♧ نخليها..كلّ يَوْمٍ تُرذَلونَ £

♧ كلَّ عامٍ تُرذَلون£
《1》
♧ وضعنا المقلوز حالياً لدرجة يقرف الليمون ؛ حتى
لم يعد يسرُّ عدواً ولا صليحاً. فدا ذكرني ذات مرة من
ذوات المرارات : كنا ماشين لينا لي عزا (بكا) في أم صففن
عوراض ديك المي هنا ؛ تراها جيهة ناس شلعوها الجعليين
و حشرو عباس. و راكبين لينا هوستن زبالة داوودي موديل
من يوم حفرو البحر {سنة أم دقنوس مجاعة ستة}.

● قمنا وحلنا ليك في ترس حقنة، وقف بينا حُمار الشيخ في العقبة .
أها قام للتسود ختوتو اللوري كطع سير مروحة؛ فما لقينا أي حل. قام
مساعدي الحَلَّة قال لينا: يا جماعة الخير ما يتحير علا مغير.دحين عندنا
دَبارة غايتو علا واحد منكم يتبرع لينا بي (تكة) سروالو نربط سير مروحتنا
نمشي بيها حالنا . شب واحد أخو فاطنة طوالي قالو : أبشر ، و حل تكتو
ربطنابا سير الجن ، درَّجتنا شوية ترس ترسين و حتها انكطعت ؛
قمنا ملصنا تكة واحد تاني.فهكذا دواليك و هلم جرا .

● يلا ترس ورا ترس ؛ و نحن نتمولص تكة تلو الأخرى ؛
لامن كملنا تِكَكنا كلهن ؛ و لحدما أخوان فاطنة تشت علينا
بقينا حزاماتنا ناصلات و قاعدين أم فكو ساااه ؛ حتين يا الله
ربك رب الخير وصلنا بكان أهل الفراش: من فوق هلًّا هلًّا
و من تحت يشهد الله ( مولانا كما خلقتنا ).

●هناك بقينا ليك ممحنين. قلنا : ياخوانا هسة
بس شن نسوب؟! يعني ننزل نواجب الناس ديل
نرفع معاهم الفاتحة و لا نفضل ماسكين لباساتنا
بخشومنا كدي لامن نرجع مِقَبِّلين شايلين أهلنا؟!

▪ توقيع/ ود الأصيل
☆ ود ال ح ش ا ن ال ت ل ا ت ة
مؤذنٌ محجورٌ منزلياً بجزيرة مالطا.

{2}
♧ بخيتة قالت لي : انزل تحت .. بتقع £
●ناس حلتنا جاهم خبر بكاين بعيد في أم صفقن عوراض .
أها، ركبوا لوري داووري حق ود علي الجاك ، نساوين و رجاجيل.
اللعمى شايل المكسَّر قالو: لافيين الدافنة قبال الجنازة ما تبرد. بقو
الرجال متشعبطين فوق في السيخ و النساوين مصنقرات تحت.

●عمك البلولة الزول الاتوفي دا قريبو تب لحم و دم. لامن لما سمع
كان خامج ليو حوض زبالة لياس و حاقب عراقيهو بي خيت دُبارة
فوق كتافينو و قايم عليها. أها لامن جابو الخبر انخلع و قمز ركب ساه
بدون سروال. وكتين مرقو في الخلا و الصي بقى حاس بالهبمريب الطلق
ضاربو ليك صاااقط و يهبهب في العراقي و هو مو عارف روحو عريان.

● و الحروم ديل بي تحت عويناتن يلاقطن متل البصل في الروب .
و باسحياء يغضغضن في البصر و يضَّاحكن في سرهن عاد يقولن قررر.

● أها مرتو البِخَيته محكرة و سطن تحت حتها شافت المنظر لامن دخلت
في أضافريها. يلا قعدت تناغم ليو تقول ليو: يا راجل هوي انزل إتا بتقع.
يقول ليها لا لا، ما تخافي آالبِخَيتة أنا عارف روحي ماسك في السيخ سمح.
تاني تقول ليو: ياراجل إنت بتقع دايراهو يستر عورتو.و هو مع تباريح الهوى
الغلاب مو جايب خبر؛ يقول ليها يا ولية قت ليك ما بقع أنا هدا لي راكز تب.

● كمان صُوَيحبات البِخَيتة حتهن يهمسن ليها : كلامك صحي و الله يا دي،
فعلن، شعليق السيخ دا مو لي المتل راجلك البلولة؛ دا عاد للجنيات الصبايين
الراستات..الناس الوقفو قنا.. الجيل الراكب راسو. و راحت على الجلاكين.

● بتاع اللوري وقف للصلاه؛ و عمك البلولة شاللو إبريق و دقش التُّبَّاس داير
يكطع الجِمار. و لامن رفع العراقي حتي شاف مدفع الدلاقين لقي نفسو ام فكو.
طبعن خجل تب، دخل في ربع لباسو المافي أصلن ؛ و يا دوبك وقع ليو حديس
مرتو البِخَيته القبيل ، لكن وين، بعدما حدس ما حدس و الفاس فلق في الراس!

