|
|
|
 Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
يستطيع السودان شراء الكهرباء
من اثيوبيا وقد ضمن تدفق منتظم لمياه النيل
وبالتالي يمكن الاستفادة من مياه السدود المخزنة
في التوسع في الزراعة ، وتوطين الماشية ببناء
مزارع ضخمة واستقرار الرعاة وبالتالي تقل
المشاكل بين الرعاة والرحل ونستطيع تصدير
منتجاتنا من اللحوم والالبانوالاستفادة القصوي
من الذبيح ( جلود وسواها ) مما يشجع الصناعات
ويضمن فرص عمل للشباب.
ليس الامر صعباً
| |
 
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
اذا قالت حزامي فصدقوها فان القول ما قالت حذام
كلام حكيم
البقنع قرود بافلوف الخمسة المشوهين ديل يزحونا من مصر وعربان الخليج شنو ؟؟؟
https://top4top.io/
عليك الله د حزام
حصل مرة فتحتي فضائية حبشية
لقيتي مذيع ذى كيس البعر يرزل بي السودان والسودانيين ويصفهم بي الذبالة في القضاء ولا يجد من يردعه
من ما فتحنا الاعلام المصري دي يرزل بي السودان والسودانيين بسبب الحثالة الخمسة الفوق ديل
عليك الله الانتخبهم منو من الاساس عبر العصور عشان يلو السودان ده كلو في الاتجاه الغلط بعد الاستقلال ويختونا في جحر الضب الخرب الاسمو جامعة الدول العربية
وتحت جذم المخابرات المصرية والفهلوة الاستهبال
ولحدي هسة انا وانت متفقين انه اعلام ق حت ده مبتزل ووضيع ولا يعبر عن ثورة حقيقية \ولا يوجد من الاساس ثورة حتي الان
لا زالو يهرولون في نفس اتجاه الانقاذ وغارقين في نفس وحلها الاسن
ومرت سنة كاملة
حاصل فارغ
| |
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
ومن عجائب ما ابتلينا به محاولات الدول الاخري
التأثير في قرارنا حتي بلغت الجرأة باحد السفراء
الاتصال بحزب والايحاء باسقاط الحكومة عن طريق
المسيرات ومعروف ان المسيرة ذات مطالب محددة
ونشكر لعضو الحزب المخضرم شفافيته التي نبهت
من كان غافلاً او متغافلاً وعلمنا ان الاوامر قد صدرت
للتبع باسقاط حكومة تمثلنا ، بفورمان من سفارة دولة
و يا لسخرية الاقدار فهم قد اغرقوا المدن واعطونا السراب
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
هم يعلمون يقيناً ان السد قائم
ولا يستطيعون لوي يد اثيوبيا ولكنه السودان.
السودان من يقصدون ، سيتصاعد الغلاء فهم
تجار الدولار واكبر مهربي الذهب ومزوري العملة
والمتحكمين في كثير من مفاصل الدولة فقد نكس
علمهم ولم يخرجوا ، نعم ستتواصل المسيرات الي
ان يذهب حمدوك او يرضي بشروطهم وشرطهم هو
فرق الماء من حصة السودان ، ويا له من شرط.
مبروك السد
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: عمر نملة)
|
اهلاً استاذ Asim Ali
الفشقة ارض سودانية باعتراف اثيوبيا ولم تحتل
من قبل الدولة الاثيوبية ومشاكل الحدود طبيعية
اما حلايب وسلاتي ف بالامس هناك
انتخابات مصرية بها .
رفض مصر التحكيم هو ما يجعلها نقطة
التهاب .
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
اهلاً استاذ عمر
العدل كان يقتضي تقاسم المياه بانصاف
في اتفاقية 1959 ( وهي سبب قيام انقلاب
عبود) وكان يقضي بانفاذ اتفاق مياه النيل
من كهرباء ودفع التعويضات عما حاق بحلفا وكان يقضي
أولاً ان تقام بحيرة السد داخل حدود دولتهم كما فعلت
اثيوبيا، اقرا للاستاذ فيصل خليل لتعرف حجم الضرر.
لا احد يريد تعطيش مصر ولكن هي تاخذ اكثر من حقها
وتشكي وتبكي ، الخليج كله ما فيهو مويه ويستغلون
ما لديهم احسن استغلال ، مصر تروي الزرع بالغمر
وما يتبخر من بحيرة السد يساوي ربع المخزون ،مصر.
ترفض فتح بوابات الخزان ف يغرق شمال السودان سنوياً.
علي مصر ان تفاوض .
ما بهمني السودان ولا تنسي ان سنين الحصار والذي
حدث بسبب مخابراتهم لم تمد مصر يد العون للشعب
السوداني بل كانوا مستفيدين وصدروا منتجاتنا باسمهم
يجب علي المفاوض المصري ترك التحريض والبدء في
مفاوضات جدية
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
Quote: الفشقة ارض سودانية باعتراف اثيوبيا ولم تحتل
من قبل الدولة الاثيوبية ومشاكل الحدود طبيعية
اما حلايب وسلاتي ف بالامس هناك
انتخابات مصرية بها .
رفض مصر التحكيم هو ما يجعلها نقطة
التهاب . |
بل اخطر من المصريين فمصر اختلت بوجه مكشوف
لكن
اثيوبيا تحتل باسلوب الاستيطان ووضع اليد وفرض الامر الواقع مزارعين مدعومين بجنود تحت غطاء مدنى(عمال فى مزارع المعتدين الحبش)
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: Asim Ali)
|
ياستاذ Asim Ali
ده نزاع بين اهالي وله مسبباته ، الدولة السودانية
هي اول من اعتدي علي اثيوبيا بدعم تمرد ( اقليم
ارتيريا ) بحجة العروبة ووضعنا سابقة خطيرة ، يا استاذ
عاصم هذا الملف السودان ارتكب به خطأ فادحاً .
