|
كتب الكاتب الفاتح جبرا المتوفرة بمعرض الدوحة
|
|
 Re: أربعة محسيات، ماشات من بحري للدَّروشاب.. � (Re: Hassan Farah)
|
الحبيب حسن .. تحياتي ياجميل
يا سلام يا رائع .. خليتني أضحك وانسى التقارب والكورونا كمان
دي مشكلتنا نحن ناس ضواحي الدنيا سريعي التعليق خاصة إذا كنا مجموعة
صدقني حقيقة أحياناً مثل هذه الامور يمكن أن تحدث
=================
اذكر في السبعينات كنت في تدريب المعلمين في أمدرمان
وفي المواصلات اشتبك معي الكمساري وقال لي ( بالله شوف الايتري دا)
ايامها الارتيرين كانوا لاجئين وبكثرة في العاصمة .. طبعاً حسب اللغة
أنا قلت ليهو يا زول أنا ما اريتري انا سيد بلد من دنقلا
هنا تدخلت واحدة ( حاجة ) اللهم أرحمها إن كانت على قيد الحياة أو متوفية
وكانت تجيد العربية ما شاء الله وهي كمان من دنقلا كما عرفت لاحقاً
قالت للكمساري (( اسمع يا ولد الاسد القاعد في قصر داك نميري دنقلاوي
كمان سيدكم المهدي صاحب القبة هنا دنقلاوي ))
المهم قدمت محاضرة للكمساري ..
وأنا من اليوم داك بقيت أعمل ألف حساب للكمساري اتحاشى أي كلام معه
إلى قضيت فترة التدريب في العاصمة ورجعت ضواحي الدنيا
لكن الحاجة ما شاء الله عليها ..
الحبيب حسن العامية السودانية مهمة جداً جداً وخاصة في العاصمة
حتى في المساومات ( بيع وشراء ) إذا لغتك ما عاصمية مصيبة
الكل يضاعف السعر في أي شيء ..
تحياتي الحبيب حسن وشكرا على الاهداء الجميل
عندي أهلي كثيرين جداً في الدروشاب ..
| |
 
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Hassan Farah)
|
حلييييللللوي يا ابو الحسن .... حيلوي
طبعا عمك علي ماشاءالله زي انا بعرف يرطن الدنقلاوية والمحسية
اها
واحدة من ارتقاشا بلد عمك علي .. ماشة بحري المزاد ..بقت تسأل
وصلت الموقف .. في واحد قال ليها المزاد المقفول يا خالة؟
دقت صدرها وقالت( سجمي إلمزااااد قفلو !!!؟؟؟ وناس مهمد صاليك بى جوة ؟ ) !!!
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Ahmed Yassin)
|
حبيبنا الفنان احمد .. سيرناقمي
البناوي الجميل
المزاد .. ذكرتنا النكتة
طبعا النطق عندنا ( مساد ) بدون ( ال) وكما بدون (ز)
اختنا كانت في المزاد ( الله يرحمها ) والدة ( رحمها الله )
كانت تستغرب من الاسم ( مساد )
مساد بالدنقلاوية ( اللبن المر ) ( إجي مساد egi masad )
تحياتي حبيبنا احمد حسن
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: اخلاص عبدالرحمن المشرف)
|
د. اخلاص .. تحياتي
أهلنا في حلفا كانوا مدخل الحداثة والحضارة والتعليم
وناجحين ما شاء الله .. ناس داؤود عبداللطيف ، وجدي ميرغني
المليادير في بريطانيا ( مو ) كما أهلنا الدناقلة برضو ما مقصرين
بس جنهم الحكم .. المهدي ، نميري ، ومعظم الكيزان في الحكومة الفاتت
وكمان عبدالله خليل ( حلفا)
تعرفي يا دكتورة أول مرة حكومة بدون دنقلاوي من زمن المهدي
هي الحكومة الانتقالية .. (ههههه )
عشاني أنا اتحدث النوبية بشقيها .. أنتمى الى الجميع ..
