أهلنا الطيبين شخصى مزارع بمشروع الجزيرة وكا توضيح للبعض من المفترض نكون زرعنا الذرة من قبل اسبوعين وزرعنا القطن من الاسبوع الماضى عشان نزرع المحاصيل دى لابد من تحضير وتجهيز الارض باربع عمليات هى الجيزل ودا قنعنا منو لانو معدات ليهو فى منطقتنا اتعدمت والديسك والتسوية والحراتة . كل العمليات دى لازم تسبق الزراعة بحواشات الجزيرة تمكنا من عمل الديسك البيمثل 30% من تجهيز الارض وبعد جهد جهيد وللة الحمد تمكنا من التجهيز وسوف نزرع يوم الاحد باذن اللة والزراعة مواقيت وتجاوزنا تاريخ الزراعة لكن لازال هناك فسحة . لازال بعض المزارعين عاجزين تماما عن اكمال تجهيز الارض لزراعة الذرة والسبب ( الجاز) وهو ما دعانى لكتابة هذا الموضوع مافى جاز فى الجزيرة لتجهيز الارض للموسم نعم هناك بعض المناطق المتوفر فيها الجاز لكن بجهود خاصة . الان لم ولن نستطيع تجهيز الارض للقطن مالم يتم توفير الجاز لتراكتورات ودا تنوير ليكم يااهل البلد بكل الاطياف عايزين جاز للتراكتورات وفروا لينا الجاز ونحن قبلانين باى سعر للتجهيزات بس التراكتورات تشتغل ونحن نزرع واللة لايمهنا من يحكم الخرطوم لانو شكلوا شعور متبادل لانهم لايهمهم مايدور خارج الخرطوم.فى الخرطوم الجاز متوفر بالسوق الاسود لكن نطلعوا كيف ونصلوا زراعاتنا كيف ؟ عليكم اللة افتحوا قوقل الخرائط وفى الخرائط حولوا لى satellite وتاملوا الارض ارض الجزيرة المنبسطة الحرام ما تنزرع والاغلب حكامنا لايدرون عنها الا وصف مشروع الجزيرة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohammed Ahmed Saeed
فيس بوك
تويتر
انستقرام
يوتيوب
بنتيريست