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
حياك الله د حزام
قصة في حزام جميلة جدا في التاريخ العربي
وجاتك عينات مجانية من الكائنات القعدت مصر في راسنا من زمن اساقط عبدالناصر الي الاكثر سقوطا السيسي
والناس علي دين اعلامها
والشعب المصري مغيب وبحكم بي حثالة زينا في السودان
وفرق بين النظام السياسي في الحبشة وفي سودان قريعتي راحت كبير جدا
ابي احمدرئيس رئيس وزراء منتخب ويعبر عن دولة فدرالية حقيقية يعني 100 مليون حبشي
حمدوك وشلته السخيفة لانتخبهم منو وبعبرو عن منو من الاساس
مشكلة السودان هي
1- حشرنا في جامعة الدول العربية من 1957
2-تقوبض الفدرالية بيا ستمرار
وهسة ناس ساطع والسنهوري وصديق يوسف ديل قوضو اتفاقية نيفاشا ودستور 2005 البخلي السودان ذى الحبشة
محكمة دسنورية فاعلة
وحكم فدرالي رشيد
تنتخب واليك وبرلمان ةلايتك بدل الحاجات الهلامية دي
قلت ليك مستوي الوعي في السودن والبورد حتي هذه اللحظة ما قادر يطلع من تحت جذم المخابرات المصرية ويزحنا من العرب ويرحعنا للسودان الحر بتاع السيد عبدالرحمن المهدي وجيل الاستقلال الذهبي
ويخلي الحريات الاربعة دي مع دولة جنوب السودان فقط وهذا افضل مليون مرة من لطعتنا في الخليج ومصر
ازمة النظام الانتقالي الوسخ والمفضوح والمشوه هو ازمة السودان الجقيقية
والعمل الاعلان الدستوري القبيح ده وهو من اراد ان يضع السودان في نفس الوضع المخزي بعد الاستقلال من انقلاب عبود لحدي انقلاب نميري لي البشير لي بن عوف 2019
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
Quote:
ياستاذ Asim Ali
ده نزاع بين اهالي وله مسبباته ، الدولة السودانية
هي اول من اعتدي علي اثيوبيا بدعم تمرد ( اقليم
ارتيريا ) بحجة العروبة ووضعنا سابقة خطيرة ، يا استاذ
عاصم هذا الملف السودان ارتكب به خطأ فادحاً . |
وأثيوبيا دعمت تمرد الجنوب .. وأدى لفصل جنوب السودان
عن شماله؟ أنتى تتحدثين بلسان حبشى وليس سودانى؟!
وهل حتى هذا تبرير لأن تتغول أثيوبيا فى إستيلاء إستيطانى على أراضى الفشقة
كما قال لك الأخ عاصم .. للأسف تكيلين بمكاييل متضاربة!!
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: نادر الفضلى)
|
Quote: يستطيع السودان شراء الكهرباء
من اثيوبيا وقد ضمن تدفق منتظم لمياه النيل
وبالتالي يمكن الاستفادة من مياه السدود المخزنة
في التوسع في الزراعة ، وتوطين الماشية ببناء
مزارع ضخمة واستقرار الرعاة وبالتالي تقل
المشاكل بين الرعاة والرحل |
دكتورة إخلاص
ممكن توضيح ما تعنين هنا (بتوطين الماشية) وهل لها علاقة بتوطين أصحابها
الرعاة. أعتقد أن رعاة الماشية ينتشرون بعيدا عن النيل وخاصة النيل الأزرق
الذى ستنتظم مياهه بالسد الأثيوبى كما تقولين، أتعنيين ترحيل الرعاة من كردفان
ودارفور ومناطق البطانة وشرق السودان (رعاة الأبقارـ والماعز والجمال)
وتوطينهم قرب نهر النيل الأزرق؟
كما تقولين لتقل المشاكل بين الرعاة والرحل فما الفرق بينهما؟ أليس كلهم رعاة
ويترحلون موسميا بحثأً عت الكلأ وإن كان بعضهم له موطن ثابت ولكن لا يزال
يترحل مع مواشيه حسب الموسم وموقع الكلأ؟!
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: نادر الفضلى)
|
Quote:
الفشقة ارض سودانية باعتراف اثيوبيا ولم تحتل
من قبل الدولة الاثيوبية ومشاكل الحدود طبيعية
اما حلايب وسلاتي ف بالامس هناك
انتخابات مصرية بها .
رفض مصر التحكيم هو ما يجعلها نقطة
التهاب . |
دكتورة إخلاص
سلام
هل (فعليا) دولة أثيوبيا معترفة بالحدود وبان الفشقة أراضى سودانية؟
وكيف تكون معترفة وتقولين مشاكل الحدود طبيعية؟! ملف الحدود مع أثيوبيا
ملف كبير عند خبراء القانون الدولى والحدود السودانيين. وجولات النقاش
معهم حولها كثيرة وتاريخ طويل بعد الإستقلال. حكومة البشير هى من غضة
الطرف لأثيوبيا وسمحت بتغول زراعها على الفشقة.
تغول الأثيوبين على أراضى الفشقة وزراعتها، وتقتيل وإرهاب الزراع السودانيين
سنويا بعصابات مسلحة، وإشتباكات مع الجيش السودانى، ليست أمور طارئة
بل دائمة تحدث سنويا. وحكومة أثيوبيا كان بإمكانها وقف رعاياها منذ سنين
ولكنها تغض الطرف، وحتى المليشيات المسلحة مشكوك فى من يسلحها
هل حكومتهم، وهل فعلا هى عصابات أم جنود جيش أثيوبى متخفين؟
الأوضاع فى الفشقة مقلقة ومشككة فى نوايا الحكومة الأثيوبية. وإذا قارنا
تصريحات الأثيوبين حول السد، منها تصريحات أنهم يمتلكون (المياه)
لا يعترفون ولا يلتزمون بحصص مياه لدولتى المصب السوودان ومصر،
وتصريحاتهم ألخوية والتى يرددها وزير الرى السودانى .. أن أثيوبيا
عليها المياه، وعلى السوودان الأراضى الزراعية، والصناعة على مصر!
أى أن أثيوبيا عينها على الأراضى الزراعية الخصبة بالسودان ومنها الفشقة.
وعندما تبنى سدها العملاق ستتحكم فى مصير المياه وتملى كلمتها على السودان!
أما عن مقارنة أيهما أهم وملتهب .. الفشقة أم حلايب وشلاتين فلا أعتقد أن هنالك
مقارنة أو موازنة تعطى ثقلا لأحدهما على الآخر، فكلها أراضى سودانية من حيث
الحدود. وعن القيمة الإقتصادية والتنموية حاضرا ومستقبلان فالسودان المتصحر
قيمته عند العالم فى أراضية الزراعية (يسموه سلة غذاء العالم) .. وبعد فصل الجنوب
أصبحت أى أرض زراعية ذات قيمة أعلى. والفشقة هى من المناطق التى تشكل
حاضر ومستقبل السودان سواء تنمية ونمو وإستيطان سكانى مرتبط بالزراعة
والرعى معاً. بينما حلايب وشلاتين تمثل مستقبل ثروات معدنية وليس نموا
وهجرات إليها سكانية من باقى السودان. فى الفشقة يقتل السودانيين وتهدد سلامتهم
وأمنهم ودماءهم وأرواحهم سنويا ألا يمثل إليك هذا وضعاً (ساخناً) ونقطة (إلتهاب)
حسب تعبيرك؟ بيما الإلتهاب فى نظرك مقتصر على الإنتخابات المصرية بحلايب
هذا فعلا أمر مقلق وجدير بالإعتبار ولكن أليس مستغربا موقف سكان حلايب
وتعاونهم مع السلطات المصرية، أما من ناحية الأمان والسلامة فليس هنالك
مهدد لهم خاصة لا مقاومة ولا إعتراض، كما يفعل سكان حدود شرق السودان
فى الفشقة. فتقليل أمر الفشقة مقابل حلايب قول من يتعامل بالأمور بعواطفه وقلبه
وموازين مختلة والكيل بمكاييل حسب الأهواء!