●المهم صلُّوا و تاني ركبوا يواصلو.لكن عمك البلولة المرة دي قنع و نزل قعد
تحت وسط الحريم😂 واحدة منهن قالت ليو بنوع من الخبث و الخايز : إتا يا
البلوله ود أمي، هسة المقعدك متفَّن وسطنا القرفصاء تحت هنا شنو؟عمك دنقر
و قال ليها: نان آالِّخَيَّة ما سمعتي مرتي البِخَيتة قبيلك قالت لي:" انزل.. بتقع"؟!
بعدينك ياخ الهوا زاتو ما ريحني شال عِمتي رماها لي جدعا من راسي🙈🙊

☆فبالله من يقول للسيد أبو برنيطة : تنحى و ترجل، انزل أقعد تحت بتقع
▪يلا، إن شاء الله بس وقع ليك يا المشتح إضنيك.أوَليسَ:كلَّ عامٍ تُرذَلونَ¿!
🤣🤣🤣

《1/3》

《 من أساطير مملكة النساء الكوادح 》
{ ملطوشة بشيءٍ من جراحة التجميل، ثم إعادة التدوير }
---------------------------
●كان حرياً باسمها أن يودي بها إلى متاهات اليأس . الريلة جات تتبسم ليك و في
محياها ولف كتَّال و ترحاب يغمر مُشاش عظمك و بهبش أوتار عصبك السابع ..خيوط
دخال القهوة لديها، شيئ من عبق تاريخ الأنثى و شموخٌ يقاوام ضعفها بين فينةٍ و فينةٍ
كمن يدافع الأخبثبن. تستعدل ثوبها و يداها تجولان بين كفتيرة و شرقرق ، و وقلاية
و ملعقة تفيض جنزبيلاً و تنضح قرفةً. و عيناها سبحان المعبود، كبقلةٍ في إبريقٍ.

● اتنين شاى وتلاته جَبَنة على القرب (تتطاقش) صحانة الطلس و الألمون حُبلى
بما تهوى الأنفس و تلذ الأعين من الباكمبا و بلايل الفُك و العدسي و مدايد التمر .

● فتياتٌ وفتيانٌ يتحلقون حولها في أنسٍ و حنكٍ فضفاضٍ و عشاقٌ في
همس وجدانيٍّ يشيدون قصوراً من رمال الوهم فى وطن الأحلام الموؤودة.

● آمال..تخرج كلَّ ذات صباحٍ لتؤوي إلى جذع هذه النخلة.. بعدما أضناها
ألم الفراق في بعد بعلٍ غالٍ مضى بحثاً عن بريق الذهب ؛ إذ تواترت الأخبار
و سارت بنا الركبان: أنه أشعثُ أغبرُ هائمٌ على وجهه فى بطون التيه..حمولو
تهد جمال الشيل و فايت في العتامير ليل.. و متوكل عليك يا الله دافر الليل..
بريق البسمة إن لاح لي.. تتفتح مشاتل الريد و يحسك جوة جوة الجوة زغرد
فيها صوت الناي .. و يجر النم مع الحردلو في الدوباي .. واااااااااء أسفاي.

● مضى عامان و نيفٌ و انطوت في القلب حسرة ..و انزوى شخصه إلى ظل
طيفٍ فى قعر ذاكرةٍ باتت خربةً و شبه مفقودةٍ يغطيها غباش أبخرة البن متصاعدةً
كسراب بقيعةٍ يحسبه الظمآن ماءً،و أصوات ارتطام المعالق على جدران الكبابي.

●الصباح رباحٌ عندها لا يبدأ مثل صباحات باقي ربَّات العذارى . بل تهب لتُهرَع
مسرعة لا تلوي على شيءٍ قبيل ابنبلاج الفجر تسابق البيَّاح من ضيق النفافيج
إلى زنَقات الأزقة إلى براح الطرقات..و من أخر ضواحي الدنيا إلى قيعان
المدينة بين نظَراتٍ فاحصةٍ و لمَساتٍ حنانٍ خادعةٍ و همَزات وغمَزاتٍ نابيةٍ
و دقار القشة غي طريق (دفَّار الكشة) و أفواه أرانب يرجون كسرة خبزٍ
و جرعة دواء و قرطاساً و قلماً للقراية أد دق .....!!

● فى الكلاكلة اللفة كانت عينا (زمزم) تطفر بدمعها حين تحكى
عن بعلها الذى طفش إلى ليبيا..خرج و لم يعد ..هناك ثمنٌ للمباه و
و ايجارات للبنابر و دين هالك على من يشربون و يهربون من الحساب.
بينما للسلطات رسوم محليات و أتاوى أكياس نفايات..و دمَعات شهيد
و دمَغات غريق.. و زوادات طىيقى لدبابي أصباف العبور وقسوة ظروف،
إلم. ابنها صاحب التسعة سنوات يحاول لملمة شعث حياته ما بين مغازلٍ
ملاطف لأمه و مكفكفٍ لدموعها و مضمدٍ لجراح قلبها النازف تارةً و أخرى
بين مثيرٍ لغضبها و مفجِّرٍ لصخب صمتها فدفعها عبثاً لتدارك أشد الكلمات
فى حثه للنجاح بالمذاكرة و المثابرة فى زخم الحياة كسير طاحونة أنين
لا ينفك راحلاً. و "حمات روحي في فؤادٍ نازفٍ ما زال نصفه مشلوالا"

● عواطف على مرمى نظرةٍ من بوابة جامعة النيلين فاتها قطار العمر
تلتحف سمو و عِظم مسئولية إخوانها و أخواتها و تفترش أرض العنوسة .
مات حُلمها بمن يشاطر وجعها فلا تظفر إلا بمن يريد مقاسمتها (إيرادها)..

●حينما تجد هؤلاء النسوة يتلاعقن شطائر الفرح فيضربن بخمرها على
عرض حوائط الهموم فيتضاحكن حتى الثمالة ، تكاد تجزم أن العالم خلوٌ
تمامن من يتيمٍ ذي مقربةٍ أو مسكينٍ ذي متربةٍ بات يطوي بطنه على حجر
(كوفارة) جوعٍ او مسغبةٍ. فهل يا تُرى للضحك على خيبات الأمل كل هذه
ااروعة و الألق من تحفات حواء و يا روح آدم يا يت الكل و يا خلاصة
الزهر الفي العالم را روح الفل.

♡و يتواصل مسلسل المتعة مع المعاناة....

((2/3)
• بلدنا الحبوب دا غابة من النفايات ظل مسؤولوها يلتمسون متعةً زائلةً في
سحنة (وجهها) اللا-حضاري الكالح فيظنون أن بعض الناس محض نفايات ،
و نساءٌ يعلن َّ عن هزيمة رجل بائسٍفي عِقْر داره و نكوصه عن القيام بواجبه
كفحلٍ. فوراء مشروع كل ستِّ شايٍ هناك شبحُ زوجٍ تخلى و نفد بجلدِه و أبٍ عاجز
الرأي خائر القِوى و أخٍ هاربٍ وعم أو خال قد أشاح بوجهه عما لا يُسرُّ لرؤيته.

• زينب الثورة الحارة الكم آخر محطة القديمة بالشنقيطي فارعة القوام وضاحة المحيَّا فارهة
الابتسام . تسالمك كأختٍ شقيقةٍ لم تلدها لك أمُّكَ ؛ و هي تقرأ بعنايةٍ فائقة التركيز قسمات الوجوه و
ما وراء ستار الأقنعة : من يريد حقاً كوباً من القهوة بحليب البقر، و من يريده سُلَّماً لنيل وطرٍمحالٍ من
(لبن) الطير في الباقير. كثيرون من يحسبونهن نساءً خرجن على حلول شعورهن بالطرقات للريبة و التلاف
ولاأحدَ يراعي أنهن جنودٌ مجندات يقاتلن على صعيدٍ واحدٍ كل جبهات الوجع من واقعٍ مريرٍ و سلطة غاشمةٍ
و شارعٍ منافقٍ لا يرحم صغيراً و لا يوقر حرمة كبيرٍ، واحتياجات عوائل تعلق عليهن آمالاً عراضاً.

* المؤلم أن الغد سيظل نفقاً مظلماً كما هو عليه فلا عائل و لا رقيبَ و لا حسيبَ لعيالٍ سوف ينخرطون في
ذات الكار ما بين علب الورنيش و كوانين الشاي. فالتربية مشروعٌ مؤجل البت فيه بذيل الأولويات. فالمدرس
يريد و التمرجي يريد و البوليس يريد والله يفعل ما يشاء و ما يريد و الفُرص حواكيرُ سَلَماً لأولاد ِمصارينَ بيضٍ
كمن يُنشأُ في وهو في الخصام غير مبين في أبراجٍ (منشية) من العاج الخالص حيث لم يضربه حجر دُغُش .

• عوالم ليس لعوضية كأيٍّ من صويحباتها أن تحلم بها و لا ينبغي لها ؛لأنها غير معنيةٍ بسوى أن تضع صحن
شواء و عصيدة دخن بوكياب أو كوَل بين يديك حتى لا تضيع هي من تعول. و ضحوة العيد مثلاً، تنتهزها كيوم
(راحلة بخيت في النجَّاض) ..راحة إجبارية من الجري والرحيح غير مدفوعة الأجر . و هي على أية حالٍ فرسةٌ
سانحهٌ مرتين في كل عامٍ لترى و تتلمس وجوه عيالها و إخوانها تحت سقف ( كُرنُكٍ ) واحدٍ يشكو قلة فئرانه .

