كتب الكاتب الفاتح جبرا المتوفرة بمعرض الدوحة
|
Re: حاتم قطّان الجابو شنو؟ (Re: محمد البشرى الخضر)
|
وحاتم قطّان لمن لا يعلم هو مدير مكتب رئيس الوزراء!! البخلّيه شنو يجي القسم عشان موضوع جاز وما جاز معقولة بس! فاضي خااالص و دي اهم من االقضايا العديدة و الحسّاسة التي تشغل مكتب "دولة" رئيس الوزراء!!
| |
|
|
|
|
|
|
Re: (Re: محمد البشرى الخضر)
|
Quote: حاتم قطّان الجابو شنو؟
|
كيفن الكلام دا يا جرجير ؟؟ الراجل دا مش مسؤول واللا قاعد ساي كدا يستقبل التلفونات ويرسم ويلون ؟؟ لو كان مسؤول يبقى دا في عضم مسؤولياتو . الفاروق كان أمير المؤمنين في مشارق الأرض ومغاربها ودا ما منعو أبدا انو يحوم في ارجاء المدينة صباحا ومساء يتفقد احوال الرعية بل ما منعوا انو يمنح جزء كبير من وقتو الثمين في محاججة واحد اهان الدابة بتاعتو وما اعتنى بيها كان يحملها اكتر مما تحتمل .. ما منعو انو يمشي يعوس العصيدة أي والله ( عواسة عصيدة عديل) مع امراة مرضع اولادا كانوا جيعانين ..الخ الخ الخ . اها حاتم دا مش احتمال مشى عشان يجيب الحاصل بالضبط لرئيس الوزراء ؟؟ حكاية في اهم من كدا دي لا تمنع الاهتمام بالحادثة دي كمان .
| |
|
|
|
|
|
|
Re: حاتم قطّان الجابو شنو؟ (Re: خالد العبيد)
|
يعني ما شان عام يا جعفر؟ أوكي خلاص يا عبد العظيم انسى السؤال
يا تنظير شايفك بقيت غالااااط اليومين ديل! تغالط في روحك لامن ما تلقى موضوع عمل عن بعد ما نفع معاك
حد علمي انه حاتم قطّا ن هو من تعيينه مدير لمدير مكتب حمدوك أول ما جا, هل تم تغييره بعلي بخيت؟ كدي لو عندك الاكيدة ورينا الحاصل شنو
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
Quote: يعني ما شان عام يا جعفر؟ أوكي خلاص يا عبد العظيم انسى السؤال
|
لا ما القصد يا دفعة القصد فترت منو ليهو يومين مدورين فيهو ياهو ده
الخرطوم: السوداني
اتهم نجل القيادي بقوى الحرية و التغيير ، إبراهيم الشيخ، مدير مكتب رئيس الوزراء حاتم قطان ، باستهداف والده . وكتب محمد إبراهيم الشيخ في حسابه على الفيسبوك، أنه حينما وصل إلى قسم شرطة بري بعد اتهامه بتهريب وقود وصل بعده بدقائق رجل يدعى فرنساوي – يتبع للجان مقاومة البراري- ومعه حاتم قطان مدير مكتب حمدوك. وأضاف: “أول سؤال سألني له فرنساوي قبل السلام والتحية إنت إبراهيم الشيخ علاقتو شنو بالجاز ده، ثم ألقى حاتم نظرة على الورق وخرج مسرعاً”. و أكد محمد اطلاع قطان على الأوراق وتأكده من صحة الجاز الحر المباح والأختام، وتساءل: “ما علاقة حاتم قطان وفرنساوي بهذا كله، وما علاقة سونا وصفحة الشرطة بمستشار رئيس الوزراء، وتابع : “سألت أبي الذي على صلة بالرجل قديمة من هو القطان وفي أي شيء يستشار، أدركنا الصباح وسكت أبي عن الكلام المباح”، معتبراً ما حدث فيه استهداف لوالده إبراهيم الشيخ.