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: نادر الفضلى)
|
Quote: اهلاً استاذ عمر
العدل كان يقتضي تقاسم المياه بانصاف
في اتفاقية 1959 ( وهي سبب قيام انقلاب
عبود) وكان يقضي بانفاذ اتفاق مياه النيل
من كهرباء ودفع التعويضات عما حاق بحلفا وكان يقضي
أولاً ان تقام بحيرة السد داخل حدود دولتهم كما فعلت
اثيوبيا، اقرا للاستاذ فيصل خليل لتعرف حجم الضرر.
لا احد يريد تعطيش مصر ولكن هي تاخذ اكثر من حقها
|
للفائدة أرجو التوضيح كيف إنقلاب عبود قام من أجل إتفاقية 1959، ولو فهمت
ما تعنين، أن الإنقلاب نفذه عبود لتمرير بنود إتفاقية مياه لم تكن تمر فى عهد
الحكومة المدنية التى كان رئيس وزرائها عبد الله خليل. فكيف يتآمر ضد توجه
حكومته وهو الذى سلم الحكم لعبود كما هو معلوم؟! أم تعنين أنه لم يكن بوسعه
فعل شئ يغير موقف الوفد السودانى المفاوض، فتآمر مع مصر فسلم الحكم لعبود؟!
كما يعنى أن عبود وباقى رفاقه العسكر كانوا متآمرين مع مصر؟ فهل هنالك دلائل؟
أما عن أن مصر تأخذ حصة غير عادلة أكثر من حقها بسبب إتفاقية مياه النيل
لعام 1959، فما هى معايير تقسييم المياه (بإنصاف) التى إستندت عليها؟
فما كميتها ونسبتها بالنسبة للسودان ومصر هل مناصفة 50% ل 50%؟
أرجو التوضيح، ولو داخل فيها دول المنابع فكيف تكون كمية ونسب الحصص
حسب المعايير التى تستندين إليها؟
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: نادر الفضلى)
|
Quote: أهلاً استاذ نادر الفضلي
المشروع قديم وكان مقترح اسرائيلي
طالت الفترة مما قرأته بس احاول استرجعه
ان شاءالله أتوقف في إيجاده |
واو!! مقترح إسرائيلى .. يعنى إسرائيل مشاريعها جاهزة منتظرة التطبيع
أكان على الإسرائليين فاكيد تخطيطهم ذو إعتبار .. بس يبدو أنه مبنى
على طبيعتهم فى تقبل الهجرة والإستيطان فى موقع جديد .. بينما ستكون
هنالك صعوبة فى تقبل كثير من السودانيين الهجرة لموقع آخر
* إسرائيل كان لها خبراء زراعيين بالسودان فى فترة من الفترات بالسودان!
ولكن مشاريع الرعى التجارى بتحصيص سهول ومزارع ثابتى لرعاة الماشية
أو تطبيق نظام المزارع المختلطة (زراعة + ماشية) وهو مطبق فى أمريكا
وأوربا ، ودول عديدة من بينها مصر .. هى مشروعات كان يمكن القيام بها
وليس لها علاقة يالسد الأثيوبى الجديد .. من المشروعات الشهيرة التى فشلت
بسبب الفساد فى زمن نميرى مشروع تسمين الماشية بسوبان وكان من ضمنه
تهحين أبقار لدر ألبان أكثر، تم إستيراد فحل هولندى، يقال أنه ذبح لزوم (قعدة)
بالمزرعة!
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
Quote:
في رائك الرعاة في غرب ا
السودانن غرباء في بلادهم؟!!!!
استقرار الرعاة ما مشروع جديد والمحاولات كثيرة
فقط ما يحتاجونه سيوفر لهم
وإمنهم واستقرارهم وفتح المدارس لهم من حقهم
ولا انت رأئك شنو ؟ |
Quote: المحتارة له فعلا موقفك من تهجير سكان
حلفا وأغراق مدينتهم دون مقابل واستنكارك
لاستقرار الرعاة ، مزرعة المراعي بالسعودية ما فيها
رحل ، ليت أمر السودانيين ورفاهيتهم تهمك كما تهمك
رفاهية سواهم |
يا دكتور أخلاص هل فعلا هذا ما فهمتيه من مداخلاتى؟ أم أنك تريدين تشتيت الكورة؟!!
هسة فى خلطك عن رعاة كردفان ودارفور وعن ترحيل سكان حلفا فقد تبرعتى
بالإجابة عن خلطك فيما أقوله.
سكان حلفا سودانيين ام ترحيلهم (داخليا) فى وطنهم السودان، ولكنهم تضرروا
من ترحيلهم مرتين، لأنهم رحلوا من (موطنهم) والمواطنة هنا مواطنة موقع
بالوطن الكبير هم مرتبطين به وينتمون له لمئات بل آلاف السنين. وضررهم
اثانى نقلوا لبيئة مختلفة غير متعودين عليها مناخيا وإجتماعيا مع جيرانهم الجدد.
هذا واقع أجتماعى وإنسانى أليم تعرضوا له. (لا أعلم من أين أتيت بموقف
مخالف تستغربين له من ترحيل سكان حلفا وإغراقها مجانا أعطينى إقتباسا لذلك
وإلا فإنك تتكلمين من بنات أفكارك كيفما إتفق!!! بل كلامك يدلل على أنك موافقة
على ترحيل سكان حلفا (لو مدفوع التمن)، وربطيه بترحيل رعاة غرب السودان.