•خالتو سيدة بنتها التى تقاسي التشنجات بحاجةٍ ماسَّةٍ إلى جرعات يوميةٍ من (الصوديوم فالفوريت).
فلمن تشكو ، و ولاة الامر كم يطوفون الكعبة ؟! و من قال لهم إن الله (منقطع) في مسجد النور! ولا يرون
في كل ستِّ شاي لؤلؤةٌ في قلب صَدَفةٍ فراشة حائرةٌ في حضن زهرةٍِ قرنفل؛ كل منهن ميلوديا لحن جنائزيٍّ
ضمن فصلٍ من مسرحية مأساة وطنٌ وعوالم من الدهشة.. وينك الحي بيك يا أبو أواب؛ جانا العيد و أنت
بعيد ( شايك) ياهو الزمان ولا غيرتو؟ عمومن غيب و تعال ..غيب و تعال..تعال و تعال غيب وتعال تلاقينا
نحنا يانا نحنا يانا انحنا ما بدلتنا ظروف و لا هزتنا محنةكم بعنا في الغرام و اشترينا غير هواك ما
ربحنا يا حبابنا و يا شبابنا و يا ربابنا و يا هضابنا و يا رضابنا و يا قمحنا و يا سمحنا!!

☆مهمٌّ للغاية لمن قد يمهه الأمر £

▪لقاء في قناة إسرائيلية مع الدكتور الإسرائيلي
مالحوم أخنوف صاحب فكرة: ستار أكاديمي!!
● هنا نص ما دار خلال اللقاء بالحرف الواحد كﻵتي :

⚡السؤال الأول:
~/ ماهو شعورك اليوم وأنت حققت أكبر أمانيك
ألا و هي“ستار أكاديمي” في عقر ديار الإسلام؟
~》 شعور لا يوصف، ولكن أخذ من عمرنا الكثير
إلى أن تمكنا من الوصول إلى غايتنا اامنشودة!!

⚡فسأله: ما القصد بقولك أخذ من عمرنا الكثير؟
~》نعم جلسنا سنين حتى تمكنا من نشره عبر الدول
الغربية، ثم بثن في روع الدول العربية، وكنّا نعلم ان فكرتنا
ستتحول إلى أنجح خطةٍ في مسيرة الدولة البهوديه!!

⚡فسأله: لماذا كنتم متأكدين أنكم ستنجحون بهذه الفكره؟
~》: لأننا نعلم يقيناً أن المسلمين اليوم أبتعدوا عن دينهم وفي
نفس الوقت الشباب المسلم أصبح يميل إلى الالتزام الاسلامي
المنطرف الذي لو كبر من شأنه أت يهدد بالقضاء على هويتنا!!

⚡: ما سر حرصكم على أن يكون “أستار كاديمي”كوسيلة ؟!
~》: ببساطة لأننا نريدهم أن يبتعدوا عن دينهم!!

⚡ ماذا تخططون اليوم للهجوم على الأسلام بعد ستار أكاديمي؟
~》 بكل تحدٍّ ووقاحة: " إننا نخطط الآن لغزو البنات المسلمات"!!

⚡فسأله: لماذا البنات المسلمات و تحديداً ، و ليس الرجال؟
~》: لعلمنا أز انحراف بوصلة (المسلمة) سيتبعه تهافت جيل
(طيب الأعراق) كأسراب من الفراش الحائر فوق ألسنة اللهب .

⚡فسأله مرة اخرى: بماذا تصفون غزوكم للمرأة المسلمة؟
~》فقال: نحن اليوم نحرص على غزو المسلمة و إفسادها
عقلياً و فكرياً و جسدياً أكثر من صنع الدبابات والطائرات
الحربية!! وساعدنا على إنشغالهم الفيسبوك و البلاك بيرى
و تطبيقات التناصل الااجتماعي؛ جزء من مخططاتنا!

⚡ : وهل لكم يد في ستار أكاديمي الذي يقام حالياً في لبنان؟
~》مؤكدٌ، فكل ما يجري بتمويلنا و تحت إشرافنا باستمرار!!

وفي نهاية اللقاء ماذا تقول لأمتنا اليهودية ؛ و بم تبشرهم؟
~》أقول لهم: أن يستغلوا نوم الأمة الإسلامية فإنها أمة
إذا صحت تسترجع في سنين ما سلبناه منها في قرون.

☆حسبنا الله و نعم الوكيل.

☆أخي في الأسلام.. أنشرها لعل الأمة الإسلامية..
أمة سيدنا محمد صلى الله عليه وسلم تستيقظ من
سباتها العميق.. و لعلنا نستوعب كل ما جاء عنها!!

يلا ، نكمل عشرة ونسة عن "العاااااالَمانية" مع كم واحد شِفت جهلول على طاولة ضُمنة في قهاوي إسطن/ بوووول.

