|
كتب الكاتب الفاتح جبرا المتوفرة بمعرض الدوحة
|
|
 Re: 🌷🌷 محمد المرتضى حامد .. ليلة السبت 🌷🌷 (Re: ABUHUSSEIN)
|
شكراً يا عادل .. انك مليت الدلو من بير سعادة المستشار ود المرتضى ..
و كبيت كل الجمال دا هنا.
يا اخي الواحد لا يعرف يقرأ ولا يدخل مدرسة حقيبة من جديد .. و لا
يقعد يتأمل في فتل الكلام .. ود المرتضى دا مدرسة براها في الكتابة .
شكراً مولانا ود المرتضى
| |
 
|
|
|
|
|
|
|
 Re: 🌷🌷 محمد المرتضى حامد .. ليلة السبت 🌷🌷 (Re: احمد يوسف (خور جهنم))
|
Quote: شكراً يا عادل .. انك مليت الدلو من بير سعادة المستشار ود المرتضى ..
و كبيت كل الجمال دا هنا.
يا اخي الواحد لا يعرف يقرأ ولا يدخل مدرسة حقيبة من جديد .. و لا
يقعد يتأمل في فتل الكلام .. ود المرتضى دا مدرسة براها في الكتابة .
شكراً مولانا ود المرتضى |
تسلم كتير اخونا احمد يوسف
فعلا اخونا ود حامد شغلو براه
ما شاء الله زي النحل يلف علي اجمل الازهار يجمع رحيقها و ينتج لينا العسل
و نحن نلقاه فيه شفاء للناس جاهز و نغرف .....
ربنا يديه و يديك العافية
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: ABUHUSSEIN)
|
التصوير الديجيتالي هنا ابو صلاح لم تقرأ ليه بتتخيل زي كأنو الزولة دي الآن قدامك:-
Quote: يا الظبي المروقل جـــافــل بى وداك ... يسكر سمعي صوتك من راحة نداك
يا الكاتل عشوقك بهدل بى عداك ... عندك جوز قنابل في صديرك هداك
يا الفرع المفرهد في روضة نداك... شعرك ليل وخدك ولع نور هداك
كيف ما تشيل قلوبنا روحي تروح فداك ... والردف المرجرج يلعب بى فداك |
تقول لي فيديو كليب .... ؟؟؟؟
😂😂😂😂😂
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: ABUHUSSEIN)
|
الأخ ابوحسين
سلامات
الاستاذ الكاتب المهذب محمد المرتضى الزول ده بي دي الكتابات العالية القيمة مفروض
يكون معروف للصحافة العربية كلها .
الرجل مفروض ينتشر في جريدة الميدل ايست و القبس و الصحف اللبنانية والعراقية.
والله جد كتابة شافية للزكام والعكننة وجرجرة حمدوك والحركات .
تحية مربعة الأخ محمد
| |
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: Osman Musa)
|
حبيبنا أبوحسين ،
كنت كتبت هنا أن الكتابة الطويلة لم تعد تناسب (المنبر) أو هكذا ظننت، ولعلي لم أحسن التقدير، وأخوك لا يجيد الأخذ والرد لذا تستغرق
الردود مني وقتا طويلا حيث أن كل من يرد على مداخلة يفتح بابا لمواضيع غزيرة كثيفة ومحفزة . الناس هنا حريفين ومتمرسين ، يعني، على
سبيل المثال لا الحصر، زي ناس محمد البشرى الخضر ديل ذواكرهم تكبشر وتعمل اسكاننق وفرز في زيبتوثانية واحده ومن ثم يجب
التعامل معهم بطريقة مختلفة عما هو عليه الحال في المواقع الأخرى.. بعدين أنا نسيت كل التقنيات بتاعت بكري ولكن سأتصل بك هاتفيا لحصة حولها.
على أية حال قصة الموعد والمواعيد السراب دي عايزه ليها كتاب لأنو ما ممكن الواحد يكتب عن موضوع زي دا وما يكتب عن (من غير ميعاد)
وأكيد إنت عارف اللقيا أجمل في الحقيقه بلا انتظار، وربما لو تواعد التجاني سعيد ومن عناها لاختلفا في الميعاد، زي قصة قافلة ابوسفيان.