| |
|
|
|
|
|
|
Re: حاتم قطّان الجابو شنو؟ (Re: كمال عباس)
|
سلام محمد البشريبحثا عن الحقيقة وجدت خبرا عن الحادثة -يصف حاتم قطان بمستشار رئيس الوزراء وليس مدير حمدوك كما ذكر نجل ابراهيم الشيخ / والخبر أورد تفاصيل خطيرة. حول الحادثة
الشرطة في السودان تضبط 76000 لتر جازولين 2020/07/030 عودة القوات السودانية باليمن .. المدنيين والعسكر .. من يربح صراع المحاور؟ نجل إبراهيم الشيخ يتهم مدير مكتب حمدوك باستهداف والده أبرز عناوين الصحف السودانية السياسية الصادرة يوم السبت الموافق 4 يوليو 2020م توصيات من ضبطت شرطة ولاية الخرطوم تانكر وقود يتم بيعه بالسوق الأسود، وقال اللواء شرطة حقوقي عيسي آدم مدير دائرة الجنايات بشرطة الولاية أن هذه الضبطية تمت بعد توفر معلومات لقسم شرطة الاوسط الخرطوم عن قيام مجموعة من الأشخاص بإنشاء سوق اسود لبيع الوقود (جازولين ) للمركبات العامة وعربات شفط مياه الصرف الصحي بالمنطقة الواقعة شرق ميدان سباق الخيول. واضاف آدم انه تم عرض وبيع البرميل بسعر 17000 جنيه، علي اثر ذلك تحرك رئيس القسم الاوسط وبمعيته قوة من المباحث ومنسوبي القسم الي الموقع المذكور وبعد الرصد والمتابعة تمت مداهمة المجموعة وتم ضبط عربة تانكر أثناء تفريغ حمولتها بعدد من المركبات منها عربة شفط الصرف الصحي وعربة هايس (ميني بص) محملة بعدد 3 براميل مليئة بالجازولين . وبالتحري مع سائق التانكر اتضح أن الوقود مصدق للانتاج الحيواني وجملة محتواه عدد 36000 لتر ويتم التلاعب بالحصة وبيعها بالسوق الأسود وقد تم اتخاذ اجراءات بلاغ تحت المادة 57 من القانون الجنائي . وأكد اللواء عيسي استمرار شرطة الولاية بكل اداراتها في إنفاذ خططها المنعية والأمنية وفق اجراءات التشغيل القياسية لعمليات الشرطة الهادفة الي منع واكتشاف ما يقع من الجرائم وتقديم المتورطين للعدالة . فيما ناشد مدير دائرة الجنايات بشرطة ولاية الخرطوم المواطنين ولجان الخدمات بالاحياء التبليغ عن الممارسات السالبة التي تضر بالاقتصاد الوطني وتسبب الندرة في السلع الاستراتيجية عبر التبليغ لأقرب قسم شرطة او عبر رقم النجدة المجاني 999 وتمكنت المباحث الفيدرالية كذلك بالتنسيق مع لجان الخدمات والتغيير بمنطقة بري من انهاء مغامرات عدد 8 متهمين وتضبط بحوزتهم تانكر جازولين وتتخذ إجراءات قانونية في مواجهتهم بدائرة الإختصاص. وقال العميد شرطة حقوقي أمين سعيد مدير إدارة المباحث الفيدرالية في تصريح صحفي ان هذا الإنجاز يأتي ضمن خطط الادارة الراتبة للقضاء على المظاهر السالبة المتمثلة في التلاعب بالسلع الاستراتيجية، حيث توفرت معلومات لادارته عن وجود متهمين يقومون بتفريغ حمولة تانكر وقود بأحد الأماكن المهجورة جوار معرض الخرطوم الدولي فتم علي الفور تكليف فريق ميداني لتأكيد المعلومة وضبط الجناة بقيادة ضابط، وبعد المتابعة الميدانية اللصيقة داهم الفريق الميداني الموقع أثناء عملية تفريغ حمولة المركبة وتم تطويق المتهمين والسيطرة عليهم وبحوزتهم تانكر وقود سعة 40500 لتر وعدد 7 براميل معبأة وأربعة اخرى فارغة وعدد11جركانة معبأة وتوقيف عدد 8 متهمين وتم اقتيادهم لقسم الشرطة ومباشرة التحريات واتخاذ إجراءات بلاغ تحت المواد 3/57/101/74 من قانون الطوارئ بقسم شرطة بري . وأضاف العميد أمين ان هذا الإنجاز وجد حظة من الترحيب والمباركة علي المستويين الرسمي والشعبي حيث زار الادارة الأستاذ/ حاتم قطان مستشار دولة رئيس الوزراء عبد الله حمدوك والذي ثمن مجهودات وجازات المباحث بجانب ارتياح واشادة لجان الخدمات والتغيير بالمنطقة . وأكد العميد أمين ان ادارته ماضية في تطبيق القانون بكل صرامة واحترافية بهدف القضاء علي المهربين المتلاعبين بقوت المواطن، وكشف جميع الجرائم والمهددات التي تعكر الأمن والسلامة العامة مشيدا بتعاون مواطني ولجان منطقة بري في حفظ الأمن ومحاربة الجريمة. الخرطوم 3-7-2020 (سونا)