آسف ليك جدن صديقي الحبيب المرهف خالدعباس
ما تقول علي: "ساعدناه في قبر أبوه قام دس المحافير"
لكن هدا جيتك بحاجة لعلها تليق و تنال استحسانكم:-
《5》
استراحة الجمعة :
●نحكيها على لسان صويحبتها كما جاءتتي و الذمة على الراوية:
توقفت لشراء (نبق) ...ولا اذيعكم سرا ..انا من عشاق النبق .. لا بأس
فالناس أحرارٌ في مذاهب خبهم لما يأكلون و ؤبدلبسون . فالبعض مسلن
يحب الشوكولاتة ...والبعض الكراميل ..وبعضهم يعشق المياه الغازية ..اها أنا
من كبار معجبي (النبق النبق ) .. مةس على كيف كيفي؟!! ..وقد كنت سعيدة
أيما سعادة ..ان النبق صديق طفولتي منذ تعومة أزفاري، ظل صامداً في وجه
موجات الغلاء ..جبل(الرجاف) الما بنشاف و الذي لا يهزه ريح..هو و الأقاشي
قدس الله سره ..الأسعار ترتفع ..والدولار يعلو ولا يهبط ..والذهب (باع فينا
واشترى ) ..اما صديقاي الثنائي المرح (نبق+قاشي) ..فهمم على العهد
باقون ..في متناول اليد ..و تاكل تشبع و تمد للجنبك تديه كمان .

●》أها بالامس الغريب ..توقفت لشراء نبق ..فتحت المحفظة وتناولت
ورقة أم خمسين جنيه ..قلت يا بت عزي روحك و شيلي الكيس الكبير داك..
تقعدي بيهو في فيلم الساعة عشرة إن شاء الله ..قلت لها بعد التحية والسلام ..
( عليك الله أديني الكيس الفوق دا ..أيوة النبق بتاعو احمر .. شكلو جديد ) ..
ابتسمت كاشفة عن أسنان لؤلؤيٍّ جميل و منتظم (أيوة نبق جديد جاني امس
دي والله) .. مدد يا كردفان الغرة أم خيرن جوة و برة .. أها مددت لها ورقة أم
خمسين جنيهاً يطقش الجنيه ..واخذت الكيس وقلبته فرحة وقد سرح بالي في
قعدة المساء .. و فيلم السهرة .. لكن صوتها انتشلني من أضغاث أحلام ظلوط
السعيدة و قالت لي بنبرةٍ خفيضٍةٍ غلب عليها الأسى :(الكيس دا ب300 جنيه) ..

●》ألحقو يا ناس الحلة .. الليلة كتل راجل(النبق ركب الكركابة..لكن ما ودانا
لأم روابة) ..ليه كدا بس؟..لماذا حطمت قزازة سمن أحلامي بجملة واحدة ..300
جنيه عديل كدا ..ليه كدا بس ؟ قلت لها (متين النبق بقى بي 300؟ انا قبل كم يوم
اشترتيو بي 50 ) ..رفعت حاجبيها دهشة (خمسين ؟ دا متين دا ؟ ووين ) و فجأة
"حسيت معاني الفرقة حسيت.. بالوجود من حنتي) اني قادمة من الفضاء ..لا أذكر
بالضبط لكنه كان وكت قريب..قبل الدولار ما يبقى 200 جنيه ..ضحكت ولم تعلق!!
●》بس يا جماعة الخير .. اشرحوا لي وروني العلاقة بين الدولار و(النبق ) ؟ هل هو
تعريفة الترحيل؟ بيجي من وين النبق؟ لو من واغ الواغ يعني أصلو بحاسبو بالنبقة؟
يبدو أنو الامور المرة جارة لأخطر مما نتصور ..الفيضان كسر كل الحواجز ....الشغلانة
وصلت النبق والقونقليز ..و الفول المدمس والتسالي ..نأكل شنو نحن بقية الشعب الفضل؟
..تذكرت جارتي وهي تحكي لي بحثها الدؤوب عن (أكياس الكيلو ) ..أكياس الساندوتشات ..
قالت ان احد الشباب الذين يبيعون الأكياس في الاشارات قال لها (والله في ازمة في أكياس
الكيلو الايام دي ) ضحكت جارتي وهي تحكي لي (بالله الازمات حصلت اكياس الكيلو ..لسة
ماخلصنا من ازمة الوقود ..والغاز والعيش ..بقى في ازمة اكياس الكيلو) ..شاركتها الضحك
وقلت لها (عندنا مثل باللغة النوبية بيقول تلي قون ترسي فكلا ..اي ترسا ملي) ..المعني
الحرفي له ( الابرة وسط الحديد ..برضو بتقول انا حديدة) ..

●》يعني بقت على أكياس الكيلو؟ ليه ما تختفي؟ و أهو النبق كمان عايز يقول أنا
حديدة .. و الأمر ينطبق على كل الاشياء التي كنا نأخذها كمسلمات موجودة في حياتنا
..يبدو ان شبح الغلاء قد القى بظلاله عليها ..ودونكم الفول ..حبيب الشعب ..الطلب منز
فات ال120 جنيها..مما حدا بالغلابة بتوليف وجبة تنوب عنه مكونة من البليلة العدسي
مع شرائح البصل ويضاف اليها الزيت والشمار..اطلقوا عليها اسم (زمني الصعب ) ..

●》والله الزمن بقى صعب فعلا ..ونحن قلنا الروووب عديل ..اذكر انني قبل مدة كنت
قد طلبت من وزارة المالية عدم صرف راتبي ..وانما في المقابل طلبت منهم منحي مواد
تموينية وكهرباء وغاز ووقود ..اعتقد ان طلبي هذا تعجيزي في الزمن الحالي ..لذلك اسحبه
واطالب وزير التجارة فقط ان يضبط اسعار الفول والتسالي والنبق ...لأنه على ما يبدو لو
استمر الامر على كدا ..الدولار (يتحدانا يوم يزعل ..تقول اقدارنا في ايدو ) والسلع الاساسية
ترتفع جرائه ولا تنزل بتاتا ..لو استمر هذا الامر ..فالنبق و التسالي و الفول الواحد ستصبح
وجبات أساسية لغالب الشعب السوداني..وعما قريب ..سنسمع بساندوتش النبق ..ووجبة
تسالي الكارجقل بالباشميل ..في الختام و على غرار شر البلية ما يضحك..كتب صديقٌ
سفير ...ساخراً(بقينا زي أهل الكهف ..نمنا وصحينا لقينا قروشنا ما بتجيب حاجة).
☆ ود ال ح ي ش ا ن ال ت ل ا ت ة
مؤذنٌ محجورٌ منزلباً بجزيرة مالطا

《 7》
و نحن عانينا و لا نزال و سوف نظل نمارس العناء إلى أن يقضي الله
أمراً كان مفعولاً؛طالما ح نفضل كل واحد فينا آخذ بتلابيب أخوه التاني
مقبقبو بينما۞ ..خَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ ۖ
فَسَوْفَ يَلْقَوْنَ غَيًّا} .و يبقى العيب عيباً و لو سبلت عمامته..و الكلب كلب و
لو ترك النبيح.. فعلن ديل الكلب أعوجُ .. فإذا قمت تجازف تعدله كسرته.

● ثم بمناسة الكلاب دي أعز الله السامعين؛ بالله عليكم، يجي زول فقيه في
( الغانون ) أولن يكشحلي موية ساكطة في وشي دا ، و يدعك لي تومة مكادة
و لا بصلة كلاب في نخريني ديل؛ ينشطلى مخي المزهمر دا البقى ما بشتغل إلا
"ساعة النسمة ترتاح على هدب الدغش و تنوم و أنا مساهرفي عز الليل"و دا كلو
كان بس تقدرو تركبو لي وهمة كيف يعني:"علاقات و ليست تطبيعاً؟!!"¿

《8》
●يقولون إنة الطبيعة لا تعرف الفراغ موش كدي؟!!
دا كلام سليم و سمح بلحيل و طبعن عقول البشر من أثرالطبيعة،
بطبيعة الحال . إذن ، لامن شعب معلم خرافي قالوعليهو: (غبي ولمَّاح)
زي ناس بلدي يا حبوب ، حارسو الفهمو وارث الفراسة أباً عن جد كابراً
كابرٍ ، بعد ما يقوم بثورة عملاقة هيهاتَ أن تتكرر و سقطت دونها أرواح
شابين و شابات راحو فطايس أبرياء ؛ و فجأتن كدي نفقد عقولنا و ذاكرتنا
و نركب بدالا أقراص ذاكرةدلافين و أسماك قرشٍ ؛ و يلا نقعد كدا نتفرج
كالمنبت : فلا أرضاً بطع ولاظهراً أراح. لحد ما يجو يفكرو لينا و يشيروا
علينا شوية مشيرين بُلهانو سعاليق(خلاء) شذاذ آفاقٍ فافد تربوي يورونا
أين تكمن مصالحنا العليا؛فبالله عليكم ، أليس من صميم طبيعة دايناميكا
منطق الأشياء، إنو:لامننجي نتفقد كل الوهمة اللي عملناها دي
نلقاها تمخضت لينا عن أنثىثور خمسو ضكر لا بتنحلب
و لا بتنركب. فعلن من قال: تبَّن لنا!!

《9》
● كان عمنا الفرعون الراحل/ وردي من أوائل من غنوا
و رطنوا باسم انقلاب مايو كي لا نقول (طبَّلوا) ليها. و لكن
لامن كشرت لهم عن أنيابها فكشفت لهم عن ساقَي سوءاتها؛
سرعان ما قلب وردي الموجة لأب عاج أخوي دراج المحن ؛
فبعد ما كتب له محدوب شريف:
يافارسنا و ياحارسنا؛
▪ يا فارسنا وحارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
▪حبابك ما غريب الدار
و ماك لي حقنا الودار
كنا زمن نفتش ليك
و جيتنا الليلة كايسنا
يا حارسنا
▪ جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
▪ بيك يا مايو
يا سيف الفدا المسلول
نشق أعدانا
عرض وطول
حلفنا نقيف و نتحزم
نشد الساعد المفتول
▪عشان نبدي اشتراكية
و نرفع راية هم خلوها
فوق السارية متكية
دقت ساعة كانت نجمة
في أعماقنا منسية
● هذه الأغنية التي ندم وردي على غنائها لارتبطها بمايو
كما ندم شاعرا على كتابتها و رجعو ينبزو في صاحب بالألقاب:
لاك حارسنا..لا فارسنا ..يا الكايس مغايسنا..ىو يا الفاقع مرارتنا..
يا محرم مرايسنا..و مجهجه باكات معاهدنا و مقفل مدارسنا.
☆ ود ال ح ي ش ا ن ال ت ل ا ت ة
مؤذنٌ محجورٌ منزلياً بجزيرة مالطة!!

(10)

●بعد مرور نيفٍ و نيفٍ عاود نفس الثنائي الحالم/
وردي و محجوب شريف ، عاودا الكرة كرتين يؤلفان و
يغنيان و يبنيان هذا الطن المهدود حيلو ، قصوراً من
الرمال المتحركة و بستنهضان هِمَمَ هذا الشعب الأبي:
"يا شعباً لهبت ثوريتك ..تلقى مرادك و الفي نيتك"

● فيا تُرى لو قُدِّر لهذين العملاقين أن يُبعثا من
مرقدهما، فماذا عساهما أن يجدا سوى شعبٍ"خمدت
ثوريتو .. و هيهاتً أن يلقى مرادو و لا الفي نينو".

(11)
ما بين محطتي ( فشلنا) المريرة ، و(سنعبر) الزائفة، عبرنا
للفشل، وفشلنا في العبور."محمد تاج السر - مقال شتات. الوطن"
مابين سنعبر..وفشلنا..!! #سنعبر:العبارة لرئيس مجلس الوزراء
عبد الله حمدوك #فشلنا: العبارة للمدعو محمد حمدان دقلو«حميدتي»
الاول له ثقة مفرطة في الخارج،والثاني«تلقائي »قليل الخبرة في
السياسة.. برأيكم يا تُرى ايهما اصاب..؟ أم كِلاهما .

يمكن ان نجمع العبارتين في جملة (فشلنا و لكننا سنعبر بفشلِنا إن شاء الله)
فشل حمدوك انه لم يستقيل حتى الآن فكل الناس يعلمون أن السلطة ليست بيده
وهنالك عراقيل أمامه سواء من بقايا المؤتمر الوطني أو ممن هم معه في السلطة
حاليا، وضاع الشعب بين (شكرًا حمدوك) و حمدوك طلع ماسورة مكسورة.

بعد التحيه وتقدير ظروفنا الاستثنائية؛ فالعبور يبدا بخطي وئيدهٍ؛ و أما
الفشلفحثيث الخطي - و لنا في السياسة باع ومندوحةٌ عن اللفو الدوران
و في شوارد حظيرة بنت عدنان مخارج عبر مسالك المجازاتٌ و الكناياتٌ
و الاتوريات عبر إطلاق اللفظ مع إرادة لوازم معناه كما للشعر الطليق الحُر
والرصين المقفى بحور من الرجز والطويل والقصير و هلم جرا والسياسة
فن الممكن و اللا-ممكن ، و لها ا دهاليزها ومحترفيها و كلاالرجلين ملكا
زمانهما الذي لم يبدا بعد -سؤال هل لنا من صبر ايوب نصيب حتي-

* حمدوك ليس مكابراً ، إن كان عنيداً في صموده . وهذا عين
ما يضعه في عنق فتيل ، بل بين مطرقة ضغوط خارجية تبدو
مساندةً له لكنها تحمله ما لا يطيق ، و بين سندان شعبٍ لهبت
ثوريتو ولكنه نقناق ملولٌ ما عندو صبراً يبل الآيري كممكنةٍ م
ن ضرها كلَّ حالبٍ ، ثم رافسةٍ فدافقةٍ بعد ذلك كلَّما حلب".

♧لمدن عنيدة..تنوم و تصحى..على منصات الغضب
(دفع الله ود الأصيل)

{}
* تبسم على أية حالٍ فأنت على مشارف أطلال مدينة كانت
هنا يقال لها " عدن النيل الأزرق " و لم يعُدْ باقياًمنها سوى أثارةٌ
من قبسٍ بعد عَيْنٍ . اجل عليك أن تتبسمْ ؛ رغم أنكل شيء هناك
يدعوك لرفع يديك تشيل الفاتحة على روح المرحومة .

* فملصقات الصورة الحزاينية للراحل/ ( الحوت) معلقة ٌأمام
السائقين..بعضها مصممٌ لغلاف ألبوم ذائع الصيت و واسع الانتشار،
منقوش عليها : (... ساب البلد ). و بعضٌ منها آخرُ تراها ملصقةً
حتى على مؤخرات (حمير اللَّبن). الشاهد طبعن إنو ذاگ يأتي كدليلٍ
(دامعٍ) بحيثٌ لا يدع مجالاً للريبة والتلاف على أنو هذه {الأمة أكيد
بتحب النبي، مافي اتنين تلاتة و محمــــود أگيد بحب الرســـــول}.

