كتب الكاتب الفاتح جبرا المتوفرة بمعرض الدوحة
|
Re: مدني عباس مدني يكتب سجن الإطار هو أن تصبح � (Re: محمد البشرى الخضر)
|
Quote: هو أن تصبح في ذهن المتلقي وزيرا للعيش |
ووزير العيش الانت مستهتر بيها دي نجحتا فيها ياربي .. !! .. يأخ جلطة صفوفك الحتنتهي بعد 3 أسابيع دي لي هسه بترن في أضان الواحد وما مصدق إنه زول من الشارع ساي ممكن يتفوه بي حماقة زي دي .. ثم العالمين دي غير العيش المجريها ليل نهار شنو ؟ احترم وزارة العيش دي شوية واستقيل منها ..
| |
|
|
|
|
|
|
Re: مدني عباس مدني يكتب سجن الإطار هو أن تصبح � (Re: Ali Abdalla)
|
Quote: سجن الإطار هو أن تصبح في ذهن المتلقي وزيرا للعيش |
سلام يا مدني أنا كمتعامل مع الحدث من خلال شاشة قريت كلامك الفوق داك عن إنجازات وزارة التجارة والصناعة وإستوعبته وفهمته. لكن قسم بالله لو كنت يوم واااجد وقفت في صف رغيف ما كنت فهمتك.
ياخي داير أسألك مؤشرات الأداء لوزارتك شنو غير متوسط عدد الساعات التي يقضيها المواطن من أجل الحصول على رغيف بيته؟
| |
|
|
|
|
|
|
Re: مدني عباس مدني يكتب سجن الإطار هو أن تصبح � (Re: Hafiz Bashir)
|
يا حافظ هي غير أزمة الخبز القلب الحكومة شنو! مشكلة الخبز دي كانت بتمشي وتجي لكن من بداية 2018 اتخذت شكل حاد شديد أنا ذات يوم حايم من 5 صباحاً لحدي 11 بي رجلي مدني كلها فرن فرن ما لاقي ولا ربع عيشة واولادي مشوا المدارس بلا فطور كل همي ألقى لي عيش سندويتشات بس ألحقه الأطفال ديل وفي النهاية ربك كرعي ساقني لي حي عمالي صاحب الفرن من الحلة العمالية ذاتها جازف ليهم شوال عجنه سريع شلت منه عيش ورجعت البيت جري لقيت الأولاد جو راجعين قالوا فكوا المدارس كلها عشان مافي عيش واستمر الحال دة يمكن زي 3 يوم يمشوا المدرسة الصباح ويجيبوهم الساعة 10 لأنه البلد كلها عدمانة الرغيفة شغالين قراصة وكسرة بس مدني لما مسك الوزارة كانت مشكلته معلومات .. أيوة مافي أي معلومات موثقة عن مسار القمح المدعوم كله شغل سماسرة وحرامية وكذلك السكر وحتى الأسمنت بتاع المصانع المحلية ديل كلهم ما بسلموهن إلا لي وكلاء معروفين بأكلوا ناس الحكومة عشان يظلوا ضمن الوكلاء واحد من حلتنا بعرفه حق المعرفة زول عاطل الشباب بزوغه منه في الشارع عشان بقعد يقابض في السفة وحق الفطور .. الزول دة كيف ما عارف فجأة لقى توكيل سكر من مصنع كنانة كل البعملوا ببيع اسمه للتجار يعني يطلع ليهم السكر من المصنع ويقبض سعره أضعاف أضعاف الزمن داك كان السكر تكلفته من المصنع بحسب كلام صاحبي شغال في كنانة كان 25 جنيه بكل تكاليفه لحدي الضرائب بطلع من المصنع يتباع في السوق بي 150 و 200 العاطل دة بعد التوكيل بي أقل من سنة كان ساكن في عمارة 4 طوابق
الداير أقوله ليك إنه معضلة مدني أكبر بكتير مما تتصورها وما بتتحل لكائن من كان بعصا موسى لأنه البلد دي ملجنة بشكل ما تتصوره .. كونه بس مدني عندو خطط واضحة المعالم ومعروفة دي تتحسب ليه وتخلينا نصبر ونتمنى ليه التوفيق لأنه مافيا المنتفعين من الحكومة السابقة متغلغلة داخل مفاصل كل اقتصاد البلد
| |
|
|
|
|
|
|