لا أعلم لماذ ركزتى عليهم بينما أنا ذكرت أيضاً رعاة من مناطق أخرى
بالسودان أهو نوعاً من إستجداء وتشتيت كورة خاصة سؤالك الإستنكارى
(في رائك الرعاة في غرب االسودان غرباء في بلادهم؟!!!!) بينما كلامى
مبنى على عدم تقبل السودانيين شاملا كل الرعاة من الفرب أو الشرق ووصفتهك
(بالسودانيين) أن أكثرهم ستكون هنالك صعوبة فى تقبل الهجرة لموقع آخر
وواضح ليس بلد آخرن لأنه الكلام عن الترحيل قرب نهر النيل الأزرق للمشروع
الإسرائيلى الذى تقترحين. أورد نص مداخلتى أدناه
Quote: واو!! مقترح إسرائيلى .. يعنى إسرائيل مشاريعها جاهزة منتظرة التطبيع
أكان على الإسرائليين فاكيد تخطيطهم ذو إعتبار .. بس يبدو أنه مبنى
على طبيعتهم فى تقبل الهجرة والإستيطان فى موقع جديد .. بينما ستكون
هنالك صعوبة فى تقبل كثير من السودانيين الهجرة لموقع آخر >>>
|
يا (دكتورة) أرجو ألا تشتتى الكورة بتحميل كلامى ما لا يحتمل بدون أن تجاوبى على
أقوالك .. أتمنى أن أجد منك إجابات مباشرة
مع شكرى
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: نادر الفضلى)
|
Quote: Wow
مشروع السد ما جديد يمكن قبل أو مع السد العالي
والبنك الدولي مشترك
وممكن تراجع موقف السيسي
لا جديد استاذ نادر ، |
دكتورة إخلاص
معذرة لم أفهم تردين على ماذا بما فى الإقتباس؟
لو تقصدين المشروع الإسرائيلى قديم بشأن ترحيل الماشية والرعاة
فمشروع السد (القديم) كان فى الخمسينيات وكما ذكرتى فى توقيت قبل ومع السد العالى.
ولكن مشروع السد القديم بأثيوبيا كان سداً صغيرا بسعة قصوى 14 مليار متر مكعب،
وليس سد عملاق بسعة 74 مليار متر مكعب ..
فحسب كلامك إذن مشروع إسرائيل للرعى بالسودان ليس معتمدا على سد عملاق
بل سد صغير لن يؤثر فى مناسيب وحجم المياه طوال السنة. لإذن هو مشروع
لا علاقة له لا بالسد القديم الصغير لا بالسد العملاق الجديد
ولا أدرى ما تعنين بالبنك الدولى إن كان لتخطيط مشروع السدين الأثيوبى القديم والمصرى
(السد العالى) فقد كان له دور بصورة أو بأخرى. أما التمويل فلم يمول السد العالى، مثلما
لم يمول السد العملاق الأثيوبى قيد الإنشاء ـ لم يمول الأثيوبى للشروع فى بنائه لأسباب
منها شرعت أثيوبيا فى بنائه ولم تتحصل على موافقة من دول المصب، وهذا أمر قائم
وواضح حتى الآن على الأقل بالنسبة لمصر.
* أرجو يا دكتورة أن أجد إجابات على إستفساراتى. ولا أعتقد أننى لا أجيد التعبير فيختلط
عندك فهم ما أكتب
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
يا دكتورة الحردان ما بيفيدك .. الكتبتى كان بإيديك
إرتقى لمستوى درجتك العلمية (دكتورة) .. أو حتى زولة متعلمة فقط
لا يمكن أن تأتى وتكتبى أى كلام وفى أول محك تقيفى عاجزة،
يا تتذاكى بكلام مبهم .. يا تشتيت كورة تحملى كلام غيرك ما لا يحتمل
وفى الآخر تعملى حردانة ..
نعم المنبر دا زى هايدبارك تتفاوت وتتباين فيه المعارف والعقول ودرجات الفهم
لكن ما بالطريقة المزرية بتاعتك دى .. القارئ ليس بغبى ويقيم، ومن يتداخل
أو تتداخلين معهم ليسوا بأغبياء ولكن بيفوتوا ليك من أسباب ذلك ربما يا ما عندهم
زمن يا تقييمهم أن حالتك متأخرة! أو بإجاباتك المبهمة بطريقة أخرى
بتقولى (الروب) فوتا لى وأعمل نايم .. لكن الشى الما مقبول أنه فى تشتيتك
للكورة تجملى كلام غيرك ما لا يحتمل وعاوزة الغير يفوتو ليك
أرجو الإجابة على إستفسارتى بما فيه الإحتراك لعقول القراء قبل عقل السائل
مع الشكر
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
Quote: اسلوب مصري بامتياز
الموضوع تهنئة اثيوبيا
|
و (حبشية) فى إسقاطاتك
تبرعت بالجهل فى خلط معلومات التى تستوجب توضيح ولم تكتفى بالتهنئة لأثيوبيا.
ولم تعبر عن نفسك بل تكلمتى بصفة الجمع، كما أنها تهنئة لم تخلو من الهمز واللمز ..
لا أعلم هو أسلوب كيد نساء لسودانيات أم حبشيات!
ولكنك نشرت إما جهلا أو عمدا معلومات مغلوطة مشوشة تستوجب إستيضاحك عنها
رضيتى أم أبيتى. وسأبين المزيد!
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: نادر الفضلى)
|
Quote: حبك للمصريين جعلك تقلد أسوأ ما لديهم
وهو الاعلام
لست ملزمة بالاجابة عايك وحقيقة لايهمني
اقتناعك ولا يهمني ما تكتب .
وقد اكتفيت مما لديك |
هذه سطحيتك وكراهيتك للمصرين التى تبنين عليها موقفا فى أمر مصيرى يهم السودان قبل مصر
تتعاملين بكيد النسا .. بطعم حبشى .. تتبرعين بالجهل وتظنيين الإسفاف مخرجا لك
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
سقطتى أنت وليس أنا .ز حتى فى هذه تريدين اللف والدوران كعهدك
كونى قدر كلامك .. تساؤلاتى عن مداخلاتك إن لم تجيبى عليها فهو إعتراف منك
بجهلك وخلط وتشويش فى فهمك إذا أعطيناك عذرا .. وعدم مصداقية منك تكشفت
إدعاء المعرفة او خلط العلومات بزج عبارات ومعلومات مبهمة، هو أسلوب
لتجهيل القارئ، وتمرير كلام فارغ. فعندما تسقطين (مرتين) تحملى ولا تزدادين
سقوطاً. سقوط
بتاع الهمز واللمز الحبشى لا يهمنى، ولكن سقوطك بالإدعاءات وفهم قاصر
وعدم المصداقية فهو سقوط يجب كشفه ..
| |
|
|
|
|
|
|
|
|
 Re: اعتذار وتهنئة لدولة. اثيوبيا وشعبها (Re: نادر الفضلى)
|
دعم انظمه حاكمه سايقه للقضيه الاريتريه (انا كانت عادله ام لا) موضوع مسئوله عنو الانظمه دى وهى فى همومها ديكتاتوريه وحتى الديمقراطيه كانت مشوهه وكسيحه (ورايحه) لانحكم بقرارات اتخذت فى عهدها.اخرها دعم نظام الانقاذ لنظام اثيوبيا وتقويه موقف الحركات المسلحه فى اريتريا وكذلك نظام تشاد ودور مشبوه فى افريقيا الوسطى. لتامين نظامهم الوليد ومواجهه جبهه واحده هى حرب الجنوب. ودا كلو نحنا كشعب لاعلاقه لنا بقرارات كهذه.
