|
كتب الكاتب الفاتح جبرا المتوفرة بمعرض الدوحة
|
|
 Re: الكلام ده صحيح يا تجمع المهنيين ولا مدسوس� (Re: Hafiz Bashir)
|
Quote: ١- سحب اعتراف تجمّع المهنيين السودانيين بكل الهياكل القائمة لتحالف قوى إعلان الحرية والتغيير وعلى رأسها المجلس المركزي للحرية والتغيير لتجاوزاتها ومفارقتها بنود الإعلان، وانسحاب تجمّع المهنيين من كل هياكل الحرية والتغيير بشكلها الحالي.
٢- تنظيم تجمّع المهنيين لمؤتمر عاجل للقوى الثورية الموقعة على الإعلان وخارجه، للتباحث حول إعادة بناء وهيكلة الحرية والتغيير لتصبح معبّرةً عن القوى صاحبة المصلحة في حماية مكتسبات ثورة ديسمبر والبناء عليها، فالإعلان، في المنتهى والبدء، ملك للشعب السوداني وجماهيره الثائرة. |
ياريت لو واحد فاهم يشرح لينا
النقطة الاولي مع النقطة التانية يمكن فهمنا تقيل بس الانا فهمتهو هو:
الخطوة الاولي نسف ما توافقت عليه القوي السياسية في الحرية والتغيير متضمنة الحكومة الحالية حكومة وحكام اقاليم وقوي سياسية.
الخطوة الثانية دعوة نفس القوي السياسية لعمل حرية وتغيير اخري لانشاء حكومة وحكام اقاليم .
يعني لو كان الخطوة التانية هي دعوة القوي الخارج التجمع لقيام كيان موازي شوي كنت بفهمها
| |
  
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Asim Ali)
|
Quote: لو صح الكلام دا تبقى كارثه من غير تفصيل للتوقعات
|
ده سؤالي التاني
طالما الكلام طلع بيعني انه صح ولو علي مستوي التفكير او مستوي التحريض سواء من العسكر او الفلولو وفي الاغلب ما بطلع من العسكر
لكن منو بيتحمل نتيجة دعوة زي دي؟
هل تجمع المهنيين بيقيف ويقول انا متحمل نتيجتها بس فككوا لينا قحت؟
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Asim Ali)
|
تجمع المهنيين هنا يعمل كمخلب قط
للحزب الشيوعي بعد إزاحة كوادر الحزب
من الحكومة وكشف وملاحقة من زرعهم
حول رئيس الوزراء ...
دعوه صريحه للتمرد وعدم استقرار داخل
الحاضنة (قحت) لنسف ترتيبات الفترة
الإنتقالية (مجلس سيادي علي حكومة علي
وثيقة دستورية) ... لتتم ترتيبات جديده
ولتبدأ فترة انتقالية جديدة وتظل ساقية
الفترة الإنتقالية إلي مالانهاية ...
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: نعمات عماد)
|
الأمر يبدو في رمته
تضارب مصالح ومحاصصة كان تعين الولاه كالقشة التي قصمت ظهر البعير
الثورة أصبح يقودها الشعب السوداني متمثلة في لجان المقاومة والثوار اللذين مهروا الدماء والانفس في المليونيات والاعتصام
حمدوك أصبح مفرض من الشارع واعترف في خطاب تعين الولاه ان مطالب الشارع هي التي تحركه وسوف يعمل عليها
لماذا يتباكي هولاء الان ألم يكن توافقهم تكون حكومة تقراط والوثيقة الدستورية تقول ذلك
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: بلدى يا حبوب)
|
صحيح يا بلدي يا حبوب
الثورة أصبح يقودها الشعب السوداني متمثلة في لجان المقاومة والثوار اللذين مهروا الدماء والانفس في المليونيات والاعتصام ونعم حمدوك اكد علي الموضوع
في اضافة مفروض تكون مفهومة
الشارع ما لجان مقاومة بس
لجان مقاومة
نقابات
احزاب سياسية
افراد غير منتمين
ديل كلهم بيشكلوا الشارع
اذا لجان المقاومة بدات تمهر الثورة بدماءها ليها سنة ونص
الاحزاب شغالة ليها 30 سنة وكل حزب قدم قائمة شهداء
ده الاسمو الشارع
الان متوحد في قوي الحرية والتغيير
وتجمع المهنيين
يبقي المطلوب دعم الوحدة وتوسيع امكانية الوحدة ما تفكيكها
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: وهبه الشبلي احمد)
|
إعلان سياسي بين تجمُّع المهنيين السودانيين، و الحركة الشعبية لتحرير السودان - شمال
نحن، تجمع المهنيين السودانيين، و الحركة الشعبية لتحرير السودان – شمال، نُحيي نضالات الشعب السوداني على مر التاريخ في سعيه المُستمر من أجل التغيير و بناء وطن يسع الجميع، و نُحيي كافة شُهداء الكفاح المُسلَّح و النضال السلمي منذ الإستقلال الذين ضحوا بأرواحهم من أجل الحرية .. العدالة .. و المُساواة و الكرامة الإنسانية، كما نُحيِّ شهداء ثورة ديسمبر 2018 المجيدة في المدن و القرى و الأرياف الذين قدموا بطولات و تضحيات كبيرة لإسقاط نظام الثلاثين من يونيو 1989 و يتمنَّى الطرفان عاجل الشفاء للجرحَى و المعوَّقين. و نُحييِّ جميع اللاجئين و النازحين وضحايا الإنتهاكات و الحروب والمفقودين و أسرهم.
