|
كتب الكاتب الفاتح جبرا المتوفرة بمعرض الدوحة
|
|
 Re: بشارة للمصدرين . إنتاج السودان السنة دي م (Re: Osman Musa)
|
حبيبنا عثمان .. تخيل
الليمون في اسواق جدة من جنوب افريقيا وفيتنام
كيلو = 7ريال عندما يكون أرخص
لاحظ البعد بين السعودية وفيتنام وجنوب افريقيا
ومن بورتسودان الى جدة ( ساعات بالباخرة)
أمثلة كثيرة :
تخيل البامية من الهند الكيلو = 20 ريال ( ولا مقارنة مع باميتنا )
الشمام الكيلو = 3 ريال
الفول السوداني مع القشر الكيلو = 18 ريال ( اليوم )
الموز من الاكوادور والفلبين = 5 ريال
المانجو من جنوب افريقيا = اليوم قبل ساعات كنت في السوق الكيلو (12) ريال
والباكستاني = 9 ريال
تخيل جدة بالطائرة من السودان اقرب من مدينة الرياض
حبيبنا عثمان مشكلتنا مزمنة
وزير التجارة والصناعة شاب ثائر من مفجري الثورة
ولكن كوزير تجارة ربما يحتاج الى خبرات اوسع وتجارب وظيفية
بدل مشاريع انتاج مفاوضات في جوبا عشرة شهور توزيع وظائف
ومخصصات ..
تخيل نستورد القمح من أوربا ( روسيا والمانيا ) يعني الاوربيين شغالين عندنا ترابلة
التوم من الصين .. نحن تجار عملة وتهريب وسمسرة ووساطة .. الخ ( ليهم حق يقولوا نحن كسالى)
الحبيب عثمان .. تحياتي
| |
 
|
|
|
|
|
|
|
|
Re: بشارة للمصدرين . إنتاج السودان السنة دي م (Re: علي عبدالوهاب عثمان)
|
أخونا أستاذ علي
سلامات
عموم الافندية القاعدين في الوزارات فاشلين.
والمعارضين و الحركات المسلحة كلهم جسم في رماد
وكلهم ما فيهم ولا واحد عندو أفكار لنهضة البلد .
احسن حكومة في تاريخ السودان وفي
تاريخ افريقيا كلها . حكومة عبود
كانت احسن حكومة
في الصحة والتعليم والاقتصاد .
وكان السودان يصدر أهم 48 سلعة للعالم منها
خشب والمهوقني المطلوب زي الدهب في أمريكا .
والصمغ و السمسم والجلود .
الليلة لو صدرنا بس ليمون كفاية .
ياخ نحن لاهسع لو قلت داير اصدر
ليمون يفكوا فيك بمبان .
| |
|
|
|
|
|
|
|
|
Re: بشارة للمصدرين . إنتاج السودان السنة دي م (Re: Osman Musa)
|
حكومة عبود
كانت احسن حكومة
في الصحة والتعليم والاقتصاد .
وكان السودان يصدر أهم 48 سلعة للعالم منها
خشب والمهوقني المطلوب زي الدهب في أمريكا .
والصمغ و السمسم والجلود .
===========================
الحبيب عثمان ..
الرتم الاداري للانجليز كان مازال ايام عبود
عز ورفاهية .. كل شيء الداخليات ( أيام المدارس الوسطى ) عندنا ثلاثة وجبات وحليب بعد العشاء وحبة برتقال
سرير دولاب وبطانية وصابون وكراسات وكتب وأقلام ... الخ
شغل احبابنا الانجليز .. يديهم الصحة والعافية .. الحمدلله شفنا الزمن داك
ما في مقارنة ..
يا ريت يرجع الاستعمار .. نحن السودانيين بدون كفيل ما نعرف ننتج
تحياتي الحبيب عثمان .. بصراحة نحن خلاص لن نرى اي تقدم للسودان حسب العمر
همنا في اولادنا وأحفادنا
تحياتي الحبيب
| |
|
|
|
|
|
|
|
|
|
Re: بشارة للمصدرين . إنتاج السودان السنة دي م (Re: Osman Musa)
|
تخيلوا
150 ليمونة = واحد دولار
12 حبة منقة نوع فاخر = 3 دولار
12 شمامة جامبو = 6 دولار
..
في السودان لا يوجد تغليف جيد
ولا تبريد للحفظ
ولا دعاية خارجية للمنتجات السودانية خارج البلاد .
================================
الحبيب عثمان .. تحياتي
الموضوع يحتاج الى قليل جداً من الجهد .. كيفية وجود وكيل سعودي
يمكن التواصل معه .. تعرف المانجو والشمام والبامية بدون تغليف
فقط الموضوع يحتاج الى مستودعات تبريد .. وتسهيل الاجراءات وعدم التعقيد
ممكن أي سوداني شاطر ولديه مقدرات ادارية ان يبدأ بالقليل ثم يتوسع
تحياتي الحبيب عثمان .. فقط لأي رجل أعمال فقط ( البامية ) ممكن تجلب له ارباح
كيلو 20 ريال تقريبا 5 دولار
تحياتي الحبيب عثمان .. أنا شخصياً لم أمارس اي تجارة في حياتي
لأنها تحتاج لمقدرات وإرادة وإدارة يتمتع بها بعض الاشخاص
| |
|
|
|
|
|
|
| |
Osman Musa
علي عبدالوهاب عثمان
فيس بوك
تويتر
انستقرام
يوتيوب
بنتيريست