من جهه اخرى المخابرات الاثيوبيه والارتيريه تعيث فسادا كما تفعل مصر فى واقعنا المازوم بل ومن سنوات بعيده وبعضها اطماع فى الارض السودانيه استنادا الى الجانب السلبى للتداخل و البعد القبلى
ان نغفر لاثيوبيا لا لاشى الا لانها افريقيه ومصر عربيه ؟ ام لامر اخر ؟
كلهم سواء فى اطماعهم .
اسرائيل لها وجود فى العمق الافريقى وبالنسبه لنا فى دول حوض النيل فى البحيرات وجنوب السودان واثيوبيا واريتيريا كما فى مصر وربما ازيد. وحرب المياه عند اسرائيل يجعلها تضع يدها على المنابع ولاحاجه لها باستخدام مصر كما يروج اعلام التنظيم الدولى (مادورها ودور اليهود والصهاينه ومؤسساتهم حتى فى الشتات فى تشييد سد النهضه؟)
اقليميا جيراننا كما ذكرت كثيرا من قبل ان نكون دوله موحده محترمه تنفى عنها عماله السياسيين للمحاور اواسرائيل او..ا.و..او.. ومن ثم نعالج قضايانا الثنائيه دون نسيان ان التجاور بين الدول امر واقعى وغير منطقى الكيل بمكيالين واستدعاء عدا دوله ومجامله (دول اخري) رغم وجود نزاعات حدوديه ونزاعات
.
اصبحنا هوان حتى اصبحت اريتريا تناقش الامرالداخلى فى انشطه سفارتها بالسودان (رغم انكارها لاحقا بعد غضبه الراى العام)
.
اثيوبيا او مصر او حتى جنوب السودان وتشاد كلها دول جوار الموقف منهايجب ان يكون واضح وعلى مسافه متساويه فلا دول افريقيه ستتجاهل اطماعها فى ارضنا ومواردنا او حلم التمدد التاريخى بناء دور قبلى حالى ولا مصر مهما بلغ العداء معها(وهو عداء حاد حاليا لتحقيق هدف التنظيم الدولى وذيلهم التنظيم المحلى) فلامصر ستجمع ارضها وتنتقل الى جهه اخرى فى الارض .وحتى نحن السودانيين وهذا واقع كانت مصر -دوله الجوار- بوابه الهروب من نظام الانقاذ المفضله حتى لمن يرفعون الصوت بالعداء لمصر دون غيرها من دول جوار طامعه ايضا.. بل ولنا معها تداخل قبلى لاينكره احد فقليل من الواقعيه ولايكون الارتماء فى احضان الاطماع الاثيوبيه (وكاخلفها من ايادى اقليميه ودوليه) نكايه فى مصر وحرمانها من حق طبيعى هو الماء وكما تعلمنا من قيم الدين والرسول الكريم (ص) ((الناس شركاء في ثلاث الماء والكلأ والنار)).رواه الامام احمد. ويعنى هذا بمقاييس العصر الحديث ان حق المياه حق انسانى اصيل .اما قضيه حلايب او التدخل فى الشان السودانى فيجب ان نكرب وحدتنا الداخليه ولايجب ان يكون (بيت حائطه مكسور واهل البيت كل منهم لايقبل بالاخر وتتصارعو ولايطمع ولو كلب الجيران او كديسهم فى ان يغنم عنيمه من البيت الهامل دا)
تحياتى
وعذرا ان كان فى بعض حديثى حده
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: Asim Ali)
|
سلام يانادر،
نفس ملاحظة الدكتورة انا ايدينا من قبل ليك.
نعم عندك ولاء غريب عجيب لي احفاد الغزاة اي مصريي اليوم اعداءانا منذ أكثر من 5000 سنة.
لا يمكن تقارن اثيوبيا مهما فعلت باحفاد الغزاة مستعمرينا مستعبدينا اي مصريي اليوم.
اثيوبيا بلدنا والاثيوبي سوداني بغض النظر عن ماكان وماسيكون لانو من تبينا أو قمنا ربينا ماكان بينا حدود اطلاقا كشعب كوشي واحد.
لا يمكن تقارن اثيوبيا بي احفاد الغزاة الوافدين!
اتمني تشرح النقطة دي لانو هذا يموخل!
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: محمد البشرى الخضر)
|
الجلابي الممصر عاصم،
بطل استهبال، ذر للرماد شغل تذاكي أو لف دوران.
انتا تكره اهلنا في اثيوبيا ولهذا شغل تذاكي بتروح حاشر مواضيع زي دي!
اثيوبيا ولاتشاد ديل اهلنا وبالتالي ماممكن تتكلم عنهم بذات الطريقة لما تجي سيرة احفاد الهكسوس، مستعمرينا، سبب بلاوينا.
بطل استهبال!
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: Bashasha)
|
Quote: الجلابي الممصر عاصم،
بطل استهبال، ذر للرماد شغل تذاكي أو لف دوران.
انتا تكره اهلنا في اثيوبيا ولهذا شغل تذاكي بتروح حاشر مواضيع زي دي!
اثيوبيا ولاتشاد ديل اهلنا وبالتالي ماممكن تتكلم عنهم بذات الطريقة لما تجي سيرة احفاد الهكسوس، مستعمرينا، سبب بلاوينا.
بطل استهبال! |
للاسف حالتك مثيره للشفقه ماعندك شى غير طول اللسان لكن حتى الثقافه النوبيه التى تصر على تكرار حكى تاريخها لاتستنطيع ان تقدم انتاج ثقافى يعبر عنها باى شكل من اشكال الثقافه الممكنه ولانجد منك الا السخريه والاستهزاء ونكران واقع السودان الاثنى الحالى ودا انا بعتبرو دعوه مبطنه للتمييز والتفرقه بين مكونات السودان (الحاليه) على اساس الانتماء القبلى او العرقى ونحنا فى بلد حاى (مكوناتو الافريقيه حسب فهمك لاتقبل بعضها البعض ويدعى بعضها نقوفا على الاخر )
بالله عليك اترك مثل الاسلوب دا ومحنا فى القرن الواحد وعشرين
ارحم نفسك واتنطور فى حطابك واسلوب نقاشك وقدم مايفيد (حصص التاريخ البتعملها للناسواسطوانه كوش وماعارف شنو) بالنسبه لى اصبحت اتفادى حتى الدخول لبوستات حول الموضوع لانو حاظ حتجى تقول شنو وتفرض وصايتك على النقاش بطوله اللسان ظنا منك انها قد تردع عن محاورتك ولكن مايبعد عن محاورتك هو انك كيسك فاضى ماعندك شى للبلد الاسمو لالسودان ولسه عايش فى سراديب الاهرامات والمعابد القديمه
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: Asim Ali)
|
Quote: سلام يانادر،
نفس ملاحظة الدكتورة انا ايدينا من قبل ليك.