إستلهاماً للإرث السياسي للشعب السوداني و جهوده في حل و مُعالجة المُشكلة السودانية و مُخاطبة جذور الأزمة الوطنية التاريخية، و استنادا علي أرضية النضال ضد النظام البائد، إنقلاب الثلاثين من يونيو 1989، و الجهود التي قادت لإتفاقية السلام الشامل 2005 و التي أدَّى تغافل النظام السابق عن إلتزاماتها والمضي في سياسة نقض العهود والمواثيق لإنفراط عقد الوحدة الوطنية وإستقلال جنوب السودان، و لاحقاً كل الإتفاقيات و المُبادرات الأخرى ذات الصلة؛
و تأسيساً على إعلان الحرية والتغيير و منفستو الحركة الشعبية لتحرير السودان – شمال، و مسئولية تجمع المهنيين السودانيين و الحركة الشعبية و دورهما تضامناً مع نضالات شعبنا، و تمهيداً لتطوير ميثاق سياسي أشمل يهدف إلى بناء منصة التأسيس للمشروع الوطني للسودان الذي نحلم به؛
يتَّفق الطرفان على الآتي :
أولاً :
بناء الدولة السودانية علي اسس :
1-السودان دولة مدنية مستقلة ذات سيادة ديموقراطية تعددية لا مركزية.
2-تقوم علي فصل الدين عن الدولة بما يضمن حرية المعتقد و النشاط الديني.
3-تكون المواطنة فية هي أساس الحقوق و الواجبات دون تمييز.
4-يكون الشعب مصدر السلطات ويسود فيها حكم القانون و التداول السلمي للسلطة و التقسيم العادل للثروات.
ثانياً : ضمان حماية حرية المُعتقد و حرية العبادة وحرية الفكر و المُمارسة الدينية.
ثالثا: لا يقوم اي حزب علي أساس ديني والغاء جميع القوانين التي تقوم علي اسس دينية و الرجوع للعمل بقوانين 1974 إلى حين التوافُق على الدستور الدائم.
رابعاً : مُراجعة الوثيقة الدستورية وجميع القوانين والمراسيم حتَّى تاريخ التوقيع على الوثيقة الدستورية في 17 أغسطس 2019.
خامساً : تعترف الدولة و تلتزم بالتنوُّع التاريخي والتعدُّد المُعاصر و تُعزِّزه، وتؤكِّد بأن جميع الأعراق والديانات والثقافات جزء لا يتجزأ من الهوية الوطنية للدولة. ويجب أن تعمل الدولة في مسار تطوُّرها لبناء هوية مُشتركة، و وضع ترتيبات مُنصِفة و بناءَة تتيح لكافة الشعوب والكيانات السودانية المُتباينة والمُتعدِّدة المُساهمة فيه بتساوٍ و عدل.
سادساً :
(أ)-مُراجعة كافة القوانين المُتعلِّقة بملكية وإستخدام و حيازة الأراضي، و مراجعة قوانين الإستثمار، وتعديل مايلزم و سن قوانين جديدة بما يحقق مبدأ العدالة ويحفظ المصلحة العامة.
(ب)- ضمان حق النساء في الحصول على الأرض وإدارتها.
سابعاً : التأكيد على مبدأ لا مركزية السُلطة على أن يتم تقسيم البلاد إلى ثمانية أقاليم.
ثامناً : التأكيد على مبدأ تُقسَّيم ثروة السودان على نحو عادل وفقاً للأولويات التي سيتم الإتفاق عليها حتَّى يتمكَّن كل مستوى حكومي من الإضطلاع بمسؤولياته وواجباته القانونية والدستورية. ويقوم إقتسام وتخصيص هذه الثروة على مبدأ أن كل أجزاء السودان لها الحق في التنمية والخدمات العامة والتعليم والصحة لكل أجزاء السودان، ومعالجة الفوارق النوعية، مع مُراعاة التمييز الإيجابي لمناطق الحرب والتهميش والبعد عن المركز. والإحتفاظ بنسبة عادلة للأقاليم من الثروات القومية التي تنتجها.
تاسعاً : إنتهاج سياسة خارجية مُتزنة تقوم على إحترام سيادة الدول وتعزيز التعاون و المصالح المشتركة. و عدم التدخُّل فى شؤون الدول الأخرى، و الحفاظ على الأمن و السلم الدوليين، و حسن العلاقات مع دول الجوار.
عاشراً : إعادة هيكلة القوات المُسلَّحة و القوات النظامية الأخري لتصبح قوات قومية تؤدِّي مهامها بموجب الدستور وتقوم بحماية الدستور والدفاع عن سيادة الدولة و أراضيها من المُهدِّدات الخارجية،.
احدي عشر: إعادة بناء الخدمة المدنية العامة بما يضمن استقلاليتها و كفاءتها المهنية.
إثني عشر : التأكيد على الإصلاح المؤسَّسي في السلطة القضائية و النيابة العامة أو ديوان النائب العام، على أسُس النزاهة و الإستقامة و الإستقلالية مما يُساعدها في الإيفاء بإستحقاقات العدالة بما في ذلك العدالة الإنتقالية، و بسط حكم القانون.
