|
|
|
 Re: ملاحظة حول كتابة السيرة الذاتية في السودا (Re: Deng)
|
كلامك مظبوط يا دينق و أنا لاحظته أيضا.. تخيل الزول الكاتب الدورات التديبية.. كلها ما عندها أى معنى.. يقول تلقى دورة فى الكمبيوتر!! عاوز يشتغل وزير واللا سكرتير على الالة الكاتبة..
بعدين مما تسمع زول يقول انه تلقى دورة فى الكمبيوتر أعلم أنه لا يعرف أبو النوم عن الكمبيوتر.. لو مثلا قال انه نفذ مشروع تصميم مدينة كاملة بإستعمال برنامج Microstation كان الواحد يحترم كلامه. مع إنو
دى زاتها ما تشغله إلا فنى رسم هندسى و ليس وزير. بطريقة الزول دا ممكن العجلاتية يترشحوا لوزارة الصناعة.
| |
 
|
|
|
|
|
|
|
|
Re: ملاحظة حول كتابة السيرة الذاتية في السودا (Re: Abureesh)
|
دينق سلامات
بخصوص كتابة السيرة الذاتية....
ما عارف هل هناك فرق بين السيرة الذاتية في الغرب عن الخليج أم لا..
لانه بتذكر اول ما جيت الخليج كنت عامل السيرة بتاعتي في صفحتين..زميلي الجاء قبلي و هو راجل عنده خبرة في التقديمات في قطر قال لي ده شنو؟ دي سيرة دي؟
لازم السيرة تكتب فيها أي شيء انت بتعرفه أو عملته..السيرة الذاتية تحكي بالنيابة عنك..قال لي دكتور فرح حسن آدم( كان استاذ معروف بتاع اقتصاد زراعي في السودان الله يرحمه)
قدم سيرته الذاتية من 32 صفحة..وفعلا عملت زي ما قال ..كتبت السيرة مفصلة ..فنبهر بها من قرأها ...و فعلاً ساعدتني في التوظيف ....حتى لم يهتموا بالشهادات..بل بما ذكرته في السيرة..
فعلا السيرة لما تكون وافية بتكون مقنعة..و كمان بتفتح مجال لصاحب العمل إنه يتعرف عليك و يستفسر منك و يعرف عنك الكثير من خلال الأسئلة التي يمكن لو ذكي يتعرف على شخصيتك
من خلال ما كتبته..و نفس النصيحة قاعد اقولها لأي زول بيقدم في الخليج. بس ما عارف ما هو المطلوب في السيرة في الغرب.
| |
|
|
|
|
|
|
|
|
Re: ملاحظة حول كتابة السيرة الذاتية في السودا (Re: محمد عبد الله الحسين)
|
اهلا محمد عبدالله
فى امريكا هنا السيرة الذاتية للشغل اسمها Resume.. و للتقديم للجامعات اسمها CV
ولكى تطلعها فى كتاب اسمها اوتوبايوقرافى
طيب للشغل ممكن تكؤن صفحة واحدة. و اهم شئ فيها المهارات.. ثم الخبرة العملية واخيرا المؤهلات الأكاديمية.. كل هذه لازم تكون فى صفحة واحدة او بالكتير صفحتين.
ناس ال HR الامريكان لا يحبون قراءة الكلام الكتير. واهم شئ لازم توريهم مهاراتك التى اكتسبتها فى حياتك لان هده ما يريدون استخدامه.. مثلا أصلح عجلات او أكتب مقالات صحفية و علمية او اجيد التمثيل والغناء او اتحدث 6 لغات..
تلى ذلك الخبرة العملية.. اشتغلت فى شركة يونيفيرسال للسينما وكنت مسؤول عن اخراج فلم و فى تصرفى ميزانية ب 8 مليون دولار.. بس كدا بدون ما تكتب سيناريو الفلم !!!
واخيرا المؤهلات الاكاديمية الجامعات والتخصص و سنة التخرج..بس.
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: Abureesh)
|
| Quote: قدم سيرته الذاتية من 32 صفحة..وفعلا عملت زي ما قال ..كتبت السيرة مفصلة ..فنبهر بها من قرأها ...و فعلاً ساعدتني في التوظيف ....حتى لم يهتموا بالشهادات..بل بما ذكرته في السيرة.. |
المعنى في إختلاف كبير بين الخليج والغرب، في الغرب السيرة الذاتية لازم تكون متوافقة تماما مع المطلوب في إعلان العمل
وكمان لازم تعمل دراسة كويسة عن الشركة المقدم فيها (ده لي يوم المعاينة طبعا) وأهم شيء إنك توضح ليه انت كفؤ عشان يشغلوك، وايه
الاضافات اللي ممكن تعملها في العمل نفسو، وده كلو ما فروض بالكتير يتعدى الصفحتين جانب واحد، وتكتب في لب الموضوع، اي شيء غير كده بيتجدع في سلة المهملات
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: ترهاقا)
|
| Quote: وده كلو ما فروض بالكتير يتعدى الصفحتين جانب واحد، وتكتب في لب الموضوع، اي شيء غير كده بيتجدع في سلة المهملات |
بالضبط انت لخصتها يا ترهاقا.. لكن تجيب ليه 32 صفحة 99% منها ما عنده علاقة بنشاط الشركة؟ عاوزه يشغلك واللا يعرس ليك أختو
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: Abureesh)
|
| Quote: فى امريكا هنا السيرة الذاتية للشغل اسمها Resume.. و للتقديم للجامعات اسمها CV |
كلام صحيح بس السي في ما شرط بس تقديم فقط للجامعات ...
نعم فيها تفصيل لخلفيتك الاكاديمية و ابحاثك لكن ممكن تتقدم لوظيفة باحث في شركه مثلا و محتاج تفصيل فبتقدم سي في بدل الريسومس الصفحة واحده ... ...
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: يحي قباني)
|
Quote: كلام صحيح بس السي في ما شرط بس تقديم فقط للجامعات ...
نعم فيها تفصيل لخلفيتك الاكاديمية و ابحاثك لكن ممكن تتقدم لوظيفة باحث في شركه مثلا و محتاج تفصيل فبتقدم سي في بدل الريسومس الصفحة واحده ... ... |
صاح
بس ناس الشرق الأوسط يكتبوا تأريخ الزول كله.. حتى الكلام بتاعك دا محدد و focused فى الوظيفة البحثية أو الأكاديمية المقدم ليها.. ما ممكن تكتب كنت وكيل مبيعات لمصنع دجاج فى جدة مثلاً وانت مقدم لوكالة ناسا.
لكن دى فى ال 32 صفحة موجودة.
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: Abureesh)
|
غايته يا أبو الريش حكاية تكون السيرة ورقة واحدة دي في السودان و في الشرق عموما ما أظن عملية..
انت عايز تعرف الموظف ده أي شيء عنه ..مش لأنه وقتك فاضي ..لكن لأنه معرفة تفاصيل خلفيته بتوريك مدى ملاءمتعه للوظيفة..
و كذلك خبراته السابقة و لماذا تخلى عن وظائفه السابقة..
و كذلك حالته الاجتماعية بتدلك على مدى استقراره و بالتالي اداؤه في الوظيفة..و مكان سكنه، و ما إلى ذلك ..لأنه لا يكفي إنه يكتب لي صفحة و يقول إنه كفء
لشغل الوظيفة و أكتفي بذلك.
أنا كصاحب عمل لما أعين شخص لازم أتاكد من مدى استمراره في الوظيفة لفترة معقولة..
يعني ما يكون متزوج في مدني و ساكن الخرطوم زكل شهر عايز اجازة يومين يسافر فيها لأولاده في الأبيض وال في عطبرة..
لازم أحسب دي كلها
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: محمد عبد الله الحسين)
|
Abureesh
سلامات
Quote: كلامك مظبوط يا دينق و أنا لاحظته أيضا.. تخيل الزول الكاتب الدورات التديبية.. كلها ما عندها أى معنى.. يقول تلقى دورة فى الكمبيوتر!! عاوز يشتغل وزير واللا سكرتير على الالة الكاتبة..