التفاصيل هنا: https://www.alnilin.com/13134577.htmhttps://www.alnilin.com/13134577.htm ,,,,,,,,,,,,,,,,,,,,,
(عدل بواسطة كمال عباس on 07-05-2020, 00:55 AM)
| |
|
|
|
|
|
|
Re: حاتم قطّان الجابو شنو؟ (Re: كمال عباس)
|
Quote: سلام محمد البشريبحثا عن الحقيقة وجدت خبرا عن الحادثة -يصف حاتم قطان بمستشار رئيس الوزراء وليس مدير حمدوك كما ذكر نجل ابراهيم الشيخ / والخبر أورد تفاصيل خطيرة. حول الحادثة |
الفرق شنو؟ مستشار او مدير مكتب؟
عموما ابراهيم الشيخ غلطان مفروض يرفع قضية في الشرطة وفي قطان والوراهو حفظا لمصداقية كلامه مقابل حقائق كمال عباس وقطان ... واظن ده موضوع حدو قريب ما محتاج كتير
| |
|
|
|
|
|
|
Re: حاتم قطّان الجابو شنو؟ (Re: Gafar Bashir)
|
جعفر بشير كتب
Quote: الفرق شنو؟ مستشار او مدير مكتب؟
عموما ابراهيم الشيخ غلطان مفروض يرفع قضية في الشرطة وفي قطان والوراهو حفظا لمصداقية كلامه مقابل حقائق كمال عباس وقطان ... واظن ده موضوع حدو قريب ما محتاج كتير
|
كمال عباس لم يأتي بشئ من عنده ! جبنا خبر سونا وتصريحات ضباط الشرطة حول الحادثة -وأكدنا القطان ليس مدير مكتب حمدوك كما ذكر نجل إبراهيم الشيخ وهي النقطة التي إعلن ود البشري إن البوست قد إنتهي بعد كشفها - ولأننا نبحث عن الحقيقة وجدت معلومة تفيد أن حاتم القطان لازال يحمل صفة رسمية وهي مستشار رئيس الوزراء مما يجعل السؤال يعود مجدد مادخل القطان بالقضية؟ نحن هنا طلاب حقيقة لانتحامل أو نجامل ! وعموما نحن مع أن يأخذ العدل مجراه ويتم التحقيق والتحقق القضائي بنء علي المستندات والوقائع والشهادات والشهود -إن كان المتهم برئيا تعاد ممتلكاته وإن كان هناك إثبات لفساد أو تجاوز يحاكم
| |
|
|
|
|
|
|
Re: حاتم قطّان الجابو شنو؟ (Re: Gafar Bashir)
|
الخبر بتاع سونا و اليبدو مأخوذ من الشرطة يتحدث عن قضيتين مختلفتين الاولي ضبط السوق الاسود للجاز قرب منطقة سباق الخيل المتهم فيه سائق تانكر حمولة 36 الف و الجاز مصدق للانتاج الحيواني مع القضية الاخرى التي فيها تانكر الجاز سعة 40,500 و الخبر ناقص تفاصيل مهمة عن التهمة التانية انه الجاز دا حر وليس تجاري و اوراقه مكتملة و البلاغات المفتوحة وردت كأرقام مواد لا أحد ح يفتش وراها ليكتشف انها مواد كسر الحظر وعدم وجود طفاية حريق للتانكر و غيرها لم تكذب المباحث "الفيدرالية" في صياغة الخبر لكنها صياغة خبيثة تعرض الحقائق بشكل يجرم المعنيين و يخلي القارئ يربط الواقعتين ببعض, لو ابراهيم الشيخ قاضى أحد لن ينال اي شيئ فتيكنيكالي الشرطة اتخذت اجراءات عادية أمّا عن زيارة حاتم قطّان مستشار رئيس الوزراء السؤال هل هي زيارة عادية حسب موقعه الوظيفي وهل قام بزيارة شبيهة من قبل في اي تهمة مشابهة؟
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
سلام محمد البشري حاتم قطان ما كان مفروض يتدخل لان المسأله تتعلق باستهداف الأستاذ إبراهيم الشيخ علي ما يبدو وغالبا ما يكون الاستهداف سببه الاستقطاب السياسي الحالي . قد اكون مخطئ لكن هذا الرأى تكون لدي بعد قراءه التفاصيل
| |
|
|
|
|
|
|
Re: حاتم قطّان الجابو شنو؟ (Re: طلعت الطيب)
|
عليكم السلام طلعت ربما تمت الزيارة بطلب من احد او بعض اعضاء اللجان باعتبار أن نجل ابراهيم الشيخ قد يطلق سراحه أو يلقى معاملة خاصة فكان الاستنجاد بحاتم قطّان باعتبار موقعه عموما في كلا الحالين سواء أتى بغرض الاستهداف أو بغرض منع التجاوز هذا في حد ذاته مشكلة وتجاوز و استغلال للموقع الوظيفي و الأغرب هو استجابة الشرطة وذكرها زيارة المستشار على الصفحة! كأنه أمر عادي أن يزور مستشار رئيس الوزراء الاقسام اثر القيام بتوقيف متهمين!
