كتب الكاتب الفاتح جبرا المتوفرة بمعرض الدوحة
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
شنو يعني لو امتلكت كل مال بلدك هل بلغت الجنة مثلا ؟؟؟ بلدك حا تفقد كل الخدمات الضرورية وانت بالذات حا تكون اتعس انسان في الدنيا لأنك محتاج للخدمات والباقين بقت ما فارقة معاهم شنو يعني بقيت ما زي الناس وامتلكت القصور الخدم والحشم والمال وغيرك لا يملك تمرة أليس هذا بعبط وهبل
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
كل إنسان يسعى لنفسه فقط انسان جشع واناني ووضيع كل إنسان يسعى لرفع قيمة مجتمعه وذيادة موارده هو المستفيد الأول في سوداننا ده أسهل حاجة تعمل قروش بس تكون انتهازي أناني حرامي واصعب حاجة تعمل مشروع يفيد كل الناس الكل يسعى يفشلوا ليك أمكن عشان يضحك فيك ويشمت ويلقى تبرير لنفسه يكون أناني ويقدر يسرق وينهب أو يبقى عاطل
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
حقيقة مرة عايشنها نحن سودانيي الداخل انو مهاجرننا لا يريدون حقيقة أن ننهض ونتحاوز مراراتنا ليجدوا المبرر لهجرتهم فلا يقدمون أي دعم أو نقل فكرة يمكن أن تفيد فهم يروا أنفسهم بميزة لا يريدون أن يفقدوها كذلك الحال لرجال الدين فبهذا الذي امتلكوه من بضع عبارات وخطب تجعلهم أيضا بميزة أن توكل إليهم أمور المال فينهبوها وكذلك الوافدين لهذا البلد باعتبار أنها فرصة ذهبية بغياب امتلاك الناس لزمام أمرهم في مسألة الوجود بحقيقتها أنها فرصة ذهبية لا تعوض فقبل أهل البلد يستفيقوا من سكرتهم ينهبوا نهيبتهم
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
تعمل قروش لبلدك يعني تعمل أعمال تدر دولارات لخزينة بلدك مشاريع استثمارية ذات بنية تحتية واضحة طويلة الأجل تصحي الناس يكون عندها هدف واحد هو أن يكون السودان بموارده دي أكبر مارد اقتصادي ويتفق كل لخطة واحدة تحقق هذا الهدف ويقوم الشعب كله من صغاره لكباره ينفذ الحاجة دي زي ايام نميري الخلانا نحن طلبة ابتدائي ونحن في مشروع الجزيرة شيئ أساسي كل يوم البصات تجي الصباح تسوقنا نلقط القطن حصتين والقروض ونرجع نواصل باقي يومنا الدراسي عادي
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
اليوم ست الشاي بتدخل في اليوم أربعة أو خمسة الف في اليوم غسال العربية ما أقل من كده غسيل العربة الواحدة ما أقل من 200 جنيه والأغلبية بقت 300 جنيه في غسال اسمه آدم الغسال راسماله قرب يصل مليار دولار كان معانا في سجن أمدرمان أيام الإنقاذ كان بتفطس فيني عنده خيمة وتلفزيون وتلاجة فيها كتير كنت بحضر المباريات عنده في خيمته الداير أقوله أسهل حاجة تعمل في سوداننا ده قروش واصعب حاجة تعمل لسوداننا ده قروش الف من يحاول يكسرك مقاديفك ومليون يستفذوك وينتظروا منك خطأ واحد ليسحقوك ووالله وبإذن الله نقاتل فيه حتى يكون أغنى بلاد العالم ولو لوحدي
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
شخصيا برد دين لبلدي حقا لها علينا من خلال مؤسستي المتواضعة مال فاق ال 4 مليون جنيه بالجديد أي أربعة مليار صرفتهم في حب بلادي بنشوة وتفرغت تماما حتى قرب أنسى أسرتي في سبيل نشر التوعية وقيام الثورة الاقتصادية السودانية وانام وانا سعيد وراضي بكل ما عملت وما صاواصل عمله
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
وهل من احد يسمع رايك هذا ايها الامير الواعي لما يحتاجه السودان؟ السودان يحتاج لعمل منتج ولو عنزة في البيت تحلب لبنا مع دجاج ناكل بيضو امور صغيرة ولكنها رمز لأن يتحول الانسان السوداني لمنتج وليس مستهلك فسحب كلنا اصبحنا سماسرة ووسطاء والقليل منا ينتج لن ينصلح حالنا ألا اذا انصلح حال انسان السودان وهو (أًسُ) المشكلة على انسان السودان ان يطور نفسه بالتعليم والتثقيف وان يصبح انسان منتج وبيئي اذا اجتمعت فيه هذه الخصال الاربعة تعليم، ثقافة انتاج ، بيئة يومها سيكون لنا شأن في هذه الدينا واي شأن لك ودي الاخ الامير توفيق
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: Ali Alkanzi)
|
Quote: وهل من احد يسمع رايك هذا ايها الامير الواعي لما يحتاجه السودان؟ |
اكيد نادر يا علي الكنزي يا اخوي قبيل ضربت مثل في مطلع البوست الناس شغالين هجيج ساي وكضب وخيال وسواقة بالخلاء نحن العلينا بنعمله نحاول نوعي الناس لمصالحها الحقيقية وين عشان الناس ما تغلط ويقوموا يعملوا حفلة رابة في بيت بكاء السودان مهما انعدمت مشاعرها نحاول نصحيها طال الزمن أو قصر مصير الناس تسمعنا ومصيرهم يشتغلوا معانا ومصيرهم يطلقوا السياسة طلاق تلاتة معقول شعب كامل كلو سياسيين العوارة ولعبط والهبل ده شنو !!!!
| |
|
|
|
|
|
|
Re: فرق كبير من لما تكون شغال لتعمل قروش لي بل� (Re: توفيق عيسى مكي)
|
بوست شيق .. بصراحه العايشين داخل السودان رغم الضنك الشايفنو الا انهم يملكون رصيد محترم من التصالح مع النفس فقط علينا تبييض النيه و ونشر الوعي وبث الحماس وألهمه في الآخرين رساله للمغتربين : البلد لن تسير للأمام بدونكم مصيرك ترجع لبلدك واهلك ارجع قبل ما الزمن يسرقك .. شكرًا جزيلا استاذ توفيق علي البوست الجميل تحياتي
| |
|
|
|
|
|
|
|