ثلاث عشر : تسليم المُتَّهمين في جرائم دارفور لمحكمة الجنايات الدولية، و التأكيد على المساءَلة والمحاسبة وعدم الإفلات من العقاب عن جميع إنتهاكات حقوق الإنسان و جرائم الحرب و الجرائم ضد الإنسانية وجرائم الإبادة الجماعية.
اربعة عشر: يكون المنبر التفاوضي هو أحد آليات صناعة الدستور الدائم.
خمسة عشر : تضمين بنود إتفاقيات السلام التي سيتم التوصُّل إليها مع الحكومة الإنتقالية وجميع المواثيق الدولية لحقوق الإنسان و خاصة حقوق المرأة و الطفل في الدستور الدائم على أن يتم كتابة الدستور بواسطة آلية مُتَّفقٌ عليها و يُعرض على الشعب عبر إستفتاء قبل نهاية الفترة الإنتقالية.
ستة عشر : ضرورة إقرار مباديء جوهرية لتكون " فوق الدستور" – هادية و موجِّهة لكتابة الدستور الدائم.
سبعة عشر : ضرورة نقل ملف التفاوض إلى الحكومة المدنية (مجلس الوزراء)، إتِّساقاً مع تطلُّعات جماهير الشعب السوداني.
وقَّع الطرفان على هذا الإعلان في يوم
تجمع المهنيين السودانيين
الحركة الشعبية لتحرير السودان - شمال
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Salah Zubeir)
|
Quote: بعد إن سحب تجمع المهنيين اعترافه بقوى الحرية والتغيير مقترح من أحد شخصيات المكون العسكري في المجلس
بإعلان عدم شرعية قوى الحرية والتغيير بعد انسحاب تجمع المهنيين. |
دا كلام جداد إلكتروني
العساكر لن يتجاسروا الآن لأنهم يعلمون أن للثورة حراسها في لجان التغيير
إلا أنني أتوقع أن يتم إستهداف لجان التغيير في المرحلة القادمة من أجل تفتيتها وإضعاغها
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Asim Ali)
|
| Quote: العسكر حيحاولو يملو فراغ تجمع المهنيين فى ق ح ت بمكونات زى البيدعو ليها ود الضى حسب ظنى |
يا عاصم أنا بتفكر إنو كلامك دا هو فعلاً مخطط العساكر والفلول
بس بضيف إنو ربما ليس ملئ فراغ تجمع المهنيين فقط بل تفتيت قحت بكاملها من خلال زرع الفتن وقحت نفسها ما مقصرة في الإنحدار بنفسها لهذا المستنقع.
وبرضو بفتكر إنو بالنسبة للعساكر لسه وقت فض الشراكة مع قحت لم يحن حتى الآن.
رغم إنو لجان المقاومة الثورية أكثر إلتصاقاً بالشارع من قحت
وقادرة أكثر على تحريك الشارع ضد أي مخطط لتغول العساكر على السلطة
إلا أن لجان المقاومة ضعيفة من ناحية تنظيمية ومن السهل إختراقها وتشتيتها.
ودا البيعمل فيهو ود الضي وآخرون من الفلول.
الله يستر
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Ahmed Yassin)
|
سلامات يا جعفر..
دا اسمه الثورة اتسرقت ونحن نفضنا يدنا..
المهنيين شافوا الشارع اتجاوزهم عبر لجانه وبامكانه
يواصل ثورته ويسقط الكضبة دي.
اكثر ما يستفز الشارع هو تحركات الكيزان اللي بقت
في وضح النهار, لا وكمان جابوا الدواعش في
مواكبهم والحكومة بشقيها تعاين وتكافئ فيهم.
لو دا حال تعيين الولاة, التشريعي ح يكون كيف؟
المهنيين اتقدموا خطوة غايتو.
امسك في كلام دكتورة نعمات دا قووووي.
| Quote: ربما قيادات جديدة للجان المقاومة. |
دا شوط الثورة التاني.
سلام للضيوف.
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Hafiz Bashir)
|
Quote: بس بضيف إنو ربما ليس ملئ فراغ تجمع المهنيين فقط بل تفتيت قحت بكاملها من خلال زرع الفتن وقحت نفسها ما مقصرة في الإنحدار بنفسها لهذا المستنقع.
وبرضو بفتكر إنو بالنسبة للعساكر لسه وقت فض الشراكة مع قحت لم يحن حتى الآن. |
اتفق معاك يا مولانا
مستبعد يكون كلام عساكر وواضح جاي من وين
لكن البتفق فيهو معاك اكتر هو تخطيط لتفكيك قوي الحرية والتغيير
الان تجمع المهنيين يتضامن مع القوي اللي داعية لتفكيك تجمع المهنيين
ياخ انتهت سنة
فضل كم عشان تاني يتم تكوين جسم بيضم الناس دي كلها
خصوصا وانو بعد التغييرات الجديدة
سقف التوقعات والمطالب بقي مرتفع
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Salah Zubeir)
|
Quote: تجمع المهنيين هنا يعمل كمخلب قط
للحزب الشيوعي بعد إزاحة كوادر الحزب
من الحكومة وكشف وملاحقة من زرعهم
حول رئيس الوزراء ...