سبحان الله.
لكن سألتك بالله مش حاجه تخلي الزول يصدق التقمص وأن روح تجاني عاشت في الربع الخالي قبل 3000 سنه؟
في طالب ثانوي ممكن يقول:
واللفتة والخصل اللي نامت فوق تسابيح الغريق وخطاك والهدب المكحل وفتنة التوب الأنيق؟
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: محمد المرتضى حامد)
|
| Quote: يا الكاتل عشوقك بهدل بى عداك ... عندك جوز قنابل في صديرك هداك |
عارف يا عادل، كثير من أغاني الحقيبة وغيرها مما كُتب من أغان حتى الستينيات وقبلها
من أهازيج بنات ظهرت بين الحربين العالميتين ثم ما تلاها من حرب كوريا، جعلت من تلك الأغنيات
مثالا للتاريخ اليعاصر الفن ، جوز عيونو مدافع السواحل وقنابل 2 في الصدير (وأظنها دي Grenade )
وأيضا الله لي يا كوريا يا الطلبه الدخلوا العليا..
لكن شايف مسألة الصدير دي كانت (شغاله) كتير كما ورد في أغنية وردي ( القمر بوبا) في (نهدك
المارضع جني ووب على امك و وبين علي) وعدد من أغاني العميد أحمد المصطفى وصلاح بن الباديه
وغيرهم ممن احتفوا بالأوسمة والنياشين.
التحية لهم على هذا الجمال ياخ.
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: محمد المرتضى حامد)
|
Quote: الأخ ابوحسين
سلامات
الاستاذ الكاتب المهذب محمد المرتضى الزول ده بي دي الكتابات العالية القيمة مفروض
يكون معروف للصحافة العربية كلها .
الرجل مفروض ينتشر في جريدة الميدل ايست و القبس و الصحف اللبنانية والعراقية.
والله جد كتابة شافية للزكام والعكننة وجرجرة حمدوك والحركات .
تحية مربعة الأخ محمد |
و عليكم السلام اخونا عثمان
غايتو لو عايز رأي حبيبنا ابو اكرم سوداني و كتابته سودانية و للسودانيين فقط
لا عرب لا عجم ما بضوقو حلاوة كتابة ابو اكرم دي
ياخ دي كتابة زول بلولي ليه في شافع داير ينومو
يوديك يمين و شمال بي كل اريحية لم تغمد عيونك عشان تتصور روعة المشهد
تحياتي
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: ABUHUSSEIN)
|
| Quote: غايتو لو عايز رأي حبيبنا ابو اكرم سوداني و كتابته سودانية و للسودانيين فقط |
أبوحسين،
السلام يغشاك ويرجع للمقيل،
رغم أني ضد الجهوية والعنصرية بكافة أشكالها ومع احترامي لخيارات البشر،
ورغم أن لي علاقات متعددة في هذا الكوكب لا تعرف الحدود ولا الجنسية أو الجندر،
لكنني مسكون بكل ماهو سوداني ، وهذا أمر طبيعي، سيما في الكتابة والصحبة والمائدة
والكيف والفن وأشياء أخرى أنت تعلمها كرجل سوداني وخليها مستورة ، ما بتاعت اللهط إياها..
كل سنه وانت والأسرة طيبين وعوافي يا بركه ..