نعم عندك ولاء غريب عجيب لي احفاد الغزاة اي مصريي اليوم اعداءانا منذ أكثر من 5000 سنة.
لا يمكن تقارن اثيوبيا مهما فعلت باحفاد الغزاة مستعمرينا مستعبدينا اي مصريي اليوم.
اثيوبيا بلدنا والاثيوبي سوداني بغض النظر عن ماكان وماسيكون لانو من تبينا أو قمنا ربينا ماكان بينا حدود اطلاقا كشعب كوشي واحد.
لا يمكن تقارن اثيوبيا بي احفاد الغزاة الوافدين!
اتمني تشرح النقطة دي لانو هذا يموخل! |
بشاشا سلام
صورة البروفايل جميلة بالأمورات أو الأميرات الكوشيات الثلاث.
إخلاص عجزت عن الرد على أسئلة بعضها ليس لها علاقة بالسد الأثيوبى
مثل أمور تاريخية كإنقلاب عبود، تمرر فيه فهمها المغلوط. مثلما أمور أخرى
ذات علاقة بمياه النيل أيضا تطرحها بفهم قاصر ومشوش وتريد تمريرها كما
يحلو لها .. ولذلك عجزت فلجأت لمهاترات توصيف تساؤلاتى موقفى حبا فى مصر
فى الأول ترد عليها بما يقنع، وبعد داك لو غالطها لتمارس إسقاطها . فأرجو
أولا أن تطلب منها أن تأخذ مداخلاتى باللترتيب واحدة واحدة وتجيب عليها
وبعد داك قيم ولكل حدث حديث’.. وأقول ليك أنا لا أكره أى بلد أوشعب
ولا أكره مصر وإن كان ذلك يفسر حبا فهو حبا لمصر ودول عديدة منها
أثيوبيا وأرتريا وأفريقية أو عربية أو أيا كانت.
فأسلوب العاجز الذى يتهرب إما لعدم الفهم ويقول ليك دا منظراتى، أو إتهام
بأن موقفك مبنى تماهيا مع موقف بلد آخر، فهو إسفاف وعجز. إخلاص نموذج
لمن يعاضد سد النهضة ليس حبا فى أثيوبيا ورفاهية شعبها ولكن كرها
فى مصر وبعض المثقفاتية يظنون أنهم يدعمون أرائهم ومواقفهم حينما يعلنون
هذه الكراهية أو الموقف المعارض لموقف مصر فى أى من الأمور. ومثل
هؤلاء يكونوا خسروا مواقفهم تماماً وأصبحت أرائهم لا قيمة لها.
أنا مثلك مهتم بالتاريخ والتاريخ الحديث بالذات ولذلك يلفت نظرى المعلومات
المغلوطة فيه وأقف عندها وأتسال للوصول للصحيح، أو تصويب ما هو
واضح أنه خطأ جهل أو مقصود.
مثلما لدى موقف معروف عن السد الأثيوبى وليس مبنيا على الأهواء أو حب
لمصر أووكراهية لاثيوبيا. وفى هذا المنبر كتبت منذ أكثر من ستة سنوات
وحتى وقت قريب هنا عن أضراره الجسيمة التى لا تقارن بفوائدة المدعاة.
وهو أمر لو تعلم أخطر وأهم ملف يجب أن يكون الآن. والوقوف فيه لا يكون
بأى موزانات أخوة ومحبة ولا حتى مواقف محايدة ولا أعنى حيادا بين أثيوبيا
ومصر، ولكن أعنى عدم الحياد لكلاهما والإنحياز للسودان مستصحبا كل
العوامل والإعتبارات من أجل أكبر فوائد ومغانم للسودان وتفادى الأضرار.
فالمياه والحدود كلاهما تستوجب (الإنحياز) للبلد والخروج بأكبر المكاسب
والأهم التأمين على ما أكتسب فى الماضى.
وفى المياه والسدود بالذات العالم كله حصيلة تجاربه جعلت عند بناء أى سد
الأولوية فى تحديد للمخاطر (أمن السد وسلامته _ أى أمن البشر إذا إنهار)
والإضرار البيئية والمناخية، هذه لها اليد العليا فى حسم أمر بناء السد حسب
درجتها بالقانون الدولى) أما الفوائد فتأتى لاحقة لها فى قرار المشروع.
لا أود أن اطيل فى هذه الجزئية ولكن السد ألأثيوبى وبال وكارثة حتمية
على السودان. لا يفيد معها علاقات حسن الجوار والمحبة.
حتى العلاقات السودانية الحبشية وعن حدود مفتوحة ففى أى زمان كانت؟
فى التاريخ الحديث؟ التاريخ يقول الحروب كانت سجال زمن مملكة سنار
التى كانت تمتد شرقا حتى إقليم بنى شنقول ، وحينما إحتل محمد على السودان
إنتهز الأحباش دخولهم لغزو السودان للسيطرة على السهول المنبسطة المتاخمة
فردهم الأتراك، وعندما قامت الثورة المهدية إنتهز ألأحباش الفرصة لغزو السودان
فدحرهم الخليفة عبد الله التعايشى وقتل مليكهم، وفى بعض كتبااتهم يتحدثون
عن حقهم فى هذه السهول المنبسطة التى أستشهد فيها مليكهم. بل وبعد أن
حكم الأنجليز السودان إضطر الأنجليز لعقد معاهدات مع الأحباش وقع عليها
مليكهم وأهمها إتفاقية 1902، التى الآن فى موضوع مياه النيل ينكرها
الأثيوبيون ويصفونها إتفاقية إستعمارية ، بينما الأتفاقية أساسها عن ترسيم الحدود
بين السودان والحبشة. فعندما ينقضون الإتفاقية فقد تحللوا من الحدود المتفق
عليها.
ومعلوم منذ الإستقلال مماطلة أثيوبيا فيما يخص الحدود المعلومة ومثبتة
دوليا. ولذلك تغول الأحباش على أراضى الفشقة ليس فعلا عشوائيا بل مقصودا
ومن بلد تعداد سكانها حوالى 120 مليون نسمة أى ثلاث أضعاف سكان السودان!
فكلامك بتاع ما بينا حدود وخاشين وطالعين ساى لا يعكس التاريخ ولا الملف
القانونى الحدودى، وتسلل الأحباش لظروف منها اللجؤ الإقتصادى والسياسى فى
بعض الحقب، والممنهج كعمالة تصل الخرطوم أو تسلل إستغلال للأراضى
الخصبة بالحبشة يحتاج لوقفة وصارمة .. الإستمرارية تعنى حبشنة السودان
وتصبح لهم الأغلبية .. (ربما تحقق مقولتك كلهم هنا وهناك كوشيين تاريخيا)،
ولكن لا أظن يرتضى غالبية السودانيين الآن تلاشيهم فى الأحباش.
السد الأثيوبى من محاذيره السياسية السيطرة غلى القرار السياسى بالتحكم
فى المياه .. وأثيوبيا حتى الان تتحدث أن الماء ملكها ولا تريد الإلتزام بأى
حصص كانت كحق للسودان، خليك من مصر.
عشان كدا عندما تجيك مثل إخلاص وتتكلم كلام فارغ فى أمور تاريخية
أو مشروعات وأمور فنية لو جاملناها نقول تكتب بسطحية، رغم أنها تتكلم بفهم
قاصر مشوش ومبنى على كيد النسا والكراهية لمصر .. فيمكن تفويته مرارا
فى هايدبارك المنبر. ولكن أحياناً ربما تجد من الضرورة الإستفسار للإستفادة
أولا وربما التصحيح وهذا من صميم طبيعة المنبر.
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
| Quote: اصبحنا هوان حتى اصبحت اريتريا تناقش الامرالداخلى فى انشطه سفارتها بالسودان (رغم انكارها لاحقا بعد غضبه الراى العام) |
الأخ عاصم على
سلام
طالعت كرت الدعوة بتاع السفارة الأريترية عن ندوة (عن شرق السودان القبيلة والهوية)
مبالغة .. الناس دى مستعجلة مالا؟ لسة شوية على إنفصال الشرق ,,, ههههه
أويد كلامك عن أن إستخبرات أثيوبيا وأرتريا شغالة شغل تقيل لمصالح بلادها .. ولا لوم عليها دا شغلها. وأكيد أى دول أخرى لديها مصالح فى السودان بتكون شغالا .. الرك على مواطنى البلد وشاغلى المناصب الدستورية ألا ينقادوا ويبعوا بلدهم. فى أواخر عهد نميرها جهاز الإستخبرات السودانى وصل مرحلة متقدمة خاصة فى منطقة القرن الأفريقى والبحر الأحمر. وكان سببا فى تغيير الحكومة بأثيوبيا.
علاقت حسن الجوار يجب أن تكون جيدة مع جميع دول الجوار، وكذلم العلاقات الطيبة مع غيرها من الدول. والشعار المصلحة العامة للبلد.
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
Quote: وأثيوبيا دعمت تمرد الجنوب .. وأدى لفصل جنوب السودان
عن شماله؟ أنتى تتحدثين بلسان حبشى وليس سودانى؟! |
شوفو الكوز المازوم ده
انت يا نادر الفصلي تعاني من ازمة عروبة مستعارة
وعايز تقبح الجنوبيين ود جون قرنق ورؤية الحركة الشعبية
الفصل جنوب السودان خطائين استراتيجيين مستمرين لحدي هسة ومن نفس حثالة المركز السياسية المشوهة من علي عبداللطيف لحدي ساطع الحاج والسنهوري وصديق يوسف الان وقحت والامام التائه الصادق المهدي
واهل الرجس ايتام الترابي الساقط الذى ظل يلهث من 1964 حتي مات 2016 دون احترام للشعب السوداني وحضارة السودان وهو اصلا كائن منبت ليس له علاقة بحضارة السودان
1- حشر السودان في جامعة الدول العربية بواسطة الازهري 1957 واللهاث ورا الساقط عبدالناصر وليس المحترم هيلاسلاسي واحتقار هوية الجنوبين واهانتهم في المركز عبر العصور
ولا يوجد عرب في السودان اطلاقا غير الرشايدة فقط والسفير اليمني في الخرطوم
2- عدم احترام المشاريع الوطنية السودانية ((الفدرالية )) واللهاث را المشاريع المصرية وفرضها بي الانقلابات
الترابي اجهض اتفاقية اديس ابابا ودستور 1973 وقوانين 1974 وفرض مشروع الاخوان المسلمين الوسخ حتي الان بي المصالحة الوطنية 1978
ثم كرر نفس الشي الساقط ماذون الحور العين في انقلاب البشير المجرم 1989 وكفر الجنوبيين والنوبة بالعلماء السوء الوافدين من خارج الحدود السودانية من دول العرب القذرة مصر والسعودية
هسة جاء الساقط بن عوف جدع دستور نيفاشا والمحكمة الدستورية عشان يجو مخلفات القوميين العرب ساطع والسنهوري وصديق يوسف
يعملو اعلان دستوري ذى وشهم ويقعدو جنرالات الابادة وخدم المخبارات المصرية وبن زيد وبن سلمان في راسنا لحدي هسة
1- عطل المحكمة الدستورية للعدالة الشاملة والنظافة والانتخابات
2- لغى برلمانات ومجالس تشريعي والولايات المنتخبة عشان يقعدو كعوك المركز في راسنا من جديد ويديرو السودان بي طريقة عيمانة وقياداها مجنونة والنخبة السودانية وادمان الفشل
القصة اوضح من الشمس
المركز المازوم ده مشكلة السودان
ولازلنا في نفس المكان المخزي
والسوداني الاصلي الحر
يبعد من مصر والعرب نهائي
ويرجع لي الاقاليم ودولة جنوب السودان ودول الايقاد مش الحبشة بس وايضا الحزام المداري لحدي السنغال وطريق الحضارات الجنوبي
فقط وليس العالم العربي المزيف واسرائيل الغبية والاتحاد الاوروربي وامريكا والبنك الدولي
طريقين بس لا ثالث لهما
لمن انت حريص علي الجنوب الجنوبيين العبيد ...ليه ما ادنت المركز الوسخ ده والجرائم في حقهم
لي ما رفعت علم الاستقلال الاصل في ثورتك المهببة دي وطالبت بي قضايا جوهرية حقيقية
من اهمها الحريات الاربعة والجنسية والمزدوجة لي دولة جنوب السودان
خلي اللف والدوران واستهبال المصريين البتسوي فيه ده
والتدليس والكذب ايضا انت وحمدوك بتاعك المستهبل
https://top4top.io/
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: اخلاص عبدالرحمن المشرف)
|
Quote: الاستاذ shinteer
الجار الشمالي يوم بني سد وبحيرته في ارضنا ما اعترضنا
خلينا نهنئ ال بنو سد وبحيرته في ارضهم |
لك الشكر يا دكتورة إخلاص. نعم جارنا الشمالي بنى سد وبحيرتو على أرضنا، وكنا طير. هسه جارنا الشرقي-الجنوبي بنى سد في أرضنا برضو (أي والله أرض سودانية). يعني في الحالتين نحن ضيوف شرف. في السد المصري كان السودانيين المتمصرين بيصفقوا للإنجاز المصري ... وهسه اليوم بعد كل التوعية والوعي ألاقي السودانيين المتحبشين بيصفقوا للحبش ... ونحن كمجموع سكاني لا عمل لنا غير التصفيق مع إننا أصحاب حق ومفروض نكون اتعظنا من خيانة الجار الشمالي. لكن أهو بقينا منقسمين بين فريقين: واحد مع الحبش وواحد مع مصر ... والسودان ما عارف الحاصل شنو.
