أطلقت السلطات صباح اليوم سراح الناشط عثمان ذوالنون من قسم جبل اولياء بالضمانة العادية وعلمت التيار من مصادر أن الشرطة فتحت بلاغ فى مواجهته ونظامي تحت الماده 79 بالرقم 20191.المعروضات باغه صغيره بها عرقي وبلاغ آخر تحت الماده 20 بالرقم 205 المعروضات 3 قطع حشيش. وتم فتح البلاغات بواسطة شرطة مكافحة المخدرات بقسم جبل اولياء وكانت شرطة مكافحة المخدرات اوقفت أمس الناشط السياسي عثمان ذا النون بمنطقة جبل اولياء أمس واخر كان معه بعربته وتشير متابعات التيار أن الشرطة اودعته بحراسة جبل اولياء وتحرت معه وابلغ مصدر التيار أن ذا النون انكر التهمة الموجهة اليه وأشار الى انها مكيدة من جهات تقصده فى شخصه واكملت الشرطة تحرياتها اليوم توطئة لتقديمه للمحاكمة .
08-09-2020, 03:00 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
حبيبنا زهير .. تحياتي حبيبنا ذوالنون .. كان بنفس هذه الادوات يصلح مزاجه ويخاطب الشباب في ميدان الاعتصام ( يعني العرقي والدخان كان عامل مساعد ) والظاهر الكمية بسيطة لو فتشوا الناس في الشوارع يجدوا الالاف زي ذوالنون .. طيب وزير العدل قال العرقي ما فيهو مشكلة .. الظاهر الشخص ده مقصود من الامن .. كيف عرفوا سيارته فيها قارورة عرقي وبنقو ما دام لم يعتدي على احد ..
ثقيل ياخ ما كان تكتب لينا الخلاصة بدل تشدنا 50 دقيقة مع ذا النون هسة أنا ذنبي شنو كزول ما من هواة غناء الحماسة والدلوكة والبطان أقعد فيه 50 دقيقة !!!
عملاً لي الله الزيي كدة وما بقدر يسمع رجالات ذا النون نديكم الزيت ذا النون معزوم حفلة في الجبل سايقه جندي بي عربيته واتفتشت بواسطة المكافحة لقوا فيها كباية عرقي وسيجارة بنقو تم اتهامه بالحيازة المشتركة .. اتعمل فحص طبي وطلع سليم المتهم الرئيسي أقر بإنه الحاجات حقته وذا النون ما عندو علاقة بالموضوع بيّت في القسم واتفك بالضمانة تاني يوم
08-10-2020, 06:49 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لا لا ياخ دا زيت خالي دسم! وين الحتة بتاعة الوزرا و الضباط و القيامة الرابطة البتتصل بالقسم عشان ما يتفك! وين الحتة بتاعة جيش جبل اولياء بي قادته القرب يدق قسطير و يشتبك مع الشرطة عشان يفكوه (هههههههههههه دي براها اسي ما دليل تعاطي) وين المحاضرة القانونية الاداها الساعة 6 و خمسة صباحا الساعة 6 ونص القسم اتملى ضباط بسببها! ياخي دي الذ حاجة في الفيديو تحرم منها الناس لسه ياخ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
علي عبدالوهاب عثمان
صديق مهدى على
nour tawir
Mahjob Abdalla
محمد البشرى الخضر
HAIDER ALZAIN
فيس بوك
تويتر
انستقرام
يوتيوب
بنتيريست