وردي وخليل فرح ناس السكوت وهناك كمان أهلنا المحس .. ولكن اللغة واحدة
تقريبا من حلفا الى كرمة عاصمة كوش ( النوبية المحسية )
ومنها حتى القولد ( النوبية الدنقلاوية )
أنا بالنسبة لي ما في مشكلة اتحدث النوبية كاملة
تحياتي الدكتورة
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: اخلاص عبدالرحمن المشرف)
|
سلام حسن فرح والمتداخلون الكرام
***
في جلسة اسرية صمت بعض الشباب والشيبان
كان النقاش عن التزمت والتعصب لبعض الاسلاميين
وطال النقاش
واشترك فيه الجميع ، عدا كبير في العمر ظل صامتا
فسألوه عن رأيه
فقال لا فض فوه :
يا جماعة، الدين دة نزل لسيدنا محمد بسيط وساهل
ولكن قعدوا الصهابة يقولوا ليهو : ثم ماذا يارسول الله، ثم ماذا يارسول الله، لغاية ما مطوووه
| |
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: ابو جهينة)
|
حبيبنا حسن تحياتي بوست حلور
الترابلة عندنا أهم مواعيد بالنسبة ليهم وقت العصر لازم يكون في الساقية ( عشا البهائم )
جدنا سعيد جاء من مصر وبدأ يصلي بيهم العصر في المسجد ( المسيد )
اذكر ما كان في صلاة جماعة زمان إلا يوم الجمعة في الجامع .. المسجد كان
فقط في رمضان وفراش الموتي ..
جدنا سعيد الله يرحمه مرطب جاي من مصر ( فاضي ) .. أطال في السجود في صلاة العصر
عمنا محمد بعد الصلاة قال ( يا سعيد نحن ناس أكلنا بليلة ما نقدر ننزل راسنا ونرفع مؤخرتنا وإلا ضاعت الصلاة )
( انت زول فاضي ما عندك شغل صلي على كفيك وانا ماشي لعشا البهائم )
رحمهم الله رحمة واسعة وغفر لهم ..
تحياتي الاحباب في البوست
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Ahmed Yassin)
|
جماعه من اندينا...قرايب عمك علي عربيتم باظت في طريق مقطوع
و الاتنين ما بفهموا في الحديد ...
ربك رب الخير جا واحد ماري وقف يساعدهم .. اشتغل شوية في المكنه
و قال لي السايق .. كدي دور .. و قول يا نبي الله داؤود ... (سيدنا داؤود كان يفل الحديد)
عمك نقر و قال يا نبي الله داؤود .. العربية دورت ...
نص ساعة تاني وقفت بيهم ... المرة دي زول ساكت ما جا ماري .
قام التاني قال ليو ما تهاول انت يا مهمد هير ...
قالو .. رح نهاول ... بس انت متذكر النبي الميكانيكي ده كان اسمو ايه ؟
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: يحي قباني)
|
نديكم واحده اقدم من الفوق ...
مهمد صالح عنده بقره مرضت مرض شديد ...
و هو معتمد عليها اعتماد كلي ...
المهم واحد قال ليو لازم تدعو ربنا انه يشفيها و تعمل ندر لو بقت كويسه
تضبح خروف و تصوم ٣ يوم شكر ...
بعد يومين البقره وقفت حيلها ...
مهمد صالح ضبح الكرامة .. و صام ٣ يوم ...
اليوم الرابع البقره ماتت ...
عمك مهمد ... زعل زعل شديد ..و رفع راسو للسما و قال ...
على اي هال شكرا ...
بس البهيمة اللي دبهناها رح تكون بدل بهيمة العيد ...
و التلاته ايام رح نهسموا من رمضان اللي جاي ...
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Ahmed Yassin)
|
احمد امبس
نعم بالنوبية تكون جميلة جداً
انت زول فاضي ما عندك شغل صلي على كفيك وانا ماشي لعشا البهائم
الترجمة :
( اير جلي كومو اير دولنكر سقيدي أي بهايمي اشر نوقبوري )
احمد امبس .. أهلنا التربالة ديل كانوا عندهم اعمال العقل وكأنهم علمانيين
رغم عمق ايمانهم بس كانوا عندهم دراسة جدوى للزمن والمجهود
والربح والخسارة المادية
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: بدر الدين الأمير)
|
اهو ماشاء الله انتو مبسوطين وتضحكوا
يجيكم واحد ناطي حسي يقول لكم التنميط وما ادراك ما التنميط
والله انا ما بعرف الفرق بين الحلفاوي والسكوتي والمحسي
بل صديقي الأول في الجامعة وبعدها والى اليوم وبعد اكثر من 30 سنة من التخرج
اكتشفت انو شايقي بعد ما شفت والدته المشلخة !
