الستة ولاة الصادق المهدى وحزبه فى فتيل

Quote: السيدة نور تاور

Quote: شبه إجماع وسط حكام الولايات من حزب الأمة الذين تم إختيارهم بواسطة رئيس الوزراء بتغليب المصلحة الوطنية على المصلحة الحزبية وعدم التقيد بقرار الحزب بالمقاطعة والمشاركة في الحكومة خدمة لشعبهم ووطنهم بعد أداء القسم.

Quote: اسماعيل وراق يرفض وصايا الصادق المهدى ويوافق على تكليف حمدوك وينحاز لخدمة الوطن

Quote: ولو مرقت من وصاية الصادق

Quote: هل هو الوحيد المارق من الوصاية أم هو يمثل مجموعة داخل الحزب؟ أقصد الشباب الذين انضموا للثوار قبل انضمام رئيس الحزب ل ق ح ت.

Quote: تجمع المهنين انسحب من الحرية والتغير والصادق المهدى الى ابوظبى محمد بن زايد ففى المدى رعاف ....

Quote: يادودى سيدك الامام الصادق المهدى فى طريقه حاجالابوظبى محمد بن زايد الله يستر مايبيع ليهو الجزيرة ابا باقى محمد بن زايد لانه فاقد جزر تستهويهو فكرة تدمير الجزر

Quote: كحزب سياسى على اعضاء الحزب الالتزام بقرارات الحزب والا سيكون مصيرهم مثل مصير الراحل الشريف التهامى ومبارك الفاضل

Quote: أرسل الولاة التابعين لحزب اللمام رسالة فحواها واضح بأن خدمة الوطن فوق خدمة الحزب و انا اهنيهم على هذا هذا مؤشر خطير بأن الحزب يتشظى كما في السابق عند ما انقسم و انشطر لعدد من الأحزاب كما حدث للحزب الإتحادي عليه انا ارى بأن هذه الأحزاب قد شاخت و يجب ان تنسحب من الساحة السياسية او تجدد دمائها بشباب غير هذا الكهنوت و ذاك تأكد بأن احزاب البيوتات التجارية اصبحت ذكرى لأسوأ احزاب سياسية مرت على الساحة السودانية و قد جرت مياه كثيرة تحت الجسر و قد تبدي لك الأيام ما كان خافياً و يأتيك بالأخبار من لم تزودِ

Quote: يا خضر شيلى صبر.... دودى

Quote: تعبنا ياخ كفاية و انتو كناس مستنيرين ما تعبتو في القرن الواحد و عشرين عن الدفاع عن خطرفات اللمام ؟

Quote: نحن مسوطين والعالم كلو مبسوط من مشاركاته وارائه عشان كده هسه ده ماشى الامارات للمشاركه فى مؤتمر مهم للمنطقه وسوف يلقى الكلمه الرئيسيه فى الؤتمر وبرضو مشاركته كانت معتبره فى نادى مدريد طبعا يا خضر لم نرغمكم ابدا لتاييد حزب الامه وتبنى افكار الصادق المهدى طبعا انا متاكد يا خضر لم تقرا له اى شئ ولا كتاباته من اهتماماتك ياريت لا تشغل بالك به عشان ما تكون متناقض كبقيه المثقفاتيه دودى

https://top4top.io/

Quote: من حقكم تكونو مبسوطين و المثل بقول (كلو زول عاجبو الصارو ) اكاد اكون انا اكتر واحد استمعتا لخطرفات الإمام ايام الديمقراطية المخجوجة كنت مسئول من كل تسجيلات اللمام في الجمعية التأسيسية و عادي التسجيل بستمر ساعتين مرات تلاتة ساعات بدون توقف و كلام خارم بارم انا كمواطن يا دودي ما بهمني كتابات الصادق و لا حتى مشاركاتو الخارجية البهمني في المقام الأول انو كيف كان بحكم السودان و هل كان الأمن مستتب ؟ و هل كان هناك رخاء خليك من الرفاهية دا البهم الشعب يا دودي صدقني الناس تجاوزت الصادق بكتير ما عدا انتو الأعضاء و حتى عضوية الحزب في شقاق و اختلاف كبير مع الصادق الأخ خالد عويس قام بتجميد عضويته اكثر من مرة و الاخ مجاهد علي ترك الحزب و اختفى محمد العمدة بعد محاولته الغير موفقة في النزول ضد الصادق و كانت مهزلة سخر منها حتى بعض اعضاء الحزب يا دودي لما تنظر للحزب بحيادية بتظهر حاجات وانت داخل معمعة اللمام ما بتشوفا انظر الى هذا الإستفتاء حول شعبية الحزب بين الجماهير

Quote: يا خضر الحزب السياسى العضويه فيه اختياريه وليست جبريه...عشان كده يا خضر هنالك المئات الذين ينضمون يوميا للحزب وهنالك من غادر الحزب ايضا لكن يا خضر وصف الديمقراطيه الثالثه بانها مخجوجه دى ما سبقك عليها زول وهذا الوصف يخصم من رصيدك... اما اداء الديمقراطيه الثالثه فتشهد عليه سجلات المركز القومى للاحصاء وارشيف بنك السودان الذى يتتبع الاداء الاقتصادى سنه بعد سنه دودى

Quote: في الوضع الطبيعي يا دودي انو الناس بتطلع من الأحزاب لأسباب مختلفة لكن ناسكم بطلعوا نتيجة للغبن و التهميش من قِبل اللمام حيث لا صوت يعلو فوق صوت اللمام بالنسبة لمسألة الخج نبدأ بمقولة (أكلو توركم و أدو زولكم ) قبل الانتخابات بستدعي اللمام كل رجالات الإدارة الأهلية التابعين للحزب من عدد من مناطق السودان الواقعة تحت سيطرة الحزب يعني الدوائر المقفولة و بحكم قرب التلفزيون من بيت اللمام شفناهم شوف عين و اشخاص من داخل بيت اللمام نقلو لينا انو الناس ديل جايين ياخدو الفيها النصيب لانو زمان موضوع التحويل عن طريق البنوك دا ما كان ميسر الشئ التاني شفناهم في الدويم كيف بحشدو الناس و بغروهم عشان يصوتو لصالح اللمام الناس ديل اي الناخبين فيهم ناس ما بعرفو اللمام دا ذاتو منو بمشي بكلام الشيخ بتاعم و هم مغمضين ببصمو .. دا بقودنا لموضوع ارتفاع الوعي و اللي بتخلي حزب الأمة يبقى اثر بعد عين اما بخصوص اداء حكومة الصادق و الارشيف و الاحصاء دا موضوع ميت انا كمواطن بهمني كيف كان الواقع اثناء حكم الللمام .. كان واقع مؤلم و مذري و لما اللمام شاف الموضوع كدا انسحب و سلما للكيزان في طبق من ذهب دفعنا نحن الثمن و الى الآن ... دائماً اللمام بخت يدو في الموية الباردة و بحب الضل تعرف يا دودي انو اسوأ شئ الواحد ينضم لي حزب من كثرة تفلتات رئيس الحزب انك ما تقدر تدافع عنو .. سقوط اللمام لا قاع له و هذه شهدها كل العالم