Re: مدني عباس مدني يكتب سجن الإطار هو أن تصبح � (Re: أحمد محمد عمر)
|
Quote: الداير أقوله ليك إنه معضلة مدني أكبر بكتير مما تتصورها وما بتتحل لكائن من كان بعصا موسى لأنه البلد دي ملجنة بشكل ما تتصوره .. كونه بس مدني عندو خطط واضحة المعالم ومعروفة دي تتحسب ليه وتخلينا نصبر ونتمنى ليه التوفيق لأنه مافيا المنتفعين من الحكومة السابقة متغلغلة داخل مفاصل كل اقتصاد البلد |
مشكلة الخبز تحتاج لخطة طويلة المدى عشان تتحل المسألة ليست فقط في مسار توزيع القمح بل في توفير المال اللازم لشراء القمح ودعمه من خزينة الدولة الخاوية. الكلام دا يا أبو حميد مفهوم ومقدر بالنسبة لي وليك لكن هل المنظور البنشوف بيهو نحن دا متاح للزول الواقف هسه في صف الرغيف؟ وهل المواطن العادي مكلف بأن يعرف عجز الميزان التجاري وآليات التضخم والاقتصاديات النامية عشان يتحصل على قطعة خبز؟
عارف أنو مدني لا يملك حلول آنية ولا غيره ولكن فقط لم يعجبني عدم تفهمه لوجهة نظر الزول الحارس الفرن. الزول الواقف في صف العيش يهمه كم الزمن الذي يحتاجه للحصول على رغيف بيته بما في ذلك الزمن الذي يحتاجه للحصول على ثمن الرغيف. متى ما توفر الخبز سينسى المواطن حتى إسم وزير التجارة خليك من سجن الإطار.
| |
|
|
|
|
|
|
Re: مدني عباس مدني يكتب سجن الإطار هو أن تصبح � (Re: أحمد محمد عمر)
|
Quote: الفهمتو من كلامه إنه الوزارة أو الوزارتين في الحقيقة الماسكن هو فيهن أعمال كتيرة شديد محتاجة أنجاز وليس العيش فقط |
العيش فقط دي رؤية مشروعة جداً للزول الواقف في صف العيش ومع السخانة والشمس اجمل هلوسة لما يشوف مدني بيسحب طاولة العيش الحار من الفرن. عشان كدا يا أبو حميد كل الذي يراه المواطن في وزارة التجارة والصناعة هذه الأيام هو العيش والمفروض مدني يكون فاهم النقطة دي. المقصود يا أبو حميد أنو المواطن مقياسو لنجاح او فشل وزارة التجارة والصناعة هو متاحية السلع في الأسواق بأسعار تناسب دخول الناس. السلعة الملحة الآن هي الرغيف، في زمان سابق كان السكر وكان أهم مؤشر لنجاح او فشل الحكومة بكاملها هو توفر السكر. كلامك الأخير دا يا أبو حميد معناها لو الناس إحتجت ضد مدني ممكن يقول ليهم إنو هو مشغول بحاجات كتيرة مثل الأتمتة وإنو الناس البتتكلم عن العيش ديل ما عندهم موضوع.
| |
|
|
|
|
|
|
Re: مدني عباس مدني يكتب سجن الإطار هو أن تصبح � (Re: Hafiz Bashir)
|
Quote: أيوب الثورة السودانية |
النقد مهما كان شديدا وقاسياً ليس أقسى ولا أشد مما يعانيه الشعب السوداني الأن لا يكفي أن يكون الوزير نزيه في وقت السودان ينتظر عمل كثير جداً وانفتاح على الأفكار هناك من يحملون مشاريع لتحويل حال البلد والناس للأفضل لا يجدون باب الوزارات مفتوح ولا هو الذي أقر بأنه أحد قادة التغيير غيّر شيئاً ليجعل هناك انفتاح رغم تقلده لوزارة غاية في الخطورة والأهمية موتها وجعلها في خمول عن التطوير ومحاولات للتغيير ممكن يا محمد البشرى أنت تقصد من اتهموه زوراً بالفساد دع هؤلاء وأجعل كلامك ينظر للجوانب الأخرى التعبير عن جزء واهمال الآخر يجعل التعبير به خلل
| |
|
|
|
|
|
|
|