غايتو بعد كلامي دا اكان جاء ذنبو على جنبو
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: MOHAMMED ELSHEIKH)
|
| Quote: محمد صالح عنده بقرة مرضت |
محمد صالح دا بعد بقرتو ماتت ولده ساقه الخرطوم واشترى ليهو بوكس
يوم سايق البوكس ماشي الكلاكلة صنقعت،اشر ليهو واحد قام وقف
وشالو .. قايلو حينزل قدام شوية ..او في المنطقة الصناعية.. المهم لمن وصل الشجرة
قال للراجل: انت اسمك ايه
الراجل قال :اسمي صالح محمد
عمك وقف على جنب وقال ليهو .. انزل .. محمد صالح يا شيخ .انت الظاهر عليك واحد بتاع لخبطة
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Ahmed Yassin)
|
الجماعة جاهم إمام جديد
كلموه قالو ليه فلان داك ما بحب الامام البقرأ سور طويلة (قل هو الله أحد) عندو فيها رأي 😂
الامام قال ليهم ما تشيلو هم ....
اقامو الصلاة
الله اكبر
الفاتحة
(مدهامتان)
الله اكبر ...
بعد الصلاة زولنا جاء للإمام و قال ليه :-
ليه إتنين(✌) واااااحدة كفاية ...
😂😂😂😂😂😂😂😂😂😂😂
| |
|
|
|
|
|
|
|
|
 Re: أربعة محسيات، ماشات من بحري للدَّروشاب.. � (Re: يحي قباني)
|
Quote: مش قال ليو
الجماعة قدموني للصلاه
و لو ستر ربُنا و كنت هافظ قل هو الله احد و طلع البدر علينا
مكنتش اقدر اصلي بيهم العشا ... |
الولد طلع من الحمام لقى ابوه في باب الحمام و شايل ليه خرطوش ...
يا ود في قرآن بقروه في الحمام محل النجاسة ؟؟؟
قرآن شنو يا ابوي !!!!!!!
يا ود انا سامعك ....
يا ابوي كنت بقول في نشيد
يا ود طلع البدر علينا نشيد ؟؟؟؟
آي يا ابوي
متأكد ؟؟؟؟
يا ابوي و الله نشيد ما قرآن
و الله انا عمري دا كلو بصلي بيها
😂😂😂😂😂😂😂😂😂
| |
|
|
|
|
|
|
|
|
|
Re: أربعة محسيات، ماشات من بحري للدَّروشاب.. � (Re: Biraima M Adam)
|
Quote: الحبيب حسن العامية السودانية مهمة جداً جداً وخاصة في العاصمة
حتى في المساومات ( بيع وشراء ) إذا لغتك ما عاصمية مصيبة
الكل يضاعف السعر في أي شيء ..
|
قالو واحد نزل من السعودية الخرطوم لاخوهو منتويا شراء قطعة ارض ...تاني يوم ماشين يشوفوا موضوع الارض ..بيسال اخوهو
-السيارة الحنمشي بيها وين ؟
-من حسي داير اوريك اعمل حسابك لو هنا عرفوك جايي من برة بيغشوك ما تقعد تتكلم لي سعودي
-كيف ؟
-ما تقول سيارة
-طيب اقول شنو ؟
-عربية
اخوهو المغترب قال ليهو:
أون عربيي رطانامني
لكن عربية رطانة
| |
|
|
|
|
|
|
| |
Hassan Farah
علي عبدالوهاب عثمان
Ahmed Yassin
ولياب
ابو جهينة
يحي قباني
بدر الدين الأمير
MOHAMMED ELSHEIKH
ABUHUSSEIN
Biraima M Adam
مهدي صلاح
فيس بوك
تويتر
انستقرام
يوتيوب
بنتيريست