|
|
|
 Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
العساكر وحمدوك ويلقى عيال المنظمات
حضروا التغيير في الخرطوم وعطلوا
تعيين الولاة المدنيين
فخرجت اليوم الولايات تطالب بالحكم المدني
ونسي حمدوك وباقي الشلة المعاو
أن شرارة ثورة ديسمبر إنطلقت من الولايات
ولحقت الخرطوم بالثورة
يقوم حمدوك والعسكر بتعطيل الحكم المدني
في الولايات
الشوارع بس
| |
 
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
حياك الله يا عبدالعظيم العلم حد ذاتو وعي وفرق كبير بين علم انقلاب مايو 1969 علم الاستلاب المقيت وعلم الاستقلال
https://top4top.io/
اعلام السودان وليس الاتحاديين
والحمدالله علم الازهري طلع تاني في السودان
علم الاستقلال عودة شعار السودان الحر وانذار لدول التي تعبث في السودان بي الدولة المركزية الريعية
الفدرالية اولا بس كل ولاية تنتخب واليها وبرلمانا
وبرلمان الولاية اهم من برلمان المركز
بحرس موارد كل ولاية
الاتحاديين ما بنخوفهم الانتخابات الحرة النزيهة اطلاقا
| |
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
كل الناس ديل في الشارع
Quote: حتي الان
الحلفايا ، جبل أولياء ، بورتسودان ، السلمة ، جبرة ، أمبدة دار السلام ، الديم ، الفتيحاب
الحاج يوسف، الثورة محطة الرومي ، نيالا ، اركويت ، كسلا ، مايو ، شارع المطار ، الضعين
خشم القربة ، عطبرة ، دارفور ، الكلاكلة ، الشجرة ، دنقلا ، بحري ، الصحافة ، جنوب الحزام
مدني
الجنينة
نيرتتي
|
ماذا تنتظر يا حمدوك حتى تصحح مسار الثورة
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
غايتو يا عبد العظيم لعبتو بالعلم دا سياسة صاح ..
اذكر في ساحة الاعتصام وايام المظاهرات الأولى كان في توافق أن الاحزاب ما تظهر برموزها وشعاراتها..
بقوا يظهروا شباب لابسين العلم دا لما يقولوا ليهم ممنوع تظهروا بعلمكم كانوا بقولوا لا دا علم السودان القديم هههه.
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: محمد على طه الملك)
|
يوم من أيام الصمود والتحدي للثورة السودانية
ضجت المواكب اليوم بقصيدة
يا والدة يا شامة
كلمات الشقيق عمر عبدالقادر
Quote:
يا والدة يا شامة..
يا فيض من الرحمة..
يا واهبة أياما..
تمرقنا من زحمة..
وتشوفنا قداما..
كالصارم الأحمى..
مافيش في أحلاما..
لا عيش ولا لحمة..
يمة الصبر لمتين والأمة مجروحة..
تبكي وتنوح أمات ..
نسمع في صوت نوحا ..
أدوهو طلقة ومات..
ولدا شقيق رووووحا..
يا والدة يا شامة..
جلادنا يا جلاد..
ما تغرك الدنيا..
يوم بكرة يا ميعاد..
حنردد الغنية....
تمرق معانا سعاد وتمرق منى السمحة..
قايدة الفريق جمعا..
تتحدى حكاما وتصحح إسلاما ...
|
هذه القصيدة التي أصبحت اهزوجة محببة للثوار
في ثورة ديسمبر
كتبها الشقيق عمر عبد القادر (شيخ العرب)
في ابو حراز.. قبل أكثر من 15 عام
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
Quote: هذه القصيدة التي أصبحت اهزوجة محببة للثوار
في ثورة ديسمبر |
عبثا يا عظمة تحاولون كأحزاب تجيير الحراك لصالحكم! يوم واحد وسط طوفان الفيديوهات والتسجيلات بتاعة ثورة ديسمبر ما سمعت أو رأيت فيديو لثائر يردد قصيدة "الشقيق" دي!!
كمان قريت لأحد الشيوعيين سرد تاريخي تفهم منو انو الثورة دي شيوعية خالصة و للثوار أجر الصفقة فقط
كذلك احد الاحباب برضو طلّع ليك اي حراك في الثورة دي او ميثاق او بيان من بنات أفكار السيد الإمام!! وكمان عاملين مواكب اسفيرية قال!!
