|
|
|
 Re: 15 July وزير الري السوداني نحن روحنا في ر (Re: Abureesh)
|
أهل استاذ Abureesh
سد النهضة بدء الملئ والكلام مرة يميل
شرق مرة شمال ونحن اصحاب مصلحة.
قدم مقترحات وما نور الشعب اقترح شنو، عهد
مقترحات غير معلنه وبعدين المصرين يقولوا التزمنا لهم
بكمية معينة من الماء ده ما بمشي ثاني، يكفينا السد
العالي وتهجير اهالي حلفا .
يجب ان يعلن عن الاقتراحات
| |
 
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
تسلمي الأخت الفضلى
البغيظ في الموضوع
إنو ذكر المتحدث الأثيوبي إنو السودان توخفاته فقط في مسألة ناحية أمان السد
من حدوث انهيار وما شابه
مع إنو السودان ضرره معادل تماماً لضرر مصر في مسألة جدولة ملء البحيرة
لكن مسؤلينا دائما اقزام وما قدر المسؤولية، ومصرين يكونوا في موقع المحايد
وكأن الأمر لا يعنيهم!!!.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
وده الأهم فبأنتظام منسوب النيل طوال العام يبقى البرابرة والبوابين (ديل أنحن) حيتمكنوا من إستغلال
كامل حصتهم من المياه بالأضافة لتمكنهم من الزراعة موسمين او تلاتة او قول طوال العام يعنى
كمية المياه الكانت بتمشى ليهم ملح خلاص تانى ببح ..باب الريدة وإنسدا .
ده بالأضافة للفوائد الكتير الحتعود على السودان التى تحدث فيها وأفاض مهندسينا وخبرآؤنا .
============================
د. اخلاص .. كلام حبيبنا قلقو 100%
ممكن نزرع كل فصول السنة .. قبل السد كان الشتوي فقط ( الفول المصري)
بالمناسبة أنا متنقل من بوست الى آخر في موضوع السد .. لأنني شخصياً اكثر
واحد المنبر ده متضرر من الفيضان .. معقول أرض خصبة هبة من الله ( شتوي فقط )
لاحظي د. اخلاص من الخرطوم الى حلفا علي ضفتي النيل ( موسم واحد فقط ) تخيلي ( المساحة كم )
والزراعة مركز التلكفة ( زيرو) بالنسبة لزراعة الصحراء وانتاج طبيعي خالي من السماد ..
كلام حبيبنا قلقو فوق 100% .. المصريين بعد توقف الفيضان والسد العالي ارتفع انتاجهم الى الضعف
نظرية الطمي أثبت العلماء والمتخصصين بأنها مضرة أكثر من نفعها ..
وعندنا في الشمال حاجة اسمها ( الهدام ) ممكن في سنوات معدودة كل الساقية أو أرض تختفي تماماً
ده يعرفوه أهلنا في الشمال ..
د. اخلاص .. انتو في العاصمة .. استثمروا في توتي فنادق ومنتجعات على النيل .. ( منهاتن ) بإذن الله
تاني ما في ( عجبوني .. طبقوا البحر .. إلخ ) توتي يمكن أن تجلب مليارات حتى العملة الصعبة كما مع القرارات
الجديدة رفع الحظر عن ( المويات ) السياحة ستكون مرتفعة جداً
يا جماعة انسوا المصريين .. ديل ما عايزين لينا مصلحة ..
أنا في اجازتي بعد الكورونا .. أعمل غرفة وصالة .. على النيل .. في جزيرتنا الغراء
ما في تاني لا غرق لا بكاء لا كواريك نص الليل .. سياحة وزراعة .. وجنائن الفواكه
سوف اشعر بزهوة الانتصار على نيلينا الحبيب ..
تعرفي د, اخلاص أنا أكثر زول مبسوط في المنبر من السد .. اثيوبيا يا أخت بلادي يا جميلة ..
تحياتي د. اخلاص .. آسف للاطالة .. بس عم علي مبسوط 100%
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: نعمات عماد)
|
استاذنا علي عبدالوهاب عثمان ع ع ع
يدوم الفرح وان شاءالله السد يكون خير ، توتي جزيرة
سيدنا موسي موعوده بخير وفير ، الزراعة ستزدهر
ونرتاح من قصة الخضار غرق في الفيضان .
ثقافة السياحة ما عندنا ، السودانيين لو لقو غريب
يحلفوا يسكنو عندهم والوجبات عليهم، صعب يتحولوا.