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
صحفيين السجم والرماد الكتار الحايمين في السودان ديل، الموضوع ده له أكتر من 3 أيام، ليها مافي صحفي أوصحيفة قاموا عملو تقرير صحفي كامل عن هذه القضية ويكشفوا للمواطن كل الحقائق؟
الان هنالك روايتين، الاولى هي رواية لجان المقاومة ببري، والثانية هي لأبن إبراهيم الشيخ والمجموعة التي معه. فاين هي الحقائق؟ هنالك سؤال مهم جدا وقد يحسم كل هذه الفوضى. هل هنالك فعلا جاز أو أي نوع من المحروقات بيتم بيعه بمثل هذه الطريقة والوسائل في السودان؟ إذا كانت الإجابة بنعم فذلك يعني أن لجان المقاومة والشرطة مخطئين. وإذا كانت الإجابة لا، فذلك يعني أن هنالك شبهة فساد ويجب التحقيق فيها.
ولكن يبقى هنالك موضوع الطريقة العشوائية التي يتم توزيع الجاز بها وهي طريقة خطيرة تعرض حياة المواطنين الى خطر وتعرض أيضا البيئة الى خطر أيضا. ولماذا مثل هذه النوع من المحروقات لا يتم توزيعه وبيعه من خلال محطات الوقود التي تراعي شروط الامن والسلامة؟
| |
|
|
|
|
|
|
Re: حاتم قطّان الجابو شنو؟ (Re: Deng)
|
السلام عليكم المشكلة في لجان المقاومة ناس البوليس لما يقبضو الزول بكونو عارفين الورق والتصاديق المطلوبة ، اللجان ياخذون الناس بالشبهات أولاً الجاز مصدق ثانياً تم تقاسمه بعيداً عن العمران في منطقة امنة لحدي ما ناس اللجان غير مواكبين للحادث بخصوص البنزين و زاد شكهم لان التقاسم تم في منطقة معزولة.
ابراهيم الشيخ وولده فهموا الموضوع خطأ برضو غالباً ضابط الشرطة لما لقي شباب اللجان متحمس اتصل بجهات عليا وبناء عليه حضر حاتم قطان.
المشكلة في اللجان والتفكير في تجريم الاخرين، يجب وضع ضوابط للجان ، أقله تنويرهم بمستجدات التصاديق والرخص المطلوبة الجاز والدقيق والبنزين والغاز والزيوت. الشباب متحمس وحسن النية ولكنه ليس ( جهة الضبط والاحضار).
| |
|
|
|
|
|
|
Re: حاتم قطّان الجابو شنو؟ (Re: اخلاص عبدالرحمن المشرف)
|
نعم كما قال خالد يوجد ما يسمى بالجاز الحر يا دينق و هناك منشور من وزاراة الطاقة يسمح باستيراده و بيعه منذ يناير 2020
يا دكتورة الجاز دا ما مصدق ولا علاقة له بالتصديقات المعروفة البتكون للجاز المدعوم و المخصص لجهات معينة مزارع مثلا بعدين التقسيك ما في منطقة بعيدة عن العمران كما تفضلتي بل في صالة أفراح و هي عندها نصيب 10 براميل لذا اتى التانكر للتفريغ فيها و بقية الشركاء جابوا براميلهم ليأخذوا نصيبهم الموضوع نعم فيه سوء فهم في مرحلة لكن كمان فيه تعنت و حركات جيش, و نظام الارجل منو وكدا
| |
|
|
|
|
|
|
Re: حاتم قطّان الجابو شنو؟ (Re: Yousuf Taha)
|
ههه لا يا يوسف اظن كدا لكن صفحة بري و شباب بري تحديدا عندهم اسنقلالية من اول يوم وحتى مواكب المهنيين ما كانوا شغالين بيها كتير مواكبهم يومية بعد الحكومة و الاحباط العام من الاداء فرزوا عيشتهم من بدري واذكر مرة رفضوا الخروج في احدى فعاليات الحرية و التغيير رغم الاعلان عنها في صفحة تجمع المهنيين ة اصدروا بيان بذلك تحس انو في شعور سلبي كبير بينهم وبين الاحزاب لا اعتقد الحصل كان مقصود منه استهداف ابراهيم الشيخ في بدايته لكن تصاعد الاحداث و تعريف الابن عن نفسه و الاحتداد الحصل هو الفاقم الامر و انت عارف بقى السودانيين في قصة الحقارة و ركوب الراس دي لكن الما مفهوم ولا مبلوع تدخل - او لنقل زيارة - حاتم قطان! بصفته شنو وجاي يعمل شنو
توضيح فرنساوي اعلاه شكله بعد ادركوا خطاهم, هم كتبوا في الصفحة معلومات مغلوطة اول ما حدثت الحادثة قالوا ان نجل قيادي الحرية و التغيير يبيع الجاز المدعوم! عموما على لجان بري ان تكون شجاعة وتعترف بالخطأ و ان تتبرا و تنفي كونها طرف في صراع حزبي
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
سلام أخ محمد البشري أنا غير ملم بكافة التفاصيل والملابسات لذا لدي بضعة إسئلة لمن معرفة بالتفاصيل 1- السؤال الأول ويتعلق بالإستهداف هل لجان الأحياء ببري كان تعرف سلفا بأن الوقود كان يخص نجل إبراهيم الشيخ ؟ وإنه هو بعينه قد أتي مرافقا سلعته؟ * هل وضع عربة الوقود وطريقة توزيعه إثارت أو يمكن أن تثير شبهة لرجال المقاومة - حول مشروعية وبالتالي إستدعاء الشرطة للمتابعة والتحقيق وفعل ماتراه مناسبا ؟ ثانيا في ظل حالة شح الوقود - والجشع والتجارة غير المشروعة -أليس من حق وواجب لجان المقاومة وأي مواطن حادب أن يرصد أو يراقب إي معاملات أو تحركات مشبوهة وإبلاغ السلطات المختصة لعمل اللازم حماية للمستهلك والمواطن المكتوي بنار الغلاء؟ ثالثا هل الوقود إياه صدر عبر قنوات رسمية ومشروعة وأستوفي كافة إجراءات التعامل - وذهب في الغرض الذي خصص من أجله ؟ هل كانت هناك مستندات وأوراق رسمية تثبت سلامة المعاملات لحظة الضبط مما يسهل عملية إنهاء الحالة فورا في الموقع ودون الحوجة للإنتقال لمرحلة ثانية؟ ثم إعلان إنه بعد فحص الأوراق وتم التأكد من سلامة وضع الشحنة - ثم شكر صاحب البضاعة والأسف للتعطيل -شكر لجان الأحياء علي يقظتها رابعا أين تقف القضية الآن .وماهي رواية أو بيان الجهات الرسمية؟ ماوهو الرأي الآخر الرسمي؟
| |
|
|
|
|
|
|
Re: حاتم قطّان الجابو شنو؟ (Re: كمال عباس)
|
اهلا كمال احاول اجاوب في حدود المعلومات المستقاة من حديث ابراهيم الشيخ و حديث فرنساوي وبيان لجنة مقاومة بري و عدة بوستات كتبت عن الموضوع في الفيس
Quote: - السؤال الأول ويتعلق بالإستهداف هل لجان الأحياء ببري كان تعرف سلفا بأن الوقود كان يخص نجل إبراهيم الشيخ ؟ وإنه هو بعينه قد أتي مرافقا سلعته؟ |
لا
Quote: * هل وضع عربة الوقود وطريقة توزيعه إثارت أو يمكن أن تثير شبهة لرجال المقاومة - حول مشروعية وبالتالي إستدعاء الشرطة للمتابعة والتحقيق وفعل ماتراه مناسبا ؟ |
نعم دا الحصل بالضبط عربة تانكر داخل صالة افراح تفرغ لعربات صغيرة تحمل براميل و بالليل اثارت ريبة الشباب
Quote: ثانيا في ظل حالة شح الوقود - والجشع والتجارة غير المشروعة -أليس من حق وواجب لجان المقاومة وأي مواطن حادب أن يرصد أو يراقب إي معاملات أو تحركات مشبوهة وإبلاغ السلطات المختصة لعمل اللازم حماية للمستهلك والمواطن المكتوي بنار الغلاء؟ |
بالتأكيد, دا واجب اي مواطن ناهيك عن ان يكون عضو لجنة مقاومةQuote: ثالثا هل الوقود إياه صدر عبر قنوات رسمية ومشروعة وأستوفي كافة إجراءات التعامل - وذهب في الغرض الذي خصص من أجله ؟ |
نعم الاوراق سليمة
Quote: هل كانت هناك مستندات وأوراق رسمية تثبت سلامة المعاملات لحظة الضبط مما يسهل عملية إنهاء الحالة فورا في الموقع ودون الحوجة للإنتقال لمرحلة ثانية؟ ثم إعلان إنه بعد فحص الأوراق وتم التأكد من سلامة وضع الشحنة - ثم شكر صاحب البضاعة والأسف للتعطيل -شكر لجان الأحياء علي يقظتها |