دعوه صريحه للتمرد وعدم استقرار داخل
الحاضنة (قحت) لنسف ترتيبات الفترة
الإنتقالية (مجلس سيادي علي حكومة علي
وثيقة دستورية) ... لتتم ترتيبات جديده
ولتبدأ فترة انتقالية جديدة وتظل ساقية
الفترة الإنتقالية إلي مالانهاية ... |
تحياتي صلاح الزبير
طبعا الكلام الاتقال والحبر والاتدفق في الموضوع كتير جدا وفي النهاية بيوصل لمرحلة جدل بيزنطي ومماحكات ومكابرات الخوض فيها مضيعة للوقت ... عشان كجة نتناقش من ارضية واحدة ونشوف البحصل شنو؟
ويا ريت يكون في شخص ممثل لتجمع المهنيين معانا في البورد يناقش باعتبار انو هو تبع قيادة تجمع المهنيين الاتخذت القرار
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Asim Ali)
|
Quote: تمرد وانقلاب وتوسيع المشاركه واصلاح سياسى نتمنى ان يكون ياخذ مساره السليم
|
حبيبنا عاصم
نعم هو انقلاب او محاولة انقلاب سياسي
السؤال الجوهري والمفصلي
وياريت القي عليهو اجابة
شنو دور تجمع المهنيين
هل هو المشارطة السياسية كحزب
ام دوره استعادة النقابات وتوحيد المهنيين مع بعض
كم هي الجهات المهنية اللي في داخله الان وكم اللي خارج التجمع ...
مش الاولي ياخ يؤدي دوره الاساسي وبعد ينجح يتطلع لدور الاحزاب
خلينا نسوع المشاركة في تجمع المهنيين
خلينا نوسع المشاركة في فئات المهنيين
نستعيد النقابات
لجان الاحياء دي ما براها كافية للمحافظة علي الديمقراطية
الاوعية الصحيحة هي احزاب ونقابات
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Gafar Bashir)
|
| Quote: ربما قيادات جديدة للجان المقاومة. |
تمام استاذة نعمات
لجان الماقومة لو كانت قيادات جديدة او قديمة شنو الاسكوب تبعها ...
شنو الهدف تبع ( لجنة المقاومة)
اذا كان المشاركة في سلطة سياسية ده بيتم عبر اجسام اسمها احزاب سياسية
اذا كان الهدف هو مؤسسات مدنية مهنية ده بيتم عبر اجسام اسمها نقابات
لكن كلجنة مقاومة شنو الهدف المفروض تنجزه هي وبقية لجان المقاومة الاخري
عشان نكون في الصورة بس لجان المقاومة عايزة شنو؟ وقياداتها الجديدة عايزة شنو؟
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Gafar Bashir)
|
رسالة الابوابي
" "رسالة من د. Ahmed Alabwabi لـ تجمع المهنيين السودانيين
تحياتي و تقديري للجميع.
هذه رسالة نرسلها في الأوان و قبل فوات الأوان مع كل العشم بان تستمعوا لها باذهان منفتحة و قلوب مبراة من الغرض و سوء الظن.
اطلعت على بيانكم الذي صدر اليوم ٢٥ يوليو ٢٠٢٠ ، و عن لي ان ارسل لكم هذه الرسالة على سبيل تبادل الراي و اسداء النصح، حرصاً على ما يربطنا جميعاً من حرص على مسار هذه الثورة و مستقبلها و وحدة القوى الفاعلة فيها.
في البدء أود ان اقول بان هذه الخطوة المعلنة من انسحاب من قوى الحرية و التغيير هي للاسف غير موفقة و هي عندي قفزة في الفضاء و هروب من مواجعة اوليات هذا الكيان و التي هي الآتي:
اولاً: الوحدة... فهذا الكيان و منذ حين يعيش حالة من الانقسام الوخيم، انعكس في وجود كيانين يتحدثان باسمه، هذا على المستوى الظاهر ، و وجود حالة من التشرذم و اللا-انسجام بين تياراته المختلفة.. لاجل ذلك فقد كان من الاولية و الموضوعية أن يتجه تجمع المهنيين لأن يقبل على توحيد قواه الداخليه قبل الكلام عما ليس مسئولاً عنه إلا مشاركة و هو (تنظيم مؤتمر عاجل للقوى الثورية الموقعة على إعلان الحرية و التغيير) دعك عن تلك القوى التي خارجه .. الأولوية كانت هي عقد مؤتمر للقوى المكونة لتجمع المهنيبن نفسه و بحث الخلافات القائمة و العالقة و الخروج بجسم موحد من الممكن ان يدعو القوى الاخرى، من ثم للوحدة، و إلا فإن فاقد الشيء لا يعطيه و البيت المنقسم لا يقوم.. و هذا ما يقودنا للأولوية الثانية و المرتبطة بالأولى الا و هي (قيام النقابات).
ثانياً: قيام النقابات: و هذه لعمري خطوة قد تاخرت لمدة تقارب الثلاثين عاماً ، ربما كان لنا بعض عذر تجاهها في الفترة الإنقاذية لوجود نظام غاشم سعى لضرب هذه الخطوة بكل الطرق .. اقول بعض العذر، لان بقية العوامل كانت مما يلينا نحن لا السلطة، فإن القوى الحرة و المتمردة على نقابة المنشاة و غيرها من الحيل و الوسائل الأنقاذية لعرقلة قيام نقابات حقيقية، فشلت في ان تتوحد لتعلن نقاباتها المستقلة او ان تفعِّل هذه النقابات بحيث يكون لها وجود حي و حقيقي في الواقع .. كل ذلك كان في فترة الإنقاذ ، اما الآن و بعد زوال الطغمة و انجلاء الكابوس فما الذي يحول بيننا و بين قيام نقاباتنا الحقيقية .. ؟ .. إن التحايل و التهرب من هذه الخطوة لهو مما يجعلنا نسير في دائرة مفرغة و ندعو للوحدة دون و حدة و ندعي تمثيلاً للمهنيين هو في الحقيقة ليس سوى امتداد لشرعية ثورية منتهية الصلاحية بحكم وجود الفرصة المواتية لقيام انتخابات حرة مباشرة تقود لقيام نقابات ذات تمثيل حقيقي للقواعد.
