|
|
|
 Re: حركة مسلحة .. جديدة في كردفان .. تعلن عن نفس (Re: Deng)
|
شايف في ناس رجولها بدأت ترتجف ..
يا أخوانا نحن مولودين ومتربين وسط عزير الرصاص .. الناس ديل مطالبين بحقوقهم مثل أي إنسان مظلوم أخر ..
أمام أعينكم يا قحت الوطن يتشلع .. ! .. أتقاتلوا في فطيسة المحاصصات الحزبية .. لما الوطن يتشلع ليكم في رؤوسكم ..
بريمة
| |
  
|
|
|
|
|
|
|
|
Re: حركة مسلحة .. جديدة في كردفان .. تعلن عن نفس (Re: Biraima M Adam)
|
الحبيب بريمة
صدقني ( كردفان ) رمزية جمال وغناء ولحن وطرب في دواخلنا
في اسماء في السودان في اللاشعور رمزية الحب والجمال والفن
مثال : بارا وأم روابه .. وكمان كسلا ... وامدرمان .. ونوري ومروي
بمجرد ذكر هذه الاسماء ترجع للطرب والموسيقى وليس لأزيز الرصاص
يا سلام :
عبدالقادر سالم
عبدالرحمن عبدالله
ثنائي النغم
ابراهيم موسى ابا
أكمل الباقي حبيبنا بريمة .. ذاكرتي غير حاضرة الآن
==================================
حرام والله
كان مفروض العاصمة تكون في كردفان
اديبنا بريمة اسرع طريق للمنصب الدستوري ( السلاح )
تحياتي ..
| |
|
|
|
|
|
|
|
|
|
Re: حركة مسلحة .. جديدة في كردفان .. تعلن عن نفس (Re: علي عبدالوهاب عثمان)
|
حكومة ضعيفة ورثت أعباء ثقيلة أكبر من قدرات
افرادها وبكثير جدا بقاءها بضعفها الحالي
واستمرارها في حكم البلاد سيخلف حرب أهلية ..
واقتتال قبلي وتقسيم وتفتيت للمتبقي من السودان
وأوضاع مزرية أكثر مما هو حاصل ..
من الافضل ولمصلحة البلد وقبل فوات الأوان ..
حمدوك وحكومته طوعا يستقيلوا لانهم فشلوا
في ادارة البلاد ولانهم لم يلتزموا بالوثيقة الدستورية
وكانوا أول من خرقها بالتحاصصات الحزبية
ليتم تعيين حكومة جديدة من التكنوقراط للوزارات
وحكام الولايات ولجان المقاومة يضطلعوا
بمهام المحليات وكل ما يمس معاش المواطنين ..
للسيطرة على الغلاء وكبح جماح السوق
وجشع التجار لانه دي حكومة عينها مكسورة
ولا زال الكيزان والعسكر بيحركوا افرادها كالدمى
| |
|
|
|
|
|
|
|
|
|
Re: حركة مسلحة .. جديدة في كردفان .. تعلن عن نفس (Re: Biraima M Adam)
|
الحبيب علي،
سلام ..
Quote: بارا وأم روابه .. وكمان كسلا ... وامدرمان .. ونوري ومروي
بمجرد ذكر هذه الاسماء ترجع للطرب والموسيقى وليس لأزيز الرصاص |
الأنسان الكردفاني لا يميل للحروب ... ولكن أبناء مناطق التماس في كردفان .. تجاذبتهم حروب الهامش .. فصاروا وقوداً لها ..
من السهل الوصول لمشتركات مع هؤلاء الشباب .. أي عنف ضدهم يعقد الأمور .. ما عاد السودان يحتمل أي تمرد جديد.
بريمة
| |
|
|
|
|
|
|
|
|
|
Re: حركة مسلحة .. جديدة في كردفان .. تعلن عن نفس (Re: Hassan Farah)
|
Quote: نان يا بريمة دا كلام منو(يا أخوانا نحن مولودين ومتربين وسط عزير الرصاص .. الناس ديل مطالبين بحقوقهم مثل أي إنسان مظلوم أخر ..)
عاوز تنكر ناسك ؟ عيب |
مؤهلاتك الفكرية .. cognitive factors .. ظهرت فيها عوامل تعرية كثيرة .. صدأ بهنا .. وبيت عنكبوت معشعش بهناك .. ويبدو عندك طشاش في العيون وزغللة !!
هل تعرف كيف تتعامل مع المتمردين ..
أول شيئ .. عليك الاعتراف بمطالبهم .. مبدئياً .. ثم مطالبتهم بالجلوس للحوار .. وهناك لا يصح إلا الصحيح
نفس الحالة تنطبق علي الخاطفين ..
وعلي المجموعات القبلية المتقاتلة ..
وأهلنا علمونا لو لقيت نفرين محاولين الأشتباك بسلاح .. ما بتقول لأي منهم أنك غلطان .. دا يعنى أنت صرت نصير لأحدهم ضد الأخر
لكن تقول للذي تراه معتدي .. تقول له: أن فلان أو الشخص الأخر ما غلطان .. أنقرع من الوقوع في الخطأ ..
هؤلاء الشباب .. نحن ممكن نعرف خشم بيتهم في القبائل ..
ونرسل لهم مجموعة من الشباب والشابات .. وبعض الحكامات وكبار السن .. من نفس خشم البيت ..
وح يجيبوهم ويختوهم في محلة محددة .. ونخليهم يختالوا .. ونحن عارفين البير وغطاها معهم ..
شوف عبد العزيز الحلو .. في رؤوس جبال كاودا .. !!
لم أجد مشقة في أي مكان في الدنيا .. أصعب من تسلق جبال كاودا ..
كنت أظن أن "سماريا قورج" .. وهو أخدود جلبي في جزيرة كريت في البحر الأبيض ..
طوله 18 كليومتر .. قطعناه مع شباب عرب من تونس والجزائر ولبنان ..
من الطرف الشمالي .. مدينة خانيا .. إلي مرقنا في الطرف الجنوبي ..
لما مرقنا بغادي الشباب كلهم رجلينهم دممن .. وأنا الوحيد لم أصب بمثل ما أصابهم ..
وفي نهاية الرحلة كنت أنا شايل ليهم الموية .. والزاد .. وبعضهم بشيل ليهم ال "باك باك" بتاعتهم ..
كاودا تسلقها أصعب من تسلق أخدود سماريا قورج ..
أها صاحبنا الحلو لما طلع راس جبل كاودا .. كان عمره 36 سنة .. اليوم عمره 67 سنة .. يعنى إحتواء ممتاز ..
وهو نفسه السجمان ما جايب خبر .. أن البيولوجي .. ال عملت صدأ .. وخرابيط في ذاكرتك .. ح تعمل فيه كده برضو ..
وح تستمر خطط إحتواءه هكذا .. حتي يقضي الله أمراً كان مفعولا ..
وبلد ما دخلك شر ..
بريمة
| |
|
|
|
|
|
|
| |
Biraima M Adam
محمد البشرى الخضر
Asim Ali
محمود الدقم
خضر الطيب
Deng
mohmmed said ahmed
علي عبدالوهاب عثمان
جمال ود القوز
Hassan Farah
منتصر عبد الباسط
nour tawir
فيس بوك
تويتر
انستقرام
يوتيوب
بنتيريست