دا الكان مفروض يحصل لكن لعدة اسباب منها انه فكرة الجاز الحر ليست منتشرة لم يستوعبها شباب المقاومة, واعتقد انهم قليلي الخبرة حتى في قراءة الاوراق الرسمية و استيعابها, في صفحتهم نشروا ان سعر الجاز بلغ 40,500 في حين هذا الرقم عبارة عن سعة التانكر و ليس السعر. قلة الخبرة هذه ادت لسوء الفهم و اضف لذلك الاحتداد و حماس الشباب ادى لركوب الراس و الاصرار على الذهاب للشرطة هنا تختلف الروايتين, يقول ابراهيم الشيخ ان اللجنة حاصرت القسم و اصرت على الضابط ان يفتح بلاغ اي بلاغ حتى لو كان كسر الحظر و عدم وجود طفاية في حين يقول فرنساوي اعلاه ان هذا لم يحدث لكن لاحظ في بيان المقاومة في صفحتها اتهموا نجل القيادي بالحرية و التغيير انه صاحب الجاز و يقوم بالبيع
حاجة اخرى غريبة هي ما ذكرته الشرطة في صفحتها و نشرته سونا على لسان الشرطةعن فتح بلاغات و عن زيارة حاتم قطان, اي شرطي قرأ الاوراق و تأكد من سلميتها كان سيوقف الامر هنا لكن يبدو انهم لهم اجندة و فائدة ما من التصعيد و اثارة الفتنة
Quote: رابعا أين تقف القضية الآن .وماهي رواية أو بيان الجهات الرسمية؟ ماوهو الرأي الآخر الرسمي؟ |
لم يخرج اي حديث رسمي غير التصريح الذي نقلته سونا, اعتقد ان الموضوع انتهى في وقته غالبا بشطب بلاغ سرقة الجاز و ربما بقيت بلاغات كشر الحظر و الطفاية و موضوعها بسيط طبعا
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
Quote: لم يخرج اي حديث رسمي غير التصريح الذي نقلته سونا, اعتقد ان الموضوع انتهى في وقته غالبا بشطب بلاغ سرقة الجاز و ربما بقيت بلاغات كشر الحظر و الطفاية و موضوعها بسيط طبعا ع |
يعني موضوع الوقود حسم ولم يفتح بلاغ ولم توجد مخالفة أو تعامل غير مشرو ع طيب آل إبراهيم يأخذ صورة من البلاغ المشطوب - أو إفادة رسمية تثبت سلامة الوضع وقانونية الحالة -ويعلن ذلك للرأي العام - وطبعا دا متروك لتقديراتهم
| |
|
|
|
|
|
|
Re: حاتم قطّان الجابو شنو؟ (Re: كمال عباس)
|
Quote: يعني موضوع الوقود حسم ولم يفتح بلاغ ولم توجد مخالفة أو تعامل غير مشرو ع
|
السؤال المهم من هو فرنساوي ومن هو حامد قطان وماهي صفتهم الرسمية في القضية ولاي جهة سياسية ينتمون ... الكلام الاتقال في الفيديو ده كلام انشائي بدل الطربقة الكتيرة القالها دي .. كان يعرض الفيديوهات بتاعتو
Quote: أمّا عن زيارة حاتم قطّان مستشار رئيس الوزراء السؤال هل هي زيارة عادية حسب موقعه الوظيفي وهل قام بزيارة شبيهة من قبل في اي تهمة مشابهة؟ |
قطعا لا عشان كدة من هو حاتم قطان ؟
Quote: يبقى طيب الجوطة دي فوق كم؟
|
Follow the money
| |
|
|
|
|
|
|
Re: حاتم قطّان الجابو شنو؟ (Re: Gafar Bashir)
|
Quote: حاتم قطّان الجابو شنو؟ |
يا قريبك ما لاقي إجابة لي سؤالك دا ... وبالمرة شوف لينا علاقة لجان المقاومة بي بالحزب الشيوعي امكن تلقي إجابة لي سؤالك دا ... خلونا نفتح الملف عشان فيهو الكثير المثير الخطر ... هاك مثال :- اقتحم شباب لجان المقاومة مكتب حكومي بقيادة شاب مواليد ١٩٩٤ وما اختاروا إلا مكتب عمك الموظف الحكومي منذ ٣٠ سنة ومسحو بي كرامتو اللرض ... وقال لها قايدهم ابو ١٩٩٤ :- لو ما نحنا ما كنتا قاعد في مكتبك دا وحا نعلمك تشتغل كيف ... من هم لجان المقاومة ... انا أعلم بأنهم لا يعلمون شي عن ماركس ولينين... هل تقودهم كوادر شيوعية يشرف عليها حاتم قطان ... ؟؟؟!!! دا عبدالله حسين رشا منتصر بي هناك عشان اطاول وانتقد لجان المقاومة ... Quote: فلجان المقاومة باقية حتى كتابة آخر كلمة في تأسيس الدولة السودانية المدنية الوطنية الديمقراطية، حيث يبقى العساكر في مكانهم الطبيعي تحت سلطة الشعب وليس العكس، وإلا سوف تنتظر للأبد.