لأجل ذلك فانا ارى بان خطوتكم المعلنة بالانسحاب من قوى الحرية و التغيير كانت ستكون اقوى و اقرب للفائدة لو كان كيانكم موحداً و مالكاً لتمثيل حقيقي لكيانات المهنيبن ..
و على كل حال فما زال الوقت مناسباً لاستدراك الأمر و الرجوع لارض الواقع و البداية من جديد فيما يستحق العمل فعلاً و الثورة على ما تتوجب عليه الثورة و هو العجز الذاتي و تمزق الكيان الحاضر للمهنيين.
و لكم محبتي و كل الرجاء لهذه الكيان بمستقبل معافى و صحي و فاعل في واقعنا السوداني المأزوم.
د. احمد الابوابي ..
الرئيس الاسبق للجنة اطباء السودان
https://m.facebook.com/story.php؟story_fbid=3397095860311408andid=100000330821241andsfnsn=scwspmoandextid=gwRv3zJFfuwZ1L7jhttps://m.facebook.com/story.php؟story_fbid=3397095860311408andid=100000330821241andsfnsn=scwspmoandextid=gwRv3zJFfuwZ1L7j
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: MOHAMMED ELSHEIKH)
|
يا دفعة المجلس المركزي لحرية و التغيير لم يعترف بممثلي التجمع الجدد ورفض اضافتهم "للقروب" ولا زال يتعامل مع طه عثمان و اسماعيل التاج "عضو المنبر" كممثلين للتجمع
شي طبيعي ان يحردوه ليهم ناس حسن فاروق بشعاره تسقط تالت
عموما التجمع فقد موقعه القديم وقيادته للشارع بعد انشقاقه ولو تم اجازة قانون النقابات وبدأ تكوينها سينتهي عمليا التجمع بشقيه, وربما ينشأ تحالف نقابي جديد يرث نصيبه من المجلس التشريعي- هذا النصيب سيكون المقتلة القادمة بي الاحزاب خاصة وانها جميعا اعلنت المشاركة الصريحة بما فيها الشيوعي ولا مجال لعصا مشاركة قايمة وأخرى نايمة
لكن ما يقلقني واتمنى ان لا يكون صحيحا هو الخبر المنشور عن ترحيب الحلو بهذا الانسحاب و ارهاصات اللقاء في جوبا بين ممثلي التجمع الجديد مع الحركة الشعبية هذا يشي بتأخير انضمام الحلو للسلام المرتقب وشكله عايز يشتعل بيهم سياسة
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: علاء سيداحمد)
|
تجمع المهنيين غرب كردفان
-------------andandandand----------
بيان رقم (٢)
المجد والخلود لشهداءنا الكرام
جماهير غرب كردفان.
تحية فخر واغزار نسوقها لكم في هذة المرحلة المهمة التي تمر بها البلاد والتي تشهد ميلاد الحكم المدني بتعيين الولاة المدنيين من اجل اكمال هياكل السلطة التنفيذية ومن ثم الاستعداد لتكملة المجالس التشريعية وازالة التمكين في الولايات ومحاسبة المفسدين.
جماهيرنا الكرام:
لقد استبشرنا خيرنا بتعيين الولاة المدنيين وتفأئلنا بهم لدورهم المهم الذي يلبي طموحات الجماهير بالولاية.
لقد تابعتم اليوم البيان الذي صدر باسم تجمع المهنيين السودان وبموجبة قرر الخروج من هياكل الحرية والتغيير في خطوة مستعجلة لم تراعي فيها المصلحة الوطنية وتسعي الي شق الصف الوطني.
لقد ظللنا كمهنيين في هذة الولاية ولاكثر من عام بالصمت التام لما يايبدر من تجمع المهنيين السودانيين علي الرغم من اننا لنا رؤية سليمة لبناء تجمع المهنيين السودانيين علي اسس ديمقراطية سليمة ابتداء ووصولا الي جسم مهني يضم كل مهنيين السودان
وبما اننا في هذة الولاية قد شارفت الاجسام المهنية علي استلام اصول نقابتهم واتحاداتهم المهنية.بعد اختيار لجان تسير لهم وتعيينها بواسطة لجنة ازالة التمكين الولائية
وبما ان هناك خلل في هيكلة الحرية والتغيير علي مستوي المركز ينبقي معالجة هذا الامر في الاطار الداخلي واتمام عملية الاصلاح من الداخل وفق رؤية سليمة تشمل جميع قوي الثورة.
ممايضمن دعم الحكومة الانتقالية حتي تستطيع العبور بنا الي مراحل متقدمة.
ان هذة الولاية من اكثر المناطق تعقيدا وتأثيرا بتركة النظام البائد والخدمة المدنية المشوهة.
ان المهنيين في الولاية ينتظرهم الكثر وهم العمود الفقري في عملية الاصلاح الاداري في الخدمة المدنية.
