركه فى الامناطق الساخنه عشان يكونو حتى اعلام بديل لاعلام السجم الرسمى. القصه يامنتصر تضخم وخلافو ماموضوع ق ح ت وانما مشكله صراع على السلطه بين كيانات سياسيه على راسها الكيزان وتمكنهم من مفاصل الدوله والباقين بيصارعو طواحين هوا لانو بدايات الثوره كانت غلط عشان كدا المسار والنهايات ماشه فى نفس الخط والاحزاب القاواعدها قايلين انهم جزء من سلطه او بتفاوضو عشان سلطه مساكين البلد ماشه فى اتجاه تتحكم بغواصات الكيزان فى الكيانات الاصلا شق وحدتها ولعب فيها الكيزان فدحين يامنتصر ركز وخلى موضوع كورونا وصدقنى حتى حال البلد السياسى بقى مفروغ منو والنقاش فيهو ضياع زمن وغفله شخصيا خيار الخروج من السودان عندى الان اصبح اقوى من ماكان ايام الكيزان رغم المعاناه والصراع فى الوقت داك
09-06-2020, 09:03 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: العقيدة الأشعرية واحدة لا يوجد بها فرق متعددة سؤالك هو سؤال عن شيء غير موجود
بالغت والله انتا جايب الكلام دا من وين !؟
الاشعرية عـقـيـدة وليست فرقة اسلامية قائمة بذاتها انما هناك فرق اسلامية كثيرة مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية يتـخـــذون منهــج الاشــعرية ( نسبة لابى الحسن الاشعري ) عــقـــيـــدة لـــهــم .
ولذلك الاشـــاعــرة يعتبرون من الركائز الاساسية والرئيسية لاهل السنة والجماعة .
قال الامام السفارينى فى لوامــع الانــــوار البـهـيـة مانصـــه فى المجلد 1 ص 73 :
{ أهل السنة والجماعة ثلاث فرق :
الأثرية وامامهم أحمد بن حنبل والأشعرية وامامهم أبوالحسن الأشعري والماتريدية وامامهم أبومنصور الماتريدي ) اهـ انتهى
السؤال لازال قائماً انتا فرقتك الاسلامية شنو ؟
09-06-2020, 09:05 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الاشعرية عـقـيـدة وليست فرقة اسلامية قائمة بذاتها انما هناك فرق اسلامية كثيرة مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية
أنت سألتني عن العقيدة فقط ولم تسألني عن المذهب الفقهي ولا طريقة السلوك الذين ذكرتهم أنت من مذاهب فقهية ليسوا فروع عن المذهب الأشعري لأن العقيدة شيء والمذاهب الفقهية شيء آخر وكذلك التصوف وهو ركن الاحسان شيء ثالث ولا يتفرع هذا عن ذاك ولا ذاك عن هذا بل كلها في مجموعها تعتبر مثلث الدين ركن الإسلام ويدور في فلكه ما يسمى الفقه بمذاهبه الأربعة المشهورة وغيرها وركن الإيمان وهو العقيدة تفرع عنه مذهب التفويض وهو مذهب الأئمة الأربعة ومذهب المعتزلة ومذهب الجهمية والقدرية ثم مذهب الأشاعرة والماتريدية ومذهب السلفية ثم ركن الإحسان وهو ما يصطلح عليه عند أهل السنة بالتصوف وقلة من أهل السنة رفض مسمى تصوف لركن الإحسان وهم بن الجوزي والقرطبي وأبو بكر الطرطوسي وقبل المسمى غالب علماء أهل السنة من بعد القرن الرابع كالامام الحافظ صاحب الحلية أبو نعيم الأصفهاني والإمام الغزالي و الامام الذهبي والإمام النووي والحافظ السيوطي والعز بن عبد السلام وغيرهم
09-06-2020, 11:53 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
Quote: أنت سألتني عن العقيدة فقط ولم تسألني عن المذهب الفقهي ولا طريقة السلوك الذين ذكرتهم أنت من مذاهب فقهية ليسوا فروع عن المذهب الأشعري لأن العقيدة شيء والمذاهب الفقهية شيء آخر
ههههههه
اجابتك دى هى الخلتنى افرّق ليك بين الفرق الاسلامية والعقائد ومن ذكرتهم انا فى المشاركة السابقة فرق اسلامية من داخل مذاهب اهل السنة والجماعة ( حيث ذكرت لك بعض الفُرق الاسلامية وعقائدها كما هو مقتبس ادناه )
Quote: الاشعرية عـقـيـدة وليست فرقة اسلامية قائمة بذاتها انما هناك فرق اسلامية كثيرة مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية يتـخـــذون منهــج الاشــعرية ( نسبة لابى الحسن الاشعري ) عــقـــيـــدة لـــهــم .