|
| |
|
|
|
|
|
|
Re: حاتم قطّان الجابو شنو؟ (Re: Salah Zubeir)
|
يا قريبك Quote: اقتحم شباب لجان المقاومة مكتب حكومي بقيادة شاب مواليد ١٩٩٤ وما اختاروا إلا مكتب عمك الموظف الحكومي منذ ٣٠ سنة ومسحو بي كرامتو اللرض ... وقال لها قايدهم ابو ١٩٩٤ :- لو ما نحنا ما كنتا قاعد في مكتبك دا وحا نعلمك تشتغل كيف ... |
هل فعلا الشاب في مثالك دا من لجان المقاومة ولاّ متلبّط ساي وهل يكفي هذا المثال على شيطنة كامل التجربة! لجان المقاومة دي من بعد الله لها الفضل في تغيير النظام وهي خط الدفاع الاول لو لا قدّر الله حصل اي كاني مني يا قول الامام ما ممكن بجرة قلم او بتصرف خاطئ تحكم على كامل التجربة وهي في النهاية تجربة بشرية تقبل التقييم و التقويم
| |
|
|
|
|
|
|
Re: حاتم قطّان الجابو شنو؟ (Re: Salah Zubeir)
|
Quote: من هم لجان المقاومة ... انا أعلم بأنهم لا يعلمون شي عن ماركس ولينين... هل تقودهم كوادر شيوعية يشرف عليها حاتم قطان ... ؟؟؟!!! دا عبدالله حسين رشا منتصر بي هناك عشان اطاول وانتقد لجان المقاومة ... |
إنت يا زول ما بتتوب ؟!! لجان المقاومة لجان مستقلة ... حاتم قطان فُصل من الحزب الشيوعي مع الشفيع الخضر وهاشم تلب في يوليو 2016. عشان ما تحشر إسمي في تحليلات من أوهام خيالك.
| |
|
|
|
|
|
|
Re: حاتم قطّان الجابو شنو؟ (Re: بلال زكريا)
|
Quote: * اخطأت وزارة المالية بان سمحت باستيراد جازولين ( حر ) لغير أغراض الزراعة والنقل ، وذلك لتشغيل مولدات الفلل والقصور ! |
سلام أ. بلال
هل الجاز (الحر) يباع خصماً من حصة المواصلات؟ وهل فرق سعر الجاز( الحر) مفيد للمالية مثلاً؟
أم أن بيع الجاز لأصحاب المولدات مباشرة يقلل من التحايل على الجاز المدعوم في
محطات الخدمة حيث أعتاد البعض على تعبئية عدة سيارات عدة مرات؟
لا أزايد على وطنية البعض و لكن زيادة في الوطنية إتحملوا إنقطاع الكهرباء مع البقية.
شكراً بلال و شكراً لجان المقاومة للبيان بالعمل انكم حراس الثورة.
المناضل السيد ابراهيم الشيخ ربما يقصد بأنه مستهدف من جهة غير معلومة للقارئ و لا
يقصد لجان المقاومة.
| |
|
|
|
|
|
|
Re: حاتم قطّان الجابو شنو؟ (Re: نعمات عماد)
|
Quote: خلونا نفتح الملف عشان فيهو الكثير المثير الخطر ... هاك مثال |
يا ود البشرى دا زي ما زكرت أنا (مثال) من عدة حوادث وقعت في الماضي (يجوز) انك تعرف بعضها ويجوز قريت في الاسافير ما هو موثق ... من حقك ما تصدق روايتي وهي رواية لو ما انا متأكد من صحتا ما في سبب اكتبا ... ثم ياخي (لجان المقاومة) ... التعريف ... المرجعية ... ضوابط عملا ... حدود سلطاتا ... وحدود اختصاصاتا ... طبعا اتفق معاك تماما هي الحارس الأمين لهذه الثورة في لحظة أي تهديد ... لكن تظل أهمية معرفة دورها السياسي والأمني والاقتصادي في الأيام العادية هو الضمان لاستمراريتها بنفس التقدير والاحترام من الجميع ... طيب still جواب سؤالك ما اتعرف ولا زلت مصرا أن هنالك علاقة ما بين لجان المقاومة والظهور المدهش لي حاتم قطان وفرنساوي ...