صاح ما في ممارسة ديمقراطية من غير أحزاب لكن النصيحة لله أحزابنا لو ما ارتقت و تخلّت عن الطريقة التي تدير بها الامور و صراعاتها و كيفية الاستقطاب ستكون التجربة مريرة و مؤسفة.
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: محمد البشرى الخضر)
|
كمان قريت لأحد الشيوعيين سرد تاريخي تفهم منو انو الثورة دي شيوعية خالصة و للثوار أجر الصفقة فقط
---------------------------------------------------------
سلام ودالبشرى
هذا كلام غير مقبول على الاطلاق
الثورة ثورة شعبية قامت بها جموع الشعب السوداني
وتنادوا اليها خفافا دون ان اي يكون لاي حزب دور ريادي
لنحافظ على الثورة المجيدة بعيدا عن تجيير وادعاء الحزبية
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: خالد العبيد)
|
شكرا خالد كلامك سليم ونبهني لحتة غابت عني و اعتذر عنها
مواقف الاحزاب لا تؤخذ إلّا من منصاتها ووسائل تواصلها الرسمية, ما اي فكرة او تعبير لعضو حزب خاصة اذا كان ليس عضوا قياديا تحسب على الجماعة بأكملها
لا كلام عظمة يمثل التجمع الاتحادي ولا كلام الشيوعي القلت عليه يمثل الحزب ولا كلام عضو حزب الأمة يمثل الحزب
شكرا على التنبيه
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: محمد البشرى الخضر)
|
Quote: غايتو يا عبد العظيم لعبتو بالعلم دا سياسة صاح ..
اذكر في ساحة الاعتصام وايام المظاهرات الأولى كان في توافق أن الاحزاب ما تظهر برموزها وشعاراتها..
بقوا يظهروا شباب لابسين العلم دا لما يقولوا ليهم ممنوع تظهروا بعلمكم كانوا بقولوا لا دا علم السودان القديم هههه |
سلامات الملك
لنا عشق مع هذا العلم، لا تكتمل فعالية وإلا توشحنا
به.. هو رمز عزتنا وفخر للسودان..
حكاية إشتغلنا بيه سياسة دي
صعب نشتغل سياسة بدون هذة الراية
الخفاقة
هكذا كنا نشدو
أعلامنا ترفرف يا إسماعيل
في الجو خفاقة يا إسماعيل
حررت الناس يا إسماعيل
الكانوا عبيد يا إسماعيل
والكل بقى سيد
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
Quote: عبثا يا عظمة تحاولون كأحزاب تجيير الحراك لصالحكم! يوم واحد وسط طوفان الفيديوهات والتسجيلات بتاعة ثورة ديسمبر ما سمعت أو رأيت فيديو لثائر يردد قصيدة "الشقيق" دي!!
كمان قريت لأحد الشيوعيين سرد تاريخي تفهم منو انو الثورة دي شيوعية خالصة و للثوار أجر الصفقة فقط
كذلك احد الاحباب برضو طلّع ليك اي حراك في الثورة دي او ميثاق او بيان من بنات أفكار السيد الإمام!! وكمان عاملين مواكب اسفيرية قال!! |
كان راجين الاحزاب يا ود البشرى كان لي يوم الليلة البشير بعرض . .
البركة في الشباب الراكب راس كان سألته رؤساء الاحزاب دي منو ما يعرفوهم ليك . .
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عمر سعيد علي)
|
القصة أدوار تكمل بعضها بعضا يا عمر, في المقابل ولولا الأحزاب و توافقها على ميثاق الحرية و التغيير و قيادة الثورة و وضع أهداف تعمل لأجلها لما كان حظ ديسمبر 18 بأفضل من سبتمبر 13 و يونيو 12 و غيرهن على طول عمر الانقاذ!