وسبب سؤالى عن فرقتك الاسلامية التى تنتمى اليها هو قولك وخلطك للامور بين " العقيدة والفرقة " فى المقتبس ادناه عند سؤالى عن عقيدتك وانت اخطأت فى اجابتك ان العقيدة الاشعرية لايوجد بها فرق متعددة :
Quote: العقيدة الأشعرية واحدة لا يوجد بها فرق متعددة سؤالك هو سؤال عن شيء غير موجود
حيث قمت بتصحيح وتوضيح خطأك فى المقتبس ادناه :
Quote: الاشعرية عـقـيـدة وليست فرقة اسلامية قائمة بذاتها انما هناك فرق اسلامية كثيرة مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية يتـخـــذون منهــج الاشــعرية ( نسبة لابى الحسن الاشعري ) عــقـــيـــدة لـــهــم
انت كتبت :
Quote: الذين ذكرتهم أنت من مذاهب فقهية ليسوا فروع عن المذهب الأشعري
انتا الامور مخلوطة وجايطة عليك !! ما فى شئ اسمو مذهب اشعرى المذاهب الاسلامية السُنية اربعة مذاهب ليس من ضمنها مذهب اسمو المذهب الاشعرى . وانا ذكرت ليك فرق من المذاهب الفقهية وليس المذهب فى حد ذاته بأنها تتخذ من الاشعرية عقيدة لها . وقلت ليك بالنص :
Quote: مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية يتـخـــذون منهــج الاشــعرية
فرق من المذاهب المذكورة وليس كل المذهب .
انت كتبت :
Quote: ومذهب المعتزلة ومذهب الجهمية والقدرية
هذه ليست من مذاهب اهل السنة والجماعة انما _ فرق اسلامية _ ويسمونهم " خوارج " "قدرية" وعلماء الامة قاموا بتكفيرهم - والفرق الشيعية يتخذون من عقائد المعتزلة والجهمية والقدرية والخوارج عقيدة لهم .
09-07-2020, 05:54 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: في ركن الاسلام وهو الفقه مالكي المذهب وفي ركن الإيمان وهو العقيدة أشعري المذهب وفي ركن الإحسان وهو التصوف سماني ثم قادري الطريقة وإن كنت لست ملتزما
من خلال مذهبك "المذهب المالكي " وعقيدتك الاشعرية وطريقتك القادرية
اقتبس لنا هنا من اقوال علماء المالكية اوالاشعرية اوالقادرية مايدل على السماح للمواطنين بحرية الحركة والانتقال وعدم الاحتراز فى حال حصول الوباء فى اى بلد من البلدان سواءا بالدخول اليها او الخروج منها !؟ حتى نعرف انك تدافع عن معتقداتك هنا فيما تكتبه بخصوص جائحة كورونا .
عايزين دليل مقتبس والا سنعتبر كلامك عن الجائحة هنا من اهوائك .
09-07-2020, 01:24 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
معقولة يا منتصر وانا من امبارح بشيل وبشرح الفرق بين المذهب والفرقة وانتا جاى جارى عشان ما تجاوب على سؤالي تجى ترمى القنبلة دى ؟
ياخ انتا لو مابتعرف عديل كدا قول ماعارف ماعيب عدم المعرفة ولكن عيب انك تحاول تتذاكى على الآخرين !؟
ببساطة شديدة جداً :
انتا بتخلط بين المذاهب والفرق والعقائد !! المذهب شئ و الفرقة شئ و العقيدة شئ آخر . مذاهب اهل السنة والجماعة من امبارح انا بشيل واحط واشرحوا ليك اربعة مذاهب : - المذهب المالكى - المذهب الحنفى - المذهب الحنليى - المذهب الشافعى والمذاهب الاسلامية اصلاً قامت لتأصيل الفقه ولذلك يسمون المذاهب الفقهية الاربعة . انتا عامل الاشاعرة مذهب مافى مذهب اسمو المذهب الاشعرى .