اننا في ظل هذا الوضع نؤكد الاتي
١/ ان البيان الصادر من تجمع المهنيين السودانيين لايمثل مهني غرب كردفان
٢ / نعلن دعمنا التام للحكومة الانتقالية علي مستوي المركز والولاية
٣/ نوجة المهنيين في تنسيقيات قوي الحرية والتغيير بمحليات الولاية البقاء داخل هيكلة الحرية والتغيير
٤/ نوكد بقاء المهنيين داخل التنسيقية الولائية
٥/ نوجة المهنيين داخل الموسسات الحكومة والخدمة المدنية بدعم الحكومة والعمل الجاد مع الكتل المكونة للحرية والتغيير من اجل العبور الي بر الامان
.
٢٥/ ٧/ ٢٠٢٠
غرب كردفان
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Hafiz Bashir)
|
ما عارف الهياج ده كلو في شنو ؟
إذا أصلاً تجمع المهنيين المنتخب بشكل ديمقراطي
خارج هياكل قوى الحرية والتغيير
وخصوصاً هياج هشام عباس
الكرر أكثر من مرة إنو ما فاهم
وأضيف إنو قاعد في أضانو كمان
فكيف لتجمع المهنيين أن يتحمل نتائج قرارات غير مشارك فيها
لعدم وجود ممثلين له في داخل الحرية والتغيير من الأساس
خلي قوى الهبوط الناعم تعوس وتسوط في داخل قحت
والشعب السوداني ممثل في لجان المقاومة قادر على حماية ثورته.
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: عبد الله حسين)
|
حبيبنا جعفر .. تحياتي
بوست مهم وهاديء وجميل
يا سلام مداخلات هادئة بدون تشنج
انا متابع البوست لحظة بلحظة
لأنني الى اليوم ما فاهم التشابك بين الحرية والتغيير وتجمع المهنيين
وخلاف الديمقراطي بينهم سوف يكشف الكثير
من خلال البوست فهمت ان جميعهم بدون استثناء
يطلبون السلطة .. خلاص موضوع الشهداء والكيزان .. باي باي
شكرا كثيرجعفر استمروا بنفس المنوال
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Gafar Bashir)
|
يا جعفر
مافي حاجة غلط، لأنو مواثيق التجمع وهيكله يضم ( نظريا ) والمفروض فعلياً ممثلين لتجمع المهنيين في هياكلة، منذ أن تم انتخاب قيادة تجمع المهنيين الجديدة وهم فعلياً خارج الحرية والتغيير، لأنو قيادات الهبوط الناعم قالوا للقيادة الجديدة بالواضح وفي وشهها، والواضح ما فاضح، إنو يا جماعة كده حا تخربوا لينا التوازن داخل الحرية والتغيير إذا قبلنا بتمثيلكم لتجمع المهنيين، يعني حا تخربوا لينا الرصة، يعني ولا ديمقراطية ولا انتخابات ولا زفت، لكن الحاجة الاستغربت ليها في هذا البوست هو الفيديو تبع هشام عباس، وكل كلامو اوف بوينت، لأنو هو بتكلم وكأنو القيادة الحالية لتجمع المهنيين قاعدة جوه الحرية والتغيير، ومشاركة في كل القرارات، بما فيها الاتفاق على عقد مؤتمر لهيكلة الحرية والتغيير، وده ما حااااصل، هم بره الحرية والتغيير، والانسحاب هنا يا جعفر هو انسحاب نظري، يعني من الورق.
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Hafiz Bashir)
|
| Quote: يعني تجمع مهنيي غرب كردفان إنشق عن تجمع المهنيين المركزي |
يا مولانا خليهو غرب كردفان نقول اسماعيل وراق حرضهم
انت عارف تجمع المهنيين الحالي دي المنشقين منوا
الاطباؤ والمهندسين والمحامين واظنهم 11 جهة مهنية تانية
انا ما عارف فضل فيهو منو مهني ولا بعبر عن منو
يعني اذا قدر تجمع المهنيين ينجز الخطوة الاولي اللي هي تجميع المهنيين في مؤسسة واحدة كان الكلام ده بكون مقبول
لكن منو اصلا بيأتمن دعوة لتفكيك كامل قوي الحرية لمصلحة تجمع مهنيين ما قادر يوح نفسو
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Hafiz Bashir)
|
Quote: برضو حَمُد يارب البقت علي تجمع المهنيين وما إنشقت حكومة غرب كردفان عن حكومة السودان المركزية
|
جات في العارضة يا مولانا
لكن شايف اخوانا البجا يا زول بتكلموا عن تقرير المصير وانه منصوص عليهو في مواثيق الامم المتحدة
وقالوا حيقفلاو العقبة
واصلوا الوالي الجديد ده ما ببقي عليهم
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: محمد البشرى الخضر)
|
| Quote: عموما التجمع فقد موقعه القديم وقيادته للشارع بعد انشقاقه ولو تم اجازة قانون النقابات وبدأ تكوينها سينتهي عمليا التجمع بشقيه, وربما ينشأ تحالف نقابي جديد يرث نصيبه من المجلس التشريعي |
دي وجهة نظر يا دفعة
لكن عشان تكون صح
تجمع المهنيين مفروض يمشي في الخط الانت راسمو ... المشكلة دا ما حاصل
تجميع المهنين لاشغال بي نقابات ولا بطيخ
شغال راسيا قاصد يوصل السلطة ضمن الاحزاب السياسية
ودي غلوتية ابو الدقيق زاتو ما بحله
انت تحمع مهني ونقابي عايز تورث الثورة دي كلها حبابك الف مافي زول بقول لا طالما انت الاجدر ... ابدا جمع ووحد المهنيين ... استعيد النقابات والاحزاب تمشي تشوف ليها سوق بصل ولا بطيخ تبيع فيهو
لكن ده ما حاصل تجمع المهنيين بخطط لانقلاب سياسي راديكالي فوري والان .... هدم قوي الحرية والتغيير والدعوة لمؤتمر جماع
