القاعدين يهاجموا الوزير أكرم أنواع وكلهم من وجهة نظري متلقين حجج ساي ما عندهم موضوع.. نوع بهاجموا من منطلقات حزبية بمن فيهم الكيزان وديل موضوعهم مستحمي كما قال الشفاتة. نوع تاني بهاجموا عشان يفشوا مغتستم لانو طالبهم بالتباعد بل وعدم الخروج وقام هو طلع في المليوينة على حد زعمهم، وديل أصحاب مواجد شخصية وانفعالات لحظية لا بتودي ولا بتجيب ولا عندها أصلا علاقة بالمصلحة العامة وبالتالي يقيفوا بى جنب وكل واحد يصرفوا ليهو كرتونة خجالات ويتطلبوا الله، خصوصا وانو ديل فيهم كيزان مندسين وداخلين بالمبرر البليد دا . نوع تالت خائض مع الخائضين ساي كدا شاف الناس هاجمت وانتقدت مشى جاب ليهو عكاز وكفكف وجاء جاري يكورك ويتوعد .. وديل ودوهم الضل واللا قطعوا ليهم بطيخة باردة واراهن أنهم ح يهدوا ويرجعوا من حيث أتوا . كل الأنواع الفوق دي من وجهة نظري عندهم مشكلة مشتركة وهي أنهم ما عارفين مصلحة البلد وين بل وما عارفين حتى مصلحتهم الشخصية، وأسوأ نوع فيهم بلا منازع هم طبعا الكيزان المتلبدين بالمبررات البليدة دي .. وديل معروفين وظاهرين من خلال طريقتم ومقاوحتم واستماتتهم في انكار الشواهد والأدلة البتأكد انو الوزير ما خرج للمليونية. المهم على الوزير أكرم أن لا يعير لا هؤلاء ولا أولئك حتى أذن من طين ويشق بسفينته عباب الأهواء والأمزجة والبلادة الفكرية والمكايدات الحزبية نحو بر السلامة بإذن الله. ........ اعتقد كدا الأمور وضحت أمشوا نوموا
07-01-2020, 03:11 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
Quote: على الوزير أكرم أن لا يعير لا هؤلاء ولا أولئك حتى أذن من طين ويشق بسفينته عباب الأهواء والأمزجة والبلادة الفكرية والمكايدات الحزبية نحو بر السلامة بإذن الله.
و حياتك يا صفوة ... د. اكرم لسان حاله يقول: أنَامُ مِلْءَ جُفُوني عَنْ شَوَارِدِهَا. وَيَسْهَرُ الخَلْقُ جَرّاهَا وَيخْتَصِمُ
07-01-2020, 03:19 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة