(adsbygoogle = window.adsbygoogle || []).push({});انا لما افوض عسكري افوض برهان القهرنا ليلة العيد وخلانا نقرب نموت كمد من النفسنة الرمى اخوانا في النيل احياء ؟ افوض قاتل وكضاب وارجوز في يد قوى اقليمية ؟ تذكروا ليلة العيد والمفقودين والاغتصاب في نهار رمضان وقولوا الجوع ولا برهان وانعل الشيطان.باطن الارض خير من ظاهرها .نحن بننتقد في المدنيين عشان ما نصل الخيار ده لانه حكم العسكر بحرمك حتى من نعمة الانتقاد ومافي زول ايد انقلاب وربح ، عبدالله خليل ندم عمره كله وكان في طليعة المعارضين لعبود مع انه من احسن الانقلابيين المروا على السودان ، محمود محمد طه دفع رقبته تمن للانقلاب الايده ، الشيوعيين دفعوا قادتهم تمن للانقلاب الخططوا ليه ، الترابي شكى لطوب الارض خيانة الناس الخطط ليهم الانقلاب.حكم العسكر ما بتشكر والله ولا بفش غبينتك و هو اصلا الوصلنا المرحلة دي شنو غير حكم العسكر؟ كله مظالم ودم وفشل .كل البنقوله للمدنيين احسنوا تسويق الدمقراطية بالتركيز على معاش الناس واتركوا ما يفرق الناس لحكومة دمقراطية منتخبة.كونوا كبارا وما تخلوا الغبائن تقودكم .ما تكونوا انانيين وتستغلوا الظرف بتمرير حاجاتكم الخاصة الما حتوحدنا .اتركوا الانتقالية للحد الادنى البجمع السودانيين كلهم وجنبوا ما يثير الجدل والنزاع .ونطالب حمدوك انه يكون للسودان كله ما لفئة صغيرة .السوداني عبدالدائم نوري
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة