يغادر وفد حكومي رفيع المستوي برئاسة عضو مجلس السيادة محمد الفكي سليمان وعدد من أعضاء الجهاز التنفيذي اليوم الثلاثاء إلى الولاية الشمالية، للقاء المعتصمين من مهجري سد مروي بمنطقة امري الجديدة التي تبعد نحو 310 كيلومترات من الخرطوم.
واكدت مصادر موثوقة “للتغيير الالكترونية”ان مدير وحدة تنفيذ السدود السر احمد آدم وعدد من قيادات الوحدة سيكونوا ضمن الوفد الحكومي المتجه إلى مروي برئاسة الفكي.
و دخل إعتصام امري المفتوح يومه الثامن وسط مطالب بفتح ملف الفساد المالي والإداري الذي صاحب قيام السد، وتحسين الخدمات وإكمال المحطة النيلية لمياه الشرب، وتأهيل خطوط شبكات المياه و الكهرباء وتسليم تعويضات المتأثرين، بجانب اعادة التحقيق حول مقتل 3 شباب في 22 أبريل من العام 2006، خلال تنفيذ إجراءات التهجير.
07-21-2020, 09:40 AM
adil amin adil amin
تاريخ التسجيل: 08-01-2002
مجموع المشاركات: 39302
الفدرالية هي الحل والمركز ده سبب بلاوي السودان وفد يمشي شرق ويمشي غرب الفدرالية هي الحل والحاكم الاقليمي والحكومة الولائية والبرلمان الولائي يحل مشكلة الناس في الولاية او ااقليم حسب شكل الدولة
07-21-2020, 09:43 AM
adil amin adil amin
تاريخ التسجيل: 08-01-2002
مجموع المشاركات: 39302
الحبيب زهير .. تحياتي امس في قناة الشمالية ( دنقلا) شاهدت اعتصامات في قرى كثيرة .. صيوان وفرش وشاي وونسة ومطالب اهلي في أكد ومقجور عاملين اعتصام لإزالة لجنة المشروع الزراعي وكلهم أهل وأحباب .. وتلفزيون الشمالية من صيوان الى آخر
نحن مشكلتنا كبيرة يا الحبيب زهير المهم الشغل والانتاج .. كل قرية فيها اعتصام كيف تلبى هذه الطلبات ..
كان ايام الانقاذ حفلات تكريم وتوزيع دروع وعرضة مع هذه الثورة المجيدة تحولت الى اعتصامات كمان بدون اهتمام بالكورنا والتقارب
بقينا ناس ركلسة
تحياتي الحبيب زهير
07-21-2020, 10:12 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
حبيبنا زهير .. تحياتي اضافة الى المداخلة الوالي الساعوري خلاص استقال وترك الولاية المفروض الولاية ترتب أمورها وهنا اقصد الشباب كلنا نعلم ان الحكومة الانتقالية في معاناة حقيقية ولا يمكن لها الاستجابة لكل هذه الطلبات .. تابع قناة الشمالية تجد الاعتصام .. موية باردة .. ترامس شاي .. فرشات
حاجة ترفع الضغط .. ألاحظ أن هناك تأثير من الكيزان .. وشباب الثورة لابد لهم من الوعي .. ايقاف الاعتصامات .. وتحفيز الانتاج
تحياتي زهير
07-21-2020, 10:19 AM
adil amin adil amin
تاريخ التسجيل: 08-01-2002
مجموع المشاركات: 39302
Quote: اضافة الى المداخلة الوالي الساعوري خلاص استقال وترك الولاية المفروض الولاية ترتب أمورها وهنا اقصد الشباب كلنا نعلم ان الحكومة الانتقالية في معاناة حقيقية ولا يمكن لها الاستجابة لكل هذه الطلبات .. تابع قناة الشمالية تجد الاعتصام .. موية باردة .. ترامس شاي .. فرشات
حاجة ترفع الضغط .. ألاحظ أن هناك تأثير من الكيزان .. وشباب الثورة لابد لهم من الوعي .. ايقاف الاعتصامات .. وتحفيز الانتاج
تحياتي زهير
يا علي خلي اللف والدوران انت ما شايف الحل الواضح ده ولا عايز تعصلج بس ينتخب الوالي وبرلمان ولاية عرفت برلمان الولاية ده مهم جدا المركز ده سبب بلاوي السودان والاقاليم كلها وفي دول نهبت اراضي الشمال دي معروفة وانت عارفا والدولة المركزية دي هسة ما طلعت من الانقاذ ولا مدناليو وقاعدين ومقعدين معاهم 5+17 جنرال في راسنا خلينا من زهير وفلان انت من الشمالية حلك شنو ؟؟؟ ليه قعدنا سنة كاملة بدون ولاة مدنيين من الاساس والولاية مستقرة وما عندها علاقة بي سيرك جوبا شباب ديل ما عافرين سياسة ولا عارفين يسسو شنو مبارين نوعكم ده لحدي هسة والامور متدهورة في الشمالية ونهر النيل زول في المركز محترم من جماعة مايو ديل مافي احكم منقطتك ذى ما قال ليك جون قرنق ومنصور خالد الفدرالية بس والانتخابات ومشروحة كويس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
adil amin
علي عبدالوهاب عثمان
فيس بوك
تويتر
انستقرام
يوتيوب
بنتيريست