|
Re: مين متابعني في قناة النجوم اون لاين ميديا (Re: توفيق عيسى مكي)
|
انا من طلقت السياسة طلاق تلاتة من كم سنة وبقيت شغال للسودان عبر بوابة الاقتصاد بالي مرتاح شديد وكل يوم بشعر بسعادة وفرح لما اكسب زول معاي السياسة فرض كفاية ما مفروضة علي لأسباب كتيرة وغير واجبة الشعب السوداني لو اتوافق على نتنياهو حاكم دي ما مشكلتي مشكلة العطالة الما لاقين شغلة أو الحرامية أو المرتزقة البيهمني الزول السوداني أسرتي الكبيرة والصغيرة أولاد حلتي أهلي أصحابي انسان السودان الذي لا حول له ولا قوة وما قادر يسترزق ويعيش ومشيت بعيد جدا نصره ليهم
| |
|
|
|
|
|
|
Re: مين متابعني في قناة النجوم اون لاين ميديا (Re: توفيق عيسى مكي)
|
عشان بنمتلك أكبر بنك معلومات اقتصادية وتجارية عن السودان في العالم وكذلك قواعد بيانات ليها ضخمة ما بنجد مشكلة نضع الناس في الطريق السليم أغلب الناس رايح ليها الدليل أغلب الناس دايرة تعمل للسودان بجد بس ما عارفة كيف ما لاقين غير سكة المشاركة في الشأن السياسي كضريبة بيعملوها لبلدهم نحن بنوسع الماعون لأقصى درجة
| |
|
|
|
|
|
|
Re: مين متابعني في قناة النجوم اون لاين ميديا (Re: صباح حسين طه)
|
متابعين سمو الأمير شغل ممتاز و ان شاء الله ناس كتيرين ح يستفيدو من طرحكم قبل يومين كان في البرنامج الصباحي في تلفزيون السودان لقاء مع اسرة عندهم مساحة في البيت زارعنها خضروات و مربين حيوانات أليفة دا جزء من طرحك قبل كم شهر بالنسبة للإكتفاء الذاتي اما مشروع بنك المعلومات الإستثمارية فهو بلاشك مشروع ضخم و حيستفيدو منه المستثمرين داخل و خارج السودان اتمنى ليكم التوفيق يا حبيب
| |
|
|
|
|
|
|
Re: مين متابعني في قناة النجوم اون لاين ميديا (Re: توفيق عيسى مكي)
|
Quote: متابعين سمو الأمير شغل ممتاز |
الامتياز جا من وين ؟ اكيد من نصائحكم وتوجيهاتكم ودعمكم المعنوي اللامحدود انا بتذكر قبل سبعة سنوات هنا في المنبر عندما أعلنت رفع موقعنا على الإنترنت وتركت الرابط للتصفح كانت الاستجابة كبيرة والتفاعل أكبر واتعمل اسكرين شو لبعض الصفحات ونقد ليها لكن كانت التوجيهات أن اشتغل على قوالب جملة الجاهزة بنفسي ووروني الطريقة كيف وبالفعل اجتهدت في قالب من قوالب جملة وجعلت منه موقع لينا مشاهد جدا لدرجة كنت أجد 80~120 معاي اون لاين ووصلت المشاهدات والتصفح في الشهر لأكثر من 120 الف وكانت فيه صفحة بورصة تمتاز انه أسعارها تنزل قبل سونا ووزارة التجارة عشان كان قريبي بيمدني اول بسعر الاقفال قبلهم بفترة لدرجة مرة في لقاء إذاعي تداخل معنا شخص قائلا انا من الأبيض على بعد شارع من سوق المحاصيل في الأبيض أصبحت اتابع أسعار السلع من موقعكم قبل أن أذهب لعملي داخل سوق الأبيض الكبير المعنى بكم وتوجيهاتكم صرنا نكبر كل يوم وأيضا نتعتق ونكبر
| |
|
|
|
|
|
|
|