حتى الآن أنا ما عندي فريق ... لا المصريين ولا الحبوش. حتى في دي بقيت محتار أشجع مين!!!
على كل حال حتظهر النتائج في النهاية ونكون متفرجين على تداعياتها علينا. وربنا بحلها وينجينا من الطامعين، على طريقتنا الصوفية دي.
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: Shinteer)
|
اهلاً استاذ Shinteer
ورد في الحديث لو اعطي الناس بدعواهم لادعي
رجال اموال رجال ودمائهم.
بحيرة السد في حلفا وهي سودانية لا نزاع حولها.
حلايب وشلاتين هناك نزاع وليس هذا بجديد في تاريخ
الدول ولكن هناك الية لفض النزاع وهي التحكيم الدولي
رفض مصر له هو ما يوتر ( لسنا اول الدول ذات الحدود
المشتركة التي تواجه مثل هذه الاشكالية والامثلة كثيرة
بل ان بعض الدول لها حقول نفط ضخمة مشتركة ).
اما قصة ( حبوش ) فهي ارض الحبشة التي لحأ اليها افضل
الخلق وقال ان بها ملك لا يضام عنده احد ابداً ( ان كنت ممن
يصدق المصطفي صلي. الله عليه وسلم ) وقال (ص ) اتركوا
الاحباش ما تركوكم.
فهي الحبشة التي هاجر لها الاوائل من المؤمنين
السد له منافع كثيرة وبالنسبة لي كسوداني
وقد ذكرت هذا في مواضع اخري في هذا المنبر
ما يهمني هو أمان السد.
ما يقوم به البعض من ادعاء الالمام بالتاريخ والالمام
بالسدود وتتفيه وتحقير الامر امر يدخل في باب
الترويج و قد يكون اكثر .
| |
|
|
|
|
|
|
|
|
|
Re: اعتذار وتهنئة لدولة. اثيوبيا وشعبها (Re: Asim Ali)
|
بل ولنا معها تداخل قبلى لاينكره احد فقليل من الواقعيه ولايكون الارتماء فى احضان الاطماع الاثيوبيه (وكاخلفها من ايادى اقليميه ودوليه) نكايه فى مصر وحرمانها من حق طبيعى هو الماء
---------------------------------------------------------------------------------------
عن اى تداخلات قبلية تتحدث يا عاصم ؟ اذا كنت تتحدث عن نوبة مصر فالمنطقة حتى اسوان وما بعدها هى ارضهم التاريخية التى كانت جزءا من التراب السودانى تمددت فيها مصر فوجد النوبة انفسهم فى بلد لا يفقهون لغته ولا يعرفون تقاليده
النوبة فى مصر مجموعة إثنية مضطهدة
اما المجموعات المصرية التى انتقلت الى السودان كالنقادة والاقباط فقد اتت طلبا للعيش ولم يخالطوا السودانيين على الاطلاق
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
في انتظار رد الاخ الاستاذ عمر نملة
-----------------------------------------------------
يا دكتورة انا انطلق من تجربتى الشخصية مع المصريين
فقد عايشتهم وعملت معهم فى اليمن الجنوبى قبل حوالى 40 عاما وفى الجزائر قبل25 عاما واعايشهم اليوم فى اوروبا
اعرفهم من رجل الشارع وحتى حملة الدكتوراة
ولم اجد بينهم من يمكن وصفه بالطيبة
اعرف بعض السودانيين الخليط(ام مصرية اب سودانى) وفى معظم الحالات يكون ولاءهم لمصر
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: Hassan Farah)
|
الحبيبة دكتورة نعمات
اثيوبيا دفعت الي الان 3,25,000,000
ثلاثة مليار ومائتان وخمسون مليون دولار
من أموال شعبها ، لم يساعدها احد وقد كانت
ملحمة عظيمة دفع الشعب من أمواله رغم
قلتها واقتطع من ضرورات حياته بل إن بعضهم قطع
الطريق لكل مساعدة أو إسهام له ، بالتالي هي
حريصة علي متانة السد وأمنه وبالنسبة لنا الأمر
كذلك مهم لذا نحن أشد حرصاً، اليوم هنئ أبيي احمد
شعبه علي ما أنجز وأعلن أن الملء الثاني سيكون في
اغسطس المقبل .
| |
|
|
|
|
|
|
|
|
|
Re: اعتذار وتهنئة لدولة اثيوبيا وشعبها (Re: اخلاص عبدالرحمن المشرف)
|
نظرتي ما خابت. ناس يشجعوا المصاروة وناس يشجعوا الحبوش. وما في زول يشجع السودان الشغيغ.
أختنا إخلاض ... أنا ما مهتم بمسألة هجرة المسلمين الأوائل إلى الحبشة وأين كانت الحبشة التي هاجروا إليها. دي مسألة ما عندها أي تأثير في ما نحن فيه.
وقد سئمتُ من ترقيع التاريخ ومن الاستناد إليه. التاريخ لا يشفع، ولو كان يشفع لكانت اليونان فوق راس أوربا والعالم الغربي بأكلمه. اليونان أم العالم الغربي. أين اليونان؟
اليونان سادت ثم بادت. وبعدها جاءت ممالك سادت ثم بادت، وبرضو كانت غربية، ثم جاءت أمريكا السائدة الآن. تاريخ الإسلام المبكر داك يا دكتورة إخلاص لا يفيد في شيء على أرض الواقع، ولا يفترض أن نلتفت إليه إلا من ناحية أكاديمية فقط.
المهم، عشان ما استرسل، أقول خلونا إذن نشجع اللعبة الحلوة: المصاروة ضربوا الحبوش والحبوش ضربوا المصاروة. وكل الحاصل دا متفق تماماً مع نظرتي الشخصية. ولكل إنسان نظرته.
أها نحن وين في المعمعة دي؟ داير أشوف لي فريق أبقى معاه. المصريين مستحيل أبقى معاهم والحبوش أهلنا لا تخفى عليّ نواياهم. يعني الفريقين ما بينفعوا معاي. إريتريا نسيناها ... عندها برضو حق في كسلا، مش كسلا بس ... لا ... لحد الفاو والخياري.
حأكون متفرج بس لحد ما المصريين والحبش يتوصلوا لنتيجة. يعني متفرج زيي وزي حكومتي.
| |
|
|
|
|
|
|
| |
adil amin
Asim Ali
عمر نملة
نادر الفضلى
Ahmed Yassin
Bashasha
محمد البشرى الخضر
Shinteer
Hassan Farah
نعمات عماد
فيس بوك
تويتر
انستقرام
يوتيوب
بنتيريست