العشم في الشركات وناس الفنادق.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
كيفك عارف
فأل الله ولا فألهم ، حرب نفسية منهم وهم السد العالي
عدو ملحمة و للان ( نحن بنينا السد العالي ) نشيد يردد.
اثيوبيا مثلهم سد النهضة بالنسبة لهم ملحمة
و وسيلة لانتقالهم للتنمية والحضارة .
في فلم امريكي عن انهيار سد وكيف يعالجو الامر
ومن هنا جاءت فكرة المسارات المائية ، الفلم مشوق.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
Quote: الأهم فبأنتظام منسوب النيل طوال العام يبقى البرابرة والبوابين (ديل أنحن) حيتمكنوا من إستغلال كامل حصتهم من المياه بالأضافة لتمكنهم من الزراعة موسمين او تلاتة او قول
طوال العام يعنى كمية المياه الكانت بتمشى ليهم ملح خلاص تانى ببح ..باب الريدة وإنسدا |
دا هو مربط الفرس يا قلقو
فى حاجتين المصريين ما عوزينهم: فقدان المياه المجانية الكانت تمشى ليهم من حصة السودان، و إستغلال السودان للخزان لزراعة موسمين فى السنة و يكون السودان بالفعل سلة غذاء العالم.
وانا اساسا ما عارف المياه دا كانت تمشى ليهم ليه.. غباء السياسيين و المخططين.. تتذكر فى اوائل السبعينات بدأ المصريون حفر قناة جونغلى، و فى نفس الفترة كانوا يحفرون قناة اخرى اسمها توشكى
ليفقوا المياه الزائدة بعد تشغيل القناة فى الصحراء الغربية.. والناس كانوا مستغربية من ساقية جحا دي.. لكن هم تخططيهم للمستقبل.. أولا تكلفة الحفر بعد عقد او عقدين تتضاعف، ثم أن المياه خلق خزان السد العالى فيها
نسبة أطماء عالية.. لذلك يدفقوها فى الصحراء لعشرة عشرين سنة تكون التربة تغيرت و اصبحت صالحة للزراعة.. و هو ما حدث بالفعل.. الحين الأراضى شرق جبل عوينات كلها خضراء.
و أنا من زمن طويل جدا طالبت أنه ال 18 مليار متر مكعب كل سنة لو دفقناها فى صحراء العامور لكانت اليوم مدنا عامرة.. لكن تقول ايه لحكام الكاش السريع؟
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: محمد البشرى الخضر)
|
اهلاً ود البشرى
طالت المدة بس احاول افتش
الكوارث صعب السيطرة عليها ، الافلام كثير منها نبؤات
وطبعاً برامج المحاكاة تعتمد علي الخرط الكنتورية ومجري
السيل ، لو عاوزين نعمل مسارات لازم متزامنة لازم النقطة
الثانية تكون ممكن كمحور ثانوي ، كلام محتاج لعلماء وناس
المنطقة عشان يتحدد مسار ثاني للمياه
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
| Quote: لو ممكن يا منتصر تشرح لينا العبارة دى؟ |
أنت مستغرب كمان ممكن يكون ضرر السودان أكبر من مصر
لأنو كما تفضلت الأخت إخلاص بحيرة ناصر تعادل سعتها التخزينية أكثر من 15 ضعف السعة التخزينية
لكل خزانات السودان يعني مصر لها احتياطي ممكن يؤمن لها النقص الحاصل
وكذلك ما لمصر من إمكانات تقنية يمكن أن تستخدمها للري بالرش مما يقلل استخدام الماء في الري
وهذا الضرر يتحقق بسبب ملء السد الأثيوبي لكن السودان سيتضرر مباشرة وتقل نسبة المياه
مما سيؤثر على عملية الري في المشاريع المروية بمياه النيل كمشروعي الجزيرة والمناقل
وكذلك التوليد المائي للكهرباء سيتأثر أيضاً
الأن النيل الأزرق مقفول عديل !
وبعبو في البحيرة أها دي عايزة ليها شرح ؟!
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
صراع المستقبل
التكنولوجيا لم تترك للانسان مسحات كثيرة
الميكنة قادمة.
من يعتقد ان سد النهضة اثيوبي خالص واهم.
التمويل اغلبه اثيوبي ، اثيوبيا لديها مشروع عملاق
والصراع الان بين دول بترودولارية تريد ان تكون لها
الكلمة الفصل ورعاتها، العمل مع الوكيل او مع الكبار
تلك هي المعادلة.