بعدين مما تسمع زول يقول انه تلقى دورة فى الكمبيوتر أعلم أنه لا يعرف أبو النوم عن الكمبيوتر.. لو مثلا قال انه نفذ مشروع تصميم مدينة كاملة بإستعمال برنامج Microstation كان الواحد يحترم كلامه. مع إنو
دى زاتها ما تشغله إلا فنى رسم هندسى و ليس وزير. بطريقة الزول دا ممكن العجلاتية يترشحوا لوزارة الصناعة.
|
فعلا أن كل ذلك يعتبر عبارة عن حشو فارغ، وفي أمريكا يعتقد الامريكان أن قرائة مثل هذه السيرة الذاتية مضيعة وقت بالنسبة للجهة التي تريد توظيف ذلك الشخص.
| |
|
|
|
|
|
|
|
|
|
Re: ملاحظة حول كتابة السيرة الذاتية في السودا (Re: Deng)
|
سلام دينق و لكل ضيوفك.
أعتقد أن هناك مشكلة كبيرة في تعيينات الجهاز التنفيذي في السودان عامة و بعد إزاحة البشير بصورة خاصة.
رئاسة الوزراء و الوزراء و الولاة هم تنفيذيون في المقام الأول.
أي أن من أوجب واجبات رئيس الوزراء و الوزير و الوالي هي إجادة فن و علم الإدارة Art and science of Management and Administration
أي المعرفة و الخبرة العملية في مجالات أهمها:
- ضبط هيكل العمل في قطاعه/ا من كل النواحي: الإنضباط و و منع التسيب و التقيد بلوائح العمل مظهرا و جوهرا.
- قيادة القطاع (سواء مجلس الوزراء أو وزارة أو ولاية أو مدينة) كفريق عمل متجانس Team مع تحديد الأهداف و المهام بصورة واضحة مرتبطة بجدول زمني و مضبوطة بحدود الميزانية المالية.
- التقييم المستمر للأقسام و الأفراد علي السواء و عدم التردد في إزالة أي عوائق .. سواء أفراد أو إشكالات فنية و إدارية.
- الإبتعاد عن الميول السياسية بصورة حازمة.
- التذكر دائماً أن الغرض و الهدف الأساسي من المؤسسة هو خدمة الناس ... و ليس العكس .
- الإنضباط المالي (بحدود الميزانية) و الإداري و منع التسيّب بحزم و التقيد بتحقيق الأهداف حسب الجدول الزمني المتفق عليه و مجاز.
أعلاه فقط أبجديات في إدارة أي قطاع أو مؤسسة أو شركة أو حتي منزل عائلي.
أكبر مشكلة في السودان أن البعض يعتقد خطأً أن صاحب/ة الشهادات الأكاديمية العالية هو/هي أكثر قدرة علي إدارة مجلس وزراء أو وزارة أو ولاية ....
هؤلاء الأكاديميون بعضهم لم يحظي بإدارة شركة صغيرة أو مؤسسة حكومية حتي يتعرف علي متطلبات إدارة كيان متشعب الطلبات مقيّد بتنفيذ أهداف مرسومة و ميزانية محدودة و إدارة مختلف البشر متفاوتون عن بعضهم في كل شئ.
نعم .. التأهيل الأكاديمي لابد منه ... لكن الإدارة فن و موهبة مصقولة بتأهيل أكاديمي معقول ...
أحياناً نجد كلما زادت الألقاب الأكاديمية طولاً ... كلما كشفت عن عجزهم الإداري .
الخبرة الإدارية Hands-on management هي من أوجب متطلبات التأهيل لقيادة أي كيان تنفيذي .. سواء مجلس الوزراء أو وزارة أو ولاية.
أشفق علي بعض الولاة الجدد ... اللذين وجدوا أنفسهم/هن من مجرد نشطاء أو سياسيين .... الآن في منصب ولاة .. تنفيذيين
الإنجليز كانوا يبعثون بخيرة الإداريين ذوو خبرات عملية لإدارة المستعمرات ... سواء الهند أو السودان أو نيجريا
و هم اللذين وضعوا أساس إدارة الخدمة المدنية بإمتياز و تنفيذ مشروعات عالية الجودة و المردود في تلك البلاد.
| |
|
|
|
|
|
|
| |
Deng
محمد أبوالعزائم أبوالريش
Abureesh
محمد عبد الله الحسين
ترهاقا
يحي قباني
Mohamed Suleiman
فيس بوك
تويتر
انستقرام
يوتيوب
بنتيريست