- الفرق الاسلامية : - فى الصحيح : قال رسول الله صلى الله عليه وسلم : ستفترق امتى الى ثلاث وسبعون فرقة الحديث . - المسلمين فرقتين عظيمتين : طائفة أهل السنة والجماعة و طائفة الشيعة وهذه الطوائف تندرج تحتها فرق كثيرة كما فى الحديث ستفترق امتى الى 73 فرقة .
- العقيدة : عقائد اهل السنة والجماعة :
العقيدة الاشعرية - العقيدة الماتريدية - العقيدة الطحاوية - العقيدة الواسطية - العقيدةالشاطبية - عقيدة الحلول والاتحاد لدى بعض الفرق الصوفية - العقيدة لاحمد بن حنبل . وهناك الكثير من العقائد الاخرى .
سؤال المشاركة السابقة لازال قائماً .
09-07-2020, 03:22 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: مثال : فرق الشافعية والمالكية وبعض الفرق الصوفية وبعض الحنابلة وبعض الظاهرية يتـخـــذون منهــج الاشــعرية
سقط سهواً فى المقتبس اعلاه كلمة ( من ) بعد كلمة فرق حيث يقرأ ( فرق من الشافعية والمالكية ... ) والظاهرية عــقــيدة وبعض فرق الظاهرية يتخذون منهج الاشعرية عقيدة لها .
09-09-2020, 11:21 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
هناك دلالتان للفظ دلالة اصطلاحية ودلالة لغوية الدلالة الاصطلاحية للمذهب هي المذاهب الفقهية الثمانية التي صارت لأربعة مضاف لها المذاهب الظاهرية كمذهب داوود الظاهري ومذهب بن حزم الظاهري يعني المذاهب الفقهية وخاصة السنية التي ذكرناها أما الدلالة الاصطلاحية للفرقة هم الجماعة التي انفصلت عن المجموعات الأخرى فهاهنا أهل السنة جميعهم فرقة واحدة والمجوعات الأخرى كالشيعة خالفوا أهل السنة في أمور كثيرة أهمها الموقف من الصحابة عليهم الرضوان والخوارج بفرقهم المختلفة الذين خالفوا في أنهم يكفرون الموحدين في اتفه الأمور وفي استباحتهم قتل المسلمين والمستأمنين وخروجهم على الحكام بالسلاح منهم قديما فرقة الأزارقة والى فرقة الاباضية الموجودة إلى الأن بعمان وليبيا وتونس والجزائروهم أقرب فرق الخوارج للأهل السنة وكذلك الذين خالفوا في العقائد كفرقة المعنزلة وفرقة القدرية يعني الفرقة اصطلاحا هم المجوعات المنشقة ومخالفة لأهل السنة (الفرقة الناجية) أما المعنى اللغوي للمذهب فهو عام يستخدم ليس حصراً على المذهب الفقهي يعني يمكن أن أقول بالمعنى اللغوي للكلمة وليس الاصطلاحي بالضرورة (مذهب الأشاعرة) والأشاعرة ليسوا فرقة بالمعنى الاصطلاحي هم (عقيدة) وليسوا فرقة يعني اصطلاحاً يجب أن أفول (عقيدة الأشاعرة) أما المعنى اللغوي لفرقة هي بمعنى فريق وهنا يمكن أن أصف أي جماعة بأنهم فرقة سواء كانوا فرقة اتخذت منهج معين في الفقه أو في العقيدة أو في السلوك
09-09-2020, 11:50 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 5174
وتلخيصاً لما سبق ذكره في الدلالات اللغوية والاصطلاحية للمذهب والفرقة أن المذهب بمعنى الطريق الذي ذهبوا به للمعتقد المعين في المسألة أياً كان عقيدة أو فقه أو سلوك أما اصطلاحاً فهو في مذاهب الفقه فقط أما الفرقة لغة بمعنى فريق أو مجموعة أياً كانت ما اتفقت فيه وخالفت فيه الآخرين سواءً كان في اللعقيدة أو في الفقه أو في السلوك أما الدلالة الاصطلاحية للفرقة هي التي خالفت فرقة أهل السنة والجماعة في العقيدة أو الفقه أو السلوك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منتصر عبد الباسط
Asim Ali
علاء سيداحمد
جلالدونا
فيس بوك
تويتر
انستقرام
يوتيوب
بنتيريست