الاراضي الخصبة في السودان واثيوبيا يمكن ان تحول
حياة الشعوب من الفقر الي الرخاء ، مصر تملك في المعادلة
البشر الا ان الميكنة همشت وقلصت من هذه الثروة ومع مشاكل
العمالة فالجميع يميل للميكنة، كثير من الاراضي السودانية
قام المخلوع البشير ونظامه وامنه بتمليكها لدول ولفترات طويلة
وبشروط قد تكون جيدة او لا لذا يجب مراجعتها.
ما ترونه من هجمة علي حمدوك ( حبيب الشعب حمدكه) سببه
انه يريد اللعب من اسياد الشئ ذااااتها
حبيب الشعب انت
حمدكه حمدكه حمدكه
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
الفكرة شنو في قصة المسارات ؟
السد موقعه معروف ممكن بمساعدة البنك الدولي
والخزانة الامريكية والاستعانة بعلماء متخصصين
( يمكن هولندا تكون من الدول المناسبة وكل الدول المنخفضة)
لتحديد مسارات وانابيب امر فيها المياه في حالة
وجود تسربات في السد.
هذا ما يلي السودان ويشغل شعبه ، امان السد
والذي لا يريد الطرفان الاخوان مناقشته. بالنسبة
لاثيوبيا لارتفاع التكلفة وبالنسبة لمصر لا يمثل لها
تهديد مباشر.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: Arif Nashed)
|
اتفاقيات مياه النيل كلها مفروض تلغي
حسب قانون الانهار نصيب الدولة حسب ما يقطعه النهر
من اراضيها ونحن اطول جزء من النهر مفروض
حصتنا تكون الاكبر .
نصف الدول التي هي مستعمرات ويعاني سكانها السبب
المياه ومساقط الانهار ( كردستان في تركيا وكشمير في الهند )
اي دولة ضعفت الجميع يسرقها. قانون الغاب .
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
دكتورنا اخلاص ..
امس في قناة الجزيرة مداخلات بين مصري واثيوبي ومعلق اردني
الاردني قال للمصري (( خلاص العيال كبرت )) ما في دولة صغيرة وكبيرة
كلامو عجبني جداً ..
لن نعيش وهم الماضي زمن وولى
نحن مع اثيوبيا السد جاهز وأمر واقع مافي كلام
نرجع لزراعتنا صيفي وشتوي
جميع من سمعتهم من الخبراء السودانيين السد لصالحنا
حتى احدهم قال سد النهضة اضمن من السد العالي والسدود السودانية بنسبة 120%
نرجع لسواقينا ونخيلنا .. لا هدام لا فيضان
تحياتي دكتورتنا الف مبروك
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: علي عبدالوهاب عثمان)
|
Quote: وممنوع علي السودان مد بورتسودان والابيض وباقي مدن الغرب
من نصيبنامن المياه . |
صحيح مصر لا تريد لكن حكوماتنا هي برضو لا تريد!
ومرات مرات ما تعرف أيهم أشد عداء للشعب السوداني حكوماتنا أم الحكومات المصرية
يا أخت إخلاص السودان عندو نصيبوا السنوي من مياه النيل الـ 18 مليار متر مربع
ومصر 55 مليار متر مربع
السودان يستغل منها أقل من 10 مليار متر مربع و الـ 8 مليار الباقية بتمشي لمصر طواعية!
وقبل كدا ابراهيم غندور قال لي مصر نحن مديننكم وطالبنكم الموية البتجيكم من عندنا
كوز ما بستحي وليه أصلا تصلم؟!
إذا السودان أراد استخدام حصته كاملة لا تستطيع مصر أن تمنعه
يوديها شرق أو غرب نحن أحرار في حصتنا
غير مياه الأمطار التي لو وجدت خيران وسدود
وأنهار صناعية من جنوب السودان والغرب والشرق والوسط لتمكنا من صناعة أنهار
عديدة موسمية وبعضه دائم غير نهر النيل بحول الله وقدرته إذا وجدت الرغبة الحقيقية
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
طالب السودان قبل اتفاقية 1959 بان تكون نسبة تقسيم
المياة حسب طول المسافة التي يقطعها النيل في السودان
او مناصفة ، وهنا تغيرت الحكومة بانقلاب عبود واستلم الملف
اللواء طلعت فريد الذي وافق علي ما أملته عليه الحكومة
المصرية، الحكومات فاقدة الشريعة والسند الجماهيري
عرضة للابتزاز ودائماً ما تكون مخترقة وانقلابها خدمة
لاجندة خارجية أو بتدبير من جهات خارجية.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
📌 *معهد ماسشتوشس للتكنولوجيا (MIT) الأمريكي ينشر دراسة بفوائد سد النهضة للسودان*
1. وقف الفيضانات المدمّرة على ضفتي النيل الأزرق والنيل الرئيسي.