وكلام حقيقي حي ما انتظر المؤتمر ده يادفعة
ماشي عشان يتحالف مع الحلو
كلام الطير في الباقير وسفر بسرعة الصاروخ ونتيجته معروفة
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Gafar Bashir)
|
يا ليتهم يفهمون كلامك ياهشام عباس عمر
صدق من قال ان معظم السودانيين مصابون بالنرجسية
وهذا هو السبب الحقيقى وراء اخفاقنا فى الخروج من مسلسل التخبطات والكوارث السياسية التى لازمتنا منذ حصولنا على الاستقلال وادت الى تخلف بلدنا وعدم تطوره وفقر اهله بالرغم من الامكانات الطبيعية المتوفرة
هذه النرجسية لها علامات حددها علماء النفس
ان اصحاب النرجسية هم الاكثر تدميرا بين جميع فئات المجتمع فالى جانب الاعتداد المبالغ فيه بالنفس والرغبة الشديدة فى ان ينظر اليهم نظرة اعلاء وتقدير تجدهم يملكون جانبا مظلما من الافراط فى حب الذات والانانية
النرجسى لا يتقبل النقد حتى لوكان خطاؤه واضحا وضوح الشمس
(ويمكن ان نجد امثلة حتى فى موقعنا هذا)
يعيش النرجسى حالة دائمة من الشك فى ان الآخر يحاول التلاعب به
رد الفعل لهذا الشعور عند النرجسى يدفع به الى محاولة السيطرة والتحكم فى الآخر
يرفض النرجسيون تحمل مسؤولية افعالهم وتصرفاتهم بنفس الطريقة التى يرفضون فيها توجيه النقد لهم
النرجسى يحسد الآخرين ويسخر علانية مما انجزوه ويبذل قصارى جهده ليثبت ان من نجحوا ليس جديرين بتلك النجاحات
كيف نتعامل مع هؤلاء النرجسيين؟
فى رايى كلما بادر النرجسى بكشف نفسه كلما كان ذلك فى صالح القضية العامة
النرجسيون ليس فقط فى صفوف المهنيين كما تعلمون ولو انى اعتقد ان ليس كل المهنيين بنرجسيين وهذا يتطلب جهدا مضاعفا منا للتعامل مع الفئات الخيرة منهم سواء ان كانوا فى صفوف المهنيين او حتى فى صفوف حزب الامة او التنظيمات الاخرى المنضوية تحت تجمع قحت
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: Hassan Farah)
|
Quote: كتب حسن بكري:
بعد انتخابات التجمع قوى الحرية والتغيير جمدت نشاط التجمع في هياكلها
يعني مافي ممثل تجمع مهنيين في تنسيقية قوى التغيير ولافي ممثل تجمع في المجلس المركزي
قوم يا التجمع انسحب من حتة انت اصلاً ماقاعد فيها
والناس تقوووم وتقعد
المهم
الناس دي ببساطة شايفه انو الدماء التى سالت لاتكفي لتحقيق الإنتقال
عاوزين مزيد من الدماء عشان نورة تشعر بالإنتصار
دا من ناحية
ومن ناحية تانية الاعور والمحاور بي ود الأمين واحمد ربيع والناس الزمااااان سربو المؤتمر لأخر لحظة
شغالين شغل الجن لفرتقة الانتقالية وحلمهم حركة تمرد سودانية تمرق وتجيب ليهم عسكري حلاتو يدو قفاهم
فالحيحصل شنو
نفس الكلام القلنا صبيحة الإختطاف بيانات ثورية وكلام عاطفي ويانورة ماتدي اي حاجة لأي زول وصولاً لتسقط تالت
تقوم تلقاهم مع بانقا واجانب افريقيا العالمية مارقين يزحفوا سوا حيث وحدة الهدف والوسائل
قبل دا لازم يكتمل مخططتهم داخل لجان المقاومة بالخم او بالإنشقاقات لأنو نورة عمرها ماتنزل الشارع بتنزل الناس وهي بتخطط ليهم زي ماقال ايقونتهم في سبتمبر سنة الحياة ناس تقعد لبعيد وتخطط وناس تنفذ
تلاتة هيفرحوا بالحاصل دا
زول عندو مشكلة مع الحرية والتغيير ببصيرة مغمضة ممكن يتحالف مع الكيزان ضر كده بس
وزول مافاهم حاجة دخل للمعترك السياسي قريب
وزول بسقوط النظام سقطت مصالحه بقي مافي تمويل بجيهو وعيشو انقطع
واياك تتخيل انو ديل ممكن يكونو حاضنة لرئيس الوزراء لالا ابداً ديلاك براهم ناس حاتم قطان وامجد المرقو مع الفلاش حق المؤتمر الوصل للهندي عز الدين
الواقع دا ميدان خصب لأتنين
زول محبط اتملك منو الإحباط هيقوم يكتب مقالات يتخيل انو العالم منتظرها ويعمل اجتماعات بالليل مع ناس زيو ويحلل لبنات بلقيس الواقع السياسي في الواتساب
وزول تاني عينو مكسورة هيشتغل غصباً عنو ويدفع المعلوم للأعور
في النهاية كل البيحصل دا لمصلحة شعبنا ومابخوف زول عشان شعبنا يعرف الحق من الباطل ومنو بعمل لتحقيق احلام الشهداء ومنو ببصق على قبورهم وهو بقرأ في الأشعار
واكتمال السقوط حيث تسقط البدائل الزايفه للكيزان والي كان بربطهم بيهم مصالح
دا كلو جزء من موت السودان المشوه وبأكتمال الموات يكون الميلاد الجديد حيث يخرج الحي من الميت. |
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: امتثال عبدالله)
|
سلام أ. جعفر و ضيوفك
أعتقد أن القوى الثورية التى جمعها مشرع إسقاط النظام، فرقتها فكرة
ان النظام لم يسقط بعد و ذلك مباشرة بعد فض الإعتصام و مشاركة
اللجنة الأمنية في الحكم بالقوة. كلما تعدى عساكر السيادي على صلاحيات
المدنيين كلما ظهر خلاف جديد بين المدنيين في الحاضنة السياسية.