* ود ا ل ح ي شــــا ن ال تــ ل ات ة
مؤذنٌ محجورٌ منزلياً بجزرية مالطة

[}أمام حالة سجال ساخن ما بين (النسيمات و الخصل)،
وجدت نفسي أقاوم كتاحة الهمبريب الطلق تعبث بغطاء رأسي
فأعدله عبثا مرارا و تگرارا ، حفاظا على عذرية أصول بصيلات
شعري. و سائق الرقشة اليافع، ببدو متهورا لا يعرف الإبطاء أبداً في
غمرة سباقه وراء لقمة العيش الشريفة لقد ندمت على ما حملني على
تنبيهه إلى أنني على عجلة من أمري؛ فصار حالي گحال (من يدافع
الأخبثين، أو من يعافر عبثاً لينتعل بكلتا خُفَي حُنين). على أيةحال
مسافة المشوار ليست بذاگ البعد السحيق بينمقر سكناي و مبنى
مجمع اللواء عشرون (مستشفىالأطفال بود مدني). ها أنا ذي
أتنفس الصعداء لدى وصولي أخيرا،وو بعد لئي ،
لأحاسبسائق الرگشة.ثم أهرع للدخول عبر
ممرات دهليز ممتد گنفق مظلم..

(((ود مهدينا، إنزيك))
أولنْ في التبادي وعليكم السلام و رحمة الله و بركاته،
و الله زارتنا البركة و تاني حا جة ماني عارف أجاوبك بشنو ،
سألتني مسعول من الخير لكن الجواب ما أدوا ليه" درس عصر"
علا و كت فتحنا باب السوعلات ، أ،ا من زمن كايس لي لمة في
شخصية أي منبرية محوري انه عندي ليهم سعالات كوتارات يبحثن
عن جوابات فداير ياخي تسألم معاي بس ، ليه ما بتعبِّرو بوستاتي، ولا
أعمني يعني زول ساي ، لاني كوزن مرطب ،ولا ني شيوعين معطرب
ولاني طائفي متصلب ، و لا عنصري متعصب ؛و لا أتعاطي افيون ساس
يسوس إلا شذراً و لا أدانيها إلا من وراء حجابٍ. تماماً كما يتعاطاها
حِمار مسلن، عندما يقيف في العقبة كنوع منالتعبير عن مبدأ
( العصيان بالنظر).
{***}
® بالموناصبة لامن نقول الخيل تجقلب بهنا و النوم
والشركر بهناك ليه بكو ن لحماد ، لأنو مرات حماد بكون
ظاطو ضحية للجقلبة و ممسكنو ضنب التورفي حالة مزاجية
لا يُحسد علها خسوسن لا من تكون منزعج ا وغالبو النوم.
[} عمومن، دا سؤال من شويفع ملقوف و جنو أسئلة سخيفة
و محرجة ظاطو . فا شنو مشى لكز أبوه نايم و قعد يطرح
عليه سيل من الأسئلة الزعجة و متلاحقة، مسلن عن :

1) الزير (التيبار الواحد دا) يا يوي ليه بغتوه؟!؛
2) والگبري لشنو بانينو ؟! ؛ 3) و الگديسة مالا بتجي
تعاين للزول تحدرولو وجو ود عينو و تفوت ؟! لحد ما
في النهاية جابا ليه ضقلا يكركب ؛ و من الآخر كدا
سألو عن حاجة ما گانت على البال ، فقال ليه :
3) بعنى شنو حكاية الفساد الأخلاقي سياسيـــاً؟!!

{***}
في الحقيقة الظاهر الأبو موش كان بس متضايق من
أسئلة الشافع، لكن ما كان مِرَكِّز كِوَيِّس و لا عندو ليها وكت
أساسن، عشان يجاوب ؛ شكلو گان برضو محتار ،عندو أمورگدا
و (حاجات تانية شاغلاني) فحاول بس يجازف ليه إجابات گشا مشى
ساي كطع أخدر.، قام قاللو: 1) أولن ، الزير طبعن بغتوه عشان يقعدو
فوقو (گوز) غليد كدا لامن رقبتو السيف مايدليها يكتم نفسو و يفضل ساقط
(بارد)؛ 2) ثم تانياً كبري الحرية مسلن بانينو مقابل السجانة مباشرتن،قال
عشان تجري من تحته مياه ٌراگدةٌ (آسنةٌ) گثيرة ، و بعدينك تمش تكب في
ماليزيا ، و لا من شاف ، و لا من دري ؛ 3) ثم تالتن و أخيرن ، الگديسة
دي زاتا بت لزينة ، مرات بتناور تعمل تقدير موقف و جس نبض عشان
تفرز لزول الحمش البقدر (يضبحا) في يوما {داگ}، من اللضينة ساي
الما بقدر؛ فلو اطمأنت لجانبو، ترا يا ها البتحدرلو في وشيه عدييل
كدا، تمش تفوت حوفا ساااه!! شايف ليك بالله جنس محقرة؟!
* يتبع