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: محمد المرتضى حامد)
|
Quote: حبيبنا أبوحسين ،
كنت كتبت هنا أن الكتابة الطويلة لم تعد تناسب (المنبر) أو هكذا ظننت، ولعلي لم أحسن التقدير، وأخوك لا يجيد الأخذ والرد لذا تستغرق
الردود مني وقتا طويلا حيث أن كل من يرد على مداخلة يفتح بابا لمواضيع غزيرة كثيفة ومحفزة . الناس هنا حريفين ومتمرسين ، يعني، على
سبيل المثال لا الحصر، زي ناس محمد البشرى الخضر ديل ذواكرهم تكبشر وتعمل اسكاننق وفرز في زيبتوثانية واحده ومن ثم يجب
التعامل معهم بطريقة مختلفة عما هو عليه الحال في المواقع الأخرى.. بعدين أنا نسيت كل التقنيات بتاعت بكري ولكن سأتصل بك هاتفيا لحصة حولها. |
اخونا و حبيبنا ابو اكرم
فعلا الكتابة في المنبر محتاجة لي وقت عشان الردود و المواضيع اللي بتتفتح في الردود
و الواحد بقدر الامكان يرد علي الجميع لانو واحد جاك في بوستك و كتب ليك مداخلة اكيد زول بحبك و عايز قربك لكن ما محتار 😂
محمد البشرى الشهير ب(الفقر) دا زول بتاع غلاط ساي طبعا دا رأي انا و هو عارف كويس 😂
Quote: على أية حال قصة الموعد والمواعيد السراب دي عايزه ليها كتاب لأنو ما ممكن الواحد يكتب عن موضوع زي دا وما يكتب عن (من غير ميعاد)
وأكيد إنت عارف اللقيا أجمل في الحقيقه بلا انتظار، وربما لو تواعد التجاني سعيد ومن عناها لاختلفا في الميعاد، زي قصة قافلة ابوسفيان.
سبحان الله.
لكن سألتك بالله مش حاجه تخلي الزول يصدق التقمص وأن روح تجاني عاشت في الربع الخالي قبل 3000 سنه؟
في طالب ثانوي ممكن يقول:
واللفتة والخصل اللي نامت فوق تسابيح الغريق وخطاك والهدب المكحل وفتنة التوب الأنيق؟ |
طبعا يا ابو اكرم مجاراة كنابتك او الرد عليها صعبة شديد
ياخ زي العربية الماشة في الزلط و فجأة تنزل في الدقداق 😂😂😂
و برضو خليها مستورة ....
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: muntasir)
|
ابو حسين شكرا على هذا الفيض من الاحاسيس ودفق المشاعر والامساك بناصية الوصف والتصوير وترويض الكلمات ......
..............لنسبح مع الخيال و في صحبة زنابق النور والجمال و ا نملك إلا التجاوب والتماهي مع تلك االتعبيرات و المعاني المبهرة..... ا..
سعدنا يا أبو حسين باستضافتك له و باداعات الأديب محمد المرتضى
تحياتي للجميع و حبي
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: محمد عبد الله الحسين)
|
Quote: يا الله ياخي ابداع حد الثمالة مازال هذا المعين يقدم كل الجمال
شكرا ابو حسين وانت تشركنا في هذه الالق
مرت سنوات وانا بعيد عن هذا المكان فكان استقبال يليق بعظمة المكان وروعة الكاتب
محمد المرتضي ياخي اديك العافية
تحاياي |
اخونا هارون دياب الراجل الطيب
تسلم كتير و ربنا يديك العافية
| |
|
|
|
|
|
|
|
|
|
Re: 🌷🌷 محمد المرتضى حامد .. ليلة السبت 🌷🌷 (Re: محمد المرتضى حامد)
|
Quote: ابو حسين شكرا على هذا الفيض من الاحاسيس ودفق المشاعر والامساك بناصية الوصف والتصوير وترويض الكلمات ......
..............لنسبح مع الخيال و في صحبة زنابق النور والجمال و ا نملك إلا التجاوب والتماهي مع تلك االتعبيرات و المعاني المبهرة..... ا..
سعدنا يا أبو حسين باستضافتك له و باداعات الأديب محمد المرتضى
تحياتي للجميع و حبي |
تسلم كتير اخونا محمد عبدالله
نعم ابو اكرم صاحب قلم جميل و مبدع و لكن نعذره لكثرة مشغولياته و كثرة سفره و تنقله ...
تحياتي و حبي
| |
|
|
|
|
|
|
| |
ABUHUSSEIN
احمد يوسف (خور جهنم)
الحاج حمد الحاج
Osman Musa
محمد المرتضى حامد
haroon diyab
محمد عبد الله الحسين
فيس بوك
تويتر
انستقرام
يوتيوب
بنتيريست