بعد خلافات تجمع المهنيين سينتقل الخلاف للأسف إلى صفوف لجان
المقاومة نتيجة للإستقطاب. البرهان، الكباشي، العطا و حميدتي، بالإضافة
للكيزان هم اكثر المستفيدين من إسقاط الحكومة المدنية. لذا يجب على
تجمع المهنيين الحذر حتى لا يشارك في إسقاط نفسه و الحكومة في نفس الوقت.
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: علي عبدالوهاب عثمان)
|
Quote: سلام أ. جعفر و ضيوفك
أعتقد أن القوى الثورية التى جمعها مشرع إسقاط النظام، فرقتها فكرة
ان النظام لم يسقط بعد و ذلك مباشرة بعد فض الإعتصام و مشاركة
اللجنة الأمنية في الحكم بالقوة. كلما تعدى عساكر السيادي على صلاحيات
المدنيين كلما ظهر خلاف جديد بين المدنيين في الحاضنة السياسية.
بعد خلافات تجمع المهنيين سينتقل الخلاف للأسف إلى صفوف لجان
المقاومة نتيجة للإستقطاب. البرهان، الكباشي، العطا و حميدتي، بالإضافة
للكيزان هم اكثر المستفيدين من إسقاط الحكومة المدنية. لذا يجب على
تجمع المهنيين الحذر حتى لا يشارك في إسقاط نفسه و الحكومة في نفس الوقت. |
صحيح متفق معاك
وضاح من النقاش الدائر هنا وجود الخلل سواء في قوي الحرية والتغيير او في تجمع المهنيين
الفيصل هو الرؤية النهائية للمكونات في اي اتجاه ماشين
وحدة قوي الحرية والتغيير هي ضمانة لوحدة تجمع المهنيين واللي بدوره ضمانة لوحدة القاعدة / طبعا والعكس صحيح ... يعني هي مسالة جدلية كل مكون من مكونات الهرم بيدعم التاني
اتمني انو يكون في وقفة صحيحة من اي من المكونات لتصحيح المسار
لكن ابدا ما بتصحح اذا كان الخطاب هو اتهامات ودعوة كل منهم لتفكيك الاخر
هنا السيناريو البتتكلمي عنو هو الاقرب
ونحن ماشين في طريقه
استقطاب حاد
بصل للقواعد
وكل الاطراف خاسرة
والطرف الكسبان هو في الاساس ضد الثورة والحكومة المدنية
واتمني ان تكون في دعوة جادة سواء من قبادة المهنيين او قوي الحرية لحل المشكلة
اذا الناس قاعدة ليها سنة بتتفاوض لحل مشكلة عسكرية في موضوع السلام
وما قادرة تدير حوار مع القوي المدنية
شكلنا حانعيد الدورة مرة تانية اللي عملتها الجبهة الاسلامية وهو احترام من يحمل السلاح وليس القلم
الله يستر
| |
|
|
|
|
|
|
|
|
|
Re: الكلام ده صحيح يا تجمع المهنيين ولا مدسوس� (Re: امتثال عبدالله)
|
Quote: وعشان كده المجلس العسكري ،الاسمه مجلس
السيادة ،مامكن يقول انه ما معترف بقوى الحرية والتغيير،،،، |
طبعا ده ما كلام ممكن يتقال جماهيريا او بصورة مثبتة ..
ممكن يطلع من المجلس العسكري ( جناح الصقور)
الفلول بتاعت الاسلاميين بمسمياتها المختلفة
او اي جهة اخري مهمتها ضرب قوي الحرية والتغيير
الموضوع انو القوي السياسية الوطنية مفروض تنتبه لخطابها بيصب في اي خنجق او لاي مصلحة
| |
|
|
|
|
|
|
| |
Hafiz Bashir
Asim Ali
Salah Zubeir
وهبه الشبلي احمد
نعمات عماد
بلدى يا حبوب
Arif Nashed
Ahmed Yassin
عبدالعظيم عثمان
nour tawir
Mutasim Idris
MOHAMMED ELSHEIKH
محمد البشرى الخضر
علاء سيداحمد
علي عبدالوهاب عثمان
Hassan Farah
فيس بوك
تويتر
انستقرام
يوتيوب
بنتيريست