|
Re: وزير المياه الإثيوبي يتراجع عن تصريحاته ا (Re: زهير عثمان حمد)
|
يا أبو الزهرة ..
لا زال مسلسل كذب الأحباش مستمرا ولن يتوقف .. صور الأقمار الصناعية ونقصان كمية مياه النيل عند محطة الديم الحدودية تدحض كلام الوزير .. غريبة لأول مره يصدق الأحباش لكن غلبهم الاستمرار عموما لا بأس من كذبة أخرى بشأن سد من يوم ما بدوه بالكذب ..
النشوف آخرة كذبهم دي حتوصلنا لي وين؟! ..
| |
|
|
|
|
|
|
Re: وزير المياه الإثيوبي يتراجع عن تصريحاته ا (Re: جمال ود القوز)
|
Quote: فيما تقول أديس أبابا إنها لا تستهدف الإضرار بمصالح مصر والسودان، وإن الهدف من بناء السد توليد الكهرباء وتنمية بلادها.
|
كلام كله كذب .. هل توليد الكهرباء الكهرومائية عايز ليهو بحيرة وتخزين مياه بالكميات الضخمة دي ؟ .. هذه الفرية بالذات ستنجلي حين يتضح أن التخزين أكبر من 74 مليار متر مكعب حتى .. الآن الشغل نظري بيجي العملي وسيتضح أن تضرر السودان أكبر .. وأول المشاكل الحتظهر في المرحلة القادمة تأثر توليد الكهرباء بالسودان .. يعني القطوعات البايخة الهسه دي حتكون لي قدام رحمة ..
| |
|
|
|
|
|
|
Re: وزير المياه الإثيوبي يتراجع عن تصريحاته ا (Re: جمال ود القوز)
|
Quote: السودان يعرب عن قلقه من سد النهضة والسد العالي واحتلال حلايب وفصل جنوب السودان |
قالوا التسوي بي إيدك يغلّب أجاويدك .. كل ما يعربوا عن قلقهم منه الآن كان من الممكن ألا يكون .. غباء ساستنا هو ما أورثنا المهالك ... ياتوا في ديل يا أبو الجعافر ما انجزوه ساستنا بغباءهم الوفير ؟! .. دولة إضينه لا تملك قرارها يجب ألا تعرب عن قلقها بعد خراب مالطا ..
| |
|
|
|
|
|
|
Re: وزير المياه الإثيوبي يتراجع عن تصريحاته ا (Re: محمد البشرى الخضر)
|
للاسف ماقادرين ناخد موقف بيشبه مواقف الدول المحترمه فى قضيه زى دى . اقرب للانبطاح للحبش وعداوه مرضيه لمصر تعمى عن اتخاذ موقف واضح يخدم مصالحنا والدولتين كل منها ليها مطامعها فى السودان وكثافه سكانيه لو قعدنا فى الرخرخه ووتفكك الجبهه الداخليه حنكون بعد شويه زى الفلسطينين غرباء فى بلدنا بوجود شعبين تحت ستار الهجره والشعب الشقيق والهردبيس الفارغ دا . نعم سد النهضه يحبس مياه لفوائد متعدده لاثيوبيا لكن عينهم ستكون دائما على الارض امام السد داخل السودان لانها ارض صالحه للزراعه ومنبسطه بخلاف طبيعه تضاريس اثيوبيا اضافه لانها بتمثل تنفيس للاكتضاظ السكانى فى اثيوبيا مع ضمان نشاط بشرى اقتصادى باثر لايجابى لاثيوبيا.اضافه الى انو ضمن المحيط الحيوى والامنى لاثيوبيا ودونكم مايحدث فى الفشقه ومامعروف بكره حيضعو يدهم على شنو من اراضى شرف السودان. اخطر شعبين ممكن تقول بيشتخدمو الاستعمار الناعم الحبش والصينيين والناس ماتكون عاطفيه
| |
|
|
|
|
|
|
Re: وزير المياه الإثيوبي يتراجع عن تصريحاته ا (Re: النورس الحزين)
|
Quote: للاسف ماقادرين ناخد موقف بيشبه مواقف الدول المحترمه فى قضيه زى دى . اقرب للانبطاح للحبش وعداوه مرضيه لمصر تعمى عن اتخاذ موقف واضح يخدم مصالحنا والدولتين كل منها ليها مطامعها فى السودان وكثافه سكانيه لو قعدنا فى الرخرخه ووتفكك الجبهه الداخليه حنكون بعد شويه زى الفلسطينين غرباء فى بلدنا بوجود شعبين تحت ستار الهجره والشعب الشقيق والهردبيس الفارغ دا . نعم سد النهضه يحبس مياه لفوائد متعدده لاثيوبيا لكن عينهم ستكون دائما على الارض امام السد داخل السودان لانها ارض صالحه للزراعه ومنبسطه بخلاف طبيعه تضاريس اثيوبيا اضافه لانها بتمثل تنفيس للاكتضاظ السكانى فى اثيوبيا مع ضمان نشاط بشرى اقتصادى باثر لايجابى لاثيوبيا.اضافه الى انو ضمن المحيط الحيوى والامنى لاثيوبيا ودونكم مايحدث فى الفشقه ومامعروف بكره حيضعو يدهم على شنو من اراضى شرف السودان. اخطر شعبين ممكن تقول بيشتخدمو الاستعمار الناعم الحبش والصينيين والناس ماتكون عاطفيه |
سلامات عاصم اشرت انت لنقطة غاية في الاهمية يا ما طرقنا عليها مرارا اطماع اثيوبيا في اراضي الفشقة ومراهنتهم على عامل الزمن والطرق الرتيب بنفس الرتم الناعم بتاع اضرب الاضينة واتعذرلو كل مرة وهو حيرضى ويقبل اعتذارك حتى يستولوا على اراضي سودانية خصيبة جدا هم في اشد الحوجة لها وتشكل متنفس مهم نسبة لضيق الرقعة الزراعية لديهم ده لو ما كانت النقطة دي بالتحديد هدف من اهداف بناء السد نفسه لي قدام حيتم ابتزاز السودان وببجاحة بالمياه والكهربا للتنازل صاغرا عن اراضي هو اصلا مش مستفيد منها او ما قادر يستفيد منها اثيوبيا لاتقل خبثا بل هي اكثر من المصريين اصحاب السياسة الغشيمة والتصريحات والحلاقيم الكبيرة والعنتريات الفارغة وده عدو ظاهر وخطره عليك يتبجح به علانية فمواجهة عدو زي ده سهله لكن اثيوبيا اطماعها في اراضي وخيرات وموانئ السودان اشد واخطر من المصريين الماقادرين على مجابهة سياسة اثيوبيا الناعمة جدا حتى الان وبنوا سدهم واتموه بنفس هذه السياسة الناعمة ناسنا مغشوشين بي شوية الاغاني السودانية البرددوها الاحباش وعينهم قانصة للبلوم او كما قيل منسوبا لسياسينا المحنك ما تعرف شنو بتاعنكم في صدور منو كده بتاعننا ...خخخح وهمة السودانيين في انفسهم بانهم اشرس ناس واقوى ناس واكرم ناس و انبل ناس وشنو كده ما عارف ناس خخخخ - جايبه ليهم كفاوي الدنيا والعالمين
| |
|
|
|
|
|
|
|