مافي ممارسة ديمقراطية حقيقية بلا أحزاب, كل التجارب التي حاولت الغاء و تقييد حرية الشعوب في التنظيم و الانضمام لأحزاب كانت تجارب فاشلة
ما نريه ليس الغاء الأحزاب لكن ان ترتقي و تتطور و تلحق بالشارع الفايتها مسافة
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: محمد البشرى الخضر)
|
طيب يا ود البشرى ما تبقى منصف
وتخت يدك في مكان العِلة
الشيوعين هم من إرتكب حماقة وخطفوا تجمع
المهنيين لصالح أجندة ضيقة...
الإصلاح يبدأ بالتصدي الشيوعين وزجرهم
عشان يقيف الصراع جوة قوى الثورة وتستمر
الكتلة موحدة.. الناس تواجه محاولة تمزيق الكتلة الثورية
القام بيها بعض من الشيوعين ولم يستنكر
الحزب الشيوعي هذه الفعلة المشينة في التحالفات
دي المشكلة يا ود البشرى
الغتغتة وباركوها وخلونا نلم القصة دي
بدون إدانة الجهة التي غامرت وخطفت تجمع المهنيين
ليس من الحكمة في شئ... خلونا ننتهي من القصة دي بدري
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
الصراع دا فقط المستفيد منه العساكر و قوى الردة يا عبد العظيم
ببساطة الشارع تجاوز تجمع المهنيين و على استعداد لتجاوز الحرية و التغيير كلها, ليه لأنه الشارع عارف مشكلته مع منو و انه دي تحالفات مرحلية و ح ينتهي غرضها بمجرد الوصول للانتخابات
تجمع المهنيين دوره في قيادة الثورة انتهى و الآن مفروض يكون تحول لنقابات و انتهى بشكله القديم, المشكلة الحزبية الفيه واضح انها بغرض السيطرة على نصيبه في المجلس التشريعي ليضاف لنصيب كل حزب في الحرية و التغيير
عشان كدا الناس غسلت ايدها تماما من الحصل وتركتكم تصطفلوا
بعدين بدون الدخول في تفاصيل, من ناحية عملية و اجرائية الحصلت دي انتخابات لو شابتها شوائب يبقى الوسيلة للطعن فيها معروفة واجراءاتها كذلك
ما من ضمنها التراشق الاعلامي و تهكير الصفحات
دي معركة حزبية ما عندنا ليكم فيها حاجة
بس العبوها بنزاهة وحسب القواعد فا الممارسة الديمقراطية الجاية من ضمن اصولها التدافع الحزبي و التنافس و التحالفات و غيرها, انكربوا و اكربوا حزبكم وزبطوا القواعد واشتغلوا عليها, الانتخابات ما بتكسبها بعلم و بس
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
إجرائيا ما في غلط حسب المعلومات القريتها اي احتجاج على اجراءات الانتخابات مفروض يتقدم طعن بشكل رسمي في الاجراءات
لكن لو عايزني اغلطهم على شطارتهم في كسب الانتخابات ما بتلقاها مني
تبقى قصة انو ليه اساسا تكون انتخابات تافسية وليس توافقية دي آراء وتقديرات ما في ستاندر لدا صاح ودا غلط
لو علي أنا الوفاق هو الخيار الافضل لكن من يرفضه ما بقول عليه غلطان طالما التزم بقواعد الانتخابات بلا تزوير مثلا
لكن النديك النصيحة! تهكير الصفحة غلط من الساس للراس و لا فيه قولان
| |
|
|
|
|
|
|
|
|
|
Re: أعلام الإتحاديين اليوم سترفرف فوق سماء ال (Re: عبدالعظيم عثمان)
|
حبيبنا عبدالعظيم .. تحياتي ..
نعم اعلام الاتحاديين كانت مرفوعة ..
رغم أنني غير متحزب ولا اتبع أي حزب ولكن هذا العلم
يرجعنا الى ذكريات ايام الصبا والشباب .. السودان الجميل
قالوا علم ده اصبح لدولة افريقيا ( تقريبا سيراليون )
تحياتي الحبيب عبدالعظيم .. عايشين على الذكريات .. ما في واقع
| |
|
|
|
|
|
|
| |
عبدالعظيم عثمان
adil amin
محمد على طه الملك
محمد البشرى الخضر
خالد العبيد
عمر سعيد علي
علي عبدالوهاب عثمان
فيس بوك
تويتر
انستقرام
يوتيوب
بنتيريست