| |
|
|
|
|
|
|
Re: حاتم قطّان الجابو شنو؟ (Re: Khalid Abbas)
|
Quote: لحدي الان مافي أجابة مباشرة لعنوان البوست |
غايتو جعفر بشير قرّب تاني مداخلة مداخلتين بختّها عينك عينك
بالنسبة للسؤال عن لم ابراهيم الشيخ خرج بتوضوح و لو كان الموضوع لا يخص ابنه طبعا الموضوع دا ولأن اسم ابن ابراهيم الشيخ ظهر فيه اخذ ابعاد اخرى وخرج من حتة انو لجنة مقاومة تشتبه في حالة فساد و تتدخل و تحيل الامر للسلطات و هنا ينتهي دورها لا في ساعته الفيس اتملى تعليقات و تشنيعات ولايفات تمس ابراهيم الشيخ و حزبه و الحرية و التغيير بل و الحكومة كاملة! لا أحد تريّث دقائق قبل ان يسخر و يشنع او يشير و يتبرع بالتعليق و التنظير الفارغ و التحليل الخاطئ! كل من له موجدة على الحزب او الحرية و التغيير او الحكومة طلّع نجاة غرزة الجوّاه وهاك يا مطاعنات! حتى صفحة بري اهل و احباب لم تسلم من الانسياق وراء الحملة و نشروا معلومات مغلوطة كذبها ولدهم فرنساوي نفسه, بل حتى الورق الصوروه قراه كاتب البوست بطريقة غلط وعدم تركيز لأن كل همه لحاق السوق و كتابة تورط نجل قيادي بالحرية و التغيير في بيع جاز مدعوم!! الجهل بالشيئ وعدم السماع عنه لا يعني نكرانه وعدم وجوده, منذ يناير عشرين تسمح وزارة الطاقة لمن يرغب و ليده المقدرة المالية على استيراد جاز بحر ماله و يبيعه بالسعر البربحه تحت تسمية جاز حر لاهو مدعوم ولا هو تجاري! وو ضعت ضوابط لتوزيعه منها ان لا يوزع بالطلمبات لمنع احتمال استغلال ورقه وبيع جاز مدعوم او تجاري مثلا! طيب المشكلة وين اذا المقتدر اشترى من الحر دا بدل يكابس الناس في المدعوم و يخلق سوق اسود هو كدا كدا عنده المقدرة و الحوجة ليشتري الجاز و اذا كا لقى الحر دا ح يجيه المدعوم في محله بسعر السوق الاسود بسبب حوجة الناس و ضعف النفوس.
| |
|
|
|
|
|
|
Re: حاتم قطّان الجابو شنو؟ (Re: محمد البشرى الخضر)
|
Quote: إنت يا زول ما بتتوب ؟!! |
ليه إنتا نجاسه ... ههههه ماهو باين ...
Quote: حاتم قطان فُصل من الحزب الشيوعي مع الشفيع الخضر وهاشم تلب في يوليو 2016. |
قطان وخدر وتلب ما أعضاء .. لكن شيوعيين اكتر منك ...
Quote: لجان المقاومة لجان مستقلة ... |
سوف تظل مستقلة لو ابتعد عنها الذكاء (اكشوالي الغباء) الشيوعي ...
Quote: عشان ما تحشر إسمي في تحليلات من أوهام خيالك |
إلا ما تجي جياتك النادرة دي وتكتب ما يستحق نصححو ليك وهو بطبيعة الحال نادر زي جيتك ...
| |
|
|
|
|
|
|
Re: حاتم قطّان الجابو شنو؟ (Re: Salah Zubeir)
|
الله ينعل أبو جزمتي الاشتريتها قبل كم يوم بخُمّة قروش، ومن دون لازمة، لو فهمت شيء في البوست دا. وحات سيدي الحسن ما عرفت الكعّة دي فوق أم كم، ولا جاز ولا "بنزيم" ولا حاجة. طلعت كيت.
تقصدوا أنه ود إبراهيم الشيخ طلع حرامي؟ وحاميه إبراهيم الشيخ؟ يعني ما خرج من القالب السوداني المعروف منذ خروج الإنقليز رضي الله عنهم من السودان. الجديد شنو؟
أمّة من اللُحُستِيّة. كل واحد حيغرف لو لقى فَرَقة. لسه بدري علينا نكون وطنيين حقيقيين.
تحياتي لود إبراهيم الشيخ ولأبيه إبراهيم. صراحة ما فاهم شيء.
| |
|
|
|
|
|
|
|