2. تعدّد الدورات الزراعية بأن يصبح لدى السودان بعد اكتمال السد 3 دورات زراعية خلال العام بدلا من 1 حاليا.
3. زيادة توليد الكهرباء من سدود السودان الحالية.
4. التغذية المتواصلة للمياه الجوفية المرتبطة بالنيل الأزرق ونهر النيل.
5. انتظام الملاحة على النيل الأزرق ونهر النيل طوال العام.
6.حبس الجزء الأكبر من الطمي المُضِر وهو الطمي غير الذائب، ممايساعد في إطالة عُمر سد الروصيريص ومروي.
7. تمتع أراضي السودان بالطمي الصالِح المُصفى (القُرير).
8. الحصول على المزيد من الكهرباء الإثيوبية قليلة التكلفة، حيث يحصل السودان حاليا على 300ميجاواط من اثيوبيا عبر الخط الناقل (ولاية القضارف)، بدلاً من مواصلة سياسة بناء السدود المُكلّفة ماليًا واجتماعيًا وبيئيًا للسودان وشعبه، والتي يرفضها سكان بعض المناطق مثل(الشريك وكجبار، و دال 1 و دال 2).
9. سيقوم السودان – ولأول مرة – باستخدام نصيبه من مياه النيل التي كانت تذهب سنويًا لمصر (أكثر مِن 6.5 مليار متر مكعب وهذا الاستخدام سيمكننا من تعدّد الدورات الزراعية خلال العام، وتعدد الدورات الزراعية هو الذي سيجعل السودان “سلة غِذاء العالم“.
10. استرداد السودان (سلفة المياه) التي قدّمها لمصر بموجب اتفاقية عام 1959م، والتي لم يتم استردادها حتى تاريخه. فقد نصّ الملحق الأول لاتفاقية 1959م الخاص بالسلفة المائية: [على أن يمنح السودان مصر سلفة مائية لا تزيد عن مليار ونصف من نصيبها، بحيث ينتهي استخدام هذه السلفة في وفمبر/تشرين الثاني عام 1977م].
11 – استخدام الملاحة النهرية لأول مرة داخل السودان بإنشاء المشاريع السياحية وقد طلبت حكومات الولايات المحلية من المستثمرين طرح المبادرات تمهيدًا للشروع فيها.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: Arif Nashed)
|
شكراً استاذ عارف
كلام واضح من معهد متخصص
المفاوض السوداني عليه العمل للخروج من الاتفاقات
المجحفة بحق السودان ( نسبة القسمة يجب ان تكون
حسب المسافة التي يقطعها النهر داخل اراضي كل
دولة ) واخراج الري المصري كاملاً من السودان وبسط
هيمنة الدولة السودانية علي اراضيها، استعمال جميع
حصة السودان المائية في كل اراضي السودان حسب
مصلحة شعوب السودان في كل اجزائه.
مساعدة الدولة الاثيوبية الشقيقة في استمرار المفاوضات
خلال فترة ملء السد والعمل علي تمتين العلاقات التجارية
والتبادلات المرتبطة بالسد داخل السودان حتي يكون لها
مردود يجعل عدم الاضرار حاذباً .
واظن ان هذه الامور لم تفت علي المفاوض السوداني
وان الدفاع عن حق شعوب السودان في الاستفادة من
موارد كل اجزائه لمصلحة كل اجزائه بديهة لا تحتاج
لكثير نقاش.
| |
|
|
|
|
|
|
|
|
|
Re: 15 July وزير الري السوداني نحن روحنا في ر (Re: اخلاص عبدالرحمن المشرف)
|
السد العظيم صار امر واقع
ما هو الهدف كما نرأه، لن اذهب
لنظرية المؤامرة ولكن لا ارتاح لكثير
من عنصريي امريكا، والأدهي وأمر أن
الرئيس ترامب صرح بحبه لاديكتاتوريين.
لا أدرى من يقصد رئيس البلد العظيمة ذات
الديمقراطية التي يضرب بها المثل ولكني
متأكدة أن إثيوبيا ديمقراطية وكذا حكومة
السودان بعد الثورة.
ندعو الجميع للتعاون و أن يبارك الله
الجميع.
| |
|
|
|
|
|
|
| |
Abureesh
منتصر عبد الباسط
Yasser Ali
قلقو
علي عبدالوهاب عثمان
Arif Nashed
نعمات عماد
محمد البشرى الخضر
عزالدين عباس الفحل
فيس بوك
تويتر
انستقرام
يوتيوب
بنتيريست